الأحد، 14 ربيع الآخر، 1429 هـ

!! سوووو اتشتم .. بالانجليزي

داخل ولا بي ولا علي اتابع التعليقات بتاعة الناس اللي بتقول رأيها في اللي باكتبه .. اقوم الاقي تعليق جايلي بالانجليزي بيقول التاتي
------
غير معرف يقول...
i ve visited ur blog more than once just to figure out what it is about then at last i figured out that i wasted my time, the country is experiencing a turning point man and u r writing this shit? what is the purpose of these posts, u r no artist, no good writer, u have no style and talking about silly things and i dont mind being silly if u have an artistic style or at least a nice sense of humor but u
dont plus: damak te2eeeeeeeel
why dont u find urself something useful to do
------
قريته مره تانيه لقيته نفس الكلام
!!!
قلت بس .. انا هقراه مره تالته كمان يمكن ما اكونش فاهم حاجه كده ولا كده
وسبحان الله .. قريته للمره التالته لقيته نفس الكلام برضه
سبحان الله يعني
ولكاتب هذا التعليق اسمحلي اني افند كلامك وتعليقك نقطه نقطه وجزء جزء
-----
غير معرف يقول...
اول كلامك هروب .. لانك لو ماكنتش خايف من كلامك كنت على الاقل كتبت اسمك بدل مانت بتتستر ورا كيان بنقول عليه بالبلدي .. اللي مايتسماش
-----
i ve visited ur blog more than once just to figure out what it is about then at last i figured out that i wasted my time,
الترجمه : لقد زرت مدونتك أكثر من مره لمجرد فهم ما تتحدث عنه وأخيرا اكتشفت قد أضعت وقتي
لا ياشييييييخ .. لاهو انت شغال في مجلس الوزرا واتخاذ القرار ووقتك ثمين للغاية كده .. طب لو انت وقتك مهم جدا زي مابتقول .. ضيعت وقتك ليه في كتابة التلعيق وهتضيع وقتك عشان تشوف ردي عليك
وانا متأكد انك هاتيجي تاني لانه في مثل قبيح بيقول .. العلـ. بتجيبه طيـ.ه
-----
the country is experiencing a turning point man and u r writing this shit?
الترجمة : البلد تختبر نقطة تغير يا رجل .. وانت تكتب هذا الخرا
ويالها من كارثه .. ياللهول .. نعم يا فتى انا اكتب هذا الخرا .. وهذا الخرا افضل من من أفضل ماتكتبه انت يا رجل .. عليك اللعنه
!!! ايه الفيلم الانجليزي اللي مترجم حرفيا اللي وقعت فيه ده
ولو البلد فعلا بتمر باختبار وتجربه جديده .. يبقى سيب الافكار الجديده تعبر عن ثورتها وعن رأيها .. ولا هو كل المدونات لازم تتكلم عن حزب الغد والاخوان المسلمين وكفاية والحزب وطني .. طب ده في مدونات بتتكلم عن الموضه وعن الديكور وعن الاكل .. وعن السكس كمان
-----
what is the purpose of these posts,
الترجمة : ماهو الغرض من الموضوع الذي طرحته ؟
والله مش ذنبي انك حمار ومش عارف تقرى مابين السطور ولا شايف اني بانتقد الحياه اللي احنا فيها من خلال طفل طخين بيتعرض للحوارات دي .. ولا تكونش انت اصلا مسلوع وبتحقد على الطخان الكلابيظ اللي زي حالاتي ؟؟؟
-----
u r no artist,
الترجمة : انت لست بفنان
والله يا حيلتها انا لما درست الفن في الكليه وانا اصلا خريج كلية فنيه وخريج كلية فنون تطبيقيه وخدت دراسات حره في السيناريو وفي الاخراج المسرحي والسينيمائي وفي مجالي كمهندس ديكور .. قالولنا ان الفن ككلمة لا تعريف له
ولكن الفلاسفه اجمعو على ان الفن هو الشيء الذي يعمله الانسان بالفطره وبالموهبه ويلاقي استحسان الناس .. وعندها يقال لهذا الانسان انه فنان من وجهة نظر من استحسن أفعاله وأعماله
يعني تخيل بقى يا حيلتها ان واحد زي عبد الباسط حموده المطرب الشعبي الشهير ولا احمد بليه ولا محمود الليثي المطربين الشعبيين العشوائين طول مافي ناس بتحب تسمعلهم يبقو دول فنانين من وجهة نظرهم .. واللي بيقدموه بالنسبه ليهم فن .. والحمدلله اللي باكتبه بيلاقي استحسان بعض الناس وبيشجعوني عليه
-----
no good writer,
الترجمة : ولست بكاتب جيد
والله يا غير معرف يا اخويا .. ولا بلاش اخويا دي عشان انت محروق منني وممكن تقتلني بالليل لو احنا اخوات ونايمين في بيت واحد .. والله يا غير معرف ياللي انت مش اخويا والحمدلله على كده .. مفهوم الكتابه نفسه كمفهوم اختلف على مر العصور .. اقرى حاجات البحتري والمتنبي وابن القيم و قارنها بحاجات عباس العقاد وتوفيق الحكيم ونجيب سرور وصلاح جاهين وقارنها بحاجات يوسف عوف ويوسف معاطي وقارنها بحاجات نبيل فاروق واحمد خالد توفيق وقارنها بحاجات بلال فضل وعمر طاهر - وانا لا بقارن نفسي بدول ولا بدول وما اجيش حاجه جنب كتاباتهم ولا فكرهم - وانت هتلاقي ان كل وقت وليه ادان .. مش ذنبي بقى انك متخلف وعايش في العصر الحجري ومش راضي تقتنع بوجوب التغيير في المفاهيم الكتابيه .. ولا اه صحيح نسيت .. انت تلاقيك مستني اللي يغيرلك
-----
u have no style and talking about silly things
الترجمة : بل انك ليس لك اسلوب في الكتابه عن الاشياء التافهة
لو تغاضينا عن ان اللي باكتبه من وجهة نظرك تافه ولا يرقى لمستواك الفكري والفلسفي .. وتغاضينا برضه عن انك شخصيه يالهوي يالهوي يالهوي وياما هنا ياما هناك ووسع ياعم انت وهو سعادة غير معرف وصل وبيقول رأيه المهم .. هنتغاضى عن كل ده وهنمسك في الاسلوب
مش يمكن عدم وجود الاسلوب هو نفسه اسلوب .. مش ساعات بتشوف واحد ماشي في الشارع ولابس قميص عادي وبنطلون عادي وجزمه عاديه وماشي عادي .. مش يمكن ده احسن من انه يمشي عريان ولا انت عايزه مايمشيش من الاصل بما انه عادي
بقولك ايه .. ماتوريني انت اسلوبك يابو الاساليب يا محنك
-----
and i dont mind being silly if u have an artistic style or at least a nice sense of humor
الترجمة : وأنا لا اعارض السخافه اذا كان لك اسلوب لاذع او على الاقل حس كوميدي جميل
بص يا حيلتها .. زمان لما عِلي نجم عادل امام وعِلي قوي .. طلع محمد صبحي وقالوله محمد صبحي هيمسحك .. ولما طلع احمد آدم قالو لمحمد صبحي احمد آدم هيمسحك .. ولما طلع نجم هنيدي قالو لآدم هنيدي هيمسحك .. ولما طلع محمد سعد قالو لهنيدي سعد هيمسحك .. الواقع بقى ان ده شغال وليه جمهوره وده شغال وليه جمهوره وده شغال وليه جمهوره .. مش ذنبي بقى انك مش من جمهوري وانك شايفني ماليش لازمه
ياعمنا ورينا انت اعمالك اللي واخده جايزة نوبل في الاداب وجايزة اوسكار احسن مؤثرات صوتيه
بس ماتكون مؤثرات صوتيه بريحه عشان انا باقرف
-----
but u dont plus: damak te2eeeeeeel
الترجمة : ولكنك لست كذلك اضافة على ان دمك تقييييييييييييل
حتة اني (لست كذلك) .. راجع الجزئيه السابقه وانت هتفهم .. اما بقى حتة ان دمي تقيل .. فدي مش شتيمه على فكره .. دي صفه .. وكل انسان ليه قبول .. والقبول هو اللي بيحدد اذا كان شخص دمه تقيل بالنسبه لشخص بينما ممكن يكون دمه خفيف بالنسبه لشخص تاني .. والقبول ده بتاع ربنا وانا ماليش فيه زي مانت مالكش فيه ان في ناس بتقرى كلامي وبيعجبها وشايفه ان دمي ممكن يكون خفيف من وجهة نظرهم
ولا انت معترض على ارادة ربنا وانه حط قبول لكلامي من وجهة نظر .. اعترض بقى على ارادة ربنا
-----
why dont u find urself something useful to do
الترجمة : لماذا لا تبحث عن شيئ مفيد لتفعله ؟
وانت مال اللي يعرفوك ياعم .. انت مالك ادور على حاجه مفيده ولا ما ادورش .. انت جايلي في مدونتي ومش عاجبك كلامي وبتتكلم وبتشتم .. ماتغور في اي مدونه تانيه يابهيم .. سوري اني باشبهك بالبهايم لان البهايم احسن منك والله .. انت غريب قوي .. داخل بيتي وقاعد فيه من غير ماتعرفّني انت مين وبعد ما دخلت وقعدت وكلت وشربت جاي تقولي اكلكم وشربكم وحش ده غير ان بيتك مش شيك وذوقك وحش .. طب وانت اصلا مين وجهلك دعوة تدخل بيتي ولا مدونتي اصلا .. اما انك سافل وقليل ادب صحيح .. لو لقيتني باضيع وقتك الثمين من اول سطرين لقيت اني باكتب حاجات هبله غور على اي مدونه تانيه ولا قوم اشتغل في حاجه مفيده وعمّر الوطن وغيّر نظام الحكم واقلب الدنيا بدل مانت جاي تتكلم وتعلق وضيعت وقتك
وعلى فكره
انا عارف انك هاتيجي تاني .. وعارف انك مستني تشوف رد فعلي .. لكن احب احذرك .. انا لساني اطول من اي لسان فيكي يابلد
وسهل جدا اني اجيب سلسفيل اهلك من اول ما اتولدو لاخر واحد فيهم .. لكن انا مش هعمل كده .. مش عشان انا محترم ولا عشان خايف منك .. لا .. عشان لو قلت كلمة تانيه هاديك بشبشب الحمام على بؤك وعلى بؤ كل اللي يتشددلك مهما كان هو مين .. فاهمني يا حيلتها
------
--------
شوية ملاحيظ في السوكومونس
اكتر حاجه بسطتني في حوار الاهبل اللي علق ده اني حسيت اني نجم بجد .. اه والله فرحت لما لقيت ان في ناس بتتكلم وبتضيع وقتها عشان تقوللي رأيها ده لو عندها رأي اصلا .. حسيتني حاجه كبيره والغرور ركبني .. شكلي بعد كده هعمل دخول مدونتي بفلوس .. الواحد عايز قرشين يشتري بيهم شاليه في مارينا واحنا داخلين على صيف
-----
شكرا لكل واحد اتحمق ودافع عني .. وشكرا لكل واحد ما اتحمقش ولا قال ربع كلمة
والمثل بيقول .. اعرف صاحبك وعلّم عليه
وانا دلوقتي بس عرفت مين هم صحابي
سوووو

هناك 121 تعليقًا:

الشنكوتي الكبير يقول...

انا الأول ولا ايه يا جدعان
هيييييييييييييه

Doba يقول...

هييييييييييييه
هيييييييييه
هييييييييه

وهاخد أول تعليق عند البطل العالمى سوووو ذى الشهرة الواسعة والعريضة بين خير المدونين

روح يابنى ربنا يبارك فيك
ويوسع رزقك
ويبارك فيك

وسلامى للمعروف
او غير المعروف

هبة

الشنكوتي الكبير يقول...

بص يا معلم
للأسف في ناس عايشه وسطينا اتفه من اي حد قالته في حياتك لا ليه هدف ولا هو بيفهم اصلا
لكن الحل العبقري ايه انه لقى مساحه يعمل فيها بيفهم وبيقول رايه حتى بالشتيمه وقلة الزوق كمان

وكل ما يحرق دمك يحس انه مؤثر وبيعرف يتكلم ابن امه اسم الله عليه

وتخيل بقى لما الفرصه انه يشتمك من غير ما يضطر يكتب اسمه ولا انت هتعرف تقفشه من قفا امه وترزعه علقه لأنه اكيد اترزع على قفاه طول عمره فما صدق عرف يستخبى في حته وبرده يقل ادبه

الموضوع بقى منتشر قوي في المدونات يا كبير

واضح ان فيه حزب للمغفلين امثاله وبيقعدوا فرحانين بهبلهم وارائهم الغبيه
واراهنك انه مقرأش حاجه عندك خالص
ولا عند غيرك ووقته كله يتنقل زي العبيط بين المدونات يقل ادبه ويعمل فيها ابن الناصحه

انا مشفتش تعليقه لما علقت المره اللي فاتت اصله جه بعد مني

لكن تسلم ايدك يا مان وضبته حلو

وعموما اللي زي ده جبان اصلا يعني متفتكرش هيجي يقولك انا فلان ورايي زي ما هو لا هيختفي اصلا لحسن تلاقي طريقه وتقفشه
دي عالم جبانات
وعلى رأيك عل.. وهتجيبه طي.. لكن ممكن المره دي يمسك طي.. وميجيش خوفا عليها من الب.....

سلاااااااااااااااااااااااااام
وما عاش اللي يزعل سوووووووووو

مهندس مصري يقول...

فاكر لما اتناقشنا على البورصة في موضوع التعليقات بتاعة الشتيمة
و انت قلت نفسي في حد يعمل كده علشان أمسح بيه البلاط
أهو ربنا حقق لك اللي في نفسك
انت الظاهر مبروك يا سوو و فيك شئ لله
:)
ههههههههههههههههههههههه
أنا لسه داخل دلوقتي و شايف الحوار
عموماً انت ضبطته
و الى الأمام يا سوو مهما قال الغير معرفين

appy يقول...

هو انا مش رديت عليه
انما ايه ده يا اخواتى سكر طالع من بولاق الدكتور
ايه الردود دى حسه واحد طول النهار قاعده قى قلعه الكلابش دى
لااااااااا انا اخاف بقى
طيب بعين بتغمز كده كده اللسان اللى بيطلع الكلام ده هو هو اللى بيطلع الكلام الجامد التانى
اللى على البلوج يعنى
دا انت دماغين بقى
اما الانونويمس ده مريض اقولك اعمل زى ما قولت لك قبل كده رش فيلت فى المدونه
علشان الصرصارات دى تطله من هنا

فاتيما يقول...

يا سوووو
الله يخرب بيت اللى يزعلك يا جرع
انت ظبطته خالص
بتعمل الحاجات دى إزاى ؟

خمسة فضفضة يقول...

السلام عليكم ورحمة الله وبركاته

ههههههههههههههههههههههههههههه

يا خبر ابيض دا انت قلبك اسود اوي
يا سيدي الراجل كان في حد خانقه قام قال ما ادخل اهدي اعصابي بكلمتين ابخهم في اي حد وطلع من بختك انك تكون هذا المحظوظ

هههههههههههههه

زي ما محمد مهندس مصري بيقول والله اول ما قريت الموضوع افتكرت علي طول كلام ليك تقريبا كنت قريته عند خيخه او مش عارفه عند مين لما قلت اللي هايقل ادبه في التعليقات هامسح بيه البلاط
ههههههههههههه
بس المشكله بقي ان الناس اللي زي دول بيبقوا جبناء وبيخافوا يكتبوا اساميهم ، وما تفتكرش انه فعلا غير معرف ، اقطع دراعي انه واحد عنده بلوج ومشهور كمان وبيتابع بوستاتك اول باول بس الغيره عامله عمايلها معاه حبتين

عموما اهو خد اللي فيه النصيب


سلام يا سوووووووووووووو

هناء يقول...

هو بيقول ان دخل مدونتك اكثر من مرة طيب الي مش عاجباه المدونة علاش يدخلها ثاني...ناس مريضة و حتى لما تتبلى بليدة

Nani يقول...

السلام عليكم
سووووو
الله يحرسك ويبعد عنك كل المهابيل

واحد من البلد دى يقول...

شوف بقى يا معلم...أنا ليا عندك عتاب بسييييط...إنت غلطان أصلا إنك رديت...ضيعت وقتك ووجعت صوابعك ووسخت لسانك(على أساس إنه نضيف أصلا)هههههه كنت سيبك منه و أكتب لنا حلقة جديدة يا بخيييييييل....وعلى رأى الشاعر(اللى هو مش أنا طبعا)..
فإن يحدثك السفيه فلا تجبه
فخيرا من إجابته السكوت
فإن كلمته فرجت عنه
وإن أهملته كمدا يموت.....
كنت إنت بقى سيبه..يموت ..يموت....يا كوتو موتو...ولا يهمك يا كبييييييير...فإن ذهب سوووووو..فكلنا سووووووو..كلنا سووووووو....تحياتى لك

شيماء الجيزى يقول...

بص يا عم احمد يا سو بعيدا عن الفاظك اللى يعنى هى يعنى
ولا بلاش
نيجى لتعليق الاخ اللى مش عارفاه ده
انا هقوله كلمه دايما بقولها
المدونات دى اتعملت ليه يا استاذ؟
علشان نتكلم بحريتنا
وعلشان المدونة دى بيتى
يعنى ينفع يا استاذ اجى بيتك واشيلك ملاية السرير بتاعك واقولك ايه اللون المقرف ده اللى انت مختاره

طبعا ميصحش
انت حر
وسو حر
وانا حره

دى حاجه يا بشمهندز
الحاجه التانيه على رأى سو باشا
ان كل فن وله معجبين
وكل كاتب وله بردو معجبين
حضرتك مش معجب تروح للى معجب بيه

لكن مش تيجى تقول كلمتين مش هيأثروا ابدا لا فى الكاتب ولا فى الناس اللى بتقرأله

وكفاية كده علشان انت اخدت اكتر من حجمك

وانت يا عم سو بالراحه شوية على اعصابك
ومش كل حاجه تافهه تديها اكبر من حجمها
حطها فى الميديم
مش لازم الاكس لارج

تحياتى يا جميل

بت خيخة وأى كلام يقول...

طب انا مشوفتش التعليق ده يا سووو
وحتى لو كنت شفته بصراحة ماكنتش هاقراه
لانى مش بهتم بالانجليزى اوى
وانا عايزة اقولك على حاجة مهمة جدا
انت لولا انك كاتب ترجمة التعليق انا ماكنتش هاهتم بالبوست ده كله
اصل انا ثقافتى يابانى بعيد عنك

المهم طبعا بصراحة
اسلوبك برضه فى الرد على الشئ ده
فطسنى على روحى من الضحك
ولا المثل اللى انت كاتبه ده
ياخرب بيت شيطانك
ههههههههههههههههههههههههههههه
انا لو منك اقول ضع الحرف المناسب مكان النقط
هههههههههههههههه
ده انت طلعت بلوة

المهم يا جميل اوعى تزعل نفسك ابدا
وانت قلت بنفسك
بدال واحد متغاظ منك اوى جدا يعنى انت بقين نجم يا عم سووو
ومحدش هيعرف يكلمك بعد كدة
بس والنبى يا سووو بلاش حكاية الدخول بالفلوس دى
انت كدة هتخرب بيتنا

يلا سلام يا جميل واشوفك على خير دايما
اه صحيح
مش معنى انى مارديتش غيبتك انى خيخة اوى كدة
ده معناه انى بجد ماشفتش التعليق وحتى لو كنت شفته ماكنتش هاقراه لان انا تعليقات الانجليزى بتعملى حساسية
اهى فرصة اهى للى عايز يشتمنى يبقى يشتمنى بالانجليزى
هتلاقينى برد عليه واقول شكرا على مجاملتك الرقيقة


سلام
اختك خيخة

رئيس جمهوريه نفسى يقول...

العجوز الكبير الغالى
بص يا سيدى هى الظاهر شوطه ما شيه فى المدونات قله الادب اه واللهى انا لسه واحده على مدونه بيقول انه هزئنى علشان بوست نزلته بس ما علينا
شوف يا غالى هو مش عاجبه الى انت كاتبه حقه ويا سيدى ما تزعلش اختلاف الاذواق مطلوب انا بحب فاروق ومش بحب نزار بس الغلط الكبير بقه انه يتعرض لشخصك الكريم دى السفاله وقلت الادب وحلو المثل الى انت حطيته اصلها حاجه تغيظ بجد يا غالى تلاقى الواحد مش مقتنع برائيك او كتابتك بس داخل ليل نهار ونايم اكل شارب فى مدونتك طيب ما يشوف ليه حته ناشفه يقعد فيها
بص يا سو هى شكلها احيانا طلبت سفاله يا غالى
اسف مكنتش من ضمن الى تولى حملو الدفاع عنك لانى كنت فى اجازه وقطعتها بسبب واحد حياخذ على دماغه قريب
سو يا حبى ممكن تسلفنى شبب الحمام بعد ما اتخلص ضرب بيه
الى الامام يا سو ونصيحه اخ اعرض عن الجاهلين

nigro يقول...

أحمد بيه سوووو
يا حبيبي لا عاش ولا كان اللي يوجهلك كلمة كده ولا كده
أمثال مشمش ده مرضى نفسسين ندعي ربنا إنه يشفيهم أو يهديهم أو يولع فيهم
علشان تبقى البشرية ارتاحت من أمثالهم
بس إيه ده يا سوووو
انت بصراحة كنت بترد عليه بأدب قوي
و اللي زي ده لازم يترصّله صح
ماينفعش معاه الذوق

ما تشغلش بالك بكلام الرعاع دول
و يا سيدي انت الطخين بردك (:

إلا قولي يا أحمد هو انت ليه ماريّحتش دماغك و حذفت التعليق من أساسه
بدل ما تدّي أهمية للحاجة دي و ترد عليه
------------------------------
أنا ما قدرتش أسكت.. كسرت الحصار و جيت اقولك ان احنا
كللللللللللللللللللللللللللللنا
بنحبك و بنحب اللي بتكتبه
حتى لو كان نقط
بالغيظة في البعيد
إلى الأمام يا عبقري

سلام مؤقت

wanna b a physician يقول...

بص ياسو انا مش شوفت التعليق ده اولا
ثاينا انت ماكنش المفروض تعبره وترد عليه
لان اللى مش عاجبه كلامك وشايفه هيافه مش يخش يقرا
وبعدين هو عايز يعنى كل الناس تكتب عن السياسة والمجتمع وبصورة واحده صريحة
طيب مافى مشاكل انت بتزكرها فى الوسط
كبر دماغك ونفض
تحياتى

همس الاحباب يقول...

مرسى الزناتى انهزم يا رجالة
ايه يا عم سووو انت اول ما تشتم تشتم بالا نجليزى طب خليها عربى علشان نفهم طيب
بس بجد هو خد جزاته وجزاء عشرة جنبه
بس انت عارف انا زعلت منك فى حاجة
انك تعبت نفسك وعملتله بوست مخصوص ما يستاهلش والله
ده هايف وفاضى بجد
لما المدونة والكلام مش عاجبه ايه اللى جاب حضرته ما يترزع فى خرابة على جنب
وينقطنا بسكوته وحلوة دمك تقيل دى
على الاقل انت عندك دم وتقيل مش احسن من اللى ما عندوش خالص .
تحياتى يا باشا ولا يهمك الكلاب تعوى والقافلة تسير
تحياتى
خالد

aya يقول...

هو ايه الحكاية بقى


عارف يا سوووو يا خويا

حلو اوى اننا نعترض
بس نفسى افهم ايه اللى بين المعترضين وبين الطرق المتحضرة


بس بامانة
حلو اوى الدش اللى على سهوة اللى انت ادهتوله ده

وبجد عندك حق
انا مؤيداك ومعاك
واخترناه اخترناه

مش عارفة اعلق اقول ايه بجد
غير ربنا يكفيك يا سيدى شر المعترضين بطريقة غير متحضرة

والسلام ختام يا عم سوووو

brokenheart يقول...

مين ابن اللذين اللى عاب فى اخويا وحبيبي سووووووووو

معلش يا عم سو

مش اقدر اقول غير ان البتاع دة من اعداء النجاح ( دة لو فيه نجاح من اصله )

وعلى راى المثل اللى قال

القافلة تسير والكلاب تعوى

وسيب اللى يعوى يعوى ... وسلملى على جمعية الرفق بالحيوان

ojg يقول...

جااااااااااااامد موووووووز الدش الفظيع ده
أي نعم أنا لو مكانك كنت هكتفي بمسح التعليق مع محاولة ضبط النفس وكثيييييير من الضيق جوايا
بس أعتقد إن الطريقة اللي رديت بيها عليه،،هي الطريقة اللي ممكن يفهمها واحد زيه

هو أي نعم إختلاف الرأي لا يفسد للود قضية
بس الأخ بجد مش اتكلم بطريقة موضوعية
وكان بيقول كلام وبس وفعليا شكله مش قرا ولا بوست بجد عندك
يبقى ده مش اختلاف في الرأي بقى ويفسد للود مليون قضية

إحنا رجالتك يا كبير
وجاهزين في أي خناقة
:)
إتصل بيا بس وماتخافش أنا عامله التليفون سايلم :))

غير معرف يقول...

و الله أصبحت أخجل أن أعلق عند أى مدونة كونى أستعمل غير معرف بالصراحة حاجة تجلب الحزن أن يدخل إنسان و يعلق تعليق سمج الا يعلم قول الله تعالى "و ما يلفظ من قول "
..و هو لا يستحق الدخول معه فى حوار
أحبك فى الله أستاذ أحمد
أبو خالد

غير معرف يقول...

it's my 1st time 2 read something 4 u bas begad ana etbasat awy we i like ur way awy gedan 5ales ya 3am elnegm ;)
Metsi

Desert cat يقول...

بقى يا سوووووووووو
عايز تعمل مدونتك بفلوس علشان البؤين اللى الجربوع ده قالهم لك
على كدا انا اعمل دخلو مدونتى بالدولار ده اان عمال اتشتم فيها من يوم ما عملتها

زى الهوا يقول...

مش عارفة انا مش معاك خالص ياسو فى اللى حضرتك عملته دا , لأنك اديتله حجم اكبر من حجمه يوم ماعملتله بوست تترجم وتشتم وتنزل من اسلوب الحوار علشان خاطر ترد عليه , انا رأيى إن احسن رد عليه انك كنت ماتردش اصلا , او ترد بجملة واحدة وبكل برود علشان تحرق دمه , لكن حضرتك كدة بتقوله يافندم انت حرقت دمى , سورى على ردى دا بس دا رأيى مش علشان الموقف دا يعنى , لأن دا حد ماعندوش الشجاعة اصلا انه يقول اسمه , بس انا باقولها لحضرتك علشان دى حاجة هتفيدك فى حياتك بعد كدة , وسيبك من العالم دى ونزل جديد

Soooo يقول...

الشنكوتي الكبير

يا سيدي اول من عاشر مش فارقه .. هو انا بافرق لحمه ببلاش
بص يا ابو شالناكيت
انا تعمدت اني اعمل الموضوع ده بالرغم من ان في مليون حاجه اهم منه في دماغي والله
بس زي ماتقول كده هي طلبت معايا
اصل الحوارات دي كترت قوي الفتره اللي فاتت
يعني لو واحد مخنوق من واحد مدون تاني يروح داخل غير معرف وقايل اي كلام وجاري
انا تعمدت امسك كلامه واهزأه بيه
ولا جبت حاجه من بره ولا قلت مصطلحات زي الثقافه المتضاده وفن التحاور والكلام بتاع قناة الجزيره
اه مافهمش غير في حاجه واحده بس
هتتكلم بالادب والذوق اتقبل كلامك واحطك على راسي من فوق
غير كده بالشبشب
ونفسي مايمسكش طيـ ويجيلي وانا ابعـ .. ابعتر بكرامته الارض تاني وتالت ورابع وعاشر
اصل باحب البعتره




سلاموووووووووووز

Soooo يقول...

Doba

هنعتبرك اول مكرر يا ام يوسف افندي
وربنا يتقبل دعاكي يارب
وانا ياستي ولا بطل ولا عالمي
انا ابسط من كده
عالمي من غير بطل
الله
مش اتشتمت بالانجليزي
ابقى خدت العالميه يا جرعااااان


سلامي ليوسف افندي


سلاموووووووووووز

Soooo يقول...

مهندس مصري

هممم .. يعني تفتكر ساعتها لو كنت دعيت اني ابقى مليونير كان تم المراد؟؟؟

حيث كده بقى الواحد يدعي كل مايروح البورصه
شكل المنطقه اللي هناك فيها البركه

نورتني ياهندزه والله



سلاموووووووووووووز

Soooo يقول...

appy

اي نعم رديتي عليه .. بس انا حسيت انه ردك محترم ومؤدب زياده عن اللزوم
والاشكال الضاله دي ماتجيش غير بالسك
وانا احسن من يسك

وعلى فكره
انا كنت في قمة الاحترام في كلامي معاه برضه
بالك انتي لو جبتله حد من قلعة كلابش يرد عليه .. الدم كان هيبقى للركب

انما انا مسالم
وش واحد طالعله جناحات وهو بيبتسم



سلامووووووووووز

Soooo يقول...

فاتيما

احنا وقت الغلط .. بنقرقش زلط
طب ده انا كنت محترم
اي والله محترم

اوعي تقولي لمامتك احسن تزعل منني .. خليها كده مابين الاخوات

سلاموووووووووز

Soooo يقول...

خمسة فضفضة

وعليكم السلام ورحمة الله وبركاته

انا قلبي اسود .. طب ده انا غلبان وطيب بطريقه يالهوي علي وعلى طيبتي
ده انا ساذج

وهي دي جزاة اللي يبخ في اي حد من غير مايعرف هو بيبخ في مين

وياستي لو كان حد مشهور واتكلم بالذوق وبالادب وبالعقل والله العظيم ما هزعل
انما يقولي شيت
انا بقولي شيت
يالهوي عالبلد اللي هتشيت في بعضيها

نورتيني ونورني تعليقك



سلامووووووووووووووز

Soooo يقول...

هناء

يابنت عمي ده اللي خانقني
لما هو دخل ولقى الكلام هايف وهو وقته ضيق ومشغول .. كمل الموضوع ليه
مايسيبه ويروح يعمل حاجه مفيده احسنلو

عجبتني قوي كلمة علاش .. انا لازم اخد كورسات جزايري عندكم بجد
عشان لما تيجي هناء اختي لازم اعرف اتكلم معاها او على الاقل ابقى فاهم

نورتيني ويارب تفضلي منورة المدونه على طول


سلامووووووووووووووز

Soooo يقول...

Nani

يا قهلا بأول من خفف من حالتي النفساويه لما قريت الكلام ده
ربنا يكرمك ويارب يارب يحميكي ويبعد عنك وعننا كل المخابيل .. اللي هم المهابيل برضه يعني
والله يابنتي كل يوم بازداد احترام ليكي ولجدعنتك




سلاموووووووووووز

Soooo يقول...

واحد من البلد دي

ياخالي انا قادر اشيل التعليق بتاعه واريح نافوخي
بس الحوارات دي بقت ظاهره
وانا بس حبيت اقول لامثاله من اللي ماعندهمش اي فكر ولا قدرة على التحاور اني هنتقده وبمبدأه
هو قال مش فاضي
انا بقى فاضي ليه ولأمثاله

وياسيدي انا مش بتأثر بالحوارات دي صدقني
ونورتني وبجد سعيد بتعليقك وبكلامك



سلاموووووووووووز

Soooo يقول...

شيماء الجيزى

يعني اعمل فيكي ايه بس يا شيمو
قوليلي انتي اعمل فيكي ايه
انتي يابنتي بتختفي تختفي وتيجي في الظروف دي
انا والله ياستي حاولت اني امسك لساني على قد ما اقدر
بس اعمل ايه بقى
وبعدين ماهو اللي بدأ بالغلط ياستي
وانا ماعملتش غير اني وضحتلو ان بيئته وتربيته هي اللي افرزته على الهيئه دي
غلطت انا بقى

وياستي ياريت الله يكرمك ماتحرمينيش من زيارتك دي تاني
هزعل
وانا لما بازعل باكل اي حاجه قدامي
والصيف داخل وهيكبر كرشي وهتبقي انتي السبب



سلامووووووووووووز

Soooo يقول...

بت خيخة وأى كلام

طب تصدقي بالله .. انا عامل حوار الترجمه ده عشان باختلق عذر للناس اللي ممكن تكون اهملت انها تقرى تعليق جايلي
وياستي انا مش بلوه .. انا سوووو

ملحوظه
انا مش زعلان منك ومش شايفك خيخه .. ونصيحه خدي كورسات انزليجي عشان شكل الشتايم هتبقى لغات دلوقتي



سلاموووووووووووووز

Soooo يقول...

رئيس جمهوريه نفسى

يا سيادة الرئيس انت مش واخد بالك من نقطه تانيه غير انه واكل شارب عندي في المدونه
انه بيقول اني شيت
يالهوي
انا بقيت شيت
بعد العمر ده كللو يتقال اني شيت
دي حاجه شيت خالص

ملحوظه
لو عايز طقم شباشب حمامات متعاصه شيت موجوووووووود


سلامووووووووووووووز

Soooo يقول...

nigro

ابن المحله البار
انت ياد ايه اللي قومك من عالمزاكره ياد
قوم ياد زاكر انت عندك مشروع تخرج يابني
مش وقت مدونات ولا تعليقات
----
بس بذمتك مش انا محترم
شفت حد يتكلم بالادب ده
قول للناس اللي قالو اني لساني طويل
طب والله العظيم لولا بس اني عارف ان في ناس محترمه بتدخل هنا كنت قلت ايييييييه
يالهووووووووي

يلا بقى قوم زاكر ياد لاجي اعضك
وبعد ما تخلص ياسيدي نبقى نهري بعض تعليقات

ملحوظه
ماينفعش اني اسكت على كلمة شيت اللي قالها دي .. عارف لو ماكانش قالها .. كنت نفضت خالص وريحت دماغي .. انما يقوللي شيت واسكت .. ليه هو ابويا مخلف سوسن؟؟؟


سلاموووووووووووووووز

Soooo يقول...

wanna b a physician

يابرنس انا ماعملتش الموضوع ده عشان اديله اكتر من حقه ولا بتاع
بس عشان افهمو وافهم امثاله من اللي بيدخلو المدونات يشتمو الناس عالفاضيه والمليانه ان المدونه دي صاحبها وقت ماحد يجي يقولو ربع كلمة هاعرف ازاي اوقفه عند مقامه

والمشكله انه مش بيفهم
يعني قعد قد ماقعد وقرى قد ماقرى ومافهمش انا بقول ايه
يعني حمار رسمي

سيبك انت
مافيش احسن من اللمه الحلوة اللي احنا ملمومينها دي
نتلم عالخير دايما يارب



سلامووووووووووووووز

Soooo يقول...

همس الاحباب

ياباشا انا مش قاصد اديلو اهميه ولا اي بتاع
بس انا لقيت الحوار ده عمال ينتشر بين الناس قلت لا بقى
ده لازم ياخد على نافوخه عشان يتربى ويعرف ان الله حق
انما اذا كان علي والله ولا فارق معايا كلامه ولا الهطل اللي قالو
ده بيقول شيت ياعمنا

ملحوظه
تقريبا هو عرف ان ثقافتي انزليجي فحب يتكلم معايا حوار حضارات



سلاموووووووووووووز

Soooo يقول...

aya

الله ينور عليكي
اهو ده اللي يخنق بجد
عارفه لو كان قال التعليق بتاعه من غير قلة ادب ومن غير شيت اللي قالها دي .. والله العظيم كنت هحترمه وهحترم وجهة نظره
انما ده حماااااااااااار
وبهيم كمان
بدليل انه قرى قد ما قرى في المذكرات ومافهمش انا باتكلم عن ايه

وياستي الف شكر على دعمك وتشجيعك واحتيارك .. هابنلكم مستشفى وجامع



سلامووووووووووووز

Soooo يقول...

brokenheart

حليب قلبي هاني باشا رزق
اهو ده فعلا اللي يغيظك
يعني لا هو شاف مثلا ان عقود الاحتراف نزلت علي من السما ولا شافني اتغيرت وبقيت مليونير ولا بتاع
مانا زي مانا اهو وطالع تربنتيني عشان اعرف اعيش
وفعلا والله
القافله تعوي والكلاب تجري ورى العضم
دي حاجه ياساااااتر


نورتني يابو هاني والله
ماتجيب بوسه



سلاموووووووووووووز

مواطن مصرى نايم يقول...

على النعمة لو كنت شفتة
لكنت طلعت عين .........
بس انت فكك من العالم التافهه
دى و بعدين انت بتدون عشانه
اى حد بيدون بيدون عشان نفسة
يعنى انت ما طلبتش منه انه يتابعك او يدخل يزورك
و يا ريت اشوفة تانى حطلع عينه
بس انا و الله اليومين دول
دخلت فى جو المذاكرة
عشان كده اتأخرت فى الرد على هذا الشخص
الربع كوم
سلامى ليك و فكك فكك فكك من العالم الواطيه دى

Soooo يقول...

ojg

اهو انتي كده جبتي المفيد فعلا
ده لا قرى ولا فهم ولا نيل اي نيله
جاي يشتم وبس

ولا تقلقي
بمجرد ما الاقي السلاح الابيض اترفع علي
هارقع بالصوت الحياني واكيد هتسمعيني


ملحوظه
مش معايا رصيد .. ينفع ابعتلك رسالة الحقني شكرا؟؟؟


سلامووووووووووووز

Soooo يقول...

أبو خالد

يا استاذي انا قررت اعمللك مدونه واسميها صديق المدونين لانك بجد اكتر شخص محترم وبيتجاوب مع المدونين بألفه وحب واحترام
وبجد بجد بجد باحس اني باتكلم مع اخ عزيز علي جدا وكبير في المقام والاحترام وربنا وحده هو اللي يعلم معزتك في قلبي وعقلي قد ايه

هااا .. قلت ايه .. ابدأ على بركة الله ؟؟؟



سلاموووووووووووووووووز

Soooo يقول...

Metsi

سعيد جدا بزيارتك ويارب تفضلي منوراني دايما يا مي
وانا ياستي ولا نجم ولا حاجه
انا واحد عادي خالص بس حد اتجرأ وقال عني اني شيت
يالهوووووي
ده البلد هتولع النهارده يا جرعااااان



سلاموووووووووووووز

Soooo يقول...

Desert cat

تصدقي وتؤمني بالله ياقطه
انتي وخيخه تستاهلو يتعمللكم تمثال في ميدان رمسيس عشان خاطر استحمالكم للحوارات اللي حصلت معاكم
وهيبقى اسمه تمثال انونويمز .. غير معرف سابقا



سلاموووووووووووز

Soooo يقول...

زى الهوا

بصي يا موحه
انا ماعملتش البوست ده عشان ادي للاهبل اكتر من حقه خالص
بالعكس
انا عملته عشان لقيت ان في بعض المدونين بيتأثرو من الهجوم والشتيمه اللي بتتقال لهم
كنوع من انواع تشجيع المدونين انهم يسكو اي واحد يقل ادبه عليهم
اذا كان علي ولا فارق معايا كلامه ولا تعليقه حتى
ماحنا ياما خدنا شتايم وياما دخلنا خناقات وانضربنا
احنا جدعان قوي يعني

ارجو انك تكوني فهمتي قصدي يا مس

وماتختفيش كده تاني ونوري المدونه بزيارتك وبتعليقك



سلامووووووووووووووز

Soooo يقول...

مواطن مصرى نايم

حليب قلبي والله
وياعمنا ماتقلقش انا فاكك منه ومن كلامه الهبل اللي قالو
انا بس عملت كده عشان المدونين اللي كانو بيتشتمو وبيسكتو يتجرأو ويقولو للي بيشتمهم اخرس والزم مكانك
فهمتني
قوم زاكر يلا




سلاموووووووووووووز

لماضة يقول...

ههههههههههههههههه
يخرب عقلك
ده انت سيقت بيه ومسحت بلاط المدونة
بس عندك حق لانه تعليق يفرس بجد
كبر دماغك وسيبك منه

د/اجدع بنوته يقول...

هو انت ياابو نسممممممه

انا جالى نفس الحددددددد

وقالى انه جايلى م مدونه صديقه

وكمان لسوعها بنيران صديقه

وادانى كلام لا يقل سخافه عن اللى قلهولك

بل ويزيد

قالى انى جاهله وسطحيه ومش بفهم

ومش مثقفه وان ف نجارين ف بلده احسن منى اومال لو مش دكتوره بقى

وانى مثال سىء للشباب المصرى

ولشان كده بيقولوا علينا برا متخلفين

تخيل انا طلعت سبب تخلف مصر

ههههههههههههههههههههههههههههههههههههههههههههههههههههههههههههههههههههههههه

طبعا لا رديت عليه ولا شغل بالى اصلا

لان كل واحد عارف نفسه ع ايه

مش راى واحد ولا تلاته اللى هيفرق

Rehab Mostafa يقول...

انت عارف اني غايبه شويه عن التعليقات وعن التدوين كمان لكن حبيت أرد هنا

انت ضيعت وقتك انت بانك رديت عليه
اللي اعرفه اني مش عاجبني حاجه ماضيعش وقتي واقرأها ولو قريت وتابعت يبقى الحاجه دي عجباني حتى لو أنا مختلفه في الرأي لكن ولو عايزه اتناقش اتناقش بالمنطق لكن لو قلت كلام زي كده يبقى أنا مجرد انسانه مريضه وعايزه أحبط كل انسان بيقول كلام كويس

هي مش المدونه دي شخصيه واحياناً ساخره برضه ولا ايه ؟؟ هو مش كل واحد من حقه يدون ويكتب اللي حاسس بيه ويكتب اللي هو شايفه كويس ولا ايه برضه ؟؟ مش كل واحد بيتكلم من وجهة نظره الشخصيه في مدونته؟؟
الاجابه نـــــــــعـــــــم
خلاص خلصت وسيبك من العالم دي


------------------
اعرف صاحبط وشخبط عليه يا سوووو

غير معرف يقول...

والله يا اخ انا شايف انك اهتميت بية اكثر من اللازم دة كان اخرة معاك تقولة thnx 4 ur comment وخلاص مش تكتبلة بتاعة قد كدة وعلى العموم مبروك انك كسبت اول ناقد وبالتوفيق

اهو ده عيبه يقول...

ده مين ده اللى يستجرى ويزعلك
روح يا شيخ ربنا يكفيك شر ولاد المضايقه دول

وبعدين حاجة زى كده ابعتلى على طول وانا جاهزة بمطوتى فى جيبى اللى يزعلك انقرشله وشه زى كحك العيد

على العموم انت ظبطته وزياده ولو فى جسمه نقطه هيموجلوبين ميعتبش هنا تانى

الغريبة يا اخى انه يقولك ضيعت وقتى وهو تلاقيه صايع لا شغله ولا مشغله وعايز يقول انا موجود وخلاص

وده علاجه انه يقف فى بلكونه بيتهم ملط ويقول للى رايح واللى جاى انا اهه 3 مرات قبل الاكل وبعده

وعلى راى الشاعر اللى مش فاكرة اسمه:لو كل كلبا هوهو على القمته حجرا لخلصت الكلاب والحجارة

اصله كان بينشن صح:)

غير معرف يقول...

أخجلتم تواضعى يا أحمد
والله أنت إنسان جميل و شفاف
أبو خالد

MKSARAT SAYED SAAD يقول...

سوووووووووووو
اذا خاطبك السفيهفلا تجبة فخير من اجابته السكوت
ممكن يكون عندك حق انك ترد
بس لما تكون انت اعلى من النوع ده من الرأي
مش لازم تكلف نفسك الدخول في مهاترات
انت عارف يااحمد الواحد افتكر يوم ما كنا بنتكلم على التعليق واذا كنا نعمل عليه حظر ولا لأ وكان باين تحمسك في الرد على مثل هذه التعليقات لأن وجودها غير منطقي
بس برده انت احسن بحسن خلقك
بعيد عن اي مجاملات
حسن الخلق افضل بكتير
لو هتروح تتخانق قلي وانا اجي معاك انا والعيال
فوق كده :)
دمت بكل عزه وخير
اخوك سيد سعد

Z_Diva يقول...

ana olt lzm arod elzyra, we lma get iktshfy iny gt hna abl kda, bas knt mshet abl m5las kl elpostat we tht b3d kda b2a we mgtsh tany, bas ahy ml7o2a :D
asln rdk 3lih mf7m, wan aktar 7ga b2l2 mnha hma ela5wa elly zay elmghoul da, ygy 7d ydek klmten, we y2olk inta kza wa ket we bta3, we hma m7desh 3zmhm aslan, we mn 72 elnas inha my3gbhash sh3'lk aw sh3'l ay 7ad, bas msh lzm yshoot y3ny, 5sosan in hna elnzam 3'er, da msh ktab walla film walla mkal, we mfroud 3alkol, hna kl w7d by3ml elly howa 3yzo, welly by3gbo elklam bygy ytb3, msh by3gbo, byro7 ytb3 7gat tanya mashya m3 mzago, yalla 3mtan 7sl 5er
we keep up the good work
m3lsh twlt 3lik we r3'et kl3ada :)

somaya abozaid يقول...

اول مرة ازور مدونتك بس عجبتني واحب اقولك :
your answer was very good)
متخافشي دي مش شتيمة ، وربنا يوفقك بس اوعى تخلي المدونة بفلوس بعد كده ، هتبقى انت والحكومة علينا

Che The Hermit يقول...

سوووو باشا
سوري والله اصلي مش بقري كل الكومنتس وكمان انا جاي النهاردة اشوف الحلقة الجديدة الاقي واحد طلع عين اهله ولسه بتقول فيه تاني
كفاية اللى حصله اصلا
بس حلو الرد بتاعك
والله العظيم انت جامد
بس سوري يعني سوري دا لا يعفيك من مسؤلية الحلقة بتاعه الاسبوع دا وعلى فكرة انا مش بعلق عليها علشان مش بحب ادخل اقول حلو وجميل ورائع بدون اضافة حقيقة اى حاجة غير كدا برد عليها اكيد

محبتي وتحياتي
تشي أحمد

walaa يقول...

هههههههه
اوحش حاجه ان الشيتيمه بالانجليزى هو الاخ من امريكا
ولا هو ماله انت بتكتب وحش ولا حلو هو ماله لو مش عاجبه يطله
الناس بقت مش فاضيه غيير تشتم فى الناس حاجه بقت تغيييز
ربنا يهدى

ثانيا انا زعلانه منك
بقه لما تتشهر تخلى دخول المدونه بالفلوس
ليييه بس كده بس انا هدخل ببلاش صح
تحياتى وكنت محطتش الموضوع ده فى دماغك اصلا
ناس متستهلش حتى تعبرهم
نحياتى ولاء

rain man يقول...

طبعا اجمل حاجة فيا اني بطلع برة الموضوع خالص و اروح رايح في حتة تانية خالص

الاعلان ده انا عملته في كل المدونات اللي بحبها و طبعا مش هحرمك منه


يا جماعة حصل مشكلة في مدونتي القديمة
و لا استطيع إضافة المشاركات بها
لو كنتم مهتمين بزيارتي رجاء تفضلوا بزيارتي من الان فصاعدا على رابط مدونتي الجديدة
http://fatmaistheword2.blogspot.com/
سأنتظركم

كائن مائي يقول...

السلام عليكم

ههههههههه
ضحكتنى يا شيخ وانا بقالى كتير ماضحكتش
ايه ده يا حاج لم الملاية اللي فرشتها على قارعة الطريق ديه

هدي نفسيتك كدا .. سيرلاكس .. ده الدنيا منفاته .

ايه يعني واحد مش عاجبة كلامك .. لازم تتقبل الرأى والرأى الاخر
لان انت كدا مش ديموقراطى وانا هبلغ عليك امريكا واقولهم سوووو ده ديكتاتور انيل من صدام ويجوا يقصفولك المدونة يخلوها على الباكجرواند :)

ايه يعني واحد مش عاجبه كلامك
انا شخصيا لو جالى حد المدونة وقالى ايه الهراء اللي بتتكلميه فيه ده يا هبلة :D
هقوله لولا تباين الاذواق لبارت السلع يااهبل :D
واللي مش عاجبه ما يكلفش نفسه ويدخلها وشكرا مش مستهلة اعمله بوست مخصوص

هدى نفسك كدا .. ديه دنيا :)

تحيــاتى

somaa mahaba يقول...

يا نهار زى الحليب ابو شاى
مين شتمك يا سووو
وامتى حصل وبقى يا راجل متجيش تقولى تعالى اضربى معايا يا سومه
وبعدين تعالى هنا بقى نبقى كليتين شقيقتين ومنعرفش
محسوبتك فنون جميله وبالمناسبه كنت عاوزه اما اتخرج ادرس تصوير واخراج سينيمائى ابقى قولى وفيدنى ازاى بقى

بس المفروض كنت تعزر الراجل دا يا سووو
دا كاتب تعليق عنجليزى يعنى ثقافته فرينش مش فاهم الهندى اللى بتكتبه
وطبيعى يقراه ميت مره وبرضوا ميستوعبش
بس ليا عتب عليك بلاش تكتب امثال قبيحه تانى
وعلاج اى احمق اجتنابه
تحياتى ليك سومه_87

totaaaa يقول...

سوووووو باشا
والله انت جبت الغير معرف ده الشهير بحيلتها وغسلته ونشرته وظبطته تمام الواد هيحرم يعدى من هنا تانى ياسووو يلا عشان مايضيعش وقته الثمين قال ثمين قال
بص والله ياسووو ده انسان بجد متخلف ولو دى حتى وجهة نظره فما تتقالش بالطريقة دى ولو مش عاجبه فعلا المدونة بلاش يدخلها من الاساس
مايهمكش من كلام واحد بيتهيالى واضح انه الوحيد اللى مش عاجبه المدونة وبلاش والنبى حكاية المدونة اللى هتبقى بفلوس دى احنا لسه بنكون مستقبلنا ياعم سووووو
ولايهمك يااحلى عجوز فى البلوجر ده كله
احلى سلااااااااااام ليك

somaa mahaba يقول...

والله يا ابنى ما قريت تعليقه انا اصلا لو ملقيتش الكلام عربى بطنشه مليش فى الانجليزى...
دا مصيبه ايه دى انا تانى واحده معلقه بعد قرطاص اللب دا
بس والله بجد ما شفته
انت زعلان صح
:((
سومه_87

3ala asm masr يقول...

لااااااااااا استنى متعلمش انا معرفش حاجه ولسه عارفه موضوع التعليق ده ناوووووو
بس بينى وبينك عجبنى ردك اوى اه والله عملى دماغ

سهر الليالى يقول...

يا لهوى
بقى اغيب حبة ارجع الاقيك ماسك فى شعر حد
ههههههههههههه
بهنظر

روق انت بس يا عم الحاج
دة بقى العادى فى عصرنا دلوقتى ان الناس تدخل تلعن فى سلسافيل الحاجة اللى متعجبهاش مع ان عصرنا سهل علينا دة وعلى رأى اللى قال ايدك على الريموت كنترول غير وهات اللى تحبو

يعنى لو انا معجبنيش حاجة يا انقد نقد يعمل فايدة يا اما اقلب على حاجة تانية تعجبنى

وبعدين اصلا كلامك اللى ياخدو بسطحية لازم يكون رأيو كدة فمتزعلش

مبروك عليك الشهرة لان هما كدة المشاهير ليهم معجبين وناقدين
ماشى ياعم ربنا يسهلك بس ربنا يستر ومتتغرش علينا

تحياتى يا جميل

سهر الليالى يقول...

اه نسيت اقولك انو برضو حاجة شيك اوى ان الواحد يتشتم بالانجليزى مش كدة ولا ايه
هههههههههههههههههه

بس يخرب عقلك دة انت ظبطو ع الأخر

أماني يقول...

هههههههههه
كسفه...ولا أحلى
لكن أقولك على رأيي بصراحة...أنا شايفه إنك مكنش المفروض تنشر التعليق أو على الأقل لما تشوفه تمسحه...و لو هنقول الإنسان إللي بيقل أدبه بيسئ لنفسه أولاً...هقولك مضبوط لكن هل هو قال نفسه دي مين أصلاً؟ هو في الأول و في الآخر غير معروف و مهما كان حجم الإحراج إللي إنت أحرجتهوله فهو بينه و بين نفسه بس و ممكن يصحى الصبح يقولك صباح الخير و ولا كأنه هو صاحب التعليق

خلي بالك بقى من أي حد يقولك صباح الخير اليومين دول
:)

بت خيخة وأى كلام يقول...

سووووووو
نهارك ابيض
مش النهاردة التلات برضه ولا ايه؟
مش امبارح كان معاد الحلقة الجديدة
فين يابنى الحقنة
قصدى الحلقة

Tamer Nabil يقول...

شوف ياصاحبى


فى ناس كدة مخها على قدها


وانت كدة كبرتة بنشى البوست هنة بالكامل ومش هيبطل قرف تانى

------

وبعدين اية حكاية عجوز و30 سنة دى

طيب اعمل حساب الناس الغلابة اللى زيك

ههههه

تحياتى

زُمُرده يقول...

جئت على حذر بعد ان خطوت كثيرا ورحلت بأثار أقدامي لكني قد قررت اخيرا ان أتلمس التعليق لديك

شوفت ياعم اللغه العربي دي

انت افحمت الراجل
وان كان ليا تعليق لابس طقية الاخفاء لما تشيلها هتعرفه

الحمدلله
انت مش محتاج صديق ولا عدو عندك لسان بشعب مصر كلهم
ودماغ وثقافه واسلوب ربنا يزيدك

لما ييجي تاني قوله زمرده بتشكرك
غمزه
علشان خلانا نشوف حاجات احلى في سوووو
وخليته يعرف ناسه واصحابه

سلامااااااات
"من بقايا زمرده"

رندا يقول...

سووووووو

معقولة اول تعليق ليا يكون فى الظروف دى برضة ههههههه
ولالالالا يهمك ياسووو
انت اصلا وقتك مش فاضى للكلام الفارغ دة والناس الى زى دى
وواضح انة شخص من بتوع الصحافة الصفرا ههههههه
ياعم انت بقيت مشهور اهو
وبيكتبوا النقد عندك مع انة مش متحضر
بس هى دى الصحافة الصفرا
بقولك اية
شوف مين الى دافع فلوس علشان يدخل ويقول الكلام دة عندك
انا مستغربة بجد
كل واحد حر يكتب الى هو عايزة فى مدونتة والى مش عاجبة مش يدخل تانى
لكن يدخل ويكتب كل الكلام دة
اعرف انة بقى.... فاضى ومش عارف يعمل مدونة هههههههه
معلش ولا يهمك وسيبك من دة
انا عايزة البوست الى جاى
يكون بوم بوم قوى
وانا هعلق علية
ولا يهمك كلنا معاك قلبا وقالبا
بالروح والدم نفديك ياسوووو هههههههه
مش تزعل علشان كدة انا هزعل

تحياتى

رندا

ra7eel يقول...

سووووووو

سيبك انت من الناس الحقوده دى كبر دماغك

ده اهبل ده ولا عبيط ولا هو اللى شكله كده

بجد وحشتنى مدونتك جدا واكيد هرجع اقرا الحلقات اللى فاتتتنى بس مش دلوقتى انا بس حبيت امسى اجى الاقيك مشتوم وكمان بالانجليزى

ناس فاضيه صحيح

اجدع سلام لاخف دم فى علام التدوين كله
تصبح على خير ياسوووووو

هوندا يقول...

ايه العالم الرخمة دى هو نننسى ان دى فى الاول والاخر مدونة شخصيه ؟
يعنى لو الواحد هبل فيها حتى دى حاجة تخصه ايه الرزاله دى بجد ده حقد طبقى اكيد ههههههههههه

My Hope$ يقول...

ههههههههههه
انا هقولك هو لية شتم بالانجليش
علشان تبقي شتيمة شيك
احلي حاجة عجبتني
انة مش فاضي لكلام
عايزة اقولة هو حد ضربك علي ايدك وقالك تعالي اقرا
دي حاجة غريبةقوي
بس انت ظبتطة
بس انا بردة كنت شايفة انك ماكنتش شتمتة لانة ميستاهلش حتي الشتيمة
ههههههه بس مسخرةةةةةةةةةةة اللي يعيش ياما يشوف عجبتني قوي الحتة اللي بيقولك فيها دمك تقيلللللللل
حاسة والله انة حد بيهزر معاك
سلام

المنسى يقول...

إشاعات مغرضة ياسوووووووو
والله إشاعات مغرضة
أنا شخصيا بمجرد ما أقرا كلامك بضحك
ده ياراجل بقيت لما بفتح المدونة بضحك مقدما
أهم دول بقى مع إحتارمى لرأيه طبعا
بس واضح أوى إنه من أعداء النجااح
مش كده ولا إيـــــــــــه

Soooo يقول...

لماضة

طب بذمتك مش واحد زيه كان يستاهل يتمسح بيه بلاط المدونات كلها
والله يالماضه بافكر اخده اسيق بيه شوية مدونات تانيه

تحبي تحجزي ولا ربنا الحمدلله باعد الاشكال دي عندك؟؟؟؟



سلامووووووووووووز

Soooo يقول...

د/اجدع بنوته

يا بنتي انتي مش واخده بالك
هو اصلا حد اهبل داير على مدونات الناس وعمال يشتم ويتريق وبتاع
تقوليش فاكر نفسه ابن بارم ديلو
الا صحيح .. هو ازاي بيبرم ديلو؟؟؟؟




سلاموووووووووووووز

Soooo يقول...

Rehab Mostafa

والله يا روبي هو من ناحية انه مريض فهو اكيد مريض مافيهاش كلام
بس انا مش عامل الموضوع ده عشانه هو ولا بتاع
لأ
انا عامل الموضوع ده عشان اعرفه واعرف اشكاله من اللي عمالين يدورو عالمدونات يوسخوها بكلامهم .. ان منطقه ضعيف
لانه مافيش منطق اصلا
مريض بقى .. وربنا يبعده ويبعد الاشكال الضاله دي عننا
قولي يارب



سلامووووووووووز

Soooo يقول...

غير معرف

الكلام ده لو هو كان بينتقد موضوع .. مش بينتقد فكر كامل ولا شخص صاحب المدونه
لانه لو مش عاجبه المدونه ولا عاجبه شخص صاحب المدونه .. يغور في اي مدونه تانيه ومايورينيش وشه
ولا ايه؟؟؟؟


سلامووووووووووووز

Soooo يقول...

اهو ده عيبه

خلي مطوتك في جيبك يا دوللي
الحمدلله لساني مبرد عليه وعلى اشكاله الضاله دي
وبعدين مين قالك انه عنده دم اصلا
اراهنك انه قاعد دلوقتي بيقرا كلامي وبيعيط زي العيال
وزي ليه
هو عيل اصلا

وعلى فكره .. اخر دراسات اثبتت ان الكلاب وفيه ومخلصه ومحترمه جدا
يعني ده ماحصلش كلب حتى

نورتيني والله




سلاموووووووووووووووز

Soooo يقول...

ابو خالد

والله العظيم انا باعزك قوي .. وعشان كده انا قررت انا واابي اننا هنعمللك بروفيل خاص بيك على الجووجل وبلوج سبوت بحيث انك تعرف تتفاعل معانا من خلاله .. لاننا قافلين التعليقات من الغير معرفين
لكن انت سيد المعرفين .. وصديق المدونين

نورتني والله وباحبك كده لله فـ لله من غير ما اشوفك



سلامووووووووووووز

Soooo يقول...

MKSARAT SAYED SAAD

عارف يابو السيد
انا والله ماكنت هارد على هبله وكنت هاحذف التعليق وخلصنا
بس لما قعدت مع نفسي قلت طب ليه يعني .. هو اتكلم وقال رأيه في .. يبقى من حقي ومن حريتي الشخصيه اني اتكلم انا كمان عنه وعن رأيي الشخصي فيه
وواحده بواحده والبادي اهبل

وماتقلقش يابرنس .. شايلينك لوقت عوزه يا ابو السيد



سلاموووووووووووووز

Soooo يقول...

Z_Diva

طب تصدقي اني لمحتك عندي في المدونه وانتي بتتفسحي وبتقري المواضيع بس اتشغلت في شوية حوارات

عموما ياستي نورتيني والله واسف على التأخير في ردي على تعليقك
بس ظروف الشغل على الحياه خدتني شويه
والحمدلله اديني رجعت
وعلى فكره .. اللي زي ده مش فاهم هو بيقرا ايه ولا بيقول ايه اصلا
ده عبيييييييييط


نورتيني ويارب تفضلي منورة المدونة بتعليقاتك وتعتبري مدونتي زي مدونتك تمام




سلامووووووووووووووز

Soooo يقول...

somaya abozaid

يافندم الف شكر وربنا يكرمك يارب
والحمدلله ان المدونه عجبتك ويارب تفضلي منوراني دايما وتتابعي مواضيعي المتواضعه اللي على قدي

وماتقلقيش .. انا مش مع الحكومه في خصخصة المدونات



سلامووووووووووووووز

Soooo يقول...

Che The Hermit

يا تشي انت تنورني في اي وقت وتقرا اللي تحبه واعتبر انك علقت كمان

هو انا عندي كام رفيق يعني

وبعدين صدقني اللي زي الواد ده لازم يتسك بالجزمه على قفاه عشان يتربى
ولو سكتنالو هيدخل بحماره .. ولو ان حماره هيكون احسن وبيفهم عنه




سلامووووووووووووووز

Soooo يقول...

walaa

ماهو هو ده يا ولاء اللي محيرني
لما انت مش عاجبك الحياه هنا ومش طايقها والحقد والغل والكره واكلينك كده .. جاي تهفلط في اي حاجه ليه؟؟؟

وماتقلقيش
مدونتي مجانية ولكل الشعب
انا ابن المنطقه برضه .. ومايرضينيش اني اخد الصالح بالطالح



سلاموووووووووووز

Soooo يقول...

rain man

والله انت يا رجل المطره واحشني
والله بجد ياميدو انا باعزك قوي
وبعدين ايه يابني ده
انت لحقت تتهنى برجوعك للتدوين لما مدونتك تضيع؟؟؟

عموما سيتم تعديل اللينك المحطوط على المدونه وسيتم زيارة مدونتك ومباركتك على المكان الجديد
ويجعلو عامر



سلامووووووووووووز

Soooo يقول...

كائن مائي

هراء؟؟؟
انتي جبتي الكلمة دي منين يابنتي
شكلك بتتفرجي على افلام ترجمة انيس عبيد بتاعة ام بي سي تو

اقولك حاجه .. انا كنت ممكن اتقبل كلامه كللو لو مافيهوش احساس التعالي اللي بيتكلم بيه
لكن لما لقيته بيتكلم من مراخيره .. قلت لأ
لازم يتسك على مراخيره ويتعلم الادب

وكل مايجي هاياخد على قفاه


ملحوظه
اللي انا عملته اني قلتله زي مانتي قلتي .. قلتله انه اهبل




سلامووووووووووووووز

Soooo يقول...

somaa mahaba

على فكره بقى يا سوما .. انا سألتك مره في موضوع انتي كتبتيه انتي في كلية ايه لما جبتي سيرة انك في الزمالك .. وقلتلك انتي فنون جميله ولا تربية فنيه ولا ايه
لكن انتي تقريبا ماخدتيش بالك ومارديتيش على سؤالي

وياستي انتي بس اتخرجي من الكليه على خير ان شاء الله .. وانا هقولك تعملي ايه بالظبط


ملحوظه
لما واحد يقول كلمة شيت ويطول لسانه علي .. لازم ارد عليه بنفس ثقافته .. عشان يتعظ ويحط بلغه في بقو ويسكت



سلاموووووووووووووز

Soooo يقول...

totaaaa

ربنا يعمر بيتك ويخليكي يارب
انتي فعلا عندك حق .. ده واحد اهبل ومالوش لازمه في المجتمع وعمال يهفلط بأي كلام وخلاص
لكن جه عندي وطلعت النمره غلط
وادي جزات اللي يفكر يغلط في سوووو


ملحوظه
لا تقلقي .. مدونتي مفتوحه لكل الناس المحترمين اللي زيك وزي كل المدونين .. اما امثاله مالهمش عندي غير الجزمه .. والفرده الشمال عشان بتلسوع



سلامووووووووووووووز

Soooo يقول...

3ala asm masr

طب والله العظيم واحشاني ومفتقد طلتك الحلوة دي
ماتغيبيش تاني بقى
وانتي بس لو في حد مضايقك قوليلي عليه وانا اربيه زي ماربيت الاهبل ده



سلاموووووووووووووز

Soooo يقول...

سهر الليالى

ايه الامثال دي؟؟؟
فكرتيني بالمثل اللي بيقول
ياللي انت كده مرتاح وكده مرتاح .. في ايه .. ها .. ها

وعموما اهو خد اللي فيه النصيب


ملحوظه
النقد اني اتكلم عن السلبيات وعن الايجابيات .. انما ده زي مانتي قلتي .. سطحي وعبيط .. مايعرفش يعني ايه يتكلم




سلامووووووووووووز

Soooo يقول...

أماني

اولا اهلا بيكي ونورتيني ويارب مدونتي المتواضعه وشوية الشخابيط اللي باشخبطها تعجبك

ثانيا .. انا ماعملتش الموضوع ده عشان اديلو شهرة ولا دياولو .. هو مين اصلا .. انا بس حبيت اوضح لاخواتي المدونين انهم مايسكتوش عن اللي بيقلل من قيمتهم ويدوه على قفاه

مره تانيه بارحب بيكي وباقولك ياريت تعتبري مدونتي زي مدونتك تمام وتنوريني دايما بتعليقاتك ان شاء الله



سلامووووووووووووز

Soooo يقول...

بت خيخة وأى كلام

لا لا لاااا
حقنة ايه
انتي حد قالك اني شغال سوووورنجاتي؟؟
وبعدين انا اتزنقت والله في الشغل شويه
وبمجرد مافضيت اديني نزلت الحلقة اهو ويارب تعجبك

سلامي لشرفنطح



سلاموووووووووووز

Soooo يقول...

Tamer Nabil

اهلا بيك ياباشا في اول زياره ليك ويارب تفضل منورني بتعليقاتك وبزياراتك دايما وتعتبر مدونتي هي مدونتك تمام

وبعدين انا ولا شهرته ولا بتاع
ده غير معرف
يعني نكره
ولا يسوى في سوق البني ادمين ربع جنيه مخروم حتى


ملحوظه
العجز مش بالسن قد ماهو احساس الواحد انه كبر من كتر اللي شافه



سلامووووووووووووز

Soooo يقول...

زُمُرده

حسنا حسنا .. سوف اتحدث الى الدوق كي يحضر لنا فطيره بالسجق

انا يابنتي ولا لساني بشعب ولا ببلد
انا لما اكون على حق يبقى الحق معايا في صفي وربنا هينصرني
والحمدلله ربنا نصرني على الاهبل ده واتكلمت معاه بكل الطرق
واعتقد انه مابينه وبين نفسه مش لاقي اي منطق يتكلم بيه غير انه يحط لسانه في بقه ويخرس .. او ممكن تلاقيه ماشي في اشارات المرور وعمال يقول انا حسحس وحسحس انا


ملحوظه
ايه بقايا زمرده دي .. انتي مش كنتي روقتي وضحكتي والحياه بقت فل يابنتي




سلامووووووووووووووز

Soooo يقول...

رندا

ده انا في قمة السعاده انك شرفتيني الحقيقه
وبعدين مين قال ظروف وجوابات
ماحنا اهو زي الفل وبنضحك وبنهزر
هو بس اللي عمال يهري ويقطع في هدومه

لكن معذور برضه .. عبيط ودخل حارة سد

سعيد جدا بزيارتك وبتعليقك وياريت تعتبري مدونتي زي مدونتك تمام وتنوريني دايما




سلاموووووووووووووز

Soooo يقول...

ra7eel

انتي بتروحي فييييييييييييين
بجد يعني عايز افهم
ايه يابنتي الاختفاء ده
يابنتي عايزك كده تنوري المدونة بزياراتك وبتعليقاتك

وعموما بالنسبه للعبيط ده فهو خلاص خد جزاؤه وبلغ الجزمه
بس المشكله انه بلع فرده واحده بس .. تفتكري الفرده التانيه اديهالو دلوقتي ولا مع اول محاولة فاشله هيعملها؟؟؟



سلامووووووووووووووز

Soooo يقول...

هوندا

اهلا بيكي يا هنادي ويارب تنوري المدونة دايما وتعلقي على طول وتعتبريها مدونتك وتشرفيني بالزياره في اي وقت

ومشكلة امثاله من المصابين بداء الحقد والهطل انهم فاكرين انه لما هيعمل كده قال انا هزعل
على مين ياسطى
دي حارة سد ومش هتسلك

نورتيني والف شكر على تعليقك وتشجيعك





سلاموووووووووووووز

Soooo يقول...

My Hope$

انتي بالذات ماتتكلميش عن الاجبار
ده انتي عامله موضوع بتجبري الناس تقراه
بس والله موضوعك حلو قوي

وبعدين هو عالم التدوين كده
فيه ناس محترمه وكويسه
وناس تانيه استغفر الله العظيم


ملحوظه
هو تقريبا اتكلم بالانجليزي عشان يخوفني .. مايعرفش اني مش بخاف غير من اللي خلقني



سلامووووووووووووووز

Soooo يقول...

المنسى

ايه ياعمنا

مع احترامك لرأيه ايه

هو انا لما اشوفك لابس قميص وبنطلون اقولك ايه اللون الخرا اللي انت لابسه ده؟؟
بذمتك ساعتها هتقوللي ايه؟؟

مع مراعاة ان ده انت ماتعرفهوش .. يعني واحد ماشي في الشارع كده وطسك الكلمه دي

ولا ايه؟؟؟



سلامووووووووووووووز

Dr-hema يقول...

الصراحة سو حبيبى حاجاتك ملهاش فايدة قوى ومش مفيدة قوى بس أيضا فيه شوية حاجات بين السطور فعلا بس مش كتير بس موجود الغرض تمام
؟؟
بس الصراحة نوع حلو من الفن ونوع لذيذ من الأدب وعندك مزج بين الحقيقة والخيال فى روعة إبداعية وطبعاً لهذا النوع عشاقه ومرتاديه وانا من عشاقه وأحييك
والمسامح كريم يا راجل
اوعى تفكر ان انا اللى شتمتك
لا
طبعاً
تقبل تحياتى
د/هيما

Rosa يقول...

ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
بجد بقالي كتير ماضحكتش كده
هههههههههههههه
بس بجد رد جامد يا سوووو
و اكتر حاجه عحبتني موضوع سبشب الحمام ده
جامد جامد جامد
هنقول ايه بس يا سوووو زي ما بيقولوا الشجره المثمره هيا الي بتتحدف بالطوب
بس انت ظبطته طوب و زلط و تراب و شبشب حمام كمان
هههههههههه
حقيقي بجد الي مايفهمش يقول عدس و كوشري كمان
ولا يهمك يا سوووو انت تعتبر اكتر مدون هنا ليه شعبيه
وواحد من الناس الي ليها فكر و اسلوب محدش يقدر يوصله حتى لو انضرب بالشبشب على بقه و ايده تلات مرات في اليوم
مصر معاك يا سوووو
و ماضيقش نفسك بجد
و تعليق محترم
و عقبال الي بالفرانساوي بقى
:P :P :P
عشان نضمن كده العالميه
هههههههههه
waiting for moreeeeeeeeeeeeeeeeeee deep posts from u soooo:P :P
ده عشان لو الي مش معروف ثقافته عنجليزي بس
:)

حمامة يقول...

سيبك
ده واحد تافه ومش وراه حاجة
ولو وراه حاجة ومش عايز يضيع وقته
دخل اكتر من مرة ليه
ربنا يهدى

:D

SKOBL- Little Lazy Me يقول...

و الله يا سووو كنت مشغووول جدا .. و لو كنت بادخل فعلا كان حلي ورمتهولك .. يا عم سيبك .. بص .. استحالة ترضي كل الأذواق .. فاكر حكاية جحا و ابنه و الحمار ؟؟ بتاعة ابتدائي دي .. المهم انك عمرك ما حترضي كل الناس .. بص أنا بصراحة بقولك اعمل اللي انت حاسس بيه و ان أنا من المؤمنين بحشو المباديء وسط الهزار لأنها بتيجي .. و بتدخل أسرع لأنها بتدخل على عقلك الباطن بدليلها فبتؤمن بيها و انت مش حاسس .. و على فكرة احنا في تهييسة مش مهيسين علطول ع الفاضي لكن بنحاول ساعات ننقد حاجة ، نتريأ على وضع اهبل و كده .. و ان كان ده كله وسط هزار و تهريج .. بس كده أحسن من اني أقول للناس عليكم ان تفعلوا والا تفعلوا
في الاخر باقولك رغم اني باعرض نفسي لخطر و أنا باكتبلك الا ان الجملتين الاخرانيين حرقوني أوي .. و باقولك سيبك منه .. ده تلاقيه زينا في تهييسة كده بيجيله كومينت ولا اتنين و متغاظ منك ، بس احنا بصراحة عندنا روح رياضية و مبسوطين و بندعيلك تبقى أحسن .. بس انت بس ما تندلش و تعمل حكاية الفلوس دي .. و لا انت حتعمل زي الحكومة!! يوووه تاني سياسة .. [قولك ايه أنا أمشي أحسن
و لك كل التحيات

مشمش يقول...

بص ياسوو اوعي تخلي حد يكسر ثقتك بنفسك الي انت شايف نفسك علية هوة دة الي انت فعلا علية فمابلك ان فية ناس بتقولك اكتر مانت شايف نفسك علية واحسن وناس ملهاش اي مصلحة انها تنافقك ناس كتير اوي قالتلك انك فنان وبتضحكنا وانا قلتلك زمان انت لازم تمثل فاكر وانك بجد مبدع كل الكلام الي قالو دة كلام واحد قرفان من نفسة بس كدة
المهم اني بحب كل حرف انت كتبتة كفاية ان الوقت الي قضيتو مع مدونتك كان بيضحكني وبيسعدني ودي مش حاجة قليلة مين عارف ممكن تكون بتاخد علي كل ابتسامة من اي حد حسنة
ربنا يوفقك وتبقي احسن كاتب واحسن ممثل كوميدي في الدنيا
صاحبك الي هيفضل دايما جنبك مشمش

M.A يقول...

بسم الله
يا ترى فاكرني يا سوووو ؟؟
أنا واحدة من بنات عمك الصعايدة
اضطرت لإغلاق مدوناتها تحت ظروف قهرية بحتة
و إنشاء مدونة جديدة (بس) عشان أقدر أكتب تعليق هنا بعد ما لقيت إني كغير معرف ما ينفعش أعلق...
المهم...أنا انقطعت ع8ن عالم تدويني..لكن كنت متابعاك دايما .. صحيح التصفح من خلال الموبايل شيء ممل
إلا إني كنت بستمتع بقراية بوستاتك و كان بيبقى نفسي أعلق بس كان ده شيء شبه مستحيل
أحمد..الجميل..المبدع..المتفوق على نفسه دائما : ))
في الأول اتضايقت من طريقة ردك على الشخص ده....لأنك كصعيدي كرم أخلاقك و أصلك..يمنعوك من الرد..على غير معرف...إحنا نحط صباعنا فب عين التخين
بس يكون واقف قدامنا....لكن بعد ما قريت ردك على أحبابك..فهمت وجهة نظرك
و قدرت ردة فعلك
و آديك شفت...مش شخص غير معرف هو اللي يقول مين سوووو و إيه كتاباته...
كلنا مستمتعين بمذكراتك..بأسلوبك السلس في الكتابة..ودمك الخفيف..و التشويق في العرض
بجد...إنت هايل...
ودي أكيد مش مجاملة...إنت فعلا جواك فنان موهوب
أتمنى ما تبصش أبدا تحت رجليك...دايما بص حواليك
هتلاقينا....أصحابك..إخواتك...أهلك و أحبابك
بنقولك..كمل يا أحمد...خطك حلو أوي...و إحنا فرحانين بيك
تحياتي أخي الفاضل
منى

Soooo يقول...

Dr-hema

سعيد جدا بانك قلت رأيك بمنتهى الاحترام والشياكه وده بجد اللي انا اعتبره نقد بناء

وعموما يادكتور انا فهمت وجهة نظرك واحترمتها بجد
وهحاول اني اكثف جرعة مابين السطور في المرات القادمه

بس انت تنورني دايما وتعلق عندي وياريت نتواصل فكريا وان شاء الله هيكون تواصل بناء



سلامووووووووووز

Soooo يقول...

Rosa

ايوه ياستي اضحكي
اضحكي وانا باتشتم اهو
وكمان عايزاني اتشتم بالفرنساوي
طب دي هفهمها ازاي بقى؟؟؟؟

وياستي ايه الكلام الكبير ده كلو
انا ياستي ولا شعبيه ولا بتاع
انا مجرد واحد بيشخبط وبيقول شوية حاجات

وبعدين انتي مابتيجيش ليه
مش تبقي تيجي
انتي قوليلهم بس وهم عارفين كل حاجه




سلاموووووووووز

Soooo يقول...

SKOBL- Little Lazy Me

الف شكر على تشجيعك ووقفتك جمبي بالاصاله عن نفسك وبالنيابه عن المهيسين الحلوين اخواتك واخواتي

وفعلا طريقة حشو الكلام الجد بتوصل اسرع لما بتتقال في موضوع ساخر لاننا لما بنضحك بنخزن الموقف في عقلنا ولما بيحصل موقف مشابه ليه في الحياه بنحاول نستنفره او ندينه واحنا مش واخدين بالنا

وياسيدي شايلينك لوقت عوزة انت واخواتي المهيسين وربنا يوفقكم في مذاكرتكم وامتحاناتكم يارب


سلامووووووووووز

Soooo يقول...

مشمش

يا مشمش يا صاحبي صدقيني الموقف ده مش هيخليني ابطل كتابه ساخره ولا حاجه من هذا القبيل .. وانا ماعملتش الموضوع ده غير لاني بدافع عن فكري زي ماهو قال فكره
ولو انه ماعندوش فكر خالص

وبجد والله يامشمش انا مش عارف اقولك ايه على تشجيعك وعلى كلامك الجميل ده بجد
وربنا يوفقك ويكرمك يارب



سلاموووووووووووز

Soooo يقول...

M.A

طب تصدقي اني كنت قلقان عليكي يا منى يا محمودي يابنت عمي

بجد والله العظيم كنت قلقان عليكي لما اختفيتي كده مره واحده وقفلتي مدونتك من غير اي حاجه

وبعدين معقول انساكي؟؟
طب ده انتي كنتي من اوائل الناس اللي وقفو جنبي وشجعوني
وبعدين الدم يحن يابنت عمي

وبجد والله انا فعلا كنت عايز اشيل تعليقه ولا كأنه جاني لكن قلت لأ .. انا مؤمن بفكره وبطريقه لازم ادافع عنها .. زي ماغيري لازم يدافعو عن فكرهم وعن طريقتهم في التعبير عن نفسهم

طب تصدقي بالله
والله العظيم لو اعرف ان الموضوع ده هيخليكي تظهري تاني يابنت عمي كنت عملته من زمان عشان تنوريني بزيارتك وبتعليقك

والحمدلله انك بخير واني اتطمنت عليكي وربنا يارب يكرمك ويوفقك ويهدي سرك ويريح بالك قادر يا كريم





سلاموووووووووووووز

M.A يقول...

يانهار أبيض على السياااااااح !!!
أنا أركب دقن يا سووووووووو
شفيييييق ياراجل...
أبعتلي ميلك يا أحمد،شكلنا كده هنتفضح !!

Reena يقول...

ازيك يا سوووو
وحشتنى كتاباتك و خفة دمك
و من كتر الضحك و اعجابى بالسلسلة الفظيعه المريعة بتاعت يوميات طفل طخين قريتها كلها فى وقت واحد لحد الآخر و تعليقى ان شاء الله هقولهولك مرة واحدة فى نهاية القصة
المهم.. انا شدنى قوى عنوان "سوو اتشتم بالانجليزى" و دخلت وقريت اللى "الغير معرف كتبه و انا طبعا معاك ان عيب قوى واحد يدخل عندك البيت و ياكل ويشرب وبعدين يشتمك
وبينى وبينك اول ما بدأت اقرا الموضوع قولت "أووووه ده سوووو بقى جايب واحد انتقده و هايرد عليه رد لوذعى زى المذيعين والناس الجاممده اللى بيفحموا اللى يغلط فيهم على الهوا وهايخليها ضلمه بالنيله الكحلى"وده مصطلح قررت استخدمه مؤخرا لأن اللون الكحلى اصبح لون معبر و رئيسى فى حياتى الآن.. بس بينى وبينك من غير زعل عشان انت عارف اننا اصحاب و انا بقول رأيى بصراحه..زعلت قوى من اسلوبك و توقعت انك هاترد على الشخص ده وتفحمه بشياكة ولباقه وآخر جدعنه بس كمية الشتايم و الالفاظ اللى مش متعوده عليها من حد فى طيبتك و خفه دمك حسستنى ان الكلام ضايقك لدرجة تفرح الشخص الغير معرف ده فيك..وده مش مفروض يحصل لأنه حتى لو هو ضيف غبى و سئيل..هو فى الأول وفى الآخر ضيفك اللى هتعامله على اساس حسن ضيافتك مش على اساس قلة ذوقه
بينى وبينك..انا زعلت لما لقيتك بتشتمه كدة لأنك كان ممكن تفحمه بشياكه واسلوب ارقى من كده يخليه يحرم يدخل تانى ومن غير ما تكون قولت كلام يضايق اللى بيقرا او يكسف حد مش متعود يشوفك بتتكلم بأسلوب مش لطيف خصوصا ضيوفك من البنات و الآنسات والعازبات والمتزوجات..الخ :)
عموما ده رأيى واتمنى انى اكون وصلت وجهة نظرى..سلام يا سو يا جميل

Soooo يقول...

Reena

يااااااااااااااااااه
طب والله ليكي وحشه
وبعدين يعني انتي مابتعلقيش غير عالسلبيات والايجابيات مافيش اي تسليط ضوء عليها
ده اللي بيدخل ماراثون جري وبيجري بيلاقي الناس بتشجعه وتسقفلو لغاية ما يجتاز خط النهايه .. انما مابيفضلوش ساكتين خالص وبعد مايعدي خط النهايه يروحو مسقفينلو وخلاص
فهمتي قصدي؟؟
ده بالنسبه لكلامك عن اليوميات وانك هتعلقي في الاخر
----
بالنسبه للي شتم انا رديت عليه بكل الاساليب .. ولو قريتي كلامي هتلاقيني بافصص كلامه كلمة كلمة وحرف حرف ورديت عليه منطقه بالمنطق .. وطبيعي اني اشتم .. انا انسان عادي ساعات بيتمكن مني الغضب وباخرج عن شعوري .. وانا على طبيعتي
كان سهل اني اتقمص دور المؤدب والمحترم واقوللو الله يسامحك وامشي او ما اعملش الموضوع بتاعه من الاساس واحذف تعليقه
لكن انا انسان طبيعي وباتعمد اني ابقى على طبيعتي في المدونه ومش باحب نظام اني ابين للناس شخص غيري
اه شتمته
زي ماهو شتمني
وفي مدونتي او بيتي
ماعملتش احترام للناس ؟؟
لأ عملت .. والا كنت قلت اكتر من كده .. ولو كان واقف قدامي كنت اديته بالجزمه على قفاه فعلا

ارجو انك تفهمي اني انسان عادي ومش ملاك ولا مطالب اني استحمل سخافة امثاله من اللي بيدخلو يشتمو وخلاص

خصوصا ان نفس الشخص ده لف على مدونات كتير والناس تعاملت معاه بالاحترام ومش عارف ايه .. ولما جالي وانا قلتله الكلام ده بطل يلف على المدونين ويرمي سمومه وبطل يجيلي ويعلق او يمكن بيجيلي بس بطل يعلق

ياريت تكوني فهمتي وجهة نظري .. اللي هي اني زي اي حد .. لما باتنرفز باخرج عن شعوري



ملحوظه
انتي ازيك عامله ايه؟؟؟؟
وايه حكاية الكحلي دي؟؟؟؟
في ايه يابنتي وغوغشتيني عليكي؟؟؟؟



سلاموووووووووووووز

أسيرة الأقدار يقول...

سوووووووو
انا اول مرة بزور مدونتك
وده شرف ليا تبعا
هى بصراحة جت معايا بالصدفة
وانا بدور على حاجة فى جوجل
وقع تحت ايدي التوبيك ده
بص انا هاقولك حاجة واحدة
"الكلاب تعوى والقافلة تسير"
انا خدت لفة فى البلوج وعجبنى فيه موضوعات كتير
وان شاء الله هايكون ليا عودة

Soooo يقول...

أسيرة الأقدار

سعيد جدا جدا جدا بزيارتك وبتعليقك ولا تقلقي .. انا باسيب الكلاب تهوهو لوحدها

وياريت تعتبري مدونتي المتواضعه زي مدونتك تمام وتشرفيني وتنوريني بتعليقاتك وباراءك





سلاموووووووووز

Reena يقول...
أزال المؤلف هذا التعليق.
Reena يقول...

جدع يا سووو
انا طول عمرى احب الراجل الحمش اللى ياخد موقف.. :)
وانت معاك حق مش كل واحد هاييجى يشتمك هاتقولله الله يسامحك يا وحش لكن اللى انت برضوا مش قادر توصلله ان مش اى ضيف هايجيلك و يقوللك كلام بايخ هاتفرج عليه العمارة,, والضيف يتهزق و يمشى ويروح لحاله وانت الجيران تقول عليك ان طردت واحد من بيتك وانكوا عيله صوتهم عالى و الفاظهم مش ولابد إلخ
انا زى ما بقوللك النوعيه دى من الناس ماتستاهلش حد يغلط نفسه عشانهم لأنه ببساطه مش هايبص للمنطق فى كلامك ولا هايهمه.. بس هايقول ده انا حرقت دمه و كلامى وجعه قوى عشان كده شتمنى
عموما التنفيس عن الغضب شىء وارد طبعا و اى حد معرض لأنه يثور بس خللى بالك انك متعملش فى لحظة غضب حاجه ماتعرفش تصلحها بعد كدة.. بس يا سيدى
المهم سيبك انت.. انا ناويه فى البلوج بتاعتى الللى بقالى سنه نفسى اكتب فيها حاجه اعمل مذكرات طفلة "تخينة" وطبعا هاكتبها بحرف ال ت عشان انا مش تخينة قوى وعشان انا هيفاء المشاعر و الاحاسيس و رومانسية المرهفات و حالمة الأدب.. وعشان ماطفشش العرسان يعنى :)طبعا مش هاتكون بخفة دمك بس هطلع المعاناه اللى البنات ال"تخينه" بتحسها خصوصا مع الرجاله
و انا وانت بقى مع بعض نعمل اييييه
"دويتون" لو نزلناه فى كتاب ماحدش هايعرف يشيله :)

Soooo يقول...

Reena

بصي يارينا

لو انا ساكن في عماره وزي مابتقولي جالي حد وشتمني في بيتي وانا طردته وعملت سياح وتشريد في العماره كلها .. طب ماهو العماره باللي فيها عارفين انا مين من خلال تعاملاتي وزياراتي ليهم وزياراتهم لي
وبالمثل عالم التدوين .. المدونين اللي عارفينني وعلقو عندي وعلقت عندهم .. اللي وقفو جنبي في أزماتي ووقفت جمبهم في أزماتهم .. دول هم اللي اتكلمو

اما بقى لو في حد غريب عن العماره ومايعرفنيش وشاف الحوار اه معاكي هيقول الكلام اللي قلتيه .. بس معلش هو مين الغريب ده .. ماهو يا اما صاحب حد من سكان العماره وبالتالي هيوضحلو انا مين وعملت كده ليه وهيختلقلي العذر .. يا اما حد تايه في العنوان وبالتالي مش هايجي العماره او المدونه تاني لانه باختصار مالوش مصلحه هنا

مش ذنبي يارينا انك ماتعرفينيش قوي وماتعرفيش وجهة نظري وآرائي في الحياه وبالتالي حكمتي علي اني حد صوته عالي أو اني المفروض كنت اتعامل مع اللي شتمني باسلوب تاني غير اللي عملتو
----
انا معاكي ان الغضب ساعات بيخلي الواحد مايسيطرش على أفعالو .. لكن الكلام ده لو مع شخص انا اعرفه ويعرفني .. وساعتها لو انا غلطت في حقي عندي من الشجاعه الكافيه اني اروح واعتذرلو قدام الناس كلها في ميدان عام .. الاعتراف بالحق فضيله
ولو الشخص ده ماقبلش اعتذاري بعد كده هبقى مرتاح البال لاني اعتذرتلو زي ما زعقتلو .. وهو اللي شايف اني مش فارق معاه او مابقتش فارق معاه بعد اللي حصل وكأنه ملاك مش بيغلط او كأنه آلهه رومانيه اسطوريه بتحكم عالناس بمزاجها
----
وبخصوص موضوع مذكراتك انا منتظر على أحر من الجمر اني اقرى اول حلقه لاني متأكد انها هتبقى جميله جدا لانك فعلا انسانه جميله واحساسها مرهف ومش بقولك الكلام ده مجامله والله وباقولو بعد ما قريت قصور من الرمال
وعجبتني جدا جدا والحقيقه انا مش عارف هل هي فعلا من تأليفك ولا لأ .. لكن حتى لو ماكانتش من تأليفك فده يدل على اختيار رائع وموفق

وياستي انتي بس اتكلي على الله وابدأي في الكتابه وان شاء الله هتلاقي التشجيع الكافي للاستمرار في الكتابه وفي التدوين
وهتلاقيه على كل مواضيعك مش على موضوع ولا اتنين زي مانتي بتعملي هنا معايا وبتعلقي مره كل فين وفين وكأن مافيش مواضيع تانيه غير الموضوع اللي انا اتشتمت فيه ده
ولا تكونيش تعرفي اللي شتمني وبتدافعي عنه؟؟؟؟

ملحوظه
انتي مش تخينه قوي ولا تخينه من الاساس زي مانتي بتقولي يابنتي





سلاموووووووووووووز

magnona يقول...

انا اول مره ادخل على المدونات عن طريق سووو وهو اللى عرفنى عليها..سوو ولا يهمك من الجاهل ده..دا انسان غير متحضر..بس برافو عليك انا رديت عليه هو ميستهلش غير كده ..بس انا عايزه اقولك برافوا عليك انت بجد ممتاز وانا مبطلتش ضحك من ساعه مدخات وقرت كل ده انا كل يوم بقعد اقرأ واحده..انت اسلوب جميل جدااااا ويدخل القلب على طووووول..ويا اخى فى مثل بيقول تعرف فلان اه اعرفه عشرته لا يبقى متعرفوش..عيب عليك يا اخينا ياالى غير معروف..