الثلاثاء، 16 ربيع الآخر، 1429 هـ

(13)مذكرات طفل .. طخين

المحطة التلتاشر .. انت مين ؟؟؟
-------------------------

الحقيقه الاخوه العساكر قامو معايا بالواجب وزياده .. جابولي باقي الاكل اللي كلوه الظباط وكان بواقي كباب وكفته وطرب من ابو شقره .. وبعد ماكلنا انا وهم في اوضة الخدمات بتاعة المديريه علقو على براد الشاي وشربنا شاي مع بعض وكانو ناويين يشربوني سجاير لكن انا قلتلهم اني لسه طفل ومايصحش اشرب سجاير والا اللي بيقرو القصه هيفقدو المصداقيه في ويحسو اني عيل متشرد .. لكن الصول الكبير بتاعهم اداني علبة سجاير كولوباطرا بوكس من ام تلاته جنيه اللي مش عليها صورة الفشه البايظه من كتر شرب المعسل .. وقاللي ابقى اشربها في السكرته بعدين من غير ماحد يشوفني من اللي بيقرو المذكرات .. وبمجرد ما كلنا وشربنا الشاي راحو واخدينني فوق على اوضة الامين خالد صالح اللي كان قاعد على مكتب وبيقرا في شوية ورق .. ولما شافني شاورلي اقعد عالكرسي اللي قدامه .. والعسكري اللي كان معايا خد بعضه وخرج من الاوضه وقفل الباب وراه
خالد صالح : - وهو بيقرا في الورق - ازيك دلوقتي يا سوووو
سوووو : - وانا مستغرب - هو انت عرفت اسمي منين ؟؟
خالد صالح : - وقد رفع رأسه وانتبه لي - مافيش حاجه هنا ماعرفهاش
سوووو : - وقد اعتراني الخوف قليلا - وياترى تعرف عني ايه كمان ؟
خالد صالح : - وهو يقوم من على كرسي المكتب ويتجه للكرسي المقابل لي ويجلس امامي - اعرف انك بتحب بلدك .. وعايزلها الخير
سوووو : - وانا اتحاشى النظر في عينيه مباشرة - عايزلها الخير ازاي؟
خالد صالح : انت مش قلت ان العساكر اتشطرو على واحد غلبان .. وسابو الحراميه الكبار ؟
سوووو : - بتردد - اه .. حصل
خالد صالح : - وهو يميل بجسمه ويقترب مني - وانا زيك كده تمام .. مش باحب الحراميه الكبار .. وعايزك تحط ايدي في ايدك عشان نمسكهم كلهم
اندهشت من نبرة كلامه .. فلقد شعرت انني امام شخص آخر .. أكثر نبلا من مجرد امين شرطه يمارس سلطته للثراء السريع عن طريق بيع سيديهات الويندوز المضروبه .. واندهشت اكثر عندما وجدته مادا يده لمصافحتي .. فقلت له بدهشة كبيره
سوووو : انت مين ؟؟؟
خالد صالح : - وهو يبتسم - انا بابا يله
-------
مصطفى شعبان : يعني الخاتم اللي لابسه سوووو .. فيه جهاز تتبع؟؟
أخبر توفيق عبد الحميد كل من مصطفى شعبان ومنى زكي انه يعرف موقعي بل ويسمع كل الاحاديث اللي قلتها والتي قيلت امامي عن طريق وجود مايكرفون لاسلكي وجهاز تتبع في فص الخاتم الذي البسوني اياه في مركز التدريب
توفيق عبد الحميد : مش الخاتم بتاع سوووو لوحده .. كل خواتم الجهاز فيها الحوار ده
منى زكي : - بقلق وخوف - يعني انتو بتسمعو كل حاجه كل حاجه ؟؟
توفيق عبد الحميد : لا ماتقلقيش .. مش بنسمع حواراتك انتي وحلمي من الخاتم
منى زكي : - بارتياح - طب كويس
توفيق عبد الحميد : - مستدركا - حلمي بيسجللك بمعرفته وبيجبلنا الشريط صوت وصورة تاني يوم
مصطفى شعبان : - وهو ينظر لمنى شذرا - احنا في ايه وانتي في ايه يا منى .. المهم دلوقتي عايزين نلحق سوووو
توفيق عبد الحميد : ماتقلقش .. هنلحقه في الوقت المناسب .. لما يساعدنا في المهمة الجديده
-------
أنا باكره اسرائيل
واقولها لو أتسأل
انا بكره اسرائيل
لو اخش المعتقل

سونيا : - وهي ترد عالموبيل - الو يا بوص
الصوت : - مندهشا - الو يا بوص .. وش كده أول حاجه تقوليها الو يا بوص ؟؟؟؟؟؟؟؟
سونيا : - باستغراب - مش البوص معايا برضه؟؟؟؟
الصوت : طب فرضنا ان الموبيل بتاعي كان ضايع وحد لقاه وراح ضارب آخر نمرة انا متصل بيها عشان يعرف مين صاحب الموبيل ويرجعلو الموبيل لو لقى انه فقير وغلبان وجايب العدة قسط .. وبعدين راح سمعك وانتي بتقولي الو يا بوص .. تفتكري هيعبرني بعدها ولا هيرجعلي الموبيل .. ده اقل واجب هيبيع الموبيل مبلول في شارع عبعزيز
سونيا : - وهي متنحه - طب وانا اعمل ايه دلوقتي يعني ؟؟
الصوت : ماتعمليش ياسونيا .. ماتعمليش .. مانا هموت منكم ناقص عمر في الشغلانه الغبره دي .. المهم .. انتي مش كنتي قولتيلي ليكي حد قريبك شغال في الجمرك ؟؟
سونيا : آه .. ابن عمة ابويا .. يعني في مقام عمتي بالظبط .. اشمعنا يعني يابوص ؟؟
الصوت : لا مافيش .. بس الواد ابن اختي راجع من دبي بعد بكره وجايبلي معاه لاب توب .. قلت نوصي عليه برضه عشان مايخنقوش عليه في الجمارك
سونيا : لا ماهو اللاب توب مسموح بيه من غير جمارك ولا حاجه يا بوص
الصوت : لا ياشخيه .. طب فل قوي .. هخليه يجبلي معاه كام لاب توب تانيين وهو جاي
سونيا : يا بوص ماينفعش .. هو مسموح ليه بلاب توب واحد بس .. ويعدي بيه عادي من غير أي تفتيش حتى
الصوت : ايه الهطل ده .. لاب توب واحد بس .. ومن غير تفتيش .. طب ماهو ممكن يكون مهرب جواه هيروين .. ويبيعهم هنا ويخدر الشعب ويجيب بدل اللاب توب عشره
سونيا : - وهي ترفع حاجبيها من الدهشة - والله هو ده النظام يابوص
الصوت : أنا فهمت دلوقتي بس البلد دي هتفضل متخدره طول عمرها ليه
--------
يتبع

سوووو

هناك 110 تعليقات:

كاميليا يقول...

الله

اول مدونة ادخلها من مصر

هاقرأ وارجع تاااااانى

تحياتى

كاميليا يقول...

الصوت : ايه الهطل ده .. لاب توب واحد بس .. ومن غير تفتيش .. طب ماهو ممكن يكون مهرب جواه هيروين .. ويبيعهم هنا ويخدر الشعب ويجيب بدل اللاب توب عشره
سونيا : - وهي ترفع حاجبيها من الدهشة - والله هو ده النظام يابوص
الصوت : أنا فهمت دلوقتي بس البلد دي هتفضل متخدره طول عمرها ليه
.............

تصدق؟

أنا كمان عندى الاحساس ده

اصلى جيبت اللاب توب بتاعى معايا
ولا حد قالى ده فيه ايه، ولا بص عليه

بس والله كان نضيف
مش فيه حاجه ولا حتى سى دي ويندوز مضروب
D:

الحلقة جميلة
وقول ل سوووو بلاش سجاير
حتى لو مش عليها صورة فشات

تحياتى

كاميليا يقول...

سوووووووووووووو

انت استفردت بالمدونة بتاعتى؟؟

خمس تعليقات؟؟

طيب .. كده يبقى لك عندي اتنين

هاخليهم للبوست بتاعك الجاى

تحياتى

wanna b a physician يقول...

انا التاااااااااااااااااااااانى
قولهم التدخين ضار بالصحة ويؤدى للوفاة
وحياتك ابقى خليهم يشوفولى موبايل من عبعزيز يكون تمام كدا
وبعدين جمارك اية يابا الحج اسماعيل قصدى سوووو
هو فى جمارك على الحاجات الشخصية لا طبعا يعنى الواحد لو مهرب معلومات عادى مايهرب الله
سلاموووووووووووووز ياريس

صوت من مصر يقول...

سووووووووووووووووو
ممكن تبعتلى الشريط بتاع منى وحلمى و النبى

appy يقول...

ايه يا كامى انتى نايمه فى البلوج ماشى
ماشى يا سووو انت عارف اللى فيها هدخل واعمل ايه وانت عارفهلمها كلها فى جنب واللى يسألنى اقوله بنفض فوت علينا بكره هههههههههههخخخخخخخخخ
بس علشان خاطر كامى فوندامى ودى قلبى هسيبها المرة دى
والله يا سووو شكل عليه السجاير مقرف والله اللى حتى مش بيشرب سجاير لما يشوفها يرجع يعععععععععع فعلا انتم بطيقوها ازاى
وبعدين صغير ايه بس والله انا اتصدمت لما بشوف اطفال خارجين من المدرسه فى ابتدائى وبيشربوا سجاير ليه مش عارفه بيعملوا كده ويا ريت الناس تأخد بالها
ومتفقه مع كامى فى موضوع الاب توب اوعدك اروح ابلغ عنكم انتم الاتنين خخخخخخخخخخخخخخ
اما الشرطه والفساد بتاع الكبار ريحته فاحت وناحت وساحت ولا الشيكلاطه يا ولا
بجد وربنا يستر كفايه كده اصل هتقفش هنا وانت متكلم فى الكتير المرة دى نيهاهاهاهاها وش بيلعب ودانه وحواجبه

اهو ده عيبه يقول...

بص يا عم سوووو
احنا نشوف حداشر خماشر واحد من اللى شغالين برا ونتفق معاهم يجيبولنا كل واحد لاب توب من هناك

متفهمنيش غلط مش حيكون جواهم مخدرات ولا حاجة دول حيتباعوا فى عبعزيز مع الموبايلات

بقى سونيا ابن عمه ابوها فى الجمارك؟؟

انت بتشتغلنا ياعم سووو
وهو جاب منين وسطة علشان يتعين هناك دى الناس حفيت على واسطة مش لاقيين

ارزاق

Doba يقول...

بقى حلمى بيسجل لمنى بقى وبيديهالهم صوت وصورة - يا دى الوكسة ام جلاجل يا دى الجرسة ام حناجل

يا نهار مش فايت
كده عينى عينك يسجل للموزة بتاعته - مش حيب كده فضحتونا

ثم اديك بتدى للناس افكار يهربو ازاى الهروروييييييييييين - مش كنت قبل كاميليا متيجى كانت جابت لنا اد شمتين تلاتة ولا اى مصلحة

مبدع كالعادة
بس تعبتنا بقى
عاوزة اعرف ايه هيه المهمة الخطيرة
يا مشحتفنا

سلام يا افندم
هبة

غير معرف يقول...

كده بقى أمين الشرطة طلع أبوك ياسوووو
و صلت ياعم ..أجمل ما فى الحلقة الكوبيلية بتاع شعبولا
أنا باكره اسرائيل
واقولها لو أتسأل
انا بكره اسرائيل
لو اخش المعتقل
صدقنى مبدع يا أستاذ أحمد ..
أبو خالد

walaa يقول...

ههههه
دمك خفيف كالعاده
فعلا احنا اصبحنا مغبين ومش عارفه هنفوق امتى
تحياتىلقلمك
والله بجد مش مجامله اللى بيهجمك بيهجمك من غيظه
علشان انت احسن منه
ولاء

almasry يقول...

بجد جامد يا شيخ


مش كده بردو انت بقيت عجوز بس كده كده غاوى حوارات زى العبد لله


تحيـــــــاتى

المصـــــــــــــرى

خمسة فضفضة يقول...

السلام عليكم ورحمة الله وبركاته

جامد اوي جدا خالص

حلوه فكره اللاب توب دي ابقي فكرني اديك نسبة من الارباح
:-)

Desert cat يقول...

لاء انت مثال للطفل الملتزم يا سوو ومش بتشرب لا سجاير ولا شيشة تفاح ولا اى حاجه خااااااااااالص
علشان كدا انا بحبك وهجيب لك شكولاته وانا جاية
قولى بقى المية جت عندكو
لو جت قول علشان ادعى لك تانى
انت عارف دعوتى فيها البركة
ههههههههههههههههههه

بت خيخة وأى كلام يقول...

سووو بعد اذنك انا هاعمل كوبى وبيست لكل الحلقات بتاعتك وهاطبعها علشان لازم اخلى بابا وماما يقروا المذكرات دى
بجد انا هاشرق من كتر الضحك
هى المذكرات دىة كام حلقة
عايزة اعرف النهاية

المنسى يقول...

بس مش فيها الكوميدا بتاعة كل مرة
وياترى خالد صالح بيحور عليك ياسووووو
ولا هو فعلا عايز يقبض على الحرامية الكبار
أنا شخصيا أشك
http://www.elmancy2000.blogspot.com/

واحد من البلد دى يقول...

طبعا طبعا ..رااااااااااااائع كاعادة...مستنى الحلقااااااااات الجاية...سلاميييييييييييييز..ههههههه

رئيس جمهوريه نفسى يقول...

انا بابا يله دى من تيتو يا كبير بس حلوه قوى
برضه يا سو كليوبطره عيب يا راجل ولازم تشربها فى السكرته فين المارلبورو الابيض النضيف ولا فين الروثمان المفضله عندى
صح يا سو كل حاجه فى البلد دى بتتسجل ده هو السيستم يا برنس

زُمُرده يقول...

ازيك

معلش مش جايه اقرأ لأني مش عايزه اضحك
يارب تكون قريت تعليقات البوست اللي فات

قولت اسلم واحجز مكان آجي بعد 100 سنه اعلق فيه براحتي

سلامااااااااات
سوري مودي مش لذيذ

somaa mahaba يقول...

لووووووووووووووولىىىىىىىىىىىى
وبتقدم ساحق انا التعليق 19 زغرطوا يا رجاله
ههههههه انا بابا ياله
ماشى يا مرعب
تحياتى ليك سومه_87

د/اجدع بنوته يقول...

بص بقى انت م الاخر كده

تنشر الحجات دى ف كتاب

ههههههههههههههههههههههه

هههههههههههههههههههههههههه

هههههههههههههههههههههههههه

aya يقول...

ليه بقى يا بص تفتكر؟؟

ليه الشعب متخدر؟؟

ومرة اخرى بضربة ساحقة يعود سوووو لاضواء الشهرة ببوست رائع جدا وجامد جدا جدا


بجد يا استذانا تسلم دماغك

فى انتظار الحلقة الاربعتاشر
الله ينور

فرنسا هانم يقول...

متخافشى ياسووووووو
محدش خد باله من حكايه السجاير
بس صدقنى انا قربت اطهق منك
ميت مره اقولك ياسووووووو
السجاير بتتحط فى البق وتتولع بكبريت وتاخد نفس دخان منها
انت ليه مصمم تعملها فى ساندويتش ؟؟؟؟

Soooo يقول...

كاميليا

ده يوم عالمي بالنسبه لي انك تدخلي مدونتي وانتي في مصر
------
والمفروض انك كنتي تقولي انك نازله مصر .. مش يمكن احتاج حاجه كده ولا كده من بلاد الفرنجه
وبعدين هي بقى اسمها فشات ؟؟؟
فشات بوكس
------
لا ماليش دعوة .. انا علقت خمس تعليقات مره واحده .. عايز التعليقين اللي فاضلين لو سمحتي

وعموما .. مابين الخيرين حساب




سلاموووووووووووووز

Soooo يقول...

wanna b a physician

في حتة نوكيا ميت فل وعشره بالبلادوس .. تخلص فيها على كام؟؟؟؟

ولا اقولك
انا هبقى اجبلك عده محترمه متهربه في لاب توب جاي من ليبيا .. لاب توب قاريونس بمروحة سقف انما ايه .. عشرتاشر ريشه

فكر وقولي ايه الكلام



سلامووووووووووووز

Soooo يقول...

صوت من مصر

والله يابني لو معايا هقول .. هخبي بتاع ايه يعني


سلاموووووووووووز

Soooo يقول...

appy

تقريبا كامي كانت حاطه عسكري على المدونه واول مانا نزلت البوست راح مديها ميسد .. جات مالقتش حد قالت تتسلى شويه

وبعدين انتي هتهدديني يعني انك تبهدلي المدونه بتاعتي
طب جربي تدخلي كده وشوفي ايه اللي هيحصل


ملحوظه
ابتديتي تدخلي في السياسه بتوغل وانا بصراحه مش خايف عليكي قد مانا خايف على بطوط ولوزه .. ماتديهمني زكا عن صحتك وعافيتك؟؟؟



سلامووووووووووووز

Soooo يقول...

اهو ده عيبه

وليه حداشر خماشر واحد .. احنا نوصي ابن عمة سونيا يجبلنا شارع عبعزيز مستورد واحنا نتصرف بيه بمعرفتنا


ملحوظه
ابن عمة سونيا ده اصلا شهيد قديم .. يعني واصل واصل وااااصل



سلامووووووووووووز

Soooo يقول...

Doba

والله حوار منى وحلمي ده اللي قالو رئيس الجهاز
مش مصدقاه دي حاجه ترجعلك بقى

وانا ولا اديت الناس افكار ولا بتاع .. ماتلبسيش الواحد قضية ازدراء اديان

ولو عايزه تعرفي ايه هي المهمة .. تابعونا تجدو مايسركم



سلاموووووووووووووز

Soooo يقول...

ابو خالد

انا لما كتبت الكوبليه ده كنت حاسس ان ممكن مافيش حد يفهم قصدي من وراه
لكن الحمدلله .. فهمت قصدي يا استاذي ابو خالد
والله العظيم باحبك جدا جدا جدا يا استاذي العزيز


سلامووووووووووووز

Soooo يقول...

walaa

الله يكرمك يارب ويخليكي
وبجد والله الكلمتين دول يهونو على اي حد تعب اي حاجه

وياستي سيبي اللي يقول يقول .. هو انا هخاف منه مثلا



سلامووووووووووووز

Soooo يقول...

almasry

الله يخليك يارب
وياسيدي لو فهمنا الحكايات اللي كانت بتتقالنا زمان واحنا صغيرين .. صدقني والله حالنا كان اتصلح من بدري
بس هنقول ايه
لكل وقت ادان



سلاموووووووووووز

Soooo يقول...

خمسة فضفضة

وعليكم السلام ورحمة الله وبركاته

اي خدمه
انا شكلي هروح اعمل براءة اختراع عشان حقي مايضيعش



سلامووووووووووووز

Soooo يقول...

Desert cat

اي والله انا مؤدب فحت
ولو هاتجيبيلي شيكولاته تبقى بطعم المعسل الله يكرمك


ملحوظه
ممكن تدعيلي ببتاع مليون دولار استرميني كده عالماشي؟؟؟؟



سلاموووووووووووووز

Soooo يقول...

بت خيخة وأي كلام

ياخبر ياخيخه
انتي بتستأذنيني عشان تخلي باباكي ومامتك يقرو كلامي او انتي تقريه ليهم
دول زي ماهم باباكي ومامتك برضه بابايا ومامتي

طبعا يابنتي احنا اخوات
خللي عنك خالص وهاتي الف وستمية جنيه



سلاموووووووووووز

Soooo يقول...

المنسي

اتقل
الضحك جاي الحلقة الجايه ان شاء الله
وبعديم حبة ضحك .. وحبة جد
دي مذكرات يعني مش حاجه سهله
ده انا مش فاكر كلت ايه امبارح يا جرع


سلاموووووووووووووز

Soooo يقول...

واحد من البلد دي

بل الاروع هو مرورك يا شاعرنا الهمام
وانا مستني قصايدك الجايه برضه
بص .. انت تنزل قصيده هنزل حلقه .. ايه رأيك؟؟؟




سلامووووووووووووز

Soooo يقول...

رئيس جمهورية نفسي

يا ريسنا دول عساكر غلابه
هيجيبو مالبورو ولا روثمان؟؟
ده انا اللي اسمي مهندس باضرب كولوباطرا

نورتني ياريس .. وعلى الله مايكونوش بيسجلولي وانا في الحمام .. صوتي هايل هايل هاااااايل



سلاموووووووووووز

Soooo يقول...

زُمُرده

انا الحمدلله

واسف اذا ماكنتش رديت على تعليقك وتعليقات الناس على البوست اللي فات بس بجد كنت مزنوق في الشغل وبمجرد ما فضيت رحت منزل الحلقة دي واديني اهو باشكركم على تعليقاتك ووقفتكم معايا

تيجي تضربي معايا شندوشت بيض بالبلوبيف؟؟؟؟



سلاموووووووووووووز

Soooo يقول...

somaa mahaba

هانت هانت
كلها بتاع قد كده تقريبا او في الحدود دي
وكلو يبقى تمام ان شاء الله
وبعدين هو طلع باباكي انتي كمان؟؟؟؟
فعلا .. اللي ابوه خالد صالح .. يبقى خير ان شاء الله




سلاموووووووووووووز

Soooo يقول...

د/اجدع بنوته

اوعدك بمجرد ماهخلصها هاروح مجمعها وطابعها وسارح بيها على دور النشر واقولهم اهو .. هاتو عششين جنيه
كتير ولا ايه؟؟؟؟



سلامووووووووووووز

Soooo يقول...

aya

الشعب بيتخدر لان النظام عايزه يتخدر
بس المشكله مش في اننا نتخدر
المشكله في اننا ازاي هنفوق

والف شكر ليكي ياستي ولو اني ولا استاذ ولا حاجه .. دي شوية شخابيط وخطاريف مش اكتر



سلامووووووووووز

Soooo يقول...

فرنسا هانم

لا والنبي؟؟؟
جايه تقوليلي بعد ماكلت نص شركة الشرقيه للدخان في شندوشتات

كنتي فين من زمان وسايباني على عمايا ياشيخه



سلاموووووووووووووووز

خايف من الحقيقة يقول...

يا سوووووووووووو
انا متاسف اني جاي
متاخر
عادي
انا دايما متاخر

بس فرحان انك اتشتمت بالانجليزي في لبوست اللي فاتومتوقع شتيمه فرنساوي المره دي

انت عالمي

وتستحق كل اللغات

كمل كتابة ولا تهتم

وهجبلك علبة سيجار كوبي فاخر مهرب المرة الجاية

shahy يقول...

باركلي ياسوووو وباركولي كلكم
اخيرا عرفت ادخل مدونتك
الكمبيوتر بتاعي كان ذاللني وبيعلق كل لما اجي عندك
بس الحمد لله ربنا هداة النهاردة

اكيد انت مش محتاج اني اقولك رأيي في البوست لانة معروف من الاول خالص بس انا عاوزة اقولك انت دمك خفيف
دمك خفيف
دمك خفيف
دمك خفيف

وانا فخورة جدا بيك ياولدي وبردك على غير معروف

وكويس انك عامل لنا حساب ومش هاتشرب سجاير قدامنا
ولو شربتها في السكرتة هانعرف برضة
خلي بالك من نفسك ومن صحتك

تحياتي يااجدع ولد

مشمش يقول...

ماتخلص باة ياسووو المتعة والتشويق هنفقدهم عايزين نعرف النهاية وهما عملو كل دة لية انا زهقت من سونيا وخالد ومني وحلمي ومصطفي ومنك انت شخصيا لازم اعرف هيعملو فيك اية انا قلقانة هتسبني كدة
اوعي تكون شربت السجايير في السكرتة انت لسة صغنن خلي الانحراف دة بعد 16 سنة اسمع كلامي والحشيش بعد 16 ونص هوة دة النظام الخ
تحياتي حلوة اوي المرة دي اوعي تزعل بهزر والله انت عارف خفة الدم دي وراثة

shayma يقول...

هههههههههههههه
والله وحشتنى مذكراتك يا سووووو

جامده كالعاده بس ورايا قرايه كتيييييير اوى
كل ده فايتنى

والواد السخيف الى شتمك بالانجليزى ولا يهمك منه انت كنت سلطت عليه سونيا وهى كانت شردته

سلامى يا سوووووووووووو
:))

monaliza يقول...

حلو الفيلم ده
-----------------------------------
ساهم بتوقيعك في مطالبة الحكومة الهولندية بسن قوانين من شأنها حماية المسلمين من العبث بمقدساتهم الدينية خاصة ومن التجديف على الأديان عامة على الرابط التالي
http://kawlansadida.blogspot.com/2008/04/blog-post_21.html
وجزاكم الله عن إسلامكم خيراً"

كاميليا يقول...

لا ماليش دعوة .. انا علقت خمس تعليقات مره واحده .. عايز التعليقين اللي فاضلين لو سمحتي
........

بس كده؟

بسيطة ..

انت تأمر

ادى تعليق

سلام مؤقت

كاميليا يقول...

وااااادى التعليق التانى

وكده يبقى خمسة

مش بحب يكون عليا ديون

هههههه

ودلوقت اقولك اشوف وشك بخير

واقولك سلام ،، ادعى لى

انا مسافرة بعد اربع ساعات من دلوقت

اشوفك على خير يارب

خد بالك من كل الناس

سلااااااام

همس الاحباب يقول...

,انا جاى اسلم
واقولك رائع قوى يا سوووووو
اروح اقرا بمزاج كل الحلقات واشوف ايه اللى بيحصل مع سوووو
ماشى يا عم وبلاش تشرب سجاير
تحياتى
خالد

اميره الصعيد يقول...

اسلوبك رائع بجد انا فطست على نفس من الضحك وانا بقراءه بس المشكله انى حجيب القصه من اولها

Z_Diva يقول...

la ana msh adra amsk nfsy mn eld7k
a5iran aret elblog kolo, eftkrt b3d m2ret iny knt 2ret l7d el7l2a elrab3a, bas brdo d7kt lma arethm tany
bgd ms5ra :D

3gbny kman postat elnakd bta3 elsima, mkntsh at5yl in wr2t shafra ytl3 3edl asln, ana kda 3yza ashofo b2a, asly msh b7b elfishawy awy y3ny, m3 inny 3gbny el7asa elsab3a, we 45 yom, yala adelo forsto wab2a ashof shafra da kman :D

مفقوعة مرارتي من حماتــــــــــــي يقول...

مش غير معروف طلع عيل وبيلف علي المدونات بيلقح بلاه
ابقي تعالي شوف وانت تعرف وانتم السابقونونحن اللاحقون

nigro يقول...

العزيز جدن جدن أحمد بيه سوووو
بص يا زعيم
الحلقات بتاعتك لا يونكن تتفوّت
تقولّي بقى مذاكرة و بتاع
أم المذاكرة و سنينها.. حاجة تحرق الدم
خلينا مع الناس السكر دي

أوعى تحرق قلبك بالكيلوباترا يا برنس
أقولك...كمّل عليها و اشتريلك واحدة مارلبورو نضيفة نضيفة يعني
بس على فكرة.. لو مش فارقة معاك.. يا ريت تولع في العلبة فبل ما ترميها.. علشان انا مش بحب السجاير أصلن أصلن

بالنسبة لموضوع اللاب توب و الجمارك

يعني فكرك يفكّوه يعني و يشفوا اللي فيه ولا إيه؟

عندي ليك حاجة صوغنططة كده ابقى تعالى شوفها
و لو مالكش في الصنف براحتك يا مان
أصلي مش عارف كده حاسس انك مالكش في الصنف ده

سلام مؤقت

Dr-hema يقول...

حلوة إنتقالك من ان هما مبيسجلوش
ولكن حلمى هو اللى بيسجل صوت وصورة وبيجيبها تانى يوم


كله متخدر وكله نايم وكله فى مصلحة عبد الدايم
^_^
د/هيما
مستنيين الحلقة الجاية لو انى بقترح ياباشا انشر المذكرات دى فى أقرب دار نشر وأهى حاجة تنفع فى الايام اللى جاية وربنا يسترها علينا وعلى ولايانا

رئـــــيسـة حزب الأحلام يقول...

السلام عليكم
تحياتى لك

Eman Eltaher يقول...

بصراحة انا مقريتش البوست ده
أنا قريت البوست اللى قبله و استغربت اوى التعليق بتاع الشخص المجهول
و مستغربة اوى ازاى انه الدنيا بتتغير و احنا داخلين على القرن البتاع و العشرين و احنا عمالين نكتب ف حاجات و مواضيع دمها حلو و بتسعد الناس و حتى لو بعضهم بيعتبر كتاباتنا مالهاش لازمة فمش من حقهم يقولولنا انتوا بتكتبوا ليه او ايه اللى انتوا بتكتبوه ده
اللى مش عاجبه ميدخلش المدونة

و ياريت لو يقفل الباب وراه !!! هههههههههههه

ثانيا و ده الأهم - معلش بقى - انى رجعتتتتتتتتتتتتتت
انا جيييييييييييت نورت البيييييت
و ان شاء الله هحط بوست جديد حلا بس مش هيبقى كوميدى
لا مش حزين برضه
لكن رومانسى
آل يعنى بقى رومانسية و كده
طب ما انا اه رومانسية
تقدر حضرتك تقول غير كده ؟؟؟

عموما انا حبيت أنور مدونتك
هههههههههههه

تحياتى

3ala asm masr يقول...

ولاد حلال بتوع الجمارك دول والله
ربنا يباركلهم

الشنكوتي الكبير يقول...

ههههههههههههههههه

تسلم يا معلم سووووو

ايه الحكايه بقى العلبه اللي في السكرته اخبارها ايه
النظام من ابو قسم ولا كله يروح لمامته واللي عنده بابا يجيبله

بقولك ايه يا تجيب سوجارتين يا ابلغ عنك البنت سونيا
دي مزه طحن طحن وانت عارفني ضعيف كيك قدام المزز

هههههههههههههههه
وخليهم يجيبولي لاب توب من اللي رايحين جايين في القصه دي
اشمعنى انا يعني

سلااااااااااااااااااااام

Miss. Sosa يقول...

زيارة اولى
مافهمتش اي حاجة هههههه
بس شكل الموضوع كبير هروح اجيب الحلقات من الاول يمكن افهم حاجة وهتابع ان شاء الله


سلااااموووز

Rosa يقول...

:)
وقول لسوووو الصغير ماكنش العشم
سجاير وش كده؟؟
:)

همس الاحباب يقول...

باشا يا باشا
انا شاهد انك مش بتشرب سجاير ولا شيشة تفاح ولا حاجة خالص
ده انت حتى مش بتحب ريحتها
وحشتنى يا سووو وسعيد جدا جدا بمعرفتك
بجد طلعت شربات وعسل وكمان طلعنا بلديات ايه الهنا والسعادة اللى انا فيها ،على فكرة انا عايز الايميل بتاعك علشان اضيفك على الماسنجر ولا عندك مانع
سلامووووووووز يا باشا

Salma Amer يقول...

اية الدماغ العليا
مسخرة بجد ضحكتني قوي

تحياتي لك

حمامة يقول...

ههههههههه
عسسسسسسسسسسسل
كله كوم والسديهات المضروبة دى كوووووم بجد جامد

كمل كمل :D

SKOBL- Little Lazy Me يقول...

الله عليك يا سووو يا حبيبي .. معلش منقطع اجبارا الفترة دي .. ادعيلي الأزمة الامتحانيه تعدي على خير لأحسن شكلي كده مزنوق .. المهم بجد الحلقة عجبتني أوي بالذات حتة " أنا باب يالا" متخيلها فعلا بصوته ..هههه .. تسلم ايدك و كمل و أنا كل ما بتيجي الفرصة باخطف زيارة كده أتبسط عندك و أطلع
و لك كل التحيات

عاليا حليم يقول...

اولا انا هلكت على نفسى من الضحك من البوست الى فات ( سووو اتشتم بالانجليزى )
هاهاهااهاىىىىىىىى

سيبك منه انت كده أديته فرصة للانتشار

--------------

بص باه المذكرات دى فى راى تبقى حلوة لو حاولت تنشرها حاول كده مع مدبولى

--------------

تعيش و تفتكر بخصوص الجملة الى فوق

Soooo يقول...

خايف من الحقيقة

يا استاذي انت ولا جيت متأخر ولا حاجه وتشرفني دايما في اي وقت

وكده برضه يابو نسمه .. تفرح في عشان اتشتمت بالانزليجي
بس تصدق .. حاجه شياكه كده
حسستني اني ولا اوباما واللي شتمني ده هيلاري كلينتون

ربنا يستر وما اتشتمتش بالفرنساوي عشان انا ميييييح في الالماني ومافهمش اي ايطالي

نورتني يا استاذي وصدقني مش الكلام ده اللي هيعطلني ولا يخليني ابطل كتابه
هو في حد يقدر يبطل ياكل ويشرب؟؟؟




سلامووووووووووووز

Soooo يقول...

shahy

لولولولولولولولولولولولوييييييييي
الف الف الف مبروك يا ماما شاهي وعقبال مانفرح بالشنيور واخواتي البنانيت

اما بقى من ناحية ان دمي خفيف فده عشان انتي ماما شاهي والعجل في عين امه شمبانزي

ايه المثل الغريب ده؟؟؟

على اي حال .. الف شكر ليكي يا ماما شاهي على كلامك الجميل ده
وربنا يستر وتفضلي منوره المدونه بكلامك الجميل المشجع ده وتعرفي تدخلي تاني وتالت وعاشر ومليون


سلامي لاخواتي الصغيرين وسلامي لابو الدراويش




سلامووووووووووووز

Soooo يقول...

مشمش

يلا يا مشمش من هنا
يلا يامشمش
هنرش ميه
ولا اقولك
هنفيرس النت
هفجر المدونه

انتي جايه تهزأيني ولا ايه
انا بحنذرك
بحنذرك
وقد حنذر من بنجر

ولو عايزه تعرفي ايه اخر المذكرات .. قوليلي ايه اخر الاحداث اللي بنعيشها
هل هتنتهي على خير ولا على نكسه
فهمتي حاجه؟؟؟؟؟




سلاموووووووووووووز

Soooo يقول...

shayma

ياستي المدونة نورت بزيارتك والله
واقري اللي فات واللي جاي واقري كل اللي تحبيه

واللي اتكلم وشتم ده عبر عن نفسه وعن طبيعته
وخلص الحوار

عايزك تنوري المدونه دايما وماتغيبيش عننا كتير



سلامووووووووووووز

Soooo يقول...

monaliza

الحمدلله ان المذكرات عاجباكي ويارب نعيش ونشوفها فيلم

وربنا يوفقك يارب ويكرمك



سلامووووووووووز

Soooo يقول...

كاميليا

والله يا كاميللو كان نفسي اشوفك واتعرف عليكي لكن ان شاء الله الجايات اكتر من الرايحات
وماتقلقيش
هاخد بالي من كل الناس
وهاخد بالي من نفسي كمان

اهم حاجه انتي تاخدي بالك من نفسك وعايزك تبتسمي وتضحكي على قد ماتقدري
وتضحكي وش كده



سلاموووووووووووز

Soooo يقول...

همس الاحباب

الله يكرمك يا باشا ويكرم همس بنت اخويا
وبجد انا سعيد اني اتعرفت عليك واتكلمت معاك واكتشفت اننا بلديات كمان
وربنا يديم المعروف يارب


ملحوظه
شوف اول موضوع انت نزلته في المدونه بتاعتك




سلامووووووووووووووز

Soooo يقول...

اميره الصعيد

سعيد جدا بكلامك والله وسعيد اكتر باسمك واللي بيأكد على ان مدونتي شكلها كده هتبقى مليانه باخواتي واهلي وقرايبي من الصعيد
ولو في اي حد صعيدي تاني تعرفيه قوليله ينورني
خلونا نحس اننا عزوه كده امال

وياريت تعتبري مدونتي زي مدونتك وتنوريني بتعليقاتك وبزياراتك على قد ماتقدري



سلاموووووووووووز

Soooo يقول...

Z_Diva

ياستي اياكي تكتمي الضحك
الضحك ده علاج لحاجات كتير حتى لو كان ضحك من غير سبب

والحمدلله ان المدونه عجبتك وان مواضيع سينيماتيك عجبتك ولو اني شايفها مجرد خطرفه واي كلام

ونصيحه روحي شوفي الفيلم وان شاء الله هيعجبك




سلاموووووووووووووز

Soooo يقول...

مفقوعة مرارتي من حماتــــــــــــي

تقريبا والله طلع لاسع وفاضي قوي وعايش في دور المهم اللي وقته بفلوس
واتضح انه فاضي ولا وراه شغله ولا مشغله وعمال يلف على مدونات النس وبيطول لسانه عليهم
لكن انتي برضه علمتيه الادب

سيبك انتي .. نورتيني والله




سلاموووووووووووووز

Soooo يقول...

nigro

ابن المحلة البار
خلاص ياعم انا مش هقولك قوم ذاكر تاني
عشان انا بصراحه كنت باقفش من الكلمة دي لما تتقاللي
عيش حياتك ياعم

وبالنوسبه للسجاير .. فانا كولوباتراوي اصيل حضرتك
بس اوعدك اول ما اغتني والبليه تلعب في ايدي هقضيها معسل سلوم ولا قص

وسعيد جدا بالتاج اللي مررتهولي وربنا يسهل افضى شويه عشان ده محتاج اجابات دماغ
وانا بصراحه دماغي متاكله اليومين دول



ملحوظه
انا ماقلتش يفكو اللاب توب .. ده تفكير الصوت اللي هو زعيم العصابه .. تفكير اجرامي بقى
نياهاهاهعهعهعهعهخهخهخخخخخخخ
فليتضخم الجحششششش




سلامووووووووووووز

Soooo يقول...

Dr-hema

حقيقي سعيد بتعليقاتك اللي غرقت المدونه كلها في يوم واحد وبجد بجد الف الف شكر على كلامك وعلى تشجيعك
وياريت تعتبر مدونتي زي مدونتك تمام وتنورني دايما


وصدقني لو المذكرات بتاعتي تنفع تنزل في كتاب انا مستعد اروح لكل دور النشر .. لكن انا عارف سياستهم وتوجهاتهم
لا للعنف
لا للسكس
لا للسياسه

وانا بالرغم من اني بعيد عن التلات حاجات دول الى حد ما
لكن عارف انها ماينفعش




سلامووووووووووووز

Soooo يقول...

رئـــــيسـة حزب الأحلام

وعليكم السلام ورحمة الله وبركاته
الف شكر ليكي يا ستي الريسه


سلاموووووووووووز

Soooo يقول...

Eman Eltaher

ايمووووو
ازيك يابنت منتقتي
طب والله ليكي وحشه يا ايمو
وياستي سيبك من الكلام اللي قالو الاهبل ده
ده اصلا داير على كل مدونات الناس الساخرين وهاريهم كلام اهبل وعمال يقول انا مش فاضي
ده قاطع ولا وراه شغله ولا مشغله
وتلاقيه مستني المنحة بتاعة الاعانه في البلد اللي هو فيها وفاكر نفسه شغال وزير ولا مدير شركة الشرقيه للدخان

وعلى اي حال
نورتي المدونه طبعا ونورتي النت كللو
وانا ماقدرش اقول انك مش رومانسيه ولا حاجه
ده ابناء المعادي اكتر ناس رومانسيين .. واللي مش مصدقني يروح يشوف كورنيش المعادي ولا الناحية اللي عند المودرن اكاديمي
بيطقو رومانسيه

نورتيني واياكي تختفي كده مره تانيه يابنت منتقتي




سلاموووووووووووووووز

Soooo يقول...

3ala asm masr

اي والله ولاد حلال
تقدري تقولي غير كده ؟؟؟؟



سلاموووووووووووز

Soooo يقول...

الشنكوتي الكبير

وده اسمه كلام برضه ياشنكوتي
طبعا من ابو قسم
انا ماليش في نظام كل واحد على .. ابوه

انا اشتراكي حتى النخاااااع
بس هات انت حق السيجارتين الفرط عشان عايز اعمل مشروع استثماري


ملحوظه
لو عايز لاب توب .. اتصل بالرقم المجاني زيرو تسع تسعات واستك
وهتدخل معانا السحب على لاب توب او عربيه او موبيل ثري جي او عروسه .. عروسة مولد طبعا .. عشان المدام ماتقتلكش وتقتلنا معاك




سلامووووووووووووووز

Soooo يقول...

Miss. Sosa

اهلا بيكي في اول زياره ويارب ماتكونش اخر زياره وتفضلي متابعه مدونتي المتواضعه وشخابيطي اللي على قدي

ومنتظر رأيك بعد ماتقري الحلقات السابقه

سعيد جدا بتعليقك واتمنى انك تعتبري مدونتي زي مدونتك تمام وتشرفيني بزياراتك دايما




سلامووووووووووووز

Soooo يقول...

Rosa

ياعيب الشوووووووون
هو انتي هنا يا روزا
طب مش كان حد يقولي يا جرعان ان روزا هنا عشان ماشربش سبارس
بس صدقيني سوووو الصغير كان مؤدب قوي
منهم لله شلة المقاطيع اللي هيتعرف عليهم الحلقه اللي بعد الجايه




سلامووووووووووووز

Soooo يقول...

Salma Amer

ياستي اضحكي براحتك
والله العظيم الضحك ده مافيش احسن منه
بيحس بيه اللي مش بيقدر يضحك بس

اضحكي وعلى صوت ضحكتك ولا يهمك

ويارب تفضلي منوراني دايما بزيارتك وبتعليقك وتعتبري مدونتي زي مدونتك تمام



سلامووووووووووز

Soooo يقول...

حمامة

الله يخليك ويكرمك يارب
وللاسف كل حاجه في حياتنا بقت مضروبه
ربنا يستر ومانتضربش احنا كمان

يارب تتابع باقي المذكرات ويارب تعجبك




سلاموووووووووووز

Soooo يقول...

SKOBL- Little Lazy Me

الحمدلله ان الحلقه عجبتك
ومتشكر جدا على تعليقك بخصوص اللي شتمني وفعلا في ناس بتفهم ان التهييس او السخريه لمجرد الضحك وبس
وبجد انتو كجروب مهيسين ساخرين انا شايف ان دماغكم حلوة والله

وبعدين انت ايه اللي مقعدك
قوم زاكر يابني
قوم يا امتن هتلاقيني جايلكم مدونتكم وقافلها بالضبه والمفتاح لغاية ماتخلصو امتحاناتك وبعدين ارجعو هييسو براحتكم
قوم ياد لا اجي اعضك




سلامووووووووووووز

Soooo يقول...

عاليا حليم

ياستي الحمدلله انك ضحكتي
وبعدين انا ما اديتش فرصه للي شتم انه ينتشر
انا رديت على شتيمته وده حق مكفول في الدستور
والعين بالعين

بالنسبه للمذكرات وانها تتنشر فصدقيني انا عارف متطلبات دور النشر
دار النشر بيبقى ليه اهداف معينه ومحاذير معينه خايف منها
وانا في المذكرات دي باضرب عرض الحائط بالاهداف والمحاذير بتاعتهم
الا بقى لو دار نشر غير مصريه
ودي انا ارفضها شكلا ومضمونا لاني باتكلم عن حال مصر وماحبش حد يقراها غير المصريين اولا وباقي الناس ثانيا

فخمتو

والف شكر على اخر كلمه وربنا يرحم موتانا وموتى المسلمين ويجمعنا بيهم في جنة الفردوس الاعلى بصحبة سيدنا محمد عليه افضل صلاة واتم تسليم


سلاموووووووووووووز

Zika يقول...

انا اول مره ادخل المدونه
وبجد انا بقالي كتير اوي بقرا في المقالات قريت 13 و12 وموضوع الاخ اللي بيعلق عندك ده
وعلي فكره انت دمك خفيف اوي واسلوبك جميل جدا وانت فنان وبتعرف تكتب وبجد سيبك منه
دايما الي الامام
بجد مدونه رائعه
والبوست ده بالذات تحفه
انا هسجل مدونتك عندي وهتابعها باذن الله
بوست افتر بوست :D
ونصيحه مني : ماتعبرش الناس اللي تدخل ( غير معرف ) عشان دي بتبقي ناس جبانه وفاضيه
تحياتي

Eldebug يقول...

وانا زى زيكا اللى فوقى بالظبط...اول مرة برضه

انقل بقى تعليقه هنا واقراه من اول وجديد

تحياتى ...ولا هوه باين كاتبها

زُمُرده يقول...

ايوه كده

كويس انك رديت ع الناس


علشان تحافظ عليهم


بالهنا والشفا
-----------
موضوع بقايا زمرده

ده كلام كبييييييييير

بس انت شرفني في المدونه وعندي ليك شكولاته وتورته انما ايه
والساقع عليا كمان

فاتيما يقول...

نفسى أعرف خالد صالح ىخره إيه مع سووو
النقلات المرة دى كتير و المشاهد متنوعة و شوقتنا بقى نكمل
و لا ب توب إيه اللى هيحطوا فيه مخدرات يا شيخ
ريئس الجهاز دا عامل دماغ تمام و الله
إحنا كدا أطمنا على مستقبل الوطن كله
أنا بمررلك تاج يا سووو
أتمنى تقبله من أختك اللى بتعزك
تحياتى يا صديقى

فاتيما يقول...

أيوه
تعيش و تفتكر يا صديقى

بت خيخة وأى كلام يقول...

ربنا يرحم والدتك
ويرحم امواتنا المسلمين جميعا


سووو
كنت جاية علشان اسالك عن حاجتين
اولا
والدك عامل ايه دلوقتى
ثانيا

هو انت لما تكمل واحد وتلاتين سنة
هتغير اسم مدونتك هتخليها عجوز وعندى واحد وتلاتين سنة ولا هتسيبها زى ما هى
معلش اصل الموضوع ده شاغل دماغى جدا


تحياتى ليك
اختك خيخة

Soooo يقول...

Zika

سعيد جدا بكلامك الجميل ده وبتشجيعك وربنا يكرمك يارب
والحمدلله ان ربنا قدرني وقدرت ارسم ابتسامه على وشك ووشوش الناس اللي بتقرالي في مدونتي المتواضعه
وياريت تعتبر مدونتي زي مدونتك تمام وتشرفني دايما بتعليقاتك وبمتابعتك لشخابيطي البسيطه




سلامووووووووز

Soooo يقول...

Eldebug

سعيد جدا بكلامك الجميل ده وبتشجيعك وربنا يكرمك يارب
والحمدلله ان ربنا قدرني وقدرت ارسم ابتسامه على وشك ووشوش الناس اللي بتقرالي في مدونتي المتواضعه
وياريت تعتبر مدونتي زي مدونتك تمام وتشرفني دايما بتعليقاتك وبمتابعتك لشخابيطي البسيطه

ملحوظه
ده نفس الكلام اللي قلته لزيكا



سلامووووووووووووز

Soooo يقول...

زُمُرده

لازم طبعا ارد عالناس اللي كلفت نفسها وتابعتني وشجعتني وشدت من أزري
انا صعيدي واعرف الاصول

وبالنسبه لموضوع بقايا زمرده انا قريته اول مانزلتيه وماعلقتش عليه لسببين
لو ماكنتيش تعرفيهم
يبقى راجعي التاريخ

على فكره
انا عندي سكر والدكتور مانعني من الشيكولاته والحاجه الساقعه



سلامووووووووووز

Soooo يقول...

فاتيما

يارب تكون الحلقه عجبتك
ويارب تتابعيها لغاية ماتخلص ان شاء الله على خير

وبالنسبه للتاج ان شاء الله هجاوب عليه ولو اني خلاص اتفضحت قدام الكل وكل الناس عرفت ادق تفاصيل حياتي خلاص

وربنا يرحم موتانا وموتى المسلمين اجمعين ويجمعنا بهم في جنة الفردوس الاعلى بصحبة سيدنا ونبينا محمد عليه افضل صلاة واتم تسليم



سلاموووووووووز

Soooo يقول...

بت خيخة وأى كلام

الحمدلله والدي احسن دلوقتي وربنا يعمل اللي فيه الخير

وبعدين انا قريت سؤالك الخبيث ده وماكنتش ناوي اجاوب عليه غير في الاخر

وبعدين مين يعيش لغاية مايبقى عندي واحد وتلاتين سنه
الواحد مش ضامن عمره يا خيخه والله

بس انا هريحك
المدونه هيفضل اسمها زي ماهو
بس لوحدها




سلامووووووووووووز

القط البرى يقول...

بسم الله الرحمن الرحيم
والسلام عليكم ورحمة الله وبركاته
يا صديقى العزيز
انا مدون جديد واسمى القط البرى

اول مدونة ادخلها وتكون حلوة وجميلة

دى اول زيارة ليه فى مدونة العجوز

القط صاحى ومنتظر تعليقق

القط سيرحب بك جدا

شكرا يا ايتها المدونة الجميلة


والسلام عليكم ورحمة الله وبركاته

القط البرى يقول...

ملحوظة

انا فى الصف الخامس الابتدائى
سلاااااااااام

Whispers just for a Night يقول...

قُلْ بِفَضْلِ اللّهِ وَبِرَحْمَتِهِ فَبِذَلِكَ فَلْيَفْرَحُواْ هُوَ خَيْرٌ مِّمَّا يَجْمَعُونَ [يونس : 58]

بتوفيق من الله وفضل تم تحويل طلب الحملة التي تقودها المدونة بشأن سن قوانين للحد من التجديف على الإسلام خاصة والأديان عامة إلى المسئولين في هولندا
http://kawlansadida.blogspot.com/2008/04/blog-post_28.html

ساهم بتوقيعك في مطالبة الحكومة الهولندية بسن قوانين من شأنها حماية المسلمين من العبث بمقدساتهم الدينية خاصة ومن التجديف على الأديان عامة على الرابط التاليhttp://kawlansadida.blogspot.com/2008/04/blog-post_21.html
وجزاكم الله عن إسلامكم خيراً"

Soooo يقول...

القط البري

بسم الله الرحمن الرحيم
وعليكم السلام ورحمة الله وبركاته

سعيد جدا بانك متابع لمدونتي واتمنى نكون اصدقاء
وسعدت اكتر لما دخلت على مدونتك ولقيتها متنوعة مابين المعلومات العامه والنكت وباين انك اهلاوي زيي وان شاء الله نكون صحاب بجد



سلامووووووووووووز

Soooo يقول...

Whispers just for a Night

ربنا يوفقك ويوفق كل المسلمين على نصرة دين الاسلام ورفع رايته
واشهد ان لا اله الا الله
واشهد ان محمدا رسول الله




سلامووووووووووز

أماني يقول...

ياربي... ده أول حلقة أشوفها...أنا كده لازم أرجع م الأول...بس على مهلي بقه

ملحوظة:
حلو أوى الكلام إللي إنت كاتبه لمامتك...الله يرحمها

رئيس جمهوريه نفسى يقول...

واد يا سو يا الذ عجوز فين الجديد طولت قوى المره دى وعلى فكره يا عجوز اميره الصعيد اختى :D

مفقوعة مرارتي من حماتــــــــــــي يقول...

ربنا يرحم والدتك ياأطيب قلب

Soooo يقول...

أماني

يافندم اقري من الاول وبراحتك خالص
ويارب تعجبك وتتابعيها لاخرها

وربنا يرحمنا جميعا احياءا وامواتا مسلمين ومسلمات




سلامووووووووووووز

Soooo يقول...

رئيس جمهوريه نفسى

حبيب قلبي والله يابو حنفي
انا ياباشا ولا طولت ولا حاجه .. الحلقة نتيجة لبعض الاحداث الجغرافيه بقت هتنزل يوم الاربع وذلك لاسباب امنيه
اصل كنت باحب اخترنالك اللي بيجيبوه يوم الاربع عالقناة الاولى

ملحوظه
طب تصدق بالله انك فرحتني اكتر والله ان اميرة الصعيد تبقى اختك .. وربنا يوفقها في التدوين وتبقى مدونة مشهورة ومحبوبه عند كل المدونين زي اخوها ماهو اخونا كلنا




سلامووووووووووووز

Soooo يقول...

مفقوعة مرارتي من حماتــــــــــــي

ربنا يرحم موتانا وموتى المسلمين أجمعين يارب
والف شكر على تعاطفك وعلى دعوتك
وربنا يتقبل يارب




سلاموووووووووووز