الأربعاء، 10 ربيع الآخر، 1429 هـ

(12)مذكرات طفل .. طخين

المحطه الاتناشر .. هي سايبه !؟؟
-----------------------

خالد صالح : اوعو تكونو فاكرين ان البلد سايبه .. البلد فيها حكومه .. والحكومه دي هي انا
قال الامين خالد صالح هذه الجمله وهو يتمشى بيننا في التخشيبه وكأنه اسد في عرينه .. كان بحق امبراطورا على مجموعة من المجرمين الأبرياء الذين ساقهم حظهم العاثر في وجهه .. وكانت كل جريمتهم انهم فاتحين انترنت كافيه .. من غير سيديهات اصلي

خالد صالح : انا عايزكم تفهمو كويس اني ماحبش حد يسرقني ويستعماني .. عايزين تاكلو عيش ماقلناش حاجه .. عايزين تتجوزو خير وبركه حلال مش هقدر احرمه .. انما ماتدونيش حقي اقفلكم واقول ستوووووب .. ده اللي مالوش خير في خالد .. مالوش خير في مصر

شدتني عبارته الاخيره للغاية .. خصوصا بعد ان عرفت من احد رفقاء الزنزانه ان خالد صالح واخد كورسات اوفيس واكسيل وكمان خريج حقوق وكان نفسه يترقى لظابط .. ولما ماعرفش يترقى نتيجة رفض وزارة الداخليه لقبول كل امناء الشرطه واللي معاهم ليسانس حقوق واللي بقو اكتر من الظباط الحاليين .. اشترى جهاز كومبيوتر ورايتر وبقى بينسخ سيديهات ويبيعها للناس .. لكن للأسف الناس اللي اتمسكو النهارده وانا معاهم ماكانوش مشترين سيديهات من عنده عشان بيبيعها غالي .. بيبيعها بسعر السيديهات الاصليه .. وبيتحجج بانه بيحميهم ومش هيخلي بتوع المصنفات يتلككولهم ولا يهوبو ناحيتهم
خالد صالح : - ناظرا لي - وانت ياد يا طخين
-------
خرجت سونيا من الغرفة اللي قاعدين فيها هي وسامبا بعد ماعرفت تشحن الكارت ابو عشره جنيه .. وفي أثناء ماهم خارجين وماشيين جنب الغرفه الملاصقه لغرفتهم - واللي كل مره تعدي قدام بابها تبقى عايزه تفتح الباب لكن في حاجه بتمنعها خصوصا بعد ماتبص لسامبا تلاقيه بيؤكد لها انه يستحسن ماتفتحش الباب - ووقفت قدام الباب وحطت ايدها على الأُكره وهي مصممة انها تفتح باب الاوضه المره دي .. لكن سرعان ما شالت ايدها وانتابتها حالة بكاء بحزن .. وكادت ان تنهار وتقع على الارض لولا ان سامبها سندها من كتفها .. واستمرو في طريقهم خارج المصنع المهجور وهي بتتمتم بصوت واطي وكللو حزن وبتقول
سونيا : منك لله يا سوووو .. منك لله
---------
اترعبت لما سمعت صوت خالد صالح وهو بينادي علي في وسط التخشيبه .. لكن قلت في عقل بالي .. العمر واحد والرب واحد .. واستحمل يا سوووو مادمت عملت فيها السبع رجاله .. ورحت رادد عليه بصوت كللو قوه
سوووو : بس ماتقولش ياد .. طخين آه .. انما انا مش ياد
خالد صالح : - وهو يقترب مني - لا باين عليك واد جدع
انتشيت فخرا من كلامه .. ولو اني مش عارف يعني ايه انتشيت .. لكن انا حسيتني انتشيت
خالد صالح : - وهو يقترب مني الى ان اصبح مواجها لي - تقدر تقولي ايه اللي انت عملته ده في رجالتي؟؟
اقتربت منه برضه ومافيش حد احسن من حد .. ورحت رافع عيني في عينه وقلتله
سوووو : علمتهم الأدب .. ماهو مايصحش يستغلو سلطتهم ويتشطرو على حتة عيل غلبان .. وسايبين الحراميه الكبار
كانت كلمتي هذه بمثابة صدمه للأمين خالد صالح .. فلقد شعرت به وقد دخل في قلبه بعض الشكوك من أن اكون أحد العيال اللي بيقعدو على البورصه وبيطالبو بحقوق الانسان وبيعملو مظاهرات واضرابات وعايشين في الدور .. لكنه نزل براسه لغاية مابقى في مستوى راسي .. وقال بصوت واطي وهادي
خالد صالح : عارف لو كان كلامك صح .. يبقى انت فعلا عيل جدع
ورفع رأسه بسرعه واتجه خارج باب التخشيبه ولكن قبل خروجه نظر لأحد العساكر وقال له وهو ينظر الي
خالد صالح : شوفوله لقمه ياكلها .. وبعد كده خلوه يطلعلي فوق
--------
في مبنى الجهاز الامني رفيع المستوى .. دخل مصطفى شعبان ومنى زكي على رئيس الجهاز وكان يبدو عليهما التوتر والاضطراب
توفيق عبد الحميد : - وهو يلعب سوليتير عالكومبيوتر - خير يا ولاد .. في حاجه ؟
مصطفى شعبان : - يتكلم متلعثما - الحقيقه يافندم في مشكله
توفيق عبد الحميد : - وهو مستمر في اللعب على الكومبيوتر - اكيد مش زي المشكله اللي انا فيها
منى زكي : - وهي تتقدم خطوة في اتجاه توفيق بيه - الحقيقه يا توفيق بيه .. هي مشكله كبيره
توفيق عبد الحميد : - وهو ينظر اليهم بقلق ويقف من على كرسي المكتب - اوعي تقوليلي ان المرتبات نزلت وماحسبوليش الاضافي؟؟
مصطفى شعبان : لا يافندم لسه المرتبات مانزلتش
توفيق عبد الحميد : - وهو يتنفس الصعداء - يبقى أي مشكله تانيه تهون
منى زكي تشاور لمصطفى انه لازم هو اللي يقوللو ومصطفى بيزقها من كتفها عشان هي اللي تقول وهي بتشيل ايده من على كتفها وهو مستمر في زقها
توفيق عبد الحميد : - مقاطعا - في ايه يا جرعان ماتخلصونا في الليله دي
مصطفى شعبان ومنى زكي : - في نفس واحد وهم مخضوضين - سوووو اتخطف
توفيق عبد الحميد : - وهو يبتسم ويجلس مرة اخرى على الكرسي - ياسلام .. طب مانا عارف
--------
يتبع

سوووو

هناك 54 تعليقًا:

appy يقول...

انا الاول صح

هو ايه ده كل حد عاوز يروح شرطه يبقى بالساهل كده
الا هما بتوع حقوقو بيروحوا هناك
سوووو هى سونيا شافت ايه وعيطت
عاوزة اعرف

هقرى تانى وارجعلك وعاوزة جايزة اول معلقاتى ممكن

فاتيما يقول...

المذكرات دى لازم تتعمل فيلم زى أفلام اوستن باورز كدا اللى بتتريأعلى جيمس بوند ...
هيكون فيلم تحفة يا سووو
و عندك قدرة هايلة فى تكثيف المشهد و اثراء الخيال ..زأنا قاعدة بتخيل الأبطال بشخصياتهم الحقيقية و هيا بتتحرك و تنطق جمل الحوار اللى انت كاتبها ...
انت هايل هايل هايل
تسلم إيدك يا واد
و الخطة بتاعتك فشلت من أول تلميحة ...الواد شكله مظبط نفسه
و عموا حبقى أشوفه سى دى و هفتكرك طبعا

Soooo يقول...

appy

انا عارفه ياختي
هي كلية شرطه دي بالساهل ولا ايه


ملحوظه
مين قالك انه عايز يدخل كلية شرطه .. هو بس عايز يدرس مواد قانون عشان امناء الشرطه في المعهد بيدرسو علوم شرطه .. بينما في كلية شرطه بيدرسو علوم شرطه مضاف اليها مواد قانون .. وبالتالي فهو ينفع ان اي امين شرطه لو اتخرج من المعهد وبعد كده درس حقوق هيبقى درس اقرب العلوم للعلوم اللي بيدرسوها في كلية الشرطه
وبيتبقى موافقة وزارة الداخليه على تحويله من امين شرطه لظابط .. وده مش بيحصل غير في حالات خاصه جدا جدا جدا

ومنتظر قرايتك التانيه وتعليقك التاني



سلامووووووووووووووز

Soooo يقول...

فاتيما

والله يا فاتيما انا اذا كان علي عايز اخلي المذكرات دي للقرائه وبس
ولو على التريقه على افلام جيمس بندق فانا كاتب معالجه ولسه ما حولتهاش لسيناريو لضيق الوقت .. واسم الفيلم جمعة فولت


همممم .. بما ان الخطه فشلت فيبقى في خطه بديله .. خطة سبعميه اربعه وستين
وتنص على الاتي
اول حاجه .. اقفشي على اخوكي وماتكلميهوش كتير
تاني حاجه استمري في انك تتكلمي قدامه ولكن بطريقه غير مباشره على ان في بنت انتي عرفتيها بنت زي القمر وشبه منة شلبي .. وأكدي على منه شلبي مش هند صبري
تالت حاجه .. اعملي موبيلك سايلم واعملي انك بتتكلمي معاها طول ماهو قدامك وبتهزري معاها وتضحكي معاها وتفضلي تقولي انتي دمك خفيف دمك خفيف دمك خفيف
رابع حاجه بقى ودي اخر الخطه .. تقولي قدامه بطريقه غير مباشره ان البنت دي جابت عربية هيونداي كوبيه لونها احمر .. وانك رايحه السينما معاها وهتتفسحو شويه .. ساعتها هتلاقيه بيقولك انا قتيلك اجي معاكم


ملحوظه مهمة فحت
فهمي والدتك على الخطه دي وعلى الحوارات دي كلها عشان ماتصدقش انك رايحه تتفسحي وعشان ماتصدقش ان البنت دي ليها وجود وتفكر تجوز اخوكي ليها ولما تقوليلهم انها من خيالك هتلاقي والدتك تقولك .. هو انتي كده مش بتحبي الخير لاخواتك
!!!!!!



سلامووووووووووووووووز

صوت من مصر يقول...

سووووووووووو
خلى بالك من خالد صالح يعنى لازم تجمع ملف عنه عشان لا قدر الله حصل حاجه تبقى فى السليم يا مان

Malk Almasria يقول...

او ل ما لفت نظرى فى المدونه هى اسمها ودة خلانى اقرا فيها

بجد اسلوبك حلو جدا

تحياتى


ملك المصرية

اهو ده عيبه يقول...

شكلى جيت بدرى المره دى
لا بجد هايلة يا عم سوووو
بس توفيق قديم قوى لسه بيلعب سوليتير ما تنزله كام لعبه حلوين يتسلى بيهم على ما المرتب والاضافى ينزلوا

انما ايه موضوع اوكرة الباب اللى اثر فى نفسية سونيا ده؟ وخلاها تنهنه كده

اما بالنسبة لخالد صالح فربنا يستر ويعدى اليوم معاه على خير

الحقنا بقى بالجزء اللى بعده

خمسة فضفضة يقول...

السلام عليك ورحمةو الله وبركاته

ايه يا سووووووو انت بتعمل الحلقات قصيره كده ليه بس
وكل مره تقعد تشوقنا للمره اللي بعدها

ياريت تطولها شويه
-------
بالنسبه للبوست اللي فات مالحقتش اعلق عليه لما كان طازه بس عاوزه اقولك حاجه مش شايفه ان الخط الاساسي في القصه اللي بيعتمد علي ان جد البطل سايبله ورقة شفره بتوصله في النهايه لكنز شبيه بفيلم National Treasure بتاع نيكولاس كيدج
مش عارفه ليه تلات ارباع الافلام دلوقتي بحسها مقتبسه من افلام اجنبيه حتي الافيشات يا عمي ما رحموهاش ، ولا ايه رايك ؟؟؟؟

سلام

دكتور حر يقول...

بقولك ايه


سيبني اسبوع
اتنين
تلاته

كده

أفهم ايه اللي بيجرى بس

يا اما تديني ملخص الدنيا فيها ايه
ايه ده
هو انا مين؟

حد يرد عليا

دكتور حر يقول...

بس على فكره
الموضوع برضه شكله حلو

اي والله

ojg يقول...

ههههههههههههههههههههههههههههههههههههههههههههههههههههههههههههههههههههه

وكمان أمناء الشرطة اللي بيذاكرو وبيقاسموا مع الحرمية عشان يغطوا عليهم
وبورصة وحموم الإنسان وبطالة مقنعة وسوليتير
كلام كبير يا كبير وربنا يستر عليك يا خطير

الصراحة يا أحمد
كلام جامد موووووت وفي سياق كوميدي بشكل فظييييييع

البوست اللي جاي فيييين؟
هو مش انهارده الاتنين الجاي؟؟
:))

Soooo يقول...

صوت من مصر

ماتقلقش علي
طب ده انا موضبلو حتة مهموز
انما اييييييييييه
اصليييييييييي

نورتني يا برنس والف شكر على التعليق والتحذير



سلامووووووووووووز

Soooo يقول...

Malk Almasria

الف شكر على تعليقك الجميل ده يا ملك والف شكر على زيارتك دي
وياريت تعتبري مدونتي زي مدونتك تمام وتنوريني كده دايما بتعلقاتك وبزياراتك



سلاموووووووووووز

Soooo يقول...

اهو ده عيبه

يافندم اتني تنوريني وقت ماتحبي
بدري ولا متأخر مش هتفرق صدقيني
المهم انك تنوريني وتعلقي وتقولي رأيك
وبعدين علمك علمك علمك .. سوليتير بتاعة الجهاز الامني مش زي اي سوليتير يعني
هم بيلعبو ولا ايه
دي اسرار وطن ماقدرش اتكلم عنها
وبالنوسبة لأوكرة الباب .. تابعي الحدوته وانتي هتفهمي سوووو عمل ايه
ده اتاريه ميه من تحت تبن واحنا مش واخدين بالنا




سلاموووووووووووووز

Soooo يقول...

خمسة فضفضة

وعليكم السلام ورحمة الله وبركاته
انتي يابنتي بتختفي كده ليه
بقولك ايه .. عايزك تنوريني هنا دايما بتعليقاتك
انا بقولك اهو
وياستي الحلقه ولا قصيره ولا بتاع
هو بس الايقاع شد شويه فتحسي ان الحلقه قصيره
------------
انا كنت عايزك تعلقي التعليق ده على الموضوع بتاع الفيلم .. ليه بقى .. عشان اوضحلك حاجه مهمة
الاول جاوبيني على استفساري
انهي الاول .. روميو وجوليت ولا عنتر وعبله .. ولا قيس وليلى .. ولا انطونيو وكليوباترا؟؟
فهمتي قصدي
هتقوليلي طب ماهو فيلم ناشينوال تريجرز نازل قبل ورقة شفره
هقولك في فيلم نزل زمان قوي تقريبا بعد النكسه وكان فيلم مصري لبناني اسمه ورك فرخه في المحيط الهادي تقريبا بتاع حسن يوسف ولبلبه وناس تانيه بيتكلم برضه عن خريطة الكنز .. يبقى ناشينوال تريجرز سارقين القصه منه؟؟

اللي بيتحكم في الدراما حاجه وتلاتين تيمه او حبكه .. هم هم من اول ما السينما والمسرح اتعملو

مش مهم التيما قد ماهو مهم المعالجه
يعني ابسط حاجه بما انك شفتي الفيلم .. موقف زي بتاع هشام او فايز لما في اول الفيلم وبيتخانق هو وصاحبته ونزلو ضرب في بعض .. هل ده اتعمل في اي فيلم عربي بالطريقه الساخره دي ؟؟
بلاش المشهد ده .. الجزئية بتاعة لما راحو لشامبليون والتركيبه بتاعتهم وشخصية شامبليون اللي مش بيحب الشمس وهم بيهددوه عن طريق انهم يفتحو شبابيك الشقه عشان يعذبوه .. هل دي اتعملت في فيلم عربي قبل كده ؟؟
ماهي دي كلها حشوات .. الحشوات دي هي اللي بتعمل في الاخر الفيلم كللو على بعض
الفيلم مش قصه بتدور حول خريطة الكنز التي يجب على فايز العثور عليها ومش عارف ايه وكلام الجرايد اللي الصحفيين بيقولوه وهم ماراحوش الفيلم عشان يوفرو حق التذكره اللي الجرنان وافقلهم عليهم ويضربو تمن التزكره في جيبهم
الفيلم .. معالجه

بالنسبه للأفيشات والسرقه بتاعتها .. فدي عايزالها مواضيع كتييييييييييير قوي
بس لما اروق كده

اتمنى انك تكوني فهمتي وجهة نظري
ونورتيني ياستي




سلاموووووووووووووز

Soooo يقول...

دكتور حر

منورني يا دكتره والله
بس ايه ده ياعم
جايلي من غير بينج ولا شريط اسبرين ولا حتى لفة شاش
ومالو ياسيدي
نورني انت والميكروكروم علي انا

وياسيدي اقرى الموضوع براحتك خالص من طأطأ لغاية مانا فيه دلوقتي

وعلق براحتك بعدين
منور والله



سلامووووووووووووز

Soooo يقول...

ojg

الحمدلله انك ضحكتي ويارب الضحكه تكون طالعه من القلب

وبعدين هو انتي لسه شفتي حاجه
ده في بلاوي هتتقال
وربنا يسنرها علينا .. ده احنا غلابه يا حكومه

ملحوظه
هم غيرو الايام وانا مش واخد بالي؟؟؟
تصوري كنت فاكر النهارده التلات والحلقه نزلت امبارح بس




سلامووووووووووووووز

maii bahaa يقول...

إزيك يا سيناريست المستقبل
انت باين عليك طخين بس مخك مش طخين

أخبارك إيه؟ مش فاضيلنا ولا ايه؟
تحياتي
:)

بت خيخة وأى كلام يقول...

هاموت واعرف فيه ايه جوة الاوضة اللى سونيا مترددة تفتح بابها
خلينا ورا سوووو لحد باب الاوضة
لما نشوف اخرتها ايه

بت خيخة وأى كلام يقول...

انت يا واد يا سوووو ايه اللى مصحيك لحد دلوقتى
انا بعلق عندك وانت بتعلق عندى فى نفس ذات الوقت
روح نام يلا وبلاش سهر

خايف من الحقيقة يقول...

شوف ياعم سو

ارجوك متاجلش اي سيناريو او موضوع

بجد اتحرك بسرعه انت موهوب وفنان بجد
وخدها نصيحه من اخوك العجوز بجد

ان من عشرين خمسه وعشرين سنه كده كتبت قصة

وكسلت انقحها واصلحها واظبطها
كنت شايفها تافه
وكنت مكسوف منها
قوم بعد كده الخط الرئيسي ليها يكون هو الخط الرئيسي لواحده من اهم الروايات اللي اتكبت من عشر سنين ومش هقولك اسمها
والله طبعا توارد خواطر لان انا اصلا محدش قراها غير دايره صغيره جدا من الاصدقاء
المهم متاجلش
بلاش انت موهوب
بلاش تاجل حاجه

خمسة فضفضة يقول...

السلام عليكم ورحمة الله وبركاته

معلش بقي يا سووووو بس المشكله اني اليوميندول بقيت شايله فترتين في الصيدليه لان في دكتوره معايا مشيت فماعدتش فاضيه ، وعموما يا سيدي اديني علقتلك اه تعليق 2 في واحد وآدي الثالث يعني بقي 3 في واحد زي الشامبو كده :-)

---------
بالنسبه للفيلم لا ماشفتوش ولا حاجه اصل انا تبع حزب الصحفيين اللي بيضربو تمن التذكره في جيوبهم
هههههههههه

لا بجد اصل عشان مدينتي مافيهاش سنيما وطبعا مش فاضيه اسافر مخصوص عشان ادخل سنيما في حته محترمه
انا قريت عن القصه في كذا حته وكمان سمعت لقاء مع ابطال الفيلم عنها

هو كلامك طبعا حلو جدا ، بس برضو ماينفيش ان كتير من كتاب القصه والسيناريو في مصر بيقتبسوا من افلام اجنبيه او علي الاقل بياخدولهم موقفين تلاته من كام فيلم او حتي الفكره الاساسيه وبعدين هما بقي يحبشوها علي الطريقه المصريه بمزاجهم واعتقد ده اللي حاصل في ورقة شفره

وفي افلام مقتبسه بالكامل من افلام اجنبيه زي مثلا علي مافتكر فيلم الرجل الابيض المتوسط وفيلم مجانين علي الطريق بتاع سمير صبري وفيلم التوربيني بتاع احمد رزق ، وفيلم الجينز وفيلم الامبراطور ومؤخرا فيلم شارع 18 .....يووووووووه دا انا لو قعدت اعدهم مش هاخلص ويمكن مايتبقاش الا فيلمين تلاته وتلاقي كمان جواهم مشاهد منقوله بالحرف ، لولا قلة الامكانيات والانتاج اللي بيبقي بخيل كنت هاتلاقي كل حاجه نقل مسطره
وطبعا لازم نوضح هنا الفرق بين الاقتباس والسرقه بمعني ان واحد يجي يقولك انا مقتبس الفيلم ده عن الفيلم الفولاني ، ولا الافيش ده عن فلان ، غير لما يسيبك كده علي عماك ياتعرف بالصدفه ياماتعرفش اصلا

سعدت جدا بردك الجميل وىسفه اني دوشتلك دماغك

سلام

Doba يقول...

مش عارفة ليه كل اللى على بالى وعاوزة اقوله

يا لذيذ يا رايق

ايه الروقان اللى انت فيه ده ياض يا سوووو

اهلك مخطوفين وانت مخطوف وعثل والله عثل

وازاى ميحسبولوش الاضافى يعنى ده حتى شقيان وتعبان وبيلعب سوليتير

بالتوفيق دايما
هبة

رئيس جمهوريه نفسى يقول...

عارف يا سو انا بتخيل الافلام الى انت مدخلها فى بعض وبتخيل طفل تخين كلبوظه بيتحرك وسطهم
وارد على ابى اه بنروح هناك عاجبك ولا لا

مهندس مصري يقول...

لا بس انا كمان رغم حلاوة الحلقة حاسس انها قصيرة جداً
و مش داخل دماغي كلامك عن الإيقاع و بتاع
طول الحلقة شوية يا هندسة ينوبك فينا ثواب
:)

اعترافات انثى جامحة يقول...

لذيذة اوى مذكراتك دى

wanna b a physician يقول...

خلى بالك من نفسك
عشان الحاجات اللى مش ولا بد
ربنا معاك انا برضوة بافكر اخد حقوق وبعدين اخش معهد امناء وابقى ظبوط
تحياتى

walaa يقول...

انتشيت فخرا من كلامه .. ولو اني مش عارف يعني ايه انتشيت .. لكن انا حسيتني انتشيت

طيب ازاى حسيت الاحساس ده وانت مش عارف معناه
ومش خايف كده من خالد صالح ايه الجرأه دى

بس والله عندك حق هما سابين اللى نهابين البلد ومسكين فى الناس الشرفاء
مستنين الباقى
تحياتى ولاء

الدائخ يقول...

"وقفت قدام الباب وحطت ايدها على الأُكره وهي مصممة انها تفتح باب الاوضه المره دي .. لكن سرعان ما شالت ايدها وانتابتها حالة بكاء بحزن .. وكادت ان تنهار وتقع على الارض لولا ان سامبها سندها من كتفها .. واستمرو في طريقهم خارج المصنع المهجور وهي بتتمتم بصوت واطي وكللو حزن وبتقول
سونيا : منك لله يا سوووو .. منك لله"

عملت إيه في البنية يا ولدي .. كده تشحتف قلبها .. و أنا اللي فاكرك طيب و علي نياتك .. طلعت داهية ..

غير معرف يقول...

"خالد صالح : شوفوله لقمه ياكلها .. وبعد كده خلوه يطلعلي فوق"
أخى الحبيب أحمد سوووو
و لا يهمك فوق و لا تحت أثبت سوووو
هانت و سوف يشرق غدا جديد ليس فيه خوف و لا فساد و لا أختطاف و لا سحل
سوف تشرق شمس العدل و يأخذ كل صاحب حق حقه الضائع..
أبو خالد

نسر الشرق يقول...

تحياتى لطفل الطخين
هو كان يعرف يجرى
ابن خالتى تخين
انا فى الصف السادس الابتدائى

الشنكوتي الكبير يقول...

ههههههههههههههههههههههه

انت واد عسل يا سوووو

بجد كل لما بكون مخنوق وافتح اقرأ المذكرات بنبسط قوي وبضحك كتير

بجد ربنا يسعدك ويفرح قلبك
البوست زي العسل بجد

وبعدين تحليلاتك السينيمائيه فزيييييييييعه

ربنا يحفظك
سلااااااااااااااااااااااام

واحد من البلد دى يقول...

يخرب عقلك يا سووووووووو...يا ابنى انت لازم تنشر السلسلة دى ..والله عندك حس عالى لطريقة السرد القصصى....بس طبعا من غير ..مصطفى زكى ومنى شعبان وصالح سونيا واليلة دى كلها...تحياتى..واعذرنى لقلة مرورى لكثرة مشاغلى...دمت صديقا

د/اجدع بنوته يقول...

هههههههههههه

انت ياض ياطخيين

ارحمنا بقىىىىى

ههههههههههههههههه

ههههههههههههههههه

المنسى يقول...

السلام عليكم
يايومياتك ياسوووو
والله دمك خفيف بجد
ياعمى والله لازم تعرض الكلام ده على مخرج ولاممثل
والله جامدة جدا
وهادفة كمان
ووراها مغزى
مش كدة ولا إيه

لـــى لــــىِ يقول...

توفيق عبد الحميد : - وهو يلعب سوليتير عالكومبيوتر - خير يا ولاد .. في حاجه ؟
......

ههههههههههههههههههههههههه

الحلقة جامدة جامدة يعنى

لأ والريس بيلعب سوليتير

انا عايزة اعرف سونيا دي اخرتها ايه؟

احلوت قوى كمل ياسوووو

فى انتظارك

سلاماتى

بنت مصريه يقول...

انت عسل يا سوووووو بجد انا كنت عايزه ادخل الفيلم ده بس خلاص بقى انت حرقتهولى ههههههههه انا بهزر معاك ربنا يوفقك
نورنى كاتبه حاجه جديده

مشمش يقول...

جامدة ياصاحبي يارب يكونو بس اكلوك اكلة جامدة كدة عشان انا متوقعة انك هتاخد اليوم دة علقة من النوع التقيل عشان كدة اكلوك
الله يكون في عونك ياصحبي

Rosa يقول...

ووقفت قدام الباب وحطت ايدها على الأُكره وهي مصممة انها تفتح باب الاوضه المره دي .. لكن سرعان ما شالت ايدها وانتابتها حالة بكاء بحزن .. وكادت ان تنهار وتقع على الارض لولا ان سامبها سندها من كتفها .. واستمرو في طريقهم خارج المصنع المهجور وهي بتتمتم بصوت واطي وكللو حزن وبتقول
سونيا : منك لله يا سوووو .. منك لله
-----------------
منك لله فعلا يا سووو بقى تخلي سونيا سرعان ماتشيل ايدها كده من الاكره؟؟
:D
جامده اوي سرعان ماتشيل دي
يلا يا سو عايزين نعرف النهاية بقى انا بقيت انام احلم بالاحداث العظيمه دي
حرام عليك منك لله يا سوووو
هههههه

Rosa يقول...

اه في حاجه كمان انا عاجباني الخطه الي انت عامله في اخو فاتيما دي
هو صحيح مش عارفه ايه الموضوع بس ممكن ألجأ ليك في خطه تانيه مش عارفه عن ايه بس شكل خططك جامده
ممكن؟؟
ههههههه
فظيع يا سوووو بجد

غير معرف يقول...

i ve visited ur blog more than once just to figure out what it is about then at last i figured out that i wasted my time, the country is experiencing a turning point man and u r writing this shit? what is the purpose of these posts, u r no artist, no good writer, u have no style and talking about silly things and i dont mind being silly if u have an artistic style or at least a nice sense of humor but u dont plus: damak te2eeeeeeeel
why dont u find urself something useful to do

Placa de Vídeo يقول...

Hello. This post is likeable, and your blog is very interesting, congratulations :-). I will add in my blogroll =). If possible gives a last there on my blog, it is about the Placa de Vídeo, I hope you enjoy. The address is http://placa-de-video.blogspot.com. A hug.

EmY يقول...

دي اول زياره ليا عندك بجد سعيده جدآ بالزياره و هابات هنا بعد كده
ايه المذكرات الجامده دي و نجوم مصر كلهم عندك يعني عايش في استديو مصر

مستنيه الجديد

somaa mahaba يقول...

هههههه دا انت دماغ
انا حستنى اشوف الباقى
تحياتى ليك سومه-87

بت خيخة وأى كلام يقول...

سوووو
ممكن اسالك سؤال مالهوش اى علاقة بالقصة بس جه على بالى ومحيرانى ومطير النوم من عنيا
هو انت لما تكمل واحد وتلاتين سنة
هيكون اسم مدونتك برضه عجوز وعندى تلاتين سنة ولا هتغير اسم مدونتك وهتخليه عجوز وعندى واحد وتلاتين سنة

ياريت تفدنى لان الموضوع شاغلنى جدا

سلام
اختك خيخة

أحمد علي يقول...

الحلقة المحظورة ...
الأن في صحبة ........
دعوة عامة
تدعوكي مدونة الصحبة للرد علي أبشع المقالات عن الأخوان المسلميين .... بالله عليكم أرجوا الرد لنعرف من علي صواب

* الأخوان تخلوا عن الشعب
* من الصحبة الي الأخوان

و أكثر ... بل و أبشع ... فقط في الحلقة المحظورة ... علي مدونة صحبة بالله عليكم أدخلوا هنا
وشوفوا انا عندي حق ولا لأ بس ردوا
أوكية
http://so7bah.blogspot.com/

كما أتمني أن اكون من مدوناتك المفضلة التي تزورها دائما .... أنتظرك في مدونتي

appy يقول...

النبى يا سوووو يا اخويا اقعد ليه فى جنب كده ايوون
اصل انت عارف ان الضغط عندى واطى اليومين دول وعاوزة ارفعه
مشطوب الاسم او مخفيه الاسم اللى داخل من غير اسم علشان اسمه وقع منه وهو ماشى ولا اتزحلق فى التواليت
يا اعمى القلب والايدين والعنين والدماغ اللى مزنوقه فى كعب جزمه قديمه لو ركزت ومبقتش سطحى هتفهم ان هو بيجيب سلبيات فى البلد بصورة كوميديه وفى حياة طفل يعنى مش بيكتب لمجرد الهرتله زيك
وبعدين تضيع وقتك ايه ما هو ضايع اساسا
هو اللى زيك بيبقى فيه حاجه مهمه فى حياته
المهم بص يا سوو يا خويا ابقى رش فيلت للحشرات دول اللى بيطلعوا علينا من البلاعات
وبعدين ابقى اديله ورقه وقلم يورينا ابداعاته الفنان اللى فى بير السلم زى الفيران المستخبيه ده
يالا سلام بقى علشان كده دخلنا على المرارة

son's egypt يقول...

السلام عليكم
عجبنب هدوء توفيق عبد الحميد كان منزعج جدا للمرتبات وهادئ جدا مع خطف سوسو

Doba يقول...

السيد المحترم اللى داخل بدون اسم
الغير معروف

متشكرين يا سيدى لكلماتك المادحة ووقتك الثمين اللى ضيعته وسط مدونة من احلى وافضل المدونات ولكن القافلة تسير والكلاب تعوى

اذا لم تستطع ان تواجه من أمامك بجرأة وقوة ووجه مكشوف فيجب ان تختفى وراء الساتر دائما الذى تتحدث من خلفه

بس اقول ايه

الناس المحترمة اوقات بيصيبها قليل من الشيت بس ده بيبقى فى اوقات كتير حلو ومميز لانه بيورينا الحاقدين والمزيفين والفاسقين وبيعرفنا اكتر واكتر قد ايه هما متميزين

سلام يا خفه

MKSARAT SAYED SAAD يقول...

سو باشا الجميل
صباح الورد
اول حاجه لسه بقول بسم الله لقيتك كاتب المحطة الاتناشر فضحكت على الكلمه وتقريبا بقيت عمال اقرا وانا مبتسم هو اللي حوليا مكنوش عارفين سبب التفائل اللي على وشي ايه سببه
بس اكيد انت عارف
خلي بالك من خالد صالح
علشان كانم بيقول لأحمد السقا في فيلم تيتو انه ابوه
انا قلت احزرك
هههههههههه
تحياتي
سيد سعد

Soooo يقول...

شكرا لكل اللي دخل وعلق وقال رأيه




سلامووووووووووووووووز

somaa mahaba يقول...

يا ربنااا والله ما شفت التعليق الانجليزى يمكن عشان انا ثقافتى على قدى فيه فمبفكرش اقرا اى تعليق انجليزى
وحتى لو حصل وقريت مبفهمش يعنى دا الطبيعى عندى

وعموما متدايقش من معدومى الاسماء دا زى ما قلتلك ثقافته مش مساعداه يفهم
ومخه لسه مستوعبش
تحياتى ليك سومه_87

سهر الليالى يقول...

يا لهوى
طب منا عارف

لا تصدق قافلة جامدة ياااااااض
ههههههه

ايه يا ابنى دة لا انا شكلى دماغى ضربت تقريبا انت مخبط فى الأفلام وانا شكلى لازم اتابع كلو عشان اعرف اجاريك احنا مش قدك ياعم

تحياتى ودمت مبدعا
وكمل ولا يهمك

Dr-hema يقول...

هى دى اخرتنا اللى ملهوش شغلانة يجيب سى دى رايتر وينسخ اسطوانات او يفتح سايبر او يجيب توكتوك ويسوقه
ههههههههههههههههههههههه
^_^