الجمعة، 23 رمضان، 1428 هـ

!! مصر حته من أوروبا

ياللي رايحين مجلس الامن اسمعوني
فُضكم مـ الفقه والبحث القانوني
كلمتين حلوين .. قولوهم وافهموني
يمكن الحكام يرقوا .. ويفهموني
-
.. فهمومهم باللطافه والمحبه
ان مصر الحلوة حته .. من اوروبا
من زمان تضحك وتحيي .. حبه حبه
.. لما فاقت عن فيينا وبرشلونه
ياللي رايحين مجلس الأمن اسمعونا
-
الديانه قبل منكم ألغيناها
والشريعه عن نابليون مشيناها
.. والمصاحف في المتاحف حطيناها
منها ذكرى ومنها فرجه ومنها زينه
ياللي رايحين مجلس الامن اسمعونا
-
وانتهى عهد البراقع والملايه
والنسا للركبتين ماشيين عرايا
.. أمي واختي وزوجتي .. أهم رايحين معايا
عالبلاج .. والدنيا تتفرج علينا
ياللي رايحين مجلس الأمن اسمعونا
-
زيكم في كل شيء ياهل الحضاره
زيكم بايتين على البوكر سكارى
والحانات من كل نوع في كل حاره
عيب عليكم بعد كل ده تستعمرونا
ياللي رايحين مجلس الامن اسمعونا
-
نجيب سرور
-
...:ملحوظة
.. نجيب سرور مات سنه 1978
بس حاسس ان الكلام ده عن مصر دلوقتي

هناك 5 تعليقات:

الشنكوتي الكبير يقول...

يا اخي تصدق انا حسبتك انت اللي كاتب الكلام عن حالنا دلوقتي يقوم يطلع عمنا نجيب هو اللي كاتبه من زمان اتاريه المسكين بيقول عريانين لحد الركب تلاقيه يا حرام ماشافش الأسترتش الشفاف بتاع دلوقتي
عموما قصيده حلوه قوي تسلم ايدك
سلااااااااااااام

Soooo يقول...

الشنكوتي الكبير .. والكبير قوي كمان

انا سعيد جدا بردك وبتفاعلك معايا في مدونتي المتواضعه والتي لا تساوي شيئا جنب مدونتك التي وان اردت ان اعلق على كل مواضيعك فيها كما فعلت في مدونتي .. فإنني اعتقد ان المساحه المخصصه لك لكي تنشأها سوف تنتهي .. وتضطر الى ان تنشأ مدونة اخرى .. وذلك لبراعتك وايضا لبساطتك والتي وان دلت على شيء فإنها تدل على انسان مثقف .. افتخر بكونه صديق لي او لنقل .. افتخر بأن يعلق على مواضيعي المتواضعه

الحقيقه يا شنكوتي انا صممت اني اقول حاجه عن نجيب سرور ومش كده وبس لأ ده انا حاطط صورته كصورة رمزيه للبلوج بتاعي لاني حاسس انه مظلوم جدا في جيل الشعراء المصريين .. صحيح في شعراء هايلين زي جاهين والفاجومي وفؤاد حداد وفاروق جويده وغيرهم كتير ممن لا يتحمل ذكرهم وذكر روائعهم
ولكن .. ولكن قد تم تهميش دور سرور الفني والثقافي بأيد كثيره متعمدة او غير متعمده .. وذلك بعد ان شرح الوسط الفني بل والطبقه الحاكمه في الاعلام وفي الدوله ككل في رائعته (كسميات) .. واسمح لي ولغيرك من متابعين مدونتي ان اذكر اسمها دون تحوير او تقصير .. وذلك لأنها بمثابة عمل فني رااائع قد لا يكتب مثله في مر العصور وتعاقب الاجيال مهما كانت العقول المتفكره والمتدبره .. بل والمتحررة ايضا

اخيرا وليس اخرا .. اشكرك صديقي العزيز شنكوتي على متابعتك واعدك انني سوف اكون نعم الصديق لك ولغيرك من متابعي مدونتي المتواضعه
--
ملحوظه :
هو انا قلبت سيبويه ليه كده وكنت باتكلم بالفصحى ؟؟؟

الشنكوتي الكبير يقول...

يا جدع انت اخجلتم تواضعنا ده انت بجد هايل المدونه عاجباني قوي كاتبتك بلغه زي لغتي العاميه الحلوه بتاعتنا انا طبعا بقدر اللغه الفصحى وبحترمها بس بحس ان العاميه اقرب ليا وبحب قوي تريقتك انت مصيبه
بجد سعيد بمعرفتك
ايميلي بقى يا سيدي
ehabonnet@hotmail.com
hoba_popcorn@yahoo.com
ehab.bomman@gmail.com
لكن انا بحب الهوت ميل علشان كده هو اللي بستخدمه على طول
تحياتي يا صديقي

Soooo يقول...

الشنكوتي الكبير
والكبير قوي كمان
وبعدين اخجلتم تواضعكم في ايه .. دي اقل حاجه ياريس

وتمت اضافتك عالهوت ميل يابرنس
هتلاقي واحد ضايفك دلوقتي .. ضيفه وقوللو كلمة السر .. لو قاللك كتكوت يبقى انا
وخللي الموضوع في السكرته عشان ماحدش يسمع

ست البيت يقول...

ايه يا عم سووو، مش عنعرف نشوف شغلنا ولا ايه؟ أنا كل ما حد يشوفني يلاقيني قاعدة بتصفح النت... ينفع وبعدين في مدونتك دي
انا كنت حاسة انتي تايهة لما عرفت المدونة من نص الطريق
دلوقتي انا عرفتهاوفهمت دنيتها ماشية ازاي
القصيدة دي جامدة قوي وعجباني وممكن احطها عندياتي في مدونتي اصلها فعلا تعبر وبقوة عن الحال الراهن
دمتم بحفظ الرحمن