الخميس، ٢٠ شعبان ١٤٢٩ هـ

!!! أخبار سوووويه

أخبار محلية

أعلنت منظمة (الماس الكهربي الإرهابية) مسئوليتها التامة عن العمل التخريبي الذي أصاب مبنى مجلس الشورى .. وتجدر الإشارة إلى أن قوات المطافئ والإسعاف قد سارعت بالتحرك الفوري للإنقاذ بناءا على توجيهات السيد الرئيس والسيد الوزير والسيد البقال .. وكانت بالفعل في موقع الحادث في وقت قياسي .. في ساعة ونصف .. مع إن المكان في شارع القصر العيني .. ويوم الخميس كمان .. يعني أم الزحمة كلها

وأضاف المتحدث الرسمي لمنظمة (الماس الكهربي الإرهابية) .. بأن المنظمة مستمرة في عملياتها التخريبية طول ما النور شغال في المصالح الحكومية أربعة وعشرين ساعة في اليوم
!!! حتى لو كان أجازة رسمي
----
في تطور سريع عقب الإعلان عن اختبار المدرسين للحصول على الكادر الوظيفي .. أعلنت المراكز العلمية والسناتر - جمع سنتر - المخصصة للدروس المجمّعة والدروس الخصوصية .. أعلنت حالة الطوارئ القصوى للظروف الحالية .. خاصة بعدما صرح أكثر من مدرس بأن الأسئلة شديدة الصعوبة وليست في متناول الأستاذ المتوسط .. كما أنه لا يوجد مراجع وملخصات مثل التي يشتريها الطلبة
هذا وقد قالت الهيئة العامة لكتاب (سلاح التلميذ) بأنها إذا كانت ادت للتلميذ سلاح .. يبقى هتدي الأستاذ ترسانة أسلحة
!!! بس على الله يعرفو يدوسو عالزناد ومايعملوش برشام
----
أخبار فنية

نفى الفنان الشيعبي الشهير عبد الباسط حموده .. اتفاقه مع عامر جروب لإحياء إحدى حفلات الشتاء في جولف بورتو مارينا .. خاصة بعد انتهاء موسم الصيف بحفلة المطرب عمرو دياب

وقال عبد الباسط في تصريحة الذي نقلة مدير أعماله لمجموعة عامر جورب
عمرو دياب قال انا عايش ومش عايش .. وانا بصيت لروحي فجأه تعبت من المفاجأه :
يعني أنا مش أقل من عمرو دياب .. هو انا مش عارفني !!!؟
----
صرحت الممثلة المعتزلة صابرين والممثلة المعتزلة حلا شيحه والممثلة المعتزلة عبير جلال الشرقاوي والممثلة المعتزلة سهير رمزي والممثلة المعتزلة سهير البابلي .. بأنهم بصدد الاشتراك في عمل فني يجمعهم جميعا
وسوف يحمل اسم مؤقت (المعتزلون .. على باب مصر) .. بس على الله الناس تتفرج عليه
!!! وماتعتزلش التلفزيون
----
أخبار رياضية

عقب الفضيحة المدوية وخروج أبطال مصر من الدورة الأولمبية بدون أي ميداليات سوى ميدالية واحده فقط برونزية - حتى تاريخ صدور الكلام دهو - صرّح رئيس البعثة المصرية بأنهم لم يسافرو لكسب بطولات .. لأنهم أبطال من زمان .. وتاريخ الفراعنة يشهد بكده

هذا وقد أعلنت خطيبة البطل الاوليمبي (هشام مصباح) والحائز على الميدالية البرونزية في رياضة الجودو.. بأن الميدالية البرونزية سوف تكون شبكتها لإتمام العرس
!!! بس ياخوفي (هشام) يلعب الدنيئة ويهدي الميدالية للسيد الرئيس
----
عقب إطلاق قناة النادي الأهلي .. صرح مسئولو نادي الزمالك بأنهم سوف يطلقون هم أيضا قناة رياضية .. ومافيش حد احسن من حد
وليس من المستبعد بعد فترة أن نجد مجموعة قنوات رياضية تحمل اسم كل نوادي مصر .. بما فيها نادي الشرقية للدخان .. والتي سوف تحجز وزارة الصحة نصف شاشتها لوضع الصورة التحذيرية من أضرار التدخين
!!! زي ماهي موجوده عالسجاير
----
عقب نشر هذا البوست في مدونة عجوز وعندي تلاتين سنه .. صرّح (سوووو) كاتب هذه الأسطر بخوفه من سرقة هذا الموضوع ونشرها عالفيس بؤ وفي المنتديات المختلفه .. لذلك كلف أخوه والذي يعمل في السعودية بأن يعمل عُمرة في أواخر أيام رمضان
!!! ويدعي على كل واحد سرق وجار على حق أخوه

سوووو

هناك ١٠٠ من التعليقات:

Ahmed Fahmy يقول...

ههههههههههههههههههه
جامدة يا عم سوووووو
الماس اعلنت و الله؟
انا كنت فاكر منظمة المجهول هي اللي اعلنت
المفروض يشيلوا سلاح التلميذ ده اصله ممكن يعور
:D
انا انا انا انا جيت اخدها منك بس ماكانش عندي مساحة
هههههههههههههه

مصر ابطال من 7 الاف سنة تيجوا انتوا يا ولاد النهاردة تقولوا انهم مش ابطال
جررررررررررر
الاهلي اطلق و الزمالك كان عنده الفكرة من قبله بس يعني الاهلي شد و الزمالك نام ف الدرة

و الله هما الممفروض يحذروا من اضرا تشجيع الزمالك اللي حتي لما بيبعل بياخد علي دماغه و دماغنا

اعتبرها اتسرقت من دلوقتي....سهلة
-----------
كان اول تعليق انا برضو بس كان فيه غلطة
تحياتي
رومانسي

غير معرف يقول...

سوووووووووو


بص انا لسة مش قريت ... بس قلت الاول ارد على الكومنت اللى وصلت عندى (من حضرتك)

اولا انا over the moon
من الفرحة لانى لاقيت كومنت ليك عندى .. اتبسطت اوى انك عملت searchعشان تلاقى ال صفحتى

ودا اللينك ..حطه عندك فى ال favourites

http://blog.360.yahoo.com/blog-jnCbnPk0dqmjclj6jjGV



عاوزة (حضرتك) بقى تاخد فسحة عندى فى الصفحة .. واسمع نقد مفصل


وبعدين اتعلم تدخل الصفحة من على الماسنجر .. عشان هابعتلك على الميل هناك على طول ... تمام؟


و موضوع انك بتعمل حاجات بوشك ... آه بتعمل .. عليك انفعلات غريبة و تفطس من الضحك ... بجد صدق بطوط لما قال عليك بتدخل القلب من غير استئذان


االمهم بقى .. حضرتك عامل ايه؟ كويس؟ ... يا رب تكون بخير

خمسة فضفضة يقول...

السلام عليكم ورحمة الله وبركاته


ههههههههه

ايه يا عم الاخبار السخنه والحصريه دي

لا دا انت تلحق تسجلهم في الشهر العقاري قبل ما الجزيره تخطفهم منك

:))))))))))))))

سلام

سمر الشافعى يقول...

هههههههه كله كوم وامتحانت المدرسين دى كوم ماما وبابا ياعينى زهقو مننا انا واخواتى ماسكينهم تريقه بنقولهم يو مش عارفين تذاكرو خدو دروس خصوصيه عشان منبقاش قصرنا معاكو فحاجه وتقولو ولادنا هما السبب

طيب اعملك شاى ياماما عشان تعرفى تركزى

ايه دا يابابا انت نايم احنا دافعين دم قلبنا دروس وفالاخر متذاكرش

مذاكرتك فدماغك شندوشتاتك فى ايدك مطوتك فى جيبك اللى يقولك غششنى قطعه

ولا حكايه القلم الرصاص والاستيكه

والله العظيم مهزله

يالا ربنا ينجحهم ويجعل تعبهم بفايده ياااارب

اخبار جامده واكسكلوسف على قناه سووو للمنوعات مش حارمينكو من حاجه اهو سياسه تلاقو فن موجود رياضه من كله ههههههه

تحياتى ليك وكل سنه وانت طيب

غير معرف يقول...

عبد الباسط تانى؟ ... هوا مافيش فايدة؟
والله شكلك وكيل اعماله و بتروجله


هههههههه

موضوع الامتحانات دا تهريج مش اكتر ..و فى رواية اخرى استهبال


على فكرة انتو ظالمين طنط "كهربة" معاكو


كل سنة وانت طيب

ومرة تانية .. اتعلم ازاى تفتح ال360 من الياهو مسنجر عشان انا هابعتلك على الميل هناك


انا هارد على الكومنتس فى الصفحة عندى


آه اخر طلب ... اعمل شات بوكس عشان ابقى اسلم على حضرتك من وقت للتانى



شكرآ .. سلامِ

Unknown يقول...

ايييييييييييييه الدماغ دى والنعمة انت تحفة وانا بافرح لما باجى هنا لانى بجد باضحك من قلبى اسلوبك جميل فزيع مريع شنيع

Z_Diva يقول...

looooooooooooooooooool

wenaby enta mogrim ya walad ya soooo inta, yrab tkoun itbasat fe elsa7l elshamaly elaf3'any :D

we b3den eh 7kayt elbow ow elly fat da, wana knt nayma 3la wedany walla eh, tb knt endhly wana knt ashara7o a7san ana lessa knt b2oul le Appy iny nfsy fe 5na2a washba3 feha darb -akoun dareb mesh madroub tab3an :D-
yalla kollo bytla3 fel3'asiel ya soooo ya5oya :D

yalla b2a shaklk 3odt men belad elmsyf, edeha mozankarat b2a, aho 7ga t5afef mn 7edet malal hazih el7yah eldwa2rya elmofara3'a :D

tamer.sala7 يقول...

علي فكرة جامدة جدااااا يا سووووووو

وبعد النشرة الجميلة اللي قريتها عندك لقيت نفسي بصرخ وبقول بصوت عالي اووووي

انا من البلد دي ده انا من البد دي

RiddleR يقول...

تعليق خارج الموضوع
ممكن مراجعة الرد علي تعليقك هنا؟
اكتب وانشر مجانا

حمامة يقول...

ههههههههههههه
:D
جميلة اوى

والله موضوع الكادر ده يا سو قارفنا ف البيت خاصة ان والدى ووالدتى ف الترية والتعليم بس وكلاء مش مدرسين
بجد حاجة تقرف واخر مهزلة

بوست لذيذ جداً
تسلم ايدك :)

غير معرف يقول...

هههههههههههههههههههههههههههه
بجد بوست تحفة

Unknown يقول...

ههههههههههه
عجبتني قوي الحته بتاعه كادر المعلمين
تعرف ان الست دي امي بتفكر من دلوقتى ازاي هتغش
وقفشتها بتتصل بصحباتها تسالهم عن اخبار اللجان والمراقبين
ولاقيتها بتصرخ وتقول امال هنغش ازاااااي

Crystal Lobna يقول...

لول دمك خفيف مووووت بجد أنا بموت فى تهيسسك بس فين مذكرات طفل طخيين هى خلصت على كده ولا أية النظام؟

أه و ربنا يكرمك على حركت الجدعنه و أنك قدرت تعلم حاجه و لو بسيطه بس أنقذت البنت المسكينة. أنا على فكره قريته يومها بس كنت مصدومة و معرفتش أعلق.

me يقول...

هههههههههههه

تعلن مروة هانم المعداوى عن اتهامها الاخ سووووووووو بالتسبب فى اصابات بالغه فى فقراتها العنقيه و الظهريه و ذلك نتج عن وقوعها على ظهرها و سقوطها على قفاها من كثرة الضحك عقب قراتها لما يدعى اخبار سووووووويه و هذا اتهام مباشر منها و على المتهم انه يصلح غلطته و يكتب بوست انقح من اللى قبله عشان تعرف تقوم من الارض و تقراه. و لن نقبل بغير ذلك بديل

الله يحظك يا شيخ

اااااه يا قفايا

تشااوووووووووو

Princesa ... WHiSPeR يقول...

هو انا كل اما اروح مكان الاقي ناس بتتكلم في السياسه كده !!!

maha zein يقول...

انت كده تمام
يعني سايبلى يوم اسكندرية ورايح تكتب علي حريقة مجلس الامه
ماشي يا برنز
بس بوست جنان والخفافة بتجري فيه
علي فكرة يا سووو
مسيري اصورك وافضحك في كل حتة
وانت اللى جبته لنفسك يا برنز
علي فكرة انا هتامر مع العيل الباووووو
وهنعملك احلي شغل
******************************
عارف انا اكتشفت عنك ايه
بجد والله
اكتشفت من المرتين اللى شوفتكم فيها
انك برغم الهوليلية والباووو والشقلبظنات
طيب اوي
يعني حد طيب اوي ومن جواه غلبان اوي اوي
مش مصدق
خلاص انت حر
تحياتي ليك

حنين القلب يقول...

soooo
ايه الاخبار الجامده دى
تسلم ايدك يا سوووو
بس عارف عجبتنى اوى اللى مش مسافرين علشان ياخدوا جوايز لانهم ابطال من زمان اومال رايحين ليه

وبص بقى الاهلى حقه يعمل قناه ان شاء الله تكون جنب قناه السويس
ده فريق بيكسب اغلب الماتشات
انما الزمالك يعمل قناه ليه علشان يذيع فيها ايه
ده علطول مغلوب او علشان مش نبقى بنكدب 90%
سووووووووو الا قولى انت اهلاوى ولا زملكاوى ولا تبع الشرقيه للدخان
نورتك صح

حنين القلب يقول...

اه سووو نسيت اقولك حاجه
هى خلاص اتسرقت
خلى اخوك يدعى من دلوقتى واحنا هنقول امين وراه
يا رب اللى يسرق حاجه سوووو ربنا يهديه ويبطل يسرق حد تانى ويكون سووو اخر حد سرقه
وش بيطلع لسانه

aya يقول...

هههههههههههههههههههه
حمدالله على السلامة يا باشمهندس
ازيك يا احمد يا رب تكون بخير

بوست جامد زى عادتك
وياريت تبلغ منظمة الماس الكهربائى انها مفروض تروج لنفسها بعمليات اكبر عشان تتعرف
واحنا منتظرين بقيت العمليات بتاعتها بفارغ الصبر

تسلم العبقرية يا فندم

ربنا يحفظك

Mahmoud البطراوى يقول...

سووووووووو
اوبشن العمره الى فى اخر البوست ده متوفر لاى حد يتسرق بوستاته
:D

---

منظمه (الماس الكهربى) تحالفت مع منظمه (هيا نعطل نفسنا )الارهابيه برضه وادوا عمال الاطفاء فى مصر كلها سائل لا له لون ولا طعم عشان يخليهم يعطلوا نفسهم
:D
دمت مبدع يا فنان
ولسه ياما البلد دى هتخلينا مبدعين

فاروق عادل يقول...

ههههههههةمية مية واللة ياسو بس عندى سؤالين ازاى انت بتحب عبد الباسط واغنيتة التحفة انا مش انا .انا لما لقيت ناس بتحكيلى عن المعانى الفلسفية اللى فيها وان ازاى العمر جرى بية قولت اسمعها واركز فيها بدل التريقة زى امال هو مين دلوقت وهو مش هو وهو دة شبحة ولا كائن فضائى ولا اية بس سمعتها وبرضةهى يمكن شايلة معانى كتير يمكن نقول رزلة وباردة ورخمة ولكن ما ينفعش نقول عليها تافهة.2فى رايك ممكن فعلا تكون منظمة ارهابية ورا الحادث ولا هو ماس كهربى

maiosha يقول...

بجد يا سووو إنت دماغك دى رهيبة

إنت بتجيب الأخبار المولعة دى منين؟؟
وبعدين إيه حكاية عبد الباسط حمودة ده معاك .. ده لو عرف الإهتمام ده كله ممكن يعينك مدير أعماله ولا حاجة
هههههههههههههه
ولا حكاية المعتزلون على بابا مصر
هما إعتزلو علشان يرجعوا تانى بربطة المعلم

بس بجد تسلم إيدك

زلز حد حاول بس ياخد حاجة قولى وأنا هعلقهولك
متقلقشى

سلام

صباح الصباح يقول...

يا عم هية جت على عبد الباسط حمودة؟؟
دة الالبوم بتاعة موزع حوالى نص مليون شريط!!!
اما بقى بالنسبة للقنوات الفضائية فممكن يعملوا اى قناة ان شا اللة قناة استاكيوس
ههههههههههه
بجد جاامد

Sourah يقول...

ههههههههههههههه ..
الله عليك يا سوووو بتقول درر ، راسي و كلامك حكم ..

انا برضة اتهيألي كده و سجلته في البوست بتاعي ، اصل يا ابني مفيش دخان من غير نار ، الا صحيح اخبار الدخان ايه الوقتي ..

اكيد انت تعرف اكتر .

متعنا اكتر ، و اخر الكلام سلاااام ..

Empress appy يقول...

ههههههههههههههه
هموت يخرب بيت دماغك
بس استنى
موضوع الكادر ده بيبين فضيحه المدرسين دول خيبه بجد وعلى رايك يا رب ينجحوا شوفت لما يبقى مدرسين ومش عارفين يحلوا امتحانات طيب بزمتك بيعينوهم مدرسين ليه
اما انا مش عارفنى انا ابن خالتى دى زهقت منها وانت عارف

اللى فى الجون موضوع العمرة بقولك ايه خليه لو فى الحج يدعى عليهم بزمه هههههههههههههههه

SKOBL- Little Lazy Me يقول...

هههههههههه .. طول عمرك يا سوووو بتبسطنا ربنا يبسطك .. البوست جامد و هو فعلا يستحق السرقة .. ههه .. جامد يا ابني .. و لا يا عمو بقى .. بجد انت انتشلتني لحظيا من حالة اكتئاب حادة .. كمل

و لك كل التحيات

Asmaa mahaba يقول...

هو انت تبع منظمه الماس الكهربائى طب مش تقول دا على كدا اهدافنا مشتركه انا بقى تبع شبكه الصرف الصحى اللى تسببت فى غرق العباره كله من جلد الحنفيات...
حسره عليا ياما طلبت من الحكومه تعملى قناه ولا حد عبرنى قال اهلى قال قال زمالك قال
الا بقولك ايه يا سووو شاركنى نعمل قناه وانا موافقه اطلع صوت بس بلاش صوره عشان الكوابيس
ثم انت فاكر ان هشام دا بطل طب دا انا بطله العالم فى الاستغمايه اول ما الحرب الاهليه فى البيت تشتغل اختك اللى هى انا تدخل الحمام وعليها وعلى الترباس دا مش جبن بس تقليلا للخسائر
طبعا انت مش شاطر غير تاكل كنتاكى وتدبسنا فى الكوشرى
تحياتى ليك سومه_87

mostafa rayan يقول...

سوو يا جميل
انت زي العسل انا مابطلتش ضحك من ساعة ماقرأت .. ربنا يسعد ايامك زي ما اسعدت وقتي كدة
فرحان اني شوفتك في الساقية
وان شاء الله نشوف بعض كتير
اخوك : مصطفي

مهندس مصري بيحب مصر يقول...

مش عارف اعلق على ايه و لا ايه
بس هو هم يضحك و هم يبكي
ربنا يكرمك يا سوو زي ما بتضحكنا في عز وجعنا

ROSE يقول...

سلام عليكم
على فكره انا كل مره بدخل مش بلاقى حته اكتب فيها اكلمك
عموما انا عملت بلوج سبوت وعزلت انبارح
ابقى تعالى اتفرج عليها
سلالالالام

غير معرف يقول...

جامد دايما يا سوووو طول عمرى بقول أنك فنان و ان مكانك مش هنا لأ....
مكاتك هناك معاهم
هاهاهاها

محمد فاروق الشاذلى يقول...

فظييييييييع البوست ده يا أحمد
إنت كمان إنسان هايل جداً وطيب قوى وفرحت لما اتعرفت عليك يوم حفل التوقيع.
تقبل تحياتى

only spot يقول...

سلام عليكم

ايه بس نشره الاخبار الجامده دى لا سيبك بس انت ايه رايك فى اخر خبر خبر بيقولك فيه بوبى تاه وعاملين مكافاه خمس تلاف جنيه لمن يعثر عليه تتوقع انت البوبى الوحش ده الى مشحتف قلب اهله عليه راح فين اخص عليه الوحش دهكده يمشى وميقولش هو فين . الخبر فى المصرى اليوم عدد النهارده وبجد اضايقت اوى اوى ان الناس يا عينى قلبهم متشحتف على البوبى بس طلعم بخلى بقى الكلب بتاعهم يستاهل خمس تلاف جنيه بس هم اكيد فقراء وعلى قد حالهم ياى ولا انت ايش رايك؟؟؟؟

جامد بجد يا عم سو فى البوست ده وانا جيت ارخم واسلم بس اصل الخبر ده حسيت انه مهم جدا فكان لازم اذكره بجمله اخبارك الفزيعه الى فاتت
سلاااااااااااام

غير معرف يقول...

لا وفيه ممول لمنظمة الماس الارهابيه الا وهوا القسمه والنصيب اليى اغفلت حكوماتنا الموقره ذكره برغم دوره البارز فى كوارثنا الحياتيه...اما فيما يخص دورة بكين وفضيحتنا المشرفه فيها ..مش البعثه والاعيبه اتباسطوا واتفسحوا وهيرجعوا لاهلهم بهدايا صينى خلاص البعثه ادت الغرض وده المهم يا شعب يا حقود يالى بتبصوا لاخواتكوا فى الفسحه...اما فيما يخص ..كفايه كده الميكرفون معاك ..هتشغلنى مراسله بقه مبخدش اجر على فكره اجرى على الله ده بخلاف انى فى الغالب باخد فى وشى...س ل ا م ..سلام..

زيزو الشقى يقول...

بسم الله الرحمن الرحيم

sooooooمدونتك حلوة قوى

وكل عام وانت بخير

وكل سنة وانت طيب

بمناسبة شهر رمضان

شهر الصوم

تحياتى

وكل احتراماتى

اتمنالك التوفيق

واتمنالك النجاح

مدونتى تنور لو زورتيها

شكرا



عز الدين



سلااااااام

Unknown يقول...

سوووو

ازيك يارب تكون بخير
حلوة خبارك المحلية بس نفسى يكون فيها خبر انهم نقلوا مجلسى الشعب والشورى مارينا عشان الحر وكمان عشان يوفروا جهد الاعضاء واموال الشعب الغلبان
ولا انهم يقرروا يحولهم لمتحفى بدل ما هم كدة على الفاضى يعنى
بس تعرف الماسة دى ذكية جداا كعادة ماستنا المصرية تختار الاشياء اللى عليهم العين ( ملفات اكياس الدم العبارة المبيدات المسرطنة بس يا ترى يا هل ترى فيهم كمان ملفات سوزان تميم ولا لسة مش عرفت مكانهم ؟؟!!
000000
اما عن الممثلات المعتزلات فحلو جداا
هاخد شوية افكار ملابس من طنط سهير رمزى

00
ونادى الزمال بقى لما يعمل قناة هو كمان دا معناه انى مش هتفرج اصلا على القمر العربى واحول لاى قمر اخر الا لو
فرحوا الناس بأفلام جديدة وعبيطة


تحياتى لك يا سووووووو
دمت بخير
ورمضان كريم

همس الاحباب يقول...

هههههههههه
هههههههههه
ايه الاخبار الجامدة دى
من اذاعة سوووووووو للاخبارالمحلية
نعلن لكم ان كيلو الخيار بقى 4 جنيه
وكيلو الكوسة ب 15 جنيه مع توفرها الشديد فى البلاد لهذا نحن شعب انجازاتنا تسبقنا حتى فى الاولمبياد لهذا تنازلنا عن كل الميداليات الصينى وناووين نشتريها من خان الخليلى وكفاية مكتوب عليهاصنع فى مصر
ملحوظة صغنوونة هو الولدالباوو جنسيته ايه احسن الجاموسة بتاعتنا محتاجة باوو زيه كده
بس بجد اموووووت واعرف جبتها منين دى
فكرنى لما اشوفك اعرف قصة الباووعلى رواقة
2.50 جنيه

قوس قزح يقول...

اخبارك مجنونة هههههههههههههههه


المهم
انا بشكرك يا سووو يا سووو
على مشاركتك فى يوم البؤجة


جزاك الله خير

3ala asm masr يقول...

هههههههههههه
كل ده يا سو
حلو مسلسل المعتزلون على باب مصر ده
وده ان شاء الله هيبقى فى رمضان؟

ka2en Makboot يقول...

هههههههههه
هي ديه النشرة الساوووو اللي كل اخبارها منيلة :D
الحمد لله بطلت اتفرج ع النشرة من زمان

كان نفسي منظمة الماس تظبط مواعيدها علي جلسة مجلس شعب تكون عمرانه كدا وملغم وتقوم بالواجب معاهم واهو يبقى قضلء وقدر زي اللي ماتوا في العبارة ولا هو الشعب حلال له القضاء والقدر وحرام علي اخوانه !!
---
اما بخصوص الكادر والله انا كنت مجهزة بوست مسخرة بس اخوية قراه قالي مين الحيوان اللي كتب الكلام ده قمت لاغيه علي طول .. وريته لاختي بعد ما ضحكت قالتلي مين كتب ده قولتلها انا قالتلي نهارك اسود ماتجيش الا منك فافتكرت ان 5 فى العائلة تربويين فلميت نفسي وقولت عيب :))
بس هم يااخوية نزلوا ملازم ومذكرات وسيديهات وشغالين مذاكرة نار و كمان غشوا في الامتحان فماتخفش عليهم بس الوزير مش عايز يديهم فلوس الكادر وبيتلكك والامتحان جه سهل ممتنع
-------

انا اول مرة اعرف ان اللي بيقول بصيت لروحي فجأة لاقتني كبرت من المفاجعة يبقى اسمه عبد الباسط حمودة :)) انا سمعتها اكتر من مرة في الميكروباص وكان نفسي اعرف مين الحكيم اللي كاتب العبر ديه
وفي اغنية تانيه حكيمة برضو بتقول الدنيا خربانه مش عارفة مين الجهبذ اللي بيغني ومين المؤلف وليه

يا سبحان الله

اللي يعيش ياما يشوف ويسمع :))
بخصوص حكايات شهريار وشهرزاد صبرا شوية ارجع للمود بتاعها الاول وانا اكملها ان شاء الله

ســــلام

Ehab يقول...

هههههههههههههههههههه
ههههههههههههههههههه

يعني ارد على ايه ولا على ايه
اولا اعتذر اني معرفتش موضوع الواد الباوو ده غير متأخر
ثانيا احب اشكرك على اسلوبك الجميل قوي في ردك عليه
لأنك فشيت غلي وبرده طلعته حمار بالذوق علشان ميلعبش بروح امه على نقطة انك اتعصبت وحجتك ضعي وكده
فتسلم ايدك يعني
وبعد ذلك ننتقل في جلستنا لموضوع البوست الجديد سعادتك جامد مووت مووت مووت
طبعا المجلس الفقيد اللي هيتصرف عليه ملايين كان الشعب اولى بيها ولأنهم عارفين كده فخافوا يقولوا عايزين نجدده والناس تعترض فقالك لو اتحرق غصب عن ابوهم هيسيبونا نبنيه من جديد على اعلى مستوى واهو بجملة المصاريف يعني

وفي الأخر احب اقولك ان انا بجد مش عارفني

بقولك ايه يعني انا جبت الثري جي وبعيد عنك اخوك على رأي آبي الغلسه الظاهر كده فلاح مش عارف اعمل بيه حاجه معنديش حد اكلمه ثري جي
دي نصيبة ايه دي اتصرف بقى يا كبير
رمضان كريم

سلااااااااااااااااااااااااااام
اخوك ايهاب

Asmaa mahaba يقول...

ليك تاج عندى لازم وحتما تيجى تاخده لافرقعلك مدونتك واحولها لاشلاء

Soooo يقول...

A7MeD F@hMy

والله منورني يابو حميد
والحمدلله انك ضحكت ويارب الضحكه تكون طالعه مالقلب
وياسدي لو على اغنية انا مش عارفني .. ابقى فضي مساحه عالموبيل وانا اجبلك الفول البومز بتوع عباسط جمبوده

ولو انت اللي هتسرق الموضوع ده .. ماعنديش مانع .. بس تبقى تشوفني بأي حاجه في رغيف

وكل سنه وانت طيب يابو حميد




سلاموووووووووز

Soooo يقول...

Helium Atom

ياقهلا ياقهلا

وياستي ولا تبقي اوفر ذا مون ولا اندر ستيج .. ماتحسسينيش اني حاجه كبيره احسن يركبني الغرور .. وانا لما بيركبني الغرور باكل اي حاجه قدامي .. وانا ماصدقت خسيت شويه

وحاضر ياستي هحط اللينك بتاعة المدونة بتاعتك عالفيفوريت
ولو اني عايزك تعمل المدونه على بلوج سبوت زي روز بدل مانا بادخل وانا مش عارف فين وليه وايه

وانا ياستي للاسف ماعنديش ياهو ماسنجر ولا فاهم فيه .. ولا فاهم في الياهو اساسا

وايه بقى حوارك انتي وحنين
انتي تقولي بتعمل حركات بوشك وهي تقول بتعمل حركات بوشك
طب المفروض اعمل حركات بايه طيب
ولا ماعملش حركات
وحركات ايه اشاسا اللي عملتها

وياستي الف شكر ليكي ولبطوط على كلامكم الجميل وربنا يديم الخير والمعروف

وبخصوص الشات بوكس .. انا والله يابنتي ماعنديش اي فكره عن حوار الشات بوكس ده ولا اعرف بيتعمل ازاي .. ولو اني مش باحبه عشان في مدونات حاطاه ومتقل البلوج بتاعهم
وياستي لو عايزه تطمني علي .. تعالي في اي موضوع وقولي ازيك .. وانا هاروحلك مدونتك اقولك الحمدلله كويس

وكل سنه وانتي طيبه
وبلاش حضرتك دي الله يكرم حضرتك




سلامووووووووووووز

Soooo يقول...

خمسة فضفضة

وعليكم لسلام ورحمة الله وبركاته

طب والله العظيم ليكي وحشه يادكتورة
وماتقلقيش عالاخبار الحصرية دي .. اصلا الجزيرة والعربية والمحور والدائري كمان .. قعدو يتحايلو علي عشان اشتغل محرحر عندهم .. وانا طبعا مارضتش وقلت بلوجي أولى بي


وكل سنه وانتي طيبه



سلاموووووووووووز

Soooo يقول...

سمر الشافعى

هههههههههههههههههههه

انا متخيل والدك ووالدتك عمالين يقولو اللي بنعملو في الناس هايجي علينا ولا ايه

يلا ربنا يوفقهم وينجحو ويجيبو مجموع ونشوفهم وكلاء نيابه قد الدنيا

وكل سنه وانتي طيبه يارب





سلاموووووووووز

Soooo يقول...

enjy

الله يكرمك يا ستي
وانا اللي بافرح والله لما بتنوريني بزيارتك وبتعليقك

وربنا يسعدك ويكرمك ويبسطك ويرضيكي دنيا وآخره يارب




سلاموووووووووووز

Soooo يقول...

Z_Diva

ام زعبولا .. ياقهلا ياقهلا

الله يسلمك ياستي .. والساحل الشمالي كان مفتقدك وكل ماروح قريه هناك الاقي البحر بيقول فين ام زعبولا بولا بولا بولا .. ده صدى صوت البحر طبعا

وشايلينك للتقايل يا ام زعبولا ياختي .. وان شاء الله عند اول خناقه هديكي الو وتيجي بالرجاله وربنا يستر ومانباتش في مستشفى اليوم الواحد

وحاضر ياستي .. ان شاء الله هنزل حلقتين من المذنكرات ويارب تعجبك وتخرجي من الحياه الدوائريه المفرنغه من معاني الانسانيات المضمحله في العالم الافتراضي الواقعي
ايه الكلام الكبير ده .. طب وكتاب الله انا بافهم في الفلفسه اهو

وكل سنه وانتي طيبه يا ام زعبولا




سلاموووووووووز

غير معرف يقول...

ههههههههه


لا لا مش عاوزينك تتخن تانى


انا قريت الكومنت بتاعك فى البوست بتاع "رغى" عندى ... بجد انا هاستنى الكومنتس بتاعتك عندى .. بس مش تخلينى استنى كير ...اوكى؟


وانت طيب يا احلى سوووووو

(:

غير معرف يقول...

على فكرة .. كل الكومنتس وصلوا


انت كدة بعت تلاتة


موضوع البلوج سبوت انا بفكر فيه


بس التنفيذ مش هايكون قبل رمضان


منورنى دايمآ والله

(:

غير معرف يقول...

انا بعتلك اضافة على ال360


يللا accept

Ahmed Fahmy يقول...

علي فكرة يا سوووو الفيديو دة مش اللي انا قصدي عليه انا فعلا شغال ف كليب دلوقتي و لما اخلصه هقول لك ان شاء الله عشان تبقي تقول لي رأيك
ماتقلقش لس التقيل جاي
سلامووووووووووز
:D

mohra يقول...

ههههههههههههههههههه
بس بيتهيألى هشام هيعمل الدنيئه زى مانت خايف


كل سنه و انت طيب

زُمُرده يقول...

طول عمري شاكه انك ورا المنظمه دي
هههههههههه
معجبه بالسيد البقال
هو كيلو القيق بكام بقى
ههههههههههه
====================
ماهي الحداث العظيمه دايما ضد مجهول وكله بيرمي المسؤليه ع الاخر

====================

طيب مش قبل ما يدخلوهم الكادر يوفروا المناهج ويدونا فرصه نشرحلهم وونتاخر ونديهم دروس
ولا ايه ؟؟
ههههههههههههه
======================

وانا بصيت لروحي فجأه تعبت من المفاجأه :

جاااااااااااااااامده اوووي الجمله دي

بس تصدق
والله بتحصل
==================

خطيبة البطل الاوليمبي (هشام مصباح) والحائز على الميدالية البرونزية في رياضة الجودو

كانت تشجعه حبتين ويجيب ميداليتين دهب وتسيحهم وتعملهم شبكه بقى
==============================
انا عايزه قناه كمان واعمل نادي باسمي مبلعبش غير ويايا واكسبه واتعادل وياه ونلعب نهائي كمان

=====================
أخوه والذي يعمل في السعودية بأن يعمل عُمرة في أواخر أيام رمضان
!!! ويدعي على كل واحد سرق وجار على حق أخوه



ممكن تسفرني حج وادعيلك على كل اللي انت عايزه
هههههههههههههههههههه
---------------------------

ويل كوم

زُمُرده يقول...

وحشتني يا راجل يا عجوز يا عسل

خالد المصري يقول...

عموووووو

كيفيك يا حبيب قلبي وحشني والله يا جامد

اخر الاخبار كما وردتني من الصين يا ابو الشباب هو ان شباب البعثه المصريه بالصين وعدوا كل قرايبهم وحبيبهم ان الهدوف الاسمى من الرحله للصين سيتحقق بانهم هيشترولوهم معاهم فنناات وجينز وسلبات وفوانيس من الصين وذلك لمحاربه الغلاء باسواق غزة والموسكي والعتبه ودار السلام

ويعود الميكروفون للزميل سو باستوديوهاتنا بالقاهرة

وكل سنه وانت طيبه يا غالي
.
.

عيله مفتريه سابقا يقول...

(ايموشن واحد بيهرش )

عاه ...؟؟

مين يا عم سو ده
انا اللى خلانى افكر انهم دايما بيهدوها للريس
يعنى كده الجوازة باظت
والراجل مش هيجوز
وهيسيب واحده تعنس

لالالالالالالالالالالالالالالالالالالالالالالالالالا

على فكرة
انا بهدى لكل مدرس وكل مدرسه كلمه واحده
يوم الأمتحان يكرم المرء او يهان...يا سعاد

وبهذه المناسبه بتقدم بالتهنئه لاحمد وعروسته مروة وبقولهم الف الف مبروك وعقبال البكارى ولستو وخلتو وماما حنان وبخص بالتهنئه عمو احمد سو بتاع الازوزة

انا همشى من هنا بدل ميجيلى تخلف عقلى

سلامون يا سوووووووووووو
وكل سنة وانت طيب
رمضان كريم

Soooo يقول...

tamer.sala7

ميييين .. تيمور باشا اللي ضد الحكومه
انت فين ياعمنا .. بقالك فتره مش باين ليه

والحمدلله ان الاخبار عجبتك
وياسيدي كلنا من البلد دي
بلد ابوياااا .. وجد جدييييي

وكل سنه وانت طيب يابرنس



سلامووووووووووز

Soooo يقول...

RiddleR

قريت تعليقك
وربنا يوفقكم ويوفق الجميع يارب
وكل سنه وانتو طيبين



سلامووووووووووز

Soooo يقول...

حمامة

والله ليكم وحشه
والحوار بتاع الكادر ده استعباط اصلا
والامتحانات فيها غش وحالة مرار

ربنا يستر على باقي المهن
وكل سنه وانتو طيبين



سلامووووووووووووز

Soooo يقول...

emy

طب الحمدلله انك ضحكتي
والف شكر على تعليقك

وكل سنه وانتي طيبه




سلامووووووووووز

Soooo يقول...

Crystal Lobna

الحمدلله ان تهييسي بيعجبك
وحاضر ياستي .. هخلص ردي على كل التعليقات وانزل حلقتين من المذكرات عشان ماتقوليش اني حارمكم من حاجه

وربنا يسعدك ويبسطك ويوفقك ياستي
وكل سنه وانتي طيبه



سلامووووووووز

Soooo يقول...

د/مروة المعداوى .....قباحة سابقا

الف سلامه عليكي يادكتره
وربنا يكرمك ويسعدك ويبسطك ويرضيكي دنيا وآخره على كلامك الحلو ده

وكل سنه وانتي طيبه




سلاموووووووووز

Soooo يقول...

la Princesa ... WHiSPeR

يويا يابنتي
انتي مش بنتي

ياستي مش مهم ان الناس تتكلم في السياسه
المهم اننا نعمل حاجه
وبالسياسه

سعيد اني اتعرفت على انسانه محترمه زيك

وكل سنه وانتي طيبه




سلاموووووووووووز

Soooo يقول...

maha zein

ياقهلا ياقهلا
ياستي انا ماتكلمتش على يوم سنكريه ولا على يوم البؤجه لاني لقيت ناس كتير اتكلمو وقالو كل حاجه
وكلامي هايكون اقل من كلامكم
---
والف شكر ياستي على كلامك ورأيك في
ولو اني خايف الطيبه تكون جريمة في زمننا ده
وربنا يسعدك ويكرمك ويبسطك ويرضيكي دنيا وآخره يارب




سلامووووووووووز

Soooo يقول...

حنين القلب

استغفرالله العظيم من كل ذنب عظيم
يعني انتي ياحنين مش عارفه اني أهلاوي وموّحد بالله !!؟؟؟

وطبعا ياستي نورتيني .. انتي عندك شك ولا ايه؟؟؟

بس خدي هنا
مين اللي اتسرق
؟؟
لا الله يكرمك فهميني ايه الحوار
عشان بجد انا غلبت وغلب حماري .. ولو اني ماعنديش حمار وواحد جزار استلفو مني عشان يدبحه .. بس برضه غلب حماري يعني

نرجو الافاده والتوضيح
وكل سنه وانتي طيبه



سلاموووووووووز

Soooo يقول...

aya

ياماليون قهلا ياستي
ولو اني زعلان منك وكان نفسي تيجي حفلة التوقيع بتاعة اشرف عشان اتشرف واتعرف عليكي
لكن سلامك وصلني والف شكر على انك فاكراني

وياستي لو عايزه تقولي حاجه لمنظمة الماس الكهرباوي .. وصلي سلكه في فيشة الكهربها وحطيها على نافوخك .. وكل اللي بتفكري فيه هيوصل
وهيوصل معاهم عربية اسعاف ان شاء الله
بعد الشر عليكي طبعا

وكل سنه وانتي طيبه .. وماتقطعيش الزيارات يابنتي



سلاموووووووووز

Soooo يقول...

بطوط حبوب

والله بما انك منوفي يابطبوط .. فانا هخلي اخويا لو اتسرقت منك حاجه يدعيلك .. بس لازم تديني ظرف مقفول فيه تماناشر الف جنيه .. ودول مش لي صدقني .. دول رايحين لله
واللي عند الله مابيروحش يابني

واعتقد ان السائل كان له لون - لون اصفر - وكان له رائحة - رائحة السبرتو - وكان له طعم - طعم لاسع في الزور - واعتقد ان اسمه .. شربانيا

وكل سنه وانت طيب يادكتره




سلاموووووووووووز

Soooo يقول...

the ghost

الله يكرمك ياعم الجوست
بس صدقني انا مش معجب بالاغنيه قد مانا مستغرب اللي بقينا فيه
يعني لما الاغنية دي تبيع اكتر من عمرو دياب ومحمد منير وسميره سعيد وتامر حسني
يبقى اكيد في حاجه غلط

وياعم انا ماليش في الارهاب ولا في الكهربا
عندك شك في كلامي .. روح اسأل المصدر المجهول اللي جبت منه الخبر .. وانت جوست وهتعرف مين المصدر اكيد

وكل سنه وانت طيب




سلاموووووووووز

Soooo يقول...

maiosha

الله يخليكي ياستي على كلامك ده
والاخبار دي موجوده حوالينا واحنا اللي مش واخدين بالنا منها

وبالنوسبه للاستاذ عبد الباسط حمبوده .. ياريت ياختي يشغلني مدير اعماله
طب ده انا كنت هظبطو واشهيصو آخر شهيصه

وياستي الله يسلمك من كل شر .. وربنا يسعدك ويكرمك ويبسطك ويرضيكي دنيا وآخره يارب



سلامووووووووووز

Soooo يقول...

صباح الصباح

لا وخلي بالك .. نص مليون نسخه اصلي .. غير المضروب والمتسجل والمرفوع من عالنت
يعني بالصلاتو عالنبي .. ماشيلو بتاع اتنين مليون نسخه في السوق
وسلملي عالفن الاصيل

وبخصوص قناة استاكوس .. فانا اعتقد انها موجوده فعلا
مش دي القناة اللي جنب قناة بنما وانت بتقلب عالاوروبي برضك ؟؟؟؟

وكل سنه وانت طيب



سلامووووووووووز

Soooo يقول...

Sourah

الله يكرمك يارب
بس صدقيني الفاعل الاساسي هو لا مبالاة النظام والاهمال اللي بقى مسيطر على كل حاجه
يا ستي ده المدارس الحكوميه بتبقى مولعه نورها طول اليوم في الاجازة وفي غير الاجازة
وقيسي على كده كل مرافق الحكومه
ولما يجو بتوع الكهربا وعايزين يحصلو حاجه .. ياخدوها مننا
ولما تحصل مصيبه والدنيا تولع .. ياخدو مننا برضه حق التعويض
اه يابلد

كل سنه وانتي طيبه




سلاموووووووووووز

Soooo يقول...

appy

طب والله وحشاني ضحكتك يابتنجاني

بس خدي هنا .. حد يزهق من سي عباسط حمبوده
انتي باين عليكي مالكيش في الفن الاصيل
صحيح بتاعة قلل وخرفان

كل سنه وانتي وخرفانك وقللك طيبين




سلامووووووووووز

Soooo يقول...

SKOBL- Little Lazy Me

الله يخليك ياسكوبل ياخويا
وربنا يسعدك ويبسطك ويكرمك ويوفقك ويرضيك دنيا وآخره يارب

وكل سنه وانت طيب




سلامووووووووووووز

Soooo يقول...

سومه...مجنونه فى بلد عاقل

لا ياشييييخه .. هو انتي تبع الصرف
طب والله فكره
تيجي نعمل شركة مشتركه مابين الصرف الصحي والكهربا
واهي تولع مره واحده .. ونبقى نطفيها بالصرف في نفس ظاط التوقيت المحلل

وبعدين لو انتي فاكره نفسك بطلة استغمايه .. خلي بالك انا رايح معسكر في رومانيا عشان اخد دورة تدريبيه في الاستغماية برضه
وهنستخبى انا وانتي ونشوف مين اللي يتمسك الاول

وبالنوسبة للتاج .. ان شاء الله في اول مناسبه هجاوب عليه ياستي

وكل سنه وانتي طيبه




سلامووووووووووووووز

Soooo يقول...

لماضة

معلش يالماضه ماشفتش تعليقك في مكانه .. وقلت اعلق عليكي دلوقتي بدل ماتقولي اني بانفضلك

وبخصوص والدتك وانها مش عارفه تغش .. هنا بقى يجي دورك
ازرعي فيها التفنن في صنع البرشام الكافي والابتكار لخلق حالة غش جماعي
وتذكري .. انه من واجب الانسان على والديه .. ان يقف جنبهم ويساعدهم للحصول على أعلى الدرجات الجامعيه

هذا .. والله ولي التوفيق

وكل سنه وانتي طيبه





سلامووووووووووز

Soooo يقول...

mostafa rayan

الله يخليك يادرش
وانا اللي سعيد اني اتعرفت على انسان محترم وهادي زيك
وربنا يديم المعروف يارب
وكل سنه وانت طيب




سلاموووووووووز

Soooo يقول...

مهندس مصري

حليب هارتي والله
ياباشمهندس .. المصريين في عز وجعهم بيضحكو
وعشان كده بيتميزو عن كل شعوب العالم

ربنا يستر بقى لاحسن من كتر الضحك .. نخاف نعمل حاجه

وكل سنه وانت طيب ويارب في زي الايام دي تكون وسط اهلك واخواتك وناسك اللي بتحبهم وبيحبوك



سلامووووووووووز

Soooo يقول...

ROSE

ياروز انتي تكتبي في اي مكان في المدونه
دي مدونتك يابنتي
والف مبروك عالبلوج سبوت وعقبال هليوم هي كمان لما تبقى بلوجايه سبوتايه

وكل سنه وانتي طيبه





سلامووووووووووز

Soooo يقول...

كيمو

صديق الطفوله المشرده وايام الضياع الجامعيه
ياقهلا ياقهلا
واوعدك اني بمجرد ماروح هناك معاهم .. لازم تبقى انت كمان معاهم.. وانا هابقى معانا
ده انت حبيبي من أيام الجيزه


واحشني والله يابلبل
وكل سنه وانت طيب يابرنس




سلامووووووووووز

Soooo يقول...

قلب مصرى

الله يخليك ياباشا
واهلا بيك في مدونتي المتواضعه وباتمنى انك تعتبرها زي مدونتك وتنورني دايما بزياراتك وتعليقاتك الجميله
وانا اللي اتشرفت بجد اني اتعرفت على انسان محترم زي حضرتك
وكل سنه وانت طيب




سلاموووووووووووز

Soooo يقول...

only spot

ياقهلا ياقهلا بشيكو هانم المختفيه
استني كده
بوبي تاه
؟؟؟
يكونش اتاخد في الموضوع بتاع حنين القلب اللي بتقول فيه انهم ظبطو في سنكريه جزار بيبيع لحمة كلاب؟؟؟

وخمخ تلاف جنيه بحالهم للكلب
يكونش ده اخو شحيبر بتاع الواد سيد الشغال
!!!

وبعدين ده اسمه كلام
انتي ترخمي
طب ده المدونه نورت والله بزيارتك
ويلا بقى بطلي كسل وارجعي للتدوين
ولا انتي خلاص زهقتي مننا ومابقيتيش عايزه تستضيفينا في مدونتك وتشربينا بيبس وكاظوظا

وكل سنه وانتي طيبه وان شاء الله في زي الايام دي يكون ربنا مهيئلك كل الخير من عنده




سلاموووووووووووز

Soooo يقول...

عايزه اتطلق و

شكرا للمراسله العزيزه .. وتعليقا على مداخلتك نود أن نحيطك علما بأن البعثة المصريه قد احضرت معها ميداليات صينية الصنع من سوق العتبه في الصين .. كي تخبر اهلها والاعلام المصري انهم كسبو .. لكن التلفزيون كان مفصول ساعتها .. عشان نفس الماس الكهربائي اللي ولع في مجلس الشورى

هذا .. وكل سنه وانتو طيبين




سلاموووووووووووز

Soooo يقول...

زيزو الشقى

وعليكم السلام ورحمة الله وبركاته
وكل سنه وانت طيب يازيزو

وحاضر ياعز .. هاجي اشوف مدونتك ولو اني متابعها بس يمكن انت مش واخد بالك



سلامووووووووووز

Soooo يقول...

نهر الحب

خبر ايه يانهر
هو كل حاجه نرميها على منظمة الماس الكهربائي
لأ طبعا
في عندك منظمة الطرمخه عالودان
في عندك تشكيل وتنظيم الاستعباط
في عندك حاجات كتير يابنتي
بطلو تظلمو منظمة الماس الكهربائي
دي منظمة محترمه وعندها قضيه

وبخصوص نادي الزبالك .. اعتقد انهم لما هيعمل القناة .. هيشغلو تشششششش طول اليوم .. ودمتم

وكل سنه وانتي ونسمه طيبين .. وربنا يعيد عليكم وعلينا الايام بخير




سلامووووووووووز

Soooo يقول...

همس الاحباب

حمايا العزيز ابو همس
ايه رأيك بقى في جوز بنتك
اخبار تلاقي .. باوو تلاقي .. كللو تلاقي

وكويس قوي الاتنين جنيه ونص اللي سبتهملي .. هشوف عليهم نص جنيه واجيب علبة بوكس

وحاضر ياسيدي .. هاكلملك الواد الباوو يجي للجاموسه اللي عندكم
بس اللبن والزبده تيفتي تيفتي

وكل سنه وانت طيب ورمضان كريم





سلاموووووووووووووز

Soooo يقول...

قوس قزح

ده انا اللي باشكرك وباشكر كل الناس الحلوين اللي فكرو في الموضوع ده
وربنا يارب يجازيكم كل خير ويسعدكم ويبسطكم ويرضيكم دنيا وآخره يارب

ملحوظه
طول ما اللي زيك يا دوللي موجودين .. يبقى ان شاء الله الخير هيبقى موجود
وكل سنه وانتي طيبه ورمضان كريم




سلاموووووووووووز

Soooo يقول...

3ala asm masr

هند اختي الصغنغنه اللي انا مقصر في حقها
معلش ياستي حقك عليا وانا عارف انك زعلانه مني وواخده على خاطرك
لكن خليكي انتي الكبيره واختلقيلي العذر

واكيد طبعا مسلسل المعتزلون هايكون في رمضان
وتحديدا في الوقت اللي الناس هتبقى نايمه فيه قبل السحور
مش بقولك معتزلون

وكل سنه وانتي طيبه ورمضان كريم




سلاموووووووووز

Soooo يقول...

Two in One

انتي فاكره منظمة الماس دي بتلعب ولا ايه
يابنتي دي كانت البروفه
والتنفيذ في وسط جلسات المجلس الموقر
اه امال ايه
---
لا بقى .. انا عايز اقرى البوست بتاع الكادر التعليمي باي طريقه
اتصرفي ماليش دعوة عايز اشوفووووووو
---
الحقيقه .. رائعة عباسط حمبوده (انا مش عارفني) مش عارف كلمات مين .. لكن اغنية الدنيا خربانه اسمها (لي لي لي لي) ودي تأليف المؤلف المخضرم سمير محمد احمد واللي اتجه للتأليف بعد فشل الجمهور في تذوقه كمطرب .. واللي بيغني الاغنية دي مطرب افراح عزيم عزيم عزيم اسمه ناصر صقر

باديكي شوية معلومات بتفيدك اهو

وبخصوص شهرزاد وشهريار .. انا عندي فكره وكنت عايز اخد رأيك فيها .. ومش عارف ده ممكن يتم ازاي .. بس ياريت ده يحصل قبل رمضان عشان اقولك عاللي في دماغي وتشوفي لو ينفع ولا لأ

وكل سنه وانتي طيبه ورمضان كريم




سلاموووووووووووز

Soooo يقول...

الشنكوتي الكبير

وقاعد تقولي باوفر القرشين وداخل على جواز وحسستني اننا هنعمللك بؤجة الشنكوتي للمساهمة في جوازته الملوكي
وفي الاخر تلعب الدنيئه وتجيب موبيل ثري جي
اهو على حظك الهوا وقف على رأي اعلان كوكا كولا زيرو .. يلا

وبعدين يافلاح .. الموبيلات الثري جي اهم حاجه فيها .. انها يكون معاها تتالووووج
افهمو بقى .. من غير التتالوج السماعه ماتلقطش صورة

---
كل سنه وانت طيب ورمضان كريم يابو الشناكيت يامجدع





سلامووووووووووز

Soooo يقول...

Helium Atom

وكتاب الله ماينفع الحوار ده
يعني هو انا لما احب اخاطب الشعب الياهو تلتميه وستيني .. اكلم مين؟؟؟

وبعدين لو على البلوج سبوت .. من بكره لو تحبي اعمللك بلوج عليه

وبعدين اضافة ايه يابنتي .. انا اساسا ماعنديش ياهو ماسنجر ولا بافهم في الياهو ده

بقولك ايه .. اتصرفي شوفيلك حل
انا غلب حماري بصراحه

وكل سنه وانتي طيبه ورمضان كريم




سلاموووووووووووز

Soooo يقول...

A7MeD F@hMy

يا مسهل كل امر عسير
منتظرين نشوف تفانينك ياعمنا
وان شاء الله خير
ظبط التظابيط انت .. وربنا يسهل




سلاموووووووووز

Soooo يقول...

mohra

انتي عندك شك في انه هيلعب الدنيئه
ده غصب عنه يابنتي

ده انا لسه سامع خبر مسخره
النادي اللي هو شغال فيه كمدرب .. زودوله مرتبه
تخيلي زودوه قد ايه
؟؟؟
ميه وخمسين جنيه
!!!!
وسلميلي على البطولات


كل سنه وانتي طيبه ورمضان كريم .. وماتقطعيش الزيارات كده





سلاموووووووووووز

Soooo يقول...

زُمُرده

ليكي شوقه والله يامتمرده
=====
انا ياستي ولا بتاع منظمات ولا بتاع
طب ده انا طيب حتى .. ومافهمش في النظام
=====
بخصوص المناهج لبتوع الكادر .. اعتقد ان المناهج هتنزل السنه الجايه على مواقع عالنت .. المشكله ان معظم المدرسين مابيفهموش يعني ايه نت
=====
على فكره .. كلام اغنية عباسط حمبوده حلو بجد
بس المشكله في اللي بيغني واللي ملحن الاغنيه .. وممكن اللي بيسمعها كمان
=====
خطيبة هشام مصباح .. اصلا بطلة جودو .. بس ما اتأهلتش للمسابقه
اعتقد انه هيجبلها ميداليه مضروبه من عتبة الصين وهو راجع
بس ياخوفي يجبلها ميداليه دهب وتتنطط عليه بعد كده
=====
اعتقد ان النادي اللي هتعمليه باسمك واللي هتلعبي معاه بنفسك واللي هتكسبيه .. هيكون جمهوره الوحيد .. هو انتي
=====
تسافري تحجي على حسابي؟؟؟
هو حد قالك اني شغال في المخضروات - دي غير البيتزا بالمخضروات بتاعتك - يابنتي عشان أزكي عن صحتي وتحجي على حسابي
هو انا لاق اضرب مخضروات .. قصدي اضرب مارجريتا


=====

والله وانتي كمان وحشتيني ووحشني المناكفه معاكي
بس اعملي حسابك .. لما ربنا يريد وانزل سنكريه تاني .. اوعي تطلبي بيتزا بالمخضروات

وكل سنه وانتي طيبه .. ورمضان كريم





سلامووووووووووز

Soooo يقول...

خالد المصري

ابو لالا حليب هارتي
والله ليك شوقه يا صاحبي
هتنزل مصر امتى ياعم
الناس كلها نازله ان شاء الله في رمضان
عايزين نتجمع ونرجع يوم من بتوع زمان ياريس

والله ليك وحشه يابو خللود

وكل سنه وانت طيب .. ورمضان كريم




سلامووووووووووز

Soooo يقول...

عيله مفتريه سابقا

(ايموشن واحد بيهرش )
!!!!!
انتي جايبه براغيتك وجايه !!؟؟
====
ومين سعاد دي؟؟؟
دي غير سعاد بتاعة انا شربت حشيش ياسعاد؟؟؟
وايه ماما وستو وخالو عصام في الأزاريطه ؟؟؟
هو البرنامج العام يابنتي
!!!!!
يلا ياشيمو من هنا
يلا هنرش ميه
====
والله ياشيمو انا باعز اهزر معاكي واناكفك كده .. واوعي تزعلي احسن ازعل

كل سنه وانتي طيبه ورمضان كريم





سلامووووووووووز

زُمُرده يقول...

هو انا مقلتلكش
لالالالالالالالالالالالالالالا
بجججججججججد


اه يمكن

ما انت الجمهور للنادي والقناه بتاعي

ويكفيني سوووو
هعوز ايه من الدنيا تااني

لالالالالالالالالالا
لما تيجي اسكندريه هكون واعيه المره دي

هاكل اكلك مسح زور كده

اكلك مسح زووووور
ههههههههههههه

ولما ييجي اكلي احلي بقى

---------------------
والله وانتي كمان وحشتيني ووحشني المناكفه معاكي
------------------------
وحشتك الكنافه معايا
هههههههههه
كل سنه وانت طيب

زُمُرده يقول...

فاضلي كمان تعليق
وهقتلك

آآآآآآآه
بدل ما تشرد عيالي

غير معرف يقول...

انت مش عاجبك اعتزال الفنانات ولاايه ياسووووو؟؟؟؟؟؟؟؟؟؟؟؟؟

fox4ever يقول...

بحد انتو جمدين اوي اوي وانا الي كنت مقاطع المدونات وبقول دا عبط دا انتو جمدين اوي