الاثنين، ٣ شعبان ١٤٢٩ هـ

!! حكمة اليوم

.. مسير البورص يكبر ويبقى ديناصور
أو يتجاب من عالحيط بشبشب

سوووو

هناك ٩٢ تعليقًا:

•√أريـ السمر ـج√• يقول...

الحالة دي دايما بتحصل ببداية ال 31 كده انت تمت سنة جديدة بجدارة


:)
دمت بكل الخير

•√أريـ السمر ـج√• يقول...

ايه ده انا اول تعليق كمان .. :)

د/اجدع بنوته يقول...

نحن م نصنع الفرعون

صباحو حكم وكلام كبير

ojg يقول...

ماهو الحق علينا بنسيب البورص يعمل ما بداله ويتنطط ويمكن نأكله كمان ولما يكبر ويعمل فيها ديناصور أول مابيتنطط بيتنطط علينا ويمكن كمان يشوفنا احنا اللي ابراص
مع ان زي مانت قلت حله من أولها الشبشب

وجهة نظري يقول...

البرص دايما بيموت برص، وغالبا بشبشب من علي الحيطه لما يعدي الحدود.

Unknown يقول...

يعنى مفيش وسط يا 3 مواضيع فى بعض يا جملتين ... على أى حال البرص مبيبقاش ديناصور أبداً ولو الناس افتكرته كده يبقى العيب مش على البرص
دمتم بخير

Mahmoud البطراوى يقول...

انا متابع جديد بس اقتنعت بالحكمه اوى

تحياتى

يوميات فنانه مفروسه جداا يقول...

ورينا مافاهمه حاجه

دا ليه كده يا بني مانت كنت كويس وحفله وطورطه كريمه وشيكولاته

لا خول ولا قوة الا بالله

الله اكبر معلش بتحصل نياهاهاهاه
=-=-=-=-=-=-=-=-=

ابقي اقري تعليقي علي البوست اللي فات معلش الله يقطع شركة لينك علي اللي بدعها

سلام يا سووووووو

Empress appy يقول...

ههههههههههههههخخخخخخخخخ
البورص انت مصاحبه
الابراص كنير يا ساسو الا قولى اخبار البينك ايه هههههههههههههههههههههخخخخخخخخخخخخخخخ

ســـهــــر يقول...

مسيرة يكبر صح بس دة فى حالة اننا سمحناله بكدة وغالبا بنكون سلبيين بما فية الكفاية ليصبح غول مش مجرد ديناصور بس

حكمه وما اجملها من حكمة

دمت بخير

ميرا ( وومن ) يقول...

سووو

مش عارفة قصدك ايه بصراحة بص انا عن نفسي مش بخاف خالص من البورص اول مبشوفة بجيبة بالشبشب

تفتكر العيب في مين ؟

في البورص ولا فينا

فاتيما يقول...

لأ بقى
إحنا نجيبه من عل الحيط بالشبشب احسن
قبل ما يكبر
و يبقى ديناصور
مش قصدك كدا و لا إيه؟؟
و بعدين يا سووووو
إحنا لما بنحب نصطاد البورص
بنتبع إستراتيجة مختلفة شوية عن كدا كنا بنجيبه من على الحيطة
بالزعافة و لا المقشة الاول
نوقعه على الأرض
يترنح
نديله بالشبشب طوالى
بس كدا
أى خدمة

ابن حـجـر الـعـسـقـلانـى يقول...

الحكمة اللى انت كاتبها دى فكرتنى بالحكاية بتاعة الراجل اللى قرب يموت و حب يوصى أولاده فجاب لهم عصيان يكسروها .. فاكرها ؟؟

المهم يا ابو سوووو .. أنا لسة شايف الموضوع اللى فات دلوقتى و حابب أعلق عليه

لكن بصراحة بصراحة ... أنا و الله المشاعر تكاثفت على رأسى بشكل كبير جدا لدرجة إنى مش عارف أختار كلام أكتبه .. عارف لما تبقى كاتم العياط و زروك يوجعك .. أهو إحساس شبه دة اللى عندى بعد ما خلصت قراية

و الله يا سوووو أنا ساعات باقول لنفسى هو انتم إزاى (كمدونين) راضيين تعرفونى و تتعاملوا معايا بالبساطة دى .. دة انتم حاجة كبيرة قوى .. و أنا مجرد واحد دخل التدوين بالصدفة

و بجد باحمد ربنا على نعمة معرفتكم كلكم و ربنا يزيدها علينا نعمة يا رب

بجد بجد بجد .. ربنا يكرمك يا سوووو و يحقق لك كل اللى ترجوه و ينفع بيك كل الناس ... و تدخل الجنة مع من تحب

فى رعاية الله

2ensan wnsan يقول...

بس فين الشبشب ما ينفعش قبقاب زي اللي انت متصور بيه دا

في كام ديناصور دلوقتي كان اصلهم ابراص

بنوتة من وسط البلد يقول...

والله يا عم الحج
كلامك فعلا كله حكم واوزان

بس اشمعنا الديناصور هل دى ليه علاقة بالكتلة والحجم :) ؟؟

ع العموم البورص لو ما اتهفش من اولها برقعة الشبشب او المساحة بتاعه الحمام من اولها وهو على الحيط .. ما كنش بقى ديناصور ولا ديالوا

المصيبة فينا احنا الى بنقرف وبتقول ياااااي .. ونسيبه بقى لحد ما يبرطع على قفانا


خلاص كفاية قرف بقى ..
وصباحك زى الفل :)

بنوتة من وسط البلد يقول...

وقالوا للفرعون ايه الى فرعنك
قال ما لقيتش شبشب يلمنى :)

تخيـــــــاتى

هناء يقول...

طيب ماشي يعني انا ما فهمتش ، المرة الجاية نزل الترجمة ، اعمل حساب اختك الجزائرية

سلاموز

Doba يقول...

على فكرة
البورص هو هو زى مهو بورص
عمره مبيكبر ويبقى ديناصور

احنا اللى بيجيلنا عمى حيسى وبنهابه وبنفتكره ديناصور لكن لو ركزت ومخفتش هتلاقيه بورص وهيبقى من السهل قوى ساعتها انك تديله بالشبشب وتتقى شره

بس خلاص
صباحو اشتغالالالالالالالالالات
سلام يا كبير

غير معرف يقول...

ايه الكلام الكبيييييير ده يا عم سووووو

مممممممممم
والله انا شايفه ان البرص طول عمره برص
هيكبر ويشم نفسه علينا انما برضه برص

وديته شبشب

سلاخوووووووووووخ
:))

الـجـدة فـصـيـحـة يقول...

السلام عليكم ورحمة الله وبركاته

حكمة اليوم وكل يوم
حكمة جميلة بجد واي برص في الدنيا لو سبناه هايكبر ويتوحش أو حله ضربة شبشب من البداية ومن أول ما نشوفه ونعرفه انه برص .


دمت في رعاية الله

حنين القلب يقول...

مهو المصيبه وهو صغير بنسيبه عادى ونقول مش بيأذى ولما يكبر اول ما بيأذى بيأذينا برضه
حد فاهم حاجه ؟؟
بس حكمه جامده يا سوووووووووو
تسلم ايديك

Rehab Mostafa يقول...

لأ ممكن البرص يبقى تمساح لكن ديناصور دي صعبه شويه :))
كل سنه وانت طيب يا سوووو وعقبال سنيين كتيييييييير
فين هدية عيد ميلادك طيب .. فين اللاب توب :))

3ala asm masr يقول...

لاء معلش اللى يتنطط ملوش غير الشبشب
أحنا أدينا معاك ومش هنسيبه يبقا دزنانور

كراكيب يقول...

البرنس "احمد حلمي" في الفيلم الفززييييع كدة رضا قال لأبوه

"علمونا في المدرسة ان البورص بيضرب بالشبشب"

دعوة لجميع المدونين والمدونات
او المدونين بلاش المدونات علشان انا بخاف
اي حد يشوف بورص يضربه بالشبشب علشان ما يكبرش ويبقى ديناصور
وساعتها هتبقى انت السبب علشان كان قدامك وجريت من غير ماتضربه

يعني دوس عليه برجليك بدل ما يكبر ويربرب ويدوس عليك برجليه,, فاهمني طبعا يا معلم.. ماقولتش؟ كلمة السر ايه؟؟

miro el niro kwaniro

المنسى يقول...

لالالا ياسووووووووو
إهدى شوية
إنت فى بداية مرحلة جديدة من
تلاتينية
ولازم تأخد بالك على نفسك
رغم إنى مش فاهم حاجة
بس أناشايف إن البورص عمره ما هيبقى ديناصور
ومسيره فعلا للشبشب

Mafrousa يقول...

ههههههههه
واحنا نسيبه يكبر ليييه؟؟
ما نجيبه من على الحيط بالشبشب احسن
و لا نرش عليه بيرشول ولا بايجون
ههههههههه
بس انت عارف ان البورص لو موته و فعصته او ل حاجه بتتقطع فيه ديله
و الروح بتفضل فى ديله كتيير
يعني لو تمعنت فى المعني الإلااهي
حتلاقيك موت الراس و فعصتها و الجسم برضه اتفعص على الاخر لكن الديل بتفضل فيه الروح
و بياخد وقت طويييييييييييييييل علشان يموت
سلااام

Ehab يقول...

وده يا ضنايا كان بيتعالج ولا الحاله جاتله فجأه كده

ما علينا اهو كل واحد بياخد نصيبه
ابقى سلملي على الديناصورات كلها

سلاااااااااااااااااااااام
اخوك ايهاب

همس الاحباب يقول...

هههههههههههه
ههههههههه
حكمة بتحمل معانى اكبر من البورص والديناصور يا سوووووووو
بس المشكلة فين الشبشب
كنت جبت قبقاب من الجامع كان زمانه نفع دلوقتى
تحياتى

غير معرف يقول...

ايه الذوق والرقه والاخلاق العاليه دى ربنا يزيدك انتا عجوز اه بس شباب من جوه وتخين ماشى بس رفيع المقام عجبنى قوى ردك على تعليقى كلك كلك ذوق ربنا يكرمك ..اما البورص فده المخلوق الوحيد اليى بضعف قدامه اشوفه من هنا واجرررررررررررى يا فكيك وامنية من امنياتى ان الشجاعه تجيلى واقدر اواجه وانزله من على الحيط بشبشب بمقشه باى شئ المهم ساعة المواجهه اققدلر اتغلب عليه ولما يشوفنى هوا اليى يجرى ...نسيبنا من البورص جاته القرف بيشكلى فوق ده كله حالة قرف هو والتمساح يمكن عشان شبه بعض...المهم يا استاذ سسسسسسوو يا سسووووووو المدونه مشفتش رنة خلخالك فيها ليه لغاية دلوقتى مدونتى يعنى http:\\ayzaatalawa.blogspot.com\ شرفنى بقه دا انا بقه منظرى وحش قوى اوحش م البورص والبورصه كمان..

زى الهوا يقول...

( وش محول )

Ahmed Al-Sabbagh يقول...

ههههههههههه

هو بما انى عارف القصة اللى ورا السطرين دول فأحب اقول :

استمر يا سوو انت ماشى صح

وما تخليش كلام اى بورص قصدى اى حد يهزك

وخلى بالك : ممكن واحد يعمل حاجة وخلاص

بس صعب اوى ان ده يستمر وصعب انه يبقى حاجة تحترمها الناس وتقدرها الاجيال

فاستمر فى طريقك بفكرك

ومستنى الرتابة بالكهرباء

:))

احمد

Z_Diva يقول...

ايه ده انت عرفت منين حكاية البورص اللي كان على الحيطة بتاعتي ده ؟؟؟؟

بس احنا بقى عشان مرهفي المحاسيس, هشيناه بالمقشة بس و رجعناه المخزن تاني " والله انا لو في يوم لقيت تحت المكتب تعبان مش هندهش, ده المخزن ده فيه بلاوي-

باي ذا واي مستر شباب اند سبورتس, اي جيت ذا بوينت اند نو ات ازنت اباوت اي ريل جيكو, اتس جست اى بيتيفور :))))))))

مجداوية يقول...

السلام عليكم


صحيح أنا كنت زعلانة منك جدا لكن أنا قلبى أبيض وبأعمل ناسية
وكمان
لفت نظرى تلات حاجات عندك

أول حاجة انك كاتب فى الجنب مع مجموعة المدونات مجداوية اللى مش فاهمانى خالص
أولا بأشكرك جداإنك واضع المدونة أصلا فى مجموعتك ثانيا كونى انى مش فاهماك خالص
ده مش صحيح ممكن أكون مختلفة معاك فى بعض أفكارك لكن فاهماك أنا بلا فخر أفهمها وهى طايرة بس هى ساعات بتصادف معايا يكون اللون الخروبى منقوع كتير عندى فبيطلع مدافع رشاشة
وعملت بنصيحتك وبقيت أضرب بيه فى مدونتى بس ومن فات داره اتقل مقداره

تانى حاجة لفتت نظرى هى قال تودرى لأنها كلمتى على طول لأنى بأحب كل مسرحيات فؤاد المهندس الله يرحمه ويسامحه وبأقولها دايما لنسمة بنتى بس بأقولها وقال تودرى قبل أن يخنق ابنته الأخيرة


تالت حاجة حرصك على التبرع بالدم هل ده له علاقة بخفة الدم فى كتاباتك ولا ده تشابه أسماء

بمناسبة البرص انت كنت فى السعودية وتعلم ان البرص هناك دزنانور صغنن وميتجبش بالشبشب مرة دخل فى شقتى هناك واحد من الحجم الفاملى سايز ده سيبتله البيت ومدخلتش الا لما أقسمولى انه خرج وقعدت جمعة بعديها باصة على طول على السقف باترعب منه حتى لو كان برص مصرى مدعم ,وأدينى قولتلك على سلاح استراتيجى ممكن تخوفنى بيه

أنا ليا عندك حق عرب بس خلاص مش مشكلة أختك الكبيرة وولاد كار واحد
وأولا وأخيرا مسلمين

سلام

Soooo يقول...

•√أريـ السمر ـج√•

يعني هل لما ابقى عندي واحد وسبعين سنه .. البورص هيكبر ولا هيتجاب بشبشب ولا ايه ؟؟؟

وياستي والله العظيم اول تعليق من عاشر تعليق مابيفرقش معايا .. المهم انك تنوريني بتعليقك وبكلامك



سلاموووووووووز

Soooo يقول...

د/اجدع بنوته

اي والله يا ياسمين
نحن من نصنع البنطلون فعلا

كلام حكم بصحيح




سلامووووووووووز

Soooo يقول...

وجهة نظري

اعتقد ان دي اول مره تنورني في مدونتي المتواضعه وبارحب بيك جدا وباتمنى انك تعتبرها زي مدونتك تمام وتشرفني بتعليقاتك وبكلامك الجميل

وانا معاك في وجهة نظرك وان البورص هيفضل بورص .. بس المشكله ان في ناس قلبها خفيف وبتخاف على مشاعر البورص ومابتحبش تقولو انت بورص
فهمت حاجه؟؟؟؟؟



سلاموووووووووووز

Soooo يقول...

أحمد عبد العدل

تصدق اني قعدت اضحك بتاع عشر دقايق على تعليقك ده

ولسه واخد بالي ان الموضوع ده سطرين واللي قبله عشر صفحات فلوسكاب

سيبك انت .. منورني والله
وفعلا .. العيب في الناس اللي بتسمح لحتة بورص لا طلع ولا نزل .. انه يتنطط عليهم ويعمل دزنانور



سلامووووووووووز

Soooo يقول...

بطوط حبوب

حليب هارتي والله يابطوط
اهلا بيك في مدونتي المتواضعه واتمنى انك تعتبرها زي مدونتك وتنورني بتعليقاتك دايما وتعتبرها زي مدونتك تمام

والف شكر على انك اقتنعت بحكمتي البسيطه واللي حسيتها من واقع الحياه الزواحفيه



سلاموووووووووز

Soooo يقول...

يوميات فنانه مفروسه جداا

لا تقلقي يابنتي
الحاله اللي انا فيها دي حالة عبث جاتلي بعد ماضربت قطعتين من الطورطه .. تكونش الطورطه فيها مخضروات ولا حاجه؟؟؟؟

وياستي قريت تعليقك وربنا يديم الخير والمعروف مابين الكل .. وربنا يسعدك ويبسطك ويكرمك ويرضيكي دنيا وآخره




سلاموووووووووووووز

Soooo يقول...

appy

ده انتي اكتر واحده عارفه مين اللي مصاحب البورص ومين اللي لازم يديله بالشبشب على بؤه بجد

والبينك كويس الحمدلله .. مش قصدك عالخروف البينك اللي جبتيهولي في عيد ميلادي برضك؟؟؟؟



سلامووووووووووووز

Soooo يقول...

ســـهــــر

اهلا بيكي ياسهر في اول زياره ليكي في مدونتي المتواضعه واتمنى انك تعتبريها زي مدونتك تمام وتنوريني بتعليقاتك وبزياراتك دايما يارب

وفعلا .. احنا بنشوف البورص ومابنديلوش بالشبشب فبيتخيل انه بقى ديناصور .. لكنه طلع ولا نزل .. حتة بورص

والف شكر ياستي على زيارتك وعلى تعليقك




سلامووووووووووز

Soooo يقول...

وومن

اهو انتي كده صح
ولو كلنا مافخناش من البورص وادينالو على قفاه بالشبشب .. يبقى ساعتها مش هنلاقي ولا بورصه يتنطط علينا

اعتقد العيب في الشبشب



سلامووووووووووز

Soooo يقول...

فاتيما

تصدقي جديد التكنيك بتاع ترنح البورص
والله تنفع نظريه فلسفيه جديده

هاحاول احطلها تعريف ونظام فلسفي واكيد هحتاج مساندتك في وضع اسس النظريه دي
وممكن نحتاج لرأي الزعافه كنوع من انواع التعريف المضاد


بوسيلي ايد ماما



سلامووووووووووز

Soooo يقول...

ابن حـجـر الـعـسـقـلانـى

هاجيلك اعلق تعليق تاني ليك مخصوص .. بس بروقان



سلاموووووووووز

قوس قزح يقول...

بص انا لا بحب البورص ولا عايزة اشوف ديناصور

فالحل بالنسبة ليا رشة بيرسول على الحيط و خلاص من اولها

اما بقى البورص يبقى ديناصور ده بيحصل فى عالم سمسم بس :)

الفاتح اليعقوبي يقول...

هههههههههههه
صح يازعيم يااما يبقي ديناصور او يتجاب بشبشب
والله المثل ده بيفكرني بالحياة كلها فاما انك تصبح شئ فيها او تلاقي المصير المحتوم لمن لم يريد ان يصبح كبير
حكمة جامدة يازعيم
ربنا يوفقك
والسلام

Unknown يقول...

سووووو
اولا: عارفة انها متاخرة وانى وحشة بجد وانا زعلانة انى ماكنتش من الناس اللى قالوها فى ميعادها
بس بجد
كل سنة وانت طييييييييييييييييب
ياسوووووووو D:
وهتفضل عم الشباب والرياضة على طول بس اتجوز بقا عشان نفسى افرح فيك

بالنسبة للحكمة
فاحسنت والله اصل كل الابراص دلوقتى بقت ديناصورات بس صعب بعد كده تجيبهم من على الحيط بشبشب ولاحتى بفليت العسكرى
ربنا المعين بقا

انت عايز منى 1.75 قرش انا مجبتش هدية خدهم انت وبعزقهم زى ماانت عايز


انا دخلت على الدعاء وقريته لوالدتك
ربنا يرحمها

ربنا يوفقك ياسووووو
سلام

TAFATEFO يقول...

بحب أوي كتاباتك .. وبصراحه .. أنا مبسوط ان مذكرات طفل طخين خلصت .. بصراحه معجبتنيش خالص

Soooo يقول...

ابن حـجـر الـعـسـقـلانـى

اديني رجعتلك تاني يابو العساعيس

شوف يابو العساعيس .. اولا .. اقرى الجزء ده من تعليقك

لكن بصراحة بصراحة ... أنا و الله المشاعر تكاثفت على رأسى بشكل كبير جدا لدرجة إنى مش عارف أختار كلام أكتبه .. عارف لما تبقى كاتم العياط و زروك يوجعك .. أهو إحساس شبه دة اللى عندى بعد ما خلصت قراية

و الله يا سوووو أنا ساعات باقول لنفسى هو انتم إزاى (كمدونين) راضيين تعرفونى و تتعاملوا معايا بالبساطة دى .. دة انتم حاجة كبيرة قوى .. و أنا مجرد واحد دخل التدوين بالصدفة

وهو ده اللي انا قصدته لما قلت عنك
ساعة الجد يبقى جد الجد

واقرى الجزء ده برضه من تعليقك لما قلت

و بجد باحمد ربنا على نعمة معرفتكم كلكم و ربنا يزيدها علينا نعمة يا رب

بجد بجد بجد .. ربنا يكرمك يا سوووو و يحقق لك كل اللى ترجوه و ينفع بيك كل الناس ... و تدخل الجنة مع من تحب

وده اللي قلته عنك لما قلت في تحليلي ليك

ولو عايز تسأله عن معلومه في الدين وفي الاخلاق تلاقيه بيقولك المعلومه بطريقه هاديه وبسيطه

أما بقى الحته دي من تعليقك

الحكمة اللى انت كاتبها دى فكرتنى بالحكاية بتاعة الراجل اللى قرب يموت و حب يوصى أولاده فجاب لهم عصيان يكسروها .. فاكرها ؟؟

فهو نفس اللي قلته عنك وانك ساعة الهزار والفرفشه .. أحب سوسو

---
ابو العساعيس
بحبك وكتاب الله
وسلملي على التمنياوي طه وعلى الباحث ولو اني زعلان منهم عشان مافيش حد منهم افتكرني بكيلو لحمة بتلو بمناسبة عيد ميلادي



سلاموووووووووووز

Soooo يقول...

wa7ed 2ensan wnsan

طب تصدق فكره والله
احنا نعمل تنظيم سري ونسميه قباقيب فور ايفر .. وكل واحد مننا يبقى شايل قبقاب واللي مايعجبوش ويحس انه بيتنطط عليه .. يضربه على بؤه




سلامووووووووووز

Soooo يقول...

بنوتة من وسط البلد

ياقهلا ياقهلا
كتله وحجم؟؟
وبتقولي علي بقول كلام كبير وبتاع .. طب ده انا مافهمتش الكتله والحجم غير مؤخرا بس

وبعدين ايه التشبيهات دي .. ده انا كنت جعان وقايم اكل .. لكن بعد ماقريت تعليقك .. نفسي اتفتحت اكتر

وفعلا .. قالو لفرعون ايش فرعنك .. قال مالقتش عباره اركبها وتغرق بي



سلامووووووووووز

Soooo يقول...

هناء

هههههههههههههههههه

بصي يا هناء يابنت عمي من الجزائر الشقيق
البورص هو نوع من انواع الزواحف الصغيرة الحجم .. نفس فصيلة التمساح بس على صغنون قوي .. واللي باقصده ان ساعات بنشوف بورص او حاجه صغيره ونسيبها لغاية ماتكبر وتتحول لحاجه كبيره مفترسه .. بس كان الاصح اننا نقتلها بنفسنا وهي صغيره

اي خدمه ياستي

وانتي عامله ايه وايه اخباراتك؟؟؟




سلامووووووووووز

Soooo يقول...

Doba

مييييييييييين .. ام يوسف افندي
طب والله مفتقد طلتك على المدونه

وفعلا .. ساعات بنخاف من حاجات المفروض مانخافش منها .. لكن هنقول ايه
الطبع يغلب التطبع
واحنا بطبعنا مسالمين .. مش بنحب الاذيه لحد .. حتى لو كان بورص

سلامي ليوسف افندي ابن اختي




سلامووووووووووز

Soooo يقول...

shayma

ايوان كده صح
هو البورص ديته شبشب
بس المهم .. نتخذ ضرار ضربه بالشبشب امتى بالظبط؟؟؟؟



سلاموووووووووز

Soooo يقول...

الـجـدة فـصـيـحـة

جدتي العزيزه
فعلا لازم البورص لما نشوفه قدامنا .. نقولو انت برص ومالكش غير الشبشب
بس المشكله .. ان في ناس كتير بتديله اكتر من حجمه
تعرفيش ده سببه ايه ياجدتي؟؟؟؟




سلاموووووووووووز

Soooo يقول...

حنين القلب

الله ينور عليكي
ايوه طبعا فاهمين
وتسلم ايديكي انتي ياستي وتسلمي من كل شر يارب



سلامووووووووووز

Soooo يقول...

Rehab Mostafa

ياقهلا ياقهلا بالمختفيه

والحقيقه العمليه بتقول ان البورص بورص .. ولا تمساح ولا ديناصور .. بس ساعات خيال البورص المريض بيهيؤله انه ديناصور وحاجه كبيره .. لكنه طلع نزل .. برضه بورص

وانتي طيبه ياستي
بس مين اللي يجيب لمين هدية؟؟
هي المفاهيم الاستراتيجيه اتغيرت في اخر تلاتين سنه ولا ايه ياجرعااااان؟؟؟؟




سلامووووووووووز

Soooo يقول...

3ala asm masr

اهلا اهلا اهلا
طب والله ليكي وحشه ياهنوده
وياستي انا اول واحد رفعت الشبشب على البورص اهو .. حد جاي؟؟؟؟



سلامووووووووووز

Soooo يقول...

كراكيب

الله عليكي
طب والله ميه ميه الدعوة دي
وفعلا لازم كلنا .. مدونين ومدونات .. مافيناش من خوف ولا قرف .. لو شفنا بورص بيتنطط علينا .. نقلع الشبب ونديله بيه عشان مايفتكرش نفسه حاجه

وبعدين كلمة السر سنكرز اصلا




سلاموووووووووز

Soooo يقول...

المنسى

هتفهم الحوار بعدين
لما يبقى عندك تلاتين سنه فما فوق




سلاموووووووووز

Soooo يقول...

واحدة مفروسة

والله يامفروسه ياختي انا لما سألت في جزئية الديل اللي بيفضل يرقص بعد ما البورص يموت .. اتقاللي انه بيرقص عشان بيفضل فيه شحنة كهربا .. زي بالظبط لما تدبحي فرخه او بطه او خروف وبعد ماتقطعيه تلاقي في حتت لحمه فيها عرق تلاقيه لسه بيلعب على خفيف

وبعدين ايه العلاقه بين ده وبين انه ينضرب بالشبشب
انتي هتتوهيني معاكي ولا ايه
لا بقولك ايه .. انا لسه شارب فيسكافيه ومافهمتش اي حاجه .. استني علي اروق شويه واقرى تعليقك يمكن افهم ولا حاجه



سلامووووووووز

Soooo يقول...

الشنكوتي الكبير

والله يابو الشناكيت ياخويا تقريبا عدّى عليه بورص وهو نايم
قام افتكر نفسه بقى بورص وقاللك انا هكبر ابقى دزنانور
مايعرفش ان في اختراع وارد الصين .. اسمه شبشب

فهمت حاجه؟؟؟؟

حبيب قلبي انت والله يا هوبا





سلامووووووووووووز

Soooo يقول...

همس الاحباب

طب تصدق اني فعلا كنت عايز اخد قبقاب من الجامع وادفع تمنه .. كنت عايزه احتياطي لمثل هذا النوع من الابراص
اي والله
سلامي لهمس




سلاموووووووووووز

Soooo يقول...

عايزه اتطلق و

الله يكرمك يارب ياستي على كلامك الجميل ده
بس صدقيني انا اقل من كل ده والله

ونصيحتي ليكي .. اوعي تخافي من اي بورص تشوفيه
وحطي في دماغك ان البورص بطبعه جبان .. وعشان كده لازم تستغلي خوفه منك وتديه على قفاه .. احسن يعيش الخيال ويفتكر نفسه حاجه

ومن غير ماتقولي ياستي انا فعلا رحت مدونتك وقريت بعض من مواضيعك واعذريني اني ماعلقتش ساعتها بس ده كان لظروف خارجه عن ارادتي .. واوعدك اني بمجرد ما اروق شويه هاهري مدونتك تعليقات .. مش هعلق على موضوعين بس





سلامووووووووووووز

Soooo يقول...

زى الهوا


هههههههههههههههههههههههههههه


سلامتك من الاحولال ياميس موحه




سلاموووووووووووز

Soooo يقول...

Ahmed Al-Sabbagh

الله يكرمك يا ضباغ يابن منتقتي
وحاضر ياسيدي .. هاجبلك الرتابه بس بمجرد ما توصل شحنة الرتابات اللي متفق عليها




سلامووووووووووز

Soooo يقول...

Z_Diva

مرهفين الحس؟؟
وهشيتوه بالمقشه كمان ؟؟
ماهو طبيعي تلاقي تحت المكتب بتاعك بعد كده تنين اسطوري يابنتي
ده انتو زباين حلوين قوي

باي ذا واي مستر شباب اند سبورتس, اي جيت ذا بوينت اند نو ات ازنت اباوت اي ريل جيكو, اتس جست اى بيتيفور :))))))))

وكتاب الله مافهمت حاجه
؟؟؟؟
عموما .. خير ان شاء الله .. الله كريم




سلاموووووووووووز

Soooo يقول...

مجداوية

وعليكم السلام ورحمة الله وبركاته

تصدقي وتؤمني بالله
انا وقفت قدام تعليقك ده بتاع نص ساعه
مش عارف اعلق
مش فاهم بقى ده خوف اني اقول اي كلمه وتنقلب ضدي
ولا احترام لتشريفك لمدونتي بعد مانا قلت انك خلاص قطعتي كل سكك التواصل وحذفتي اواخر تعليقاتك .. ولا ايه بالظبط

بس كل اللي اقدر اقولهولك .. ماعاش اللي يقلل من قدرك وقيمتك .. وربنا يديم الخير والمعروف مابيننا .. وربنا يهيئلك اللي فيه رضاه عنك في الدنيا والاخره


والسلام عليكم ورحمة الله وبركاته .. بلاش ازعلك واقول سلامووووووووز

Soooo يقول...

قوس قزح

ههههههههههههههههههههههههههههههههه
ههههههههههههههههههههههههههههههههه
ههههههههههههههههههههههههههههههههه


بس خلاص




سلامووووووووووووووز

Soooo يقول...

الفاتح اليعقوبي

حليب هارتي
والله ليك وحشه انت والجعفري

وياسيدي ولا حكمه كبيره ولا بتاع .. دي كلمه طلعت في لحظة هسس




سلاموووووووووز

Ahmed Al-Sabbagh يقول...

إن الحشائش لا تصبح اشجار ...مهما تعلمت فنون النماء

Soooo يقول...

totaaaa

ياخبر يا توتا
انا ماقدرش ازعل من صاحبة اكتر تعليق باحبه واللي كل ماحس الدنيا قافشه في وشي اروح اقراه
راجع موضوع مذكرات طفل طخين .. المحطه السبعتاشر

وكل سنه وانتي طيبه ياستي .. بس مالوش لازمه انك تفرحي في وتشوفيني متدبس .. قصدي متجوز .. وبعدين الحاجات دي انا سايبها على ربنا وشايلها من دماغي وربنا هو اللي يصرفها زي مايحب

وبالنسبه للميه خمسه وسبعين قرش .. فصدقيني انتي بعتتيلي اكتر هديه غاليه علي قوي
واللي هي انك دعيتي لامي ولموتانا ان ربنا يرحمهم ويجمعنا بيهم في جنة الفردوس الاعلى وفي صحبة سيدنا محمد عليه افضل صلاة واتم تسليم
ودي اغلى من كل كنوز الدنيا


وربنا يسعدك ويكرمك ويبسطك ويوفقك ويرضيكي دنيا وآخره يارب




سلاموووووووووووز

Soooo يقول...

TAFATEFO

اهلا بيك يافندم في اول زياره ليك لمدونتي المتواضعه وباتمنى انك تعتبرها زي مدونتك وتشرفني بتعليقك على قد ماتقدر

وبالنسبه لمذكرات طفل طخين فهي الحقيقه ماخلصتش .. ومعنى انها مش عاجباك وانك بتقول انها خلصت .. انك ماقريتهاش

على اي حال دي وجهة نظرك وانت حر فيها وانا باحترمها
ززي ماهي ماعجبتكش .. عجبت ناس تانيه

والف شكر على زيارتك يافندم





سلاموووووووووووز

Soooo يقول...

Ahmed Al-Sabbagh

إن الحشائش لا تصبح اشجار ...مهما تعلمت فنون النماء

ايه يابن منتقتي الكلام الكبير ده؟؟؟
انت كنت بتاخد كورسات في منطقة تانيه ولا ايه؟؟؟

فعلا .. ان الحشائش لا تصبح اشجار
مش الحشائش دي اللي هي جمع الحشيش؟؟؟
اصل الحشيش بجد بيعمل دماغ ويخل الواحد يقول كلام ايييييييه




سلاموووووووووووز

3ala asm masr يقول...

اضرب البورص واحنا كلنا وراك يا ريس

Hany Rizk يقول...

حبيبي الغالى ... من بعد الاشواق .. اهديك احلى سلام ... كخت كخت (دة صوت القلم وهوة بيشطب الكلام)

بجد انا باحب ادخل بلوجايتك علشان اشوف اخر الاخبار يمكن علشان معنديش نت فى البيت بقالى كتير (خوفا من تأثير النت على الشباب الصغنتت اللى فى البيت ... اخواتى الصبيان والبنات كمان ) هوة دة اللى مخليني مش بادخل النت كتير بس على كل ربنا يسهل وكل اسبوع احاول ادخل اكتب عن حاجة قرفانى فى حياتى اللهم اقرفهم فى حياتهم قادر يا كريم وابقى ادخل بقى على بلوجايتي اقرا الموضوع دة
http://brokenheart75.blogspot.com/2008/08/blog-post.html
و سلام بقى احسن عاوز اروح علشان عاوز انام

nigro يقول...

بما إن المعنى في بطن الشاعر
و أنا الحمد لله لسه متعشّي
إذن
من موقعي هذا بأدعيلك يا أحمد ربنا يرزقك كده بقادوم تخبط بيه البورص و تعرفه مقامه
و المعنى برده في بطن الشاعر
ألاقيش معاك شندوشت بسطرمة بالقشطة
ولا حتى لحسة مربى
مش عارف يا أخي حكاية بطن الشاعر دي جوعتني

واحشني جامد جدا يا أبو السووووات



يلا سلام

دعاء مواجهات يقول...

هههههههههههههههههههه

حلوة الحكمة بجد

بس احساساتى بتقولى انها موجهة ومتعمدة كمان

عاوزينك تنورنا

بيس

Unknown يقول...

يتربى فى عزك
نحن من نربى ذلك البورصة ونعلمة كمان
ازاى يكون دنياصووووور

الظاهر اننا اللى بنحب نكبر
ونربى من هادى وغير ضار الى مؤذى ومزعج


تحياتى لك سوووووووو

مجداوية يقول...

السلام عليكم

لا اله الا الله محمد رسول الله
تصدق بالذى برأ النسمة وفلق الحبة

قول لا اله الا الله
انى حاختار السبب التانى عشان بس السبب الأول ده حتجيب بيه الكلام لنفسك تانى يعنى قصدك ايه يعنى انى بأتلكك على الواحدة وانى مش فاهماك خااااااااالص ولا ايه يعنى ( ابتسامة من الودن للودن )

ربنا يكرم أصلك بس للتوضيح أنا أزلت التعليقات بناءا عن نتيجة المناقشة ان الموضوع مكانه مش هنا وان التعليق عن التدوينات اللى انت كاتبها وبس فأنا احتراما لرغبتك شيلتها مش عشان لميت الكلام بتاعى وقطعت السكك لأنى لو كان ده السبب كنت حذفت الاعتذار كمان وده محصلش

ياللا حصل خير ووقوفك قدام التعليق نص ساعة زى ما بتقول ده ترضية كفاية ليا

حسستنى انى ريا أو سكينة
محدش بياكلها بالساهل



كدا نبقى خالصين خااااالص وربنا يوفقك دايما وينفع بيك

وضحكتنى بلاش سلاموووووز دى

زى انتى جايه اشتغلى ايه كده

ماشى
وعليكم السلام ورحمة الله وبركاته

Z_Diva يقول...

ya3am ana bas knt bawad7lk in elresala mn wara elpost waslt, we r3'm thrygy weklamy 3n bors 7a2e2y, knt b2olk in fahma asdk we mowaf2ak, w2en est5damk lelbors mgrad ta3beer magazy y3ny mkntsh ba5traf wala 7ga :D

Soooo يقول...

3ala asm masr

نحيطكم علما يا هنوده اني بالفعل عملت كده مع احد الابراص المتسلقه .. لكن الغريب ان في ناس تانيين حواليه بينفخو فيه

يلا مسيرهم يلاقوه تحول لديناصور .. وأول ما هياكل .. هياكلهم





سلامووووووووز

Soooo يقول...

brokenheart

هاني باشا
طب والله ليك وحشه يابرنس

الف الف مبروك اولا وربنا يتمملك على خير يارب
ومعلش والله حصلتلي ظروف منعتني اجيلك بس ان شاء الله هزفك على ايدي وهرقصلك اجدعها رقص وتحطيب كمان
وياسيدي بلوجايتي كأنها بلوجايتك وانت صاحب بلوج

حاضر يابرنس هاروح اشوف موضوعك واسيبك تروح عشان تنام




سلامووووووووز

Soooo يقول...

ňįĝŗő

ده ايه الحوار المبطون ده ياعم؟؟

بطن الشاعر ولسه متعشي .. وحلاوة بالبسطرمه ازاي يعني !!!؟
الحلاوة يابني مابيتاكلش معاها بسطرمه
الحلاوة معروف انها بتتاكل مع اللانشون

هفضل اعلم فيكم لغاية امتى ياعم

ملحوظه
اجيب العربيه الربع نقل امتى ؟؟؟



سلامووووووووز

Soooo يقول...

دعاء مواجهات

هي من ناحية موجهه .. فهي فعلا موجهه

بس لمين بقى .. فكري وقوليلي

ملحوظه
مدونتك منوره بيكي ياستي




سلامووووووووووز

Soooo يقول...

نهر الحب

والله يا نهر احنا فعلا بقينا زي كفار قريش استغفر الله العظيم
بنعمل تماثيل وتابوهات ونعبدها بنفسنا

فاهمه حاجه؟؟؟




سلاموووووووووووز

Soooo يقول...

مجداوية

وعليكم السلام ورحمة الله وبركاته

لا اله الا الله محمد رسول الله

طب لو انتي فاهماني بجد يا مجداويه .. قولي - من وجهة نظرك - انا ايه

----

وبخصوص تعليقاتك اللي حذفتيها .. انا مش ضد ان تعليقاتك تبقى موجوده زي ماهي ولا ضد اننا نتناقش سواءا عندك في مدونتك او عندي في مدونتي واللي انا باعتبرها مدونة الناس كلها وانا اخر واحد لي فيها حاجه .. انما لما لقيتك بتؤكدي في كل تعليقاتك اننا مش على نفس النهج ولا نفس السلوك ولا حتى نفس الهدف .. قلت بلاش يحتدم الحوار بينا ونصطدم واحاول اخلي الحوار بيننا في الموضوع ده كنوع من انواع التحاور اللي الواحد بيبقى عارف رأي اللي قدامه فيه ومع ذلك هو متمسك برأيه

وده اللي حصل فعلا .. انتي متمسكه برأيك ومقتنعه بيه .. والعبد لله متمسك برأي ومقتنع بيه .. وهوب حصل الاصطدام وانتي زعلتي مني
----
على اي حال .. اتمنى ان الخلاف يكون زال تماما .. وربنا يارب يارب يارب مايجيب خلاف

والحمدلله ان ربنا قدرني وخليتك ضحكتي .. بس لو انتي ريا وسكينه .. يبقى انا حسب الله وعبعال

شيلو الميتين اللي جوا يا جرعان




والسلام عليكم ورحمة الله وبركاته

Soooo يقول...

Z_Diva

اوبااا
عندي الشاي ابو حليب ده يا ام زعبولا

معلش اصل اخوكي جاهل ونسيت الارابوفرانك .. على اعتبار ان الفرانكواراب اللي هو حروف انزليجي بتتنطق عربي

لكن الحمدلله رجعت اخد كورسات تاني وووصلت لليفل سفن
يعني المستوى التالت الحمدلله

وانتي .. هاو آر يورز؟؟؟



سلامووووووووووووز

مجداوية يقول...

السلام عليكم

أكذب عليك لو أقولك انى ممكن أحكم عليك صح من كتاباتك من غير ما أعرفك لكن اللى أعرفه ان معظم الناس اللى بيسخروا من الدنيا ودايما بيضحكوا وبيضحكوا اللى حواليهم هم أكتر ناس متألمين وجواهم حزن يكفى البشر وعندهم حساسية عالية جدا وبيشوفوا وبيحسوا بأشياء بتعدى على غيرهم وبتأثر فيهم النسمة ,,الضحك بيكون نوع من الدرع اللى بيحموا بيه نفسهم الحساسة الضعيفة لأنهم لو نزعوا الدرع ده حيموتواومش بيخلعوه أو بينزعوه الا مع نفسهم ووقتها بيسيبوا الدموع تتنفس بعد ما كتموها بضحكهم ويمسحوا دموعهم ويلبسوا الدرع تانى وابتسامة من الودن للودن وهاتك يا ضحك وسخرية من الدنيا وهم بيقولوا لنفسهم لا يمكن تهزمينى يا دنيا لأنك دنيا

طيب
ألبس بقى الدرع تانى وأقولك هو ده اللى بأعرفه عن الناس اللى بتضحك وقلبها بيبكى يا ترى انت منهم ؟؟؟

على رأى فريد عنيا بتضحك وقلبى بيبكى
حاقلبها غم زى مسرحية وجهة نظر

فأنا حاقولك حاجة فرايحى كده

كتاب حياتى يا عين ما شوفت زيه كتاب
( ابتسامة من الودن للودن )

وطظظظظظظظظ فيكى يا دنيا

محجوب عبد الدايم

Unknown يقول...

اه
فهمت شكراا

Sourah يقول...

مش بقوللك راسي و كلامك حكم :))

يا بني بس نستنى ليه على البرص لما يبقى دزنانور ..
ساعتها هنكون عاوزين ترسانة نووية زي اللي بنشوفهم في الافلام الامريكاني زي جوتزيللا مثلا ، وده طبعا مش في امكانات اصحاب الشباشب ، احنا يا دوب كببيرنا شبشب بلاستيك و بصباع كمان.

ربنا يكتر من شباشبنا و يقدرنا و نخلص بأه من الابراص في البلد دي ..


و اخر الكلا م سلاااام .!!!

Ahmad Hegab يقول...

lol gamed awy !