السبت، ١ شعبان ١٤٢٩ هـ

!! .. وقال تـُدَري


بالرغم من اني ماعرفش مين (تـُدّري) ده اللي كان واخد اللزمة بتاعته الفنان فؤاد المهندس في مسرحية حواء الساعة اتناشر .. وكان على طول بيقول وقال تـُدَري وقال تـُدَري وقال تـُدَري
وبالرغم من ان اسم الموضوع ده مالوش أي علاقه بالموضوع ده غير في وزن الجمله اللي عايز اقولها كعنوان للموضوع ده .. واللي هي جملة .. وكان يوما

لأنه فعلا .. وكان يوما
كان يوما يالهوووووووووي .. حلو قوي قوي قوي فحت جدا خالص موت .. ولو اني ماعرفش أيه علاقة موت كصيغة مبالغه بس هو كان يوم حلو موت من الاخر
-----
المقدمة

اتفاق مباشر وغير مباشر من كل المدونين على انهم يتجمعو لعمل أي حاجه لربنا وللبلد ولنفسهم .. وذلك عن طريق تلبية النداء الخيخي واللي مش خيخي خالص .. بل هو نداء انساني بمعنى الكلمه .. طالع من بنت مصريه جدعه جدعنه مستجدعه في الجداديع كلها .. واللي هي نوران الشهيره ببنت خيخه وأي كلام
اتفاق مباشر وغير مباشر على اننا نتجمع ونتعرف ببعض ونفرح ببعض ونضحك مع بعض .. من الاخر كلنا كنا بنتلكك عشان الفرحه بقى طعمها غالي قوي .. لكن طول ماحنا مع بعض وبنساعد بعض وبنحب بعض .. عمر الغم والهم والنكد ماهيعرفو طريقهم لينا .. وهنفضل فرحانين على طول ومتجمعين عالخير وفي الخير إن شاء الله

بعد الاتفاق ده ابتدى الكل في التشريد للحدث المهم ده .. وكل واحد ومقدرته عالتشريد والشِرده .. ومن أكتر التشريدات اللي اتعملت وكان ليها دور فعلي كانت تشريدة فاتيما روح قلب ماما وروح قلب المدونين كلهم .. واللي فعلا كان ليها دور كبير جدا .. وده إن دل على شيء بيدل على انها شخصية محبوبه من الكل .. وانا من اكتر الناس اللي باحبها وباعزها وباحترمها بطريقه يالهوووووووي

-----
بداية اليوم

نزلت من بيتنا الساعه تسعه وربع صباحا يوم الجمعة الموافق واحد اغطسطس لسنة الفين وتمانيه .. رايح على محطة مترو الدقي عشان اقابل مدون ماعرفوش معرفه شخصيه غير من خلال مدونته .. مدون بجد باعشق فيه انك تحسه أخوك .. مدون فرحت جدا لما عرفت انه هايكون موجود في اليوم ده .. مدون جاي من بلد الغزل والنسيج وانا كنت معشم نفسي انه يجبلي بدلة ولا منطلون أو انشالله برلس حمام .. مدون جاي من المحله .. حليب هارتي .. نيجرو

وانا في المترو لقيت موبيل جالي من اللي عدى مرحلة الاخويه ودخل في مرحلة الانتمه وبقيت كل ما اشوفه احس اني سايبه امبارح بالرغم من اني ممكن يكون بقالي بتاع اسبوعين ماشفتوش .. لكن خلاص بقى دخل جوا معاميع قلبي وبقينا واحد .. الموبيل اللي جالي كان من خالد همس الاحباب .. وكان بيقولي انه في محطة مترو الدقي منتظر مدونين بورسعيد بقيادة بابا ابو خالد أبو المدونين .. مدونين بورسعيد اللي شالونا على كفوف الراحه لما رحنالهم وماحسسوناش بأي فرق وزي مانكون نعرف بعض من بتاع يجي عشرميت سنه قاف ميم .. يعني قبل الميكروباظ او اختراع الميكروباظ

وصلت محطة مترو الدقي ولسه باتلفت لقيت خالد همس الاحباب قاعد عالدكة بتاعة العساكر اللي قدام شباك تذاكر المترو .. وحسيت ان القعده عجبته وناوي يقدم السي في بتاعه عشان يشتغل جندي مجند حماية مترو الدقي .. وعنده حق طبعا .. ماهي المحطة مكيفه والدقي كمنطقه سكنيه عامره بالمزز ومافيش احسن من دي وشوش الواحد يشوفها عالريق - هفكر بجديه اقدم السي في بتاعي مع خالد .. وعلى الله يوافقو يوظفونا ولو من غير تأمينات - جه بابا ابو خالد وجرينا نسلم عليه وناخده بالحضن ونسلم على مدونين بورسعيد اللي نورونا وشرفونا بالزياره الجميله دي
مدونين بورسعيد اللي شرفونا كانو كالتاتي
بابا ابو خالد .. واللي فعلا لو بايدي اختار اب لي ماكنتش هفكر ولا اتردد اني اختار بابا ابو خالد .. ربنا يخليك لينا يارب يابابا
شيمو عيلة مفتريه سابقا .. واللي اتضح انها ولا مفتريه ولا حاجه وأغلب من الغـُلب وأطيب من الطيبه كلها .. وجه معاها اخوها عوض واللي في الاول كان مش واخد عالجو الاسري بتاعنا وبيتكلم معانا على خفيف .. لكن على آخر اليوم اعتقد انه هينفض لشيمو ويجي هو بنفسه يزورنا
ايناس نهر الحب .. البنت دي فيها حماس بطريقه رهيبه .. ومتحمسه للشباب ولخدمة الناس بطريقه يالهووووي .. وياسلام بقى لما دماغها بتكون رايقه .. بتقول أحلى وأقوى إفيهات وقفشات ساخره .. وبجد سعيد جدا جدا اني اتعرفت عليها أكتر
نسمه اخت ايناس نهر الحب .. واللي هي اصلا مش مدونه وكانت فعلا نسمه وطول اليوم ساكته ورقيقه قوي .. لكن لما خدت على الجو وابتدت تتكلم معانا عرفت ان الجينات بتاعة العائلة .. فيها الجدعنه والدماغ العاليه وخفة الدم المصريه

لسه ماخلصناش السلامات والتحيات لقيت حد جاي كده وبيعرفني عليه خالد همس الاحباب وبيقوللي ده نيجرو .. قمت في جزء من الثانيه واخده في حضني لأني بجد باعزه قوي قوي .. وفرحت اني اخيرا شفت هذا الشخص اللي بيتعامل معايا عن طريق الشبكة العنكبوتيه فقط .. وطلع واد زي العسل ودمه خفيف فحت .. بس ياخساره .. ما افتكرنيش حتى بجوز شرابات ولا بشكير

اتجهنا على مستشفى المصل واللقاح في مجموعتين .. ولو اني كنت حابب ناخدها مشي ومتعود على مشاوير في السكه دي .. لكن الجو كان حر فزيع فزيع فزيع .. وقلنا مايصحش برضه نشحطط الناس اللي جايالنا من آخر الدنيا .. وقمنا قسمنا نفسنا مجموعتين وركبنا عدد اتنين تاكسي أجره قاهرة .. وابتدى الفرح
----
الليله عيد

دخلنا على المستشفى ومنها على مكان التجمع جوه المستشفى لاننا كنا جايين على الساعه حداشر والناس كلها دخلت على جوه .. أول حد شفته كانت فاتيما واللي عرفتني على صديقتها الباشمهندسه داليا واللي بجد كان نفسي اتعرف عليها اكتر - وأدّي فاتيما البرستيج بتاعها قدامها زي ماهي طلبت - لكن مالحقتش عشان اتلفت جنبي لقيت حماتي رودي بنوته مصريه وطبعا مايصحش تشوفني وانا باتكلم مع أي واحده والا هتمنعني من اتمام اعزم كصة حب بيني وبين نور بنتها حبيبة قلبي .. بس اتضايقت قوي من رودي عشان ماكانتش جايبه معاها عروستي .. لكن الجايات أكتر من الرايحات ان شاء الله
وقبل ما اخلص سؤالي لرودي عن نور عروستي .. لقيتها بتعرفني بـ شيماء فضفضه واللي فاكرها من يوم التبرع بالدم اللي فات .. وبالرغم من ان شيماء في اليوم اللي فات كانت تعبت من التبرع بالدم وكاد أن يغمن عليها .. لكنها جات المره دي وهي مش حاطه في دماغها حاجه .. والله العظيم انتي جدعه يا شيماء
لقيت مين قاعد مع رودي حماتي برضه .. داليا قوس قزح .. وداليا اشاسان اشاسان قارشه ملحتي من ساعة ماعرفت اني باحب نور بنت رودي وعماله تدق اسافين مابيني وبين رودي عشان عايزه تجوز نور بنت رودي لنور ابنها .. واشاسان ماينفعش ان اتنين نور يتجوزو .. وهيعملو قفله .. اضافة الى ان فاتورة النور هتيجي مولعه .. بس فيما عدا ان داليا عايزه تفقعني المهموز في الحوار ده .. هي انسانه جميله جدا جدا وجدعه قوي قوي ومن اكتر الشخصيات اللي انا فرحان اني اتعرفت عليها .. لكن ده مايمنعش برضه اني احنذرها واقولها نور بنت رودي عروستي .. واحنا عايشين كصة حب عزيمه عزيمه عزيمه يامصر يا أرض القلل

طبعا كان في مجموعة شوباب كتير وكنت لسه رايح اسلم عليهم لقيت خيخه في وشي وبتقولي كل سنه وانت طيب .. يا جدعان البنت دي انا بجد باحب فيها انك من أول مره تشوفها تحسها واحده من العائله .. اختك مثلا .. مرات اخوك إذ ربما ..أو بنت اخوك غالبا .. تركيبه جامعه كل الحاجات دي في حاجه واحده .. باحبك قوي وربنا يعلم بمقدار احترامي ليكي والله
رحت سلمت على شوباب المدونين وكانو كالتاتي
اول واحد شفته فيهم كان حليب هارتي ابو العساعيس .. والواد ده انا مش هتكلم عنه لأن اللي عارفينه بجد فاهمين
قصدي ايه .. واد فعلا تحسه على كل لون يابطسطه .. ساعة الجد يبقى جد الجد .. ولو عايز تسأله عن معلومه في الدين وفي الاخلاق تلاقيه بيقولك المعلومه بطريقه هاديه وبسيطه .. وساعات الهزار والفرفشه .. أحب سوسو
أحمد الصباغ دايما بيبقى موجود وعامل حاله غريبه .. منها ضحك ومنها جد .. بس اول ماشفته لقيتني باضحك كده ومشرئب .. طبعا ماهو ابن منتقتي ياجدعان
هيثم الدهشان وهمسات العشق .. والواد ده اللي يشوفه اول مره يقول استحاله انه يطلع منه الكلام اللي بيقوله والحاله الرومانسيه اللي عاملها في مدونته .. مش تقليلا فيه ولا حاجه .. بس هو بطبعه هادي قوي وساكت وحتى لما بيتكلم بيتكلم بصوت واطي ولازم الكل يسكت عشان يسمعه
لأني من ساعة ماركبت المترو ماكنتش شربت أي سجاير قمت شاقط هيثم وطلعنا بره القاعه نولعلنا لفافتين تبغ .. واحنا بنشرب لفافات التبغ لقيت طفل كده عسول قوي عنده بتاع تمان تسع عشر سنين - اعذروني انا ماعرفش ولا افهم في التسنين - طلع من القاعه وبيبص علينا .. لسه هقولو انت ابن مين في الناس لقيت خيخه طلعت وبتسألني على لماضه اذا كانت جات ولا ماجاتش .. قلتلها اكيد لو كانت جات كنتي هتلاقي الناس اتلمت عليها خصوصا انها صاحبة الليله والنهارده عيد ميلادها يعني والناس كلها بتحبها وبتعزها .. ولسه هسألها مين الطفل ده قالتلي ده الشنيور .. يالهوي .. الشنيور ابن ماما شاهي .. يعني اخويا الصغنغن وانا ماعرفش .. وسبحان الله .. قد يجمع الله الشتيتين بعدما يظنان كل الظن ألا تلاقيا .. واد عسول قوي وشكله شنيور بجد يعني .. وضربت انا وهو صحوبيه وقعدنا نتكلم وقعد يقولي انه مش عارف يدخل مدونتي وكل مايجي يدخل يقوم الحاج بلوج سبوت قافش ومايرضاش .. وقلتله مش عارف بقى ايه السبب .. قام بصلي وانا باشرب السجاير وقاللي بطل السجاير بقى وخاف على صحتك .. استغربت قوي وقلت لهيثم احنا ماكناش عيال .. شنيور شنيور يعني .. بسم الله ماشاء الله عليه وربنا يحميه يارب

خلصنا عمود النيكوتين ودخلنا جوا لقيت المنسي .. واللي ماكنتش متخيل انه هايجي وفرحت انه جه .. وفرحت اكتر انه ابتدى يندمج مع المدونين ويعرف مين فين ليه .. بجد فرحت يا محمد انك جيت
نوشا .. ومدونته انا مش معاهم .. لكن باللي عمله وبوجوده اثبت انه ممكن مايكونش معاهم .. هم مين بقى مالناش فيه .. بس هو كده وخلاص
محمد عبد العاطي بقى طبيعي ان الواحد يشوفه في أي تجمع مدونين محترم .. لانه هو اصلا انسان محترم .. هو تلاقوه قاعد ساكت كده وشايل شنطته .. لكن انا متأكد ان دماغه بتفكر اربعه وعشرين ساعه في الثانيه اللي بيبقى قاعد فيها معانا .. ياعمنا عايز اقعد اتكلم معاك بروقان

وانا باسلم عالناس لقيت خيخه بتعرفني على واحد وبتقولي ده الشنكوتي .. وعلى فكره .. الشنكوتي ده هو السبب في استمراري في التدوين بإنه قال لكل اللي يعرفهم عني وعن مدونتي والناس ابتدت تعرفني كمدون .. يعني لولا الله ثم الشنكوتي كان زماني مدون من منازلهم ومكتفي بالتدوين كحاجه ثانويه في الحياه .. باحبك يابو الشناكيت .. بس زعلت منك عشان ماجبتليش موبيل ثري جي
بمجرد ماخلصت التسليم على الشنكوتي لقيت خيخه بتقولي هاتتبرع ولا ايه النظام .. قلتلها ان شاء الله هتبرع .. واتجهت عشان املا بينات الاستمارات قمت لقيت مين .. لقيت ميرا امرأه بعقل رجل .. واللي كانت بتقول انها مش هتقدر تيجي عشان عندها زنقة شغل حتى في يوم الجمعه .. لكن هي نفضت لكل مشاغلها وبطلجت عالشغل عشان تيجي اليوم ده .. والله فيكي الخير يا ميرا .. وكل يوم باكتشف انك جدعه اكتر من اليوم اللي قبله
وانا باملا الاستماره لقيت خيخه بتنادي على اابي عشان الدور جه عليها في التبرع بالدم .. وفعلا دخلت اابي تتبربع بالدم .. وتخيلو اتضح ان اابي عندها دم الى جانب الخرفان والقلل وبطوط .. حاجه جميله جدا .. واحقاقا للحق .. اابي دي مش هلاقي كلام اوصفه بيها .. لو قلت جدعه يبقى باقلل منها .. لو قلت بنت بلد ودماغ يبقى برضه مش باديها حقها .. الحاجه الوحيده اللي ممكن تديها حقها .. اني اقول انا ألذ بنت مصريه مجنونه وعاقله - في نفس ذاط التوقيت المحلي - عرفتها في حياتي
في اثناء ماكنت باملا الاستماره كانت في واحده لسه مخلصه استمارتها وكان في جنبها الشنيور .. وقبل ما افكر اسألها انتي مين لقيت فاتيما و رودي و خيخه و داليا بيقولولي دي ماما شاهي صاحبة مدونة مافيش حاجه .. وعالحقيقه حاجه غير مانا كنت متخيل .. ده انا اكبر منها ياجرعان .. ده انا اللي ماما جنبها .. وماحدش يتصور انا فرحت قد ايه لما شفتها .. ماما شاهي من أوائل الناس اللي وقفو جنبي وشجعوني في التدوين وكانت ومازالت مهتمه بانها تسأل عني وتعرف اخباري من اللي بيتكلمو معايا وتطمن علي وكأني زي الشنيور ابنها بالظبط .. بس ياخساره .. كان نفسي ابو الدراويش يكون موجود معاها لأني بجد بجد عايز اتعرف عليه .. وانا بوجه نداء لـ أبو الدراويش .. انا عايز اتعرف عليك يا عمنا لاني بجد باحبك وباعزك بطريقه انت مش ممكن تخيلها
وانا باكتب الاستماره لقيت ياسمين فنانه مفروسه داخله وبتسلم عالناس .. بنت عسوله قوي .. وتلاقوها في مدونتها قالباها مراجيح وعامله حاجات ومحتاجات .. لكن في الحقيقه هاديه قوي وفنانه قوي قوي .. دي رسمت تاتو خروف على دراع اابي طلع تحفه .. بس تقريبا الفن اتغير لان شكل الخروف طلع لاقط على فراشه شويه .. عموما دي وجهات نظر في الخرفان

كتبت الاستماره ورحت عشان اقدمها لقيت شاب بياخدها مني .. افتكرته في الاول حد شغال في المركز مثلا .. لكن اكتشفت انه مش تبع المركز لما قلتله انا عايز اروح الحمام وقالي انه مش من هنا .. استغربت وقلتله انت مدون يعني .. قاللي ايوه .. طب اسمك ايه واسم مدونتك ايه .. قاللي انا كريم ومدونتي اسمها يوميات مطلق .. يالهوي .. انا صحيح ماعرفهوش ولا رحت مدونته .. بس ده واد زي العسل يا جدعان .. خفة دم واسلوب منمق في الكلام وذوق قوي .. يعني لما هو يطلق .. امال انا لو فكرت اتجوز على كده .. هتخلع وانضرب بالبلغه بقى ولا ايه !!؟؟

قعدت اهزر انا والشنكوتي ونيجرو وكنا هنقلبها مراجيح .. وكنا بنفكر نجيب بلاي استيشن ونلعب فيفا عالتلفزيون اللي محطوط في القاعه .. لكن خفنا احسن بتوع المركز يقفشونا وياخدو العده .. والشاب مننا من غير عدة بلاي استيشن ولا يسوى

خيخه ندهت على اسمي ودخلت عشان يعملولي التحاليل اللي هيشوفو من خلالها اذا كنت انفع ولا لأ .. والراجل الداكتور شكني وخد مني نقطة دم وحطها على جهاز كده صغنن جاب كل حاجه عني .. ايشي خيال يا ناس .. ده انا كنت خايف احسن الجهاز ده يقولي لون البوكسر ايه .. لكن الحمدلله ماعرفش .. شكله طلع صيني مضروب

بمجرد مادخلت عالاوضه اللي بيتبرعو فيها بالدم .. لقيت واحد قاعد عالشيزلونج اللي جنبي بيتبرع هو كمان بالدم .. لكن تقريبا ماكانش فاطر كويس او كان مرهق لانه كان هيغمى عليه لولا الدكاتره اللي بياخدو الدم عارفين هم بيعملو ايه .. وابتدو يفوقوه تدريجيا والحمدلله فاق وبقى كويس .. الشاب ده هو ضياء صاحب مدونه بيوتيفل مايند - واسف اني باكتبها بالعربي بس الانزليجي بيعلق معايا وبيطلع الكلام كللو متشنكل - وبرضه ماكنتش اعرفه وهو تقريبا ماكانش يعرفني .. بس لما اتعرفت عليه لقيته شخص محترم قوي وعِشَري جدا وبيحب الناس .. وانا عشان حبيته بقولو ياعم اتغذى شويه .. لو عايز نظام غذائي يخليك زي الفل انا في الخدمه

بعد ما اتبرعت وخدو مني بتاع تسعه رتل دم ومن على وش القفص كمان - جسم الانسان فيه تلاته لتر دم تقريبا - ادوني علبة عصير تفاح وعدد اتنين باكو باكساويت ابو عجوه .. فكرني بأيام الكانتين بتاع مدارس اعدادي .. نوع غريب وماحدش سمع عنه .. بس اهو شغال

طلعت من الاوضة بتاعة التبرع بالدم ولقيت اابي بتقولي تعالى نروح نادي الزراعين عشان في حاجات في العربيه ممكن الشمس تبوظها .. اتجهنا على هناك وكان معانا ياسمينا الفنانه المفروسه ورحنا عالنادي حطينا الحاجات اللي الشمس كانت هتبوظها وتسيحها في التلاجه بتاعة الكافتيريا .. وطلبنا شوية مشاريب كحوليه خاليه من الكحول .. وقعدنا مسنيين الباقي لما يخلص ويجيلنا

واحنا قاعدين جالي تليفون من خالد همس الاحباب بيقولي لماضه واقفه على ناصية الشارع وشكلها مش عارفه فين مين وازاي .. طلعت جبتها وكان معاها مدون اسمه احمد صلاح صاحب مدونة نيو فالكون .. وهو انسان طيب ومحترم وعلى خلق الحقيقه .. ودخلنا عالنادي وطلبو برضه مشاريب كحوليه خاليه من الكحول
في اثناء ماحنا بنشرب المشروبات الكحوليه الخاليه من الكحول .. جه تليفون لـ آبي عشان في ناس اتبرعو بالدم وأغمن عليها .. واتجهت المناضله اابي بصحبة الباسله بطوط لانقاذ الضحايا .. والحمدلله مرت العمليه الارهابيه بسلام ودون اراقة نقطة بيبس واحده

ابتدو الناس يوصلو للنادي في مجموعات .. وكان في ناس جم بعد مانا وآآبي وياسمينا وبطوط مشينا واتجهنا عالنادي
ومن الناس اللي جم اقدر افتكر
مهاميهووووو .. صاحبة مدونة أحسن تستاهل واللي فرحت جدا جدا انها جات .. مهاميهوو من اكتر المدونات اللي فرحت اني اتعرفت عليهم جدا .. لأنها كانت بتتابع مدونتي من زمان قوي وبعدين اختفت في ظروف غامضه .. لكن رجعت تاني تنورني بمتابعتها لمدونتي ومش كده وبس .. دي دايره تعمللي اعلانات عند كل صحابها ومعارفها وتحكيلهم عن مدونتي وانا بجد مش عارف اشكرها ازاي ولا اقولها ايه
احمد كمال صاحب مدونة رحايا العمر .. وهو من الشخصيات المحترمه جدا جدا .. ومن كتر احترامه خفت اهزر معاه من اول مره .. لكن ان شاء الله في المرات الجايه هتعرف عليه بشكل اكبر واكيد انا المستفيد لصداقة انسان بهذا الاحترام
رئيسة حزب الاحلام .. وهي طبعا غنية عن التعريف .. بس انا فرحت قوي لاني حسيت انها ابتدت تاخد عالجو ده لانها في اول مره شفتها واتعرفت عليها كان يوم حفلة توقيع كتاب مدونات مصريه للجيب .. كنت حاسسها مرتبكه شويه او مقلقه .. لكن المره دي كانت بتتكلم وبتهزر عادي وكأنها تعرف كل الناس من بتاع عشرميت سنه قاف ميم .. قبل الميكروباظ يعني
دعوة أمل .. ودي الاخت التالته لـ مفقوعة مرارتي من حماتي - واللي ماجاتش عشان رايحه تزور حماتها وربنا يستر بقى - و رئيسة حزب الاحلام .. وهي انسانه هاديه قوي وتقريبا لسه مش واخده عالجو زي رئيسة حزب الاحلام في اول مره تشوفنا .. لكن ان شاء الله في المرات القادمه هتبقى اكثر جرأة في التحاور معانا

الحمدلله اتجمعنا كلنا قبل آدان ضهر الجمعه .. وبعدين رحنا متجهين كلنا - الرجاله يعني - عشان نصلي الجمعه في مسجد قالولنا انه يادوب خطوتين .. واكتشفنا ان الناس هناك اصولهم فرعونيه لان خطوتهم قد خطوتنا ببتاع ميت فرسخ تحت سطح البحر .. قعدنا نمشي ونمشي ونمشي .. واخيرا ابتدينا نسمع صوت قرآن الجمعه .. قلنا الحمدلله اخيرا وصلنا
دخلنا نتوضى وقلعنا جزمنا ولبسنا قباقيب وكنا ماشيين بنطرقع .. وكان نفسي اصور الكل وهم لابسين قباقيب لكن مالحقتش اصور غير نيجرو بس .. وصورت نفسي وانا لابس القبقاب زي مانتو شايفين
دي رجل نيجرو

ودي رجلي انا

احمد صلاح كان مستغرب قوي اني باصور رجل نيجرو ورجلي بالقبقاب .. لكن شكله اقتنع اننا عالم لاسعه ومارضيش حتى يسألنا احنا بنعمل كده ليه
-----

الحمدلله خلصنا الصلاه واتجهنا على النادي عشان نحتفل بعيد ميلاد اللماضه كلها .. واللي سابت اسكندريه وجات تحتفل بعيد ميلادها معانا .. وده ان دل على شيء بيدل على انها شايفانا اهلها واخواتها .. واحنا والله زيك تمام يا لماضه وشايفينك ألمض اخت لمضه في اللمضين كلهم


مش هقولكم بقى على الحاله اللي الكل كان فيها اثناء التقطيع والتوزيع والاكل .. حالة حلوه قوي قوي .. خيخه و رودي بيوزعو الجاتوه والساليزوه عالناس .. لماضه ياعيني ماسكه السكينه ومش عارفه تدبح التورته - وقال ايه دكتوره - وما انقذهاش غير داليا اللي دبحت التورته وقطعتها وسابت مهمة التوزيع على اابي و خيخه و رودي .. ياسمينا بتكتب للماضه حاجه في دفتر الروشتات اللي جايباه عشان الناس يقولولها أي حاجه بالمناسبه دي .. الصباغ ماسك الكاميرا وبيصور الليله .. شيمو ماسكه الموبيل وعماله تصور هي كمان .. قلت اشمعنا يعني مانا اصور انا كمان ومافيش حد احسن من حد .. وفعلا ابتديت اصور الناس وهي بتاكل ومش مدياني خوانه .. ومعايا صورهم وممكن انشرها ويالهوي عاللي هيحصل .. ومش هينقذهم مني غير انهم يتبرعولي بمبلغ رمزي بسيط في حدود سبعتلاف جنيه استرميني للشخص الواحد .. والله يكرمك يا فاتيما ماتبوصيلناش في اللقمه الحلال دي .. وهابقى اشوفك بلاب توب توشيبا العربي او توك توك وتشغليه عندك في البيت كأنه كيتشن ماشين

طبعا بعد حالة الفجعنه المتفشيه اللي حصلت وهجوم التتار على الاكل كنوع من أنواع تعويض الفاقد في الدم .. وكأننا متبرعين بتسعه رتل دم بجد .. ابتدى الناس في الهزار والضحك والكلام .. وفي ناس مشيت زي المنسي ونوشا واحمد كمال .. لكن اغرب حاجه بقى .. هي خيخه
متخيلين واحده هي السبب في تجميعة الناس دي كلها تروح ماشيه وفي هدوء .. للحظه كنت هازعل منها .. لكن قلت اكيد في عندها ظروف مانعاها .. وكمان اصلا اصلا ماينفعش ازعل منها .. دي وهي ماشيه لمحت في عينيها فرحه مستخبيه وهي بتقول في عقل بالها الحمدلله .. مشيت من سكات وهي في قمة التواضع
خيخه .. والله العظيم لو بايدي اعمللك تمثال من الدهب بالحجم الطبيعي .. هعملهولك وانا مبسوط وعارف انه مش هيوفيكي حقك .. ربنا يسعدك ويكرمك ويوفقك ويباركلك في مالك وحلالك وعيالك يارب
----
بعد الحاله الحلوة دي ابتدينا نقضي اليوم بتاعنا .. والحقيقه انا كان نفسي اليوم يبقى في هيئة هزار وضحك واننا نلعب مع بعض ان شالله حتى نلعب كوره او نلعب منديل وكهربا شد الكوبس واستغمايه والحوارات دي .. لكن كنتيجة طبيعيه لاننا كلنا والجو كان حر والكل تحول لحالة من الانتخه .. ماكانش قدامنا غير اننا نتكلم .. والعضمه كبرت خلاص

كان نفسي اننا نتكلم في قضيه مهمة جدا زي مانا نوهت في البيان الهام .. واللي هي قضية فوز الاهلي المتكركر على مركز شباب الزمالك .. لكن القعده خدتنا لحوار لا يقل اهمية عن هذا الموضوع .. وهي قضية اضراب الشباب عن الزواج .. وقعدنا نحاول نعرف ايه الاسباب الرئيسيه لده .. وفي بعض الناس قالو ان ده ممكن يكون نتيجة ارتفاع التكاليف وارهاق العريس بمطالب ماديه والتزامات ممكن تقطم ضهره .. وفي ناس قالت ان السبب في ده هو الغلاء وارتفاع اسعار السلع الاساسيه في الحياه والمعيشه .. وفي وفي وفي .. خلاصة الموضوع اننا كشباب لازم فعليا نتكلم في الموضوع ده ونحاول نحطلو حلول ولو تخيليه .. واحنا اه ممكن نكون شباب بسيط دلوقتي .. لكن مسيرنا في يوم هنكبر ونبقى اصحاب قرار .. ومسيرنا في يوم يطلع مننا الصحفي والوزير ويمكن الرئيس كمان .. يبقى ليه مانفكرش مع بعض ونتكلم .. ويا عالِم .. مش يمكن نعمل حاجه


في مجموعه من الناس ابتدت تيجي ولو حتى متأخر بس فيهم الخير انهم جم .. وناس تانيه فيها الخير انها اتصلت او بعتت رسايل .. ومن الناس اللي بعتو رسايل كانت ميرو او اميره سهر الليالي .. واللي بجد كان نفسي انها تنورنا في القاهره مع لماضه .. خصوصا انهم شالونا من عالارض شيل لما كنا ضيوف عندهم

طبعا ماينفعش ننسى محمود ابو حففي رئيس جمهورية نفسي واتصاله الرقيق وكل سنه وهو طيب وان شاء الله نحتفل بعيد ميلادك وانت معانا يابو خالو

وانا قاعد كده لمحت بنوته عسوله كده هلت علينا .. مين دي يا جدعان .. قالو دعاء مواجهات .. لا انتو أكيد بتهزرو .. دي رقيقه قوي وشكلها طيوبه ياخواننا .. معقول هي دي دعاء اللي بتعمل مواضيع في الجون واللي من قوة مواضيعها بادخل الاقي نفسي مش عارف اقول ايه

جالي موبيل من ميدو في الادغال وقاللي انه جاي وفعلا طلعت استقبلته عالباب وكان معاه ساسو صديقة وانتيمة ميرا .. واللي عمالين نقنع فيها تعمل مدونه خصوصا انهم هم الاتنين ميرا و ساسو .. بسم الله ماشاء الله عليهم دماغهم حلوه قوي .. لكن ساسو بطبعها بتحب الانتخه


شوية ملاحيظ بعد الرغي الكتير ده كللو

فرحت جدا لما لقيت دعاء مواجهات باعتالي سلام من عبد الله غنيم او واحد إنسان ونسان .. وكان نفسي اشوفه واتعرف عليه الحقيقه .. لكن ان شاء الله في المرات القادمه

لماضة اتسحبت وخرجت بره النادي ورجعت ومعاها واحد وبتقولي ده السيناريست عمرو الطاروطي .. والحقيقه انا ماسمعتش عنه قبل كده .. لكن لما بلغني سلام هدى عبد القادر فرحت جدا .. واستغربت هو ابوها ازاي ولا مؤاخذه؟؟؟؟

لما ابتديت اكتب الموضوع ده حصل موقف ضايقني والى حد ما اصابني بالاحباط .. لكن لما رجعت واتفرجت عالكليب اللي اتصور في اليوم ده واتفرجت عالصور وعشت وشفت الحاله الحلوه اللي كان الكل فيها .. لقيتني سخنت تاني وابتديت اكتب الموضوع
لأنه فعلا .. وكان يوما .. او زي ما قلت .. وقال تـُدَري
ألا هو مين تـُدَري ده صحيح؟؟؟؟

سوووو

هناك ٧٤ تعليقًا:

nigro يقول...

حبيب قلبي
سوووو
تصدق يا ريس إني كنت بافكر فعلاً أجيبلك المنديل المحلاوي الشهير
اللي هو بيتفك بطقم سرير و كوفرته و فوطة مطبخ
بس سواق الربع نقل اللي كنت متفق معاه على الحمولة دي لغي العقد المبرم بيمما
يلا المرة الجاية أبقى أربّط مع كذا واحد

و ربنا و ربنا و ربنا كمان مرة ماتعرفش أنا فرحان قد إيه يا أبو حميد إني قابلتك وجها لوجه
اليوم كان تحفة فعلاً
ربنا يجمعنا دايماً كده على خير


يلا سلام

همس الاحباب يقول...

ههههههههههه
يا بنى ده انت طلعت رغاى قوى
وانيل من الصباغ ههههههههههه
بس بجد بسم الله ما شاء الله
عليك ايه التغطية الفظيعة المريعة دى
تسلم ايدك يا جدع
وفيت الموضوع حقه بجد
بس بجد ربنا يعلم معزتك عندى قد ايه
دمت اطيب وارق قلب فى الدنيا يا سووووو
وربنا يكرمك دايما اخى العزيز
ويجمعنا على خير دايما
تحياتى وتقديرى

كراكيب يقول...

يا ماماااا بقىىىى
طبعا انا هموت من الغيظ
علشان انا كان نفسي اجي جدا خالص وعمالة افكر بقى هلبس ايه وهروح ازاي ومع مين
وبعدين بقى ايه اللي حصل؟؟
انا هقولك
انا ومهاميهو هانم اختي حصل بينا تاتش كدة
وماكنتش اعرف انها كمان بتفكر انها عايزة تروح
المهم صحيت يوم الجمعه الساعه 4 العصر كدة لقيت بابا بيقولي ايه يا ميرو انتي ماروحتيسش مع اختك اللقاء بتاع المدونين ليه؟!
انا بقى سمعت الجمله دي من هنا واتنرفزت واتعصبت وقعدت ازعق
ايه؟؟؟ هي راااحت؟؟ طب احنا متخانقين بس مافيهاش حاجة لو كانت تقول يعني
وفضلت اخبط وارزع وبابا يهديني ومعلش طب روحي لو هتلحقي طب معلش ماتزعليش
ويالهووووووي فضلت طول اليوم محروق دمي ومتعصبة منها
وانت بقى ببوستك ده عصبتني اكتر علشان فكرتني باليوم ده
بس هقول ايه بقى
حــســـبــي اللـــه ونعم الوكيل
ححححححححححححححح

miro el niro kwaniro

قوس قزح يقول...

هههههههههههههههههههه
الصور مجرررررمة
اتصورتها فين دى ؟
متقولش الجامع يا جبااار

و الله لاحتفظ بها و اوريها لنور علشان تعرف انك مجنون و ترفض الجوازة هههههههههههههههههه

بص متحاول تقولى جدعة و كلام من ده علشان بردو مش هغير رائى
هو انت مش واخد بالك ان البنت خلاص قعدت فى البيت و مش بتيجى مع رودى القاءات
خلااااااااااص نسيبنا الحكومة الزراعية هههههههههههههه
..........................

احمد بجد بجد انا بعزك و فعلا حاسة انك هتكون صديق عزيز
يخرب عقل ابى مفيش حد تقولى عليه كويس الا و فعلا يطلع كلامها صح
و ده فعلا لاقيته فيك و فى محمود رئيس جمهورية نفسه و فى احمد سكر و فى نيجرو و فى عسقول اما البنوتات ف كتيررر

ربنا يخليكوا لبعض :)

غير معرف يقول...

سوووو
سوووو
سوووو
سوووو

ححححححححح،، الظاهر نايم ولا ايه؟
تؤ، ففففففففففف
استغفر الله العظيم،، يا ابني الدنيا مش ناقصة حر

سوووو أهووووووو،، الحمد لله،، اخبارك ايه يا ابني،، والله بعوده
معلش جيت في وقت مش اللي هو،، كوباية شاي بلبن وحصلني ع التراس

شوف يا سيدي،، اليوم ده بأه هو انا صحيح كنت سكتم بكتم انما من جوايا كنت مش مبسوطة ده انا ماشية في الشارع من باب بيتنا لعندكو مبتسمة وعمالة من جوايا اقول: نياهاهاهاهاهاهاهاها :)

بجد كنت مبسوطة بيكو اوي ونفسي اقول لكل الناس انا كنت بستكشف بس في الاول وكان عندي الذهلول،، عارفه؟؟ لما تبقى مسبهل كده وعندك ذهول!! ايوه هو ده
انما اوعدك قول يا رب يدينا ويديك طولة العمر لو فيه في العمر بقية اني اكيد هبقى احسن في مقابلات تانية ان شاء الله
والله من ساعة ما روحت البيت للحظة اللي بكتب فيها دي وانا مش مصدقة اني شفت الناس اللذيذة اللي بقرالها وبعلق عندها ويختيييييييييي

بس بس احسن ده انا لو فتحت في الرغي مش هخلص
اما بأه من ناحية تدري فانت اصلا ضحكتني وفكرتني بأول مرة اتفرجت ع المسرحية دي وصحيت العمارة على صوتي
ههههههههههههه

ياللا بأه اوعى بلاش رغي يا ساتر
اعوذ بالله ما شفتش كده ابدا

بالسلامة بالسلامة
خلاص يا سيدي انا عارفة السكة
سلاموووو عليكوووو (زي اسماعيل ياسين)

مها ميهوووو

فاتيما يقول...

سوووو
إيه يا عم
خبر إيه ؟
هنصص معاكى و غيكى حسنتك
و لا شوفنا من وشكو حاجة يعنى !!
طب مش لما الواحد يعمل تكركير مفنصل لازم يقول كل الحقائك و لا يخبى يعنى ؟؟
حصل إنك خدت نقوط و بقيت مليونير و لا محصلشى ؟؟
طب ماشى هلم التعابين خلاص
أنا كمان كنت سعيدة جداً باليوم دا
و دور كبير إيه بس يا سوووو دنا بعد ما روحت إتضايقت شوية من روحى عشان مسعدتش خيخة و رودى و آبى فى توزيع الحاجات على الناس اللى قاعدة و بعدين كان المفروض نشارك خيخة فى الميزانية و كدا
كل مرة أطلع ندلة معلش
و كان المفروض اول ما أشوفك أقولك كل سنة و إنت طيب
و حاجات كتير بس الواحد بيجيله حالة إنفصال عقلى كدا و يرتبك حبتين
ربنا يكرم خيخة لأنها صاحبة الفكرة و لولا حب الجميع ليها مكنش كل الناس الحلوة دى جت خالص ...
و بص بقى الفطار بتاع رمضان دا مبصوص عليه من دلوقتى و ناس موصيانى زى يا مراكبى إننا نعمله فى آخر إسبوع فى رمضان يكون هوه نزل مصر
فإعملوا حسابكو من دلوقتى بقى عشان الناس الحلوة دى تيجى و لو منفعش فطار يبقى نتجمع بعد الفطار حتى
أنا رغيت كتير بس عجبنى صورة القبقاب دى قوى اوريجنيال و فلكولور فى ذات اللحظة و أنا خدت لينك من البوست المتين دا عندى فى المدونة من غير إذنك و لا حاجة هيا كدا بلطجة بقى
كل سنة و إنت طيب
و السنة الجاية تكون مبطل السجاير
تحياتى يا أخى العزيز

حنين القلب يقول...

سوووووو ايه العسل ده يا راجل
بجد والله وصفت اليوم بمنتهى البساطه والجمال
بجد كان نفسى اكون معاكم
ان شاء الله المرة الجايه هاكون اول واحده هناك
بس قولى ايه السيقان دى
(شبه سيقان ناديه الجندى فى فيلم سيقان فى الوحل )
هههههههههههههههههههههههههه
اوعى تزعل بهزر والله
بجد تسلم ايدك يا سوووووو
انا قولت ليك فو البوست اللى فات كل سنه وانت طيب بس الظاهر انك مش قريته
تقولها تانى
كل سنه وانت طيب ولماضه طيبه وكلكم طيبين ويا رب يجعل اليوم فى ميزان حسناتكم
سلام يا سووووووووووو

رئـــــيسـة حزب الأحلام يقول...

هههههههههههههههههههههههههه
ههههههههههههههههههههههه
ههههههههههههههههههه
ايه دة انت جبت تفاصيل تفاصيل التفاصيل بجد الناس كل ماتشوفها وتعرفها أكتر تزداد تعلقا بها وتفهمهم أكتر بجد الحفلة دى خليتنى اعرف الناس اكتر وربنا يديم الروح الحلوة دى وبجد لان الواحد عاوز يلاقى اصدقاء جامدين كدة وربنا يكتر افراحنا وفى ناس بجد اناسعيدة جدا بمعرفتهم وأدام الله الاخاء والود بين الجميع
تحياتى

رحــــيـل يقول...

سووو

انا قريت وعشت التفاصيل كأنى كنت معاكم بجد
هههههههه
مش عارفه حظى ماله مع التجمعات اللى بتكون فى القاهره

مش بعرف احضرها وافضل احقد عليكم اكيد الحاجه اللى حصلت وجابلتك احباط كانت من حقدى الدفييييين
هههههههههههه
اتمنى انك تشرفنا بكره فى المنصوره بجد هتنورنا اكيد

تحياتى لك

Unknown يقول...

لأ فعلاً رغّاى هههه
لكن ما شاء الله ده مش بوست ده بث مباشر
ده انت نقلت الفيديو ..ربنا يقدركم دايما على فعل الخير
دمتم بكل خير ...تقبل مرورى

اهو ده عيبه يقول...

ذلونا بقى
كل ده حصل وانا نايمة فى بيتنا ولا هنا
كان نفسى بجد احضر وزعلانه قوى ان فاتنى اليوم ده بس بجد غصب عنى
الحمد لله انكم اتبصتم وفرحتم وكل تبرع وانتوا بخير
حلوة حكاية القبقاب دى جديدة
يالا كل سنة وانت طيب والكل طيب ان شاء الله

Unknown يقول...

ههههههه
تاني تشريده بعد ماما فاطمه
بجد يا سوو انا كنت طايرة من الفرحه وبقول للناس كلها احلى يوم عدى عليا من ساعة ما اتولدت
كل سنه وانت طيب يا راجل يا عجوز
احلى ما في الموضوع اننا في يوم واحد
ربنا يديم المعروف بينا
ولازم تيجوا اسكندريه تاني يوم يا سوو ضروري

Unknown يقول...

فين يابني نصيبي من الفكة اللى خدتها
عاوزين نجهز نفسنا بقى
مشكرين عالتورته بالشكالاته :)

رئيس جمهوريه نفسى يقول...

سو يا سو
يا ابو حميد كل سنه وانت طيب يا غالى ويارب السنه الجايه نتجمع فى فرحك واللبسك البدلة بتاعتها بايدى زى ما بنعمل عندنا كدة فى الصعيد انا واللى كان نفسى اكون موجود يومها احقا للحق كنت جاى وناوى اخلى الدكتور يحدد ينفع اتبرع ولا لا واخد بالك انت من مكوناتى الجسدية يا احمد انا اقسم باللة العظيم مهما عملت مش حرد حقك عليه وزكفاية موقفك معايه اول مرة جيت القاهره بعد ما دونت واستضفتنى فى بيتك طول اقامتى انا بعت رسالة لانى كنت مشغول لشوشتى فى مصلحةعلى السريع ولما اتصلت بتنجانى قالتلى ااقفل واتكلم بعدين كان وقت التورته والبنت معزمتش حتى بحتته تورته صغنونه المهم و كنت ناوى اتصل الساعة خمسه بس جالى تليفون روحت النيابة لحد الساعة 1.30 بالليل بحضر تحقيق فى قضيه
كل سنه وانت طيب يا غالى مرة تانى

ميرا ( وومن ) يقول...

سووو

يار اجل يا عجوز ايه 31 سنه بقي

بجد اليوم كان فوق الفظيع وخيخة ربنا يباركلها يارب

اجمل ما في اليوم انه جمعنا كلنا وعرفني بناس بجد كنت هاموت واشوفهم ناس كدة تدخل القلب من اول مرة

يارب دايما متجمعين

قاتيما

صحيح مش اتعرفنا علي يعض قوي بس انا بقولك اهو انشاء الله معاكي فطار سحور اي حاجة بس انتي امري

Medo يقول...

حبيبى سو
انا احمد صلاح اللى اذبهللت منك فى الجامع علشان القبقاب
انا كنت عايز واحد قبقاب ومش عارف فين الراجل اللى بيوزع القباقيب..صح كده ياعم سيبويه ولا غلط؟ وفى الاخر غرقت الجزمه ميه يعنى القبقاب احسن ولا ايه؟
وطلعت لقيتك عمال تصور القبقاب زى ما يكون شغال فى المباحث وبتصور حرامى ابحث مع الشرطه
عموما انا حبيتك وياريت اشوفك تانى وتانى وتانى لحد ما تزهق منى
وبجد انت كنت كريم جدا وشكرا على اليوم الجميل ده
ربنا يزيدك من فضله
تقبل تحياتى
أحمد صلاح

رندا يقول...

ربنا يجمعكوا فى الحب على طول ياسوو

اتصدق الوصف التفصيلى الى عملتة تحفى بجد لا وكلة كوم والصور كوم
طيب كنت صورت الصورة بالكامل بس ازاى طيب مش يبقى سوو ههههههه
سوو لازم يعمل حاجة غريبة مريبة
كل سنة وانت بالف خير وعقبال كل سنة متجمعين فى الخير والحب
ويابختك يابختك شوفت ناس كان نفسى اوى اشوفها وهما عارفين نفسهم هما مين
بجد كان نفسى اوى اتعرف على القلوب الجميلة الى كلها حب واخلاص وحنان
بس اكيد القلوب عند بعضها انا شيفاهم بقلبى وحساهم بروحى

سوو حسيت بالبوست دةاوى وعشتة معاكم اوى بشرحك الجميل
تفاصيل التفاصيل انت كنت ماسك ورقة وقلم ياعم فى ايدك وعمال تدون ولا اية هههه
مشاء الله عليك

كل سنة وانت بالف خير

كل الحب

رندا

مطلق يقول...

هي الفضايح الي خيخه و فاتيما كتبوها تيجي ايه جنب الي انت كاتبه ده ده كان ناقص تعد علينا السجاير و الاكل يا ريس.
و متقلقش من موضوع اذا كنت انا طلقت انت حتعمل ايه ده كاس ز داير و حنلبس حنلبس

Empress appy يقول...

انا انا بتقول عليا كده
طيب يا ابنى اصلم اصلم انا عندى يجى 20 لتر دم بس انت مش عارف ههههههههههههه

ماشى يا سوو لو مكنش عيد ميلادك ويومين بعديه اللى انا مدياهم لك فسحه كنت بهدلتك اخر بهدله

ahmed_k يقول...

أيييييه ياسوووو الحلاوه دي
الله ينور عليك
وصفت اليوم بالفمتوثانيه
تستحق جايزه عالوصف ده
بجد عيشتنا معاكم في الجو الجميل ده
والتجمع الجميل ده
صحيح الجو حر اليومين دول بس مش مهم
أهم حاجه ان الواحد يقابل ناس بيحبهم وبيحبوه
ربنا يكرمنا يا سووووو ونقدر نكون معاكم في المره الجايه

سلااااااام

ojg يقول...

عملوها الرجالة
عملوها الوحوش
ياريتني كنت معاهم
عااااااااااااااااااااااااء
بس والله اللي منعني الشديد القوي
ورغم اني أصلا مكنتش هقدر أتبرع عشان الأنيميا اللي مش عارفة اطلع منها
إلا إني كفاية كنت قابلت الحشد الفزززيع ده من المدونين
وعشان تعرفوا معزتكم في قلبي
أنا صحيت بدري يومها
تخيلوا؟؟
أنا أصحى بدري وكمان من غير منبهات
يعني سابقة من نوعها فعلا
بس زي ما بقولكوا كده
ربنا ما يعيدها ظروف دي اللي منعتني عنكو
وينهيها على خير
قولوا آمين
:(
ياريتني كنت معاهم
بس وعد يا جماعة وعد بجد بجد بجد
المرة الجاية ان شاء الله أكون معاهم وقبلهم وفي وسطهم
وأتعرف على الشخصيات اللي سوووو شوقني ليهم من غير ما أشوفهم
ومين عارف مش جايز عقدتي تتفك والأنيميا تخف
:)
مستنية التجمع اللي جاي على أحر وأسخن وأولع من أولع فحمة
ojg

Ehab يقول...

وكما ذكر الشنكوتي في الفيديو اللي سجله الصباغ حليب هارتي زي ما سوو حبيبي بيقول
ايه اكتر حد كنت عايز تقابله وفرحت انك قابلته
وكانت الأجابه كلكم حبايبي وفرحت بيكم
ولكن
ودايما لكن دي بيكون وراها حاجه كبيره
كبيره قوي
ايوه ولكن انا كنت هاتجنن واشوف الواد سووو حبيييييييييبي
بجد بجد فرحت جدا بيك يا ابو الرجال يا جميل
ربنا يسعد ايامك يا واد انت ونفضل اخوات كده على طول

الولد نيجرو برده مش قادر اقولك حبيته قد ايه عارف اللي هو ينط يدخل قلبك كده بدون استئذان
ومنسي ومش معاهم والواد كريم المطلق ده هو اول من قابلني الصبح وغلبان قوي ودمه زي العسل

البنات بقى اتصدمت فيهم مفيش حد طلع شبة الصوره اللي في خيالي ليه
كل واحده طلعت حاجه تانيه
حتى ابى المجنونه دي طلعت حاجه تانيه خالص
خيخه طلعت عامله زي حباية العنب البناتي المسكره
صغنونه قوي وعسوله
كلهم ناس حلوين قوي وطيبين قوي

وفرحت بيهم قوي

ربنا يديم علينا جميعا صداقتنا دي
والأب الجميل ابو خالد
مش عايز انسى حد لكن بجد بجد فرحت بيكم كلكم

سلاااااااااااااااااااااام
اخوك ايهاب
ثري جي ايه يا دزمه امال هاجيب السيراميك بتاع الشقه امتى لما اشتريلك ثري جي ده انا موبايلي بيجيب جاز ومش هاغيره

Soooo يقول...

ňįĝŗő

يانيجرو ياحليب هارتي صدقني انا مابتفرقش معايا الهدايا وانت عارف
وهديتي اللي بجد اني شفتك وقعدت اتكلمت معاك وكلنا عيش وملح مع بعض

وربنا يديم المعروف يارب

ملحوظه
انا عندي عربيه ربع نقل تحت ايدي .. قولي اجيلك امتى وانا شغال



سلامووووووووووز

Soooo يقول...

همس الاحباب

يا ابو خللود صدقني انا لو هتكلم عن اليوم ده يبقى عايزالي مدونات النت كللو
ماتتصورش انا كنت فرحان قد ايه اننا اتجمعنا وضحكنا وفرحنا مع بعض

ربنا يديم المحبه والمعروف يارب

سلامي لهمس




سلاموووووووووووز

Soooo يقول...

كراكيب

على فكره يا ميرو
انا جاي اهدي النفوس
بس مهاميهو قعدت تقول عليكي كلام لا يقال
وانا اقولها يا بنتي عيب .. تقولي انت ايش فهمك .. يا مهاميهو دي في مقام اختك .. تقولي انها عايزه تتبرى منك .. وكللو كوم ولما قلتلها انك ساعات بتجيبيلها سنكرز وانتي راجعه من بره كوم .. اتحولت لتنين وقعدت تقول مانا اللي مدياها الفلوس اصلا وبعدين بتجبلي السنكرز وبتاكلها وبتنفضلي وحاجه غريبه جدا
انا زي ماقلتلك في الاول .. جاي اهدي النفوس


وان شاء الله ياستي تبقي تيجي في التجمعات التانيه وتنورينا والله .. وهبقى اقعدك بعيد عن مهاميهو .. بس ماتنسينيش في السنكرز




سلامووووووووووز

Soooo يقول...

قوس قزح

يا داليا صورتي بالقبقاب دي دليل ادانة عليكي انتي .. ليه بقى .. هقولك

بقى انا شاب فقير ومش معايا جزمه وبالبس قبقاب .. تقومي انتي تعايريني بفقري

عمر الفقر ما كان عيب يا دوللي .. العيب ان الواحد يفضل فقير

---

وانا بجد باشكر ربنا انه اتاح لي الظروف اني اتعرف عليكي والله

ربنا يديم الخير والمعروف يارب
بس برضه نور بنت رودي عروستي انا



سلامووووووووووز

Soooo يقول...

أحسن تـستاهـل

مهاميهووووو .. والله بنت حلال مصفي
انا كنت لسه باشكّر فيكي قدام اختك .. ولو مش مصدقاني شوفي ردي على تعليقها.. وربنا يستر بقى

وبخصوص الذهلول .. اكيد طبعا عارفه
طب ده انا كنت اعرف واحد صاحبي زي برضه في الاول كان ذهلول .. انما بعد العلاج الطبيعي الحمدلله بقى حاجه كده ايه اللهم صلي عالنبي

وياستي ان شاء الله تبقي زي صاحبي بعد ماتاخدي على الجو العام .. وان شاء الله تنورينا انتي واختك في التجمعات الجايه ان شاء الله

وربنا يديم الخير والمعروف يارب




سلامووووووووووز

Soooo يقول...

فاتيما

تصدقي وتؤمني بالله يافاتيما
انا عديت النقطه اللي جاتلي .. عارفه لقيتهم كام

عدد واحد جنيه من ياسمينا فنانه مفروسه ومكتوب عليه اهداء .. يعني البقال مش هيرضى ياخده وهيحسبه بنص جنيه
عدد اتنين ربع جنيه ورق وارد ابو العساعيس
عدد اتنين شلم وبريزه ونص جنيه معدن وارد ابو العساعيس
عدد اتنين جنيه معدن وارد حماتي رودي .. وبالتالي لازم اشيلهم للفرح

وبكده يكون الاجمالي

ميه وسبعين قرش .. زائد الاتنين جنيه المعدن بتوع حماتي واللي هم تمن شبكتي على نور

يعني مش مبلغ كبير اهو ولا حاجه
دول مش محصلين علبة سجاير كولوباطرا بوكس

---
بيني وبينك كده .. انا كنت فرحان قوي .. مش عشان النقوط والفلوس اللي جريت في ايدي .. لأ .. فرحان اني كلت حتتين من التورته .. حته كريمه وحته شيكولاته




سلامووووووووووز

يوميات فنانه مفروسه جداا يقول...

يا نهار يا سووووو

انت افتكرتني في البوست بكلام جميل اوي

يا رب انت بقي يكرمك ويبسطك ويرضيك ويعزك ويسترك يا رب

والله الواحد مش عارف يقول ايه
بس بجد بجد بقي الحمد لله عرفت ناس محترمين وكسبت صداقتهم بجد سواء انت او فاتيما او ابي او دليا اوردودي ةخيخه مش عايزه انسي حد بس بحيكو كلكو اوي بلاب لاب لاااااااااه موت

ربنا يكرمك عاكلام الجميل ده ونردهولك في الافراح ان شاء الله يا رب عن قريب

سلام يا سووووو

nosha يقول...

سوووووو
الأول أحب إني أقولك كل سنة وإنت طيب وعقبال 100 سنة ونشوفك إن شاء الله في أحسن وأفضل الأحوال ودايماً في تقدم في كل حياتك ومتعرفش أد إيه أنا مبسوط جداً من اليوم ده لإني بجد حسيت إننا عملنا خير وثواب كبير أوي واجتمعنا كمان تجمع جميل ولذيذ وكان كله ناس كويسة جداً ياريت لو كنت اتعرفت عليهم من زمان
وبعدين بقى مش عارف أقولك إيه على التعليق الجميل ده تنفع تعلق على الماتشات بتاعة النادي الأهلى ومركز شباب الزمالك صحيح

تحياتي ليك جداً

2ensan wnsan يقول...

الحمد لله ان سلامي وصلك يا عم سوووو


والله كان نفسي اجي بجد وكنت هاجيبلك المنديل المحلاوي واهو كنتوا عملتوا خيمه من الحر الفزييييع اللي انتوا شفتوه ..

بس ان شاء الله خيرها في غيرها ... ويا رب تظبطوا لقاء تاني عشان اعرف اجي


لو كنت اعرف ان بابا ابو خالد جاي كنت بعتت له السلام هو كمان بس مفيش نصيب بقى ان شاء الله سلامي ليه هيكون وجها لوجه يا كبير

مع تحيات تُدري

Soooo يقول...

حنين القلب

الله يكرمك ياستي وان شاء الله في التجمع الجاي تكوني منورانا

بس انا رجلي شبه رجل ناديه الجندي؟؟؟
هي رجل نيجرو لاقطه شويه من الجندي .. انما رجلي انا تحسيها لاقطه من فيلم غابة من السيقان .. في دور رجل ماري منيب

وطبعا ماقدرش ازعل منك ومن هزارك يافندم .. بل بالعكس انا بارحب باللي بيجي يهزر معايا ويناكفني في التعليقات

والف شكر على كلامك الجميل وعلى دعائك للماضه ولي وربنا يسعدك ويكرمك ويباركلك ويرضيكي دنيا وآخره يارب




سلامووووووووووز

Soooo يقول...

رئـــــيسـة حزب الأحلام

يا ريسه انا لو حبيت اتكلم براحتي عن اليوم ده يبقى عايزلي عشرتاشر بوست .. انا بس اختصرت على قد ما اقدر وحبيت اوضح للناس ان التجمعات دي بتكون مفيده على جميع النواحي

واحنا اللي سعداء انك ابتديتي تاخدي عالجو العام وربنا يديم الخير والمعروف مابيننا

ملحوظه
طمنيني .. هي سوسو سليمه بعد زيارتها لحماتها ولا فقدت في ظروف غامضه؟؟؟



سلامووووووووووز

Soooo يقول...

رحــــيـل

طب والله وحشاني تعليقاتك بطريقه متوحشه

وبجد كان نفسي انك تنورينا هنا في القاهرة لكن ان شاء الله الجايات اكتر من الرايحات

وبخصوص تجمع المدونين في المنصوره انا كنت فعليا مجهز نفسي ان الاسبوع ده مشحون قوي .. يعني يوم الجمعه التبرع بالدم وعيد ميلاد لماضه .. ويوم السبت حفلة توقيع ديوان شيماء سمير .. ويوم الاتنين تجمع المدونين في المنصورة .. لكن تقريبا نسيت اقول ان شاء الله

لكن ان شاء الله هابقى موجود في التجمعات الجايه وربنا يديم الخير والمعروف يارب




سلامووووووووووووز

Soooo يقول...

أحمد عبد العدل

اهلا بيك ياسيدي في اول زياره ليك في مدونتي المتواضعه وياريت تعتبرها زي مدونتك تمام وتشرفني دايما

وبعدين بذمتك .. مش بالرغم من الرغي اللي رغيته .. حسيت انك عشت الحدث .. ولا ماكانش باين ولا ايه؟؟

والف شكر ياسيدي على دعوتك الجميله دي وربنا يديم الخير والمعروف يارب




سلامووووووووووز

Soooo يقول...

اهو ده عيبه

دوللي .. طب والله اليوم كان مفتقدك
لكن ان شاء الله ربنا ييسر الامور ونتجمع تاني قريب على خير

بس ايه رأيك في صورة القبقاب .. على فكره دي آخر صيحه في عالم التصوير القباقيبي

وكل سنه وانتي طيبه ياستي وربنا يديم الخير والمعروف يارب




سلامووووووووووز

Soooo يقول...

لماضة

اللماضه كلها .. ياقهلا ياقهلا

كل سنه وانتي لمضه وطيبه وزي الفل ياست الداكتوره
والحمدلله انك انبسطتي وفرحتي وماتتصوريش انا ممتن - حلوه ممتن دي - قد ايه .. انك جيتي احتفلتي بعيد ميلادك معانا هنا في القاهره
وان شاء الله ياستي انا هسخن الناس ونسافر سنكريه يوم نقضيه هسس وضحك بعيد عن جو المناقشات والتدوين والليله دي .. عايزين نضحك شويه

ملحوظه
نصيب ايه حضرتك؟؟
هو احنا نعرف بعض ؟؟
أنا بيتهيألي اول مره اتعرف بحضرتك .. مين معايا؟؟؟




سلامووووووووووز

Soooo يقول...

رئيس جمهوريه نفسى

ابو حففي حليب هارتي
وانت طيب يابو حففي وعقبال فرحك انت الاول .. انا لازم اتطمن عليكم وافرح فيكم الاول .. قصدي افرح بيكم الاول

وياد بطل بقى الكلام بتاع لما جيت اول مره القاهرة والحوارات دي .. احنا اه صحيح ساعتها ماكناش نعرف بعض جسم ولحم ودم .. لكن كنا عارفين بعض فكر وعقل وقلب .. ودي اهم مليون مره

وياسيدي ان شاء الله التجمع الجاي تبقى منورنا ان شاء الله

ملحوظه
تبرع بالدم ايه ياعم انت .. انت عايز اللي يتبرعلك برغيف بولوبيف



سلامووووووووووز

Soooo يقول...

وومن

بس بقى يا ميرا ماتفكرنيش .. انا كنت نسيت اني كبرت ياشيخه

وفعلا اليوم كان حلو قوي الحمدلله .. وخيخه دي يالهوي عليها .. ربنا يباركلها بجد على الحاله الحلوه اللي كنا فيها دي

وان شاء الله في تجمع تاني قريب قبل تجمع فطار او سحور رمضان .. وجاري التحضير ليه



سلاموووووووووووز

Soooo يقول...

Medo

حليب هارتي يا احمد يا صلاح والله
جمع قبقاب مش قباقيب .. ابسلوتلي .. جمع قبقاب هو قبقاباتز .. ابسترف إس بتاعة الجمع

وبعدين مباحث ايه اللي هتصور الواحد من رجله دي .. فكرتني بالنكته بتاعة واحد في كلية طب بيطري لما دخل امتحان في علم الطيور لقى الدكتور حاططلهم صور رجول كزا نوع من انواع الطيور وبيقولهم اكتبو اسماء الطيور دي .. قام الواد قفش وساب الورقه فاضيه ماكتبش فيها اسمه حتى .. ولما جه يسلمها للدكتور قاللو اكتب اسمك .. راح الواد مشمر البنطلون وموريله رجله وقالو اعرف اسمي من رجلي بقى لو ناصح

بجد كنت سعيد اني اتعرفت عليك واتكلمت معاك .. وان شاء الله هنتعرف ببعض اكتر في التجمعات الجايه
وربنا يديم الخير والمعروف ان شاء الله




سلاموووووووووز

Soooo يقول...

رندا

ان شاء الله تنورينا في التجمعات الجايه وتتعرفي على كل اللي بتحبيهم وبتعزيهم زي ماهم بيحبوكي وبيحترموكي

وياستي ولا كنت ماسك ورقه وقلم ولا حاجه .. الحكايه ومافيها انه كان يوم حلو قوي الحمدلله .. والايام الحلوه في زمننا لازم نفتكرها بكل تفصيله وبكل لحظه .. لانها ايام قليله قوي في حياتنا

وربنا يديم المحبه والخير والمعروف مابيننا ان شاء الله




سلامووووووووووووز

Soooo يقول...

kareem

هههههههههههههههههههههههههه

طب والله اختصرت تفاصيل وحاجات كتير قوي

وبجد ماتتصورش انا فرحان قد ايه اني اتعرفت عليك وباتمنى اننا نتقابل تاني ونقعد مع بعض في اقرب فرصه

وربنا يديم المحبه والخير والمعروف مابيننا يارب




سلاموووووووووووووز

Soooo يقول...

appy

طول عمرك كريمه معايا والله
يومين بحالهم ابلطج عليكي فيهم
يااااااااه
ده انا ههيص بقى

بس ايه نظام الكروته ده .. انتي جايه تقوليلي بعد اليومين ماخلصو .. لا ياعم مش لاعب


ملحوظه
البينك بيسلم عليكي قوي




سلامووووووووووز

Soooo يقول...

ahmed_k

الله يخليك ياباشا .. ده بس من ذوقك

وتصدق فعلا العيب الوحيد في اليوم ده كان الحر الفزيع المريع الشنيع .. لولا كده كان اليوم بقى زي الفل .. بس هو طلع زي الفرن

وان شاء الله تبقى معانا في التجمعات الجايه وتنورنا وتتعرف بكل الناس وربنا يديم الخير والمحبه والمعروف يارب




سلامووووووووووز

Soooo يقول...

الشنكوتي الكبير

ياااه يابو الشناكيت ..عارف .. اليوم ده ولما قابلتك فيه فكرني باول مره تعلق عندي .. ياااااه
كانت حاجه كبيره قوي اني الاقي حد بيعلق عندي وبيشجعني وبتاع

ربنا يسعدك ياشيخ

ملحوظه
الثري جي يابجره احسن من السيراميك .. وهقولك ليه .. انت بالثري جي ممكن تروح اي فندق وتعمل فيديو كول وتصيع عالناس وتقولهم ده بيتك وده الرخام بتاع الارضيه مش السيراميك اللي انت عايز تجيبه
استهدى بالله وصلي صلاة استخاره وهاتلنا اتنين ثري جي



سلاموووووووووووز

Soooo يقول...

يوميات فنانه مفروسه جداا

يا ياسمينا انا ماقلتش اكتر من اللي شفته

والحمدلله انك انبسطتي وفرحتي لما اتعرفتي عالناس .. اصل انا كنت خايف ماتكونيش انبسطتي او ماتكونيش فرحانه لاني حسيتك ساكته قوي

لكن الحمدلله انك فرحتي وانبسطتي .. عشان ماتقوليش عملتو تجمع وماقولتوليش ومش عارف ايه وتجيبي العوق علي انا .. اديني مش حارمك من حاجه اهو

وياستي ربنا يكرمك ويسعدك ويباركلك ويرضيكي دنيا وآخره يارب



سلاموووووووووووووز

Soooo يقول...

nosha

وانت طيب يانوشا والحمدلله انك انبسطت والحمدلله ان الكل كان فرحان

وان شاء الله نتجمع دايما في الخير وعلى الخير .. وربنا يقدرنا على ده




سلامووووووووووز

Soooo يقول...

wa7ed 2ensan wnsan

حليب هارتي والله
ماتتصورش يا عبد الله انا فرحت قد ايه لما وصلني سلامك مع دعاء
بس زعلت انك ماجتش لاني بجد كان نفسي اتعرف عليك واتكلم معاك
لكن ان شاء الله ملحوقه .. وان شاء الله نتعرف ببعض في التجمعات الجايه


ملحوظه
اتفق انت ونيجرو وشوفو عايزينني اجيب العربيه الربع نقل امتى عشان اخد هديتي المنديل المحلاوي




سلامووووووووووز

Unknown يقول...

اسلام عليكم ورحمة الله وبركاتة
اولا كل سنة اونت طيب وعقبال مليون سنة على فكرة مكلتيش من التورتة انتم دحكتوا على :(
وبص بجد انا فرحانة اوى باللقاء دا
وسعيدة بالتعرف على كل المدونين اللى فعلا حابين جداا يعملوا شئ لبلدهم
وبدماغك العالية اوى
يعنى انت من النوع المتامل اللى بيطلع بشئ فى الاخر من تاملة داا ودا كويس جداا فنان بجد :)
رنا يجمعنا دايما للخير وفى الخير
عيد ميلاد سعيد يا سو
وتجمع ان شاء الله يكون مستمر
ومتنساش 20/8 عندنا
وافطار رمضان

المنسى يقول...

اللهم أصلى على النبى
إيه ياجدعان الذاكرة دى
أنا مش بنق أنا بحسد بس
إيه التغطيات الجامدة دى ياسووووووووو
عامل إيه
يارب تكون بخير
بجد كان يوم رائع
يمكن أكتر يوم تدوينى مش هنساه طول عمرى حتى لو شاء القدر وبطلت تدوين
أسف لأنى جيت متأخر
كان عندى مشاكل فى الكمبيوتر
متشكر جدا على كلامك الجميل
يارب يدوم الخير والمحبة اللهم آمين
تحياتى ليك

محمود الدوح يقول...

كااااااااااان نفسى اكون موجود
بجد غصب عنى مقدرتش اجى فى اى وقت
كن متكدر على الاخر

انا ندمااااااااااااااااااان
ندمااااااااااااااااااااااان
كل الناس دى كانت موجودة

سو انا ندمان
قولى اعمل اية عشان اخفف الشعور دا من عندى

Ehab يقول...

ربنا يسعد قلبك زي ما اسعدت قلبي بأنك اجدع اخ ليا يا سوووو

احبك في الله

سلااااااااااااااااااااااااام
اخوك ايهاب

marco يقول...

مدونه جميله

maha zein يقول...

الله
ده ايه ده بجد
اولا اسلوبك انت اصلا فظيع مريع شنيع
يعني خفة دم بالفطرة والعافية كده
بعدين بقه انا وربنا كنت جاية الخر لحظة بس حصلت ظروف وبعت لداليا قوس قزح اتأسفتلها
خسارة بجد
انت ندمتني
اوف
اوع
ايع
ليه كده طيب
ليه يعني تندمني بجد
بس اكيد هتتكرر
وفى هذه الحالة لن اتردد لفسوة بجد
ربنا اولا يباركلكم انكم اتبرعتوا
وكده يا جدع
تديهم التسعو لتر دم كلهم
طب كنت سيبت حبة
سيبت بوء
سبت اي حاجة
بس انا عرفة انك اكيد اتبرعت عشان تاخد الكور والدباديب وعلب العصير التيفاح وباكوين البسكوت ابو عجوة بنقاها دي
عرفاك يا لئيم
هشوفكم بردو
اكيد يعني
وحتما ولابد
هه
بس
بقه

مجلة علّي صوتك يقول...

مش ممكن عليك تنفع تكون مُعلق مدونات أخو مُعلق الكورة كدة
حسستني اني كنت معاكم

Soooo يقول...

نهر الحب

وعليكم السلام ورحمة الله وبركاته

طب ليه ماكلتيش ياستي من التورته .. دي كانت كبيره واتفضل منها ولما رحنا البورصه انتي بنفسك كنتي شايفه اننا عمالين نوزع على كل الناس

ان شاء الله ملحوقه ياستي .. وهنعوضهالك في عيد ميلاد شيمو وعيد ميلادك ان شاء الله

وبجد انا سعيد اني اتعرفت عليكي اكتر من اول مره لما جينالكم بورسعيد .. وربنا يارب يديم الخير والمعروف مابيننا



سلاموووووووووز

Soooo يقول...

المنسى

يلا يا منسي من هنا
جاي تنق وتحسد
يلا هنرش ميه

ياسيدي ولا ذاكره ولا حاجه .. الحكايه ومافيها اني فرحت قوي اننا اتجمعنا على خير وربنا يتقبل يارب
واللي بيفرح بيفتكر اللي فرحه

ربنا يخلي حياتنا كلها خير وفرح يارب

ملحوظه
عرفت بقى المدونين اللي بيحبو بعض بيعملو ايه .. ممكن يعملو المستحيل طول ماهم مع بعض




سلاموووووووووز

Soooo يقول...

محمود الدوح

ده انت فاتك يوم يا دوح
يالهوووووووووووووي
واجمل حاجه ان ماكانش فيه اي نيسكافيه خالص
كان في مصر كافيه بس

لو عايز ماتحسش بالندم .. اقف قصاد المرايه قول انا مش ندمان انا مش ندمان انا مش ندمان
لو حصللك حاجه .. احلق دقني




سلامووووووووووووز

Soooo يقول...

الشنكوتي الكبير

ربنا يكرمك يابو الشناكيت وييسرلك كل امر عسير يارب واتجدعن بقى ياعم .. عايزين نشوف شناكيت صغننين نلعب بيهم

ملحوظه
هتجبلنا الموبيلات الثري جي امتى بالصلاتو عالنبي ؟؟؟




سلامووووووووووز

Soooo يقول...

marco

ده تعليقك هو الجميل وياريت تنورني في مدونتي المتواضعه وتعتبرها زي مدونتك تمام

ملحوظه
ماتعرفش تجيب اغاني انجلش بتاع التمانينات ؟؟؟



سلامووووووووووز

Soooo يقول...

maha zein

الله يكرمك يارب
وبجد كان نفسي تيجي لاني فعلا عايز اتعرف عليكي لانك شخصيه من كتاباتها باين انها محترمه ودماغها كويسه وانا باعتز بمعرفتي للناس دي
لكن ان شاء الله ملحوقه وهايكون في تجمعات تانيه قريب وان شاء الله هتنورينا وتتعرفي على كل الناس

وربنا يديم الخير والمعروف يارب




سلامووووووووووز

Soooo يقول...

مجلة علّي صوتك

اهلا بيكم يا مجله ويارب تعتبرو مدونتي زي مجلتكم وتنوروني بتعليقاتكم وكلامكم الجميل دايما

والحمدلله ان الموضوع عجبكم لدرجة انكم بتشجعوني اعلق على احداث المباريات التدوينيه اللي هتحصل قريبا في نهائي دوري بلوج سبوت



سلامووووووووووز

غير معرف يقول...

وقال ايه افتح المدونه الصبح قبل ما اتزحلق عل الشغل الاقيك منورنى بالتعليق فيها يا منورى ومشجعنى ومخلينى اتبسط قوى من ردود فعل المدونه بالتعليق نورتنى نورتنى نورتنى ...جزاك الله كل خير وفى رعاية الله وامنه ...وقال تدرى ..وانا فى مدونتك كنت غرقانه على روحى من الضحك وعبد الرحمن كل شويه بتضحكى على ايه يا ماما اقوله مش فاهم حاجه فيرسم ابتسامه تهبل على وشه شوف حتى ابنى مش فاهم ايه اليى فى المدونه بس خلته يبتسم شوف سحرك وصل لفين ...ربنا ينولك سعاده من اليى انا واى حد بيدخل المدونه دى بطوله...

Diyaa' يقول...

إنت بجد تحفة
وصف سينماتيك وخفة دم مصرية مية في المية ..عمال توصف الناس بالمجدعة وإنت جدع بتطرف يعني وكنت هتضرب وإنت نازل في المطعم وسابقنا ..:))
بس بجد يا أحمد..أنا لما صحيت من اليوم أول حاجة عملتها فتحت مدونتك وبعون الله وصلت لحد أرشيف شهر 3..وجهة نظري عنك كانت صح..إنت فعلاً حد بيقدر الكلام من بين السطور وتشغيل الدماغ وخفة دمك طبيعية 100% ومفيهاش استظراف
وهبقي استني مشورتك في برامج الأكل والغدا..يومها لا كنت متعشي ولا نايم كويس ولا فاطر وكمان بجري..طبيعي يعني قليل من الدوخة والكثير من الزغللة :))

مبسوط أوي بقباقبك ده وبإني شفتك وشفتكم كلكم وبليز بطل نيكوتين

تحفة تحفة وصفك
بيوتيفول بيوتيفول يعني
ويا رب دايماً نتجمع في الخير

خالص التحية ليك
أخوك الصغير ضياء ومش تتأسف عيب

Unknown يقول...

السلام عليكم ورحمة الله وبركاتة
ازيك يا سووووووو
بجد انا سعيدة جدا بكلاكيت تانى مرة
اقصد لقاء تانى مرة لانه عرفنى عليك انت وابى وخالد اكثر
اولا كل سنة وانت طيب وبخير يارب على طول
بص بقى يا سيدى
بصراحة اليوم كان تحفة
وانا ما تخيلتيش خيخة ولا فاتيما بالرقى ولا التواضع ولا الجمال دى
خيخة مثلا بنت هادية ومتواضعه وفعلا عايزة تعمل خير وتمشى فى هدوء دون لفت انتباة او نظر احد ودون محاولة للتباهى والعجرفة
وفاتميا تخش القلب من اول نظرة انسانة جميلة جداا
وابى ورئيسة حزب الاحلام ورودى وقوس قزح وفنانة ولماضة ودعاء مواجهات
كل الناس بجد حاجة غاية فى الجمال والرقى انا فعلا سعيدة انى اتعرفت عليكم كلكم
بس انت صورتى بصورة انا اقل منها بكثير
اللهم اغفر لى ما لا يعلمون
ويجمعنا دايما على الخير والود الصادق فى الله

كل سنة وانت طيب وبجد عقبال مليون سنة
وعلى فكرة اسلوبك هايل فى سرد التفاصيل وتذكرنا وقع فى النص من الارهاق وكمان صراحتك مدهشة
تسلم ايدك
وشكرا خالص على الجاتوةةة

Unknown يقول...

حاول ماتنساش انت وكل المدونين اللى تعرفهم يوم 20/8 ان شاء الله
عشان البحر والتجمع التدوينى على شاطئ بورسعيد
ويارب كل الناس الحلوة صاحبة القلب الابيض والدماغ الشغالة تجى
على فكرة قدرتك على الاضحاك ورسم البسمة فعلا كبير جداا
بالتوفيق يارب

المنسى يقول...

عرفت ياسووووووووو
وفرحان بيهم جداااااااااا
ومش ندمان على الكلام إللى قلتوا لأنه مش غلط
بس إنت إللى مفهمتنيش
بس عامة
أنا فرحان جداجدا جدا بالناس إللى إتعرفت عليها
وأولهم إنت
ومش زعلان منك فى أى حاجة
ويسعدنى جدا نكون دايما متفقين وتجمعين
ويسعدنى جدا إنى دايما بتعلم منكم
وسلاموووووووووووووووووز

Unknown يقول...

سوووو
حبيب قلبى اعذرنى على التأخير والتقصير
لكن فعلا اليوم اليوم كان من اجمل ايام عمرى
لدرجة انى كنت بتمنى انه يستمر والوقت يقف والساعات متعديش
بس هيا كده اللحظات الحلوة بتجرى ولا القطر التوربينى ياخى متعرفش ليه

وحشتنى قووووووووووووووووووووووووووووووى

سلاموووووووووووووووووووووووووووووز

Hany Rizk يقول...

اخى الفاضل سووووووووو
بجد انا على قد ما انا مبسوط باللقاء اللى عملتوه على اد ما انا زعلان انكم اتقابلتم وانا مش معاكم على قد ماانا زعلان اكتر انى بقالى كتير مش بادخل على النت علشان اشوف البلوجاية بتاعتك .... تصدق باللى خلقلك ... قول لا اله الا الله ... انا كان نفسي من زمان يبقى فيه لقاء واتنين وعشرة بين المدونين فى البلوجات علشان يتقابلوا ويتكلموا (اى نعم الكلام بيجيب نقطة... بس اهى حاجة نبتدى بيها ) ويعملوا تجمع بلوجاوى علشان يناهضوا القوى المتحركة قصاد الشعب المهروس تحت طاحونة العمل السياسي اللى احنا مش عارفين سياسي فى ايه اشاسا ... على كل انا كان نفسي يبقى لينا دور كبير على الرغم من قلة عددنا كمدونين ... لا يقارن بعدد مخبرى محابس امن البلد ... ولا ظبابيطهم .. ولا اى حاجة ... بالمناسبة صحيح انا كان نفسي تيجي كتب كتابي كنت حابقى مبسوط قوى ... بس انت للاسف ماجيتش وكان نفسي يبقى فيه حاجات كتير اتكلم معاكم فيها بس انت عارف بقى الدايرة اللى بيدخل فيها الشاب مننا اول ما يكتب كتابه ... بالذات لما بيكون عدى سن التلاتين ... ومعملش حاجة فى حياته اصلا ... معلش صدعتك بس دى كانت شوية فضفضة معاك بمناسبة موضوع تأخر سن الزواج عند الشباب ... واللى حابقى اتكلم عليها بعدين فى مكان اخر ووقت اخر باذن واحد احد ... الهى وانت جاهى ربنا يرزقك بواحد ابن حلال ينور طريقك وكلمة قليلة تعمل بلاوى كتير وهنيالك يا فاعل الخير والثواب ...والسلام ... اخوك هانى رزق.. ملاحواظة صغيرة ... انا اسف لصيغة الجواب اللى فات بس تقول ايه بقى الشوق الشوق الشوق ... حيرنى الشوق الشوق .. سهرنى الشوق الشوق ..

بث تجريبي يقول...

السلام عليكم
الله الله الله شكله كان يوووم حلو مووت
بجد من كلامك حسيت ان التدوين مش مجرد كلام بيتقال
دا كمان بيجمع بين ناس دماغها ان لم تكن متقاربة فى وجهة نظرها لبعض الاشياء
لكنها متقاربة فى الوعى ودى حاجه جميلة اوى.
بجد بجد ياريت تعملوا يوم زى دا بليز بس يكون اول السنة الدراسية
عشان اقدر احضر لانى مش بكون فى القاهرة غير فى الدارسة.
بجد بجد انا حبيت كل الناس اللى اتكلمت عليها من غير ما اشوفها
ويمكن مش اكون زورت مدوناتهم لكنى بجد حسيت انهم ناس جميلة اوى اوى

سلاموز .

دعاء مواجهات يقول...

سوووو باشااا

دا احنا الى اتشرفنا بيك يارااجل

بجد مش عارفة لية كل الناس مستكترة عليا دمااغى

ههههههههههههههههههههههه

لا والله بهزر دى حاجة تحسبلى طبعا

كنت منور القاعدة وحسيتك عندك حالة من الإذبهلال الدائم مش عارفة لية

عاوزينك تنورنا كتير وتشرفناوتعلق مش تسكت..

بيس

Unknown يقول...

سووووووووو
على فكرة يا مبدع
انا فعلا عاجبنى دماغك الشغالة فى مجال الفن الجميل مش فن اليومين دول
ونقدك الحلو رغم اننا ممكن نختلف احيانا
لكن كمان عايزة بجد اشكرك على اليوم انت وكل اللى استضافونا فى القاهرة
وبجد احنا منتظرين تنورنا فى بورسعيد
بس ان شاء الله هيكون الجمعه 22/8
فيارب تجوا كلكم
وان شاء الله هيكون معنا جروب المنصورة كمان
كل سنة وانت طيب
وربنا يديم الود فيه

Ahmed Kamal يقول...

أنا اللي سعيد إني اتعرفت عليك ، بس ماكانش باين إنك رغاي كده :) و ماعنديش مانع المرة اللي جاية تهزر معايا ... ولا انت هزارك تقيل ؟

تحياتي لك يا سوووو

غير معرف يقول...

عشاق الگوگل القاء نظرة على هذا الموقع والتمتع