الأحد، ١٥ ربيع الأول ١٤٢٩ هـ

(9)مذكرات طفل .. طخين

المحطة التاسعه .. غَيّر الحجر


تملكتني الدهشه عندما نظرت أمامي فوجدت احمد السقا .. ولكنني لم ابيّن ذلك عشان مايقولوش علي عيل ولا حاجه .. وعملت نفسي عادي خالص مش فارق معايا لا سقا ولا غير سقا .. خصوصا واني خلاص بقيت مشهور زيه من ساعة المشكله بتاعة المدرسه وكل شبكات المافيا بتطاردني .. وعشان ابان قدام الكل اني راجل وميت فل وعشره .. رحت مسلّم على السقا كأني ولا هاممني حاجه .. مش كده وبس .. ده انا تعمدت اني اقعد جنبه .. ورحت باصص ليه وقلتله
سوووو : وانت ازيك كده وايه اخر اخبار الشيبسي معاك ؟
السقا : - زي مايكون بياخدني على قد عقلي - تمام .. وضاعفنا الكميه
سوووو : - وانا انظر له بسخريه - انتو بتشتغلونا .. مانتو ضاعفتو السعر كمان .. وبعدين دي اوفرلكم اصلا .. بدل ماكنتو بتحطو الكميه في كيسين حطيتوهم في كيس واحد .. ودي اوفرلكم في طباعة الاكياس وتغليفها
السقا : - زي مايكون اتزنق في الحوار - واضح انك فعلا زي ما قال مصطفى ومنى .. عنيد ومغرور
سوووو : انا ممكن اكون عنيد .. لكن مش مغرور .. بس واثق من نفسي
السقا : على فكره انت بتفكرني بشبابي .. انا برضه لما اشتغلت زمان معاهم كنت زيك
سوووو : وايه اللي خلاك سبتهم .. ولا تلاقيك فشلت وراحو رافدينك
السقا : انا لو كنت فشلت .. كان زماني ميت .. وانت كمان لو فشلت هتموت
سوووو : - صمت على تناحه على عبط على هطل طبيعي
السقا : انا مقدر الغضب اللي انت فيه .. ومقدر سخطك على المجتمع .. لكن اللي عايز افهمه .. انت ايه اللي في ايدك تعملو؟
سوووو : ولا حاجه .. مافيش قدامي غير اني اكل .. افضل اكل لغاية ما انسى
السقا : انا لو منك .. كنت عملت حاجه تانيه
سوووو : زي ايه ؟؟
السقا : جربت تشرب شيشه قبل كده ؟
سوووو : لأ .. ليه ؟؟
السقا : لما الواحد بيشيش وياخد نفس جامد من الشيشه .. وهو بينفخ الدخان بينفخ معاه كل الغضب اللي جواه
سوووو : يعني انت بتنصحني وبتنصح الأطفال والشباب اننا نشيش ؟؟؟
السقا : وليه لأ .. عارف .. انا باجي هنا مخصوص في قلعة الكبش عشان اشرب احسن حجر قص في العالم .. انا صحيح لفيت بلاد كتير وقعدت على قهاوي كتير .. لكن ماشربتش حجر زي اللي بيترص هنا
اسمع دخلة مزيكا ايقاعيه .. وشايف شوية عيال بيوزعو شيش قدام الناس اللي قاعده .. ولما استغربت لقيت السقا بيقوللي
السقا : الشيشه قدامك .. حبها .. وامسك اللَّي .. وشِدّها

يتحول الاطفال اللى مجموعة مغنين ويغنون الاغنيه دي

شيشتك قدامك حبها
ترتت .. ترتت
وامسك اللَّي وشِدّها
ترتت .. ترتت
بص لشيشتك حسها
ترتت .. ترتت
واقفش في المبسم مُصها


يظهر مدحت صالح وهو يرتدي جلابيه وطاقيه شبيكه ويبدو كأنه القهوجي المسئول عن الولعه

هنرص فين ولمين وليه
ده الفحم اللي معايا والع

قص وزغلول نعناع يا بيه
تفاحه خوخ من جوه طالع

امسك شيشتك بايدك رُصّ الحجر
واحسن مباسم هتلاقيها لأجمل بشر

هتلاقي شيشتك ترتعش حب وشجن
ويدوب يدوب الفحم من فوق الحجر

تسرح تعيش الوهم على رغم المحن
تنسى القلق والخوف ويتوه الزمن

الشيشه تاخدك تحضنك تنسى الخطر
والفحم يولع يعجبك .. طعم الحجر

شيشتك قدامك حبها
ترتت .. ترتت
وامسك اللي وشِدّها
ترتت .. ترتت
بص لشيشتك حسها
ترتت .. ترتت
وامسك المبسم مُصها
ترتت .. ترتت
ترتت .. ترتت .. ترتت .. ترتت .. ترتت


ما ان انتهت الاغنية بنهاية الحجر اللي في الشيشه بتاعتي .. حتى دخل علينا شخص شكله مألوف .. واتجه الى مصطفى شعبان وحدثه في اذنه .. وسرعان ما وجدت الدهشه على وجه مصطفى وقام فجأة وقال لي
مصطفى شعبان : يلا بينا يا سوووو .. سونيا بتتصل بتليفون بيتكم
سوووو : - وانا مش فاهم - تليفون بيت ايه .. انت عايز تفهمني اننا هنلحق نروح على بيتنا في المعادي قبل الخط مايفصل ؟؟
منى زكي : - وهي تقف على عجاله - ماتقلقش .. احنا ظبطنا التليفونات وينفع ترد على مكالمتها من هنا
سوووو : - بعد ان وقفت انا راخر - طب نحاسب عالشيشه طيب ؟
السقا : انا هدفعلكم الحساب - وهو ينظر لي مشجعا ومبتسما - شد حيلك .. المهمه لسه مابتدتش
تنحت من كلمته .. وشعرت بحجم المسئوليه الملقاه على عاتقي .. فكيف لطفل طخين ان يعتمد عليه أناس كثيرون .. وهل سأستطيع ان أنجز هذه المهمة أم لا
ولكن .. ماهي المهمة اصلا ؟؟؟؟
-------
يتبع

سوووو

هناك ١٢٥ تعليقًا:

Empress appy يقول...

بما انى اول تعليق هههههههههه هأخد راحتى بقى وامدد
اولا المرة دى جامده بجد عارف ليه لانى فهمت الاتجاهات ذكيه طول عمرى
الحوار المرة دى راسى وعاقل موت وبيناقش ميت مشكله فى المجتمع بس عن طريق طفل صغير
اولا فعلا هما بيضحكوا علينا بيكبروا الحاجه ويضعفوها ويوفروا للنا

ثانيا موضوع الشيشه ده هخنقك وامسك فى زمارة وطبله رقبتك انت هتستعبط ولا ايه انت مش عارف انهم بيغنوا ليه خخخخخخخخخخ بس انا مش بروح الكلابش دى خالص
ومش بحب المقص ده انا بشرب فواكيهه

بس هى بقت ظاهرة منيله بينى وبين وانا هعمل بنصحتك واعمل مزاد على لوزة واتبرع لتمناها للايتام

بس عجبنى ثقتك فى نفسك ومعجبنيش تشجيع السقا للشيشه عند الاطفال يا دماغ بس ده واقع حياتنا المرير
المرة دى فهمت وركزت علشان لسه صحيه
كفايه عليك كده يا بتاع راخر انت

سمية يقول...

هييييييييييييييييييية تانى تعليق

هروح اقرأ البوست بقى...

مدحت محمد يقول...

ماهى المهمة اصلا?
افتكرتك وانت بتقول على البورصة كل شوية
الولعة ياريس
صدقنى مشكلتنا
الاكبر
اننا مش عارفين اساسا ايه هى مشكلتنا
تحياتى

فاتيما يقول...

واد يا سوووو
يا خرابى عليك
بوظت الغنوة اللى كنت بحبها موت و عينيا بتدمع لما اسمعها يا شيخ
كدا كل ما هسمعها هقعد اضحك زى حكاية ميدان رمسيس و البليلة بالظبط
انت إيه حكايتك بقى ؟؟؟
انت لازم تكتب مسرحيات و افلام ... انت موهوب جدا و خسارة ان كل البشر ميقروش كتاباتك دى و يستمتعوا بيها زينا
و الله أقل حاجة تنزل فى كتاب ...
أنا عاوزة نسخة موقعة و بحجزها من دلوقتى
بس متقلقش هدفع تمنهاو فوقه شيكولاتية كمان
تحياتى يا اجدع سووو فى النت

Ehab يقول...

ده انت بقيت مفتري
افتري يا مقتري براحتك

الأغنيه دي جايبها منين يا حشاش
هههههههههههههههه

بجد الحلقه تحفه تسلم ايد جنابك

وبعدين كده شركة شيبسي هتسلخ ودانك على التسييح ده

احلى حاجه انك عما لتنط من ادهم صبري لمافيا في تناغم يجنن

اول مره اشوف فنتازيا بالتظبيط ده

تسلم ايدك يا فنان

سلاااااااااااااااااام
اخوك ايهاب

خمسة فضفضة يقول...

السلام عليكم ورحمة الله وبركاته

جامده جدا المره دي

وكمان خليتهم يغنوا للشيشه

امال فين مصر يا عبلـ...اقصد يا سووو

يلا مستنين المره الجايه بسرعه


سلام

سمية يقول...

معلش بقى يا سوووو اتأخرت ف الرد شوية...اصل البت فتكات بنتى كانت عابزةتاكل و تنام...

المهم نيجى بقى لموضوع الشيشة ده...بالرغم من انى رافضاه رفضا باتا و قاطعاومماطلا...الا انى هموت و اجربه...حسة انه بيعمل دماغ و ممكن يخلى الواحد يستحمل ضغوط الحياه سواء البيخة أو الرخمة..

بس اوعى حد يقول للبت فتكات انى قولت كدة..

وعلى كل ربنا يكفينا و يكفيكم شرها..

الـسـيـدة نـون يقول...

يخرب عقلك
انا فطست على روحى من الضحك
المرة دى الحلقة تجنن
الاغنية يا واد ياسوووو
هههههههههههههههههههههههههههههههههههههههههههه
هههههههههههههههههههههههههههههههههههه
هههههههههههههههههههههههههه
بجد انت فظيع

ده انا اتصلت باختى وقلتلها تقرالك كل الحلقات
بجد انت تجنن
الاغنية يا واد تحفة
انا عملتها كوبى وسيفتها عندى على الجهاز

ومازالت فى انتظار معرفة ايه هى المهمة
تحياتى ليك
وبجد بقى انا عايزة اعرف انت الصنف بتجيبه منين
دماغك عالية اوى اوى اوى
سلام
اختك خيخة

SKOBL- Little Lazy Me يقول...

بما ان البلوج هنا زي طابور العيش بالضرب أحجز و أجيلك

غير معرف يقول...

اللى أتشرفوا أنهم ردو عليك تسعة و أنا عاشرهم ،صدقنى يا سوووو و من غير مجاملة أنت كاتب قدير و دمه خفيف بتلقائية محببة.
أبو خالد

SKOBL- Little Lazy Me يقول...

ايه الحلاوة دي
السقا : الشيشه قدامك .. حبها .. وامسك اللَّي .. وشِدّها ايه الافترا ده .. بجد الأغنية كده أحلى كتير .. هههه .. يخرب عقلك .. مالهاش حل الحلقة دي .. طب ياعم ممكن طلب .. ابعتلي واحدة تفاح عشان أضيع حبة النرفزة .. بس انت شكلك متضايق أوي من حكاية ضعف الكمية .. ههه هما فعلا بيشتغلونا ..
سلام يا أحلى كوميديا
وتحياتي

غير معرف يقول...

الشيشة تا تعيش تا تعيش
تعيش تعيش تعيش
تصدق حبيتها من قبل ما أشوفها
:D
ماليش دعوة أنا أطالب بحجر لكل مواطن مع ضمان تغيير الولعة لمدة 3 سنوات

جايز يابني ننسي اللي بيحصل لينا و حوالينا
وأعتقد ان الشيشة لسه مش غليت زي الأكل
يبقى علينا وعلى الشيشة وأهي أوفر من غيرها

بجد بوست تحفة خرافي ،،، وشوية بشوية المعنى اللي في بطن الشاعر بيطلع
كمان الأغنية بجد فطستني ضحك
رغم إني كنت متضايقة قوي
بس إمتى بقى هنعرف المهمة ايه هي
وكمان امتى الحجر اللي جاي هينزل؟
يووووووه أقصد الحلقة اللي جاية
:)

ojg

Soooo يقول...

appy

انتي يابنتي كنتي موقفه خرفانك على باب المدونه؟؟؟
ده توقيت تعليقك تقريبا بعد مانا كتبت البوس بحاجات بسيطه
شكلك بتراقبيني

الحمدلله ان الحلقه عجبتك وانك ابتديتي تشغلي دماغك اللي بدأت تسقع من كتر البتنجان بتاعك


ملحوظه
انتي مره تقولي (تعبانات) ومره تقولي (كلبه) ودلوقتي بتقولي (كلابش - مقص - فواكيهه) .. وبتتريقي على كلمة (راخر) ؟؟؟؟؟



سلاموووووووووووز

Soooo يقول...

سمية

ياستي اجزي براحتك .. يعني هو الحجز بفلوس
وبعدين على فكره .. الشيشه دي اختراع يالهووووووي .. ولا ليه اي لازمه
تحسي انك تنين بينفخ دخان وبس .. انما ولا دماغ ولا اي حاجه
وسلميلي على ابنتك العزيزة .. الانسه فتكات




سلاموووووووووووز

Soooo يقول...

مدحت محمد

حليب قلبي
ازيك ياباشا .. وانا اقول البلوج نور ليه .. اتاريك هنا يا برنس
وبعدين انت من اولها هتسيحلي ياعم
انا ولا كنت باشيش ولا كنت باطالب القهوجي بالولعه
بطلو اشاعات مغرضه من اجل تفكيك قوى الشعب

وعلى فكره .. كون اننا مانبقاش عارفين ايه هي المشكله .. هو ده المشكله


ملحوظه
مشكلة ايه ياعمنا ؟؟
انت قريت المذكرات من اولها؟؟؟



سلامووووووووووووز

Soooo يقول...

fatima

انا ولا بوظت غنوة ولا بليله ولا جيت ناحية ميدان رمسيس خالص
ده الطفل اللي جوايا هو اللي سهاني وسابني قاعد عالقهوة وراح عمل الحوارات دي
بريء يابيه
-----
فعليا .. انا باكتب مسرح وسيناريو افلام .. لكن في المدونه باقدر اطلع اللي انا عايز اطلعه .. مش زي السينما ولا المسرح اللي موجود فيه مقص رقيب

اه وعلى فكره .. ماينفعش مذكراتي دي تنزل في كتاب اصلا




سلاموووووووووووز

Soooo يقول...

الشنكوتي الكبير

ايه ياريس
مفتري ايه بس ياعمنا .. ده انا غلبان وخيخ قوي .. خيخ دي مذكر خيخه

والاغنيه حضرتك جبتها وانا في لحظة تجلي .. بحد ان ادركت قيمة الشيشه في حياة البشريه الضائعه

والحمدلله ان الحلقه عجبتك وانك متابعها





سلاموووووووووووز

Soooo يقول...

خمسه فضفضة

وعليكم السلام ورحمة الله وبركاته

ياستي انتي مش واخده بالك
في الحلقة اللي قبل اللي فاتت وضحت ان مستقبل مصر في البليله
ودلوقتي وضحت ان مستقبل شباب مصر .. في الشيشه

وربنا يستر على المستقبل الغامض اللي جاي في الحلقات الجديده



سلامووووووووووووز

Soooo يقول...

بت خيخة وأي كلام

يخرب عقلي اكتر ماهو خربان .. ده انا اموت فيها بقى

والحمدلله انك ضحكتي وان الحلقه عجبتك وانك بتقولي لاختك تقراها .. بس خليها تعلق مش تقرا وتمشي
عبرو اللي بيكتب الحاجات دي وقولوله فل عليك .. قشطه ياعم .. اي حاجه في رغيف يعني


ملحوظه
انا بطلت اشرب مخضروات من ساعة .. ايه النظام




سلاموووووووووووز

Soooo يقول...

SKOBL- Little Lazy Me

الله يكرمك بلاش حكاية طابور العيش دي احسن الاقي مفتشين حراميين جايين وفاكرين عندي دقيق وعايزين يسرقوه
الواحد مش ناقص تلبيش ياعمنا

والحمدلله ان الحلقه عجبتك وانك متابع المذكرات .. ويارب تفضل منورني بتعليقاتك كده دايما



سلامووووووووووز

Soooo يقول...

ابو خالد

والله العظيم انا اقل من كلامك الجميل ده يا سيدي الفاضل
وده انا اللي اتشرفت بتعليقك وتعليق كل اللي قرو شخبطتي البسيطه وتخاريفي اللي كتبتها

وبجد مش عارف اشكرك على مجاملتك دي ازاي

وش واحد لونه محمر ومخضر ومزرق من كتر الكسوف



سلامووووووووووووووز

Soooo يقول...

ojg

انتي جايه تعملي مظاهرة للشيشه هنا
لا
انا مدونتي طاهره
وهتفضل طول عمرها طاهره
ومتعقمه بدخان شيشه تفاح بحريني وارد الخليج

واوعدك بمجرد ما ابقى تحت قبة البرلمان الصغير .. هاخلي شعار حملتي .. الجوزه لكل مواطن لم يتجوز .. والجوز لكل مواطنه لم تتجوز


الحمدلله ان الحلقه عجبتك



سلامووووووووووز

only spot يقول...

سلام عليكم
طيب انا فى انتظار المهمه ان شاء الله
ثانيا بجد البوست حلو وساخر جدا وفعلا كتير الافلام بتستخف بعقولنا بس متنكرش ان الانتماء للبلد دى مطلوب بس للاسف مبقاش موجود بقى انتماءنا للمزاج وبقينا كلنا عاملين دماغ
تحياتى ليك يا سوووووو يا جامد

nigro يقول...

يا نهار مرغّي
دا الواحد نايم على سنانه و مش عارف إيه اللي بيحصل في البلوج سبوت
أنا ازاي ما دخلتش هنا قبل كده
إيه الدماغ الجامدة دي
بجددددددددددددددددددددد
انت موهوب فعلاً
شوف رغم ان أنا مشغول و طالع عيني و عين اللي جابوني و اللي ودّوني
انما هعمل حركة جريئة كده و أرجع أقرا الحلقات من الأوووول
بصراحة أسلوبك تحفة
تحفة حلوة يعني

مهندس مصري بيحب مصر يقول...

انا ما قريتش الحلقات كلها يا سوو
قريت آخر 4 بس
بس انت دماغك جامدة
و الأغنية شديدة خصوصاً و أنا بأقرأها و أدندن على لحن الأغنية الأصلية
تصدق عايزة تتصور و تنزل على اليوتيوب حتعمل سكور عالي قوي

الله ينور يا هندسة
:)

ka2en Makboot يقول...

السلام عليكم

متأخرة كالمعتاد

بس ايه الاغنية الايقاعية التحفة ديه ههههههههههههه
بتفكرني بالقصائد الديجيتال بتاعتي
كل واحد وكيفه بقى ;)

بس كان ناقصها تقوم ترقص بحيرة البجع وانت واخد الشيشة بالحضن علي انغام الاغنية المدخنة ديه :D

انا واثقة انك كنت بتكتب الحلقة ديه وانت بتشد نفس من الشيشة وهي اللي الهمتك الابداع ده

ابدع يا سوووو كمان وكمان ربنا معاك
تحيــــاتى

فرنسا هانم يقول...

تصدق يا سووووو انا كنت حاسه انك هتعمل كده
اول ما قعدت جنب السقا
اول سؤال سألته كان عن الشيبسى
عارفاك مفجوع
عموما مبروك على القص يا عم
ده الاص احلى رص بيحلى الفم
والمزه خيار وخص وكله تيرالم
تيرالم

انين الحزن يقول...

سوووووووووو

انت جامد جدا بجد ايه الحلاوة دي

كان فيه اغنيه زمان كدا وانا في المعهد بس كانت علي الحشيش

كان معايا واحد زميلي كان بيغنيها كان نفسي افتكره كانت تنفع الرص الا انت رصيته

تسلم ايديك بجد

سلاموووووووووووز
وزة

كاميليا بهاء الدين يقول...

سوووو : - صمت على تناحه على عبط على هطل طبيعي
....

أول مرة أسمع عن الكوكتيل ده
بس أهم حاجة إنه فريش وطبيعي
هههههههه

الحلقة دى حلوة اوى اوى

فيها نقد لأكتر من حاجه باسلوب غير مباشر
عجبنى اوى
وخاصة موضوع الشيشة ده

المرة دى احييك على امتلاكك لمفردات لغوية
جميلة فى كل الحوار

دمت مبدع

كاميليا

زى الهوا يقول...

ههههههههههههههههه يانهار ابيض على الاغنية اتحطمت خالص , بس حضرتك خيالى جداااااااااا , فى انتظار معرفة المهمة الصعبة اوى اللى الطفل الطخين هيعملها

د/اجدع بنوته يقول...

ههههههههههههههههههههههههه

ههههههههههههههههههههههههه

ههههههههههههههههههههههههه

جامده الاغنيه

حب الشيشه وحسها اه

دماغ انت والله

كمل كمل ياسو يامجننا

Unknown يقول...

اغنية هايلة فى حب الوطن فعلا
بقول اية مينفعشى تجيبلى واسطة اشتغل فى الجهاز رفيع المستوى

اهو ده عيبه يقول...

ازيك يا سوووو

انا رأيى انك تلحم (بالميم) الاغنية دى وتعبيها شرائط وتغرق بيها السوق،حتبقى الهيد فى كل الميكروباصات

بس متنسانيش بقى لما البلية تدور وربنا يفتحها عليك والاغنية تكسر كل المواقف

سهر الليالى يقول...

ههههههههههههه
ههههههههههههههه
ههههههههههههههههههه

جامدة المرة دى بجد
تأليس ع الشيبسى يارب يوصلهم ويوصل كمان للسقا واخد بالك

بس ايه يا ابنى الدماغ دى
حرام عليك دة انت شردت الأغنية ودى بقى لحنها عمر خربت ع البيانو ولا على بكبكة الشيشه بقى

بس ما شاء الله عليك بجد دلوقتى بس عرفت بتجيب الدماغ اللى بتطلع بيها الأفكار اللى بتكتبها منين
هههههههههه

تسلم ايديك

بس صحيح ألا هى ايه المهمه لأحسن هقتلك وبعدين مش قلتلك عايزة حلقة كل يوم

يل روح هات الحلقة
سلام مؤقت

aya يقول...

هههههههههههههههههههههههههههههه

لا بجد ملكش حل
والله بجد انت زى العسل
والقصة زى العسل

يا لهوى على ديه خلية نحل

بجد يا سوووو
رائعة

كمل والنبى
بالله عليك كملها

walaa يقول...

ههههههههه
هههه
هههه
ليه كده الاغنيه ديه بقت للشيشه بس بجد جامده
بس الشيشه على ما اعتقد انها بتخلى الشاب ميتخنش كتيير علشان بتسد نفسه على الاكل هما باين كده غلبوا فيييك من كتر الاكل قالووا خلاص نشربه شيشه علشان مياكلش كتيير

تنحت من كلمته .. وشعرت بحجم المسئوليه الملقاه على عاتقي .. فكيف لطفل طخين ان يعتمد عليه أناس كثيرون .. وهل سأستطيع ان أنجز هذه المهمة أم لا


الكلام ده يحمل معانى كتيير ه قوى
ربنا يكون فى عونه
تحياتى ولاء

Soooo يقول...

only spot

اهلا بيك والف شكر على تعليقك الجميل ده
وفعلا الانتماء للوطن حاجه مهمة .. بس انا باتكلم من الاول خالص بشكل ساخر
وبعدين دي مذكرات طفل .. بس طخين حبتين




سلامووووووووووز

Soooo يقول...

nigro

ياستي الف الف الف شكر على كلامك الجميل ده .. وبجد والله اخجلتم تواضعنا
واتمنى انك تنورني هنا دايما وتعتبر مدونتي زي مدونتك تمام وتعلق براحتك خالص



سلامووووووووووووز

Soooo يقول...

مهندس مصري

الله يكرمك يا هندزه
والف شكر على اقتراحك بانها تتصور .. بس هل تعتقد السقا ومدحت صالح هيقبلو يطلعو فيها؟؟؟

وبعدين خد هنا يا عمنا .. ماقريتش ليه المذكرات من اولها
ده اسمه كلام برضه
هو انت عمرك شفت عماره تطلع على الورد السادس من غير مايتعمل الدور الاولاني واللبشه بتاعتها
حلوة اللبشه دي



سلاموووووووووز

Soooo يقول...

كائن مائي

ياستي حتى لو جيتي بعد مليون سنه
كفايه انك سبتي الربعمية طالب اللي انتي مسئوله عنهم وجيتي بنفسك

وبعدين لعلمك .. انا راقص باليه محترف اصلا
وياسلام علي لما بالبس البدله الاسترتش اللي بيلبسوها بتوع الباليه وتلاقي كرشي باظظ منها
ايه باظظ دي؟؟؟

نورتيني ياستي .. وفين الحلقات الجديده بتاعة الف ليله وليله؟؟؟؟



سلامووووووووووووز

Soooo يقول...

فرنسا هانم

يعني انتي تعتقدي ان الطفل الطخين ده ممكن يفوت الفرصه ويتكلم مع السقا في اخر اخباره الفنيه .. طفل يبقى هيتكلم عن الشيبسي
وممكن عن الشيشه لو هو طفل متشرد



سلاموووووووووووز

Soooo يقول...

انين الحزن

الف تشكرات يافندم على تعليقك الجميل ده
بس الاغنيه دي تأليف شخصي المتواضع ولا علاقه لها من قريب او من بعيد بأي نوع من انواع المخضروات

ملحوظه
اعتقد انك قصدك على اغنية ياليل مليان حشيش .. ياليل مابينتهيش



سلاموووووووووووز

Soooo يقول...

كاميليا

يا كاميللو الكوكتيل ده كوكتيل سووووي من النوع المتفشخر .. حاجه كده بتنزل للحبايب بس يعني

والحمدلله ان الحلقه عجبتك


ملحوظه
الكلام اللي انا باكتبه ده مايجيش واحد على عشره من الابداع اللي انتي بتقوليه



سلاموووووووووز

Soooo يقول...

زى الهوا


ازيك يا ميس
انا ياميس ولا حطمت اغنيه ولا عملت حاجه خالص
ده اللي حطمها الطفلل الطخين اللي في تانيه اول
وبعد ما حطمها طلع عالكانتين نسف الشيبسي اللي هناك

ميس ميس ميس .. ممكن اروح الحمام؟؟؟؟




سلاموووووووووووووز

Soooo يقول...

د/اجدع بنوته

ياقهلا ياقهلا ياقهلا
ازيك يا دكتوره وازي والدك العزيز .. يارب تكون الغنوة عجبته
والف شكر على تشجيعك وعلى تعليقك الجميل



سلامووووووووووووز

Soooo يقول...

ايوية

هي من ناحية انها اغنيه وطنيه فده مما لا شكل فيه طبعا
واعتقد اني ممكن اشوفلك واسطه تشتغلي في الجهاز
بس جهاز العروسين
مييين .. عبد الرحيم عمرو
احتكم الامر



سلاموووووووووووووز

Soooo يقول...

اهو ده عيبه

ياستي لو على الـ لحم فانا اعرف ملحم صاحبي بس ايه
بيئه بيئه يعني
بس المشكله ان الغنوة دي متلحمه جاهزه .. وعلى نفس لحم اغنية زي ماهي حبها بتاعة مدحت صالح في فيلم مافيا

واكيد طبعا مش هنساكي .. هبقى اشوفك بجوز جنيهات




سلاموووووووووووز

Soooo يقول...

سهر الليالى

بكبكة الشيشه ؟؟؟
بكبكة الشيشه ؟؟؟
اسمها كركرة الشيشه
عشان لما الواحد بيشيش .. بيكركر من الضوحك لو الحجر متعمر صح
بطلو بقى لخبطه في المصطلحات العلميه دي
ده علم وليس بتنجان

وبعدين حلقة كل يوم ازاي وانتي عارفه اني هبطل اكتب بعدها .. ولا تكونيش مستعجله اني ابطل كتابه؟؟؟؟؟؟





سلامووووووووووووووز

Soooo يقول...

aya

الحمدلله ان الحلقه عجبتك
والف شكر على كلامك العسل اللي قلتيه ده
بس تقريبا كتر العسل خلى صوابعي ملزقه

وان شاء الله هكمل المذكرات ويارب تعجبك وتعجب كل اللي بيتابعوها



سلاموووووووووووز

Soooo يقول...

walaa

خدعوكي فقالو ان الشيشه بتسد النفس
الكلام ده عند الناس الطبيعين
مش عند الطفل سوووو المعجزه
ده بيبقى متغدي وبيشيش يحبس الاكل .. يخلص الحجر يجوع اكتر


وبعدين انتي لسه شفتي حاجه
ده في شوية كلام مجعلص تقيل قوي جاي في السكه
طبعا .. مش مهمة وطنيه




سلامووووووووووووز

مي بهاء الدين يقول...

ههههههههههههههه
شكلنا كده هانضمك لينا انا واصحابي عشان احنا بلا فخر مبوظين نص الأغاني اللي في البلد
وانت تملك الموهبة
ألذ حاجة بأه إني دايما وانا باقرالك باتخيل الواد الطخين العسل وبيصعب عليا ... بوست مجرم جدا
:)

Mafrousa يقول...

الصراحة انا الاول مافهمتش...
و بعدين قلت اقراها بالمقلوب زى الجرنال .. يعنى من الصفحة الاخيرة....
قرات التعليقات فى الاول .....و كده انا فهمت .. انت بتكتب على حلقات ... ااااااه حاجة تاليف يعنى...
ياعم افتكرتك مصاحب احمد السقا و منى زكى ..... بس بجد دمك خفيف.. بس ايه الميشن امبوسيبل اللى حتعملها..خد بالك لحد يضحك عليك .. ما هو بعد الشيشه اكيد دماغك لفت........

مشمش يقول...

جميلة اوي الاغنية ورومانسية جداااا
وتاليفها تحفة تسلم ايدك

Reham Mahmoud يقول...

بجد جميل جدا هههههههههههه
بس انا عندى اعتراض انا زعلانه من السقا علشان مش لقيه شيبسى بالخل ابقى قولوا والنبى ياsoooo
وعلى موضوع الشيشه كله دلوقتى بيستعمل الشيشه بشكل سئ
والكافيهات بقت مابتعرفش تظبط الشيشه نعمل ايه بس
اطلبلى واحد حجر تفاح والنبى وظبطه
تحياتى
ريهام

مواطن مصرى نايم يقول...

الله ينور عليك
ايه الدماغ اللى بالشطة والليمون دى
دا انت خليت الليله كباب و كاتشب خالص
احلى حاجة ان البوست ده من غير مواد حافظة
بس دماغك جامده
و مغلفه
لا والله بجد بوست جامد جدا
و دماغك عاليه قووى
و مدحت عامل شغل معاك

3ala asm masr يقول...

جامده جدا الاغنيه بجد
بس سيبك انت انت قدها وقدود يا سووووووو

مروة الزارع يقول...

هههههههههههههههه

اية الاغنية دى يا تحفة

والله وطلعت حشاش

هههههههههههههههههه

الحلقة دى جااااااااااااامدة طحن

...........

تصور انى اكتشفت انى مش معايا ايميلك

ايملى هو

new_life294@yahoo.com

ضيفنى يا معلم

:)

Ehab يقول...

انت يا واد مش تتأخر في الحلقات انا متابع وقاعد مستني وطبعا بعد ما امشي الاقيك نزلت الحلقه وتلتميت تعليق سبقوني
انا هاعلق من دلوقتي على الحلقه الجايه علشان اخد التعليق قبل الأول كمان

----------------
الحلقه المره دي جميله قوي ومفاجأه مكنتش اتوقعه اقولك عليك ايه بس
بس انت كده ابتديت تخبط في لقمة العيش يا معلم
----------------

ايه رايك تعليق يمشي على اي حاجه هتكتبها انت دايما بتفاجأنا وبرده بتخبط بحاجات من تحت لتحت ليها هدف ومعنى
يالا بقى انا عايزة جايزة التعليق قبل الأول

سلاااااااااااااااااام

رئيس جمهوريه نفسى يقول...

ههههههههههههههههههههههههههههههههههههههههههههههههههههههههههههههههههههههههههههههههههههههههههههه
بجد والله العظيم تسلم ايدك يا عجوز بس سوال يحضرنى وبشده الشيشه كانت ايه تفاح ولا قص ولا نعناع
--------------------------------
سو انا اسف بجد على البوست الى عندى ومش عارف ااقولك ايه بس ربنا يرحمها ويسكنها فسيح جناته

Unknown يقول...

مدونة سووو قدامك حبها
اقرا مذكراته و اضحكلها

ههههههههههههههه

عاوزة نمرة احمد السقا عشان اعمل حوار و النبى
دخت عليها

ههههههههههههههههه

----------------

ابقى تعالى حفلة عبد الحليم

Unknown يقول...

أذا كنت من عشاق الحاضر الغائب العندليب الأسمر تقبل دعوتى لحضور ( ليلة عبدالحليم حافظ ) حفل موسيقى على انغام العود يوم الأحد 30 مارس س 8 مساءا بساقية الصاوى- أسفل كوبرى 26 يوليو الزمالك - احياءا لذكرى فنان حفر بحنجرته حكاية شعب - 20 ج التذكرة و للأعضاء 15 ج

simple girl.. ..simple dream يقول...

ليه يا سووو كدة
اهو هنختلف انا وانت
فى شباب صغير
teenagers بيقرالك
يمكن هما مش مدونين ومش بيسيبوا تعليقات لكن صدقنى هما بيقرولك وبيبعتوا الحكايات دى على الميل
فيلاقوا واحد عجوز عنده 30 سنة بيغنى للشيشة وكمان احمد باشا السقا شخصيا بيشجع الناس على التشييش
لا يا سوووو
كدة مش صح
صحيح الحلقة دمها خفيف بس فى حاجات اهم من الضحك والهزار

Desert cat يقول...

سوووووووو
يا سووووووو
ممكن ادخل
يعنى بعد اذنك
المهم انا جايه اقولك انا متابعة باستمرار بس مش كنت برد
اصل كرامتى كانت بتنقح عليا
اوم ايه
لما رديت عندى مرة قول اتنين اتحرجت اوى بصراحة قوولت عيب ولازم اخد تاكسى على حسابه واروح اقوله شكرا ونجاملكم فى الافراح

Soooo يقول...

maii bahaa

ده يبقى لي الشرف اني انضم لرابطه اصدقاءك مخربين ومبوظين الاغاني

اصل انا كان نفسي اطلع مغني زمان .. بس قفشو علي عشان انا اقرع

نورتيني ويارب تفضلي منوراني دايما وماتقطعيش الزياره

ملحوظه
طفل مين اللي يصعب عليكي .. ده البلد هي اللي صعبانه علي منو



سلاموووووووووز

Soooo يقول...

واحدة مفروسة

خبر ايه يامفروسه
انتي جايه تفرسيني ولا ايه
لا لا لا
نصحصح مع بعضينا كده
وبعدين علوان الموضوع واخد رقم تسعه .. يبقى اكيد في علوان واخد رقم تمانيه وسبعه وسته وهلم جرجر

نورتيني بجد
وياريت تعتبري مدونتي هي مدونتك تمام وتعلقي عندي دايما


ملحوظه
يعني ايه مفروس؟؟؟



سلامووووووووووووز

Soooo يقول...

مشمش

انت فين يا صاحبي
مختفي ليه بقالك فتره
لعل المانع خير يارب



سلامووووووووز

Soooo يقول...

Reham Mahmoud

كان في زمان على ايام طفولتي المشرده اعلان لشيبسي بالخل فيه ولد بيقول لصاحبه ياااه .. ده انت خليتها خل خالص
وقعدت مستغرب .. يعني خلاها خل ازاي .. يمكن قصده خليك خليلي يعني صاحبي؟؟؟

بس اوعدك بمجرد ما اقابله المره الجايه هخليه يقول للمسئولين في وزارة شيبسي يخلو حياتنا خل .. او يدونا الخل واحنا نخلل الشيبسي بمعرفتنا

ملحوظه
الشيشه كانت زماااان .. الله يرحمك يا قاسم يا امين ويا رفاعه الطهطاوي ويا زكي جمعه



سلامووووووووووز

Soooo يقول...

مواطن مصرى نايم

ايه ياعم الاعلان مدفوع الاجر اللي انت عامله ده

بس سيبك انت .. نورتني والله
والف شكر على تعليقك الجميل ده ويارب تتابع المذكرات ويارب تعجبك



سلامووووووووز

Soooo يقول...

3ala asm masr

ياقهلا ياقهلا ياقهلا
ازيك يابنتي وايه اخباراتك

ومشكرين على التشجيع ده
مشكرين بجد يعني



سلاموووووووووز

Soooo يقول...

مروة الزارع


اهلا بيكي يا بنت عمي
والحمدلله ان الحلقه دي عجبتك
بس على فكره
انا مبطل الصنف بقالي ردح من الزمن


ملحوظه
تمت اضافتكم ياستي .. وكلمة السر كتكوت




سلاموووووووووووووز

Soooo يقول...

الشنكوتي الكبير

صبرك بالله يا هوبا يا حبيب قلبي
مسافة الحجر وهتلاقي الحلقه نازله ان شاء الله
يعني على يوم الاتنين الجاي بامرك يارب
اصله حجر جملي شويه



سلامووووووووووز

Soooo يقول...

رئيس جمهوريه نفسى

الله يسلمك يا ابو حنفي ياخويا
والحجر كان كوكتيل .. قص على معسل على تفاح على خوخ .. بس النعناع خلص فمشيناها جرجير .. واهو كللو اخضر
-----
ماتتأسفش على حاجه يا ريس
انت اكيد مش قاصد حاجه
وربنا يارب يخليلك والدتك وتفرح بيك وبولادك وولاد ولادك
ويرحم موتانا وموتى المسلمين يارب



سلامووووووووووووووز

Soooo يقول...

عاليا حليم

ربنا يخليكي يارب
وربنا يقدرني واساهم في رسم ابتسامه على وشك وعلى وشوش كل اللي بيقرو المذكرات

وان شاء الله هحاول اجي الحفله
واهو بالمره الواحد ينضف ودانه شويه من اغاني الفضائيات الغريبه دي

ملحوظه
يمشي معاكي نمرة شريف عرفه او سعيد حامد المخرجين .. او فتحي عبد الوهاب او عمرو واكد او خالد صالح او علا غانم ؟؟؟؟؟



سلامووووووووووووز

Soooo يقول...

simple girl.. ..simple dream

ازيك ياعروسة المدونين
وازي عريسك
بقى كده تفاجئونا بالخبر الجميل جدا ده
ربنا يارب يباركلكم ويبارك عليكم ويجمع بينكم في الخير ويبعد عنكم شياطين الانس والجن يارب
--
انا ياستي مش باشجع على الشيشه
لو قريتي الكلام تاني كويس هتلاقي اني ضد ده .. واقري علامات الاستفهام اللي انا حاططها على سؤالي لشخصية السقا لما بقولو انت بتنصحني انا والشباب والاطفال اننا نشيش؟؟؟؟

وبعدين مبدأيا بقى .. انا ضد ان حد ياخد كلامي ويبعتو ايميلات لصحابه ايا كان هو مين .. لان دي سرقه
ولو انا هخاف على شعور اللي سارقني .. يبقى الاولى بيه انه يخاف ربنا لما سرقني


نصيحتي ليكي .. اقري مابين السطور .. وفكري انا قصدي ايه .. وماتكتفيش بمجرد كلام مكتوب ممكن يتفسر غلط زي مانتي فسرتيه



سلاموووووووووووووز

Soooo يقول...

Desert cat

كرامتك بتنقح عليكي؟؟
وبتستأذني وانتي داخله المدونه؟؟
هو في مابين الاخوات كرامه ولا استئذان يابنتي؟؟؟

واحنا اكبر من كده اكيد


سيبك انتي
كل سنه وانتي طيبه ومدونتك منورة وملعلعه ومخربشه
فين نصيبي بقى في الجاتون؟؟؟؟؟



سلامووووووووووووز

رئـــــيسـة حزب الأحلام يقول...

السلام عليكم اية الحوارات الجامدة دى ياعم

زُمُرده يقول...

يااااااااااااااااااه

فكرتني بأول بوست جيت قريته هنا

كدب الابل

ههههههههه

اولا: وسع علشان جايه اخد حقي من ناس

ثانيا:اسلوب روعه زي عادتك

ثالثا: هي دي مصر معظم اغانينا عن هجص وكلام ملوش قيمه
زي اللي غنى للقفا

4 : هي دي حكومتنا وسياسة بلدنا الطرق الغير مستقيمه
وال "إن" واللعب بالعقول
والشاطر اللي يفهم

ديما بنشجع كل اللي يجيبنا ورا ونقول تحضر وموضه وتمدن

اما احمد السقا فنعم المثل
دايما بنستغل الناس اللي تعرف تحول اتجاهات البعض من الرفض للمحاوله للايجاب

----------------
كفايه كده لحسن الالم اشتغل
سلام

غير معرف يقول...

بقولك إيه

موضوع الشيشة دة مش نازل لي من زور
بقي الناس عماله تقول السجاير و التدخين و وقفوا التدخن، و أنت عامل لي أغنية في االشيشة

بس بجد حوّرت الأغنية جامد و لا أجد شاعر غنائ
لما نشوف بق إيه اللي حيحصل بعد الحجر المتين اللي دبيته ..
صحة و عافيية

إنجى يقول...

معلش يمكن انا مش فاهمة القصة لسة
لانى ماقريتش فيها كتير
بس بوست سينماتيك فعلا حلو

انجى

سلوى يقول...

جامده

ممكن سؤال

هو إنت ليه مش بتكتب خواطر أو أشعار ؟

بس الموضوع جامد
خد بالك حد يسرقه
وتبقى حكايه

دمت بكل خير سووووو

moory-mero يقول...

السلام عليكم ورحمة الله وبركاته

الله الله الله
روعه بجد كل يوم بستمتع هنا بقراءة مدونتك
حقيقي أدمنت المدونة
اسلوبك هايل حقيقي
ربنا يحميك يارب

عجبتني الغنوة جدا ومدى السخرية اللي فيها وسخريتك في ردك على السقا في نصيحته لك انك تجرب الشيشة

بجد موش شفت حد بيكتب بطريقة سلسة ومعبرة بطريقة جميلة كده
تسلم ايدك

Ahmed Al-Sabbagh يقول...

صديقى العزيز ابن منتقتى

جامدة اوى يا واد

دى تانى مرة اقراها

ياريت اشوفك بكرة بقى وبطل رخامة وكسل

سلاااااااموز

احمد

المنسى يقول...

السلام عليكم
هههههههههههههه
هههههههههههههههه
هههههههههههههههههه
بجد أول مرة شوف مدونة دمها خفيف بالشكل ده بجد صحابى طلعوا يجروا يشوفونى بضحك على إيه وانا قاعد لوحدى قالوا غتجنن ده ولا إيه
عامل إيه ياسوواحشنى طبعا إنت مش ها تفتكرنى أنا إللى كنت معاك على البورصة
وقولتلى إنك مهندس ديكور وقاعدت تحكيلى على الشغل والديزاين لما عرفت إن أنا فى عمارة مدونتك رائعة جدا
تحياتى ليك
http://www.elmancy2000.blogspot.com/
ياريت تنورنى

Soooo يقول...

رئـــــيسـة حزب الأحلام


وعليكم السلام ورحمة الله وبركاته
ولا حوارات جامده ولا بتاع يا ريسه
دي مجرد خطرفه وتهييس
منوراني والله


ملحوظه
ياترى طلبي في الانضمام للحزب اتقبل ولا لأ .. ولو اتقبل اجي امتى اخد البطانيه والكوبرتا؟؟؟



سلامووووووووووز

Soooo يقول...

زُمُرده

ياااااااااااه
طب تصدقي بالله
انا فرحت اشدما فرح لما لقيت تعليقك منور المدونه عندي
انتي من أوائل الناس اللي وقفو جنبي وشجعوني وادوني امل .. امل في بكره

ملحوظه
اوعي تزعلي مني ولا تختفي وتحرميني من تعليقاتك تاني


سلامووووووووووز

Soooo يقول...

الدائخ

منورني والله العظيم يابو الدوخ
وبعدين الشيشه دي يالهوي عليها
انت عارف ان نفس واحد من الشيشه يعادل ضرر اربع سجاير ؟؟؟
والمشكله ان الناس مش متخيله ده وبتقولك الشيشه اخف عشان بعكس السجاير مش باشربها كل شويه وباحتاج اروحلها قهوة عشان اشربها

لكن هنقول ايه .. اهو كل المكيفات بتجيب ضرر .. حتى لو كان مكيف كارير

والف شكر على تعليقك وعلى متابعتك .. وتابعونا وستعرفو تأثير الحجر اللي شربته



سلامووووووووووز

Soooo يقول...

إنجى

اهلا بيكي في اول زياره لمدونتي المتواضعه واتمنى انك تعتبري مدونتي زي مدونتك تمام وتشرفيني دايما بأراءك وتعليقاتك

وبالنسبه لانك مافهمتيش حاجه فلو كنتي قريتي المذكرات من اولها كنتي هتفهمي انا وصلت فين في الاحداث

والف شكر على كلامك بخصوص موضوع سينيماتيك .. والحمدلله انه عجبك




سلامووووووووووز

Soooo يقول...

Salwa

ياقهلا ياقهلا ياقهلا
فينك وفين اراضيكي وفين تعليقاتك ياستي
اوعي تختفي تاني انا بقولك اهو

وعلى فكره .. انا فعلا باكتب شعر وخواطر .. بس مش بانشرهم لاني باميل للجانب الحزين في الشعر .. وانا مش عايز اخلي اللي بيتابعو المدونه يتضايقو ولا يحزنو .. عايزهم يضحكو واضحك مع ضحكهم
ولو مش مصدقه اني كئيب في الشعر .. دعبسي كده على موضوع اسمه ساعات كنت كاتبه زمان .. اقريه هتلاقي اني كئيب كئيب يعني

اما بخصوص السرقه فمش عارف اعمل ايه .. انا ياما اتسرقت الحقيقه .. واعملي سيرش في جوجل على المواضيع الجايه
مقارنه بين الطفل الفافي والطفل البيئه
مسطول في امتحان عربي
ابن الناقه
حكاية التلات بنات

هتلاقي ان المواضيع دي منتشره في معظم المنتديات .. لكن هعمل ايه

على اي حال .. الحمدلله اني باقدر اساهم في رسم ابتسامه على وشوش الناس



سلامووووووووووز

Soooo يقول...

mariem_mero

وعليكم السلام ورحمة الله وبركاته
والله ماتتصوريش انا سعيد وفرحان قد ايه بتعليقك الجميل ده
والحمدلله اني باساهم في رفع روحك المعنويه وباساهم في رسم ابتسامه على وشك
وربنا يكرمك يارب ويبعد عنك وعن كل الناس الهم والغم والنكد



سلاموووووووووووز

Soooo يقول...

Ahmed Al-Sabbagh

ربنا يكرمك ويعمر بيتك يابن منتقتي
والحمدلله انك قريتها للمره التانيه وعجبتك
بس انت ماعلقتش عليها ليه لما قريتها اول مره يا واد


ملحوظه
اتصل بي صحيني عشان شكلي فعليا هنام بعد ما ارجع من صلاة الجمعة



سلامووووووووووووز

Soooo يقول...

elmancy

ياخبر
طب تصدق والله زعلت
طبعا فاكرك ياهندزه
انا صحيح كبرت وبقيت عجوز
لكن ولله الحمد والمنه .. لم يصبني داء الزهايمر بعد
اه عندي روماتيزم في المفاصل .. والسكر زاد علي .. الضغط شغال .. القب بيهُق شويه .. لكن الا الذاكره

!!!!
ايه ده ؟؟
انا فين ؟؟
انا فقدت الذاكره




سلامووووووووووووز

YHYيــوســف الـمصـرى يقول...

السلام عليكم ورحمة الله وبركاته
..........................
شوفت تعليقك عند الصباغ وقلت انك أبن منطقته .. وبتالى ابن منطقتى انا كمان :)
صراحة اول مرة اجى هنا وشكلها مش الاخيرة يا ريس ولو انى لسة مفهمتش الحوار اوى يعنى ! بس هنرجع ونقرا المدونة من الاول يمكن اوصل لحاجة هههه
انا سعيد انى شفت المدونة دى وسعيد اكتر ان منطقتنا بطلع ناس جامدة كده زيك وزى احمد الصباغ ..
انا من أحمد زكى وانت منين ؟ :)
تحياتى

انا مذنب يقول...

انا مبقتش عارف اسيبك الرد هناك ولا هنا قلت اجيبه معايا علشان تقراه
وسعيد جدا بزيارتك ومتابعتك


لك مني كل التحيه

sooo

أخي الكريم
انا معجب جدا جدا باسلوبك في الكتابه ومتابعه من فتره كبيره على فكره

اما عن كلامك فمعك كل الحق
كلنا لينا اخطاء
وانا في الواقع العملي مبكونش بالسوء ده انا بحاول هنا في المدونه اني ارسم شخصيه خياليه في اسوأ ما رايت في كل البشر وعلى رأسهم انا نفسي لأني اكيد في جوايا اخطاء كتير مش دعوه للفساد ولا حاجه لكن علشان نشوف الصوره من وجهة نظر الشرير بتاع القصه وبالتالي مش هتفضل كتاباتي دايما عنيفه ومؤذيه كده يعني
انا ناوي اكتب لما الشرير ينجرح برده او يتغدر بيه ويجرب هو كمان
بس استنى عليا لم الناس تكره الشخصيه دي قوي علشان انزل بالحته بتاعة انه يتظلم هو كمان واشوف رد فعل الناس هيتعاطفوا ولا هيشمتوا فيه

يعني اهي تجربه وعايز اعيشها
سعيد جدا بتعليقك وبكلامك

لك مني كل التحيه

Unknown يقول...

انا وصلت متاخرة اوى كده
هى الناس دى بتقف على المدونة مستنية مذكراتك ولا ايه
يلاياعم مش حسد ده على فكرة خاااااالص
بس الواحد نفسه مرة حتى يطلع من العشرة الاوائل فى التعليقات
بس بقى وبدون رغى كتيييير الحلقة دى جامدة اخر حاجة والاغنية ياخرااااااااااابى انا سامعة صوت مدحت صالح بيعيط عشان الاغنية اللى اتدمرت دى
بس سيبك ياسوووو كده احلى بكتير ماشية مع الحدث اكتر
هههههههههههههههههههههههههه
الضحك ده هوا اللى فالحة اعمله بس كل لما اقرا لك حاجة انا حاسة انهم عندى فى البيت هيشكوا فى قواى العقلية قريبا بسببك
رغيييت كتير برضه معلش سماح بقى بس بجد المدونة كانت وحشانى
احلى سلام ليك ياسوووو
ماتنساش مصر كلها فى رقبتك

Unknown يقول...

ههههههههه
يخرب بيت فقرك
انا اتسطلت على الريحة
انت بتتفرج على التلفزيون كتير يا راجل يا عجوز باين عليك

Soooo يقول...

YHYيــوســف الـمصـرى

وعليكم السلام ورحمة الله وبركاته
اهلا بيك ياباشا واهلا بكل المدونين اللي من المعادي
والحمدلله اديني باكتشف كل يوم مدون محترم من ابناء المعادي الاحرار

وانا ياسيدي من المعادي الجديده .. عند شركة جابكو للبترول او تقدر تقول عند المودرن اكاديمي

وعلى فكره .. انا اقترحت على الصباغ اننا نعمل مدونة مشتركة ونسميها معادي فور ايفر .. ويشترك فيها كل المدونين اللي من المعادي
ونتجمع مع نفسنا ونتكلم براحتنا ونشوف ايه الحياه
وبعد كده .. نعلن استقلال المعادي ونعملها جمهورية مستقله




سلامووووووووووز

Soooo يقول...

انا مذنب

ده انت دمااااااااااغ يا جدع
تصدق فكره لاسعه وحلوة والله
وفعلا .. اكيد الشرير في لحظات ضعف وانكسار في حياته
زي تاجر البندقيه وريتشارد الثالث في روايات شكسبير

عموما ياسيدي .. ربنا يوفقك في المواضيع بتاعتك وفي طرحك لوجهة نظرك
بس خلي بالك لا تبقى مذنب وشرير بجد


نورتني حقيقي .. وياريت تفضل منورني على طول




سلامووووووووووووز

Soooo يقول...

totaaaa

ياستي انتي تعلقي وقت ماتحبي
وبجد والله العظيم مش بيفرق معايا التعليق الاول من التعليق العشرتلاف
المهم انك تعبتي نفسك وكتبتيلي تعليق
ودي في حد ذاتها .. كبيره عندي قوي

ويارب تفضلي تضحكي وتعيشي مبسوطه على طول
ولو حد قالك انتي بتضحكي ليه
قوليله هو لازم اعيط يعني؟؟؟؟





سلاموووووووووووووز

Soooo يقول...

لماضة

ياه يالماضه
اخيرا ظهرتي
طب والله كنت قلقان عليكي
قلت احسن تكون اتلامضت مع حد وراح متعامل معاها بطريقته .. وكل شيخ وليه طريقته

وبعدين انتي مش واخده بالك من جزئيه مهمة
الواحد لما بيجي ياكل بيحب يتفرج عالتلفزيون من منطق اي حاجه تسليه وخلاص .. وبما اني طخين قوي .. يبقى باكل كتير قوي .. يبقى بالتفرج على التلفزيون كتير قوي قوي
صح ولا ايه؟؟؟


نورتيني وماتختفيش كده تاني احسن ازعل




سلامووووووووووووز

رحــــيـل يقول...

سوووو

الموضوع كبر والسقا دخل فى الموضوع وكمان مدحت صالح

هههههههههه

متابعه معاك

Asmaa mahaba يقول...

هههههههههه
شربوك حاجه اصفرا وفى كبايه يا سووو اخص وسمعت كلامهم...خليتك ورايا لحد ما شيلت تخاريف مجنونه وبقيت تخايف مجانين ما تيجى تخرف معانا ولا ملكش نفس
بس انت هايل
توتو توت ترتوت تروت موبايلك هاتو من اى تو
مش دى برضوا بتاعه السقا
ههههههه
قلبت الموبايل شيشه
وبعدين ينفع كدا انا التعليق المائه انا ديما اخر من يعمل
انا حروح اعيط
تحياتى ليك سومه_87

Asmaa mahaba يقول...

ههههه العجيبه ان ابى لسه فاهمه الموضوع
صباح البطاطا يا ابى
تحياتى ليك سومه_87

shreen يقول...

شوف يا سوووو بقى انا عندى ذمه

اولا : والله بجد
انت وحشتنى جدا
وانا عارفه انى عيله رخمه ومقصره معاك

بس والله دايما غلاوتك محفوظه
اكيد ده انت بتحسه من ردودى عليك

ثانيا ك انا قعدت بقى وضبطت دماغى شويه كده
وقريت كل اللى فات من مذكرات طفل طخين

بس ما قريتش سينيماتك

علشان احداث المذكرات ما تتلخبطش فى دماغى

قابلت منى زكى
ومصطفى شعبان
واحمد السقا

وكمان سونيا جراهام فى الموضوع

ولسه بتدور على العيله

يا بنى ده انا كنت نسيت اللى جابونى

واحده ما لهاش انتماء بقى .. تعمل ايه

وبعدين اوعى تتنازل عن الرز بلبن بالمكسرات بتاع المالكى

انا بعشقه اصلا
وهتخلينى اطلبهم دلوقت بعد ما اخلص معاك
يجيبولى طبق

كل مره اقرا عندك
تقول على اكل
تتفتح نفسى .. ويطلع فى دماغى اقوم جيباه

وبعدين بقى على السجاير
انا مش موافقه

لا يا عم الفارق رهيب بين المارلبولو والكليوباترا

الاولى تبغ
والتانيه صراصير مطحونه.. مع اجنحه خفافيش .. وشوية رجلين ضفادع

هى دى التوليفه التمام بتاع كليوباترا

وبعدين ما تخافش
هتنجح فى المهمه

عارف ازاى

ادهم صبرى هيكون بيراقبك من بعيد

وبالذات ان الموضوع فيه سونيا يبقى لازم خد خبر

واول ما تيجى انت تعك الدنيا
هيظهر ويضبط الموضوع

ادينى قلتلك على سر امنى اهو

بس انا عارفه انك على قد حمايه الاسرار الرهيبه دى.. اوعى تقول لحد انى قلتلك

فيها رفد دى .. ماشى


يا لا ياعم
مستنيه الجزء 10

كل الصداقه والود يا سوووو

سلاموززززززززززززز
:)

سمية يقول...

ايه يا عم سوووووو..
هوا لسه بيغير الحجر..انا كل شوية عمالة ادخل عشان اقرا الجديد ومش بلاقى جديد..

انت غطت فين كل ده..
مستنين الحلقة الجديده...

وسلامووووز يا سيدى..ؤرببببرلؤ33

سمية يقول...

عدم اللا مؤاخذة
الكلام الخرانى ده اضافة من
فتكات..اصلها قعدت على الكيبورد..

حمامة يقول...

ههههههههههههه
الاغنية فظيييييييعه بجد
انا هاموت واعرف ايه هى المهمة اصلاً

غير معرف يقول...

المذكرات دي كلها وطفل

انا بقالي اكتر من اسوبع عمال اقرأ فيهم

ودلوقتي حاسس ان انا الي دماغي بقت طخينه

ربنا يكرمك يارب

بس فيها فكره


محبتي

موناليزا يقول...

يعنى بعد ده كله وماتقولش المهمة ايه ده كلام ياراجل؟

moory-mero يقول...

السلام عليكم ورحمة الله وبركاته

موش عارفه أقولك ايه ربنا يكرمك يارب
كلك ذوق
ربنا يبارك فيك :)

Soooo يقول...

ra7eel

ياما في الجراب يا حاوي
انتي لسه شفتي حاجه
ده في زيطه هتحصل

منوراني .. وماتختفيش كده تاني يابنتي



سلاموووووووووووز

Soooo يقول...

somaa mahaba

اهلاااااااان
ازيك يا مجانينووووو
بس تصدقي فكره حلوة والله
تتجننو جماعه احسن

منوراني والله يا سومه
وعلى فكره
انك تعلقي حتى ولو تعليق رقم مليون .. احسن من انك ماتعلقيش خالص



سلاموووووووووووز

Soooo يقول...

shreen

الحمدلله ان بالك راق وقريتي الملي فاتك من المذكرات
ويارب تكوني انبسطتي يارب

وبخصوص السجاير .. اهو كللو مرض والله يابنتي
انا عن نفسي باشرب السجاير كنوع من انواع الانتحار البطيء
الحياه مش مستاهله اننا نكلبش فيها بايدينا وبسنانا


ومنتظر ظهور ادهم صبري في الاحداث




سلاموووووووووووووز

Soooo يقول...

سمية

حالا يا ام فتكات الحلقه هتنزل ان شاء الله
وسلميلي على فتكات

ملحوظه
هي فتكات بنتك .. مرتبطه؟؟؟؟
لو مش مرتبطه .. نقرى الفاتحه




سلاموووووووووووووز

Soooo يقول...

عمرو

يعني ينفع كده؟؟؟
يا اخي عيب عليك
ده انت المفروض في قسم علم اجتماع
ده من اساسيات علم الاجتماع هي انك تكون اجتماعي
تقول رأيك في الموضوع
تتكلم
تتعرف بصاحب المدونه وتعرف الناس عليك
طب تصدق بالله
بالرغم من ان المدونه قويه .. لكن انا متأسف هشيل لينك المدونه وهشيل تعليقك

Soooo يقول...

حمامة

الحمدلله ان الاغنيه ضحكتك وانك انبسطت
ويارب تفضل - أو تفضلي - مبسوط - او مبسوطه - دايما يارب


ملحوظه
انا نفسي اعرف انا كمان ايه هي المهمة




سلامووووووووووووووز

Soooo يقول...

عبدالرحمن فارس

يااااه
طب قولي يا باشا انك هتعلق
كنت على الاقل انضف المدونه وارش رمله واحط بادي سبراي

سعيد بتعليقك وبكلامك الحقيقه
وياريت تفضل منورني دايما بتعليقاتك ومتابعتك لمدونتي المتواضعه



سلاموووووووووووووز

Soooo يقول...

monaliza

الصبر حلو
اصبري انتي بس وتابعي المدونه .. وهتعرفي ايه التيته
ولا ايه؟؟؟؟؟



سلاموووووووووووز

Soooo يقول...

mariem_mero

وعليكم السلام ورحمة الله وبركاته
انا ماعملتش حاجه غير اني دعيتلك ان ربنا يسعدك دنيا واخره
وحاولت ارسم ابتسامه على وشك وعلى وشوش كل اللي بيقرولي
وربنا يقدرني على ده يارب

منوراني دايما



سلاموووووووووووووز

زُمُرده يقول...

ردا على تعليقك

عمري ما حييت

ده للتوضيح

بنت مصريه يقول...

سووووووووو انا عايزه اعرف حاجه
الكلام اللى بتقوله ده حقيقى ولا ده سيناريو ولا انت بتهيييس ولا ايه لو سمحت ترد عليا

Soooo يقول...

زُمُرده

ياستي ربنا يكرمك وكل شيئ بأوانه ان شاء الله

--------

المنسي

خبر ايه ياعم .. مانا باروحلك في مدونتك وباشجعك وحاجات .. انت جاي تعمل اعلان عندي
؟؟؟؟
طب فين حق الاعلان ياعمنا
انا لن اقبل بأقل من قزازة كازوزا وحجر معسل نعناع عالبورصه
يلا جهز نفسك للعزومه دي

------

بنت مصريه

منوراني يافندم
ياستي المذكرات دي عباره عن خطرفة او تهييس مركب
بحاول من خلالها اني اسخر من بعض السلبيات اللي فينا وفي مجتمعنا بطريقه غير مباشره عشان ماتبقاش عامله زي حصص التربيه الوطنيه اللي كنا بناخدها في المدرسه
مذكرات باقول من بين سطورها حاجات كتير لو قالها راجل كبير ممكن الناس تهاجمه وتتهمو انه اهبل او عبيط
وانا قايل في مقدمة المذكرات .. عايزكم تنسو انا مين وعندي قد ايه .. وتقرو المذكرات دي بالطفل اللي جواكم

اظن كده وضحت



سلاموووووووووووووز

Dr. Ibrahim يقول...

صح هو فعلا إشتغل معاهم زمااااااااااااااان
هههههههههههههههههههههههههه
وحلوة حتة الشيبسى دى


مش بقلك حاسس ان اانى بتفرج على فيلم من أفلام أحمد السقا
والسوند تراك لمدحت صالح دايما

غير معرف يقول...

على فكرة كنت مصدقة .. بس لحد الامور ما وسعت من "حضرتك"

(;

لما لقيت ابطال الفيلم كلهم بيكلموك كان صعب اوىانى اص]r


like it

thank u for sharing

Soooo يقول...

Helium Atom

مييييييييين
داكتوره ايمان بنفسها منوره مدونتي المتواضعه
بجد نورتيني قوي حضرتك وياريت حضرتك تعتبري مدونتي حضرتك زي مدونة حضرتك وتشرفيني حضرتك بتعليقات حضرتك وبزيارات حضرتك .. حضرتك يعني



بجد سعيد جدا اني اتعرفت على شخصيه جميله وعسوله وجدعه زيك .. حضرتك

وربنا يسعدك ويكرمك ويبسطك ويوفقك ويرضيكي دنيا وآخره يارب




سلاموووووووووز

غير معرف يقول...

على فكرة ... حضرتى مش فاهمة ليه اتعلقت بصفحة حضرتك


على فكرة .. انا اكتشفت حاجة

ان كتابت زى الحركات اللى بتعملها بوشك .. ب ا ل ظ ب ط


شكرآ لحضرتك

(winks)