الاثنين، ٩ ربيع الأول ١٤٢٩ هـ

(8)مذكرات طفل .. طخين

!! المحطة الثامنه .. خاتم بفص
------------------

بعد ان قام الحارس المكلف بحراسة غرفة ابويا وامي باطعامهم .. وقبل ان يكمم فم والدي .. قال له ابويا
ابويا : معلش يابني بس هاتلي بُق ميه عشان اهضم الاكل
نظر الحارس لامي فبادلته بنظرة انها ايضا تريد الشرب .. فقام بفك الكمامه التي على فمها واتجه لاحضار زجاجة مياه .. وبمجرد ان خرج من الغرفه .. بادر ابويا امي قائلا
ابويا : احنا لازم نهرب من هنا
امي : بس هنهرب ازاي وهم مربطينا كده .. ده حتى الاكل كانو بيأكلونا بنفسهم عشان مايفكوش ايدينا
ابويا : احنا لو اتكلنا على ابنك المتدلع ده يبقى عمرنا ماهنطلع
امي : بس انا مش فاهمه هم عايزين منه ايه .. وخاطفيننا كده ليه ؟؟
ابويا : تلاقي ابنك المفجوع ده عمل مصيبه ولا حاجه .. هواحنا هيجلنا من وراه غير وجع الدماغ
امي : ماتظلمهوش يا حاج .. مش يمكن مالوش دعوة بالناس دي
ابويا : احنا مش هنستنى لغاية مانروح في داهيه .. ومش هعتمد على ابنك ده في حاجه
امي : ربنا ينصرك ياسوووو يابن بطني .. وتخس شويه
--------
بعد ان شحتفت نفسي من العياط على اللي حصل معايا في ميدان رمسيس والبهدله اللي اتبهدلتها .. ونمت ياعيني وانا مقهور ومقطع نفسي وكنت نايم على لحم بطني عشان يادوبك أكّلوني سبع ترغفه كبده وتسع ترغفه سجق وحليت بطبق كسكسي بالسمنه والعسل والمكسرات .. قمت من النوم تاني يوم وانا كلي نشاط وحيويه لان بطني خفيفه .. وعايز اثبت لمصطفى اني شخص يعتمد عليه ومش مجرد طفل طخين وبس , سمعت حد بيخبط على باب الاوضه .. قمت قايم افتح الباب لقيت منى زكي جايبالي صينيه عليها فطار .. فطار خفيف .. قال ايه شندوشتين همبرجر وطبق بطاطس صوابع مليان كده وحلو .. وكنزاية بيبس واربع موزات وتفاحتين .. عالم بخله قوي
منى زكي : - بعد ان دخلت الغرفه - انا جبتلك فطار خفيف عشان بطنك ماتتقلش خصوصا اننا هنعمل شوية تمارين كتير
سوووو : - وانا متجه عالشندوشت - انتو شكلكم عايزين تخسسوني وابقى رفيع .. عشان انتو في جهاز رفيع المستوى
منى زكي : ههههههههههه
وقفت اللقمه في حلقي من حلاوة ضحكتها .. عليها ضحكه .. يالهوووووي .. اجدع مليون مره من ضحكة البت سونيا اللي خطفت امي وابويا .. بلعت اللقمة بالعافيه وانا باصص لها وقلت
سوووو : انتي ضحكتك حلوه قوي
منى زكي : وانت عسول قوي .. تحب اخلي حلمي يطلعك في من سيربح البونبون؟؟
لسه هقولها حلمي مين ده اللي يطلعني وانا لو عايز اطلع هطلع لوحدي واتنطط على سي حلمي بتاعها لقيت مصطفى شعبان راح داخل علينا الاوضه .. وده وقته ياعم
مصطفى شعبان : ازيك النهارده ياسوووو ؟؟
سوووو : - وانا باقرم في الشندوشت - الحمدلله زي الفل
منى زكي : - وهي تنظر لمصطفى - ها .. جبت الخاتم معاك ؟
يخرج مصطفى شعبان علبه من جيب بنطلونه ويفتحها .. ثم يخرج منها خاتما ويعطيه لها .. فتقوم هي بأخذه منه وتمسك بيدي وتحاول ان تلبسني الخاتم
سوووو : - وانا متنح - ايه ده .. انا كنت متأكد انك بتحبيني .. بس اديني فرصه افكر
منى زكي : - وهي تبتسم - لا يا سيدي ماتفهمش غلط .. ده خاتم كلنا في الجهاز لابسين زيه
سوووو : - وانا اتفحص الخاتم في يدي وفي يدي الاخرى الشندوشت التاني - ايه ده .. مال الفص بتاع الخاتم كبير كده ؟؟
منى زكي : مش كبير ولا حاجه .. انت بس عشان ايدك كلبوظه وصغيره شايفه كبير
مصطفى شعبان : يلا عشان في شخصيه مهمه عايزه تقابلك يا سوووو
سوووو : - وانا متنح وبابلع اخر لقمه في الشندوشت - شخصية مين ؟
مصطفى شعبان : لما هتشوفو هتعرفو بنفسك
خرجت معاهم من الاوضه وبمجرد ماخرجنا لقيت شوية عيال صغيرين طالعين بيجرو وبيسبقونا .. قمت باصص لمنى زكي وانا مستغرب
سوووو : منى .. هو احنا فين؟؟
منى زكي : احنا في مركز تدريب تابع للجهاز .. في قلعة الكبش في السيده زينب
وصلنا على قاعه كبيره .. لقيت شوية دكك بلدي وقاعد عليها ناس كتير ومعلمين وجزارين .. ومن ضمن الناس اللي قاعده .. كانت قاعده الشخصيه المهمه اللي انا خارج اشوفها
الشخصيه دي كانت .. احمد السقا
-------
أنا باكره اسرائيل .. أنا باكره اسرائيل
هييييييه
سامبا : ماتردي عالموبيل يا سونيا
كانت سونيا في هذه اللحظه شاردة البال .. تفكر في شيء ما .. فقام سامبا بتنبيهها مرة اخرى وقال
سامبا : انتي يا بنتي .. ردي عالموبيل مش طالبه مشاكل مع البيج بوص
سونيا : - بعد ان افاقت وامسكت الموبيل - الو .. ايوه يا فندم
الصوت : سايباني بارن بقالي ساعه .. ايش حال لو ماكنتش قايلك مش معايا الشاحن
سونيا : معلش يافندم بس ماخدتش بالي .. اصل كنت عامله الموبيل سايلم
الصوت : سايلم .. عامله الموبيل سايلم .. الله يرحم ابوكي .. كان بيشرب من شطافة قعدة الحمام على انها كولدير .. المهم .. عملتي ايه .. اتصلتي بسوووو ولا لسه ؟
سونيا : لا الحقيقه يافندم انا قلت نسيبه على نار يومين تلاته كده .. وبعدين نتصل بيه يكون استوى وينفذ اللي نقوللو عليه من غير كلام كتير
الصوت : انتي باين عليكي بتهيسي .. سوووو ايه اللي هيكون استوى يابنتي .. ده تلاقيه دلوقتي مبسوط ان مافيش حد في البيت عنده ومقضيها فرجة عالتلفزيون على برامج الطبيخ وعمال يطبخ لنفسه
سونيا : طب حضرتك شايف ايه ؟
الصوت : انا شايف انك تتصلي بيه .. وتقوليله على الحوار بتاعنا .. وماتتصرفيش تاني مره من دماغك خالص
سونيا : خلاص يافندم .. هشحن بكارت بعشره جنيه واتصل بيه وقتي وقتي
الصوت : ماشي .. وبعد ماتخلصي اتصلي بي بلغيني بالتطورات
اغلقت سونيا الموبيل بعد ان انتهت من المكالمه .. ثم نظرت لسامبا وقالت له
سونيا : معاك عشره جنيه اجيب بيهم كارت شحن؟
سامبا : دي ايه الشغلانه السوده دي .. قال والناس فاكرانا بنسرق وياما هنا ياما هناك
-------
يتبع

سوووو

هناك ٧٩ تعليقًا:

بنوته مصرية يقول...

هيييييييييييييييييييي

اول تعليق


وهرجع حالا

رودي

صحيح حمدالله علي سلمتك يا قمر

رودي

بنوته مصرية يقول...

سونيا : معلش يافندم بس ماخدتش بالي .. اصل كنت عامله الموبيل سايلم
الصوت : سايلم .. عامله الموبيل سايلم .. الله يرحم ابوكي .. كان بيشرب من شطافة قعدة الحمام على انها كولدير .. المهم .. عملتي ايه .. اتصلتي بسوووو ولا لسه


هههههههههههههههه

يعععععع يا سووو ايه الراجل المقرف ده


والله انت دمك شربات يا مضغوووب

قصه تحفة بجد

شوفت اول مرا اكون اول تعليق وتاني تعليق علي التوالي هههههههههه


تحياتي
رودي

Empress appy يقول...

كده يا رودى انتى يا فى قفايا يا وشى ماشى لكى يوم.

نيجى بقى لسوووو
هما مش فهمين يا حرام انك فى الجهاز السامباتيك هههههههههه وفاكرينك مأنتخ فى البيت
بس اهلك دول ظالمينك او ده شعور الاهل بالاولاد انهم مش قد المسئوليه مش فاهمين انهم سايبين بطل
وبعدين سونيا بتكرهه اسرائيل اهى اشمعنى زعلوا منى انا
جامد يا سوووو والله المرة دى وبعدين هما يطلعوك من زحمه رمسيس يودوك قلعة كلابش دى هههههههههههههههه وعشوائيات وحركات

Ehab يقول...

حرام عليك يا ابني انتي مفتري اصلا

بقى منى هتخطبك بالخاتم
وبعدين ابو سونيا كان بيشرب من شطافة الحمام بيحسبه كولدير
انا هافطس منك
تسلم ايدك يا باشا
انت هتجنني
تحياتي يا اجدع واجمل فنان

سلااااااااااااااااااااام

shahy يقول...

الله الله
احمد السقا
دي باين عليها هاتحلو اوي

وبعدين هو دة عشا خفيف حرام عليك ياراجل دة انا بطني وجعتني على السيرة بس
كسكسي بالسمنة والعسل والمكسرات
دة يبقى تقيل اوييييييي

الله يعطيك العافية

تحياتي ياشقي

Soooo يقول...

بنوته مصريه

بقى واخده اول تعليق وتاني تعليق .. ومالو ياستي
علقي انشالله مليون مره
المهم انك تعلقي وتنوريني
وبعدين ماهي مدونتي هي مدونتك .. قصدي هي مدونااااتك



سلامووووووووووز

Soooo يقول...

appy

انتي جايه تتخانقي انتي ورودي عندي؟؟؟
لا ياختي .. روحو مدوناتكم اتخانقو فيها
انا عايز اكل بمزاج وبروقان

وبعدين انتي مش فاهمه نقطه .. سونيا بتكره اسرائيل والناس مش قافشه عليها ليه بقى .. عشان بتمثل انها بتكره اسرائيل .. وعامله شغل تمويه .. انتي بقى فرشتي الملايه عالملأ وقلتي يا ولود ويا ولود ويا ولود
قامو قفشو وقالو انك بتسبيهم وبتقذفيهم .. تقريبا بتقذفيهم بالقلل اللي عندك

ملحوظه
اسمها قلعة الكبش .. ماتبوظوش التراث اكتر ماهو بايظ



سلاموووووووووووز

Soooo يقول...

الشنكوتي الكبير

منورني يا صاحبي
والحمدلله اني ضحكتك ضحكايه كده عالسريع عالصبح
ربنا يبسطك دنيا وآخره



سلاموووووووووووز

Soooo يقول...

shahy

انتي لسه شفتي حاجه يا ماما شاهي
ده نيوتن وهاري بوتر وبافكر ادخل سبايدرمان .. بس شكله كده مسافر بلدهم عشان يقضي اجازة المولد
كل سنه وانتي طيبه بقى
فين الملبن صحيح؟؟؟؟؟




سلامووووووووووووووز

Empress appy يقول...

بقولك ايه انا اتخانق فى المكان اللى انا عاوزة اصل اجيب خرفانى واجى اقعد على باب مدونتك هنا ونأكل كل السندوتشات بتاعت وانا كمان خرفانى بتأكل من لاكازتا يعنى خرفان كلاس
وبعدين انا فرشت حاجه لحد دا انا غلبانه هما فقعوا مرارتى اعمل ايه بس

هى اسمها كده انت مش بتعرف تكتب كلابش هو مش فيه شرطه هناك تبقى كده صح خخخخخخخخخ
الا قولى هى فين دى منكن تودينى هناك

Soooo يقول...

appy

بقى قلعة الكبش اسمها كلابش
هممممم
وعايزه تروحيها
هممممم
-----
والله يابنتي انا لما باروح هناك بيبقو هيغتصبوني .. يعني لو رحنا انتي هناك .. مش هيعترولك لا على جثه ولا على اي حاجه
وعموما .. انا مستعد افسحك هناك
بس بشرط .. تكتبي في وصيتك ان بطوط ولوزة يبقو من نصيبي



سلامووووووووووز

رئيس جمهوريه نفسى يقول...

الصوت : سايلم .. عامله الموبيل سايلم .. الله يرحم ابوكي .. كان بيشرب من شطافة قعدة الحمام على انها كولدير .. المهم .. عملتي ايه .. اتصلتي بسوووو ولا لسه ؟
هههههههههههههههههههههههههههههههههههههههههههههههههههههههههههههه
بجد التعبير والتشبيه خرافه قوى مالهوش حل
سو ما فكرتش تكتب سيناريو والله بجد قطعاتك محترفه ونقلك للمشاهد روعه قوى

صوت من مصر يقول...

ايه يا باشا كنت مخنوق من ايه وبعدين بها على الله
ويا بختك واكل سندوتشين همبرورجر وطبق بطاطس وكنز
دى والعه

فضفضة يقول...

يعععععععع

حرام عليك

بيشرب من شطاف الحمام على انه كولدير

طيب كنت عايزة اشوف الخاتم

وعايزة اسأل هو كارت ابو عشرة جنيه بيعمل كام دقيقة دلوقتى

فنااااان والله وموتنى ضحك

تحيااااااتى

مشمش يقول...

انا كلي شوف نفسي اعرف عايزين منك اية يالا بقة كملها بسرعة

سمية يقول...

بصراحة انا فتحت البوست و كنت خلاص هقراه بس بصراحة مستخسرة اقراهوانا مزاجى مش رايق..انا بحب امخمخ فيه و انا ذهنى صافى عشان اضحك بنفس....

بس قولت برده ميصحش اعدى من غير ما امسى..

تحياتى
سمية لطفى

Unknown يقول...

والله خلاص بقى التشويق بجد فظيع نفسى اعرف هما عايزين اية منة وبعدين سونيا معهاش عشرة جنية تشحن للدرجة دة الحال وصل بيها لكدة

انين الحزن يقول...

ياسوووووووووو
انا كمان عايزة كارت شحن بتحايل علي محمد يجبلي مش راضي

لو جابم الحلقه الجايه ابقي اعمل حسابي في واحد
او حتي حولي رصيد دلوقتي اعمل الووو

جميله اوي ياسووووو انا كمان من رئي فاطيمه نزلها في كتاب بس بالنص هاه


انت بقيت كويس بعد البرجر والحاجات الكتير دي طب كنت قول وبلاش تتخنق ماشي ..

سلامووووووووووز
وزة

Soooo يقول...

رئيس جمهوريه نفسى

ازيك يابو حنفي يا مريسه .. عامل ايه باشا
والحمدلله ان الضحكه دي طلعت ويارب تكون طالعه من القلب ويارب تفضل تضحك من قلبك كده على طول


ملحوظه
انا فعليا كاتب سيناريو وكتبت حوالي خمس افلام روائيه طويله متوزعه مابين منتجين وراكنينهم او ممثلين وشايلينهم .. وقول يارب




سلامووووووووووووز

Soooo يقول...

صوت من مصر

منورني ياباشا والله
وبعدين حد يتخنق وحواليه ناس حلوة ومتابعاه وبتشجعه وبتضحك من قلبها زيكم

وبعدين في ايه يا عم .. انت جاي تعلق ولا جاي تقر .. يعني باصصلي في الشندوشتين ومش مقدر الصعاب اللي انا مقبل عليها .. دي مهمه وطنيه ياعم ولا اتغذى وابقى رياضي



سلامووووووووووز

Soooo يقول...

فضفضة

ياقهلا ياقهلا ياقهلا
منوراني والله يافضفضه

وبعدين انا مالي بتقرفي مني ليه .. مش ده الكلام اللي ابو سونيا الحاج جراهام كان بيعملو قبل ماربنا يفتحها عليه ويشتغل جاسوس زمان

والخاتم ماينفعش اوريه لحاد طبعا .. دي اسرار دولت

كارت الشيحن بقى على حسب .. يعني لو كان بعشره جنيه ونص .. يديكي رصيد بعشره جنيه .. ولو كان بحداشر جنيه .. برضه يديكي رصيد بعشره جنيه
بس ابقي قابليني لو الشبكه جمعت

وربنا يقدرني وارسم ابتسامه جميله على وشك وعلى وشوش كل اللي بيتابعوني وبيشجعوني



سلاموووووووووووووووز

Soooo يقول...

مشمش

ماتستعجلش يا مشمش يا صاحبي
تابعي الحدوته والمذكرات وانتي هتعرفي الليله


وانتي ايه اخبارك دلوقتي؟؟؟



سلاموووووووووووز

Soooo يقول...

سمية

ياستي اقريها على اقل من مهلك خالص
وروقي كده براحتك ومخمخي على كيفك
هي يعني القصه هتروح فين


المهم انك تروقي .. وربنا يريح بالك يارب



سلامووووووووووز

Soooo يقول...

ايوية

لازم تشويش واثارة طبعا
مش قصة ومهمة وطنيه وشندوشتات .. يبقى لازم تكون مشوقه


ملحوظه
سونيا اصلا عليها اقساط وجمعيات وحالتها ضنك .. ربنا يفك أزمتها يارب



سلامووووووووووووز

Soooo يقول...

انين الحزن

خبر ايه يا وزه .. هو احنا عشان طلعنا اخوات توم تبرشطي علي وتقولي عايزه كارت شحن .. وبعدين مانتي كان معاكي بتاع سبعه مليون جنيه ومافكرتيش تفتكريني بربع جنيه مخروم

وياستي تنزل كتاب ولا ماتنزلش مش مهم .. المهم ان في ناس زيك كده بيتابعوها وبيقروها وبيعلقو عليها وبيشجعوني

ملحوظه
انا اكتشفت ان البرجر دواء هايل لمعالجة الاختناق والاكتئاب .. بافكر اروح اعمل برائة اختراع بكده



سلاموووووووووووووووز

SKOBL- Little Lazy Me يقول...

أيوة كده يا راجل فرح قلبي و قللي كله تمام و الكرة نزلت ملعبها .. بس ايه الحلاوة دي .. جامده أوي .. ناسي الشاحن و معاهاش عشرة جنيه تشحن لأ بجد شحورتها مش في رجل المستحيل كانت كل حلقة تشتري جزيرة خاصة لأ و أبوها كان بيشرب من الشطافة و فاكرها كولدير .. بجد انت عسل ... بس مش حرام تنيم الواد بطنه خفيفة لأ و ايه .. منى كانت بتتقدمله و الله يا سووو فطستني .. و اللي عجبني ان السقا طلع عشان الناس ما تفتكرش ان سوو محشور بدل السقا .. بجد تسلم ايدك .. ضحكتني و كنت خلاص فاصل شحن بس برضه قضيتها ابتسامات واسعة من الودن للودن .. و شرفتنا على الزيارة .. مبسوط برجوعك يا سووو و رجوع صاحبنا اللي زي العسل .. تحياتي

خمسة فضفضة يقول...

السلام عليكم ورحمة الله وبركاته

احمد السقا مره واحده علي كده الفيلم ده نازل الصيف الجاي ؟
:-)

غير معرف يقول...

مساء الخير
ازيك يا أحمد

قبل معلق على البوست أحب اعتذر عن سوء التفاهم اللى حصل بيننا

صدقنى مش مقصود بالمرة
انا امر بمرحلة امتحانات
ومشغولة جدا كمان فى التدريب

ومدونتك متصله مش منفصله
مينفعش اجى اقرى بوست وامشى

كان لازم اقراها من الاول
والحمد لله ربنا يسر الوقت النهاردة
وقريتها


بجد روح الفكاهه عالية عندك جدا
وضحكتنى من قلبي
كمان الحبكة حلوة اوى
والتشويق موجود

حسيت بروح الطفل اللى انت تقصدها من الاول

اتمنى يزول سوء التفاهم
واتمنالك التقدم والسعادة والبساطة من كل قلبي


تحياتى ليك
nirfana

الـسـيـدة نـون يقول...

كان بيشرب من شطافة الحمام على انها كولدير
ههههههههههههههههههههههههههههههه
يععععععععععععع

يا مسهل
لما نشوف اخرتها ايه معاك يا سووو
والف حمدالله على سلامتك
منور البلوج


تحياتى ليك
اختك خيخة

د/اجدع بنوته يقول...

لله يرحم ابوكي .. كان بيشرب من شطافة قعدة الحمام على انها كولدير ..


يخربيت فئررررررررررررررررررررك

يخربيت فئررررررررررررررررررررك

يخربيت فئررررررررررررررررررررك


يخربيت فئرك بالتلاته

الجمله دى وقعتنى انا وبابا ف الارض م الضحك

الحاج بيرسلك تحياته الحااااره بجد

وبيقولك كمل ياابنى كمل

ربنا معاك

وبيقولك ياعينى

دول مفيش ف قلوبهم رحمه

مجوعينك اوى ياضنايا

..................

اما كومينتى انا

متألق كالعاده

Soooo يقول...

SKOBL- Little Lazy Me

منورني والله بكلامك وبتعليقك
وبعدين انت مش واخد بالك .. سونيا بعد ما سابت رجل المستحيل واشتغلت مع نفسها .. اتبهدلت ياعين امها .. والضرايب حجزو على الكام جزيرة اللي حيلتها .. وخلوها يادوبك عايشه بالمعونه

الحمدلله ان ربنا قدرني ارسم ابتسامه على وشك من الودن للودن
ويارب دايما



سلاموووووووووووز

Soooo يقول...

خمسة فضفضة

وعليكم السلام ورحمة الله وبركاته

لا انتي مش فاهمه
السقا طالع ضيف شرف
انما عشان الطفل المعجزة سوووو هو البطل .. هيخلو الفيلم يتعرض في المشمش



سلاموووووووووووز

Soooo يقول...

nirfana

انا اللي اسف بجد اني ما اختلقتلكيش العذر واستعجلت في الحكم عليكي
والمفروض انا اللي اعتذر مش انتي

والحمدلله انك نورتيني في المدونه هنا .. بس عايزك بقى تعلقي على كل المواضيع بتاعتي زي مانا عملت في مدونتك .. بس اوعي تعملي زيي وتحذفيهم




سلاموووووووووز

Soooo يقول...

بت خيخة وأى كلام

منين ضحكتي ومنين يعععععع
وبعدين هو ابوها كان بيشرب من قعدة اي حمام
لأ طبعا
اصل حمامات بلاد بره دي حاجه اخر الاجه يابنتي

واخرتها خير ان شاء الله


ملحوظه
حد يبقى اخواته ناس حلوين وجدعان زيكم كده ويفضل مخنوق .. طب ده يبقى ماعندوش دم


سلامي لشريف حبيبي




سلامووووووووووووز

Soooo يقول...

د/اجدع بنوته

ياخبر ابيض
طب مش كنتي تقوليلي يا داكتورة كنت روقت المدونه ونضفتها بدل ماهي متكركبه كده
لكن مش مهم
هو انتي ووالدك اغراب مثلا .. ده انتي في مقام اختي وهو في مقام والدي
وربنا يارب يخليه ويكرمه ويباركلو فيكي ويباركلك فيه
وبجد كلامه ده وسام على صدري وربنا يقدرني اني اكون قد المسئوليه واكتب اللي يعجبه ويعجب كل اللي بينوروني في مدونتي المتواضعه دي وبيعلقو عندي


نبعت نجيب بيبس ولا نجيب عشا ؟؟؟؟؟




سلامووووووووووووووز

فرنسا هانم يقول...

احمد السقا دخل فى الخط
كويس بس اوعى يلهف دور سوووووووو
ويضحك على الولد الطخين بكام ساندويتش و يلطش منه الدور
حكم سووووووو باين عليه يبيع القصه كلها علشان ربع فرخه مشويه
تحياتى لك

صحفية روشة يقول...

ايه العسل ده
المدونة لزقت
موتنى من الضحك لدرجة انى حاسة انى مش هقدر اضحك لمدة اسبوع لان بقى وجعنى

كلاكيت تانى وتانى يقول...

هى القصة جميلة وانت لسة محافظ ع نفس
الحيكة والكوميدى فيها
جميلة بجد

Doba يقول...

راجع متألق
والقصة بقت احلى كتير

ازاى باباك مش واثق فى قدراتك
ازاى

فى انتظار بقية السلسلة وعود أحمد
أحمد مييييييييين

سوووووووو
برافو عليك

سلاموز
هبة

رحــــيـل يقول...

سوووو

طيب كنت سالفها عشره جنيه تفك بيهم ازمتها
هههههههههههههه
انت ملكش حل بجد

متابعه للاخر الحلقات كده لما نشوف اخرتها معاهم
ههههههههه
تحياتى وتقديرى واحترامى

الف سلامه عليك من الخنقة سوووو

walaa يقول...

هو ليه باباك مش واثق فيييك كده اكيد انت زعلته فى حاجه
وانا اللى كل ده فكراك انت احمد السقا طلعت لسه هتقبله
ههههههههههههه
احلى حاجه ضحكتنى الراجل اللى بيشرب من شطافة الحمام على انها كوليدير هههههابو سونيا
تحياتى لقمك
ولاء

اهو ده عيبه يقول...

بجد بجد تحفه
ولو انى اشك فى حكاية الشطافه دى لان ابو سونيا كبيره حمام عام
وانا حاسة طالما السقا دخل فى الموضوع يبقى خير ان شاء الله
فى انتظار الجزء الجديد

Soooo يقول...

فرنسا هانم

منوراني يا فرنسا .. حقيقي يعني منوراني .. ويكاد نورك يغطي على نور الشاشه اللي عماله ترعش وشكلي كده لازم اغيرها .. بس انتي برضك منوراني

احمد سقا مين اللي هيضحك على الطفل سوووو المعجزه
انتي شكلك لسه ماتعرفيش سوووو كويس
وبعدين مين قالك ان سوووو يبيع القصه بربع فرخه .. مش اقل من نص فرخه بالسلاطات .. والعيش كمان





سلاموووووووووز

Soooo يقول...

صحفية روشة

ياستي نورتيني وشرفتيني
واضحكي براحتك
اسبوع شهر سنه
المهم انك تضحكي
والحمدلله ان ربنا قدرني اكتب حاجه ترسم ابتسامه على وشك
واعتبري ياستي مدونتي كأنها مدونتك .. وقولي كل اللي نفسك فيه



سلامووووووووووووز

Soooo يقول...

كلاكيت تانى وتانى

الحقيقه انا بجد مقصر في حقك وفي حق تعليقك عندي وتشجيعك لي
بس حقيقي كنت بامر بظروف نفسيه مش ولا بد
شكلي كده هتجنن .. لكن ان شاء الله مش هتجنن قبل ما اخلص من المذكرات

منوراني وارجو انك تتابعي المذكرات وتتابعي مدونتي المتواضعه



سلامووووووووووووز

Soooo يقول...

Doba

ام يوسف
ازيك وازي يوسف .. يارب يكون كويس ويارب نفرح بيه وبجوازه عن قريب
وياستي ولا متألق ولا بتاع .. ماتنفخينيش احسن اصدق اني باعرف اكتب

وبعدين انتي مش واخده بالك .. ابو سوووو مش مش واثق فيه وبس
لأ
ده الود ودو يتبرى منه
وعنده حق .. ماهو تلاقيه مخلص عالتلاجه اول بأول

منوراني يا اختي العزيزه
وسلامي لابن اختي .. الاستاذ الحكمدار يوسف افندي



سلامووووووووووووز

Soooo يقول...

ra7eel

الله يسلمك من كل شر ومن كل أذى يارب
وربنا يكرمك على تعليقك الجميل في حقي وعلى مجاملتك للمذكرات
ويارب تتابعيها وتشوفي ايه اخرتهم معايا




سلامووووووووووز

Soooo يقول...

walaa

انا عارف يا ولاء ياختي ابويا مش واثق في ليه
!!!
يكونش خايف اني بعد ما المهمة تخلص ارجع البيت مفجوع بزياده عشان اعوض الفاقد في المجهود العضلي والذهني؟؟؟

عموما .. منوراني ومتشكر على تعليقك
ويارب تتابعي المذكرات ويارب تعجبك




سلامووووووووووووز

Soooo يقول...

اهو ده عيبه

ربنا يكرمك يارب
والحمدلله انك متابعه المذكرات
بس خلي بالك .. احنا دخلنا في الجد
يعني لو ما تابعتيش بذمه وضمير .. ممكن السقا ينسحب من العمل الوطني ده


ملحوظه
ابو سونيا ده حوار اصلا .. انا بافكر اعملو قصه لوحده .. احنا لينا بركه غير الحاج جراهام شخصيا




سلامووووووووووووز

§a§a يقول...

جميل جدا المدونه اول تعليق لى فى المدونه واول مرور بس جميله جدا مشاء الله

غير معرف يقول...

جمبل جدا انت دمك خفيف قوى هههههههه
بس ال عاجبنى
اولا: احمد السقا
ثانيا: الشطافة
ثالثا: عايزة اعرف هى اتصلت ولا لا سونيا
سلملى على سونيا ومصطفى شعبان والسقا
تحياتى
ريهام

همس الاحباب يقول...

اول زيارة
جاى اسلم وراجع تانى
تحياتى خالد

مروة الزارع يقول...

هههههههههههههههه

جامدة يا معلم

Asmaa mahaba يقول...

مش عارفه ليه انا كل ما اعلق ملاقيش تعليقى ايه النحس دا
قولى لو وصلك

Eman Eltaher يقول...

ههههههههههههههه
لذيذة بجد
ده انت بتعمل مسلسلات كمان
بس والله أفكارك حلوة

معلش انا مش عارفة أكتب جديد حاليا بس ربنا يسهل ان شاء الله قريب اوى

تحياتى

إيمان

كاميليا بهاء الدين يقول...

هههههههههههههههههه

يا الله

إنت مش ممكن خالص
الحياه قربك لها طعم تانى

اه
رداً على سؤالك
انا ... أنا
بخاف اقرب اوى من النور
اخاف اتحرق
يعنى زى الفراشة
وانت منوور قوى
فهمت؟

تحياتى لأحن أخ فى الدنيا

كاميليا

ابو العربى يقول...

جامده مووت
سوياسو حبيبى خطفوه
بجد روعه يمكن انا مش متابع الاجزاء الى قبل كده واوعدك انى هتابعها كلها بس جامده قوى تحياتى ليك وتسلم ايديك

غير معرف يقول...

اللي عاوز أعرفه هو بسلامته السقا ده جهليه ؟ .. هيقطع عليك و لا ناو تطرقه قريب ؟

و بعدين حكاية الشحن أبو عشرة دي قدمت قوي .. قلها دلوقي في شحنع الهوا بجنيه و اتنين جنيه .. بدل ما تهدر الفلوس

Unknown يقول...

ماشى ياعم سو بس مش هقدر اديلك رأيى غير لما اكمل باقى المذكرات اللى قبل كده

Soooo يقول...

§a§a

ده انت الجميل يا صاصا باشا
وتعليقك ده اجمل
منورني ويارب مدونتي تعجبك ويارب تتابعها وتعلق فيها براحتك واعتبرها كأنها مدونتك تمام

نورتني حقيقي



سلامووووووووووووووز

Soooo يقول...

ريهام5008

منوراني ومنورني تعليقك الحقيقه
بس ايه ده
يعني الطفل الطخين سوووو بطل الحدوته ماعجبكيش؟؟؟
كده ممكن ياخد على خاطره ويروح ياكل بتاع عشرتاشر شندوشت .. وانتي اللي هتبقي المسئوله عن الرجيم لما يبوظ

بجد منوراني وياريت تعتبري مدونتي هي مدونتك وتنوريني بتعليقاتك دايما




سلاموووووووووووز

Soooo يقول...

همس الاحباب

الف شكر ياباشا ومنتظر انك تكرر زيارتك تاني وتالت وعاشر ومليون
واعتبر مدونتي هي مدونتك ونورني في اي وقت وشرفني بتعليقاتك



سلامووووووووووز

Soooo يقول...

مروة الزارع

دي زيارتك وتعليقك وضحكتك هم اللي جامدين
منوراني يابنت عمي



سلاموووووووووووز

Soooo يقول...

somaa

ياستي ولا نحس ولا حاجه
تعليقك فعلا وصل بس على الحلقه اللي فاتت مش على الحلقه دي
وحتى لو ماعلقتيش .. كفايه انك متابعه المدونه المتواضعه بتاعتي ويارب تكون عاجباكي
وعلقي براحتك في اي وقت وفي اي موضوع




سلاموووووووووووز

Soooo يقول...

Eman Eltaher

انتي لسه شفتي حاجه يا ايمي
ده في افلام رعب وخيال علمي .. وقريب هتجه للافلام الموسيقيه الغنائيه الاستعراضيه الهادفه بقيادة الفنانه الشامله .. هيفاء وهبل


ملحوظه
مالناش دعوة .. اكتبي وخلاص .. احنا عايزين نقرالك كل يوم موضوع ياستي .. بطلي كسل بقى



سلامووووووووووووز

Soooo يقول...

كاميليا

عرفتي بقى انا كنت هبطل اكتب لو انتي قفلتي مدونتك ليه
؟؟؟
عشان ماكنتش هلاقي تعليق رقيق وجميل زي تعليقك
----
هو من ناحية انك فراشه فانتي فراشه .. لكن انا ياستي ولا منور ولا بتاع
منور ايه بس .. محروق ومولع اه ممكن .. انما منور دي .. مش انا يابيه
وفرضا جدلا عبثان اني زي مانتي بتقولي .. فده عشان في ناس باعزهم وباحبهم وباعتبرهم اخواتي زيك كده .. بيشجعوني وبلاقيهم جنبي في وقت شدتي
وربنا يديم المعروف يارب



سلاموووووووووووز

Soooo يقول...

ضد الظلم

اخيرا نورتني بزيارتك وتعليقك يابو العربي
طب والله انا فرحان
وبعدين انت بتختفي ليه ياعم كده
ماتسيب البلد وتشوف مدونات اهل البلد
ولا انتو كده يا اصحاب المناصب .. تقعدو عالكرسي وتنسو اهل منطقتكم .. وولاد الدايره




سلاموووووووووووز

Soooo يقول...

الدائخ

يقطع على مين بس ياعمنا
يقطع على الطفل المعجزة المكعبره سوووو ؟؟؟
انت باين عليك لسه ماعرفتش سوووو على حقيقته
وعموما شوف الحلقه الجايه .. وشوف الطفل سوووو هيعمل ايه


ملحوظه
انت فقر ومسخره ياد انت .. جبت منين (تهدر) دي .. محسسني انك في الاساس ترزي حريمي .. بجد دائخ وكتاب الله



سلامووووووووووز

Soooo يقول...

haitham

ياباشا اقرى الحلقات اللي فاتت واقرى الحلقات اللي جايه ان شاء الله .. ومنتظر تعليقك في اي وقت
ومنورني بجد




سلاموووووووووووووووز

MKSARAT - SAYED SAAD يقول...

خاتم بفص خاتم بفص
يترى زنبها ولا ذنبك
بس فكرة الكولدير دية تخلي الواحد يغير رأية في حاجات كتير
دائما انت جميل
تحياتي
سيد سعد

ka2en Makboot يقول...

السلام عليكم

سوووو
حظك دايما وحش معايا
على فكرة انا علقت قبل كدا ولما دوست publish
الكمبيوتر انفجر تقريبا والبراوزر اتحرق والنت فصلت حاجات بسيطة كدا

فكسلت اكتبه تاني وروحت هاجرت ورجعت ههههههه

بس كان راي وقتيها علي مااذكر هههه
ان البوست ده حلو اوي ومتقن
وفكرة الشطاف والكولدير ديه افتكاسة سوووية جامدة جدا

بجد في كذا مشهد حلوين وموضوع منى بتلبسه الخاتم ده برضو حلو اووى

قلبى معاك يا سوووو وترفع راية الوتن في بلاد الفرنجة وترجع امك وابوك بمناسبة عيد الام

كل سنه وهم طيبين والله يرحم كل اموات المسلمين

تحيـــاتى.

انا مذنب يقول...

اضحكتني جدا

حاسس ان كلامك بعيد عن دنيتي تماما
واخذتني لمكان بعيد جدا

عارف لما تبقى ماشي في بلاد فانتازيا جوه قصه عن الدم والكره والخيانه
وفجأه تعدي غلط من قصه لقصه تلاقي نفسك ماشي في ارض الأحلام الورديه وخيالات وضحكات اطفال جمال قوي


لك مني كل التحيه

Soooo يقول...

MKSARAT SAYED SAAD

حليب قلبي
ازيك يابو السيد يابتاع المكنسرات والسهره
واحشني والله يا جرع

وبعدين ولا تعيد حساباتك في اي حاجه
زيح العيا مر

نورتني يابو السيد




سلاموووووووووووووز

Soooo يقول...

كائن مائي

وعليكم السلام ورحمة الله وبركاته
ياستي تعلقي وقت ماتحبي ولا يهمك
وبعدين ايه الدخله دي .. محسساني اني انا السبب في انهيار نظام الاتصالات عندك ليه
انا مالي ياعم
انتي جهازك كان بيتلككلك بعد اخر موضوعين منزلاهم لما اتريقتي على الحب الديجيتال وعلى الكودز اللي في الحياه
قام الجهاز قالك طيب .. وراح انتقم
ذنبي ايه انا بقىىىىى؟؟؟

منوراني يا ستي

وكل سنه وكل الامهات طيبين
وربنا يرحم امي وكل موتانا اجمعين




سلاموووووووووووز

Soooo يقول...

انا مذنب

شرفتني ونورتني بزيارتك وبتعليقك الجميل ده الحقيقه وارجوك تعتبر مدونتي هي مدونتك تمام وتنورني دايما بتعليقاتك وبأراءك

ملحوظه
اضحك ياعم وشيل الهم
وعيش طفولتك من تاني




سلاموووووووووووووز

moory-mero يقول...

السلام عليكم ورحمة الله وبركاته

والله بجد موش شفت أجمل من كده
ربنا يبارك فيك
رغم اني بقرأها وأنا تعبانه ومضايقة بس بجد على ما خلصتها كنت هموت م الضحك
روحك حلوة اوي بتظهر في كتابتك
ربنا يوفقك ويكرمك يارب
على فكرة بموت في البيبز المقلبظين بيبقوا طعمين اوي بحب العب معاهم

نسيت اقول لحضرتك حمد الله ع السلامة والف سلامة عليك من اي خنقه
ربنا يعافيك يارب ويسعد أيامك

دمت بود

حمامة يقول...

ههههههههههههههه

كان بيشرب من شطافة قعدة الحمام على انها كولدير ..

فظيع بجد

Dr. Ibrahim يقول...

مش قلتلك فى الرد بتاع مذكرات رقم ستة ان فى الموضوع احمد السقا بس ايه اللى جابه هنا
ههههههههههههههههههههه


لا بقى ياباشا احنا مكناش بنقول كده
كنا بنقول الله يرحم ستك كانت بتشرب البست فى قوله
ههههههههههههههههههههههههههههههههه

Armendo يقول...

الله يرحم لما كان بيركب على الحمار ويبدل