السبت، ٢٩ شوال ١٤٢٨ هـ

اللهم ارحمنا أحياءا وأموات

اول مادخلت عالم التدوين كنت عمال الف عالمدونين نفر نفر في المدونات بتاعتهم عشان اعلق عند كل واحد واسيب انطباع كويس عشان يدوس على اسمي ويجي المدونه بتاعتي
ولفت انتباهي ان في مدونه اسمها شيكو اون لاين صاحبتها بنت جميله اسمها شيكو - ربنا يرحمها يارب - وانا باتابع التعليقات في اخر موضوع ليها عرفت انها توفاها ربنا في رحمته ان شاء الله
سكت .. اكتفيت اني مصمصت في شفايفي وقلت في سري ربنا يرحمها ويرحمنا برحمته يارب
وكملت لفي عالمدونات التانيه وعمال اسيب تعليق هنا على تعليق هنا .. في من الناس اللي علقت عندهم اللي رد علي وجالي وتفاعل معايا في مدونتي .. وفي اللي ماردش
بس اكتر شخص حز في نفسي انه ماردش علي .. كانت واحده مدونه قريت في مواضيعها خفة دم وسخريه وطيبه مستخبيه مابين السطور
رديت على موضوع من مواضيعها وعلى موضوع من مواضيع جوزها كمان .. وهو بس اللي رد على موضوع واحد من مواضيعي وبعد كده اختفى .. وبرضه زعلت لانهم فعلا كانو اكتر ناس بجد بارتاح وانا باقرا مواضيعهم
الاتنين دول كانو .. بهلول .. وزوجته المغفور لها والمرحومه باذن الله .. بهلوله .. او هدى عبدالله
ولسه عارف بالموضوع ده النهارده من المدون احمد الصباغ
الصراحه تنحت .. وقفت مابيني وبين نفسي وقلت لاحول ولا قوة الا بالله
بقى انا متضايق اني ماكتسبتش صداقتهم وهم كانو في ظروف مايعلم بيها الا ربنا
.. افتكرت شيكو برضه
ورحت داخل عالمدونه بتاعتها .. ودخلت عالشات بوكس بتاعها قلت ادعيلها بالرحمه شويه
.. يمكن حد يفتكرني لما اموت بقراية الفاتحه على روحي
.. افتكرت برضه لما ربنا توفى امي في رحمته ان شاء الله وماتت
يااااه
قد ايه الفراق صعب بجد
.. افتكرت لما عملت ايميل وفيه دعاء لامي ولموتانا وموتى المسلمين بالرحمه
ووزعته على كل الليسته اللي عندي عالماسنجر
افتكرت لما بعتت الايميل ده لنواره نجم ولقيتها باعتالي ريبلاي عالايميل بتقولي انها دعت لامي بالرحمه وحلفتني ادعيلها بالرحمه كمان لما - بعد الشر يارب عليها وعلى والدها - ربنا يتوفاها وتموت
.. قلت طب ليه ماعملش كده
.. واديني اهه باقول دعاء وباهب ثوابه - وعايز كل اللي يقراه يهب ثوابه - رحمه على روح شيكو وبهلوله وامي
وكل موتانا اجمعين يارب
----------
اللهـم .. يا حنَّان يا منَّان .. يا واسع الغفران
اغفر لها وارحمها وعافها واعف عنها وأكرم نزلها ووسع مدخلها
واغسلها بالماء والثلج والبرد .. ونقِّها من الذنوب والخطايا كما ينقَّى الثوب الأبيض من الدنس
اللهـم .. أبدلها داراً خيراً من دارها .. وأهلاً خيراً من أهلها .. وزوجا خيراً من زوجها
وأدخلها الجنة وأعذها من عذاب القبر ومن عذاب النار
اللهـم .. إن كانت محسنة فزد في حسناتها وإن كان مسيئة فتجاوز عنها يارب العالمين
اللهـم .. آنسها في وحدتها .. وآنسها في وحشتها .. وآنسها في غربتها
اللهـم .. اجعل قبرها روضة من رياض الجنة ولا تجعله حفرة من حفر النار
اللهـم .. ارحمها تحت الأرض واسترها يوم العرض ولا تخزِهِا يوم يبعثون
اللهـم .. يمِّن كتابها ويسِّر حسابها وثقِّل بالحسناتِ ميزانها وثبِّت على الصراط أقدامها
وأسكِنها في أعلى الجنات في جوار نبيِّك ومصطفاك صلى الله عليه و سلم
اللهـم .. أمِّنها من فزع ومن هول يوم القيامة .. واجعل نفسها آمنةً مطمئنة .. ولقِّنها حجَّته
اللهـم .. اجعلها في بطن القبر مطمئنة .. عند قيام الأشهاد آمنه .. وبجود رضوانك واثقة .. وإلى أعلى درجاتك سابقة
اللهـم .. حل روحها محل الأبرار .. وتغمَّدها بالرحمة أثناء الليل والنهار
اللهم .. أجعل القرآن الكريم في قبرها جليسا وأنيسا .. ويوم القيامة شفيعا .. وإلى أعلى جناتك رفيقا
اللهم ثبتها يوم الدين .. وثقل موازينها ويمن كتابها ويسر حسابها .. واجعلها من ورثة جنة النعيم
اللهم أنزل على قبرها الضياء و الفسحة والسرور.. والروح والريحان .. والفسحة والرضوان
اللهم أكرمها و لا تهنها وراضها وإرض عنها
اللهم أرفع ذكرها ..وأرفع درجتها .. وأكرم مقامها يوم الدين .. واجزل ثوابها
اللهم أجمعها مع المتقين في جنات ونهر.. في مقعد صدق عند مليك مقتدر
اللهم صبر اهلها على فراقها و اجمعهم بها فى الفردوس الأعلى
اللهم اغفرلها و لجميع موتى المسلمين
اللهم اغفر لجميع موتى المسلمين الذين شهدوا بأنك الإله الحق
وأن محمداً عبدك ورسولك .. وماتوا على ذلك
اللهم ارحمها وارحمنا برحمتك يا أرحم الراحمين
اللهم آمين يارب العالمين
وإنا لله وإنا اليه لراجعون
ولا حول ولا قوة الا بالله العلي العظيم
----------
.. كلمة بقولها لبهلول لو شاف الموضوع ده
اذكرك بقول المصطفى صلى الله عليه وسلم
لله ما أخذ .. ولله ما أعطى
فاصبر واحتسب
-------
.. كلمة بقولها لكل اللي بيقرى كلامي ده
.. لو ربنا توفاني في رحمته - ان شاء الله - ومت في يوم من الايام
اقرولي الفاتحه وادعو ان ربنا يرحمني
صدقوني .. هكون في اشد الحاجه لدعاؤكم ده
سوووو

هناك ٦٣ تعليقًا:

غير معرف يقول...

ربنا يرحمنا جميعا ويغفر لشكو وبهلوله ويغفر لجميع المسلمسن احياء واموات ان شاء الله

Desert cat يقول...

ربنا يرحمها ويرحم جميع موتى المسلمين

سلوى يقول...

اللهم أرحم موتانا
وموتى المسلمين جميعا

آمين

Hannoda يقول...

قريت البوست باستعجال بسبب تاخري عن البيت

ولما وصلت لحد الدعاء ما كملتش
ده دعاء ما ينفعش معاه اني أقرى بسرعة بسرعة

لكن دخلت أقولك بجد فخورة جدا بمشاعرك و روحك ده يات سووو
و تأثرت جدا بالمشاعر اللي في البوست
و بعتذر عن استعجالي و عدم وجود وقت عندي أقرى الدعاء بالشكل اللي يناسبه
و اكيد
جاية تاني في أول ما أقعد ع النت و أقراه كما يستحق
و أدعو لوالدتك و الزملاء المدونين رحمهم الله

أسكنهم الله جنته جميعا

أشكرك جدا

alshared يقول...

الهم أرحم الجميع

ويارب نلاقي حد يترحم علينا

اللهم أمين

Esmat يقول...

أحيك جدا والله على ماكتبت
عارف اللى تعبنى فعلا إننا مش بنحس
بمدى معاناة شخص ما وهو بينا
ويقطع فينا موته
مع إنه ممكن كان فى أمس الحاجة لنا
وهو عايش كان عايز يحس بإهتمام من حوله يمكن ده كان أدخل فى قلبه
بعض الفرح والسرور
بدخل كتير مدونة شيكو الله يرحمها
الملفت إنها وهى مريضة من ساندها كان
لا يتعدى 11 فرد ولكن بعد رحيلها
تعدى الزوار 200 فرد
ألا يحزنك هذا؟
ده يجعلنى لما أحد يختفى من مدونته
أبحث عنه وأقلق بلفعل عليه
جزاك الله خير
ربنا يرحم شيكو وهدى ووالدتك وأبى
وجميع أموات المسلمين
ونحن فى حاجة إلى ترابطنا معا
ونسأل على بعض
يا ريت نعمل رابطة صداقة
ونهتم بمشاكل بعض ونقف جنب بعض
لأنه الحياة خطافة لنا
والود هو الباقى
أتمنى لك كل الخير

هناء يقول...

اللهم آمين

shahy يقول...

اللهم ارحمهم وارحم اموات المسلمين

اللهم استرنا فوق الارض وتحت الارض ويوم العرض يارب العالمين

اللهم صلي على محمد

مدحت محمد يقول...

ربنا يرحم المسلمين والمسلمات والمؤمنين والمؤمنات ويتوفانا واياكم على الاسلام
انه ولى ذلك والقادر عليه

MKSARAT - SAYED SAAD يقول...

هقول اية
انا لله وانا الية لراجعون

سهر الليالى يقول...

اللهم أمين
جزاك الله خير الجزاء
وربنا يرحمهم جميعا والمسلمين
ويرحمنا عندما نلحق بهم
وفعلا يارب نلاقى اللى يترحم علينا حتى لو مكنش بيهتم بينا او بيفتكرنا واحنا عايشين عشان هناك هنحتاجلهم أكتر
تحياتى
وإنا لله وإنا إليه راجعون

rainbow يقول...

والله يا استاذى لن يمكننى ان اعبر عن كمية الازبهلال اللى اصابتنى

الموت اكبر حقيقة فى الحياة

المخلوق الوحيد الذى يولد كبيرا ويصغر برحمة من الله هو الحزن

ويصغر وننسى .. ننسى اننا اليه مهما طال الامد .. ادعو الله ان يرحمنا برحمته احياءا وامواتا

واريد ان اضيف انى مع اقتراح الاخت قسمت او عصمت فى تكوين رابطة لنا منا نهتم فيها ببعضنا البعض ويكون هناك نوع من التواصل والتفاعل بعيدا وقريبا من المدونات .. اتمنى ان نفكر فعلا فى هذا الاقتراح

تحياتى لكم جميعا
ولك يا سووووو من ابلغ واعمق التحية لتفجيرك هذا الموضوع

هدى

غير معرف يقول...

بجد ربنا يكرمك علي الموضوع دة وعلي الدعاء ويارب يرحمنا ويرحم امواتنا واموات المسلمين اجمعين يارب

رحــــيـل يقول...

ربنا يرحمنا جميعا يارب
قد ايه الموت قريب جدا مننا
تحياتى لك

سها السباعي يقول...

لو لم يكن للتدوين ميزة سوى التقاء قلوب لا تعرف بعضها في العالم الحقيقي البارد على هذه المشاعر الانسانية الدافئة
لكفى بها ميزة
دعوة بظهر الغيب لشخص لم تعرفه او تقابله في حياتك
قد ينساها المقربون
عسى الله ان يستجيب لها
هي بالدنيا وما فيها

اللهم ارحمهما واغفرلهما وصبر اهلهما
امين

Layla يقول...

اللهم ارحم موتانا وموتى المسلمين جميعا

اللهم اغفر لنا وارحمنا واهدنا الى الصراط المستقيم

اللهم امين

كاميليا بهاء الدين يقول...

اللهم ارحم جميع مواتى المسلمين

والله فيك الخير ياسووو

انا كمان اول مادخلت عالم المدونات كقارئة صدمت من خبر موت احدى صاحبات المدونات واسمها شيماء تغمدها ربنا بالرحمة واسكنها فسيح جناته يارب, قرأت الخبر فى مدونة عايز اتجوز, وتألمت جدا من تفاصيل الخبر

صعب اوى انك تعرف حد فى العالم الافتراضى وفجأة يختفى وتعرف انه توفاه الله
لانه بيكون صديق مقرب لك يمكن اكتر من ناس كتير بتشوفهم او عايش معاهم

ربنا يكرمك ويحفظك يارب
كاميليا

دكتور كسلان يقول...

جزاك الله خيرا عن هذا الدعاء

واجعله فى ميزان حسناتك

اللهم اغفر لهما ولوالدتك

وادخلهم فسيح جناتك

3ala asm masr يقول...

اللهم اغفر لهم وارحمهم
أنا دعيت لهم ولوالدتك ولبابا وأخويا
بجد الفراق صعب أوى
ربنا يصبر أهلهم
تحياتى

3ala asm masr يقول...

بالمناسبه أنا مع أقتراح أننا نعمل رابطة صداقه وياريت أنت يا سووو اللى تتولى الحكايه دى لان أنت روحك طيبه وتعرف الكثير من المدونين وبروحك الطيبه دى تقدر تجمعنا وتعرفنا على بعض

Unknown يقول...

ازيك يل راجل يا عجوز عامل ايه ؟
و الله يعنى البوست بتاعك ان دل على شئ يدل على ان الدنيا لسة بخير لسة فيه ناس بتزعل على الاحساس لأن المدونين الى صعبوا عليك دول علاقتك بيهم كانت فى التدوين و بس و انت لمست احاسيس جواهم و اتفاعلت معاها عشان كده زعلان عشانهم زى ماتكون تعرفهم من سنين

ربنا يرحمهم و يرحمنا جميعا هم السابقون و نحن اللاحقون

و متخافش يا سيدى حابقى ادعيلك و افرق عليك كمان بسكوت لغلابة و لا تزعل

جزاك الله خير بجد

سلوى يقول...

مروري الثاني

ليس تعليقا على البوست

ولكن سؤال

فينك أخي ؟
لا تعليقات منك
ولا بوستات جديده

عساك بخير

تحيااااتي

Soooo يقول...

رئيس جمهوريه نفسى

اللهم آمين يارب العالمين
ويجعل دعاءنا ليهم بالرحمه والمغفره مستجاب باذن الله



سلامووووووز

Soooo يقول...

Desert cat

ويرحمنا جميعا احياء وأموات يارب


سلاموووووز

Soooo يقول...

Salwa


اللهم امين يارب
وماتخافيش يا سلوى علي
عمر الشقي بقي زي مابيقولو

وهنزل موضوع جديد اهه حالا
ان شاء الله


سلامووووووز

Soooo يقول...

Hannoda

ياريت تكوني قريتي الدعاء واخلصتي النيه في وهب الثواب لكل اللي ماتو سواءا نعرفهم او مانعرفهمش

عشان نلاقي حد يترحم علينا لما يجي أواننا ونقابل وجه رب كريم


سلامووووووووز

Soooo يقول...

alshared

ان شاء الله هنلاقي اللي يترحم علينا لما نموت
طول ماحنا بنراعي ربنا في معاملاتنا مع الناس


سلاموووووز

سلوى يقول...

الحمد لله

وفي انتظار جديدك

تحيااااااااتي

ahmed mefrh يقول...

الله ارحمهما اجميعن
و ارحمنا معهم اللهم امين
و الحقنا بالشهداء و الصديقين فى عليين
اللهم ايمن

غفر الله لنا و لهم

تحياتى اليك
ابو مفراح

زُمُرده يقول...

السلام عليكم
ربنا يرحم موتانا واحيائنا
ويغفر لينا ويتوب علينا
ويختم لنا بالصالحات
مشاعرك جميله
وبوستك اجمل
يخلينا نقف...نسأل....نتخيل
نقطتين شدوني:
1-ياترى مين هيفتقدنا لما نموت
مين هيعز عليه فراقنا
مين ظلمناه ؟؟ومين ظلمنا؟؟
والأهم.....مين حبيناهم ووقفنا صامتين
لا عبرناهم ولا قربنالهم ولا قولنالهم
وفات الوقت ورحلوا
ويمكن لو قلنا لو اتفاعلنا
لو مسكتناش في مواقف كتييييييييييير
في حياتنا .....كنا اثرنا وتأثرنا
وبنينا ومهدمناش

2- اللي بيغيبوا عنا اكيد ليهم عذر ...مانع...ظروف
لو مكناش جنبهم وقتها
هنبقى إمتى؟؟؟؟؟؟

Soooo يقول...

Esmat

عندك حق والله
ليه دايما مش بنحس بقيمة اي شخص غير لما بيموت

ربنا يرحم موتانا واحياءنا مسلمين ومسلمات

وبالنسبه لاننا نتعرف ببعض اكتر ونعمل رابطة صداقه ونتقابل ونفضل نسأل على بعض وكده فدي طبعا حاجه جميله وانا معاكي واديني بانادي وبقول يلا يا جماعه نتعرف ببعض قبل ما حد يختفي وبعدين نسمع ان ربنا اختاره لجواره

سلامووووووز

Soooo يقول...

هناء


اللهم ارحم موتانا واحياءنا مسلمين ومسلمات





سلامووووز

Soooo يقول...

shahy


اللهم امين




سلاموووووز

Soooo يقول...

doha


اللهم امين اللهم امين اللهم امين




سلاموووووز

Soooo يقول...

MKSARAT SAYED SAAD

انا لله وانا اليه لراجعون



نورتني يابو السيد



سلامووووووووووز

Soooo يقول...

سهر الليالى


ان شاء الله طول ماحنا بنراعي ربنا في معاملتنا مع الناس
هنلاقي اللي يترحم علينا لما نموت




سلاموووووز

Soooo يقول...

rainbow

فعلا يا هدى
الموت هو الحاجه الوحيده اللي بيبدأ كبير وبيصغر تدريجيا
وده من لطف ربنا بينا
لاننا لو فضلنا مفتقدين الشخص اللي مات في حياتنا بنفس الدرجه في الاول .. هنيأس من الحياه


وانا معاكي ومع قسمت او عصمت برضه في الموضوع ده



سلامووووووز

Soooo يقول...

مشمش


ربنا يكرمنا جميعا يا مشمش يا صاحبي
ويرحم موتانا وموتى المسلمين يارب




سلاموووووووز

Soooo يقول...

ra7eel


فعلا والله
الموت ده قريب مننا قوي
بس تقولي لمين بقى
ربنا يهدينا جميعا يارب




سلاموووووووووز

Soooo يقول...

سها


منوراني يا سها والله

واحلفلك اني مش قاصد من الموضوع ده غير اني الاقي حد يدعيلي لما اموت
ربنا يرحمنا جميعا احياءا واموات
مسلمين ومسلمات



سلاموووووووووز

Soooo يقول...

Marvel


اللهم امين
اللهم امين
اللهم امين



سلامووووووووووز

Soooo يقول...

كاميليا


والله عندك حق
بالرغم من اني مابقاليش كتير في عالم التدوين
لكن اتعرفت على ناس فعلا والله باحس انهم قريبين منني جدا زي ما اكون اعرفهم من زمن


ربنا يرحمنا يارب
سلاموووووووووز

Soooo يقول...

دكتور كسلان


اللهم امين
اللهم امين
اللهم امين




سلامووووووز

Soooo يقول...

3ala asm masr


الله يباركلك يارب
وبالنسبه لموضوع اننا نتعرف ببعض وكده ياريت والله
بس بشرط
انا ولا هتولى حاجه ولا محتاجه
عشان انا بطبعي ديكتاتوري وعندي عقد نقص كتير وممكن اطلع عقدي عليكم
انا باحزركم اهه



سلاموووووووووز

Soooo يقول...

عاليا حليم

الحمدلله انك شرفتيني في مدونتي لتاني مره
ولو اني كنت فاكرك ماحبيتيش اللي باتكلم عنه لما قلتي اني غريب ومدونتي عجيبه

لكن الحمدلله

وامانه عليكي
اوعي تفرقي على روحي بسكويت بسكو مصر عشان فيه مسامير وانا مش ناقص حد يدعي علي وانا ميت



سلامووووز

غير معرف يقول...

سوووو يا اخي الغالي جدااااا

دائما هناك من يرحل عنا .. او من سنرحل عنهم.. نشتاق اليهم فندعوا لهم ..يشتاقون الينا فيدعون لنا..

فكما تفضلت فلنجعل بيننا باقة دعاء خالص لوجهه عز وجل نهديه الى من فارقنهم ولن ننساهم


تحياتي وشكرا على الموضوع


شــــــهد

Soooo يقول...

ابو مفراح


منورني ياباشا في اول زياره ليك في مدونتي المتواضعه وارجو انك تعتبر مدونتي هي مدونتك تمام

وربنا يرحمنا جميعا


سلاموووووووووووز

Soooo يقول...

زُمُرده


زي ماتعودت منك يا زمرده
بتجيبي اللي في بالي بالظبط
فعلا تساؤلاتك دي شدتني وخلتني افكر مع نفسي فيها كتير

ووصلت لحقيقه ثابته
طول ما الواحد مننا بيعامل الناس بما يرضي الله
يبقى هيسيب ذكرى جميله .. وصورة اجمل



سلامووووووووز

ghalia يقول...

إنا لله وإنا إليه راجعون
الله يرحمها ويغفرلها
ويجعل ثواب الدعاء فى ميزان حسناتها إن شاء الله

لفتة جميلة جدا منك يا سووو
والله يصبر أهلها

Soooo يقول...

ghalia


ربنا يرحمنا جميعا يارب
وربنا يكرمنا باللي يدعيلنا بالرحمة ويترحم علينا لما نموت




سلاموووووز

موجة يقول...

ربنا يرحمهم و يرحمنا يا رب يا راجل يا عجوز ..

سمية يقول...

سعات كتير اما بقعد لوحدى بسأل نفسى..هوا نا لو مت حد هيفتكرنى..ناس كتير هتزعل عليا..بس انا عارفة ان ناس كتير هتنسانى و تكمل حياتها من بعدى..
ربنا يدينا و يديك طولة العمر ..بس اهم حاجة يكون معاه العمل الصالح و حسن الخاتمة

تحياتى
سمية لطفى

Asmaa mahaba يقول...

يا من تغره الدنيا وظنه طول الامل الموت ياتى بغتة والقبر صندوق العمل...
ناتى فى الدنياعابرى سبيل ايام قلائل كاننا لم نلبس عشيه او ضحاها....
يكفينا فيها الكلمه الطيبه نسمعها وتكفينا فيها كلمه الحق نقولها.....رحمك الله ورحمنا رحمه واسعه اذا ما صرنا الى ما صاروا اليه انا لله وانا اليه راجعون....وفعلا الفراق بياثر بس ما هى الا لحظات قلائل لنجد انفسنا نلحق بهم....مش عارفه ليه قبل ما اقرا مدونتك كنت بفكر اكتب وصيه اذا ما مت فى اى لحظه....وفجاه لاقيت مدونتك دى فاتفاجئت...
اللهم استرنا معنا فوق الارض وتحت الارض ويوم العرض عليك

بنت مصريه يقول...

اللهم ارحم موتانا يا رب العالمين الهم ارحم موتى المسلمين يا رب العالمين وادخلهم مدخلا كريما

Soooo يقول...

موجة

ربنا يرحم موتانا وموتى المسلمين جميعا يارب
ويرحمنا برحمته

------

سمية

اهو انا ومن نفس المنطق ده يا سميه يا حماتي المستقبليه
نزلت الموضوع ده
كنوع من انواع الحسنات الجاريه بعد وفاتي
وربنا يرحمنا برحمته احياء واموات

سلامي لفتكات عروستي المستقبليه

-----
somaa

اللهم امين يارب
تصدقي لو هتبقى دي وصيتي يبقى مش عايز حاجه اكتر من كده في الدنيا
ولو فعلا اللي قرا الدعاء ده قراه رحمة ونور علي وعلى اموات المسلمين جميعا يبقى كده قضيت الحمدلله وربنا يتقبل دعاؤهم يارب

-----

بنت مصريه

سعيد بزيارتك وبتعليقك وتمت اضافتك ياستي
وممكن لما كنت منزل الموضوع ده كنت مخنوق شويه
لكن الحمدلله دلوقتي احسن




سلاموووووووووووز

magnona يقول...

البقاءلله..ولا حول ولا قوه الا بالله..ربنا يرحمهم ويرحمنا ويرحم امواتنا واموات المسلمين

د. محمد رضا يقول...

اللهم ارحمنا وارحم موتانا اجمعين

واجعل مثوانا الاخير جنات النعيم

صباح الخير يا مصر يقول...

عجوز .. وعندي 30 سنه
**********************
انت جميل اوى يا سووو
وجزاك الله خيرا
تحياتى

Soooo يقول...

magnona

اللهم ارحمنا وارحم موتانا وموتى المسلمين واجمعنا بهم في جنة الفردوس الاعلى وفي صحبة سيدنا ونبينا محمد عليه افضل صلاة واتم تسليم

وربنا يجازيكي كل خير على تعليقك ويارب يسعدك ويكرمك ويوفقك ويرضيكي دنيا وآخره يارب


======

Dr.Hammood

اللهم امين يارب العالمين

وربنا يجازيك كل خير ويكرمك ويبسطك ويسعدك ويوفقك ويرضيك دنيا وآخره يارب

=======

صباح الخير يا مصر

بل الجميل هو تعليقك
وربنا يجازيك ويجازينا كل خير .. ويسعدك ويبسطك ويوفقك ويرضيك دنيا وآخره يارب





سلاموووووووووووز

Ahmed Saber يقول...

اللهم ارحم موتانا واحياءنا مسلمين ومسلمات يارب العالمين

سواحة يقول...

ربنا يرحمنا جميعا يارب
تعرف انا برضه قريت بهلول و بهلولة و كان نفسى يكملوا بس سبحان الله له تقدير ثانى ، يارب تكون روحهاعنده متهنية و راضية و يصبر بهلول فى دنيته

انا حفظت الدعاء ده على الكومبيوتر و حححاول احفظه
محتاجة ادعيه لوالدتى و والدى فى حياتهم قبل ما ربنا يختارهم عنده
علشان اهدى و احس انى ساعدتهم فى دنيتهم و انا فى البعد مش قادر اعمل حاجة اساعدهم فى شيخوختهم

مش عارفة بكتب له دلوقتى رد فى موضوع اثرى :-)
بس لما قريت انها وصيتك
حاضر حادعيلك

بس اصل انا كمان على سن ال30 كتبتى وصيتى فعلا و سجلتها فى الشهر العقارى :-) بعد ماهدوا حيلى ، يظهر كانوا عازين يخلصوا عليا اقبل ما اخلص الاوراق :-) فشدنى موضوعك

عبد الرحمن سالم يقول...

آآآه... تدوينة مؤثرة جدا

ربنا يرحم الجميع ياااا رب !

Emtiaz Zourob يقول...

ربنا يرحمهم جميعا يارب .. ويرحم امي وامك اخي الكريم.

ويصبرهم ويصبرنا على فراق أغلى الحبايب .

على فكرة انا كمان في بداية مدونتي كنت بألف على المدونيين للتعرف عليهم وتعريفهم بمدونتي وتفاجأت ببعض المدونيين ممن تركوا مدوناتهم ورحلوا عن عالمنا .. منهم بمرض او حادث او حتى مظاهرة !!

ربنا يرحم الجميع ويرحمنا احنا كمان ..