الأحد، 11 ذو القعدة، 1429 هـ

!! حالات

هو .. برج مائي
هي .. برج هوائي
الاتنين مع بعض .. حياتهم زعابيب ومطره وانفلونزا طول العمر
----
هو .. برج ترابي
هي .. برج ناري
الاتنين مع بعض .. حياتهم قزاز هيتكسّر ويتفتفت على دماغهم ودماغ اللي يعرفهم
----
هو .. برج ناري
هي .. برج مائي
الاتنين مع بعض .. حياتهم ميّه مغليه وتسلخات وصباحو وحوحه
----
هو .. برج هوائي
هي .. برج ترابي
الاتنين مع بعض .. حياتهم عَفَرَه وجو ملبّش وحوادث نتيجة عدم الرؤيه
----
هو .. برج ناري
هي .. برج هوائي
الاتنين مع بعض .. حياتهم نار مشعلله ومِشَعوطه وحد ينادي المطافي
----
هو .. برج مائي
هي .. برج ترابي
الاتنين مع بعض .. حياتهم مطيّنه بطين ونهارو زروطه
----

.. الاستنتاج النهائي

تعددت الأبراج .. والنتيجه منيّله بنيله

سوووو

هناك 40 تعليقًا:

ابن حـجـر الـعـسـقـلانـى يقول...

أشكرك بعنف على بخة اليأس دى اللى فى منتصف اليوم .. و كمان فى مقتبل العمر

و صباحه مش باين له معالم

بس جامدة يا سوووو

همس الاحباب يقول...

الله يكرمك
صباحه زعابيب امشير
وبرد طوبة
ايه يا عمنا فى ايه
ده انت كده خليت الدنيا طينه وزروطة
وباين عليها شتوية مزحلقة
هههههههه
بس تعرف انها جامدة
اسيبك واروح اشوف انا برج ايه
اشوف الحياة لونها ايه
تحياتى

Miss. Sosa يقول...

عينة البحث غير كافية يا افندي وغير مستوفية الشروط ومش مغطية كل الحالات :D

ومائي مع مائي مش هتبقي ترعة ومجاري مائية

وهوائي مع هوائي مش هيطيروا مع الريح

وترابي مع ترابي مش هيعيشوا في الترب بتاعت الغفير

وناري مع ناري دي واضحة بقي جهنم وبئس المصير

صبرني يارب يقول...

هو ده التفاؤل
هو ده الاقبال على الحياه

ايه ياعم انت حرام عليك ما بنصدق حد يقول اتجوز
وانت تعور العيال فى مشاعرهم كده
ههههههههههههه
تحياتي لك سو

ojg يقول...

أنا اتأخرت قوووووي
ألحق التعليق الرابع وأروح أقرا

ojg يقول...

هههههههههههههههههههههه
صباح الفل يا سيدي
يعني مفيش فايده؟؟
أروح أقعد جنب مامتي يعني؟؟
دايما كده يا سوووو
مديني دفعة للأمام
:s
كل الحالات اللي قولتها حلوة
بس ولا حالة فيهم منطبقة عليا
خمن ليه؟
:D

ست البيت يقول...

صباح شريف عفيف خالي من البكش والأونطة

اتصور فكرتني بعم الأمور اللي بيجي في مساءك سكر زيادة وهو بيتكلم امبارح على علاقة أم وبنتها وقال السبب في توتر علاقتهم ببعض الأبراج
نعم؟؟؟؟؟؟؟؟؟؟؟؟؟؟؟؟؟؟
يا عني لا تربية ولا تجارة كمان لأ وعلى عينك يا مشاهد
بنتك بتكرهك لأنك برج غير برجها
طب على كده لما اجي اقدم في شغل اكتب في السي في بتاعي برج حضرتي وأسأل صاحب الشغل برجك ايه مش السالاري كام؟

بلد منفضة على الآااااااااااااااااااااخر
أخبار حمزة ايه دلوقتي؟
على فكرة اتكدتو كويس ممكن يطلع تجمع دموي زي هند كده الموضوع دا مشهور اليومين دول في الأطفال

انا حره يقول...

يالهوى عليك

دايما كدا مصدر تفاؤل فحياتى

اصلها كانت ناقصاك بصراحه ياسوووو

قوس قزح يقول...

وعلى ايه كل ده
ما تخلينا فى الابراج الصينى ارحم
مع ان اسمائها منيلة بنيلة بردو
ههههههههههههههه

Z_Diva يقول...

loooooooooooooooool

wenaby 3ndk 7a2 ya5oya :D

صباح الصباح يقول...

اية يا بنى دة

هوة انت مسكت باب حظك اليوم فى الاهرام واللا اية

واللة ولعبت يا سوووووو

maiosha يقول...

هههههههههه

يا خبر أبيض
طيب يا سووو نصايحك إيه للى عايزين يتجوزوا

أنا هروح اشوفلى واحد كده برج العذراء ولا حاجة اتجوزه

ههههههههههه

حلوة جدا والله

mony يقول...

ليه بس التشائم ده يا عم سو

دا الدنيا خريف و الجو سقيح و الحالة ماشية

طيب لو بصينا لنفس الاشخاص بعين متفائلة شوي ممكن نقول اييييه؟؟؟؟


مائي * هوائي= دوامة الحب يا فندم

ترابي * ناري= هيبقي عندنا شوي قُلل صغيرين يرونا لما نكبر

ناري * مائي= لما حد يشد التاني يرخي

هوائي * ترابي= شوية تغير حوالينا علشان الملل

مائي * ترابي= علشان لما حد يعطش التاني يرويه و علي رأي فيلم الارض
الارض لو عطشانة

ناري * هوائي= ديه بأه مخي وقف عندها
مش عارفة اشوفلها صرفة


الاستنتاج النهائي

تعددت الابراج ... و برضه النتيجة منيلة بنيلة


علشان ماحدش بيحكي الجانب الكويس من الموضوع
مش شايفين غير العيوب بس

حاجات جوايا يقول...

ههههههههههههههههه
والله عندك حق
مش عارفة اللى بيدوروا على مدى التوافق بين الزوجين عن طريق الابراج بيتعبوا نفسهم ليه
مهى كده كده بايظة

دمت فى حفظ الله اخى الكريم
سالى

رندا يقول...

ياخبر ياسوو :O

شوهت معالم الابراج خالص
دول بقوا ابرج بيزا المائى مش المائل
انا قلت اشوف مائى مع مائى يبقى اية على تصوراتك الشخصية حضرتك يعنى شلالات نياغرا عاعاعاعا
طبعا ياسوو انت ولا برج منهم اكيد برج ملوش زى برج مئاهوا

انت مش منهم ياسوو انت من الاحرار

كل الود ليك ياسوو ( انيميشنز سوو)

رندا

MeDoOoOoOo يقول...

عايز اقواك اني عانيت نص ساعه علشان اعرف ادخل علشان اعملك الكومنت ده شوفت انا مضحي ازاي...؟؟؟؟

يا كائبنى دايما هو انا قلت مش هتجوز من شويه يابني حرام عليك
بس والله حلوه

سلام

موناليزا يقول...

وعشان كده "كذب المنجمون ولو صدقوا"

nona يقول...

خير حير
نسبة العنوسة و الاضراب عن الزواج هتزيد اكيد و الفضل يرجع للمعلم سوو
وبكدة هتقل الزيادة السكنية فى مصر
اكيد فى ناس كتير هيشكروا
وناس كتير طبعا هيضربوك و انت عارف السبب
صحيح هو برج الميزان نوعة اية

زهرة الجنة يقول...

ايه يا سوو
خلتني احس اني دخلت مدونة غلط
مدونة واحد متشائم ومزعبب ومأمشر
ادني البنوتات والولاد أمل
خليهم يتجوزا بدل ما تخلي حياتهم
زعبيب وأمشير
بس تعرف انا هاروح اعرف انا برج ايه من الأبراج المنيله بنيله دي (:

مساك سكر زيادة

بت خيخة وأى كلام يقول...

احييييييييييه

يعنى مافيش فايدة

3ala asm masr يقول...

الحاجات دى يا سو يا اخويا زى البطيخه
لازم تطلع قرعه

لماضة يقول...

ايه ياعم ده
ده انت ضلمتها خالص
ده مفيش امل للدرجادي
تجيبها كده تجيلها كده قفلتها

صباح الدماغ العاليه
:))

فاتيما يقول...

يادى النيلة
يعنى لا إتفاق فى كل الحالات
خلاص يا سووو قفلتها ؟؟
طييييييب
أتارى العلاقات العاتفية و الزوجية بعافية طول الوقت و إحنا مش عارفين السبب
تلات حاجات اخيرة
1-ربنا يسعد أيامك زى ما بتضحكنا من القلب
2- ربنا يطمنا على حمزة و يشفيه و يعافيه يا رب
3- إفتقدتك جداً يوم التبرع و ياريت متبقش تعمل حركات التنفيض دى تانى و تبقى تيجى نشوفك
بس كدا

سومه...مجنونه فى بلد عاقل يقول...

اكدب عليك تاتاتااا اكدب عليك تاتاتا اكدب عليك اكدب عليك
احم احم ندخل فى الموضوع
انا مبفهمش حاجه فى الابراج خالص يا سووو
هههههههههه شوفت الرد الالى دا
دا كان اولا
ثانيا بقى هو اصلا اى ارتباط بين اتنين صداقه اخوه جواز بيقلب بغم فى اوله لكن بعد خمشاشر عشين سنه الموضوع بيهدى خالص يعنى
وعموما يا سووو خليك فى الدبور بتاعك تقتله يقتلك تطلعوا عين بعض المهم ونس فى الاخر يعنى وكله خير وبركه
وشكرا على الكابه دى

سومه...مجنونه فى بلد عاقل يقول...

معلش يا سوو عشان شكلى حغرق المدونه بتاعتك دم دلوقتى مين جاب سيره البطيخ بقى ان شاء الله لا انا محبش حد يتكلم ويقول على البطيخ اقرع وخصوصا وانا لسه معرفش هو حيبقى اقرع ولا بشعر فياريت تحذف تعليق على اسم مصر بقى اكراما لسى بطيخ بيه خطيبى المستقبلى
والا بحذر انى حفجر المدونه فى خلال 52 ساعه من تاريخه

سومه...مجنونه فى بلد عاقل يقول...

واى حركه قرعه من اى مدون فيكم حضرب فى المليان
وقد ازعر من ارنر

إنجى يقول...

يالهوى!!!!!

وانا انهى برج فيهم؟؟

يا رب اطلع من برج تغذية اشارات ارسال المحمول اهو ابقى حاجة نافعة

من الاخر كده يعنى مفيش فايدة؟
بلاها .. خلينا عزاب كده اريح


تحيتى يا سووو

يوميات فنانه مفروسه جداا يقول...

ليه كده بس
طيب انت يا استاذ سووو متعقد تعقد معاك بقيت الشوباب علي البونات الغلابه ليه بس
يلا
هوا اليوم الطيييين بيبدأ من اوله

عليه العوض

ملحوظه
اتمني مكونش اتصلت بيك في وقت غير مناسب
النت كان فاصل ساعتها ومكنش عندي غير الشغل والشبكه عندي متراقبه فملاقتش غير التليفون بقي
ربنا يطمنك عليه يا رب
سلام

nor يقول...

ياااااااااااااااا سلام
يا بني الابارج دي حرااااااام حراااام
احنا ناقصين وقف حال

اهو ده عيبه يقول...

يعنى اعمل ايه انا دلوقتى
طب انا برجى هوائى
شوفلى بقى حد برمائى ولا ضفدعه طالما الحكاية بقت خل كده

الله يكرمك يا سووو بلاش الحالات دى والنبى :))

maha zein يقول...

عجايب يا زمن
يعني مفيش امل يعني
طيب ايه رايك لو هي برج مائى وهو برج ناري وكل ما هو هيولع هي تطفى والحياه تمشي
يا عم الحج مش عوزين تعقيد بقه
متشائم
لا بجد بس انت عامل ايه
في غيبة كتيرة حصلة
صح
انهار واعترف لحسن انا برج هوائى وممكن اطيرك
عموما اكيد انت برج مائى وغرقان لشوشتك
الا انت فين مبتسألش كده عليا اكون مت ولا حاجة
بقه هي دي اخرتها
ماشي انت اللى جبته لنفسك وصورك اللى عندي هتتفرق علي غرف الشات والجروبات المعلنة وغير المعلنة وهتشوف والنهار ده هيبقه كله زعابيب واعاصير
بس بقه

rona يقول...

شكرا للتفاؤل كنا محتاجين الجرعه دىىىىىى
مدونه جميله

واحدة مفروسة يقول...

هههههههههههههههههههههه
ايه التفاؤل ده؟؟؟
ايه النظرة البمبي ديه؟؟؟؟
هههههههههههههه
تعددت الابراج و النتيجة منيله بنيله
هههههههههههههههههههه

enjy يقول...

هع هع هععععععععع دة رايي بالظبط جامد فحت........... والله انت تحفة وكلامك زى الفل........انا رايي خليهم صحاب احسن

Gannah يقول...

انا آسفة متأخرة جدااااااااا
انا عارفة بس اسمحلى اقول بس انى هدعى لحمزة قوى
فى اماكن الدعاء فيها مستجاب باذن الله
اسمه جميل وهو جميل ربنا يبارك فيه
أسأل الله العظيم رب العرش العظيم ان يشفيه
تحياتى

كيكى يقول...

يعنى مفيش فايدة يا مرسى!؟1؟!
يلااااااااا خربانة خربانة
هههههههههههههههههههه
.......................
ربنا يا سوووووووو يهنيك ويسعدك ويعفى عن حبايبك ان شاء الله ويزيح عنهم ويبعد عنك الحزن والغم الله ما امين
دومت فى رعاية الرحمن
عووووووووووووووووووووووووووووو

Hannoda يقول...

برررررضه

انت شكلك حاتقع واقعة ملهاش حل

أصل كل اللي بيقول كده بيحب لشوشته

ربنا يسترررررر
:)

قلب مصرى يقول...

ايه يا عم ده
الحياة زى الفل والله مش كده
ماتخافوش ياجدعان الحب والجواز حاجة حلوة جدا والله

وومن يقول...

سوووو

النتيجة منيلة مهببة سودا زرقا فحلوقي

شر ولا بد منه واللي مكتوب علي الجبين لازم تشوفه العين

kiki يقول...

情趣用品,情趣,情色,成人,A片,自拍,情趣用品,情趣,色情,成人影片,色情影片,免費A片,情趣用品,情趣,成人網站,A片下載,日本AV,做愛,情趣用品,情趣,美女交友,A片,辣妹視訊,情色視訊,情趣用品,情趣,色情聊天室,聊天室,AV,成人電影,A片,情趣用品,情趣用品,情趣商品,情趣,情趣

情色,A片,AIO,AV,日本AV,色情A片,AV女優,A漫,免費A片,A片下載,情色A片,哈啦聊天室,UT聊天室,聊天室,豆豆聊天室,色情聊天室,尋夢園聊天室,080視訊聊天室,080聊天室,080苗栗人聊天室,免費視訊聊天,上班族聊天室,080中部人聊天室,視訊聊天室,視訊聊天,成人聊天室,一夜情聊天室,辣妹視訊,情色視訊,成人,成人影片,成人光碟,成人影城,自拍

情趣用品,A片,AIO,AV,AV女優,A漫,免費A片,日本AV,寄情築園小遊戲,情色貼圖,色情小說,情色文學,色情,色情遊戲,一葉情貼圖片區,色情網站,色情影片,微風成人, 嘟嘟成人網,成人,成人貼圖,18成人,成人影城,成人圖片,成人影片,UT聊天室,聊天室,豆豆聊天室,尋夢園聊天室,080聊天室,080苗栗人聊天室,080視訊聊天室,視訊聊天室

情趣用品,A片,aio,av,av女優,a漫,免費a片,aio交友愛情館,a片免費看,a片下載,本土自拍,自拍,愛情公寓,情色,情色貼圖,色情小說,情色文學,色情,寄情築園小遊戲,色情遊戲,嘟嘟情人色網,一葉情貼圖片區,色情影片,情色網,色情網站,微風成人,嘟嘟成人網,成人,18成人,成人影城,成人圖片,成人貼圖,成人圖片區,成人小說,成人電影

情趣用品,情趣,情趣商品,自拍,UT聊天室,聊天室,豆豆聊天室,哈啦聊天室,尋夢園聊天室,080聊天室,080苗栗人聊天室,H漫,A片,AV,AV女優,A漫,免費A片,愛情公寓,情色,情色貼圖,色情小說,情色小說,情色文學,色情,寄情築園小遊戲,色情遊戲,SEX,微風成人,嘟嘟成人網,成人,18成人,成人影城,成人圖片,成人貼圖,成人圖片區

情趣用品,情趣用品,情趣,情趣,情趣商品