الثلاثاء، ٣٠ رمضان ١٤٢٩ هـ

(25)مذكرات طفل .. طخين

!! المحطة الخمخة وعششين .. بطيخة شيليام
-------------------------------
بمجرد ما دخلت المخزن انا وشمهورش اتلمو علينا العيال وهم فرحانين اننا رجعنا كويسين .. بصيت حواليّ لقيت دراكولا لابس عوامة بحر على وسطه وبيقولي
دراكولا : انا جاهز اهو .. يلا بينا
سوووو : جاهز ايه .. وايه اللي انت عامله ده؟
دراكولا : هو انت مش قلت للعيال يقولولي أجهز نفسي عشان هنروص نصيّف ؟؟
سوووو : نصيّف - بصيت على ميمون - انا جبت سيرة مصيف خالص؟؟
ميمون : انا مالي ياعم .. بشله هو اللي قال
بشله : انت هتلبسني نصيبه يا عم انت .. انا ولا اعرف أي حاجه
دراكولا : انتو هتشتغلوني .. انتو مش قلتو كده بعضمة لسانكم ؟؟
!!! ميمون : - وهو باصص لي - ياعم دراكولا بيخرّف .. ده من ايام اللسان ما كان بعضمه
سوووو : - وانا متعصب ومتشنج - لا ماهو كده مش هينفع يا جرعان .. يعني انا طالع عيني وانتو بتهزرو
بشله : لا بقولك ايه .. هتتشنّك علينا .. هنتشنّك عليك
ندى : ياخواننا صلو بينا عالنبي .. طب والله احنا اتحسدنا
سوووو : اللهم صلي عليك يانبي .. بص يا دراكولا .. انا كان قصدي تجهز نفسك وتصحصح للي هيحصل
دراكولا : طب وايه اللي هيصحل اصلا ؟؟
سوووو : هقولكم ايه اللي هيحصل .. باختصار كده لما عرفت ان الجهاز مش هيتحرك عشان يمسك الحراميه اللي بيسرقو الدقيق عشان صحاب المخزن ناس واصله .. قلت اضرب تلات عصافير بحجر واحد .. اول عصفور التوربيني هينقل الدقيق من هنا عالمخزن اللي فيه ابويا وامي وهيروحلو خالد صالح عشان ياخده منه
ميمون : طب وتاني عصفور !؟
سووووو : البوليس هيقبض عالتوربيني وخالد صالح متلبسين في حوار الدقيق
بشله : وتالت عصفور !؟
سوووو : الحوار كللو هيلبس في سونيا واللي معاها
شمهورش : ينصر دينك ياجدع
ندى : طب وابوك وامك ؟؟
سوووو : ماهو هنا بقى هايجي دورك يا دراكولا
دراكولا : - وهو بيهرش في نافوخه - عايزني اقتلهم ؟؟
سوووو : تقتل ايه بس .. عايزك تبقى مستخبي هناك .. عشان لو حصلت حاجه وحشه تتصرف وتنقذ ابويا وامي
دراكولا : اه .. طب والمصيف ؟؟
سوووو : ياسيدي اوعدك الحوار ده يخلص على خير وانا هاخدك اسبوع بحالو في الساحل الشمالي
ميمون : ايه ده .. هتاخده لوحده ؟؟؟
سوووو : هاخدكم كلكم .. بس يلا بقى عشان احنا ورانا مليون حاجه ولازم نعملها
بشله : مادام فيها ساحل شمالي .. قول واحنا ننفذ
سوووو : ميمون .. عايزك تروح المخزن عند ابويا وامي وتفضل متابع الجو .. ولو حصلت أي حاجه تيجي تديني خبر
ميمون : اراقب مخزن ايه بس ياسوووو .. احنا بقينا وش الفجر وانا تعبان ومانمتش ولا كلت لقمه بقالي يومين
سوووو : ياعم مش وقت نوم ولا اكل .. وانت يا شمهورش .. عايزك انت وبشله وندى ودراكولا تاخدو بالكم من الدقيق .. عشان انا شاكك ان التوربيني ممكن يكون باعت ورانا حد من رجالته وعايزين يسرقو الدقيق لحسابهم
شمهورش : ماتقلقش من الناحيه دي
سوووو : وانا هاروح عالجهاز عشان ابلغهم بآخر التطورات
ندى : انا هاجي معاك
سوووو : تيجي معايا فين .. هو انا رايح سيما !!!؟
ندى : ماليش دعوة .. انا هاجي معاك يعني هاجي معاك
دراكولا : طب ماتاخدوني معاكم انا كمان .. والنبي والنبي والنبي
سوووو : يالهووووي .. يا جرعان احنا في مهمة وطنيه
دراكولا : ايه مهمة وطنيه دي .. يعني ايه ؟؟؟؟
!!!! سوووو : والله ماعرف .. هم قالولي كده في اول الحدوته
-----
سونيا : عرفت هتعمل ايه يا سامبا ؟؟
سامبا : ماتقلقيش .. بس هتعملي ايه في تامر ؟؟
سونيا : هاوديه الصبح بدري عند سكينة اختي في باب الشعريه
سامبا : ايه ده .. هي رجعت من ليبيا امتى؟؟
سونيا : يوووه .. دي رجعت وعازمانا عالغدا عندها بس انا اللي مش لاقيه وقت اهرش
سامبا : لا مايصحش .. دي اختك وانتو الاتنين اتربيتو في ملجأ واحد
سونيا : ربنا يسهل .. ولازم تيجي معانا انت وخطيبتك .. حاكم هي نفسها تتعرف عليها والله
سامبا : فيها الخير .. انا كنت فاكرها هترجع وتتكبّر وتعيش علينا وتنسى ايام الملجأ والاصلاحيه
سونيا : عيب عليك .. سكينه دي اصيله طول عمرها .. وشايلالك الجميل من ساعة ماكتبت عليها في القسم في قضية الاداب اللي اتقفشت فيها من سنتين
سامبا : اهو الواحد بيعمل الخير .. وربنا هو اللي يجازينا بقى
----
بمجرد ماخرجت من المخزن انا وندى اللي أصرت تيجي معايا وانا وافقت عشان مش ناقص أكلان في نافوخي .. لقيت الموبيل بتاع خالد صالح بيرن .. وهو اللي كان بيتصل بي
سوووو : حليب هارتي
خالد صالح : بقولك ياسوووو .. في حاجه عايز اسألك فيها
سوووو : ومالو .. اسأل استشير
خالد صالح : هو احنا هننقل الدقيق ليه من المخزن مادام المخزن ده مش بتاع ناس مهمة زي ما كنا فاكرين في الاول ؟؟؟
سوووو : وانا اللي كنت فاكرك نبيه وهتفهمها وهي طايره .. اقولك ياسيدي
خالد صالح : قول
سوووو : بقى انا ياسيدي بعد ما سمعت عن التوربيني وعن قلبه الميت وانه ابن ليل .. لقيت انه ممكن يبقى معانا في العمليات الجايه .. بس عشان الواحد يبقى متطمن .. لازم نحطه في اختبار
خالد صالح : اختبار ايه؟؟
سوووو : الامانه .. أهم حاجه في شغلتنا دي يابو خللود الامانه .. ولو الواد ده نجح في اختبار الامانه ونقل الدقيق من المخزن اللي هو فيه ووداه المخزن التاني .. يبقى الواد ده امين وعايز لقمة عيش حلال
خالد صالح : اه والله عندك حق .. والمثل بيقول .. الأمانة كنز لا يفنى
سوووو : الامانه ايه .. هم بيغيّرو الامثال من غير مايدونا خبر ولا ايه !!؟؟
خالد صالح : طب في حاجه تانيه .. هو ماكانش ينفع حاجه تانيه غير نقل الدقيق .. اصل انا خايف الواد يطمع ولا المخزن التاني يكون فيه لبش ولا حاجه
سوووو : لا ماتقلقش .. المخزن التاني مهجور اكتر من المخزن الأولاني .. وكمان انا معايا رجالتي مراقبين التوربيني كويس
خالد صالح : - مقاطعا - رجالتك؟؟؟
سوووو : ايوه ياعم الحاج رجالتي .. انت فاكرني كنت بالعب ولا ايه .. ده انا مجرم قديم بس كنت ناوي اتوب
خالد صالح : لا تتوب ايه دلوقتي .. نطمن على العمليه وبعدين ابقى توب براحتك .. وليك ياسيدي اننا نروح نحج بيت الله سوا
سوووو : ان شاء الله .. وادينا ناويين التوبه من قبل أي حاجه .. يعني بأمر الله خدنا ثواب التوبة وثواب حج بيت ربنا
خالد صالح : ربنا كبير وغفور رحيم .. ادينا اهو واحنا مع بعض .. خدنا شوية حسنات .. نعمل شوية سيئات بقى ونتأكد ان الحوار بتاع بكره هيمشي فل ومن غير أي قلق
سوووو : اتطمن وحط في بطنك بطيخه شيليام
خالد صالح : الله يطمنك ياشيخ
سوووو : شيخ ايه بس دلوقتي .. قلنا بعد العملية دي نتوب ونبقى شيوخ
خالد صالح : على رأيك .. ويمكن يجيبونا في التلفزيون ونقول للناس الحلال بيّن والحرام بيّن
----
دخل بتاع البليله وهو ماسك شوية ورق على مصطفى شعبان و منى زكي و توفيق عبد الحميد وباين عليه القلق
مصطفى شعبان : مالك ؟
بتاع البليله : اقرو الورق ده وانتو تعرفو
منى زكي : - وهي قاعده قدام جهاز رئيس الجهاز - مصطفى .. اقرالنا انت الورق وقولنا عالمفيد .. عشان انا مزنوقه في الجهاز
توفيق عبد الحميد : - وهو بيكلم منى - مانتي لو كنتي خدتي الدورة التدريبيه اللي اتعملت في الجهاز .. كنتي عرفتي تصلحي الجهاز .. لكن انتي بقى ماكنتيش فاضيه ساعتها
منى زكي : ماهو انا ساعتها لو حضرتك فاكر .. كنت باوضبلك الشاليه بتاع مارينا مع مهندس الديكور اللي جايباه مراتك .. واتضح انه ولا فاهم أي حاجه في الذوق والالوان
توفيق عبد الحميد : ياسلام ياختي .. ماهو كان سهل تروحي الشاليه وتيجي من الشاليه كل يوم
منى زكي : قالولك علي شغاله سواق ميكروباز خط العلمين عشان اروح الشاليه وآجي من الشاليه كل يوم !!!؟
مصطفى شعبان : - وهو يصرخ - يا نهار اسود
التفت اليه توفيق عبد الحميد و منى زكي
توفيق عبد الحميد : - وهو مفزوع - الشاليه اتسرق !!!؟؟؟؟
----
!! ندى : انا بس ايه اللي خلاني اتشحطط معاك
سوووو : تتشحططي معايا في ايه ولا مؤاخذه؟؟
!!!! ندى : يا سوووو احنا ماشيين بقالنا اكتر من ساعتين ومش لاقيين أي حاجه تودينا المشوار بتاعنا
سوووو : وهو حد قالك اني قلت لوزير المواصلات يقطع المواصلات من بعد نص الليل !!!؟
ندى : طب وانا ذنبي ايه !!؟
سوووو : بقولك ايه .. اعتبري انك كنتي في بيتكم وحد من اهلك حصللو حاجه ورايحين تودوه المستشفى مثلا .. مانتو كنتو برضه هتمشو المشوار ده كللو
!!! ندى : اصلا اصلا .. لو حد من اهلي تعب هنطلب الاسعاف
سوووو : قال يعني الاسعاف كانت هتجيلك .. وبعدين هو انتو اصلا اصلا اصلا .. عندكم تليفون فـ بيتكم ؟؟
!!! ندى : هممم .. لأ
سوووو : يبقى تمشي وانتي ساكته
----
سامبا : سونيا .. وحياة ابوكي عايزينك تحت
سونيا : خير يا سامبا .. انا عايزه ارتاحلي ساعتين تلاته قبل الشمس ماتطلع .. ولسه هودي الواد تامر ابني لخالته .. وبعدها ارجع عشان البوص هياخدني ونطلع عالمؤتمر زي ماحنا مخططين
سامبا : ماهو انا كنت عايزك عشان الحوار ده
سونيا : طب هو الحوار ده مهم قوي يعني ؟؟
سامبا : اه طبعا مهم
نزلت سونيا مع سامبا ودخلو عالمطبخ .. لقو عيد بيعمل أكل في حله كبيره .. قام ماسك سامبا معلقه ودخلّها في الحله وخد معلقه من الاكل ودوّقها لسونيا .. سونيا بمجرد ما داقت الاكل بان على وشها الامتعاض .. وعلى فكرة كلمة امتعاض دي انا مالقتلهاش مرادف بالعاميه .. بس معناها ان وش المُمتعض بيكرمش ويبان عليه الامتعاض يعني
!!! سونيا : - وهي ممتعضه - الملح كتير قوي ياعيد
!!!!!!! سامبا : اهو انا عمال اقوللو كده وهو يقوللي لأ انت ايش فهمك
----
دخلت انا وندى على الجهاز لقيت مصطفى شعبان و منى زكي بيقرو شوية ورق .. و توفيق عبدالحميد كان واخد موبيل منى زكي وتقريبا بيلعب عليه سوليتير وباين على وشو الامتعاض هو راخر .. اول مالمحني مصطفى استغرب وساب الورق اللي معاه
مصطفى شعبان : - وهو باين عليه الغيظ - انت ايه اللي بتعمله ده؟؟
سوووو : - وانا مستغرب قوي - ايه ده .. انتو عرفتو منين؟؟
منى زكي : الخاتم ابو فص اللي معاك
سوووو : طب ايه رأيكم .. كده مافيش اي خوف عليكم !!؟
!!!!! مصطفى شعبان : مافيش أي خوف علينا .. انت مش فاهم حاجه
سوووو : مش فاهم حاجه ازاي !؟؟
مصطفى شعبان : - وهو ماسك الورق وبيشوّح بيه - اللي انت بتفكر فيه ماينفعش
سوووو : ماينفعش ليه ان شاء الله ؟؟؟
منى زكي : - وهي بتاخد الورق من مصطفى - ماتسألش كتير .. ماينفعش وخلاص
!!! سوووو : لأ بقى انا عايز اعرف
بص مصطفى شعبان لـ منى زكي وكأنه بيطلب منها انهم يوضحولي في ايه .. قامت منى راميه الورق بنرفزه عالمكتب
... مصطفى شعبان : المخزن اللي ابوك وامك مخطوفين فيه
سوووو : مالو ؟؟
مصطفى شعبان : تابع لسفارة دوله بيننا وبينهم اتفاقية سلام .. ولو عملنا حاجه زي اللي بتفكر فيها .. الحكومة هتتقلب علينا
سوووو : تتقلب عليكم ازاي .. وايه اتفاقية سلام دي ؟؟؟
منى زكي : اتفاقية سلام يعني ماينفعش ندخل المكان ده من غير مايكون معانا تصريح من الدوله نفسها
سوووو : تصريح ايه .. ده مكان على ارضنا مش ارضهم .. وبعدين سلام ايه وهم خاطفين ابويا وامي ؟؟؟
مصطفى شعبان : - بصوت واطي - ياسوووو لازم تفهم اننا مانقدرش نعمل كل حاجه
سوووو : هو انا كل ما اقولك على حاجه تقولولي مانقدرش نعملها .. امال انتو تقدرو تعملو ايه !!!!؟؟؟؟
توفيق عبد الحميد : - وهو بيتنطط فرحا - هيييييه .. اخيرا قفلتها وكسبت
----
ندى : ماتزعلّش نفسك ياسوووو
خرجنا من مبنى الجهاز وانا مش فاهم ايه اللي بيحصل .. ازاي دولة موقعين معاها اتفاقية سلام تبقى مش عايزانا نعيش في سلام .. واحنا اصلا وقعنا عالاتفاقية دي ازاي .. اكتشتفت اننا مالناش قيمة .. كبار البلد بيسرقو الصغيرين .. حتى الناس اللي المفروض نعيش معاهم في سلام مش عايزين السلام
ندى : ايه .. ساكت كده ليه؟؟
سوووو : انا حاسس اني واقف عاجز مش قادر اعمل أي حاجه
ندى : طب ممكن اسألك سؤال؟
!! سوووو : خير
ندى : انت شايل همّ الناس اللي بتسرق الدقيق ليه كده؟؟
سوووو : عارفه .. انا بابقى مبسوط وانا باكل .. بابقى فرحان .. ونفسي الناس كلها تبقى فرحانه وهي عارفه تاكل وتشرب
ندى : طب ولو قلتلك ابوك وامك .. ولا الناس .. هتختار مين ؟؟
سوووو : هختار الناس .. عشان ابويا وامي .. وانتي .. وكلنا كده .. ناس
----
دخل بتاع البليله على مصطفى شعبان و منى زكي و توفيق عبد الحميد وهو باين عليه القلق
!!!! بتاع البليله : - ونبرة صوته مرتفعة - الحقو يا اخواننا
مصطفى شعبان : في ايه تاني .. خير !!؟
توفيق عبد الحميد : الحوافز نزلت؟؟؟؟
----
سوووو : صلو بينا عالنبي
دراكولا وبشلة وشمهورش وندى : اللهم صلي عليك يانبي
سوووو : الحكايه كلها بقت في ايدينا دلوقتي .. وياتصيب .. ياتخيب
شمهورش : بعون الله هتصيب .. وهتصيب في مقتل كمان
بشله : قوللنا ايه المطلوب واحنا هننفذه
سوووو : شمهورش .. هتروح الصبح تجيب التوربيني ورجالته وتيجي بيهم عالمخزن ده
!!! شمهورش : طب ولو حد من بتوع المخزن ده جه واحنا موجودين
سوووو : يبقى التوربيني ورجالته يخلصو عليهم
شمهورش : فل عليك
سوووو : دراكولا .. هتروح مع بشله للمخزن المخطوف فيه ابويا وامي .. وهيرجع بِشله عشان انا وهو وندى هنروح مشوار تاني
دراكولا : طب اروح المخزن اعمل ايه يعني !؟؟
سوووو : عايزك تبقى مع ميمون لو أي حاجه حصلت لامي وابويا عشان تنقذهم .. وفي نفس الوقت .. لما التوربيني ورجالته يقابلو خالد صالح ورجالته .. عايزك تخلص عليهم كلهم
!!! دراكولا : اخلص عليهم كلهم
سوووو : ايه .. مش هتقدر ولا خايف ؟؟
دراكولا : لا طبعا .. ده انا ماهصدق اعمل كده .. ده انا هعمل عمايل فيهم
ندى : طب وانا وانت وبشله .. هنعمل ايه يا سوووو !؟؟
سوووو : هنروح المؤتمر .. انا لسه فاكر العنوان
----
مصطفى شعبان : يلا بينا يا منى
!!!! منى زكي : احنا مش عارفين هو هايجي على انهي طياره .. ولا رقمها كام حتى
مصطفى شعبان : ماتقلقيش .. انا مزاكر وعارف شخصيته كويس قوي
----
انا باكره اسرائيل .. وشيمون وياه شارون
واحب عمرو موسى .. وكلامه الموزون
احب عمرو موسى
احب عمرو موسى
هيييييييه

سونيا : الو
!!! دكتور رفعت اسماعيل : سونيا .. وحياة ابوكي ممكن تشوفي جنبك كده اذا كنت نسيت النضاره النظر بتاعتي
!! سونيا : ماعتقدش يا دكتور .. خصوصا انك كنت لابسها لما وصلتك البيت
دكتور رفعت اسماعيل : يادي النيله .. شكلي نسيتها في السوبر ماركت
سونيا : معلش بقى .. انت ممكن تروح السوبر ماركت تاني وتسأل عليها
دكتور رفعت اسماعيل : هسأل مين ولا مين .. دي كانت زيطه
سونيا : زيطه ازاي ؟؟
دكتور رفعت اسماعيل : اصل انا رحت اولاد رجب اجيب شوية حاجات .. وانتي عارفه هم بيعملو تخفيض على حاجات كتير .. والدنيا كانت زحمة قوي .. تلاقي حد من الناس لطشها كده ولا كده
سونيا : معلش بقى .. اعمل نضاره تانيه وامرك لله
دكتور رفعت اسماعيل : هممم .. نخلص من الحوار بتاعنا وهنزل العتبه اختارلي شمبر واعمل عليه عدسات جديده وامري لله
!!! سونيا : عتبة ايه يا دكتور .. العتبه وحشه قوي
دكتور رفعت اسماعيل : انتي ايش فهمك في النضارات .. واصلا اصلا بتوع العتبه بيعملو النضاره بربع تمنها في المحلات الكبيره .. أي نعم شنبر صيني والعدسات بايظه .. وبتبهدل العين بعد ما الواحد يلبس النضاره .. بس توفير برضك
سونيا : طب ومادمت عارف انها بتبهدل العين كده .. ماتطلع بالكشف بتاع النظر اللي معاك .. على أي محل نضارات محترم واعمل نضاره محترمه
!!! دكتور رفعت اسماعيل : يابنتي النضارات غاليه قوي في المحلات المحترمه .. ثم اني مش عامل كشف اصلا
سونيا : نعم .. ازاي مش عامل كشف !!؟؟؟
دكتور رفعت اسماعيل : زي مابقولك كده .. انا لابس النضاره ديكور .. مش معقول دكتور محترم زي حالاتي .. ومايلبسش نضاره .. دي تبقى عيبه في حقي
----
وفي مكتب رئيس الجهاز الأمني رفيع المستوى .. حيث يجلس توفيق عبد الحميد رئيس الجهاز أمام شاشة الكومبيوتر ويلعب سوليتير .. يدخل عليه شخص طويل وعريض المنكبين .. وبمجرد ان يراه توفيق عبد الحميد .. يقوم من عالكرسي وهو مفزوع .. ويقول وهو متلعثما
توفيق عبد الحميد : مين .. أدهم صبري !!!؟؟؟؟؟
-----
يتبع
سوووو

هناك ٥٣ تعليقًا:

كاميليا بهاء الدين يقول...

كل سنة وانت طيب يا سوووو

عيد سعيد عليك يارب

هاروح اقرأ بقى

علشان المذكرات وحشتنى

تحياتى

mahasen saber يقول...

كل سنه وانتا بالف خير...
وعيد سعيد عليك
وعلى اسرتك..
وعلى كل من تحب...

بس من بدرى كده فى اول يوم للعيد بتكتب بوست واضح فعلا ان كل واحد بيحتفل بالعيد بطريقته...
على العموم عيد سعيد وربنا يجعل ايامك كلها اعياد وبوستات...
انا شويه الاقى وقت وااقرا البوست واعلق عليه حبيت بس اهنيك بالعيد
ولاا بلاش ...كل سنه وانتا بالف خير لا كمان الف الف خير...

nigro يقول...

يا سوووو يا جاااااااامد
حبيب قلبي
إزيك يا أبو حميد
واحشني بشدة و ضمّة و تنوينين بالكسرة
ملعوبة يا ريس
احلى عيدية
أنا كنت خايف لتكون نزلت حلقات كتير في رمضان و تكون فاتتني
بس الحمد لله

كل سنة و انت طيب و بألف خير يا أحمد
و ربنا يتقبل منا و منكم سائر صالح الأعمال

بقولك إيه يا سوووو
ما تمشّي اللي اسمه توفيق عبد الحميد ده
ده عايش في ميه البطيخ خالص ولا هو هنا
ألا يكونشي دخل من حدوتة تانية؟

و صحيح .. إيه البطيخ الشاليمو ده؟
ده مُسكِر ده يا سوووو ؟

واحشني جامد جداً يا أحمد

اشوفك قريب إن شاء الله


يلا سلام

2ensan wnsan يقول...

سووو باشا

كل سنه وانت طيب يا راجل وعيد سعيد ان شاء الله ..

ادهم صبري دخل القصه اشطه جدا شكلها هتقلب على سونيا واختها بتاعت اداب قسم وثائق ومكتبات دي

ادهم صبري دخل دي بقت ميغه يا برنس

بالله عليك ما تتأخر يا برنس

حنين القلب يقول...

كل سنه وانت طيب يا اجدع سووو فى الدنيا
وعيد سعيد عليك انت وكل حبايبك يا رب
الحلقات وحشتنا اوى
بس فييييييييييين العديه
بص انا مش طماعه عايزة مليون دورر بس

هااااااااااااااااا كويس كده
وهديه عيد ميلادى يا بخيل يا اللى مش قولت ليه كل سنه وانتى طيبه
كل سنه وانت فى طاعه وحياتك عباده
ربنا يحفظك يا سووو ويكرمك
سلاموز

أسيرة الأقدار يقول...

توفيق عبد الحميد : - وهو مفزوع - الشاليه اتسرق !!!؟؟؟؟

توفيق عبد الحميد : ايه الحوافز نزلت


هههههههههههههههههههههههههه

الراجل ده المفروض يتشال من الجهاز ويروح يسرح بعربية ترمس

انا قريتها كلها بس فى حاجات واقعة منى اكيد علشان انا اول مرة اقراها ومش عارفةالاحداث اللى فاتت

انا هدور عليها من اولها بئااااااا واقراها براحتى واتابعها معاك بعد كده

بس عاجبنى اوى دراكيولا ده .. مفيش معاك واحد زيادة ليا

كل سنة وانت طيب يا سووووووووو
عيد سعيد عليك
جبت لك معايا كيس بومب كبييير
بس سيب لى شوية علشان الكيس بتاعى خلص

Che Ahmad يقول...

سووووووووووووووووووووووووو يا قمر
كل سنة وانت واي حد بتحبه فى اي حته فى الدنيا بخير وطيب وبصحة وسعادة وسلامة وحب ورضا وكل حاجة حلوة ربنا خلقها جوانا

علي فكرة الحلقة دي بقي احسن عيدية السنة دي ولو انها المفروض كانت تكون كبيرة علشان العيد وكدا بس ملحوقة


عيد سعيد ويا رب دايما احسن
مودتي وحبي
أحمد تشي

رندا يقول...

كل سنة وانت طيب وبخير يارب

اللهم زد هـــــــذا الوجه نورا
واجعله دائـما مأجورا
وبلغه العيد مسرورا
امين يارب العالمين
عيد سعيد

رندا

ميرا ( وومن ) يقول...

اولا كل سنه وانت طيب يارب السنة الجاية تحقق كل اللي بتتمناه

ثانيا بقي الحلقة دي جامدة جدا والموضوع ابتدي يدخل في الجد وبقي مشوق جدا

مستنية الحلقة الجاية ومش محتاجة اقولك ان دمها كان خفيف جداً

متأخرش الحلقة الجاية بلييييييييز

اهو ده عيبه يقول...

كل سنة وانت طيب يا سووو
الموضوع احلو قوى والاحداث عماله تتصاعد
وبيتهيالى ادهم صبرى هيكون فى ايده حل لحاجات كتير
عود احمد يا عم احمد وفى انتظار الحلقة الجاية
سلام

FreeKiller يقول...

ههههههههههههههه
هههههههههههههههههه
هههههههههههههههههههه

مع انها اول مرة اقرا المذكرات دي
بس تحفة بجججد
جميلة جدا
زي العسل و الله

و مادام فيها رفعت و مؤخرا ادهم صبري
يبقى ضمنتني ضمن المتابعين

مستنظرين الباقي

دونت بي متأخر

شكرا و سلام يا سوووو

غير معرف يقول...

يااااااااااااااااااااااااااه

أخيراااااااا المذكورااات رجعت تاني

كل سنة وإنت طيب يا راجل يا طيب

عيــد سعيـــــــــــد

FreeKiller يقول...

المدون الزميل المحترم
بعد التحية
ندعوكم لحضور ملتقى مدوني الشرقية الأول
يوم الأحد 5-10 الساعة الرابعة مساءً
بمقر النادي الإجتماعي بالزقازيق بشارع مدير الأمن أمام حزب الوفد
و الدعوة عامة لجميع المدونين من أي حتة ف مصر
وللمزيد من التفاصيل يرجي زيارة اللينك التاااااالي
http://goharyblog.blogspot.com/

و كل عام و انتم بخير

غير معرف يقول...

صباح التهييييييييييييييييييس

:]:]:]:]:]

لا بجد جامده اوى

كل سنه و انت طيب

ojg يقول...

ههههههههههههههه
احلى عيد
واحلى مذكرات
:))
المصيبة اني اتخيلت دراكولا وهو بالعوامه
وحوار سوووو مع العيال المرة دي كان تحفه
خاصه موضوع التشنيك
:))

سونيا : عيب عليك .. سكينه دي اصيله طول عمرها .. وشايلالك الجميل من ساعة ماكتبت عليها في القسم في قضية الاداب اللي اتقفشت فيها من سنتين

أصيلة أصيلة يعني

ولا حوار خالد صالح وسوووو تحففففة

ومبسوطة ان عريض المنكعين ظهر
بس وحياة الغالي عندك ما تخليه يعمل حاجه في سي رفعت
المهم انه يعلم سونيا الادب زي زمان
:)
هي الحلقة الجايه امتي يا كابتشن؟؟

امل يقول...

السلام عليكم ورحمة الله وبركاته
كل سنة وانت طيب ويااارب عيد سعيد عليك وعلى كل أهلك واحبابك ان شاء الله هرجع تاني لقراءة البوست

امل يقول...

رجعت تاني
خلاص ما دام أدهم صبري دخل في الموضوع يبقى محلولة ان شاء الله بس برضه مش هاين علي يطلع الدكتور رفعت اسماعيل مجرم

ابو العربى يقول...

كل سنه وانت طيب يا باشا عيد سعيد هو انت مش عارف تتعرف على شب رسام كده ابن حلال وتعملولنا المذكرات دى صور ياعم دور لو مكنش فان كوخ مات كنت جبتهولك انا قريت بس مش كلها عشان عنيا حبيبى يا سوووووووووووووووو
عيد سعيد
ابوالعربى

wanna b a physician يقول...

كل سنة وانت طيب يا سو
وهاروح اقرا بعد كدا المهم عيد سعيد عليك

Eman Eltaher يقول...

Koll sana wenta tayeb!!

__/''\__¸.¸.•¤**¤•^.,.•¤**¤•^.,.•¤**¤•.,.•¤**¤•^.**
'*•. .•*' ~*♥*~

!! Eid Sa3eeed !! ~*♥*~

/.•*•.\¸..•¤**¤•.^,.•¤**¤•.^.,.•¤**¤•.,.•¤**¤•^.,**

ماله يا عم سووووو البوست صغير كده ليه
مش كنت تطوله شوية
:D

إيه هنقضى العيد ف قراية البوست بتاع حضرة سوووو ؟؟!!!!!
(وش مطلع لسانه)
:)

Soooo يقول...

كاميليا

كل سنه وانتي طيبه يا كاميللو ويارب في زي الايام دي تكوني في بيتك مع جوزك وتكوني مخلفه كاميللو الصغنغنه
وانا حاجزها من دلوقتي اهو

وياستي اقري على اقل من مهلك

ملحوظه
الاقيش معاكي كحك جرماني؟؟؟؟




سلامووووووووووز

Soooo يقول...

mahasen saber

كل سنه وانتي طيبه ويارب في زي الايام دي تكوني محققه كل اللي بتحلمي بيه

وياستي انا ماحيلتيش حاجه عشان اعيد عالناس بيها
وقلت يمكن دي تكون عيديه حلوة

ويافندم ابقي اقري البوست على اقل من مهلك
وكل سنه وانتي طيبه




سلامووووووووووز

Soooo يقول...

ňįĝŗő

نيجروووووووووووو
واحشني بطريقه انت مش متخيلها والله العظيم
فينك ياعم .. مختفي ليه كده
ولا تكونش انت من اللي بيتقفشو في رمضان ويتحبسو
نياهاهعهعهعههههه

كل سنه وانت طيب يا نيجرو ويارب في زي الايام دي تكون محقق كل اللي بتحلم بيه يارب

ملحوظه
انت اتجننت .. عايزنا نمشي رئيس الجهاز من الجهاز .. طب ده كده الويندوز تقع





سلاموووووووووز

Soooo يقول...

2ensan wnsan

كل سنه وانت طيب يا عبدالله وربنا يارب يحققلك كل اللي بتحلم بيه

وهو النجوم كده .. لازم تطلع في آخر الفيلم عشان تلم الليله
اصلها بهوقت مني قوي ياعبده




سلاموووووووووووووز

Soooo يقول...

حنين القلب

والله العظيم وشي منك في الارض
بجد انا اسف اني ماعرفتش بموضوع عيد ميلادك وماقلتلكيش كل سنه وانتي طيبه ساعتها
لكن ياستي ملحوقه .. وان شاء الله اول ما انزل سنكريه .. ليكي عزومه معتبره .. هو انا عندي كام اخت اسمها حنين يعني

وكل سنه وانتي طيبه
وربنا يارب يسعدك ويكرمك ويبسطك ويرضيكي دنيا وآخره





سلاموووووووووووز

Soooo يقول...

أسيرة الأقدار

كل سنه وانتي طيبه

وزي ماقلت لنيجرو .. ماينفعش نشيل توفيق عبد الحميد من الجهاز .. عمرك شوفتي رئيس حاجه بيسيبها؟؟؟

وبعدين خبر ايه .. جايبالي بومب بايظ
مافيش ولا بومبايه راضيه تفرقع .. شكلك عينك فيه




سلامووووووووووووز

Soooo يقول...

Che Ahmad

تشي حليب هارتي

وانت طيب ويارب في زي الايام دي تكون محقق كل اللي بتحلم بيه يارب

ويا راجل يا مفتري .. بقى الحلقه قصيره .. دي حلقتين ونص ورا بعض يا جرع


وكل سنه وانت طيب يابو حميد





سلاموووووووووووووز

Soooo يقول...

رندا

كل سنه وانتي طيبه يارندا
ويارب يارب في زي الايام دي يكون بالك مرتاح وحياتك كلها افراح في افراح





سلامووووووووووووز

Soooo يقول...

وومن

كل سنه وانتي طيبه يا ميرا
وربنا يارب يكرمك ويسعدك على كلامك الحلو ده

ويارب في زي الايام دي تكوني مرتاحة البال ومحققه كل اللي بتحلمي بيه يارب




سلامووووووووووووز

Soooo يقول...

اهو ده عيبه

كل سنه وانتي طيبه يا دوللي وربنا يارب يسعدك ويكرمك ويبسطك ويرضيكي دنيا وآخره يارب

وحوار ان ادهم صبري هيكون في ايده حل حاجات كتير
هذا ماستعرفونه في الحلقه القادمه




سلاموووووووووووز

Soooo يقول...

FreeKiller

الحمدلله ان اول حلقه تقريها عجبتك
ويارب باقي المذنكرات يعجبك هو كمان

وكل سنه وانتي طيبه ويارب في زي الايام دي السنه الجايه تكوني محققه كل اللي بتحلمي بيه يارب

ملحوظه
قريت الموضوع بتاع تجمع مدونين الشرقيه .. وبالرغم من اني مش من الشرقيه .. لكن لو عرفت اجي ان شاء الله هاجي .. دي فيها عيديه




سلاموووووووووووز

Soooo يقول...

Bannoura

ايوان
انا قلت اريح في رمضان وارجع بقوة في العيد
ويارب تكون الحلقه عجبتك
وكل سنه وانتي طيبه ويارب في زي الايام دي تكوني محققه كل اللي بتحلمي بيه يارب




سلاموووووووووووز

Soooo يقول...

MaGn0liA...

كل سنه وانتي طيبه ياستي
ويارب تهييسي يكون عجبك

ولسه في تهييس كتير جاي ان شاء الله





سلامووووووووووز

Soooo يقول...

ojg

ياريت
ياريت
ياريت
الله يكرمك
ويحفظك
ويسعدك
ماتعلقيش عندي تاني
وياريت لو ماتدخليش مدونتي من الاساس


ومن غير سلامووووز

Soooo يقول...

امل

وعليكم السلام ورحمة الله وبركاته

وكل سنه وانتي طيبه ياستي ويارب الحلقه تكون عجبتك
وبخصوص ان رفعت اسماعيل طلع مجرم .. فتابعي الحدوته وانتي تعرفي ايه السبب ورا ده

وكل سنه وانتي طيبه كمان مره .. وفين العيديه؟؟؟؟




سلامووووووووووووز

Soooo يقول...

ضد الظلم

ابو العربيييييييييييييي
ليك وحشه والله العظيم يابو العربي

وياسيدي بخصوص الرسام والحبشتكانات دي .. اديني مستني انك تجيلي وترسملي ريشتين كده يكونو فن تجريدي .. ويجردو المذنكرات من اي حاجه بتتجرد

وكل سنه وانت طيب ويارب في زي الايام دي تكون محقق كل اللي بتحلم بيه يارب





سلامووووووووووز

Soooo يقول...

wanna b a physician

كل سنه وانت طيب يادكتره
ويارب الحلقه تكون عجبتك
ويارب في زي الايام دي تكون محقق كل اللي بتحلم بيه .. ويكون معاك سماعه محترمه كده




سلاموووووووووووز

Soooo يقول...

Eman Eltaher

كل سنه وانتي طيبه يا ايمي ويارب في زي الايام دي تكوني محققه كل اللي بتحلمي بيه يارب

وياستي الحلقه دي حلقتين ونص في بعض

وانا عملت كده عشان الناس اللي بتتابع المذكرات تنبسط
ويارب تكون عجبتهم يارب

وبعدين بتطلعيلي لسانك ليه؟؟؟
وفين الكحك بتاعي؟؟؟






سلاموووووووووووووز

FreeKiller يقول...

ملحوظه
قريت الموضوع بتاع تجمع مدونين الشرقيه .. وبالرغم من اني مش من الشرقيه .. لكن لو عرفت اجي ان شاء الله هاجي .. دي فيها عيديه



ياااااااااااااااه يا سووووو
ده انت تنووووور تنووووووووووور تنووووووووووور بجد

ياااااااااااااااا رب تعرف تيجي

محمد فاروق الشاذلى يقول...

أنا كده بعد دخول أدهم القصة متوقع إن نور ورفاقه هايكون ليهم دور فى مستقبل القصة

غى انتظار الحلقة الجاية

Asmaa mahaba يقول...

شوف يا سووو
لا سلام ولا كلام ولا تقولى ادهم صبرى وتوفيق عبد الحميد
ما دام جبت سيره البطيخ فى الموضوع هذا فراق بينى وبينك بقى انا اغيب اسبوع الاقيك بتقول بطيخه
ماشى يا سووو
دا غير انك مكلفتش خاطرك تطلعلى اتنين جنيه ونص حتى عديه
كل سنه وانت سوو
وسع بقى من قصادى
وانتظر منى تعليق بلوجك على صفحه حوادث المجنونه
حريق مدونه احمد سوو بماس كهربى مدمر بينما سوو يغرق فى سفينه تايتانيك المصريه بسبب تسريب جلده الحنفيه
والعاقبه فى المسرات
الا يعنى ايه مسرات؟؟

غير معرف يقول...

بص،، توفيق عبد الحميد ده هيجنني ده يتعمله حدوته لوحده ابن الليذنا ده

وسونيا واختها اللي رجعت من ليبيا دي جننتني

لالالا وجملة اصلا اصلا اصلا دي كانت لسه نازلة جديد ولا ايه؟ مالهم ماسكين فيها ليه؟؟

سوووو،، كل عيد وانت طيب وسعيد وبتكتب وباسطني وممزجني وعادلي نافوخي ومضحكني وقهقهني عشان انا عندي امتعاض
:)

مها ميهوووو

Z_Diva يقول...

ya gra3 dana kont arabt ansa soooo gonyor da, welcome back ya tefl :D

bas eh e7lawa de, adhm sabry
we tamer adham sabry, we skina o5t sobia belgram, la wallahy da7na hntrw2 m3ak bgd :D

yalla b2a mtb2ash t3'eb 3lina inta we soooo gonyor allah ykrmk yabny :D

we kol sana wenta tyb brdo walwenha mt25ara

غير معرف يقول...

gamda mooot ya soooo

كراكيب يقول...

سووووووو

ادهم صبري جيه
هيييييه
ادهم صبري جيه
هيييييييه

يلا بقى عايزة معجزة من معجزاته
عايزة شألبظات من شألبظاته
عايزة عمليات تكتيكيه من عملياته

مستنية جدا اوي خالص يا سووووو

miro el niro kwaniro

Ehab يقول...

لما ملقييتش كلام ارد على كل البوستات اللي قريتها دلوقتي وكانت فاتتني اليومين اللي فاتم قررت اني اريح حاجه اتصل بيك احسن اسلم عليك يا حبيب قلبي
سلااااااااااااااااااااااام
اخوك ايهاب

Soooo يقول...

قلب مصرى

لا لا لا يا حمايا
نور ورفاقه هيطلعو في الجزء التاني
الجزء ده .. آخره الحلقه الجايه ان شاء الله


وسلامي لعروستي




سلامووووووووووووز

Soooo يقول...

سومه...مجنونه فى بلد عاقل

خبر ايه يابنتي
هو في تار بايت بينك وبين البطيخ؟؟
طب ده حتى البطيش الشيليام قلبه احمر وكللو بزر اسود
يعني طاهر طول عمره

وبعديت عايزاني ازاي اديكي عيديه وانتي بتضمريلي الشر وعايزاني اتحرق بماس كهرباوي والمدونه تغرق
؟؟؟

اذا .. فهي طبول الحرب قد دقت
والعاقبه عندكم في المسرات


ملحوظة
عارفة محطو مسرة اللي مترو شبرا .. اهي المسرات دي العائله الكريمه

كل سنه وانتي مجنونه




سلامووووووووووز

Soooo يقول...

أحسن تـستاهـل

مهاميهوووووو
كل سنه وانتي طيبه وربنا يشيل منك الامتعاض واخواته يارب

واصلا اصلا اصلا .. توفيق عبد الحميد ده حوار كبير قوي .. رئيس جهاز ومافيش حد قده بقى

وكلمة اصلا .. اصلا اصلا اصلا يعني .. دي بتاعتي ولزمتي في الكلام .. اصلا




سلاموووووووووز

Soooo يقول...

Z_Diva

كل سنه وانتي طيبه يا ام زعبولا .. وياستي ولا متأخره ولا حاجه
ده كفاية بس انك افتكرتيني ونورتيني في مدونتي المتواضعه

وياستي سوبيا بالجرام واختها دول حوار لوحدهم .. بافكر اعمللهم قصه لوحده واسميها .. نشأة السوبيا




سلامووووووووووووز

Soooo يقول...

kimo

كيمو .. رفيق الدرب
الحمدلله انها عجبتك يا صاحبي ويا قارئي العزيز

مش هنسافر سنكريه ولا ايه ياعم؟؟؟؟




سلامووووووووووز

Soooo يقول...

كراكيب

ميرو النيرو كوانيرو
ازيك ياستي وكل سنه وانتي طيبه

واي خدمه .. ادهم صبري بنفسه لما عرف انك عايزاه يظهر جه وقتي

ويارب آخر حلقه - اللي جايه ان شاء الله - تعجبك وتعجب كل الناس






سلامووووووووووووز

Soooo يقول...

الشنكوتي الكبير

وانا مش لاقي كلام ارد بيه على تعليقك
والله بحبك يابو الشناكيت





سلاموووووووووووووز