الثلاثاء، 7 شوال، 1429 هـ

عالريق كده !!؟؟

.. طالعتنا جريدة الأهرام المصرية الغرّاء في يوم الثلاثاء الموافق سبعة اكتوبر وسبعه شوال برضك
... حلوه قوي الدخله دي - طالعتنا - بتفكرني ببريد الأهرام أيام مجده
المهم .. طالعتنا جريدة الأهرام الغرّاء بخبرين على الصفحة الأولى .. ولكم ان تتخيلو مدى اندهاشي واستغرابي عالريق كده من التناقض اللي في الخبرين

.. اول خبر بيقول عنوانه
بالإجماع .. انتخاب غالي رئيسا للجنة المالية بصندوق النقد الدولي
وكان فحوى هذا الخبر - فحوى وطالعتنا .. انا حاسس اني سوووو بن سيبويه وكتاب الله - ان وزير المالية يوسف بطرس غالي .. عشان عرف يحل أزمات الاقتصاد المصري .. وارتفع بينا وبقينا حاجه ايه .. قامو انتخبوه لرئاسة اللجنة المالية والنقدية بصندوق النقد الدولي .. شاخدين بالكو .. عشان عرف يحل أزمات الاقتصاد المصري

تاني خبر بقى .. واللي كان تحت الخبر الأولاني بمافيش موضوعين تلاته بس .. كان عنوانه
صفارات الانذار تنطلق عالميا
صندوق النقد الدولي يحذر من انتشار المجاعات في الدول النامية بسبب الأزمات المالية
-----
يالهوي .. يعني بمجرد ما مسك والي .. قام قال ان الدول النامية هتعيش في مجاعات !!؟؟؟؟

!!!! ده على اعتبار اننا لسه يعني ما وصلناش للمرحلة دي
وعلى اعتبار اننا بناكل لحمه كل يوم وبنتعشى سيمون فيميه .. وبنشرب ميه معدنية معبأه في زجاجات الشربانيا الفرنسية
!!!!!!!!!!!!!!!!!!!!!!!
يالهوي يا غالي .. طب ياجدع اكتم عالخبر ده عشان مايقولوش انك خربتها وقعدت على تلها .. قول ان الاقتصاد العالمي هيبقى زي الفل وان كل الدول هتبقى في اقتصاد مصر وان الناس هتبقى متنغنغه
!!!! انما أول يوم تمسك فيه المنصب ويطلع الخبر ده
وكمان في جرنان الأهرام !!!؟؟؟؟

طب والله ده كتير .. ده انا بقيت باقرا جرنان الاهرام عشان اصطبح وانا مشرئب ونفسي مفتوحه للدنيا .. تقوم تقفلها في وشي عالريق كده !!؟؟
-----
جنب الخبر التاني قريت خبر قلبني ضحك وجاتلي حالة هستريا على عته مغولي رهيبه .. الخبر بيقول ايه بقى
مبارك يصدر قرارا بالعفو عقوبة حبس إبراهيم عيسى

هأوأوأوووووو
نياهاهاهاهاها
هعهعهعهعهعهعه
فليتضخم الجحش
ههههههههههههههه
هيهيهيهيهيهيهيهيهي
هوهوهوهوهوههههه

!!!! شوفولي اقرب تربة ادفن نفسي فيها يا جرعان

سوووو

هناك 54 تعليقًا:

TAFATEFO يقول...

والي هيفوتر العالم .. وهو لم العمم اللي في مصر علشان يلبسهم كلهم عمم

مبارك كان بيقول احنا مقبلين على أيام سوده .. وآهي جت وشفناها .. وقال مش احنا بس .. جيراننا كمان .. وأدينا شايفين ز. وقال والعالم كله .. وأهو بيحصل وغالي رايح ينفذ نبوءة الرئيس

رايح يدعم الدول الناميه .. والجائعه .. إذا كان عمق أزمة الشعب الجعان .. رايح يعمق أزمة العالم الجعان .. سترك يا رب

إبراهيم عيسى بقى زعلت أوي انه ياخد عفو رئاسي .. كده هيبقى أسير إحسان الرئيس .. وبدل ما كانوا شهرين قطع في ثوب آل مبارك المهلهل .. وقطع ينبئ بانتفاضة صحفية جديدة .. أصبح قرار العفو رقعه لهذا الثوب .. وذريعة لمعايرة كل التيارات (مش بس الصحفيين) بطيبة قلب وتسامح فخامته

^ H@fSS@^ يقول...

مش معقولة
انت بتفطسني ضحك يا ابني
بتجيب الكلام ده منين


بص يا سيدي
بطرس غالي زي ما حل مشكلة المالية عندنا و ارتقى بدخل المواطن المصري
زي ما حيعمل كدا بالظبط ف يمؤسسة الصندوق النقد الدولي
يعني هما من الاخر ناويين يجيبوا ضرفها خشبة خشبة و اصلا من شوية قريت خبر ان ابص رمش عارف مين بتاع مجموعة العظماء السبعة زعلان اوي منهم و بيقلهم بالفم المليان امشوا غوروا من وشي
انا حدخل الهند و الصين و البرازيل

هي بايظة بايظة
انت خطتك ايه بقى؟؟؟
نخزن ايه اهم شئ يعيننا على الحكاية دي؟؟

النجمة الصامدة يقول...

يا نهار تهييس

احنا بلد وُجدت لأجل الضحك

هيييييييييييه

ربنا يستر وما نفطسش من كتر الضحك

طالب ثانوى يقول...

هههههههه

بوست جامد جدا واية الحالة الهيسترية اللى جاتلك دى

واحدة مفروسة يقول...

احلى ما فى الخبرين
انهم مش جابو خبرنا
و انت فى اآخر ضحكت
ربنا يسعد ايامك و يشفى الوالد يارب

صبرني يارب يقول...

تصدق فعلا

انا نفسي اتعلم اقول هأو او أو الى انت قلتها دي يا سوو

معبره جدا

Zianour يقول...

هههههههههههههه

---
---

سيبك انت اهم حاجة فليتضحم الجحش انا كنت نسيتها

كده بقى ابراهيم عيسى اتظبت ولا ايه رأيك اتفوتر؟؟؟


عموما تحياتي العميقة وامتناني لل هأوو أوو اوو دي اللي عرفت تكتبها
ههههههههههههههه

-

---


-------

لسه باضحكككك
:))))))))))))))))))))

خمسة فضفضة يقول...

السلام عليكم ورحمة الله وبركاته

ازيك يا عم سووو كل سنة وانت طيب

هي دي يا بني بشاير العم يوسف بطرس غالي علي الاقتصاد العالمي

وعلي راي المثل جبت الآقرع يونسنى خلع راسه وخوفنى

يعني هما مستنيين ايه من واحد مجوع 80 مليون ربنا يهده


ابراهيم عيسي بقي ربنا يستر علي الدستور بعد العفو ده وماتتحولش لجريدة مايو
:)))))))))

سلام

Soooo يقول...

TAFATEFO

تصدق اه والله لم العمم كلها
ده انا مش لاقي عمة خالي الله يرحمه ياجرع !!؟؟؟

وبعدين يعني هو نبؤة الريس باننا هنتنفخ من الجوع .. اتقالت عشان تتحقق ولا اتقالت عشان نتهيأ

وفعلا انا زعلان على العفو بتاع ابراهيم عيسى .. مش عارف ايه اللي هايحصل بعد كده
بس انا لو منه .. اقولو مش طالع .. ويومين يفوتو ولا اني افضل اسير طول العمر




سلامووووووووووز

Soooo يقول...

^ H@fSS@^

والله العظيم جايب الكلام ده من جرنان الاهرام
ولا معارضه ولا جرايد صفرا
اهراااااااام

انا من رأيي .. اننا نهتم بالكانتلوب
لو كل واحد خزن كمية لا بأس بها من الكنتالوب .. يبقى كده الواحد أمن مستقبله ومستقبل ولاده





سلاموووووووووووز

Soooo يقول...

النجمة الصامدة

اه والله بجد
هم يضحك .. وهم يبكي شوية صغننين .. وبعدين نرجع نضحك برضه

ربنا يستر ومانفطسش من كتر الجوع





سلامووووووووووووز

Soooo يقول...

طالب ثانوي

ده انا اتجننت يا جرع
انت لو كنت شفت منظري ساعتها كنت طلبتلي العباسيه وش

يالهوي
ياخرابي
ده احنا هنشوف ايام فوشيا





سلامووووووووووووز

Soooo يقول...

واحدة مفروسة

الخوف يا مفروسه ان خبرنا يجي من كتر الاخبار دي
والحمدلله اني ضحكت .. بس ربنا يستر وما اقعدش اضحك على طول واتجنن


ملحوظه
بجد لو قلت ايه .. مش هقدر اقولك انا باعزك بزيادة دلوقتي قد ايه
ربنا يارب يسعدك ويبسطك ويكرمك ويرضيكي ويوفقك دنيا وآخره يارب




سلامووووووووووووز

Soooo يقول...

صبرني يارب

طول ماحنا عايشين في البلد دي هنتعلم نقول هأو أو أو وكل لغات الضحك بعون الله
ده احنا هنشوف بلاوي




سلاموووووووووووز

Soooo يقول...

Zianour

يا زيانور ياختي .. الجحش موجود من زمان وعمال يتضخم ويتضخم ويستمر .. ويتوغل .. وينتشر .. ويستمر

واعتقد ان ابراهيم عيسى ولا اتظبط ولا اتفوتر .. ده اتشنبر رسمي

والحقيقه انا باشكر كل السادة المسئولين اللي قدرت بفضل توجيهاتهم لي .. اني اعرف اكتب هأوو أوو أوو
واخص بالشكر .. السيد الرئيس .. راعي الهأوو أوو أوو





سلاموووووووووووز

Soooo يقول...

خمسة فضفضة

وعليكم السلام ورحمة الله وبركاته
والله ليكي وحشه يافضفضه

وبعدين من وسط عشرميت مثل في التراث الشيعبي .. مالقيتيش غير القرع اللي تتكلمي عنهم .. ياشيخه طب راعي شعوري شوية


وماعتقدش ان الدستور هيتحول لمايو .. هيتحول لاكتوبر رسمييييييييي
طب ده حتى العفو طلع يوم سبعه اكتوبر .. يعني نصر عظيم للديموقراطية الشنعاء اللي احنا عايشينها





سلاموووووووووووز

Z_Diva يقول...

ya ragel 7ram 3lik ya moftary, tb3an eliktsad fol elfol we loz kman, we ana shayfak bewdany dol wenta bt3'ames elkaviar belpaton saleh -sba7 el3akk y3ny- :D

yasedy walla yhmk eb2a bal3ha be shay belabn elistba7a el5z3bl;ya de :)

sebak men elklam elfady da, we ezayk bas we eh a5baratk :D

Bannoura يقول...

loooooolll
موضوع غالي ده مالوش غير التعليق ده
أما موضوع العفو

فده شيء كان متوقع إذ أنه حيثما سجن عيسى
فسيصبح بطلا شعبيا و شهيدا للصحافة العربية

ولابد هنا من ظهور البطل المغوار الذي يبدي العفو عند المقدرة
أي نعم
وتتبدد صور التعاطف مع الجاني لتتوجه إلى المجني عليه

هذا والسلام عليكم ورحمة الله وبركاته

قلب مصرى يقول...

أنا مش هاتكلم عن يوسف بطرس غالى وكفاية حوار الفوترة والعمة يتكلم عنه.
إنما موضوع إبراهيم عيسى !!!! والله كنت متراهن مع واحد صاحبى إن ده هايحصل فى الآخر بعد أستاذ إبراهيم ما ياخد حكم بالحبس يقوم يطلع السيد الرئيس نقى القلب طيب السريرة ليعفو عمن أساء إليه ويبدو أمام الجميع أنه يعفو عند المقدرة ليكسب نقطة على حساب صحفى لامع زى إبراهيم عيسى وطبعا الجرائد القومية مش هاتسيب الحكاية دى تعدى كده وهتملا الدنيا مقالات عن سماحة السيد الرئيس وطيبة قلبه وحكمته و...و...و.... إلى آخره.

كراكيب يقول...

ههههههههههههههههههه
انت فزييييييييع فزيييييع يا سوو
بكد بكد يـحـني مش بهزر

واوووسكت بقى لو سمحت علشان احنا ريسنا حبيبنا حاريسنا صاينا افرج عن ابراهيم عيسى اهو
علشان ريسنا طيب وابدا ابدا مايرضاش ان حد يتسجن بسببه

بتقرا جرنان الاهرام يا سووووو
صبأت؟؟؟
مش راضية عنك ابدا على فكرة

miro el niro kwaniro

ست البيت يقول...

سووووو،
ابوك تعبان وتقوليش يااااااااااااااااد
عريسيييييييييييييييييييييييييييييي
طب عنا نجوم بالجواجب ونجيييييييييييييب
دكرييين بط على وزتين وكام جوز حمام زي اللي راحوا اسفا في الحلة سابقى الذكر في البوست الرمضاني
ألف سلامة عليه وقولوا وريا منك له
أسأل الله العظيم رب العرش العظيم أن يشفيه
أسأل الله العظيم رب العرش العظيم أن يشفيه
أسأل الله العظيم رب العرش العظيم أن يشفيه
أسأل الله العظيم رب العرش العظيم أن يشفيه
أسأل الله العظيم رب العرش العظيم أن يشفيه
أسأل الله العظيم رب العرش العظيم أن يشفيه
أسأل الله العظيم رب العرش العظيم أن يشفيه

ست البيت يقول...

واد يا سووووووووووووو،،،
لمها بقى مش كل يوم يدخل حد المكتب عليا يلقيني موتانه من الضحك زي المجتنين
تصدق أنا لسه عارفة خبر العفو دا
وبعدين عفو ايه
هو مفكر نفسه الخديوي ننوس ؟

واول مرة برضه اعرف ان بقلظ غالي مسك صندوج النكد الدولي

انت مش فاهم يا سو
اصل الدول ولاد الناس عندهم ازمات مالية وايضا ازمات في الموظفين اللي زي بتوعنا منن عينه خالك بقلظ
قوم استوردوا خالك بقلظ عشان يكوسها
انت بس اللي ضميرك مش واخد ع الكوسة
كل عام وانت بخير وسلامي للوالد
وطمنا عليه....
دمت بحفظ الرحمن

سمر الشافعى يقول...

ياعينى عليا وعلى اللى جرالى

انا اول ماقريت الخبر لقيته فشهر شوال قلت ايه دا سوووو جايبلنا اخبار بايته ليه

كملت لقيت خبر ابراهيم عيسى قلت دا كان امبارح الراجل دا خرف ولا كان نليم ولا ايه

مش شوال دا اللى قبل رمضان

فين وفيييييييين لما الذاكره رجعتلى واكتشفت انه شوال دا بتاع العيد الصغير يعنى

الشنكوتي الكبير يقول...

يا واد انت افهم هو اداله العفو وهو على باب الضياع يعني بيقوله على رأي سيدنا فرعون انا اميت واحيي
وعموما كل جبار في الدنيا له يوم برده

الله معانا
سلاااااااااااااااااااااااااااام
اخوك في الله ايهاب
شكلنا هنتحبس يا معلم

سومه...مجنونه فى بلد عاقل يقول...

ييييييييييييه انت حتفضل مش فاهم كدا لحد امتى يا سوو
فتح عينك طرطق ودانك اصل الانن النتحده وانريكا زهقوا من الحلول والفلوس فحبوا يعقدوها شويه فجابوا واحد من المعروف عنهم انهم بيعقدوا ويفقروا البلاد عشان يفقرهم
تمام كدا زى اللى زهق من التفاح وحب يدوق المش ابو دودو
دودو دى مش البت دعاء اختى دودو دا حاجه كدا بتمشى فى الجبنه رخويه وتحسها مؤرفه بس هى فى الحقيقه بتدى المش مزازه وطعم جميله
زى محمد صبحى فى تخاريف تمام لما زهق من الغنى وحب يتفقر....
قول ورايا اللهم افقرهم وطينها على راسهم واجعل بطرس قدمه فقر عليهم

ادينا دعينا بس ناقصنا واحد يقول امين

سومه...مجنونه فى بلد عاقل يقول...

بخصوص العفو يا ابنى دى حكومه البقششه يعنى بيحبوا يجبوا من جيب اهالينا
زى مستر تايد اما قعد يوزع فى خمستاشارات وعشرات ايام الاضراب

mostafa rayan يقول...

تفتكر في عهد الغالي غالي ايه انواع الأفتكاسات اللي ممكن يخترعهاعلشانيزود دخل الصندوق هو مش فوتر الحلاقين والقهوجية والضرايب العقارية عندنا ويقولك 20 % بس
شكله هيبعهم هدومهم
وبالنسبة لعيسى اعتقد دي ملعوبة من مبارك .. الدهن في العتاقي بردة يا سوو
تحياتي ليك يا جميل

mostafa rayan يقول...

سوو صحيح
انا كنت عايز اقترح عليك اقتراح إيه رأيك لو نشترك انا وانت ونكتب مسلسل سيت كوم

مهندس مصري يقول...

مش عارف اقول ايه؟
بس هل كده خلاص يوسف بطرس غالي حيفارقنا و يروح يقعد في صندوق النقد الدولي
و لا حيمارس المهمتين معاً
ثم يا بني الناس أقدام و هو قدمه فقر طول عمره
اما ابراهيم عيسي فطلعت جريدة الدستور بيان تؤكد انها حتفضل زي ما هيا
و ادينا حنشوف
و يا خبر النهاردة بفلوس بكرة يبقى ببلاش

زهرة الجنة (زهرة سابقا) يقول...

اذيك سوو

ايه ده يا سووطلعت مثقف جداا
طالعتنا وكمان فحوي ما شاء الله ربنا يزيدك ثقافة كمان وكماان هههه

هما اصلا كتبوا الخبرين تحت بعض عشان يقولوا انه هو داخل الصندوق وهو خربان اصلا ههههه
يعني انت كد ظلمت الراجل هههه

وبعدين مجاعه ايه بقي ما هو انت بتشرب سيمون فيميه وبتاكل ميه معدنيه ههههههه

ال سيمون فيميه ال
هههههههههه

مـجـنـووون يقول...

أنا بس حبيت أعلق علي موضوع ترشيحى غالي لمنصب رتيس اللجنة المالية بصندوق النقد الدولي

علي فكرة الراجل ده دماغ أقتصاد وبجد أستاذ في علم الأقتصاد والا مكنش وصل للمنصب ده خالص

بس الراجل ده حسب ما توجهة وحسب الرقابه عليه
يعني في مصر كان متوجه للخراب ومكنش عليه رقابة فكان خارب البلد

بس في صندوق النقد الدولي حيعمل شغل كويس علشان في رقابة عليه

وأنت طبعا عارف أن الناس دي مش بترشح حد للمنصب ده غير لم يكونوا حيستفيدوا منه

تقبل مروري
مجنووون

مـجـنـووون يقول...

أنا بس حبيت أعلق علي موضوع ترشيحى غالي لمنصب رتيس اللجنة المالية بصندوق النقد الدولي

علي فكرة الراجل ده دماغ أقتصاد وبجد أستاذ في علم الأقتصاد والا مكنش وصل للمنصب ده خالص

بس الراجل ده حسب ما توجهة وحسب الرقابه عليه
يعني في مصر كان متوجه للخراب ومكنش عليه رقابة فكان خارب البلد

بس في صندوق النقد الدولي حيعمل شغل كويس علشان في رقابة عليه

وأنت طبعا عارف أن الناس دي مش بترشح حد للمنصب ده غير لم يكونوا حيستفيدوا منه

تقبل مروري
مجنووون

MISS\GH يقول...

حقيقى والله مدونه زى العسل ودمها خفيف موضوعاتها فعلا تخليك تضحك من قلبك مع تمنياتى بخالص التميز والنجاح

حنين القلب يقول...

بعد الشر عليك يا سوووو ان شاء الله هما وانت لا ياخويا
تدفن نفسك ليه ؟؟
هو انت اللى كنت جوعت الناس
ولا انت اللى كنت مسكت الصندوق
عارف يا سوووو انت لو مسكت الصندوق ده البلد دى يتصلح حالها وبدل ما احنا مش لقيين ناكل هنشحت كلنا واهه كله تغيير

احترمت فيك اوى اعتذارك لوزة
بس ده مش جديد على سوووو ابو الرجوله والمجدعه
سوووو ربنا يحفظك ويخليك لمصر يا ريس

إبـراهيم ... معـايــا يقول...

هههههههه
حلوة من أول الخبر لطالعتنا للتعليق عليه ، مش قال لكووو من زماااااااان

والجاي أسود من السـواااد !!!


ربنا يستر علينا يا سوووو

إلك وحشــة يا راجل :)
بس إيه دَهْ يا عَم إِنْتَـا بَقِيت بتشكِّل أهه :)

FreeKiller يقول...

يا ابن سيبويه
انت بس اللي مش واخد بالك
مصر مش دولة نامية

سبهللة يقول...

انا داخلوة اقولك
كل سنة وانت طيب
لاقيت خبر غالى
وكنت قريته ساعتها وقلت فى عقل بالى مالقوش الا دة؟؟
ولا هو الراجل ناجح وفذ واحنا اللى ظالمينه؟؟
عموما سيبك من كل دة
كل سنة وانت طيب
تقبل الله منك صيامك وقيامك وقرآنك

Soooo يقول...

Z_Diva

بقى شوفتيني بودانك وانا باغمس الباتون ساليه بالكافيار؟؟؟
ده عيش ناشف باغمس بيه فول حمضان يابنتي .. بس انتي تلاقيكي كنتي مغمضة ودنك وحاطه سماعة الام بي ثري على عينيكي فما كنتيش واخده بالك شويه

وحاضر ياستي .. هدلع الاصطابحه واشرب شاي بلبن .. ولو اني مابحبش الشاي بس يمكن اللبن يديلو تأثير النيسكافيه البلاك

وانا ياستي الحمدلله زي الفل .. انتي ازيك كده وعامله ايه

يارب تكوني في أتم صحه وأروق بال وعال العال



سلامووووووووووووز

Soooo يقول...

Bannoura

ههههههههههههههههه

بقولك ايه يابنوره
انتي لازم تبقي المتحدث الرسمي للحزب الوطني
بجد هتقولي حكممممممممم

يخرب بيت فقرك ياشيخه




سلاموووووووووووز

Soooo يقول...

قلب مصرى

عارف المشكله في ايه يا حمايا العزيز
ان النعر والهجص اللي بيحصل ده بقى موضه قديمه
الناس خلاص فهمتهم كويس وفهمت الليله خلاص
بيعكلو حاجات تنفع ايام السبعينات واوائل التمانينات .. انما دلوقتي خلاص

بقولك ايه .. ماتيجي نروح نفهمهم ازاي ياكلو دماغ الناس صح؟؟؟

وسلملي على عروستي حبيبتي





سلاموووووووووووز

Soooo يقول...

كراكيب

طب والله العظيم جرنان الاهرام ده قمة في الكوميديا
اقولك .. اقريه يومين تلاته ورا بعض وبعدين انزلي روحي العتبه ولا السيده زينب
هتلاقي عندك صراع حضارات رهييييييييييييب

ليكي وحشه والله يا ميرو





سلامووووووووووووز

Soooo يقول...

ست البيت

بجد مش عارف اقولك ايه على مشاعرك النبيله دي
وربنا يكرمك يارب على دعاكي وربنا يتقبل يارب

ملحوظه
انتي مختفيه فين كل ده؟؟؟؟؟





سلامووووووووووووز

Soooo يقول...

سمر الشافعى

اهلا
اهلااااان
بقى شوال قبل رمضان
لا اهلان بجد يعني

ده انتي في الغيبوبه خالص يابنتي
واساسا شوال ده شهر معروف من زمان قوي انه بيجي قبل شهر محرم اللي بيجي بعد رمضان وذو الحجه
ماخدتوش كده في المدارس ولا ايه؟؟؟؟؟





سلامووووووووووووز

Soooo يقول...

الشنكوتي الكبير

لا نتحبس ايه
انت داخل على جواز وده حبسته مختلفه
انما الحبس للي زي حالاتي
والسجن للجرعان
انا جرع
هئ
هات القزازة .. واقع لاعبني
دي المزه طازه .. والحال عاجبني
هئ
انا جرعععععععععع





سلامووووووووووووووز

Soooo يقول...

سومه...مجنونه فى بلد عاقل

والله هو من ناحية انك دعيتي ومستنيه اللي يقول آمين
احب اقولك ان في اكتر من تمانين مليون واحد كلهم بيقولو امين
وربنا يستجيب يارب

وحلوة قوي مستر تايد دي
ههههههههههه






سلاموووووووووووز

Soooo يقول...

mostafa rayan

والله يادرش اعتقد ان الحوار مش هيقف على مرحلة بيع الهدوم وبس
ده بيقولك مجاعه ياعم
يعني اقل حاجه .. هنبيع هدومنا ومش هناخد تمنهم فلوس .. هناخد التمن بيض ممشش

وبالنسبه لحوار ان الدهن في العتاقي .. احب اقولك ان الدهن فيه سم قاتل


ملحوظه
بخصوص حوار الست كوم .. في حاجه هبقى اقولك عليها قريب ولو تحب تشارك اهلا وسهلا





سلامووووووووووووز

Soooo يقول...

مهندس مصري

لا بص بقى ياهندزا
اهم شرط في ان غالي يفضل في صندوق النقد .. انه يفضل وزير البدنجانيه في مصر
وبالتالي ده معناه انه هيفضل طابق على نفسنا من أجل رفعة اسم مصر وعلو شأنها في المحافل الدوليه
انت قريب قاسم السماوي ولا ايه ياجرع؟؟؟

وبخصوص الدستور .. مش عارف ليه حاسس انهم ممكن يعملو زي الخدامه اللي ست البيت ظبطتها وهي نايمه مع البيه الكبير
عموما .. الايام بيننا وهنشوف مين اللي كان نايم مع البيه الكبير .. الخدامه .. ولا البيت كللو




سلامووووووووووز

Soooo يقول...

زهرة الجنة (زهرة سابقا)

طب تصدقي انهم فعلا ممكن يكونو عملو كده بجد
بس برضه لو هم قاصدين ده وقاصدين ان غالي هيظبط المسائل .. يبقى عشم ابليس في دخول الجنه .. جنة ايه .. ده عشم ابليس في دخول كريزي ووتر في عز الشتا


ملحوظه
وكتاب الله انا ماكنت اعرف ايه هو السيمون فيميه لغاية ما اتعزمت في حاجه الافرنجا كده ودقته




سلاموووووووووووز

Soooo يقول...

مـجـنـووون

والله يا مجنون ياخويا مش عارف ايه هي المقاييس اللي اختاره بناءا عليها وانتخبوه للمنصب ده

بس اعتقد ان اسم بطرس غالي ليه دعوة
امين عام في الامم المتحده
وامين صندوق النقد الدولي يبقى قريبه
مش شايف اي صلة؟؟؟؟





سلامووووووووووووز

Soooo يقول...

MISS\GH

سعيد جدا بزيارتك لمدونتي المتواضعه واتمنى انك تعتبريها زي مدونتك تمام وتشرفيني دايما بتعليقك

وربنا يارب يكرمك ويسعدك على كلامك ورأيك اللي بجد اسعدني




سلاموووووووووز

Soooo يقول...

حنين القلب

والله العظيم ما عارف اقولك ايه
وبجد قريت تعليقك ولقيتني عاجز اني اتكلم
كل اللي اقدر اقوله .. ربنا يارب يسعدك ويبسطك ويوفقك ويكرمك ويرضيكي دنيا وآخره يارب

ملحوظه
بقى انا لو مشكت البلد هخليكم تشحتو برضك يا حنين





سلامووووووووووووز

Soooo يقول...

إبـراهيم ... معـايــا

يا هيما ياخويا احنا عدينا مرحلة السواد خلاص
احنا مابقيناش شايفين حاجه ياعم
وايدينا اتقطعت ومش قادرين نحسس كمان
واتخرسنا مش قادرين نصوت
احنا بقينا حاجه فل قوي مالاخر

ملحوظه
ياراجل اشكل ايه بس .. ده انا عرفت اماكن التشكيل في الكيبوور بعد مادوست كل الزراير .. حتى زرار الباور نفسه


وانت كمان والله ياهيما ليك وحشه ياجرع




سلامووووووووووووز

Soooo يقول...

FreeKiller

فعلا
مصر مش دولة ناميه
أو مش دوله من الاساس
بس نامية برضك





سلامووووووووووز

Soooo يقول...

سبهللة

وانتي طيبه وربنا يستجيب دعاكي يارب ويتقبل منكم ومننا صالح الاعمال يارب

وماتختفيش كده


ملحوظه
لو غالي ناجح فعلا واحنا مش شايفين نجاحه .. يبقى احنا نستاهل كل اللي يجرالنا





سلاموووووووووووز