المحطة العششين .. بالصلاتو عالنبي
-------------------------------
توفيق عبد الحميد : ودلوقتي بقى بما ان الحوار بتاع سوووو والمحافظات خلص على خير .. نرجع للشغل بقى
منى زكي : أؤمرنا واحنا ننفذ بالصلاتو عالنبي
توفيق عبد الحميد : أول هام .. هنجيب التسجيلات بتاعة الحاجات اللي حصلت لسوووو واللي لقطها الخاتم ابو فص .. ونشوف ايه اللي إستجد في الليله
مصطفى شعبان : ماشي كلامك يا كبير
بتاع البليله : - مستغربا - هو ايه الجو الشعبي اللي حصل للجهاز؟؟؟؟
------
بعد ان دخل البيج بوص او الدكتور رفعت اسماعيل على ابويا وامي وهم محبوسين في الاوضة وشافهم متربطين والدم نازل من بؤهم .. بص لسونيا وهو مبتسم على خفيف .. وبعد كده راح متجه على ابويا وامي وقرب منهم وهرش في صلعته الملساء .. وشاور لسامبا بعينيه انه يشيل الحاجات اللي على بؤ ابوي وامي .. وبعد ما اتشالت الحاجات راح قايل لابويا وامي
دكتور رفعت : ازي الحال ؟
ابويا : الحمدلله
امي : كويسين ياخويا
دكتور رفعت : يعني رجالتي عاملين الواجب معاكم وبيعذبوكم كويس ولا بيدلعو؟؟
ابويا : لا هو من ناحية التعذيب فهم فاهمين شغلهم
امي : وبسم الله ماشاء الله عليهم بيعذبونا بضمير وبذمة
دكتور رفعت : - وهو مبتسم - اهم حاجه الضمير في شغلنا
ابويا : لا عداهم العيب الحقيقه
امي : واضح انك موصيهم علينا
دكتور رفعت : لازم طبعا .. احنا ماعندناش اغلى من سوووو
ابويا : عشت الله يحفظك .. بس هو ابني عمللكم ايه بس؟
امي : وانت لامؤاخذه في دي السؤال .. تبقى مين يعني ؟
دكتور رفعت : - وقد بدت عليه علامات الغضب - مش عارفين انا مين .. انا دكتور رفعت اسماعيل .. اشهر شخصية في عالم ما وراء الطبيعه وما قدام الطبيعه وما خلال الطبيعه .. ومن النهارده مافيش طبيعه .. انا الطبيعه .. انا الطبييييييييعه
امي : - وهي تسأل ابويا بصوت واطي - هو مالو محموء للطبيعه ؟؟
ابويا : شكلو عايز يلبي نداء الطبيعه
دكتور رفعت : - مستطردا - انا دكتور رفعت اسماعيل آخر الذئاب المتوحدة .. دكتور رفعت اسماعيل اللي لو كان في عصور الجاهلية كان عاش في وادي مليان غيلان وجان .. ولكانت رأتني القوافل من بعيد أمشي حاملا هراوة ثقيلة وانا ارتدي فروة الاسد
ابويا : - مذبهلا - دكتور بفروة أسد ؟؟
!! امي : لازم دكتور امراض جلد بهايم
-----
دراكولا : الصراحه الصراحه .. انا كنت بامص دم شوية ناس مجرمين كده .. وكنت بقتلهم بعدها عشان مايتحولوش .. واتاوي جتتهم
!! سوووو : - مستغربا - دم ناس مجرمين .. وتتاوي جتتهم .. انا مش فاهم حاجه
دراكولا : الحكايه ان في مره لقيت شوية عيال متشردين جم هنا المخزن يباتو .. ولما ظهرت وخوفتهم زي مانا خوفتك .. ويعلم ربنا اني وكتاب الله ماكنت قاصد امص دمك ولا حاجه .. انا بس كنت بخوفك مش اكتر
سوووو : طب ولما خافو عملت ايه ؟؟
دراكولا : لما لقيتهم خافو وابتدو يعيطو رحت مهديهم وطمنتهم .. اصل انا باحب الاطفال قوي .. وبعد ما العيال خدو علي شوية .. لقيت واد منهم بيقول انت لو بجد بتحبنا .. يبقى تريحنا من التوربيني
سوووو : ايه التوربيني ده ؟؟
دراكولا : ده واحد كده عامل نفسه كبير عالعيال دول .. بيضربهم وبيعذبهم وبيخليهم يشحتو ويسرقو .. وبعدها ياخد الفلوس منهم بلطجه
سوووو : ومصيت دمه؟؟
دراكولا : لا .. بس مصيت دم كام مجرم تانين غيرو وتاويت جتتهم
سوووو : مش عارف الحكايه دي مش داخله نافوخي ليه .. وبعدين فين العيال دول وماجوش ليه مادامو متعودين يباتو هنا ؟
دراكولا : زمانهم جايين .. تلاقيهم بيضربو كوللا ولا بيعملو دماغ نمل وصراصير وجايين على طول
سوووو : والله شاكك انك كنت بتعضهم وتمص دمهم وتحولو بعد كده لدراكولات صغننين
دراكولا : - وهو ينظر خلفي ويبتسم - أهم .. وصلو
------
بعد ما اتطمن الدكتور رفعت اسماعيل على سير العمليه الاجراميه اللي بينفذوها .. واتطمن ان ابويا وامي في المخزن ومش هيقدر يهربو .. طلع عالدور اللي فوق .. ووقف قدام باب الاوضه اللي كل مره تقف قدامها سونيا .. وبص على الاوضه وهو بيحك في صلعته الملساء .. وقال لسونيا
دكتور رفعت : هو لسه الحال زي ماهو؟
سونيا : زي ماهو - وابتدت في الشحتفه - ربنا عالظالم والمفتري .. يمهل ولا يهمل
دكتور رفعت : - ممتعضا - انتي تعرفي نجيب السمادوني؟؟
سامبا : - بتناحه - مين نجيب السيفوني ؟؟؟؟
دكتور رفعت : - ممتعضا برضه - سيفوني .. اهو انت بينطبق عليك المثل القائل .. سكت دهرا ونطق جزرا .. نجيب السمادوني يا جاهل .. واحد صاحبي على طول بيهريني بالكلام اللي في السكه بتاعة ربنا عالظالم .. والحياة كفاح .. والطمع يقل ماجمع .. وياحلو بانت لِبّـتـَك
سونيا : - وهي بتهدّي شحتفتها - طب ومالو نجيب السمادوني ومال العملية بتاعتنا ؟؟
دكتور رفعت : - وهو مازال ممتعضا - مالهوش بس انا بارغي عادي يعني .. انا دكتور رفعت اسماعيل ياسونيا .. اقول اللي انا عايزه وقت مانا عايز - وهو بيزعق لسونيا وسامبا - دكتور رفعت .. اللي ياما حارب اشباح وارواح وزومبي
سامبا : - وهو يستخبى ورا سونيا - طب وانا زومبي ايه ؟؟؟
سونيا : - وهي تحاول تهدئة الجو - طب انا بقول ندخل جوا المكتب ونشوف هنعمل ايه دلوقتي
دكتور رفعت : - وهو ممتعض طبيعي - وهو كذلك هكذا
-----
منى زكي : يانهار ازرق .. كل ده بيحصل لسوووو واحنا مش واخدين بالنا
توفيق عبد الحميد : - وهو يشرب كوباية ميه من الكولدير- انا هكلم المسئولين .. ده مش ممكن .. ده تهريج
مصطفى شعبان : احنا نروح ننقذ سوووو بنفسنا .. مش هنستنى مسئولين
توفيق عبد الحميد : لأ انا مش هكلم المسئولين عشان سوووو .. انا هكلم المسئولين عن شركة الصيانه يجو يشوفلهم حل في الكولدير اللي مش بيسقّع ميه ده
!! مصطفى شعبان : - وهو بينظر لتوفيق بقرف - مية ايه وتسقّع ايه .. ده احنا اللي مسقعين لسوووو عالآخر
منى زكي : صبرك بالله يا درش .. سوووو مش هيروح بعيد .. واحنا عارفين هو فين
!! مصطفى شعبان : مش فاهم
منى زكي : يعني نشوف حد يصلح الكولدير وبعدين ربنا يسهلها .. احنا داخلين على صيف والدنيا بتبقى ولعا زي مانت عارف .. ده حتى التكييف عايز يتشحن فريون
مصطفى شعبان : آه والله عندك حق .. نصلح الكولدير ونشربلنا بؤ ميه ونتحرك
!! توفيق عبد الحميد : - وهو يبتسم بسخريه - وبيقولو علينا اننا في الطراوه قال
-----
بمجرد مادخلو أطفال الشوارع اللي قاللي عليهم دراكولا .. اكتشفت ان دراكولا مامصش دم حد فيهم .. لاني لقيتهم ممصوين خلقه .. لقيتهم كلهم على بعض كده مايجوش قدي وقد طخنتي .. كانو في الاول خايفين مني ومقلقين .. لكن دراكولا طمنهم .. كانو اربعه .. في سني تقريبا .. اكبرهم او الزعيم بتاعهم اسمه شمهورش .. يمكن عشان شعره منكوش وتحسو انه عفريت , وفي بنت اسمها ندى .. هي كانت في يوم من الايام عسوله .. بس دلوقتي بقت مسقفه موس في بؤها .. وكنت مستغرب ومش فاهم يعني ايه كلمة مسقفه موس .. لكن اتضح ان معناها انها حاطه في سقف حلق بؤها موس .. تقريبا بتحلق دقنها بيه , وكان في واد شكلو كده اتعور في خناقه ولا حاجه .. اسمه بشله , اصغرهم حجما واكثرهم نشاطا كان واد اسمه ميمون .. وتقريبا سموه ميمون عشان زي القرود .. بيقدر يعمل مليون حاجه في نفس الوقت
بعد ماهديت الحياه شويه والتوتر اللي مابيننا اتشال نتيجة انهم خافو اكون مخبر ولا حاجه .. وكمان بعد ما دراكولا قام ينام عشان الصبح طلع وتقريبا في حزازات بينه وبين نور الشمس .. ابتدينا انا والعيال نتكلم مع بعض
ميمون : - وهو يتفحصني من فوق لتحت - وانت بقى نزلت الشارع ليه؟
سوووو : اهلي اتخطفو فقررت انقذهم
بشله : - باستهزاء - انت فاكر نفسك زوبرمان !!؟
شمهورش : - وهو ينظر لـبشله بقرف - يخرب بيت الكوللا اللي لحست لسانك .. ياهبل اسمه دوبرمان
سوووو : دوبر مان .. ده على اعتبار انك شايفني من غير ديل مثلا - وبصيت لـبشله - اسمه سوبرمان .. سوبر مان
ندى : انا نفسي في سجاره سوبر قوي .. حاسسه ان دماغي هتتفرتك
في اللحظه دي افتكرت اني معايا علبة سجاير كنت خدتها من العساكر لما كنت محجوز (راجع المحطه التلتاشر) ورحت مطلع علبة السجاير
ميمون : يابن اللذينا .. انت ليك في اللون؟؟
بشله : ومش أي لون .. دي علبة كامله يامعلم ماتفتحتش
شمهورش : - بعد ماخطفها من ايدي - تلاقوه كان نازل يجيب سجاير لابوه ولا حاجه
الصراحه .. قالها بطريقه ضايقتني .. حسسني اني عيل .. وكمان خطفها وهايفتحها كأنها بتاعته .. رحت واقف قدامه وقلتلو
سوووو : لا ابويا ايه .. انا اصلا اصلا باشرب سجاير من زمان .. من بتاع تمان سنين
ندى : هو انت عندك كام سنه ؟؟
!! سوووو : سته ونص
ميمون : بقولكم ايه .. احنا مش هنقضيها كلام .. عايزين نشرب سجاير
شمهورش فتح العلبه واداني اول سيجاره .. وراح مطلع مشط كبريت وبص للعيال وهو بيبتسم .. وراح مولع عود كبريت عشان اولع بيه السيجاره .. كان قدامي حل من اتنين .. يا اما اني مارضاش اشرب السيجاره واطلع عيل في نظرهم .. يا اما ابقى راجل وقد كلامي .. وفعلا .. رحت ساحب نفس من السيجاره .. خدت النفس من هنا وحسيتني هموت من هنا .. حسيتني باتخنق .. هفطس .. ابتديت اكح .. انا اكح وهم يضحكو .. اكح وهم يضحكو .. وشي احمر وروحي كانت هتطلع مني .. هموت خلاص مش قادر .. ابتدى ضحكهم يقل .. ندى قربت مني وابتدت تضربني ضرب خفيف وتطبطب على ضهري عشان ابطل اكح .. ميمون قلق .. بشله هو كمان بطل يضحك وبقى خايف علي .. الوحيد اللي كان لسه بيضحك هو شمهورش .. لكن لما العيال بصولو جامد راح بطل ضحك وقال
!! شمهورش : مش هو اللي عامل فيها مولود في باكو معسل
ندى : - وهي بتبصلي وخايفه علي - انت ليه كدبت وقلت انك بتشرب سجاير ؟؟؟
سوووو : انا ماكدبتش .. كوح كاح .. انا كنت باشرب بس بطلت .. كوح كاح كيح
ميمون : بطلت بقالك قد ايه؟
سوووو : تسع سنين .. كوح
ندى : هو انت عندك كام سنه ؟؟؟؟؟
!! سوووو : سته وربع
-----
دكتور رفعت : الفتره الجايه اصعب فتره .. لازم تركزو عشان نبدأ في تنفيذ المخطط صح
سونيا : ماشي يا بوص
دكتور رفعت : يادي النيله .. يابنتي ماتحسسينيش اني تاجر مخدرات وعندي دولاب في الباطنيه .. انا دكتور رفعت .. دكتور رفعت اللي صارع كائنات اسطوريه .. دكتور رفعت اللي حارب الاشباح والافاعي و راس ميدوسا
سامبا : - مستغربا - هي امك اسمها ميدوسا ؟؟؟
دكتور رفعت : لأ .. ليه؟؟
!! سامبا : اصلك قلت في آخر كلامك (و راس ميدوسا) .. زي ماتكون بتحلف براس امك
-----
بعد ماخدو مني العيال علبة السجاير وكل واحد ولع لنفسه سيجاره .. حسيتني عيل عشان ماشربتش انا كمان .. ولما رحت لشمهورش عشان اخد منه سجاره وخدت السجاره فعلا .. ندى وقفت قدامي وراحت واخداها وهي بتشاورلي بصباعها بتمنعني .. وابتدت تغني على لحن اغنية (وينك ياعصفوره وين .. أو فولا فولا) وبتقول
ندى : كولوباطرا سجاره فاضيه
تشربها ونفسك مش راضيه
كولوباطرا سجاره خشبه
تشربها ونفسك مكتئبه
كولوباطرا
الباقي عامليون كورال : كولوباطرا
ندى : كولوباطرا
كورال : كولوباطرا
ندى : كولوباطراااااا .. سيجاره خشبه
ندى : فينك ياسيجاره فين
مانشوفك غير سبروسه
ماعندي غير الرئتين
عطينا انتي نفوسه
وان سألونا على سيجاره
كورال : طرارارام
ندى : التدخين ماهو شطاره
كولوباطرا
كورال : كولوباطرا
ندى : كولوباطرا
كورال : كولوباطرا
ندى : كولوباطرااااااا .. سجاره خشبه
كورال : - وهم بيلفو حوالينا - كولوباطرا سجاره فاضيه
تشربها ونفسك مش راضيه
كولوباطرا سجاره خشبه
تشربها ونفسك مكتئبه
ندى : كولوباطرا
كورال : كولوباطرا
ندى : كولوباطرا
كورال : كولوباطرا
ندى : كولوباطراااااااا .. سجاره خشبه
ندى : مليانه بالصراصير
مليانه بالزباله
تشربها وعقلك هيطير
فجأه تبقى برياله
وان سألونا على سجاره
كورال : طرارارام
ندى : التدخين ماهو شطاره
كولوباطرا
كورال : كولوباطرا
ندى : كولوباطرا
كورال : كولوباطرا
ندى : كولوباطرااااااا
الجميع : سجاره خشبه
-----
يتبع
سوووو
هناك ٩٤ تعليقًا:
هههههههههههههه
ديه مش المحطه العشين
ديه محطة مصر ههههه بالصلاتوعالنبي
اما الاغي الاخيره ديه يا سوو ممكن تبيع كلماتها لشعبولاا حتكسب دهب
ههههههههههههههه
لولولولوللولولولولولوي
زغرطوا يا ناس معايا
اول دخول اول تعليق اول وجود اول زيارة واول تعليق وياللا معايا ع السقفة هيييه
تشك تشك تشك تشك
احم ،، ايه الدلع ده،، اروح بأه اقرا وآجي تاني
كخخخخخخخخخخخخخخخخخخخخ
مها ميهوووو
احم،، واضح ان انا لما دخلت ومالقتش ردود افتكرت ان انا اول تعليق اتاريك يا لئيم يا حركات (وش بيغمز) قد تمكنت من الاشراف على التعليقات
يا لك من متمكن
ويالهوي على منظري وع الزغاريط اللي كنت داخله بيها
ما علينا
المهم بأه انا جاية اقول انك رهيب موت اوي جدا خالص
انا قاعدة في الشركة عمالة اضحك من غير صوت بسببك
اه بجد ايه الجو الشعبي اللي بهت ع الجهاز ده؟؟
وكله كوووووم واغنية كولوباطرا دي كوم يختيييييييييي بقيت عمالة م الضحك اترزع في الارض واخبط في السقف واتهبد ع المكتب
جااااااامد يا سوووو وراس ميدوسا
السلام عليكم ورحمة الله وبركاته
ايوه كده يا سوو اهي دي الحلقات ولا بلاش
مش قبل كده كنت بتكروتنا والحلقه ماتكملش سطرين والباقي اعلانات
:)))))))
اموت واعرف ايه حكاية الاوضه اللي كلهم يجوا ادامها ويقفوا دول
يكونش جواها نبيل فاروق والا خالد توفيق
عموما خلينا ورا سوو
لحد اخر المشوار
سلام
ياسلام ياخويا يعنى هو مص دم مجرمين تانين وساب التوربينى
اية ملحقوش كان اتقبض عليه ولا حاجة
وهو كذلك هكذا واية بقا الجملة دى عبارة عن اية دى انهى لغة يعنى
وبعدين سجاير اية ياعم واية اغانى الاطفال دى انت نسيت دول اطفال شوارع زى ما بيطلقوا عليهم
وكمان مش عارف يعنى اية مسقفه موس
ياراجل روح انا كنت فاكرك تعرف اكتر من كدا
سلام يا سووو يا جامد
وبالتوفيق
ههههههههههههههه
لالالالالالالالا
هموت من الضحك خلاص
وراس ميدوسا انت جامد يا سوووووووووو
ههههههههههه
لا حلقه تحفه بجد
والاغنيه عامله دماغ جاااااااااااز
:)))))))))))))
احييك بشده
سلاخوووووووووخ
شيشتك قدامك حبها
و امسك اللي و شدها
بص لشيشتك حسها
و اقفش في المبسم مصها
فينك ياسيجاره فين
مانشوفك غير سبروسه
ماعندي غير الرئتين
عطينا انتي نفوسه
يا أغانيك اللي ماركة الدخاخني دي يا يا أبو السووووات
يا دماغك المتكلفة يا سوووو
بس قولي يا أحمد هو يعني إيه سبروسة؟
دخلنا في حوار أطفال الشوارع و التوربيني
و تقولي مش عبقري
يا عم روح
يلا سلام
هههههههههه
ورحمة راس ميدوسا
قلبى وقف من كتر الضحك
ايه يا سوووووو احنا نقعد قعدة عرب ونشوف الموضوع ايه بصلاتو على النبى
بس بجد الحوار شيق ومتشعب جدا جدا
ده انت اتطلع عين المخرج يا جرع
فى التصوير
بس بجد ياسووووتسلم ايديك جامدة بجد
ولا الاغانى بتاعتك تحفة توكل على وشوف سعد الصغير ولا ريكا ولا اقولك شعبولا احسن
وراس ميدوسا اتتصيت واتبقى فله
تحياتى وتقديرى
خالد
سالخير يا خويا
ايه الدور اللى عايشه الدكتور رفعت ده
ال وجاى يباشر المخطوفين ويطمن على سلامه سير العملية التعذيبيه
تقولش جاى تفتيش مفاجئ
وكله كوم ودراكولا اللى بيحلف بعهد الله ال ومرضاش ياكل التوربينى يكونش علشان لقاه بيبى فيس
انما كله كوم والاغنية كوم تانى بجد بجد ملعوبة وتعبر عن مدى عشق اطفال الشوارع للسوجارة الكولوباطرا
فى انتظار الحلقة الجاية وينوب ثواب ابقى صلح الكولدير
فتك بعافيه
مدونه جميله اول مره ادخلها
انا هقرا باقى البوستات
سلاااام
جميل قوي الحوار ده ...
ربنا يكرمك
تحياتي
سو انا بجد مش عارف اعلق من كتر الضوحك بس بجد انت دخلت فى كمية مشكلات بسهولة وسلاسة تتحسد عليها
الا قولى انت كنت بتكتب فى الباطنية ولا فى ستديو مصر
سلاموووووووووووووووووووووووز
الاغنية
تجننننننننننن
انا ريلت من كتر الضحك
الله يخرب بيت شيطانك يا سوووو
ههههههههههههههههههه
كيلوبطرااااااااااااااااا
سيجارة خشبة
ههههههههههههههههه
سلام
اختك خيخة
لا استنى
هو مين رفعت اسماعيل ده؟
خلاص سلام
اختك خيخة
بجد يا سووو هو نيب لفاروق هيعتزل الكتابة البوليسية وانت هتمسك مكانه
ولا دى اوشاعات
بجد بوست جميل جدا وحلوة قوى الأغانى دى
تحياتى
ههههههههههههههههههههههههههههههههههه
هئ هئ هئ هئ هئ هئ هئ هئ هئ هئ
خخخخخخخخخخخخخخخخخخخخخخخخخخخخخخ
اخواتي افتكروني اتهطلت من كتر الضحك
تجنن والله
هاهاهاهاههاهاهاهاههاها
هىهىهىهىهىههىهىهىهىهىه
هعهعهعهعهعههعهعهعهعهعه
hahahahahahahahhahahaha
بضحك بكل حروف الضحك اللى عالكيبورد
وهعيييييييييط من زعلى عاللى فاتنى من المذكرات دى بس هشوفلها يوم واقعد امخمخ واجيبهم مالاخر
ربنا يكرمك ياكبير ونشوفك مولع الدنيا بكتاباتك
سلاااامااااات
هههههههههههه
هههههههه
ههههه
انا نفسى اعرف العصابة عاوزين من سووو ايه وحلو قوى المكس الفظيع اللى انت عامله لكل واحد
اكتر حاجة بستغربلها ان منى زكى وسونيا يتكلمو بالبشاعة دى - عاوزين حاجة تبقى كوووووول كده
فى انتظار الحلقة الواحد وعششين بالصلاتو عالنبى وموش تتأخر
احسن حاجة انك بتثير وبتطرح اكتر منقضية ملموسة ومأثرة فى المجتمع
تحياتى
هبة
هههههههههههههههههههههههههههههههههههههه
طيب اللي ييجي يعلق يعلق إزاي؟؟؟
وهو فطسان على نفسه من الضحك؟؟؟
خاصة بعد القفلة الفظيعة دي
أغنية تراثية شعبية أصيلة
لمحبوبة الجماهير كولوباطرا
بشع بشع يا أحمد
ودخلة دكتور رفعت واسترساله كل شوية وحلفانه براس ميدوسا والغرباء والقرباء
جامدة مووووووت
إلى الأمام يا سووووو
:))
من النهارده مفيش طبيعه انا الطبيعه طب وراس ميدوسا الى حلفوا بيها الى قبلى ماليهاس حل الحلقة دى ومن منطلق الاغنيه للوذعية بتاعت كليوبطر انت عارف يا صحبى ماليش فيه مش التدخين لا المنتج المحلى
بس بجد والله تحفة انا اخويا جه يشوفنى بضحك على اية وبص بصة تفهم منها ربنا يشفى ومشى
دكتور رفعت : يعني رجالتي عاملين الواجب معاكم وبيعذبوكم كويس ولا بيدلعو؟؟
-----------
ههههههههههههه
ايه الكوميديا السوداء دى ؟
السلام عليكم ورحمة الله وبركاته
حلقة جميلة
خاصة الأغنية في الأخر
تحياتي
نيا هاهاهاهاهاهااههاهاهاهاهاهاهاه
نيانينيهاها هاااااااا ههههههههههههههههههههههههههههههههههه
لا ايه ده جامده والله الحلقه وطويله ايه ده كل ده بس
سبروسة؟هي مش كانو بيقولو عليها في الفلم سامسون بقت سبروسه طيب سبحان مغير الاسماء
كله كوم وكولوباطرا كوووم تاني
تحفه يا سوووو جامده انا كان قلبي هيقف من كتر الضحك وكمان علي اغنيه فولا فولا
يالهوي فاكر الست ام شعر ابيض اللي في تصوير الاغنيه ديه عامله مايسترو
وربنا لو شافت البوست ده لتتشل.
احلي حاجه بقي النقله من حته لحته في القصه من غير مانتوه منك الحق يا عم سجل الحلقات ديه بأسمك وبيعها يا سوو والله بجد جميله جدا
هموت واعرف مين رفعت اسماعيل ده!!!!!!
واوعي
تنسي
يبسطك ويكرمك ويسعدك ويوفئك الخ
مش كل مره تنقطني بالدعوه كده
سلامز
ياسوووووووووووووووووو
انت محصلتش ولا هتحصل تانى بجد
انت زى العسل..
بجد مش ممكن..بالصلاتو عالنبى
دومت بالف صحة وخيررررررررر
وربنا يكرمك دنيا واخرة
جميله اوى
انا مت من الضحك
اسلوبك يفطس براحه
والاغنيه حلوه اوى
ع الرغم من انى تعليقى يمكن الرقم 23 الا انه رقم متقدم نوعا ما
وسعيده انى لاول مره وصلت بدرى
اصلى على طول متأخره كدا :D
أنا أسفه أنى مقريتش الحلقه بس أنا عايزه أسلم عليك عشان بقالى كتير مجتش مدونتك لظروف الامتحانات
يارب تكون بخير
واحدة مفروسة
اصل انتي مش واخده بالك من حاجه يامفروسه
انا مانزلتش حلقه الاسبوع اللي فات
قلت اعوض اللي بيقروها وبيتابعوها بحلقتين المره دي
وبعدين شعبولا مين .. ده اغنية الطفوله المشرده بتاعة وينك ياعصفورة وين .. مانشوفك غير بتطيري .. ماعندك غير جناحين ..حاكينا كلمة صغيره
انتي مش فاكراها ولا ايه؟؟؟؟
وربنا يسعدك ويكرمك ويبسطك ويرضيكي دنيا وآخره يارب
ملحوظه
سمعت انك قابلتي خيخه وقعدتو تنمو وتجيبو في سيرة الناس وتقطعو في فروتهم .. حد منكم جه ناحية فروتي ؟؟؟
سلاموووووووووووز
أحسن تستاهل
تصدقي يا مهاميهو .. انا باعزك قوي والله
وصدقيني والله العظيم مابيفرق معايا تعليق اول من اخير
كفاية انك تعبتي نفسك وكتبتي تعليق ودي عندي كبيره قوي والله العظيم
وياستي اضحكي براحتك .. ولو حد قالك بتضحكي على ايه .. بصي في وشه واضحكي .. هتلاقيه ساعتها هو من نفسه بيضحك لوحده
وربنا يسعدك ويبسطك ويرضيكي دنيا وآخره
سلامووووووووووز
خمسة فضفضة
وعليكم السلام ورحمة الله وبركاته
لاااا .. ماتتعودوش على كده
الحلقه دي دوبل عشان الاسبوع اللي فات مانزلتش حلقات
وبعدين هي اساسا خلاص فاضل فيها اربع حلقات
وهتعرفي ايه حكاية الاوضه دي بعدين
هانت خلاص
ملحوظه
بافرح قوي لما بالاقي في اول تعليقك (السلام عليكم ورحمة الله وبركاته) باحس بجو ألفه غير طبيعي
ربنا يسعدك ويبسطك ويكرمك ويرضيكي دنيا وآخره يارب
سلامووووووووووز
wanna b a physician
خبر ايه ياعم الدكتره
التوربيني طلع اعارة لشوارع اسكندريه اصلا والاحداث بتدور في سندبيس .. انت مش مذاكر تاريخ ولا ايه
وبعدين اطفال شوارع بيغنو للكولوباطرا طبعا .. عايزهم يغنو للمارلبورو ولا للكينت .. كولوباطرا طبعا تكسب
وتصدق اني شرحت لفظ مسقف موس عشان الناس تستوعبه بس .. انما انا اذا كان علي مجرم قديم .. واعرف الكلمه دي من زمان قوي
من بتاع خمس ست تيام يعني
شفت التشرد بقى
وربنا يسعدك ويبسطك ويكرمك ويوفقك ويرضيك دنيا وآخره يارب
سلامووووووووووز
shayma
بعد الشر عليكي ياستي
واضحكي براحتك .. الضحك عمره مايموت .. قلة الضحك هي اللي تحزن والحزن هو اللي بيخلي الواحد يموت .. حتى ولو من جواه بس
وربنا يسعدك ويكرمك ويبسطك ويرضيكي دنيا وآخره يارب
سلامووووووووووز
nigro
يا نيجرو ياخويا انا احب أكيف الشعب
فلازم اتكلم عن المكيفات
والسبروسه هي مؤنث سبروس وهي مفرد سبارس .. وهي اعقاب السجاير اللي فاضل فيها نفس ولا نفسين
وياسيدي صدقني انا ولا عبقري ولا حاجه
دي مجرد شخابيط بنقولها عشان نضحك
وربنا يسعدك ويكرمك ويبسطك ويرضيك دنيا وآخره يارب
عملت ايه في المشروع ياعم؟؟؟؟
سلامووووووووووز
همس الاحباب
خالد باشا حليب قلبي
الحمدلله انك ضحكت وان الحلقه عجبتك
ونقعد ياسيدي قعدة العرب ونشوف فين الليله بالصلاتو عالنبي
وبعدين سعد الصغير مين وشعبولا مين
ده اغنية وينك ياعصفوره وين .. اغنيه اعظم من اي حاجه لشعبولا وسعد الصغير
اغنيه من تراث الطفوله يعني
وربنا يسعدك ويبسطك ويكرمك ويرضيك دنيا وآخره
سلامي لهمس
سلاموووووووووز
اهو ده عيبه
سالخير يا دوللي ياختي
لا حاسبي .. دكتور رفعت ده حبيبي حبيبي حبيبي .. من ايام الجيزه يعني
وبعدين مين قال ان دراكولا مارضيش يمص ويقتل التوربيني
التوربيني هو اللي لما عرف راح طالع اعاره على شوارع اسكندريه وساب العيال دي لغيره من بلطجية الشوارع
واطفال الشوارع بيقدرو الكولوباطرا طبعا وبيعتبروها ابوهم وامهم الروحانين .. فلازم يغنولها يعني
وربنا يسعدك ويكرمك ويبسطك ويوفقك ويرضيكي دنيا وآخره يارب
ملحوظه
جاري تصليح الكولدير
سلامووووووووووز
حسام يحى ...مدونه صوت الحريه
اهلا بيك يافندم وياريت تعتبر مدونتي زي مدونتك تمام وتنورني بتعليقاتك وبزياراتك دايما
وربنا يسعدك ويكرمك ويبسطك ويرضيك دنيا وآخره
سلامووووووووووز
ايما ام البنين
بل الاجمل هي زيارتك وتعليقك
وربنا يكرمك ويسعدك ويبسطك ويرضيكي دنيا وآخره يارب
سلامووووووووووز
هيثم الدهشان
الله يخليك يابو الدهاشين ياحبيبي
ايه ابو الدهاشين دي؟؟؟
وياسيدي انا ولا كنت باكتب في الباطنيه ولا استوديو نصر .. انا اصلا مش باعرف اكتب .. بابصم بس
وربنا يسعدك ويبسطك ويكرمك ويرضيك دنيا وآخره
سلامووووووووووز
بت خيخة وأى كلام
طب تصدقي وتؤمني بالله يا ام شرفنطح
اغنيه كولوباطرا دي انا كنت مألفها من ايام الجامعه .. وكنت بقولها في الرحلات وكده
ولما انتي عجبتك اغنية الشيشه وقلتي في تعليقك ماتعمل اغنيه عن السجاير .. رحت موضب للاغنيه دي مشهد عشان تتحط فيه
اي خدمه ياستي
وبخصوص سؤالك عن رفعت اسماعيل .. شوفي الحلقه التسعتاشر وشوفي اسم الدكتور رفعت لما انا كتبته باللون الاحمر .. ودوسي عليه هتلاقيه لينك بياخدك لتعريف بالشخصيه دي
هي شخصيه زي ادهم صبري في مجموعة روايات ما وراء الطبيعه اللي كتبها الدكتور احمد خالد توفيق
وشخصيه ثريه وحبيت اسلط عليها الضوء
وبعدين ده اتضح ان في بلاوي لسه هتعرفيها عن سوووو
وربنا يسعدك ويكرمك ويبسطك ويوفقك ويرضيكي دنيا وآخره
سلامي لشرفنطح
سلامووووووووووز
ayman badr
لااااا حاسب
انا ولا غيري مهما كتبنا وقلنا مش هنقدر نيجي ضفر دكتور نبيل فاروق ودكتور خالد توفيق
الناس دي قدرت تعمل حاجه احنا مهما حاولنا ولا هنيجي ربع عشر اللي عملوه
دول زرعو فينا اننا نسرح بخيالنا ومانخليش في حدود لتصوراتنا
والحمدلله ان البوست والاغنيه عجبوك
وربنا يسعدك ويبسطك ويكرمك ويوفقك ويرضيك دنيا وآخره
سلاموووووووووز
وومن
يا ميرا اضحكي براحتك
وخلي اخواتك هم كمان يضحكو
اقولك
خلي الشارع كللو يضحك
الضحك بقى حاجه نادره في زمننا
ولاااااااااازم نضحك
وربنا يسعدك ويبسطك ويكرمك ويوفقك ويرضيكي دنيا وآخره يارب
سلاموووووووووز
šσяšαяαα
مييييييييييييين
ساره
ازيك يابنتي وفينك وفين اراضيكي
الحمدلله انك جيتي نورتي المدونه ويارب تعتبريها زي مدونتك وتنوريها بزياراتك وبتعليقاتك دايما
وياستي ولا تزعلي ولا حاجه على الحلقات القديمه
المدونه قدامك اهي واقريها في اي وقت وانا تحت امرك وامر كل اللي بيقرو اي حرف من اللي باكتبه
وربنا يسعدك ويبسطك ويوفقك ويكرمك ويرضيكي دنيا وآخره
سلامووووووووووووز
Doba
اختي العزيزه ام يوسف افندي
ازيك وازي يوسف افندي
وتابعي باقي الحلقات وانتي هتعرفي العصابه بتعمل كده مع سوووو ليه وعايزين منه ايه
وبعدين المفارقه بتطلع من ان الشخص يعمل عكس المتوقع
يعني في الوقت اللي الناس متخيله فيه سونيا ومنى زكي قمة في الرقه
خيال الطفل سوووو طلعهم حاجه تانيه خالص
وربنا يسعدك ويكرمك ويبسطك ويرضيكي ويوفقك دنيا وآخره
سلامي ليوسف افندي
سلاموووووووووز
ojg
ياستي المهم ان الناس تضحك
ومش مهم يعلقو
وطبعا كولوباطرا لازم تاخد حقها من التكريم
دي حاجه موروث شعبي .. سواءا السجاير ولا الملكه .. وكان لازم اختارلها اغنيه تكون محفوره في دماغنا من ايام ماكنا اطفال
ودكتور رفعت ده حبيبي حبيبي حبيبي .. ولازم اسيبه يسترسل براحته
وربنا يسعدك ويبسطك ويكرمك ويوفقك ويرضيكي دنيا وآخره
ملحوظه
انتي فين يابنتي بطلتي تنزلي حاجه في المدونه ليه؟؟؟؟
سلاموووووووووز
رئيس جمهوريه نفسى
الله يخليك يابو حففي ياخويا
وياسيدي اضحك ولا يهمك
ولو اخوك قال عنك حاجه كده ولا كده
قلو اه انا كده .. بس باضحك
وبعدين لازم تكون وطني وتشجع منتج بلدك وتشرب كولوباطرا
هي اي نعم لاتمت بصله للسجاير ومافيهاش تبغ اصلا
بس برضه يعني
وربنا يسعدك ويكرمك ويبسطك ويوفقك ويرضيك دنيا وآخره
سلاموووووووووز
عاليا حليم
ياستي كوميديا سوده ولا بيضا
المهم اننا نضحك
الضحك ده احلى حاجه في الدنيا
وربنا يسعدك ويكرمك ويبسطك ويوفقك ويرضيكي دنيا وآخره
سلاموووووووووز
الجدة فصيحة
وعليكم السلام ورحمة الله وبركاته
والحمدلله ان الحلقه عجبتك ياجدتي
بس على فكره .. لو قريتي مابين سطور الاغنيه .. هتلاقيني باقول فيما معناه ان السجاير مش حاجه حلوة
ويارب تكون وصلت للناس اللي بتقرى المذكرات
وربنا يسعدك ويكرمك ويبسطك ويرضيكي دنيا وآخره
سلاموووووووووز
يوميات فنانه مفروسه جداا
ياقهلا ياقهلا
وبعدين ايه اللخبطه دي
السبروسه دي مؤنث سبروس .. والجمع سبارس وهي اعقاب السجائر المتبقي فيها نفس ولا نفسين
بينما السمسون هو عقب السيجاره المحشوه بالمخدرات
ركزو بقى ماتلخبطوش في المصطلحات العمليه
والست ام شعر ابيض دي لو كانت شافت الاغنيه دي ماكانتش هتتشل وبس
دي كانت هتموت بحسرتها .. وهي بتشرب سيجاره كولوباطرا
والحمدلله ان الحلقه عجبتك .. بس خلي بالك .. دي حلقتين مش حلقه واحده
يعني الاسبوع الجاي هنرجع لنفس الكميه اللي بنشرها
وبعدين اصلا كده كده فاضل اربع حلقات يعني
وحاضر ياستي
ربنا يسعدك ويبسطك ويكرمك ويوفقك ويرضيكي دنيا وآخره يارب
سلاموووووووووز
كيكى
الله يكرمك يارب
بس صدقيني في كتاب ساخرين كتير واحسن منني بمراحل
لكن احنا للاسف مش بنقدر نوصل للي بيكتبوه
وربنا يسعدك ويبسطك ويكرمك ويوفقك ويرضيكي دنيا وآخره يارب
سلامووووووووز
amal
الحمدلله انك ضحكتي ويارب تفضلي تضحكي على طول
وصدقيني والله العظيم التعليق الاول مش بيفرق عندي من التعليق الميه
كلكم على راسي من فوق
وكفايه انك كلفتي نفسك وتعبتي وعلقتي
وربنا يارب يسعدك ويبسطك ويكرمك ويوفقك ويرضيكي دنيا وآخره يارب
سلاموووووووووز
3ala asm masr
هنووووووووووده
وحشاني كتير كتير كتير كتير والله
وياستي ماتشغليش بالك
المهم انتي عملتي ايه في الامتحانات
يارب تكون عدت على خير يارب
وابقي اقري اللي فاتك وقت ماتحبي
انا والمدونه تحت امرك ياستي في اي وقت
وربنا يسعدك ويكرمك ويبسطك ويوفقك ويرضيكي دنيا وآخره يارب
سلاموووووووووووز
اول مرة ادخل هنا الاقي المحطة العششين
طيب ابدا منين ؟؟
مضطرة اقرا المحطات كلها قبل ما اتكلم بقي
تحياتي
ايه ده؟
مين ليه فين ازاى ؟!!!!
بتعمل كده ازاى
مش مصدقه يعنى يعنى
دى مش زى ادهم صبرى دى
اذن ..تن تن تن
انها السرقه
بجد حلوةةةةةةةةةةةةةةةةموووووووووووووووووووووووز يعنى
مش عارفه اقولك انا ضحكت ازاى
ولا الغنوة بتاعت بولابولا
كليبوطرا
ده انت خليتها طرارارارا خالص
ههههههههههههههههههههههههههه
بجد مذكرات سمينه قوى
هاجى تانى هاجى تانى كل يوم هتلاقينى راشقه هنا
سلامى
السلام عليكم ورحمة الله
فعلا أخدت بالي من كلمات الأغنية
ولذلك عجبتني جدًا
لأني ضد التدخين بشكل قاطع
وأي عمل أدبي جيد يكافح هذا الموضوع بشكل جيد كما فعلت أنت فيستحق التحية
بارك الله لك في موهبتك وحفظها
في رعاية الله
لا لا مش ممكن بجد مش قادر امسك نفسيتي من الضوحك يا رأفت
اول حاجة كان حوارات رفرف حليب هارتي ده, و خصوصا لما قعد يصرخ "انا اللجنة انا اللجنة -بس هو قالها باللغة الماورائطبيعية طبعا-
لا وللا رد الحاج و الحاجة, بجد عسل قوي الانين دول
تاني حاجة بقى واللي هي كانت بجد فزيعة شنيعة مريعة, و قلبتني ضوحكا, هي الاغنية, لا لا لا ده انت شلفطت العصفولاة خالص مالص, بس لا والله يا رأفت كانت اغنية حلوة, و انا بفكر احفظها و اقعد اغنيهالهم هنا في البيت :)))))))))
في انتظار التابع و المتبوع و بينهما حلقة :))))))))))
يا خرابى يا لهوى ايه العسل دة اه صحيح لما افرحك انا قريت الحلقات كلها واكتشفت انها مش حلقات منفصلة بس ايه الحلاوة دى الموضوع طلع كبير كبير كبير ......... بس شفت دكتور رفعت رئيس عصابة عسل ازاى؟؟؟؟
لأ لادع بجد يا سو
متهيألي انك انت اللي من ورا الطبيعة
بس بجد رائع أنت سينارست خطير
وعاجبني قوي رفعت اسماعيل مش تقول أنك من نقابة ما وراء الطبيعة ؟
عموما نشوفك بإذن الرحمن في الملتقى في اسكندرية ابقى ما تجيش يا معلم وأنا اللي حخلي سونيا وسامبا يعرفوا شغلهم معاك انت فاكرها سايبة لأ دي علب وعليها علامة تجارية كمان
عيله مفتريه سابقا
ادهم صبري مين وسرقة ايه
انتي هتعمليلي مشاكل مع اكتر شخصيه خياليه اثرت في وفي جيل كامل
لألألألألأ
الا ادهم صبري
ده الادب ادهم
ده الاخلاق ادهم
انا جبت الا ادهم
--
وياستي اهلا وسهلا بيكي في عالم التدوين واهلا بيكي في مدونتي المتواضعه واتمنى انك تعتبريها زي مدونتك وتنوريني دايما بزياراتك وبتعليقاتك
وربنا يسعدك ويبسطك ويوفقك ويرضيكي دنيا وآخره يارب
سلاموووووووووز
الجدة فصيحة
وعليكم السلام ورحمة الله وبركاته ياجدتي
والحمدلله ان تناولي لموضوع التدخين والسجاير جه بشكل ارجو انه يكون لطيف وظريف وبعيد عن المباشره اللي انا وغيري من ناس كتير زهقنا منها في تناول المواضيع الجاده دي
وربنا يسعدك ويبسطك ويرضيكي دنيا وآخره يارب
سلاموووووووووز
Z_Diva
الله يكرمك يام زعبولا ياختي
والحمدلله ان رفرف حبيب قلبك ما طلعش بشكل مش حلو
ولو اني خااااااايف موووووت من ردود فعل باقي معجبينه والله
ربنا يستر بقى
وعلى فكره .. الاغنيه دي انا هيستها زمان وانا في الكليه .. ولما كنا بنطلع رحلات كنا بنغنيها لدرجة اني اتعرفت في الكليه بيها
وتقريبا نادين بتاعة الاغنيه الاصليه عرفت وراحت منزله ريميكس للاغنيه دي في الشريط اللي عملته
قال ايه بتتحداني
لكن ولو .. ولا حد جاب شريطها اصلا
وان شاء الله فاضل اربع حلقات وربنا يستر ويعجبوكي ويعجبو كل متابعين المذكرات
وربنا يسعدك ويبسطك ويكرمك ويوفقك ويرضيكي دنيا وآخره يارب
سلامووووووووووز
enjy
طب الحمدلله انك قريتي المذكرات من اولها ويارب تكون عجبتك
وطبعا دكتور رفعت عسل
هو في الاساس شخصيه ساخره .. مابالك بقى لما يطلع رئيس عصابه
والف شكر على البؤين الحلوين اللي قلتيهم وربنا يسعدك ويبسطك ويكرمك ويوفقك ويرضيكي دنيا وآخره يارب
سلامووووووووز
مجداوية
وعليكم السلام ورحمة الله وبركاته
لا ياستي ماقدرش اكتئب من كلامك ولا زعلان والله ولا حاجه .. بس زي ماقلت فعلا .. عشان افكر نفسي مش اكتر
ونرجع بقى لموضوعك ولتعليقك
انا فاهم قصدك وانك بتضربي مثل بزكاة المال كاستعاره عن العبادات اللي بنعملها من صلاة وصوم وحج وزكاة
ولما قلتلك كلامي كنت قاصد انبهك لحاجه بسيطه قوي
هي القوة في اسلوبك
انا كنت حاسس انك عايزه تطلعي رشاش ترمي الناس بيه يا مجداويه
وبعدين مين قالك اننا اصلا اصلا هندخل الجنه بصلاتنا او بصيامنا او بسائر الاعمال والعبادات
احنا لو دخلنا الجنه هيبقى برحمة ربنا مش اكتر
وزي مافي آيات قرآنيه واحاديث نبويه عن العذاب في النار .. في ايات واحاديث عن الجنه .. وكانت بتسبق في مجمل اوضاعها في القرآن الكريم وفي السنه النبويه الشريفه .. بتسبق النار وعذابها
يبقى بالقياس احنا نصلح القلب على قد مانقدر .. مش نعنفه ونقوله انت رايح في داهيه خلاص
ومين قالك ان الدعوة لاتصلح في التدوين او انتي بتقولي انك مش عامله الموضوع ده للدعوة الاسلاميه
الدعوة مطلوبه بكل الوسائل والاساليب والطرق .. وفي ذلك فليتنافس المتنافسون
اضربلك مثل صغير .. لو فرضنا مثلا مثلا ان غادة عبد الرازق قرت الموضوع بتاعك ده .. هل تعتقدي انها هتفكر في انها تصلح من نفسها وانها تفهم دينها وتعترف بخطأها في اختيارها لمثل الدور اللي عملته .. ولا هتقول ايه ده .. ده انا كده كده رايحه في داهيه يبقى اقضيها
وخلي بالك .. ان كل واحد ضال وبعيد عن ربنا .. الناس المتفهمه للدين الصح والمهتمه بالدعوة الاسلاميه وكل المسلمين جميعا .. هيسألو عن كل واحد ابتعد عن دينه وضل
يعني انتي هيبقى عليكي جزء من وزرها
ولو كنت فظا غليظ القول لانفضو من حولك
الخطاب الديني عايز السماحه .. مش التعنيف دون الاصلاح
وفي حاجه برضه عايز اوضحهالك .. لما انتي قلتي ( شاب ملتزم أو فتاة محجبة ولكن ما تكتبه فى مدونتها هو عن الحب والشوق وألم الفراق ومواضيع لا تمس الا المشاعر الخاصة جدا التى لا تعنى الا صاحبها !!!) .. ظب وايه المشكله لو الناس ماتعرفش الشخصيه الحقيقيه للكاتب
ولا حتى تعرفو
وهل اللي كاتب ده بيقوله من باب الفضفضه والبوح ولا من باب اثارة الغرائز
وده هياخدنا لجزء تاني في الحوار .. هل الحب من وجهة نظرك حرام ولا حلال
مش هقول حب الام لبنتها ولا هقول حب الاب لولاده
انا قصدي حب الرجل للمرأه .. واللي لو كان حب صادق فعلا هيخليه يحترمها ويحميها ويتجوزها ويصونها
مجداويه
انا باعزك جدا جدا وربنا يعلم
ممكن اكون مش معاكي في اسلوب الخطاب اللي اتكلمتي بيه
لكن اختلافي معاكي مش هيقلل ابدا من تقديري واحترامي لشخصك ولفكرك
يا شيخه ده كفايه اننا ولاد كار واحد
وربنا يسعدك ويبسطك ويكرمك ويوفقك ويرضيكي دنيا وآخره يارب
سلاموووووووووز
اممممم
باينلي هقلق عليك اكتر
وانا اللي جيه مشمره وومستعده للخناقه
اممممممم
والله قلقت عليك
الموت علينا حق
ومش هقولك هننساك لأن مثلك لا ينسى ابدا
مع الاسف
هههههههههههههه
بس اقولك حاجه
اناهتخانق مع مين بعدك
بص الموت جي جي لا محاله المهم نحاول نستعد
اما الذكرى فدي الشيء الوحيد اللي لو اختفى من حياة اللي حبوك
تبقى خلاص موت حتى لو كنت لسه حي ترزق
ومعتقدش ان في حد هينساك
يمكن الناس تتلهي شويه
بس في لحظه صفا ولا بكلمه معديه ولا موقف عادي
هتلاقيك بتنط في ذاكرتهم
المهم خد بالك منك اووووي
------
الحق انا احطني في الهدوم وابدتي الرحله اليوميه
-------------
وخلي الخناق وقت تاني على رواقه كده
هههههه
سلام يا احلى سوووو
ايه ده مفيش رقابه ع التعليقات
اقول بقى اللي في نفسي
هههههههههه
سلام
هههههههههههههه
حلوة قوي الاغنيه بتاعه الرياله دي قصدي السيجارة
عجبتني موت
الا بقولك كمان يا راجل يا عجوز
يا راجل موت انت بس ملكش دعوه
اعملها وشوف احنا هنعمل ايه
وش مطلع لسانه موصله لحد الجيران ده الوش مش ا نا
يخرب عقلك يا راااااجل
ايه الابداع ده
يخرب بيت خيالك يا شيخ
هههههههههههههه
ده انت مولود
والاغنية رهيييييييييبة
رهيييييب والله رهيب
على فكرة يا سووو انت لو احترفت فنيات كتابة السيناريو ختبقى احسن من بلال فضل
بقولك ايه ممكن نجيب خالد صالح يعمل دور رأفت اسماعيل
فكر ولو موافق هبعتله الريجيسير بالسيناريو يتفق معاه
قشطة يا معلم
توفيق عبد الحميد : - وهو يبتسم بسخريه - وبيقولو علينا اننا في الطراوه قال
دراكولا : لما لقيتهم خافو وابتدو يعيطو رحت مهديهم وطمنتهم .. اصل انا باحب الاطفال قوي
لا قول لدراكولا مشكله يا سوووووووووو بجد
المهم انت قلبت مؤلف اغانى يا سوو اغنيه جامده بفكر الحمها لك ونعملها ودوتم انا وانت من منطلق انك عارف ان سوتى فزيع وبيجيب صمم فى الاذن ههههههههههههههههههه
سوووووووو نسيت اقولك لو جرى لك حاجه بعد الشر هبقى انا الوريث بتاعك اوانت فاهم
بس اممممممممم انا هزعل قوى وقلبى هيوجعنى ممكن انا الاول وبلاش انت ربنا يخليك لينا
سوووووووووووووووووووووووووو
ربنا يخليك لينا بجد....
ربنا يديك الصحة والعافية يارب...
انا كنت جاية اقولك تعال شوف الحلقة الجديدة لبرعى وتفيدة..وتقولى رايك اييييييييييية..وتدينى بعض النصائح الذهبية...
اجى اشوف الى انت كتباة دة...ربنا يخليك..اخر حاجة.....ربنا يسعدك ويبسطك ويكرمك دنيا واخرة يارب..
سلامووووووووووووووز
ههههههههههههههههههههههههههههههههههههههههههههههههههههههههههههههههههههههههههههههههههههههههه منك لله يا سوو ايه يا ابنى السبارس اللى عيشتنا فيها دى كلوباترا صراصير
ودراكولا مبياكولش العيال
وبتشرب من تمن سنين
وزى كل الافلام البوليس حيوصل فى الاخر
سلم على رفعت عزرائيل:)))
اه بالمناسبه بعد الشر عليك ايه النعى اللى انت حاطه فوق دا
وعموما موت انت واحنا حنعمل الواجب لا تقلق
هههه من انسانه رخمه يعنى لالا بجد صحيح رخمه
اه ابقى تعالى قولى رايك فى الخناقه بتاعه سى السيد وفكيهه
تحياتى ليك سومه_87
أغنية بجد تحفة أنا على فكرة متبعة البلوج أول بأول بس يعنى مش دايما بعلق.
بس البوست المرة دى أكثر من رائع.
صباح التهييس يا معلم الجزء ده ماله فيه موسيقي تصويريه كده ليه
عموما ادينا مستنيين
:D
ايه يابنى الجزء الى فوق ده
دخلت قريت البوست الى فيه الدعاء
بكتنى وانا كنت مش عايزة
بس ربنا يكرمنا جميعا بالى يفتكرنا بالخير ويدعيلنا بالرحمه
ههههههههه وراس ميدوسا دى انك فظيع ايه ده انت بتفكر فى كلام الناس الكتير دول ازاى ايشى مصطفى وسونيا وسامبا دول كتير ربنا يديم عليك نعمة الزاكرة اصل الزهيمر خلااص تمكن منى واللى كان كان
بالصلاتو على النبى انت متمكن ياسوووو وميه ميه ولا اغنية كلوبطرااا فعلا ده لو حد شافها من الاوبرا سدقنى هياخدوها منك ههههههه
دى اول زياره ليا بس ان شاء الله مش اخر
(رصيف نمره خمسه)
سلام ياسوووو
مجداوية
وعليكم السلام
واضح يا مجداويه ان فكرنا واحد لكن اسلوبنا مختلف تماما .. انتي شرق وانا غرب .. او انتي غرب وانا شرق
ومش هنبقى في اتجاه واحد اطلاقا
عارفه .. انا طول عمري باكره الصوت العالي والصريخ والعنف
ويمكن ده السبب في ان العلاقات مابيني وبين والدي متوتره
كان دايما يزعقلي ويشتمني ويضربني .. لدرجة اني متخيل ان تخنتي دي ممكن يكون سببها ضربو لي .. اصلو كان بيضربني وانا صغير بخراطيم الانابيب وحزام البنطلون ومره ضربني بكرباج سوداني .. مع ان اخواتي الاكبر منني ما كانش بيضربهم ولا بيزعقلهم
بينما امي الله يرحمها كان كفايه انها تشاورلي او تقوللي كلمه ولو حتى بيعينيها اقوم اعمل اللي هي عايزاه
وعشان كده بقولك الصوت العالي والصريخ والضرب بالقلم عمره ماهيعمل حاجه
امريكا واسرائيل لما لجأو للعنف .. الشرق الاوسط كللو لجأ للعنف
حتى مابين الناس وبعضها
فاتكرنا ان الصوت العالي صح .. مع انه اكبر غلط
وبمناسبة الضرب في المدارس .. التعليم مافقدش قيمته لما الضرب اتلغى .. التعليم فقد قيمته لما الطلبه لقو ان المدرسين رخصو نفسهم وبقو بيدوهم دروس خصوصيه وبيتحايلو عليهم عشان يدوهم دروس خصوصيه
التعليم فقد قيمته لما الطلبه بصو حواليهم لقو الخريجين قاعدين عالقهاوي ومش بيشتغلو
عمر ما كان الضرب هو الحل .. بدليل ان في مليون مدرس كانو بيضربو وبيزعقو وبيشتمو بيدرسوني انا وغيري .. ولما تيجي سيرتهم بنقعد نلعن سلسفيل اللي خلاهم بقو مدرسين .. بينما المدرسين اللي بجد استفدنا منهم ماكانوش بيضربو .. ولما بتيجي سيرتهم او بنشوفهم لغاية دلوقتي بنجري ناخدهم بالحضن ونبقى بجد عايزين نبوس ايديهم انهم فهمونا باسلوب كويس ومحترم
انا والدتي الله يرحمها كانت مدرسه وما كانتش بتدي دروس خصوصيه وماكانتش بتزعق للتلميذات بتوعها .. وكفايه انه لغاية دلوقتي تلامذتها بيتصلو بينا في البيت وبيترحمو عليها
ومش بالضرب ولا العنف
وبخصوص السعوديه
مين قالك اقل معدل جريمه ولا اقل معدل انحراف وانحلال؟؟؟
انا متربي في السعوديه على فكره .. رحت هناك وانا عندي اربعين يوم ورجعت وانا عندي 13 سنه .. ومش عايز اقولك اني كنت في مدرسة تحفيظ قرآن ومعظم المدرسين كانو شاذين جنسيا وبيعملو حاجات وحشه مع معظم الطلبه ولما اتحطيت في الموقف ده وقلت لاهلي قدمنا شكوى واتحفظت .. عشان جايه من مصري ضد سعودي .. وبعدها باسبوع تم تحويلي لمدرسة تانيه اوسخ مليون مره من المدرسه اللي كنت فيها .. والحمدلله ان ربنا خرجنا من السعوديه على خير
مين اللي قالك ان السعوديه مجتمع بيقيم الشعائر .. هم بيقيموها صحيح .. لكن على المقيمين مش على اهل البلد
لما تلاقي بعد كل صلاة جمعه بيقطعو ايد مصري ولا فلسطيني ولا اي حد من جنسيه تانيه غير سعوديه والسعوديين بيتم تحويلهم للجنة القيم وبيبقو بعد كده متديني مظهرا وبيتحولو انهم يبقو تبع الهيئه .. والهيئة دي اكبر جهاز فيه فساد
وصدقيني لما بقولك انهم اكبر جهاز فيه فساد
لسبب بسيط .. ان ابويا في فتره بعد ماعمل رسالة الدكتوراه في الشريعه بقى في الهيئه وكان بيحكيلنا بلاوي عن اللي بيحصل
وبعدين يعني ايه عندهم بلاوي بس متداريه وراء الجدران .. احنا هنعمل زي النعامه اللي بتدفن دماغها في الارض لما العدو بيهجم عليها وهي فاكره انهم مش هيشوفوها .. وعلى فكره النظرية دي غلط لان النعامه مش بتعمل كده من الخوف .. بس انا بقولك المثل اعتباطا يعني
يعني ايه بلاوي متداريه .. طب ماهي البلاوي هتجيب بلاوي
لما يوصل معدل الشذوذ في السعوديه في البنات لمعدل يقارب التسعين في الميه .. ولما يوصل عن الرجال لمعدل تسعين في الميه وان حد منهم سواءا ولاد او بنات تم اغتصابه وهو صغير لكن اهلو كتمو عالموضوع ودارو خيبتهم .. وبعد كده ولادهم طلعو مشوهين من جوا ورغباتهم منيله بستين نيله
ده صح من وجهة نظرك؟؟؟؟؟؟؟؟؟
وبخصوص الازدواجيه .. الدنيا طول عمرها فيها خير وشر .. كويس ووحش .. هي دي فلسفة الدنيا .. شيطان وانسان .. مش شيطان وملاك
طبيعي ان النسان يبقى فيه صفات وحشه وصفات كويسه
وطبيعي ان اي انسان لما يتحط في موقف صعب يقول يارب
انا ماكنتش باصلي .. استغفر الله العظيم ربنا يسامحني يارب .. لكن لما والدتي الله يرحمها تعبت ومرضت بقيت باصلي وادعي ربنا انه يشفيها .. ولما ماتت بقيت باصلي وادعيلها بالرحمه
فيها ايه ان الانسان يعرف فين الصح ويعملو .. وكل نفسها ولها وعليها هداها
وانها تشغل عقلها .. مش نضربها بالكرباج ونقولها اتهدي بالعافيه
وبعدين انتي جبتي مثال سيدنا نوح عليه السلام وهو عمل عكس اللي بتقولي عليه خاااالص
لما سيدنا نوح عليه السلام قد يدعي الناس لمدة تسعمية وخمسين سنه .. طب ماهو ربنا كان قادر يخلي الناس يتهدو للصح ويركبو معاه السفينه .. لكن ربنا عمل كده لحكمه .. اعتقد من وجهة نظري وده ممكن يكون اجتهاد يقبل الصواب والخطأ .. اعتقد انها عشان نتعلم الصبر في الدعوة لسبيل الله
خصوصا اننا مش بندعيهم لحاجه بسيطه .. دي حاجه كبيره قوي
اللي هي رضاء الله عننا
وبمناسبة الكار الواحد .. اي حاجه في الدنيا عباره عن وسيله .. واي وسيله ممكن تقويمها للصح او للغلط
لكن ان اي انسان يقدر يعرف ايه الصح وايه الغلط .. يبقى دي عايزه من الناس انها تتعب وتشرح وتقوّم .. لكن مش بالزعيق .. بلغة الحوار .. بالاقناع
وبعدين بخصوص كلمة سلاموووووز .. مين قالك اني باحرف او اني باقلل من كلمة السلام عليكم
سلامووووز دي انا بقولها بحاول ارسم ابتسامه على وش اللي بيقرالي وباعمل كده من باب اني اخليه يبتسم والتبسم في وجه اخيك صدقه .. ما بالك باللي بيحاول يرسم الابتسامه دي من الاساس
اقولك حاجه يا مجداويه
اقري مواضيعي القديمه
بس اقري مابين السطور
اعرفي انا بافكر في ايه وباحاول اوصل لايه
ماتحكميش علي من كلمة زي سلاموووووز
زُمُرده
لا تقلقي ياستي
دي خطروفه كاتبها كده وخلاص
وفعلا انا طول عمري بقول ان الانسان عباره عن ذكرى
يا يكون ذكرى حلوة والناس تترحم عليه
يايكون ذكرى وحشه والناس تقول الحمدلله انه راح
وربنا يجعلنا من اهل الذكرى الحلوة يارب
ولو عالخناق يلا .. استعنا عالشقا بالله
هستناكي لغاية ماترجعي من مشوار الشقاء اليومي
سلامووووووووووووز
ربنا يرزقك البركه فى العمر ويزقنا كذلك ويرزقنا الذكرى الحسنه والاثر الطيب فى الدنيا ورضا ربنا سبحانه وتعالى يوم لاينفع مال ولابنون الا من اتى الله بقلب سليم اللهم ارزقنا سلامه القلب والصفاء يارب
حقيقى دي اجمل حاجه
ربنا يباركلك ودائما مستمعين واحنا فى المدونه بتاعتك
لماضة
الحمدلله ان الغنوة عجبتك
اما بخصوص اني اموت واشوف هتعملي ايه
عارف هتعملي ايه كويس
هتاخدي جثتي وتبيعيها لطلبة طب او تقطعيني حتت وتبيعيني فرط
مانا عارفك .. استغلاليه وهتنتهزيها فرصه وتقولي دي جتتة اخويا وانا اللي هدفنها وبعدين في الخلعون
وانتي ازيك وعامله ايه؟؟؟
سلاموووووووووووز
الباحث عن الحقيقة
حليب هارتي والله
منورني يابو الابحاث والله
وياسيدي لو عالخيال .. مافيش اكتر منو
احنا عايشين بالخيال وبالاحلام .. هي دي اللي فاضله لينا
وبعدين ماينفعش خالد صالح يعمل دورين .. خصوصا انه كان عامل دور امين الشرطه خالد صالح
وهيظهر كمان سيكا تاني
ويارب تتابع باقي المذنكرات ويارب تعجبك
سلامووووووووووز
appy
طب تصدقي اني بقيت باحقد على دراكولا
الناس كلها عاجبها شخصية دراكولا زي مايكون فعلا شخصيه موجوده في الحياه
لدرجة اني عايز اموته بس ساعتها يبقى جزء مهم قوي في الاحداث مش هيحصل
عشان كده هخليه .. بس همنتج دوره
وياستي لو الاغنيه عاجباكي انا مستعد أألفلك البون بحالو .. بس شوفيلنا منتج ومخرج يصورلنا كام كليب .. على كام موزه يرقصو حوالي باعتباري المغني
وبخصوص الورث والتركة .. انا هوهب المدونه للمنظامت الخيريه وجمعية حقوق الحيوان .. وانتي باعتبارك مربية خرفان قديره اكيد هتكوني معايا في الفكره دي
وياستي بعد الشر عليكي وعلى كل المدونين اللي باعزهم وباحترمهم
ربنا يبسطك ويسعدك ويكرمك ويرضيكي دنيا وآخره
قولي آمين
سلامووووووووووز
كيكى
ربنا يكرمك يا كيكي يارب
وحاضر ياستي هاجي اشوف برعي وتفيده .. دول حبايبي حبايبي حبايبي حبايبي .. ولو كانو ظهرو بدري كنت دخلتهم في المذكرات اللي باكتبها لكن النصيب بقى
وربنا يجازيكي كل خير على كلامك الحلو اللي قلتيه وعلى الكام دعوة الحلوين دول وربنا يجعلهم ليكي بالمثل يارب
ربنا يبسطك ويسعدك ويكرمك ويوفقك ويرضيكي دنيا وآخره يارب
سلامووووووووووز
سومه...مجنونه فى بلد عاقل
خبر ايه ياسومه
هي الكولوباطرا دي مش منتج وطني ولازم نشجعه
ودراكولا ده شخصيه وطنيه لازم ماتاكلش عيال
والبوليس الوطني لازم يجي في اخر الفيلم بعد ما البطل يكون قتل البطله
دي مذكرات وطنيه بس انتي اللي مش واخده بالك يابنتي
وبعدين ده ولا نعي ولا حاجه
دي وصيتي
وكل واحد مننا لازم يكتب وصيته
وعارف انك هتعملي الواجب لما اموت
ده انتي بتعزيني معزة سونا اجدع ناس يعني
وحاضر يافندم هاجي اشوف سي السيد وفكيهه هانم
وربنا يبسطك ويسعدك ويكرمك دنيا وآخره
سلامووووووووووز
Crystal Lobna
اهلا بيكي ياستي ويارب تكون المذكرات والمدونه عاجبينك
وياريت تعتبري المدونه بتاعتي زي مدونتك وتشرفيني دايما بتعليقاتك وبزياراتك
وربنا يسعدك ويبسطك ويكرمك ويوفقك ويرضيكي دنيا وآخره يارب
سلامووووووووووز
Zika
ياصباح النجف يابرنس
والتهييس مطلوب صدقني
هو الانسان ايه غير شوية تهييس فوق بعض
وربنا يبسطك ويسعدك ويكرمك ويرضيك دنيا وآخره
سلاموووووووووووز
shayma
والله ماقصدي ابكيكي ولا ازعلك ولا حاجه ياشيمو
الحكايه ومافيها اني قلت اكتب وصيتي بما اني عايش وقادر اكتبها
وياستي لو حطينا الموت قصاد عينينا وتخيلنا اننا هنموت في اي لحظه .. يبقى ان شاء الله هتكون علاقتنا باللي حوالينا كويسه وان شاء الله نلاقي اللي يترحم علينا
وربنا يسعدك ويبسطك ويكرمك ويوفقك ويرضيكي دنيا وآخره يارب
سلامووووووووووز
ايمى
اهلا بيكي ياستي وياريت تعتبري مدونتي زي مدونتك تمام وتشرفيني بزيارتك وبتعليقك على طول
وبالنوسبه للزهايمر .. فانا اصلا عندي زهايمر من زمان .. بس عايش بالمكيفات من شاي وقهوة وفيسكافيه عشان اقدر اواصل
وربنا يسعدك ويكرمك ويبسطك ويرضيكي دنيا وآخره على البؤين الحلويين اللي قلتيهم في حقي
سلاموووووووووووز
GiGi
الله عليكي
يعني قايم من النوم وبقول يا هادي والاقي تعليقك ده
ربنا يارب يارب يارب يجعله بالمثل ليكي يارب
ربنا يسعدك ويبسطك ويكرمك ويوفقك ويرضيكي دنيا وآخره يارب
سلامووووووووووز
سو
هوانت قافل التعليقات علي وصيتك
طيب
بس بعيدا عن حالة الكآبة اللي كل واحد بيمر فيها ويحس ان ساعته قربت
وصيتك جميلة جدا زيك ياريت كلنا نكتب وصاينا واحنا في عز ما احنا عايشين
فكرتني بصديق صدوق كل ما اكلمة يقولي انا حاسس اني هاموت الأسبوع ده ومبيجرالوش حاجة ومش فاهمة ليه مقتنع انه هايموت صغير
خالص تحياتي متعك الله بالصحة وطول العمر
اه مقولكش ع الشقا اللي انا فيه
بس هتخانق برضه
ميغركش اني ببقى راجعه مدغدغه
بس هرد واتخانق
اصله وياك بيبقى لذيذ
وومن
والله يا ميرا انا الحمدلله كويس مش مكتئب ولا حاجه يعني
او لو في اكتئاب فهو مش لدرجة كبيره يعني
اكتئاب عادي من اللي اتعودنا عليه
الحكايه ومافيها اني طقت في دماغي الشخبطه دي .. قمت كاتبها
وربنا يسعدك ويبسطك ويكرمك ويوفقك ويرضيكي دنيا وآخره
سلاموووووووووز
مجداوية
وعليكم السلام ورحمة الله وبركاته
طب بما اننا مش متفقين لا فكرا ولا اسلوبا ولا اي حاجه خالص زي ماحضرتك بتقولي
يبقى الله يكرمك لو عايزه تعلقي عندي في صميم الموضوع اللي انا باتكلم فيه اهلا وسهلا .. وانا عارف ان حضرتك ممكن ماتكونيش قريتي ولا كلمه من البوست اللي انا كاتبه
اما بقى اي مواضيع تانيه او حاجات تانيه حضرتك عايزه تقوليها .. عند حضرتك المدونه بتاعتك وانا باتابعها وبعلق فيها .. وبالمره نخلي الاستفاده اكبر والناس كلها تتناقش
والف شكر على تشريفك وكلامك وحوارك معايا
وربنا يوفقك ويوفق الجميع
سلامووووووووووز
زُمُرده
شقا ؟؟
وراجعه مدغدغه ؟؟؟
انتي شغاله في المصارعه الحره ولا ايه
عموما جهزي نفسك للخناق يوم الجمعه ان شاء الله عشان ان شاء الله جاي اسكندريه .. وعايزين نشوف الكرم السكندري والعزومات على بلبع وايس كريم عزه
وربنا ياستي يكون في عونك ويوفقك ويسعدك ويبسطك ويرضيكي دنيا وآخره
سلامووووووووووز
السلام عليكم
اظاهر الاختلاف أفسد لديك للود قضية
فلم أتوقع هذا الرد منك أبدا!!
ولكن حاضر أنا حانفذ كل كلمة قولتها وفعلا عندك حق عندى مدونتى ولن أفسد عليك ولا على زوارك مرة أخرى متابعة ما تكتب بهذه النوعية من المناقشات التى لا مكان لها هنا,
لكن بالمناسبة أنا رغم اختلاف الرأى كنت أرد عليك هنا احتراما منى لك رغم انى رديت عليك بنفس التعليق فى مدونتى لكنك لم تعلق هناك لذا أكملت هنا ولكن أعتذر فقد كان سوء تقدير منى وتأكد انها لن تتكرر .
وسلام الله عليك ورحمته وبركاته
إرسال تعليق