الخميس، 8 جمادى الآخرة، 1429 هـ

عبده .. زيطه

.. النهارده انا هحكي حكايه
اتعملت قصة .. وكام روايه
-
.. وكمان افلام فـ السيما
ومسلسل قيمته عظيمه
-
عن واد .. لعيب .. حريف
كان اسمه .. عبده ضعيف
-
.. عبده دا .. كان غاوي زيطه
تشوفو تقول .. دي مامته عبيطه
-
.. حكايته باديه .. من زمان
.. كان .. وكان ياما كان
-
في المدرسه ياخد شلاليت
تقولش هلفوت مـ الهلافيت
-
.. من صحابه دايما مكروف
وكل الناس بتقول ده خروف
-
يعني اتربى .. وعنده عقده
وحلف .. ليبقى عمده
-
.. من ساعتها طلعله لسان
واداها زيطه فـ كل مكان
-
شرّد .. سيّح .. قالو ومالو
واد صغير .. سيبو فـ حالو
-
.. لما كبر .. اداها حركات
ورشح نفسه فـ الانتخابات
-
.. وقف وسط الناس بيقول
صدقوه .. خلوه مسئول
-
نضف شارع .. نضف حاره
وبنالو فيلا .. على كام عماره
-
.. يسرق ينهب ياخد اتاوه
ياكل وينصب .. كللو بغباوه
-
ريحته فاحت .. كما الكلاب
فـ المجلس .. عملو استجواب
-
عيط .. زيط .. خلاها عتمه
.. وادي الكبير .. اكبر عكمه
-
.. لعبها صح ودخل الحزب
والحزب بيحمي .. كلب الكلب
-
.. من ساعتها بقى رجل الساعه
قلة أصل .. وكللو وضاعه
-
.. واستضافوه في التلفزيون
.. وهو بيشرب شوب لمون
-
.. اتكلم بسلامته وقال
انه كافح .. كما الرجال
-
.. وكمان حارب ياما كتير
!! دا كان شهيد حرب التحرير
-
عبده زيطه .. مابقاش ضعيف
عبده زيطه .. بقى دمو خفيف
-
مين عالم كمان كام يوم
.. نلاقي جاي .. فـ عز النوم
-
.. والمعنى في بطن الشاعر
.. والكل هيفضل فاكر
-
اصلك وفصلك ايه ياعبده
.. وكل واحد يقول من عنده
-
انا راح اقول .. دا بتاع بليله
وتبعك يقول : من عيله اصيله
-
.. بس وخلصت مني الحدوته
توته ملتوته .. لأ مظبوطه
-
ومش هقول تاني الحكايه
لا تيجي الضربه على قفايا
-
.. عجبتكم .. ماعجبتكمش
!! مش مهم .. انا اصلي طربش
-
سوووو

هناك 124 تعليقًا:

رئيس جمهوريه نفسى يقول...

عبده زيطه
وتقولى عايز امبولات شعر من عندنا يا راجل حرام عليك لو عندك انت امبولين هاتهم لخوك سلف
حكايه عبده زيطه بتكرر من زمان وحتتكرر كتير يا سوووو
بس حلوه بجد يا غالى

بنوته مصرية يقول...

اخيرا تاني تعليق


ده حال المنتديات للاسف ومش لوحدك يا سوو اللي حصلك كدا

بس كويس انك اخذت حقك برافو عليك

احلي حاجة انك هطول في المذكرات وياريت بقي حوارات كتيرة بين سونيا والبوص لانها ثكر اووي هههههههههه

تحياتي يا عريس بنوتي

nigro يقول...

موهبتك في كتاية الشعر مش غريبة عليا
أصل أول حاجة قريتها أول ما جيت هنا كانت

ساعات باحس اني باطير
او فنان كبير
.. ولكن في الأخير
التقيني رغاي .. كتير


انك تكتب شعر رومانسي ده مفيش أسهل منه
أما إنك تكتب واقعي ده اللي صعب جداً و عن تجربة يعني

بجد جميلة قوي يا أحمد

بالنسبة للمذكرات
أحب أقولك إني بجد بجد بجد بقيت مدمن
و مذاكرها كويس مشهد مشهد من أول حلقة
و بقيت بأستناها من الأسبوع للأسبوع
ما تتأخّرش علينا يا سوووو

يلا سلام

زهرة الياسمين يقول...

و لا يهمك يا سو الحق عمره ما بيضيع
بس سيبك انت
ايه الكلام التحغه ده

وومن يقول...

اول زيارة
متأخرة صحيح بس مش هاتبقي الأخير
ممكن أوقول واااااااااو
أيه الجمال دة بجد بحد مش عارف بقي
خلي الباقي المرة الجاية

Z_Diva يقول...

طب والله براوة عليك انك شردت للواد حرتمي الحلة ده, نفسي اتعلمها الحركة دي, لاحسن انا هبولا جدا, ومن بتوع "قلت يا واد طنث خاااااالث", و مقولكش يعني, خيبة خيبة خيبة :))))))))))))))

بس نايس رايمينج -اصلي مش بفهم في الشعر غير السجع و القافية :))))-

يلا منتظرين المذنكرات بقى -هو انا لسة هستانا ليوم الاربع يا رأفت ؟؟!!! ماشي يا عم :)-

Salwa يقول...

فنان يا سووووووووو

جميل الشعر ومعناه

وجميل إنك أخدت حقك من اللي سرقه

تحيااااااااتي

همس الاحباب يقول...

باشا يا باشا
انا جاى اقولك ازيك وحشتنى
اما عم عبده ده ربنا كريم
احسن البلد اتملت عبده زيطه يا خويا
سيبك انت جامد فى كل حاجة واللى بيعجبنى انك صعيدى قوى
بس بجد الكلمات والاسلوب غاية فى الجمال والتعبير عن حال المجتمع الحالى
بجد بتفكرنى بالعمالقة امثال بيرم التونسى وصلاح جاهين
ودى مش مجاملة ولا مبالغة يا سوووو
دى حقيقة بس ربنا يكرمك وتاخد فرصتك الحقيقية وخليك فاكرنا وفاكر انى ابقى حماك
تحياتى وتقديرى

مدحت محمد يقول...

حقه انه ينشرها لانها بجد جميلة

لكن المفروض ينسبها لصاحبها مش لنفسه

هو ممكن من اعجابه بيها زينا كدة

حب ينسب شرف كتابتها لنفسه

بس كويس انه اعترف بغلطته

(احمد سكر ) يقول...

ممتاز ياابو حميد

وكويس انك عرفت ترجع حقك

احييك اكتر واكتر

ابو حميد

وحشتنا يامعلم

عاوزين نشوفك ع البورصه

سنكرررز

Desert cat يقول...

هههههههههههه نفس الموضوع ده حصل معايا
كنت كاتبه فى منتدى خواطر بعنوان وتر وقدر
شوية ولاقيتها منتشرة فى كذا منتدى مش واحد بس كانت ادخل اقولهم الموضوع ده بتاعى فكان فى ناس ذوق تكتب تحته منقول
الا منتدى خليجى
دخلت كل الكومنتات يسلمووووووو
مشكور يا الغالى
دخلت بعت للشخص رساله اقوله الموضوع ده بتاعى معبرنيش
يومين ورحت كاتبه له تعليق فى الموضوع ابدا كدبنى وفضل يقولى انتى موبتفهمى هاد الموضوع تبعى
قولت له طيب انا مش هرد عليك وهسيب زوار المنتدى هما اللى يحكموا من طريقة الكلام بس
انت ردك عليا عامل ازاى وانا كلامى فى الرد عليك وفى الخواطر ازاى
وقتها دخل الادمن واعتذر لى وحذف الموضوع كله
معلشى بقى يا سووو
شكلنا كلنا فى الهوا سوا

koko يقول...

ولا يهمك يا سوووو انا شفت طريقة كدة بتعمل بيها حماية لشغلك على النت و تقدر تعرف مين الى سرقة هدور عليها و اقولك ..

بس فيه عندى سبيشال ريكوست و حياتك يا سوووو تشوفلى فيلم كبارية .. الاعلان بتاعه جامد اوى بس مافتكرش اقدر ادخله علشان اكيد هيكون مليان شباب علشان الموزز الى بترقص .. بس فعلا نفسى اقرا النقد و التحليل منك اكيد هيكون جامد ..

واحدة مفروسة يقول...

مبروك يا سوو عودة الابن المخطوف
هههههههههههه
الشغل الحلال ما بيرحش ابداً

بس الاخ عبده زيطه ده موجود فى كل مكان حتلاقيه بيزيط و عامل مرستان على الفاضيه و الملاينه بيتكلم و اللى يشوفه يقول عليه متعلم

رحــــيـل يقول...

سوووو

معلش بقى على الحاجات اللى بتتسرق انا مش عارفه الناس دى ايه بجد؟

على العموم هى كلمات فى الصميم يعنى وحكايه هتفضل تتكرر كل يوم لحد امتى الله اعلم

تحياتى وتقديرى

wa7ed 2ensan wnsan يقول...

ايه دا كله ما شاء الله والله يا عم سوووووو بتفكرني بتفكرني باشعار الفاجومي والله يا سوووووو

وكويس انك رجعت حقك

بس على فكره عبده زيطه دا اسمع انه كان بيلعب درامز يعني في الملاهي الليليه

وبالنسبه للمعنى اللي في بطن الشاعر فبصراحه بقى الشاعر دا شكله هيطرشأ من المعاني اللي في بطنه

ربنا يوفقك يا باشا

ومش عارف هنشوفلك روايه ولا فيلم ولا مجموعه قصصيه ولا ديوان شعر ولا مقالات نقديه ولا ايه بس ربنا يوفقك وتنزل كل دول يا رب

تائهة فى أرض الأحلام يقول...

أولا أهنئك على هذا الاسلوب الممتاز فى كتابة الشعر أسلوبك فعلا متميز استمتعت به جدا

ثانيا حرام عليك لما يكون عندك موهبة وتسيبها عرضه للسرقة والنهب من اخوانا اللى عندهم شعور بالنقص

لأنها مش اول مرة تحصل على النت وفى يوم ممكن تلاقى كتاب نازل حتى برة مصر فيه كتاباتك بس باسم حد تانى

كان لى زميل فى الجامعة كان بيكتب مسرحيات وزجل وشعر
وكان قبل مايخلى اى حد يشوفها كان بيسجلها فى حاجة تبع الملكية الفكرية حتى كنت بضحك عليه ساعتها لأنه تقريبا قالى انه كان بيسجلها فى الشهر العقارى كانت كل قصيدة ب 3.5 جنيه ونصف

ابقى اسأل وحافظ على موهبتك لأانها فعلا متميزة

تحياتى لك واعتبرنى صديقة دائمة للمدونة

mohra يقول...

يعنى هيخسر ايه لو كتب اسمك جنب الشعر؟؟
مؤخرا وجدت كتاب مسروق من كتاب اخر...يضايقنى هذا بشده رغم انى لا امت بصله لاى من الطرفين...لكن سابلغ عنه ان شاء الله

اهو ده عيبه يقول...

هايل رائع بجد محصلش
هههههههه
لا بجد يا سووو حلوة قوى وفى الجون
بس انا بستغرب على حرامية المنتديات البجحين دول لا وكمان فرحان بالتعليقات والاطراء
ربنا يشفى

المهم تنزل الموضوعات اللى اتلطشت بس الصراحه تستاهل اللطش

ياخويا ابقى اركب العجلة وتعال لفلك لفه عندى ولا اجيبلك توكتوك

فوتك بعافيه

سومه...مجنونه فى بلد عاقل يقول...

ههههههههههه انت كدا بتلقح كلام على عبده الرايق وعيب يا سووو شوفت انا بهدى النفوس ازاى...ايموشن وش برىء
اما حكايه السرقه دى فدى بقيت طبيعى فى عالم النت....وانا شخصيا من اول ما قررت ادخله احتسبت ربى فيما اكتب
واما كنت ماسكه اشراف فى مدونه جماعيه عامه...كنت بدقق على البلوجر كتابه منقول تحت الموضوع المنقول
تحياتى ليك ولعبدو منتظره فيلم السما اللى حتعمله ولو ينوبك ثواب خودنى معاك اشتغل فيه .... انا بمثل ميه ميه بس انتوا معندكوش فكره
اه نصيحه نونو متديش حاجه لمحمود رئيس جمهوريه....دا لو معاك
خليك انسان مدبر وموفر
تحياتى ليك سومه_87

ayman badr يقول...

حكاية عبده زيطة فعلا شاغلة الناس دلوقتى اصل الزيطة غلت ووصلت لسبعة الاف جنيه
ربنا يستر علينا
اسف على انقطاعى عن التعليق لظروف شغلى وامتحاناتى
شكرا

سمية يقول...

يللا ياسيدى بقى زيطة بزيطة
خد من عندى كام كلمة عبيطة

-----

كترو اوى امثال عبده باشا
وتيجى تواجهو يقول حاشاو ماشا


----

هوا حافظلو كام كلمة يادوب
لجل يكون واجهة الجروب

----

جروب ايه ياعم.. قصدك حزب
حزب لكل من هب ودب
وكل من يعمل نفسه فكيك
وهوايكون فى الاصل مدب


----

زيطة بزيطة خلونا نتكلم
قبل مانروح هناك نتكمم


----

عبده عبيط ... عبده ضعيف
عز الطلب ماهو دمه خفيف
اصبح لقطة لحزب عفيف

----


سلاموووووووووووووز

رندا يقول...

سوووووو

شكلك كدة حاجات كتيرة بتضيع منك
اصل لما دخلت عندى كنت بدور على حاجة صح هههههههه

عارف انا برضة فى حاجة كنت كتباها وبرضة اتقال ليا ان منتدى سرقها
بس بجد مش عملت زيك المفروض صح كنت اعمل كدة
والمشرف فعلا طلع زوق

انا قلت اجى امسى عليك ودحرج التماسى

دمت بكل سعادة وهنا يارب

رندا

زُمُرده يقول...

ازيك يا واحشني

الحمدلله حقك رجع مبرووووووووك
بس ياترى الايام وراحه البال والامان اللي اتسرقوا منك علشان ترجع حقك
مين يرجعهم ؟؟؟

اما اللي انت كاتبه بجد تحفه اوي
عملت حكاية واقع بنعيشه وبيتكرر باسلوب بسيط وممتع جدا

يعني ايه
من صحابه دايما مكروف
؟؟
صعبه عليا دي

سلام يا صاحبي

Soooo يقول...

رئيس جمهوريه نفسى

ابو حففي حبيب قلبي
لا ياعم .. ودي تيجي ايه جنب الروائع اللي بتقولها انت واختك

وعبده زيطه للاسف احنا اللي سبناه يقول .. احنا شعب طيب قوي
بنصدق ان الحدايه ممكن تحدف كتاكيت

وربنا يحليلك ايامك ويخليك ويسعدك ويبسطك دنيا وآخره


سلامووووووووووز

Soooo يقول...

بنوته مصرية

حماتي ملاك
المشكله مش مشكلة منتديات
المشكله فقر ابداع .. واحد مالوش في اي حاجه .. عايز يبان انه ياما هناك وياما هناك
طب مانت لو قلت انها منقوله الناس هتهنيك على اختيارك ياعم الحاج
انما هنقول ايه

وياستي لا تقلقي في موضوع المذكرات .. الحلقه الجايه ان شاء الله هتكون اتنين في واحد عشان خاطرك وخاطر كل اللي بيتابعوها

وسلامي لخطيبتي


سلاموووووووووز

Soooo يقول...

nigro

بتحرجني والله العظيم بكلامك الحلو ده
ومش باعرف ارد عليك اقولك ايه

كل اللي هقدر اقولو
ربنا يسعدك ويكرمك ويوفقك ويبسطك ويرضيك دنيا وآخره يارب



سلاموووووووووز

Soooo يقول...

زهرة الياسمين

فعلا .. الحق عمره مابيضيع طول مابنطالب بيه

بس في مواضيع تانيه هابقى انزلها بعدين .. غلبت في مطالبتي لحقوقي فيها وابداااااان .. اللي ضاع ضاع بقى

وياستي ولا تحفه ولا حاجه

وربنا يسعدك ويكرمك ويبسطك دنيا وآخره يارب



سلاموووووووووز

Soooo يقول...

وومن

ميراااااااااااا

ياستي ولا متأخره ولا حاجه .. وعلى رأي المثل الصيني اللي بيقول : شينج هان موانج تاي فانج هيان .. يعني أن أأتي متأخرا خير من اني ماجيش من اساسو

وربنا يكرمك ويسعدك ويبسطك ويوفقك دنيا وآخره يارب



سلامووووووووووز

Soooo يقول...

Z_Diva

يام زعبولا ياختي .. انا اتقرصت في حاجات ياما وكنت باطنث خاااالث .. لكن لما اللي استفزني بجد انه قعد يعيش في الدور وانه هو اللي الفها وقعد يقول انتظروني في مفاجأه قريبا وبتاع

حسسني انه هيسرق حاجه جديده لي قلت لا بقى

وبالنوسبه للرايمينج .. إني ثرفيث

وان شاء الله هعوضهالك وانزل حلقتين من المذكرات ياستي
هو انا عندي كام ام زعبولا يعني

وربنا يسعدك ويكرمك ويبسطك دنيا وآخره يارب



سلامووووووووووز

Soooo يقول...

Salwa

الله يخليكي يارب
ويارب تكون عجبتك بجد
وصحيح خجت حقي في دي .. لكن في مواضيع تانيه ماعرفتش اخد حقي فيها .. وهابقى انزلها في مرات كادمه

واتمنى انك تكوني قريتي الموضوع اللي فات عشان فيه اجابات على شوية حاجات انتي كنتي عايزه تعرفيها

وربنا يسعدك ويبسطك ويكرمك دنيا وآخره


سلاموووووووووز

Soooo يقول...

همس الاحباب

حبيبي والله

بس انا ايه ياعم اللي يوصلني لبيرم وجاهين والناس دي
ياعم الناس دي خلاص ماينفعش حد يوصل لضفرهم حتى

وربنا يسعدك ويكرمك ويبسطك ويرضيك دنيا وآخره يارب

ملحوظه
هو انا مش صغير شويه على همس؟؟؟



سلاموووووووووز

Soooo يقول...

مدحت محمد

باشا والله

وياسيدي انا ماعنديش مانع انه ينشرها والله
ومش عايزه ينسبها لي وكان كفايه انه يقول منقول

وماتاخدوش الجلاله قوي ويحسسني انه ابن بارم ديلو ومبدع والحوارات دي

وعلى فكره .. هو ماعترفش بغلطه .. وقال ان ادارة المنتدى حذفت الموضوع ووجهتلو انذار عشان الموضوع اللي قالو سياسي
يعني عاش في الدور بزياده وعمل نفسه جيفارا

عموما انا مش مهم معايا غير ان كلامي يعجب الناس حتى لو ما اتعرفش مين اللي كاتبه

وربنا يسعدك ويكرمك ويبسطك دنيا وآخره يارب



سلاموووووووووز

Soooo يقول...

(احمد سكر )

سكر باشا

الله يخليك ياسيدي وربنا يكرمك يارب

والله العظيم انت واحشني اكتر بكتير

وشوف كده اي يوم وننزل نتقابل في البورصه ونقعد زي مانت تحب

وربنا يسعدك ويكرمك ويبسطك دنيا وآخره يارب



سلاموووووووووز

Soooo يقول...

Desert cat

ياقهلا ياقهلا

ياقطه في موضوع هبقى انزله ان شاء الله .. وهابقى اكتب تحته ظروفه وملابساته
وهتندهشي لما تلاقي ان الموضوع ده تم تحويله لاكتر من خمس لهجات .. سعودي ويمني وسوداني ومغربي وحاجات تانيه
وكلهم طبعا سارقينه ومافيش حد قال انه منقول بتصرف حتى

دي حاجه تجيب الضغط ياشيخه
وفعلا والله ياقطه .. كلنا في الهوا سوا

وانتي ازيك وعامله ايه وفينك وكده
نرجو ان تكوني في اتم صحه وعال العال يابنت الخال

وربنا يكرمك ويسعدك ويوفقك ويرضيكي دنيا وآخره يارب




سلامووووووووووووز

Soooo يقول...

koko

يابنتي والله لو ايه
طب ماهو عندك اشرف توفيق اخف دم عامل بروتكشن على مواضيعه .. ومواضيعه بتتسرق برضه وكل ما اشوفو مسروق اقولو ياعم اعمل اي منظر .. وهو ولا الهوا

وبخصوص السبيشيال ريكويست
نحيطكم علما بان محسوبك مافيش في جيبه غير اتنين جنيه وربع .. يعني مايكفوش اجيبلي علبة فيشار حتى في السينما
لكن لو ربنا كرم ورحت والفيلم عجبني .. هتكلم عنه .. ولو ماعجبنيش .. مش هاجيب سيرته خاااااالص
لاني مش ناقد ولا محلل .. الحكايه ومافيها اني لما باشوف حاجه وبتعجبني باتكلم عنها .. بس

وربنا يسعدك ويكرمك ويبسطك ويرضيكي دنيا وآخره يارب



سلاموووووووووووز

Soooo يقول...

واحدة مفروسة

والله يامفروسه ياختي .. الواد ده رجع فعلا .. لكن ليه اخوات فقدو ولم يتم العثور على الجاني الرئيسي وتفرق دمهم على القبائل

ومشكلة عبده زيطه .. اننا احنا اللي بنسقفلو لما يزيط .. وبنقف جنبه لما يعيط

شعب غريب قوي احنا




سلامووووووووووز

Soooo يقول...

رحــــيـل

اللي بيسرق ده بيبقى حاقد
يعني هو اصلا ماعندوش ملكة ابداع .. وشاف الكلام المكتوب حائز على اعجاب ناس كتير .. قال لروحه طب اشمعنا ده وانا لأ

والحمدلله ان الكلام عجبك
وحكاية عبده زيطه دي مرتبطه بينا احنا نفسنا كشعب بنموت في الزيطه ونحب الرقص والزمبليطه
لو ابتدينا نقرى اللي مابين الحاجات وبقى عندنا قوة حدث .. يبقى ساعتها هنعرف مين اللي بيتكلم بجد ومين اللي بيزيط

وربنا يسعدك ويكرمك ويبسطك دنيا وآخره



سلاموووووووووز

maha miho يقول...

حلقة طويلة هييييييييييييه حلقة طويلة هيييييييييه وياللا معايا ع السقفة هيه
تشك تشك تشك تشك

dodda يقول...

الكلام كبير لا سووو

وغلطتك انك مش بتريط البوستات بالقفل فى البوابه
فأى واحد مش ولا بد ياخدها ويجرى بيها

(green eyes) يقول...

جامد اوي عبده زيطه دا :)
اما بالنسبة لسرقة كلامك الموضوع دا انتشر اوي اليومين دول
الناس مبقاش عندها ضمير

عاشقة الوطن يقول...

السلام عليكم

ازيك ياسووو
ايه الاخبرا
عبده زيطة تصدق ان فيه ناس فى الشعب المصري عندها عقد وكلاكيع
الناس ديه اللى محتكرة لابلد
وواخدة كل اللى فيه مقابل ملاليم للفقرا والناس الغلابة
معنى ذلك ان الشعب لامصري الغلبان كله وقع تحت ايد عبده زيطة

ربنا يستر

وربنا معاك وخلى بالك احسن حد يسرق منك حاجة لان بجد الواحد بيزعل جدا لو حاجة تخصه غيره بياخدها وينسبها لنفسه
ربنايوفقك

تحياتى

free heart يقول...

طبعا عجبتني .. فعلا حلوة


قرأته يا سووو

أول ما نزل كمان

وعرفت فيه حاجات كتير فعلا

ربنا يوفقك يا سوووووو

نور يقول...

ازيك يا سووو عامل ايه
حلوه اوى وتقريبا الناس اللى فوق كلهم كانوا كده فى الأول
اما بالنسبه للسرقه فمعظم الناس بقى معندهاش ضمير بس كويس ان ما سكتش و عرفته قيمته

على فكره انا قعدت على المذكرات لحد ما خلصتها بجد جميله جدا و بتناقش مواضيع ومشكلات كتير بطريقه شيقه و انت موهوب بجد
انا مستنيه الحلقه الجايه على نار
تحياتى ليك ولموهبتك الجامده جدا
سلام مؤقت

أبو خالد يقول...

أبنى و حبيبى /أحمد سوووو
و حشتنى جدا و كنت على البورصة الخميس
و لم يسعدنى الحظ بلقائك،
أما عن البوست فأنا أعلم أنك فنان كبير و أسلوبك روعة
و سعيد أنك صححت الوضع و أسترددت حقك
و أسف أنى اتأخرت على زيارة مدونتك
فأنا أحبك فى الله
دمت إنسان جميل

يوميات فنانه مفروسه جداا يقول...

ايه ده بقي ده بقي ده بقي ده

انا فاكره اني جيت عند عبده زيطه وسايبه كومنت دور معايا كده يا سووو لحسن يكون مستخبي هنا ولا هنا استغفر الله العظيم يا رب قلبة الدماغ اللي انا فيه ديه
اوعي تكون حزفته يا سوووو
بس المشكله ديه حصلت عند واحده مفروسه معايا يلا نو بروبروم

وبعدين مبتاعبعش الا القعده عند بالمشاريب وانا علي قد حالي واخاف حد يقولي بترشقي ولا حاجه ههههههه
المهم بقي عبده زيطه ده فكرني بفيلم اوعي وشك بس جامد والله يا سوو

يلا مستنين المذكرات متتاخرش علينا
سلام

كاميليا يقول...

بتكتب زجل حلو اوى

ياريت تكتب كده كتير

عبده اللى عامل زيطة ده
انتشر فى زمانا ده
فيه منه اللى ظاهر
ومنه اللى مش بيظهر
الا لما يبتدوا ياخدوا بالهم منه
ويحسوا انه بقى خطر عليهم
فيظهر فى صفحات الاتهامات

جميلة اوى يا سوووو

دمت مبدع

تحياتى

wanna b a physician يقول...

ياعم تطول اية بس حرام عليك
هههههههههههههههههههههههههه
ماشى يا باشا هنستنى الحلقة
بس خلى بالك من عبده ليجيلك ولا يطلع يشجبك فى التليفزيون

عروسة ننوسة يقول...

معقول بتتسرق.....طيب خلى بالك بقى من الحراميه ....بس الشعر رائع

Rehab Mostafa يقول...

يا سلام عليك يا سوووو... فنان

وبعدين دي حاجه كويسه ان يتسرق حاجه انت كاتبها
ده دليل على انك جامد
بس صاحبك ده طلع محترم والله انه عمل كده

تحياتي ليك يا سوووو :)

ADAM يقول...

يا حاج سووووو

البوست الحلال ميضيعش أبدا

وربما يكون زي القرش البراني

يلف يلف ويرجع لصاحبه

تحياتي لجهدك الرائع



آدم

•√أريـ السمر ـج√• يقول...

اولا جميلة جدا و ليه حق يسرقها

لانه واضح انه من حزب عبده زيطة و استوعب ابداعك و نفذه


بصراحة موضوع المنتديات ده حدث و لا حرج و امر مستفز اما تلاقى كمان اللى سرق ممكن يحكى باى جو كتب و كانت المناسبة ايه و قد ايه وصف مشاعره


بتحس انك ممكن تشك فى نفسك


دمت بكل الخير
و سعيدة بالمرور

بنوتة من وسط البلد يقول...

(( نلاقي جاي .. فـ عز النوم
والمعنى في بطن الشاعر
والكل هيفضل فاكر )))


انت بتقوووووول عز !!!!!!


((ومش هقول تاني الحكايه
لا تيجي الضربه على قفايا))


لا احب اطمنك .. بالشفا ان شاء الله :)

shayma يقول...

اااااااااااخ

قويه ومفيهاش حنيه
:)))

للاسف هو ده الواقع الى احنا عايشينه
بس حلوة بجد

متنساش المذكرات بقى لحسن انا ادمنت
ههههههههههههه
وبعدين انت واقف فى حته هتجننينى وعايزة اعرف الباقى

مستنيه بفارغ الصبر

سلاخوووووووووووووخ
:)))))

الجدة فصيحة يقول...

السلام عليكم ورحمة الله وبركاته

اولا

\\\ تشوفو تقول .. دي خلقه عبيطه \\\

لم أحب هذه الجملة يعني الخلقة من عند ربنا سبحانه وتعالى يعني مينفعش تكون عبيطة وحتى لو احنا شايفين اي عيب في حد - خلقي - مش ينفع انه يكون موضع سخرية مهما كان


ثانيا

عجبني كلامك جدًا
خاصة إنني من محبي القراءة بأسلوب الرمز جدًا

وعلى فكرة انت مش أول حد يسرق منه حاجات من كتاباته ولا أخر واحد للأسف طول ما مفيش أخلاق تضبط الناس هايكون سهل جدا على البعض أنه يسرق مجهود وموهبة غيره ويستحل لنفسه مدح لا يستحقه

ربنا يهدينا ويصلح أحوالنا

تحياتي

المنسى يقول...

هههههههههه
أكيد بتتكلم عن......
يااااااااااااااه دول كتيييييييييير
ونفس القصة تقريبا


سمعت إنك زعلانمنى


الحاجات دى لازم تةثقها وتسجلها فى الشهر العقارى قبل المدونة



عشان تحفظ حقك
ومتبقاش زى الأقر لاس فيجاس




تحياتى وسلامووووووووووووووز

tamer.sala7 يقول...

ما ضاع حق ورائه مطالب

بجد لو كل واحد شاف حقه بيضيع ومسكتش ومد ايده واخده الحال حيتغير

بس حكاية عبده زيطة دي طلعت سكر

Soooo يقول...

wa7ed 2ensan wnsan

ياعمونا الله يبارك فيك
لكن انا لو جيت ضفر الفاجومي .. ابوس ايدي وش وضهر
الفاجومي والناس الكبار اللي زيو دول مش هيجو في ربع مكانتهم حد تاني خالص

وبالنوسبه لجزئية الدرامز والملاهي الليليه .. فانت غلطان
عبده زمبليطه هو بتاع الدرامز
عبده زيطه بتاع المجلس

وربنا يكرمك ويسعدك ويوفقك ويبسطك دنيا وآخره يارب



سلاموووووووووز

Soooo يقول...

تائهة فى أرض الأحلام

اهلا بيكي يافندم والف شكر على كلامك الجميل ده وربنا يخليكي يارب

وعلى فكره .. انا مش بانزل حاجه عالنت اللا لما باكون مسجلها فعليا في الشهر العقاري
يعني لو قصه قصيره او شعر او مقال ساخر .. طبعا في حاجات تانيه بانزلها بابقى شايف انها مش مستاهله تسجيل وصرف فلوس ومشاوير

لكن صدقيني المشكله مش في التسجيل في الشهر العقاري
المشكله في الانتشار بدون ذكر اسم صاحب الموضوع
المشكله في ان حتى لو مدونه تانيه نشرت حاجات مدون تاني والمدون ده كان مسجلها فعليا .. الحق الادبي بيضيع لانه مافيش هيئة قضائية هنا مختصه بقرصنة الانترنت
القضيه كبيره قوي
لكن هنقول ايه
آدي مصر .. و آدي القوانين

ربنا يسعدك ويبسطك ويكرمك دنيا وآخره يارب



سلامووووووووووز

Soooo يقول...

mohra

هو من وجهة نظره هيخسر كتير قوي
هيخسر ان مجهوده في السرقه .. ضاع عالفاضي

ولازم تتصرفي في حوار الكتاب اللي مسروق ده بجد
لاااااااااااازم
دي شهادة حق

وربنا يوفقك ويكرمك ويبسطك دنيا وآخره يارب



سلاموووووووووز

Soooo يقول...

اهو ده عيبه

شكرا ميرسي ثانك يو
هههههههههه

ازيك يادوللي
طب والله واحشاني وواحشني مواضيعك الساخره

انا عارف اني مقصر في التعليقات عندك .. بس والله فتره نفسيه متدهوره ويارب تروح لحال سبيلها
وان شاء الله هتلاقيني لازق عندك في المدونه

وربنا يوفقك ويسعدك ويكرمك ويبسطك دنيا وآخره يارب



سلاموووووووووز

Soooo يقول...

سومه...مجنونه فى بلد عاقل

اوبااااا
لا كللو الا عبده الرايق
ده بقى شريك فرنسا في المحل دلوقتي وماقدرش عليهم هم الاتنين

واللي انتي عملتيه ده انا عملته برضه لما كنت ماسك مشرف في احد المنتديات .. وكان في عضو منزل قصه مسلسله ومش قايل دي تأليف مين
ولما انا ملت جوله مكوكيه وعرفت مين صاحبها قلتله ان في موضوع ليه منشور عندنا في المنتدى .. والموضوع صراحه كان حلو وانا مش عايز احذفه .. وطلبت منه يشترك في المنتدى عشان اقدر اديلو حقو الادبي .. واشترك فعلا وحولت الموضوع من اسم الشخص اللي سارقه لاسم الشخص صاحب الموضوع

وبخصوص افلام السيما فاكيد طبعا هحتاجك تمثلي بطولة اول عشر افلام من تأليفي
خصوصا انهم هيدورو في مستشفى العباسيه
هههههههههه

ولا تقلقي .. محمود اه صعيدي زي حالاتي .. بس لاممكن اديلو امبول شعر .. ده انا جايب امبول من المستورد الغالي

وربنا يسعدك ويكرمك ويبسطك دنيا وآخره يارب



سلاموووووووووز

Soooo يقول...

ayman badr

ايمن باشا اللي هيروشني معاه
انت ياجدع اسمك اين ولا العرضحالجي؟؟
ارسالك على بر بقى ماتروشنيش ياعمنا

وبخصوص الزيطه اللي بتقول انها وصلت سبع تلاف جنيه
احب اوضحلك ان كيلو الزيطه في السوق الحره دلوقتي وصل لخماشر الف دولار استرميني
وبالحجز كمان

وياسيدي ربنا يكون في عونك في امتحاناتك وشغلك .. وربنا يسعدك ويبسطك ويرضيك دنيا وآخره يارب



سلاموووووووووز

Soooo يقول...

سمية

هههههههههههه
مش لاقي كلام ارد بيه على كلامك صراحه

ربنا يسعدك ويبسطك ويوفقك ويرضيكي دنيا وآخره يارب

سلامي لخطيبتي فتكات



سلامووووووووووز

Soooo يقول...

رندا

لا ياستي انا كنت داخل عندك العب بصراحه
اصل شيرين واخده بتاع تلات تعليقات
قلت اشمعنا يعني
انا كمان اخدلي قد بتاع تلاته تسعه كومنتات ولا حاجه

وكان لازم تروحي المنتدى ده تقوليلهم ان ده حقك

وياستي ارمي التماسي والتصابيح والتضاهير والتعاصير .. نسبة لوقت الضهريه والعصريه

وربنا يسعدك ويكرمك ويبسطك ويوفقك دنيا وآخره يارب



سلامووووووووووز

Soooo يقول...

زُمُرده

هييييييييييييييييه
زمرده رجعت يامينز

ازيك يابنتي وازي الحال
انا خدت بالي ان في موضوع نزلتيه .. قلت اعلق عليكي هنا الاول واروح اتخانق في مدونتك بعدين
هههههههههههه

وياستي راحة البال والايام وحرقة الدم دول .. ثوابهم عند ربنا ان شاء الله

وربنا يسعدك ويكرمك ويبسطك ويوفقك ويرضيكي دنيا وآخره يارب

ملحوظه
مكروف دي اسم مفعول من الفعل كرف .. وفي البحبحاني كلمة كرف اي نفض له بقسوه
فيقال .. كرف الاب لابنه .. اي نفض الاب لابنه لما قاللو عايز اشتري بلاي ستيشن

والكرف .. تنطق بفتح الكاف وفتح الراء وتسكين الفاء
والله ولي التوفيق



سلاموووووووووز

Soooo يقول...

maha miho

هههههههههههههههه
حاضر ياستي
ان شاء الله هتكون حلقه طويله ويارب تعجبك

بس ايه ده .. هو انا كاتب فراغ هنا يابنتي .. مافيش اي حاجه في رغيف يعني
هههههههههه

ربنا يسعدك ويكرمك ويبسطك ويوفقك دنيا وآخره يارب



سلاموووووووووز

Soooo يقول...

dodda

الله يخليكي يارب
ياستي ولا كلام كبير ولا حاجه
دي شوية شخابيط كده والسلام

وشكلي هاخد بنصيحتك واربط باقي الحاجات بقفل .. بس ربنا يستر ويفضل معايا المفتاح

وربنا يسعدك ويكرمك ويبسطك دنيا وآخره يارب



سلاموووووووووز

Soooo يقول...

(green eyes)

ياااااااااااااه
طب والله نورتي المدونه بجد

وربنا يكرمك يارب على البؤين الحلوين اللي قلتيهم في حقي دول

والحكايه ياريتها جات على سرقه وقلة ضمير وبس
انما دي انا باسميها غباء ثقافي .. لان اللي بيسرق ده لو كان سرق حاجه مش موجوده عالنت كنا قلنا ماشي .. انما ده بيسرق حاجه سهل الوصول اليها ومعرفة انه سارقها

عموما المدونة نورت بزيارتك وياريت ماتحرمينيش من تعليقك ولا تشريفك لمدونتي المتواضعه

وربنا يسعدك ويكرمك ويبسطك دنيا وآخره يارب



سلاموووووووووووز

Soooo يقول...

عاشقة الوطن

وعليكم السلام ورحمة الله وبركاته

وياستي اول تعليق من آخر تعليق صدقيني مافيش فرق والله
المهم انك تعبتي نفسك وعلقتي ودي عندي ليها معاني كتير والله

واللي زي عبده زيطه دول .. مسيرهم هينكشفو ويتفضحو في الدنيا .. غير فضيحتهم في الاخره

اما بقى حكاية ان حد يسرق منني حاجه فدي مش عارف امنعها ازاي والله
بس ربنا يستر بقى

وربنا يسعدك ويكرمك ويبسطك ويوفقك دنيا وآخره


سلامووووووووووز

Soooo يقول...

free heart

اروشيني بقى ياستي
مره سلوى ومره فري هارت .. كمان شويه الاقيكي بتعلقي باسم سوووو مثلا

انا باهزر اوعي تقفشي
عشان في ناس كتير دلوقتي بقت بتمسكلي عالكلمة بطريقه غريبه انا مش فاهمها بجد

وربنا يسعدك ويكرمك ويبسطك ويوفقك دنيا وآخره يارب



سلامووووووووووز

Soooo يقول...

نور

ياقهلا بيكي ياستي
وربنا يكرمك ويخليكي على كلامك الجميل ده
وانا اي نعم ماسكتتش المره دي عشان كنت عارف اللي سرقني .. لكن في مرات تانيه في حاجات تانيه ماعرفتش اقول لمين ولا يامين

والحمدلله ان المذكرات عجبتك وانك اخيرا قريتيها من اولها وماكسلتيش زي ماكل مره كنتي بتدخلي عندي

وربنا يسعدك ويكرمك ويبسطك ويوفقك دنيا وآخره يارب



سلاموووووووووووز

Soooo يقول...

أبو خالد

بابا العزيز
انا حظي وحش قوي اني ماتشرفتش برؤيتك الخميس اللي حضرتك جيت فيه عالبورصه
والله بجد اتضايقت اني ماشوفتكش
لاني كنت عايز اقعد معاك واتكلم معاك في حاجات كتير قوي
محتاج اتكلم معاك قوي يا ابويا بجد

ويابابا المدونه وصاحب المدونه تحت امرك في اي وقت

وربنا يكرمك ويسعدك ويبسطك ويرضيك دنيا وآخره يارب



سلامووووووووز

Soooo يقول...

يوميات فنانه مفروسه جداا

وكتاب الله ولا حذفت حاجه ولا عملت حاجه
انتي اللي تلاقي الجهاز بتاعك مفروس منك قام منفضلك

وياستي ارشقي براحتك والمشاريب على حسابي ومافيش حد هيتكلم

وان شاء الله المذكرات هتنزل في معادها يوم الاربع وهعوض كل متابعينها بحلقتين مش حلقه واحده

ملحوظه
فاكره لما قلتلك اني سبتلك ايميلي في الموضوع اللي قلتي فيه انك رايحه المكتبه .. ساعتها كنت سايبهولك عشان لما تبقي رايحه البورصه للمدونين او لما يبقى في اي تجمع وانتي رايحه او يبقى في اي حدث تجمع للمدونين .. تبقي تعرفيني انك رايحه او انك عايزه تشوفيني .. لكن تقريبا انتي فهمتي قصدي غلط واني باديلك الايميل عشان حاجه تانيه .. مع العلم اني باتعامل مع معظم المدونين عن طريق الايميلات فقط .. لكن خيرها في غيرها ونبقى نتقابل على خير في مرات تانيه ان شاء الله

وربنا يسعدك ويكرمك دنيا وآخره



سلاموووووووووز

Soooo يقول...

كاميليا

كاميللو عروسة المدونين
ياستي الله يكرمك على مجاملتك الجميله دي

واللي زي عبده بيكتبو شهادة وفاتهم بنفسهم عن طريق بيعهم لضميرهم
وربنا يسترها علينا احنا الشعب المصري المطحون

وربنا يسعدك ويكرمك ويبسطك ويوفقك دنيا وآخره يارب



سلامووووووووووز

Soooo يقول...

wanna b a physician

معلش يادكتره
ظروف بقى عطلتني عن اني انزل الحلقه في ميعادها
ولا انت ضد التطويل
لا قول
لو مش عايز اطول ماشي
اصل انا باتلكك وعايز اسافرلي قد اسبوعين عشر تيام على الاقل

وربنا يسعدك ويبسطك ويكرمك ويرضيك دنيا وآخره يارب




سلاموووووووووو

Soooo يقول...

عروسة ننوسة

انتي هتروشيني ليه ياجنه
مره جنه ومره عروسه ننوسه
ياجرعان انا عندي زهايمر خلقه

وتخيلي اه والله اتسرقت
وباتسرق
هنعمل ايه يعني

عقبالك انتي كمان لما مواضيعك تتسرق


وربنا يسعدك ويكرمك ويبسطك دنيا وآخره يارب



سلامووووووووووز

Soooo يقول...

Rehab Mostafa

ايوه كده اظهري وماتختفيش
اظهر وبان عليك باكو لبان

وياستي ربنا يكرمك على البؤين الحلوين دول

وانا بجد مش ضد ان حاجاتي تتسرق من غير مايتجاب سيرتي .. بس ضد ان اللي سرقها يعيش الوهم وانه تعب وقدح زناد فكره لغاية مافكره اتحرق يا عيني

عموما منهم لله اللي بيسرقو فكر غيرهم .. وربنا اكيد هيحاسب الانسان على كل حاجه بيعملها

وربنا يوفقك ويكرمك ويسعدك ويرضيكي دنيا وآخره يارب



سلاموووووووووووز

Soooo يقول...

ADAM

اهلا بيك ياباشا في اول زياره ليك لمدونتي المتواضعه وباتمنى انك تعتبرها زي مدونتك وتنورني دايما بزياراتك وبتعليقاتك

وصدقني لو الموضوع ده رجع .. في بتاع عشرين موضوع تاني ضاعو وتفرق دمهم بين القبائل بجد

وربنا يوفقك ويسعدك ويكرمك دنيا وآخره



سلاموووووووووز

Soooo يقول...

•√أريـ السمر ـج√•

تصدقي كلامك منطقي والله ياسمر
لان فعلا نفس الشخص ده ساعة انتخابات الرئاسه كان حاطط صورة حسني مبارك في التوقيع بتاعه .. ولما انا وغيري قلناله انت حاطط صورته بتؤيده ليه .. قال لانه راجل ميه ميه .. بس اللي حواليه هم اللي وحشين وشريرين

وفعلا والله انا اتغاظت لاني لقيته بيعلق على كلام الناس وهي بتقوللو مبدع وهايل وعظيم وهو بيقوللهم دي اقل حاجه عندي يا جماعه وطلعت منني في لحظه عاديه يعني مش حاجه

حسسني اني شايف قدامي سيبويه والله

سيبك انتي
انا بافرح جدا والله لما بتنوريني هنا في مدونتي المتواضعه اللي ماتيجيش حاجه جنب روائع الكلام اللي بتقوليه واللي باقف قدامه متنح ومش لاقي كلام اقولو والله

ربنا يسعدك ويكرمك ويبسطك ويرضيكي دنيا وآخره يارب



سلاموووووووووز

Soooo يقول...

بنوتة من وسط البلد

هههههههههههههههههههه

الله يجازيكي ياشيخه
طب والله كنت هاشرق وانا باقرى تعليقك

انا ياستي ولا جبت سيرة عز ولا حاجه

وبعدين اساسان اساسان انا طخين .. يعني راسي نازله كبس على جسمي ومن فصيلة مقصوف الرقبه .. وبالتالي ماعنديش قفا

شفتي نصاحتي بقى


وربنا يسعدك ويكرمك ويبسطك دنيا وآخره



سلاموووووووووز

Soooo يقول...

shayma

شيمووووووووو

الناس اللي زي عبده ماينفعش نتكلم معاهم بحنيه
لازم قوه وعنف لاننا اكتر ناس بنتسرق منهم

وحاضر ياستي .. ان شاء الله الحلقه الجايه هتبقى دوبل عشان انتي وكل متابعين المذنكرات مايزعلوش مني

وربنا يسعدك ويكرمك ويبسطك ويوفقك دنيا وآخره ياستي



سلامووووووووووز

Soooo يقول...

الجدة فصيحة

وعليكم السلام ورحمة الله وبركاته

على فكره ياجدتي
انا ماقصدتش المعنى اللي جه في دماغك خالص
لاني لو هنحكم عالناس بالشكل والخلقه .. يبقى انا اول واحد ينضرب بالنار في ميدان عام


وربنا يسعدك ويكرمك ويبسطك ويرضيكي دنيا وآخره


سلاموووووووووز

Soooo يقول...

المنسى

انت جاي تعلق ليه؟؟؟
انت مش من كلامك شايف ان المدونين اللي بيروحو يقعدو عالبورصه كلهم بياعين كلام وبيقولو اللي مش بيعملوه
وبيصرفو عشرين جنيه عالقعده في المشاريب
وبياخدو البنات بالحضن وبالبوس وليبرالين ومنحلين فكريا
وقال ايه .. بيعملو ثواب وبيروحو يتبرعو بالدم
؟؟؟؟
على فكره
المدونه اللي فتحت موضوع ان الناس تروح تتبرع بالدم وعملت الحمله بالموضوع ده في مدونتها
ضفرها برقبتك
واكثر احتراما منك ومن كل الناس اللي عرفتهم وكانو قاعدين معاك لما انت عملت فيها جيفارا ورحت منزل الموضوع الاهبل اللي نزلته

انا مش زعلان منك
انا زعلان عليك
لانك اثبتلي انك تابع غبي وجاهل

وياريت ماشوفكش في قعده مع اي حد اعرفه عالبورصه خالص
مش دفاعا عن البورصه وعن الناس اللي بيقعدو فيها
لا
دفاعا عن الناس المحترمين اللي انت قللت منهم
ولو جيت مدونتي تاني ماتعلقش
ولو شفتك في البورصه يبقى تستحمل كم الكلام اللي هيتقاللك

ملحوظه
يعني ايه تسيب الموضوع لـ آآبي وهي اللي تتكلم فيه .. هو بعد الشتيمه اللي انت شتمتها لكل المدونين اللي بيقعدو عالبورصه واللي بيروحو يتبرعو بالدم .. في كلام تاني يتقال؟؟؟

ومن غير سلام

Soooo يقول...

tamer.sala7

تيمور حليب هارتي
اه والله ياتيمو
ماضاع حق وراؤه مطالب

وحتى لو ضاع .. هيبقى ضياع مؤقت .. وهايجي تاني لما ربنا يريد

وربنا يوفقك ويسعدك ويكرمك ويبسطك ويوفقك دنيا وآخره يارب



سلاموووووووووووز

حمادة زيدان يقول...

سوووووووووووووو

والله مش عارف اللي بيسرق عمل ادبي وينسبه لنفسه بيحس بأيه ... اكيد مش بيحس بحاجة لأنه عديم الشعور بعيد عنك

البوست دمه زي العسل

وابقي سلملي على عبده

واحدة مفروسة يقول...

ايوه يعنى يا عم سوو
يعنى انا دلقتي عاوزه اعلق على البوست الجديد اللى تزعق فيه للناس ده اعمل ايييه
انا عاوزه اعلق
اصل بحب اما الاقى حد يشخط ادخل اشخطلي شخطتين يفكوا فرستي شويه
اعمل اييييييه
مفرووووووسه

يوميات فنانه مفروسه جداا يقول...

سوو انا أخدت سبع شندوتشات واتنين كوكتيل واحد فيسكافيه ابقي حاسب بقي ماشي معلش بقي هتقل عليك.

وبعدين والعشه دول والعشه دول ولا انشاالله يارب انتص في تورتايه ولا باتيهايه مافهمتك غلط خالص دانا حتي طول اليوم ده قعدت ادخل واخرج مش فاهمه اصل فهمي علي قدي ومفهمتش الا لما عملت اتشك اب علي الايميل اصل التعليقات بتجيلي عالميل وفهمت وعلي بال بقي مافهمت ورحت ابص في اول موضوع لاقيتك حازفه ههههههههه
وبعدين انا بعتالك ايميلين ومرضيتش عليهم اساسا وبعدين تالت انا معرفش حد من المدونين بيقعد عالبورصه غيرك انت واابي فسالت علي اابي قالولي مش جايه وسوو زماناته جي وبعدين الوقت اتأخر وانا ساكنه في اقصي جنوب القاهره وانت عارف بقي الصعايده
قومت سيبتلك السلام ومشيت
وبعدين انا بعلق تاني وشكلي بقي وحش اوي
وعدين برضو نسيت يبسطك
سلام ومتشكره عالطلبات

سلوى يقول...

أعلق باسم سووووووووو

ممممممممممممممم

والله فكره

:)

مين اللي ماسك لك ع الواحده وخلاك تكتب الكام سطر اللي فوق دول ؟؟؟

ربنا يكرمك على دعاءك اللي بتختم به ردك

ولك بمثله

shreen يقول...

سوووووووو
ازيك يا سكر

احلى حاجة يا سووو
انك خدت حقك فى الاخر
والحقيقة بانت

لان الظلم احساس وحش جدا

لما انت تلاقى كلامك انت وحد تانى بياخد علية الشكر

وانت مش قادر تصلح دة
والاخ دة بيطنش الرسايل بتاعتك
لان ماعندوش ضمير اساسا طبعا بما انة سرق من الاول

فالحمد لله انت المشرف حذف الموضوع وحذرة

الكلام نفسة جامد جدا يا سووو
بتاع البوست

بس معلش بقى

انا عندى شعرة وانت اللى قايل كدة

ما تجيبش سيرة الكلاب ماشى

انا بحب الكلاب جدا

فما تهزقش الكلب بانك تشبة بواحد زى عبدة دة اوكى

الكلاب طيبة ومخلصة

لكن عبدة دة

هااااااااااا
العلبة دى فيها ايه ؟

.............
ابقى شوف ردى عليك على حكاية الشعرة دى عندى

:)

قوس قزح يقول...

حلوة اوى يا احمد
و قريبة من القلب

عارف الواحد ممكن يسكت على اى سرقة تحصل له الا سرقة الافكار بتخلى الواحد هيتجنن

فكك من اللى يضايقك يا سوووو

كيكى يقول...

ولايهمك ياسووووووووووووو
ياصديقى الجميل
همة المبدعين كدة
قولى بس هو مين وانا اخد هوجن والحانوتى وتربل انش وبرعى وتفيدة ونظبطوا
انا عندى كام سووووووووووووووووووو
ولا يهمك

أيامنا الحلوة يقول...

فنااااااااااااان والله
والحق فعلا عمره ما بيضيع وكويس انك عرفت تاخد حقك ومسكتش .... تصدق انا بردوا بلاقي موضوعات بتاعتي خاصة بالموقع اللي بشتغل فيه نازلة في منتديات ومنسوبة لناس تانية بس معملتش حاجة بس انا هعمل زيك كده لازم الحق يروح لاصحابه

تحياتي ياسووووووووووووووو

shaimaa samir يقول...

هههههههههههههههههه

معبر عن واقعنا

عاليا حليم يقول...

نضف شارع .. نضف حاره
وبنالو فيلا .. على كام عماره
----------
طيب على كده يا ريت يبقى فيه منه كتير عبد زيطة
:)
عشان يعمل شكل حضارى للقاهرة
:)
حلوة اوى و الله زى العسل
:)

---------------
بس حكاية السرقة دى فعلا حاجة تحرق الدم و المشكلة ان الواحد ما بعرفش يثبت بسهولة و التسجيل بقى بلفوس و غالى
حنعمل ايه فى الموضوع ده قولى

-----------

انما الكلام بتاع الى بتاع الى بيعلق على كلمة الى فوق خالص ده سببه ايه يا ترى انا اصلى مشغولة بقالى مدة و مش متبعة ناس كتير
ع العموم نصيحة عن تجربة ارمى فى صفيحة الزبالة و مرة على مرة الى بيضايقك حترتاح منه

تحياتى

زُمُرده يقول...

اللي يمسكلك ع الكلمه قولي بس
شاورلي عليه
واقرا الفاتحه عليه

متضايقش نفسك وسيب اللي يقول يقول

مش بيقولوا الفاض يعمل قاض

في اشاعه كده عايزه اتأكد منها منك

زُمُرده يقول...

فيييييييين التعليققق

زُمُرده يقول...

فيييييييين التعليققق

زُمُرده يقول...

اه معلش مش اخدت بالي
ختى انت كمان
امسح ده واللي فات وسيب الاول

سلام حتى نلتقي
مرسي ع الزياره ولو ان ليا عتب كده بعدين بقى

بت خيخة وأى كلام يقول...

قريت تعليق ليك عند خالد همس الاحباب
انك هتسيب التدوين بعد ما تخلص المذكرات

طبعا علشان انت عارف ان انا لسانى طويل
بس احتراما لضيوفك المعلقين
فأنا مش هاقولك اى الفاظ اعتراض هنا
لما اشوفك بقى


بس يعنى هو حصل ايه
علشان ايه عايز تبطل تدوين

انت فيه حد زعلك او داسلك على طرف

عموما اوعى تفتكر انى فى نص جدعنتك وهاقول انك لو بطلت تدوين انا هابطل تدوين انا كمان
لاااااااااااااا يا بابا لاااااااااااا
انت متعرفنيش
ده انا خيخة جدا
والنبى لو الناس كلها بطلت تدوين
انا مش هابطل

بس يعنى بجد ليه يا سووو؟
ليه عايز تبطل تدوين؟

ايه النظاااااااااااااااام؟

اختك خيخة

بنت مصريه يقول...

تعييش وتاخد غيرها يا سو بس كويس انك عرفت تتصرف بس بجد
حلو قوى الشعر ده

زُمُرده يقول...

بيقولوا هتبطل تدوين قااااااااااال

قال ايه بعد الواد التخين ما يرفع ويعمل رجييييييم
مضبوط شفت بقى


استناني تاني شارع يمين في دخلة المعادي في شمال تحت البيت اللي جنب اللي هيقع عند سوبر ماركت ودع اهلك وشوف انا هعمل ايه

خناقه بخناقه
احنا عيال جدعان ولا يهنا نشر الغسيل والتعليقات

ولو مجتش هستناك عند الموجه الشقيه بنت عم الموجه المتمرده وشوف بقى انت
سلم ع الاهل والاحباب قبل ما تيجي
ههههههه
ههههههههههههههههههههههههه

Soooo يقول...

حمادة زيدان

والله يابو زيزو الحكايه مش شعور ولا غيرو
الحكايه ان اصلا اصلا هو بيبقى سهل انه يتفقس
يعني ابسط حاجه اعمل سيرش بأي محرك بحث على اول جمله من اي عمل فني بتاعك مثلا .. لو لقيت حد حاطو غيرك يبقى انت كده اتسرقت

يعني طريقه مسك الحرامي سهله جدا
يبقى ايه لازمته بقى

وعبده بيسلم عليك وبيقولك تشرب معاه لمون؟؟؟


وربنا يسعدك ويكرمك ويبسطك دنيا وآخره يا ابو زيزو

ملحوظه
عمرك شفت حد بيدلعك باسم الدلع بتاع والدك؟؟؟


سلامووووووووووز

Soooo يقول...

واحدة مفروسة

يالهوي عالناس اللي بتهدّي النفوس
حاجه جميله جدا الحقيقه

اقولك
زعقي هنا براحتك
اشخطي كمان
بصي .. في زلعه بتاع زرع على باب المدونه .. كسريها وانا هبقى اجيب واحده تانيه

وسلامتك من الفرسه يارب
ربنا يبسطك ويسعدك ويكرمك دنيا وآخره



سلامووووووووز

Soooo يقول...

يوميات فنانه مفروسه جداا

لا مادمتي حلفتي بالعشه وتتصي بتورتايه
صادقه يا ياسمين

وانا كنت عارف ان المخ الصعيدي اكيد هيعمل قفله .. مش قصدي على مخك انتي وبس .. قصدي على مخي انا كمان

بس على فكره .. والعشه دول والعشه دول والعشه دول .. يعني والتلاتين دول .. مافي ولا ايميل جالي

وربنا يسعدك ويبسطك ويرضيكي دنيا وآخره ياستي
اي خدمه



سلامووووووووووز

Soooo يقول...

سلوى

اهلا .. عايزه تعلقي باسمي كمان
لا ده كده فل قوي

وياستي لا تقلقي
ان شاء الله مافيش حد فهمني غلط ولا حد ماسكلي عالواحده

بتحبو تهدّو النفوس قوي انتي ومفروسه

وربنا يسعدك ويبسطك ويكرمك ويرضيكي دنيا وآخره



سلامووووووووووز

Soooo يقول...

shreen

تصدقي انا فرحان قوي قوي انك الحمدلله حالتك وروحك حلوة وبتهزري
الحمدلله

وياستي الكلاب زي الفل
وماقدرش طبعا اغلط في الكلاب

وبخصوص العلبه
بسم الله الرحمن الرحيم
الطالب احمد سوووو
الفرقه التاسعه شعبة خراطه ودقدقه
الاجابه
تونس

صح؟؟

---
ربنا يكرمك ويوفقك ويبسطك ويسعدك دنيا وآخره يارب



سلاموووووووووز

Soooo يقول...

قوس قزح

ام منافسي العزيزه والعزيز

ايه الدخله اللي انا داخلها دي؟؟؟

الله يكرمك يارب على البؤين الحلوين دول
ومعقول يبقى حوالي اخواتي وابقى متضايق .. طب دي تبقى حاجه تضايق


ربنا يسعدك ويكرمك ويبسطك ويوفقك ويرضيكي دنيا وآخره يارب

سلامي لمنافسي العزيز


سلامووووووووز

Soooo يقول...

كيكى

كيكي صديكي من اكاديمية القطن طويل التيله

شايلينك للتقايل انتي وكل جرعان المصارعه
بس خليهم ستاند باي احتياطي

وربنا يسعدك ويبسطك ويكرمك ويوفقك دنيا وآخره يارب



سلاموووووووووز

Soooo يقول...

أيامنا الحلوة

ميييييين؟؟
شيرييييييييييين؟؟

طب والله العظيم ليكي وحشه
انتي فينك يابنتي بطلتي تشقري علي ليه
طب انا عيان وعجوز وعندي زهايمر وبانسى اسمي .. انتي كمان تنسيني وتختفي كده

عموما الحمدلله انك نورتي المدونه بكلامك الجميل ده
ولازم تاخدي حقك
او ابسط حاجه توضحي للي بيسرقك ده انك عارفه انه بيسرقك
عشان لما نقف قدام ربنا يوم القيامه .. يبقى عملنا اللي علينا وربنا ياخدلنا حقنا منه

وربنا يسعدك ويبسطك ويكرمك ويوفقك ويرضيكي دنيا وآخره يارب


سلامووووووووز

Soooo يقول...

shaimaa samir

اهلا بيكي ياستي في اول زياره ليكي لمدونتي ويارب تعتبريها زي مدونتك تمام وتنوريني بزياراتك وبتعليقاتك

وسعيد جدا اني اكتشفت انك من كليتي حبيبتي اللي قضيت فيها احلى سنين الحياه .. اي نعم كنت ومازلت طالب فاشل .. لكن ايييييييييه
ايام والله ياجرعان

وانا حاليا باتفسح في المدونه بتاعتك وعمال العب فيها .. لو لقيتي حاجه بايظه تعرفي انه انا

وربنا يسعدك ويكرمك ويبسطك ويوفقك ويرضيكي دنيا وآخره


سلاموووووووووز

Soooo يقول...

عاليا حليم

طب والله العظيم انا كنت جايب في سيرتك النهارده
وكنت ناحية ساقية الصاوي وجيتي على بالي

وياسلام ياسلام .. بقى امثال عبده بيعملو منظر حضاري
لا ياستي .. انا عايز اعيش بوهيمي بس في مجتمع مافيهوش سرقه

ولا تقلقي على موضوع اللي بقول فيه اني باتفهم غلط .. مجرد توضيح لا اكثر .. ولا يوجد اي تحفزات لاي حد ان شاء الله

وربنا يكون في عونك ويسعدك ويكرمك ويبسطك ويرضيكي دنيا وآخره يارب


سلاموووووووووز

Soooo يقول...

زُمُرده

ياقهلا ياقهلا
انا مش مصدق
سبعتاشر تعليق ليكي عندي
سبعتاشر

طبعا هتعديهم دلوقتي مانا عارفك

ولا تقلقي ياستي .. انا ان شاء الله زي الفل .. بس كان لازم اعمل الموضوع ده للتوضيح ليس اكثر

وبخصوص حوار اني اسيب التدوين .. انتي تقريبا من اوائل الناس اللي ممكن تكون عارفه او حاسه بده

انما ليه بقى .. فدي سيلي تفنيطها في موضوع مستقل بعون الله

ملحوظه
انتي تعرفي سوبرماركت ودع اهلك؟؟
ده صاحبه الاستاذ مقطوع من شجره .. حبيبي من ايام الجيزه

ربنا يسعدك ويكرمك ويبسطك ويرضيكي دنيا وآخره



سلاموووووووووز

Soooo يقول...

بت خيخة وأى كلام

والله يام شرفنطح ياختي .. الحوار بتاع اني هبطل تدوين ده هيتم شرحو في موضوع خاص ومستقل لما اتخذ القرار الفعلي وابدأ في تنفيذه

وياستي انتي اكثر جدعه مني ومن اي حد انا اعرفه والله
والجدعنه مش في انك تبطلي تدوين وتتعاطفي معايا
الجدعنه في انك تشوفيلي اي حاجه في رغيف

والنظام شغااااااال

وربنا يسعدك ويبسطك ويكرمك ويرضيكي دنيا وآخره يارب

سلامي لشرفنطح


سلاموووووووووز

Soooo يقول...

بنت مصريه

ياستي ربنا يكرمك ويبسطك ويسعدك ويرضيكي دنيا وآخره عالبؤين الحلوين دول


سلامووووووووووز

رندا يقول...

انا قلت اجى اسلم براحتى بقى : )

وحشنا كلامك قوى

فينك (وش قلقان قوى)

لية مش عامل شات بوكس يعنى

بس علشان نسلم فية طيب


سلامات طيبون

رندا

رئيس جمهوريه نفسى يقول...

يا مروديشناتك يا غالى
بص انا على اخرى منك ومش حكلمك دلوقت بس لما اشوفك بعدين
فاكرهم دول يا سوووو قلتهوملى يوم ما انا كنت مقرر ابطل عارف يا احمد قبل ما اجى القاهرة واشوفكم اول مرة كنت ممكن فى لحظه ابطل واقفلها واغير الميلات وامشى عادى جدا
بس بعد ما عرفتك اليف يعنى وقربت منك انتى وابى والكام ساعة الى قعدتهم على البورصه فى الكام مرة نو وى لتبطيل التدوين
الا لو كنت عايز تخلع من انقلاب انا مش مصرى انا صعيدى ده يبقى حاجه تانى انا خلاص بحط الافكار يا برنس وحبداء الحملة تعاطفم وحده مش كفايه اتبرع لو بكحكية
فكك من حوارت الاعتزال دى والا تلاقينى على راسك خلال يومين
سلامووووووووووووز

brokenheart يقول...

بقولك ايه يا عم سو ... انا عاوزك تدخل تتفرج على الريس طلعت حرب سورى قصدى عمر حرب لانى عاوز اعرف رايك حايبقى من رايي فيه وللا لا وبالمرة ابقى شوف كباريه علشان اعرف اذا كنت ادخله مع المدام وللا لا .... وبالمرة بقى عاوز منك حاجة جامدة جدا بما انك موهوب فى النقد الفنى والسينمائي عاوزك تعمل قائمة كل اسبوع بالافلام المحترمة اللى ممكن اى اتنين مخطوبين (واتك على مخطوبين ومتجوزين قوى يعنى) ممن يدخلوها فى اخر الاسبوع لان للاسف انا دخلت فيلم عمر حرب اتكسفت قوى من الفيلم مع انى دخلت حفلة 2 بالليل وكنت داخل مع اصحابي كمان

على كل انا قولت اللى فى نفسي واللى كان نفسي اقوله من زمان بالنسبة للمدونة بتاعتك واضفت الاضافة اللى كنت عاوز اضيفهالك من زمان وقول للزمان ارجع يا زمان
اه بالمناسبة

انا كتب كتابي باذن الله يوم 11/7/2008 الساعة 4 العصر لغاية 4.30 لو حبيت تيجي فى مشيخة الازهر والتليفون اهو للى حايتوه 0125410694

وسلاموز

محمد الهادى غانم يقول...

انا اول مرة ادخل عندك يعني ضايفني ياأخي قولي اتفضل علي العموم ان رخم ودخلت برضه بس اتصدق اجدع مدونة انا قتها لغاية دلوقتي ايه ده انت عامل الدماغ دي فين ماهو اللي يكتب كده لازم يكون حاجه من جاحتين الأولي ودي مش هصدقها عليك ان انت مش في الوعي الشعبي اللي بيخلي الناس مش عارفه تتكلم اصلا مش تألف شعر .
والتاني وده اللي انا حاسه فيك انه من الكبت يولد الانفجار ويجعله عامر.
انا لسة مبتدأ وخبر قياريت تشرفني اصل انا كتبت اول موضوع ليه والحمد لله يهمني رأيك

Soooo يقول...

رندا

ياستي انتي تيجي وقت ماتحبي
بس اللي بيقلق على حد بيجي وايدو فاضيه .. مش يجيب معاه كام فرخه مشويه على كام كيلو لحمة على اربعه كيلو فاكهه وياسلام بقى لو جبتي معاكي دستتين تلاته بسطا

وياستي بخصوص الشات بوكس فانا والله بالعافيه عارف اتابع التعليقات وخايف لا حد يدخل يشتم ولا يقول حاجه تضايق الناس .. ولو عملت الشات بوكس هتلاقي كل اللي عايز يشتم يدخل يشتم ويطلع يجري

وبالتالي هعمل ان شاء الله حوار الشات بوكس .. لما اسيب المدونه

وربنا يسعدك ويكرمك ويبسطك ويرضيكي دنيا وآخره يارب



سلاموووووووووز

Soooo يقول...

رئيس جمهوريه نفسى

لا بقى يابو حففي
هناك فرق
انت كنت عايز تهرب وتبطل تدوين عشان الموقف اللي كان حاصل معاك ساعتها
انا هبطل تدوين عشان مجموعة اسباب هوضحها لما اعمل بوست الاعتزال

وبعدين مين قالك اني لما هبطل تدوين هبطل كتابه او مش هشوفكم واعرفكم واتكلم معاكم واتابعكم
يابني دي نقره ودي نقره

فخمتو




سلاموووووووووز

Soooo يقول...

brokenheart

هاني باشا
والله يابو هاني انا مش ناقد ولا بتاع
انا مجرد واحد باحب اتفرج على افلام السينما
ولما بيشدني فيلم باتكلم عنه
زي ماحصل في حوار فيلم الغابه وفيلم ورقة شفره والجزيره .. يعني باتكلم عن اللي باشوفه وبيعجبني
لكن مش باتكلم كده عن اي فيلم وخلاص .. بدليل اني شفت فيلم على جنب ياسطى وفيلم كامب وماعجبونيش وماتكلمتش عنهم

بس اوعدك اني لو شفت فيلم كباريه وعجبني هتكلم عنه ان شاء الله

----

الف الف الف الف مبروك يابو هاني وربنا يتمملك على خير يارب

وان شاء الله هكون موجود في كتب الكتاب عشان ازغرتلك باذن الله
وبمجرد ما ظروفي الماديه تتعدل واشحن بكارت فئة العشره جنيه .. هتصل بيك اباركلك بنفسي ان شاء الله

بس قوللي .. هي العروسه عندها اخوات وصحبات حلوين ولا ايه؟؟؟
عايزين نتجوز احنا كمان

ربنا يسعدك ويبسطك ويكرمك ويوفقك ويرضيك دنيا وآخره يارب



سلامووووووووووز

Soooo يقول...

محمد الهادى غانم

اهلا بيك ياسيدي في اول زياره ليك ويارب تعتبر مدونتي زي مدونتك تمام وتنورني بزياراتك وبتعليقاتك كل ماتحب

وبخصوص كلامك .. مش مهم انا من انهي فئة في الحاجتين
المهم انه الحمدلله عجبك

وربنا يسعدك ويكرمك ويبسطك ويوفقك دنيا وآخره



سلاموووووووووووز

المـــفـــــــقــــــــوعـــــة مــرارتـهــا يقول...

أنت ماجيتش ليه ؟
تعالي ماتخافش

فرنسا والرايق والضاحكون ... ندعوك للمشاركة معنا في الكتابة في المدونة الجديدة وعنوان المدونة
http://faransaraayek.blogspot.com/
مستنينك

المـــفـــــــقــــــــوعـــــة مــرارتـهــا يقول...

هههههههههههههههههههههههه
انت قفلت التعليقات تاني ليه ؟
ده انت منعت مية وهوا ياراجل عننا
اوعي يكون حد قل أدبه تاني ؟!