الأربعاء، ٢ جمادى الأولى ١٤٢٩ هـ

(15)مذكرات طفل .. طخين

!! المحطة الخمستاشر .. بصلة المُحب


كانت خطة مصطفى شعبان انهم عن طريق جهاز التصنت والتتبع اللي موجود في الخاتم بتاعي يعرفو مكاني ويراقبوني من بعيد .. وفي نفس الوقت يحاولو يوضحولي انهم موجودين معايا ويطمنوني .. المشكله اللي قابلتهم كانت ازاي يعملو ده وهم عارفين ان الامين خالد صالح استحاله يسيبني اتكلم ولا مع أي شخص واستحالة يسبني اخرج بره المديريه .. لكن مصطفى شعبان قال ان اسلم وسيله للاتصال بي .. تكون عن طريق كرشي
-------
دخل سامبا على سونيا في الغرفه التي يجلسون فيها وهو يحمل لفة ورق جرايد .. وما ان اغلق باب الغرفه خلفة واتجه للمكتب حتى قال
سامبا : - وهو يفتح لفة الورق -
بسم الله معانا يا سونيا
سونيا : - وهي تنظر لما بداخل لفة الورق -
ايه ده؟
سامبا : - مخرجا شندوشت فول من اللفه الورقيه -
دي شندوشتات جبتها من عربية الفول اللي على اول الشارع
سونيا : - وهي تمد يدها لتأخذ الشندوشت منه -
ياخي مش باحب الفول انا .. جبت بصل؟؟
سامبا : - مستعجبا منها وهو يأخذ شندوشت تاني - بصل ايه عالضهر .. البصل بيخلص بدري بدري .. الناس اللي بيفطرو فول عالصبح بينسفو البصل كللو .. انما عربية الضهريه دي بيبقى فيها مخلل وسلطة خضرا
سونيا : - وهي تأخذ خياراية مخللايه -
مش فاهمه الناس بتعرف تاكل بصل عالصبح ازاي
سامبا : - وهو بيقطم من قرن فلفل حامي - دول بيخلو ريحة البلد لا تطاق ياشيخه
سونيا : - وهي تمسك كيس السلطه وتخرمه من الاسفل كي تشرب منه مية السلطه - والله عندك حق - تشرب بؤ من مية السلطه ثم تمسح فمها في كم ملابسها -
لازم يفهمو في الذوق شويه
يدخل عليهم الحارس في الغرفه وهو ممسكا ورقة ويبدو عليه التوتر قليلا
سونيا : - وهي تنظر للحارس -
بسم الله
سامبا : - وهو مخرجا للحارس شندوشت فول وماداً يده له - دوس .. حماتك بتحبك
الحارس يعطي الورقه لسونيا وينظر للشندوشت بتاع سامبا متأففاً
سونيا : - بعد ان نظرت للورقه وتغيرت ملامح وجهها متعجبة - يا نهارك اسود .. تُلتُميه اربعه وسبعين جنيه اكل من عبده كفته ؟؟؟؟
سامبا : - متنحًا -
تُلتُميه اربعه وسبعين جنيه .. انت عامل عقيقه!!؟؟
الحارس : - يكلم سونيا مرتبكا - افهمك الحكايه .. ابو سوووو وامه كانو جعانين .. وقالولي اتصل بعبده كفته اطلبلهم اكل من هناك وهم هيبقو يحاسبو .. ولما الاكل جه اكتشفو انهم مش معاهم فلوس عشان احنا خطفناهم بهدوم البيت
سونيا :
لأ ناصح قوي .. طب هندفع ازاي الفلوس دي
الحارس :
انا وكتاب الله ما معايا ولا شلم
تنظر سونيا والحارس لسامبا الذي كان ممسكا بقطعة طماطم من كيس السلطه بعد ان قطعه .. وعندما اقتربت قطعة الطماطم من فمه انتبه لهم وهم ينظرون اليه .. تنح قليلا ثم اكل قطعة الطماطم بغيظ وقال
سامبا : - وهو يمسح يده في ملابسه ويخرج المحفظه من جيب بنطلونه الوراني -
دي فلوس الجمعيه ياجدعان
-------
بعد ما رجعت انا والامين خالد صالح على مبنى المديريه وقعدنا في المكتب بتاعه ولسه هايشرحلي تفاصيل الخطه اللي لازم امشي عليها والا هتفلقط .. سمعت صوت بائع جائل في الشارع وهو بيقول
صوت البائع : معانا البليلة .. بليلة الفراعنه ورمسييييييييييييس .. الحقلك طبق بليله ياعريس
استغربت من هذا البائع ومن كلامه .. ولكنني شعرت ان الامر له علاقه بالتدريب الذي تدربته في ميدان رمسيس .. فقمت ونظرت من شباك المكتب على الشارع ووجدت ان الذي بيبيع البليله هو نفسه مصطفى شعبان .. لم ابدي دهشتي عشان خالد صالح مايستغربش .. ولكنني نظرت له وقلت
سوووو : تصدق نفسي في طبق بليله يابو خللود يا صاحبي
خالد صالح : - دون ان يبدي أي اهتمام - هبقى ابعتلك عسكري يجبلك طبق على ما نبدأ كلامنا
سوووو : - بصوت عالي وانا قلقان - لأ
نظر لي خالد صالح وهو مرتاب وقال لي
خالد صالح : ايه المشكله لما ابعت عسكري يجبلك البليله ؟؟؟
سوووو : - وانا بحاول ألطّف الجو - لأ انت مش واخد بالك .. العسكري ممكن يبصلي في طبق البليله وتبقى عينو فيه .. وساعتها لما هاكلو هيجيلي مغص والخطه تتأجل .. ولا حتى تتلغي
خالد صالح : - وهو مقتنع بوجهة نظري ويهم بالقيام من على الكرسي - هممم .. خلاص هقوم اجبهولك انا بنفسي
سوووو : - وانا متجه ناحيته عشان اقعده - والله لا يمكن .. يعني انتي هتسيب المديريه وتنزل تجبلي طبق البليله .. انا هنزل بنفسي وريح انت نفسك
خالد صالح : - وهو مستغرب - تنزل انت بنفسك ؟؟
سوووو : ايوه ياعم .. انت مش واثق في ولا ايه .. وبعدين ده الراجل بتاع البليله قدامك اهو
خالد صالح : - وهو مقتنع بفكرتي - همممم .. ماشي .. بس ماتتأخرش
-------
بعد ان دفع سامبا فلوس الاكل على مضض .. وعقب ان قامت سونيا بتهدئته وعشّمِتثه انها هتخلي البيج بوص يدفعلو قد اللي دفعو مرتين .. غير نصيبه من العمليه .. وهو صدقها والجعان بيحلم بسوق العيش .. نزلو التلاته عالاوضة اللي ابويا وامي محبوسين فيها .. وبمجرد مافتحو الاوضه لقو ابويا وامي مفكوكين من عالكراسي وابويا فارش جرايد عالارض وراصص الاكل .. وامي بتقسم كل واحد منهم منابه على رغيف عيش من ابو نص جنيه
ابويا : - وهو بيفتح علب سلطة الطحينه والباباغنوج وبيرصها - بسم الله .. الاكل هيبرد
امي : - وهي بتحط صوابع الكفته وحتت الكباب على العيش - حاجه على ماقُسم .. وبصلة المُحب خروف .. وسفرة الأحبّه تساع أُلوف
-------
وقفت قدام مصطفى شعبان وهو لابس جلابيه وبيبيع البليله وبيحاول يغير ملامحه واسلوبه في الكلام لكن انا فقسته برضه .. وبمجرد ما وقفت وقلتله عايز طبق بليله بالمكسرات من غير جوز الهند .. قاللي
مصطفى شعبان : خالتي بتسلم عليك
سوووو : - مستفهما - وهي خالتك تعرفني منين يا درش ؟؟
مصطفى شعبان : - مذبهلا - ايه ده .. انت عرفتني؟؟؟؟؟
سوووو : خبر ايه يادرش .. انت ايه ياعم فاكرني عيل ولا ايه
مصطفى شعبان : طيب مش مشكله .. المهم دلوقتي احنا بس عايزين نفهمك ان الامين خالد صالح مش كويس زي مانت فاكر .. ولازم تاخد بالك منه
سوووو : طب اعمل كأنك بتحطلي شوية بليله في الطبق عشان لو شافك من الشباك مايقولش ان في حاجه غريبه
مصطفى شعبان : - وهو ينظر مكان الشباك بدون ان يبدي ذلك - عندك حق .. هو فعلا شايفنا
سوووو : شفت بقى .. وعمال تقوللي افصل وركز في التمرين وجهاز امني .. ده انتو عايزين كورسات في النباهه
مصطفى شعبان : مش وقته التقطيم ده .. المهم .. الخاتم اللي انت لابسه فيه جهاز تتبع وتصنت واحنا سامعين كل الحوارات بتاعتك وعارفين ومتابعين كل تحركاتك .. بس عايزينك لو شفت حاجه غريبه تبقى تقولها بصوت عالي عشان نسمعها
وبعد ما قال كلمته دي رحت انا واخد طبق البليله اللي عملو وقلتله بصوت كللو ثقه وحزم
سوووو : ماتقلقش يا درش .. سوووو بقى بيفهم كل حاجه .. حطيت زبيب عالبليله؟؟
-------
يتبع

سوووو

هناك ٩٢ تعليقًا:

tamer.sala7 يقول...

يا ريت في الحلقة اللي جاية توصف لنا طعم الذبيب وهو علي البليلة
مع العلم ان كل ده يعتبر دلوقتي احلام وامنيات في الغلاء الفاحش اللي احنا عيشينه

فاتيما يقول...

إيه العصابة الشروك دى ؟؟؟
و الله صعبانين علي يا سوووو
حلوة حلقة المرة دى و كل مرة بتشوقنا للى بعدها ...
كمل و منتظيين اهو
و الله بسلملك على امى موش بنفضلك ما قولنا مبحبش شغل البيت أصلاً يبقى هنفضلك أزاى

بنوته مصرية يقول...

هييييييييييييي
تالت تعليق
هشوفه وهرجع تاني

كاميليا بهاء الدين يقول...

هههههههههههههه

فى كل يوم اربعاء

يتجدد اللقاء

كالعادة

حلقة جميلة وتسلسل للاحداث مزهل

تحياتى

أبو خالد يقول...

أبنى الحبيب سوووو
أنا قلت من قبل أنت محترف
و صلتنى الرسالة عبده كفته ينتظرك
و لا أفضل حاجة أنا عازمك على أكلة
سمك فى مطعم البرج أيه رأيك
شوف يوم تكون أجازة و شرفنا
بجد أكون سعيد من بورسعيد
لو تحقق هذه الرغبة
دمت إنسان أصيل

Dr. Ibrahim يقول...

يا سلام على فحل البصل مع الفول والطعمية

والبليلة بالزبيب يا سلام على طعمها



د/هيما

aya يقول...

تصدق نفسى فى طبق بليلة بجوز الهند والزبيب

الله يسمحك يا سوووو

بس اللى ينور برضه
حلقة قوية

تابعوا معانا ماذا يحدث بعد ان ياكل سوو طبق البليلة

Z_Diva يقول...

tb tsada2 ana fellela de kolha msh sa3ban 3lya 3'er sonya welfaree2 elly m3aha, ybny dol 7althm ts3b 3la elkafer :'(, la akl walla flous,rbna ytwallahom ??!!! :D

غير معرف يقول...

هههههههه
جامده يا سوووووو

زبيب ايه يا عم .. كنت خدت بندق ولا فزدق
حاجه كده عدله بدام على حساب درش

ههههههههههههه

بس حلوة يا سووو وجريت ريقى كالعاده

سلاخوووووووووووخ
:))

المنسى يقول...

ياأكشناتك يابو سووووووو
واحشتنى حلقاتك والله
معلش مكنتش متابعك الفترة إللى فاتت
إمتحانات عمارة بقى ومشاريع وإنت فاهم
لا بس بجد حلقة جامدة وكلها فكر بس أنا بحب الضحك أكتر بصراحى
أدعيلى
تحياتى

Eldebug يقول...

يانهار ابيض .. ايه كمية الاكل اللى فى الحلقة دى .. الواحد بطنه وجعته من كتر مابلع ريقه .. فول من عالعربية وبعدين كباب وكفته وبعدين نحلى ببليلة ... حراااام كفااااية

المـــفـــــــقــــــــوعـــــة مــرارتـهــا يقول...

أكتر حاجة بسطتني أن باباه ومامته هايفلسوا العصابة بإذن واحد أحد
وهايخلوهم يسيبوهم كدة توفيرا للنفقات

همس الاحباب يقول...

ههههههههه
صباحو بليلة يا سووووووو
ايه يا عم انت طالع رحلة انت الوالد والوالدة ولا ايه ههههههههههههه
ايه ياعم هو فين الكرش ده مش شايف حاجة وفول وبصل وكفته وكباب هلمة
يلا عنه محد حوش مش كله على حساب العصابة بالهنا والشفا
بس حلقة جامدة قوى يا سوووووووو
بالتوفيق دائما
تحياتى وسلامووووووز

اهو ده عيبه يقول...

ايه ده كباب وكفته بسلطاته وباباغنوجه من غير ما تقوللى
وكمان من عبده كفته

طب ده حتى الراجل موطنه الاصلى من عندى هنا يعنى انا اولى بالوليمة دى

ويا عينى سايب سونيا بتشرب ويسكى شعبى وتاكل فول حرام عليك

مقولتليش ينفع ادخل بنفرين فى الجمعية ؟

SKOBL- Little Lazy Me يقول...

يا نهار اسود .. سونيا اللي كانت مشيبة الرجالة طلعت بتمسح في كمها !!!
بصراحة انت كده شحورتها خالص .. و أتاري أدهم سابها يا عم و خلع ..
بس ايه العبقرية اللي نزلت ع الواد سو مرة واحدة .. و خالتي بتسلم عليك دي من مهمة في تل أبيب .. الحلقة دي عاجباني فحت .. كمل المشوار و ربنا معاك
و لك كل التحيات

رحــــيـل يقول...

سوووو

العيله كلها فى الطراوة باين عليها
ومخطوفين وبيفكروا فى الاكل

لا وعصابه فقرانه كمان
هههههههههههههههههه

متابعه باقى الحلقات

تحياتى وتقديرى سووو

خايف من الحقيقة يقول...

بصل وفول وطعميه
وخيار مخلل

كمان بليلة

بالزبيب

اكل ده يا سووووووووو

اصل انا جعاااااااااااااان

بجد دمك عسل اسود عليه طحينه بيضة

وعسل ابيض بالقشطة

وكمان واحد ام علي

مين علي ده

سلمت يا محترف

نصيحة

روح عند ابو خالد بورسعيد
وبلاش عبده كفته خليك في البرج
ومش هتندم

Desert cat يقول...

عصابة وقاتاليت قتلة وبياكلو شندوشتات فول وسونيا بتفتح كيس السلطة علشان تشرب المية
يععععععععع
ياترى ايه القادم بعد طبق البليلة بالزبيب

يوميات فنانه مفروسه جداا يقول...

والله الحج والحجه ما شاء الله زوقهم حلو اوي في الاكل هههههههههههه
يلا مستنيه بقيت الحلقات بفارغ الصبر
اسلوبك اكتبر من رائع
تحياتي

Mafrousa يقول...

ياخرابى على النباهه ههههههههههه
بس انت طريقتك فى وصف المشهد و الابقاق كلها بتلعب اشى فول و اشى مخلل واشى كفته...
انا جعت ممكن تباصيلى شجوتش فووووووووووووول
بس اتكلم بصوت واطى هههههههههههههه

رندا يقول...

سوووووووو

لا بقى مليش دعوة عايزة من الاكل دة
ياعم مش ممكن انا كل لما ادخل على المدونة بتاعتك دى اجوع بجد
انت وصفك للاكل مدهش ههههههههه
وسيبك من خاتم التتبع دلوقتى
المهم فى مكسرات فى البليلة
اصلى مش بحب الزبيب بصراحة
اتصدق هقوم اعمل بليلة حالا اتفضل معانا ههههههههه
مفيش ام على طيب اهى حاجة تسند يعنى
ولا اقولك ممكن نحط شوية قشطة كمان علشان تبقى كملت
حرام عليك بوظتلى الدايت وانا بقرا
امال لو اكلت كمان

الحكيوة تجنن ياعمنا
بس انا تخنت 4 كيلو
من القراءة بس ههه

تحياتى لااجمل سوو

رندا

خمسة فضفضة يقول...

السلام عليكم ورحمة الله وبركاته

حلوه الحلقه طبعا يا سوو زي كل مره

وكل مره ببقي محتارة اعلق اقوله ايه

فقررت اقولك انا قريتها اهه وعجباني جدا وضحكت خالص ومستنيه اللي بعدها


سلام

Ehab يقول...

برغم اني بموت في قصتك دي الا اني بتغاظ من كل اكل اللي رايح جاي ده هاموت من الجوع حرام عليك

تسلم ايدك
ابعت بقى واحد بليله بالزبيب

اخوك ايهاب
سلاااااااااااااااااااام

Unknown يقول...

انا بقرالك على فكرة يا سووو و متابعة مذكراتك لكن ساعات بحس ان راى حيبقى متكرر يعنى

أنما انا بقرالك و بقرا تعليقك و انت من الناس الى بستنى تعليقهم لانى بستفيد منه بصراحة انت تعليقك مش مجرد تعليق عادى

جيت اقولك كده بس عشان انا زعلت لما قلتلى مش عارف بتقرى تعليقاتى و لا بتقريلى اصلا و لا


سلاموووووووووووووووز

حسبي الله ونعم الوكيل يقول...

حلقة جميلة

hamssah يقول...

صديقي العزيز جدا سووووووو
الحلقه المرة دي تحفه
يمكن علشان جوعتني حراااااااام عليك
مش كده
الواحد بياكل فول وطعميه بس يا اخي الفول بتاع العربيه ده حاجه تاااااااانيه خااااالص ليه سحر خاص كده بس لازم تكون متاكد من نضافه العربيه قصدي الفول ههههههههه
اما بقى بالنسبه للبليله دي حكايه تانيه
الله يسامحك
حقوم ادور على اقرب عربيه فول
وعلى رايك بقى سلااااااموووو

سمية يقول...

تهديد و وعيد!!! ...

ان ما كنتش هترجع تدخل على مدونتى تانى و تعلق فيها على كل موضوع بكتبه زى ما وعدتنى اول مرة دخلت فيها مدونتى ها أوبجكشن زى rosa ...

بسس .. هه
طالما انت مبتجيش غير بالاوبجكشنات ..

اللا بالحق .. هوا مين الاخ اوبجكشن ده ؟؟

Reham Mahmoud يقول...

الله انا بحب البليله قوى بس بالبن
هههههههههههههههههههههههه
بجد والله الحلقه جميله جدا وانا اسفة اذا كنت اتاخرت عليك بس كان عندى ظروف
تحياتى سلاوووووووووووووز
ريهام

انين الحزن يقول...

سوووووووووو

ازيك كدا

طب انا دلوقتي اقول ايه بعد كل الكلام الجامد اللي الناس قالته ده

انت جامد بجد ياسووو

تسلم ايديك

سلاموووووووووووز
وزة

جيهان علي يقول...

السلام عليكم ورحمة الله وبركاته

حلقة جميلة
أوي ودمها خفيفي جدااااااااا



تحياتي

Soooo يقول...

tamer.sala7

انت باين عليك مش فاهم نظرية الحكومه
الحكومه بتقر نظرية الضرب وبتضربنا على قفانا
ويطلع الريس ويقول انا باحبكم

وبالتالي
ضرب الحبيب .. زي اكل الزبيب

ايه رأيك في طعم الزبيب؟؟؟؟




سلامووووووووووز

Soooo يقول...

فاتيما

ماهو لو كانو ادوهم هم كمان علاوة على مرتب الخطف .. كانت ظروفهم اتظبطت زي ماحنا متظبطين وفل الفل
ياااه
ده كل حاجه هايله معانا
كل حاجه


سلامي لوالدتك العزيزه




سلامووووووووووز

Soooo يقول...

بنوته مصريه

انتي حجزتي التعليق واختفيتي حتى ماقلتيش ايه رأيك؟؟

بتمسكيني من ايدي اللي بتوجعني وعارفه اني باحب بنتك
مااااشي



سلامووووووووووز

Soooo يقول...

كاميليا

طب والله تعليقاتك ليها طابع خاص ومتميز

في كل اربعاء .. يتجدد اللقاء
ونحس بالجوع .. من سوووو المفجوع

تصدقي تنفع اغنيه يغنيها عماد بعرور




سلامووووووووووز

Soooo يقول...

أبو خالد

هتصدقني يا استاذي ان تعليقك الجميل ده قريته بعد ماحضرتك كتبته بخمس دقايق وفضلت متنح من حلاوته ومش عارف ارد عليه وعلى اي تعليق تاني

استاذي
انا اتشرف بدعوتك دي بجد وربنا هو اللي عالم انا باعزك قد ايه ومن غير اي حاجه والله


وربنا يديم المحبه والمعروف مابينا يارب




سلامووووووووووز

Soooo يقول...

Dr-hema

اي والله
ياسلام على بليله بفحل بصل .. او طعميه بالزبيب
يااااااه






سلاموووووووووز

Soooo يقول...

aya

بس كده ياستي
هيكون عندك حالا طبق فول بالزيت الحار ومعاه احلى سلطانية بليله بالزبيب

واكيد طبعا بعد البليله لازم احبس بحاجه دلعه .. رغيف حواوشي مثلا



سلاموووووووووز

Soooo يقول...

Z_Diva

شوفتي بقى اللي يجي على أدهم صبري يحصل فيه ايه
يمهل ولا يهمل

منوراني والله
ملحوظه
هو انا لو حبيت اوجهلك خطاب او كلام .. اقول يا مين؟؟؟



سلامووووووووز

Soooo يقول...

shayma

اهو ده بقى الجهل
فاكرين ان البندق والفزدق احسن باعتبار انهم اغلى
لكن لو كنتي مزاكره جغرافيا تانيه اعدادي كويس .. وتحديدا خريطة السودان .. كنتي عرفتي ان اللي رسم خريطة اأثيوبيا ساعتها كان مدرس تاريخ .. وبيحب الزبيب
عادي يعني


واياكي تاكلي
حافظي عالدايت
اضربيل رغيف طرب ونص فرخه مشويه وطاجن مكرونه بس



سلامووووووووووز

Soooo يقول...

المنسى

ولا يهمك ياعم
خلص التسليمات وتعالى اقرى اللي فاتك وعلق براحتك ياعم

ربنا يكون في عونكم والله

ولو فكرت شويه .. وضحكت شويه
مش هيحصل حاجه
ولا احنا عايزين ضحك على طول على طول



سلاموووووووز

Soooo يقول...

Eldebug

؟؟
أكل
؟؟
يابني دي تصبيره للحلقه الجايه

عموما .. انت تجهز نفسك بعد كده تخش مدونتي وانت معاك اي حاجه تتاكل


ملحوظه
هو انا لو عايز اكلمك .. اقول يامين؟؟؟



سلامووووووووز

Soooo يقول...

مفقوعة مرارتي من حماتــــــــــــي

اه طبعا .. انتي فاكره ابويا وامي زي باقي الناس؟؟؟

خدعوكي فقالو



سلاموووووووووز

Soooo يقول...

همس الاحباب

خالد باشا
انت بس ماخدتش بالك من كرشي لما اتقابلنا عشان انا كنت سايبه في البيت

هتقولي سايبه في البيت ليه .. هقولك كان بياكل


سلامي لهمس




سلامووووووووووز

Soooo يقول...

اهو ده عيبه

اديني ياستي قلت
عملتي ايه؟؟
طب ابو خالد ربنا يكرمه عرض انه يأكلني في معمل البرج .. انتي هتعزميني ولا هتفقدي الذاكره؟؟؟

وعلمك علمك علمك .. الويسكي الشعبي مفعوله اقوى بمراحل من الويسكي المستورد
الويسكي المستورد بيذهب العقل لفتره .. الشعبي على طوووووول


ملحوظه
في مكان ونص فاضلين في الجمعيه بس آخر ناس .. تقفي معانا في الطابور؟؟؟




سلامووووووووووز

Soooo يقول...

SKOBL- Little Lazy Me

ياعمنا سوووو طول عمره بيفهمها وهي والعه
وبياكلها وهي طايره
عيل ناصح قوي
بس كان محتاج فرصه


ملحوظه
انت ايه اللي مخليك تسيب مزاكرتك دلوقتي؟؟؟؟



سلاموووووووووووز

Soooo يقول...

ra7eel

لا خلي بالك
احنا عائله ناصحه جدا
وابويا عمل المخطط ده عشان يبقى واكل عيش وملح مع العصابه عشان لو حد منهم حب يعمل حاجه كده ولا كده .. يبقو ساعتها ناكرين للجميل

واخده بالك من النباهه؟؟؟



سلامووووووووووز

Soooo يقول...

خايف من الحقيقة

استاذي الفاضل
الله يكرمك
وبالنسبه لعزومة ابو خالد انا يشرفني طبعا اني اكل في معمل البرج
بس كنت اتمنى انك انت كمان تيجي معانا
وسحاحه هنية .. تكفي ميه

وبجد بجد سعيد اني اتعرفت على ناس محترمين جدا جدا جدا زي حضرتك وزي استاذي ابو خالد

وربنا يديم المعروف مابيننا يارب




سلامووووووووووز

Soooo يقول...

Desert cat

خبر ايه ياقطه
انتي هتتبطري على نعمة ربنا
مالو الفول .. ها .. مالو الفول
اعترضي بقى
ده حتى الفول دلوقتي بقى حاجه بياكلوه الناس الهاي
ربنا يخلي الحكومه
خلت الناس كلها تبوس ايدها وش وضهر على نعمة الفول




سلامووووووووووز

Soooo يقول...

يوميات فنانه مفروسه جداا

ربنا يكرمك يارب
وبجد مش عارف اقول ايه على كلامك الجميل ده

واتمنى انك تتابعي باقي المذكرات ويارب تعجبك





سلاموووووووووووز

Soooo يقول...

واحدة مفروسة

ياستي ربنا خلقلنا الاكل عشان ناكله
وخلقلنا بؤنا عشان ناكل بيه
مش عشان نتكلم ولا نطالب بحاجه من حقنا


واوعدك اني في الحلقه الجايه هوصي سامبا يعمل حسابك ويجبلك شقة فول
او شقة في مساكن الزلزال



سلامووووووووووووز

Soooo يقول...

رندا

يبقى انا كده نجحت في المخطط الارهابي اللي باعملو
اصلي عايز كل الناس تتخن وانا اتريق عليهم
نياهاهاهعهعهعهععععععع
انا شريييييييييييييير
انا شريييييييييييييير
انا شرييييييييييييييييييييير

هقوم اكل واجي اكل شر شويه




سلامووووووووووز

Soooo يقول...

خمسة فضفضة

وعليكم السلام ورحمة الله وبركاته

طب تصدقي بالله
تعليقك ده على قد ماهو بسيط لكن والله معبر قوي

وياستي كفاية لو جيتي وقلتي في تعليقك انك جيتي وقريتي ومشيتي
دي عندي والله ليها معاني كتير قوي

ربنا يارب يكرمك ويسعدك




سلامووووووووووووز

Soooo يقول...

الشنكوتي الكبير

اول ماقريت جملة (تسلم ايدك) حسيتي الشيف سوووو
اه والله العظيم

وياسيدي تعالى انت بس في يوم معانا عالبورصه وانا ابقى جايبلك طبق بليله تاكل صوابعك وراه



سلاموووووووووووز

Soooo يقول...

عاليا حليم

هممممم
بصي يا عاليا
اولا انتي من حقك انك تقري للشخص اللي تحبي تقريله ودي حرية شخصيه وانا ماقدرش اجبر اي شخص انه يقرالي زي ماهو برضه مايقدرش انه يجبرني اقرالو

متفقين على النقطه دي

تاني نقطه واللي انتي أثرتيها لما قلتي مش بتعرفي تعلقي او هتحسي ان كلامك مكرر
تخيلي معايا موقف ان واحد بيجري في تراك سباق .. والناس بتشجعه عشان يجتاز خط النهايه .. طب لو كل واحد من الناس دي ماشجعهوش وقال مابينه وبين نفسه .. ماهو كل الناس بتشجع اهو .. هل هذا الشخص هيقدر يكمل جري بنفس الحماس؟؟
ماعتقدش .. لأنه ببساطه بيبقى زبط جسمه وقوته على صوت الناس من اول ماسمعهم اول مره .. ولو واحد فيهم سكت هايبقى حاسس انه مقصر مابينه وبين هذا الشخص اللي سكت

تالت نقطه واللي اقصده من تعليقي عندك واللي قلت فيه (طولت عليكي وانا عارف انك ممكن ماتقريش التعليق ولا بتقريلي اصلا ) انك يا سيدتي الفاضله علقتي مرتين في موضوعين مختلفين بتعليق الى حد ما خارج الحوار ككل

يعني اقري موضوع (ليه يادنيا !!؟) واقري تعليقك

واقري موضوع (ياخي أوبجكشن !!) واقري تعليقك


بذمتك .. اي تعليق منهم مناسب للموضوع ؟؟؟؟؟
كان سهل جدا انك تقولي رأيك وبعدها تقولي حصل كزا كزا كزا

ده اللي بيدخل على ناس في بيتهم بيرمي السلام قبل مايقولهم في خناقه في الشارع عندكم

ملحوظه
في موضوع ليه يادنيا كنت في قمة الانكسار بجد .. واللي بيبقى مكسور بيبقى عايز حد انشالله حتى يدعيلو ويقولو ربنا يفرجها في وشك ولا الله يسهللك .. مجرد دعوة مش اكتر

لكن التعليق بتاعك بيؤكدلي اني بجد المفروض ما اقولش انا جوايا ايه
واكتفي بمجرد مذكرات خياليه لمحاولة رسم الابتسامه على وشوش ناس .. من الهم والغم نسيو يعني ايه ضحك




سلااااااااااااااام

Soooo يقول...

حسبي الله ونعم الوكيل

الف شكر ياستي وربنا يكرمك ويسعدك دنيا وآخره يارب




سلاموووووووووووووز

Soooo يقول...

hamssah

لا والله
انتي فين يابنتي من زمان
انا قلت اتخطفتي مع ابويا وامي .. وسونيا بتعذبك وبتاكل سد الحنك قدامك وانتي مش قادره تصرخي ولا تقولي حاجه

الله يكرمك يارب ويسعدك وياستي لو على طبق بليله من بكره يكون عندك هوم ديليفري
وبليله اصلي مش مضروبه زي بتاعة مصطفى شعبان .. شغل سيما .. بليله كده وكده




سلاموووووووووووز

Soooo يقول...

سمية

انا اقدر برضه يا حماتي
طب ده حب فتكات اتمكن من قلبي من اول مره اتكلمت معايا بالسيم وانتي كنتي فاكراها بتلخبط

وقوليلها سوووو بيقولك
نمىتخهعللاهغل7خىعا عالعغى
شلولخ



سلامووووووووووووز

Soooo يقول...

Reham Mahmoud

ياقهلا ياقهلا
ياستي ولا اتأخرتي ولا حاجه
وفي مثل صيني بيقول
ان تأتي متأخرا .. خير من عشره عالشجره

ولو عايزه طبق بليله عونيا .. اجبلك طبق بليله معتبر
وبسعر رمزي خااااالص
سبعتلاف ربعميه اتنين وتلاتين جنيه




سلاموووووووووووووز

Soooo يقول...

انين الحزن

ياستي مجرد انك تيجي بنفسك لحد هنا وتشرفيني بزيارتك ده في حد ذاته على راسي من فوق

والحمدلله ان الحلقه عجبتك وربنا يكرمك ويسعدك دنيا وآخره يارب




سلاموووووووووووز

Soooo يقول...

جيهان علي


الله يكرمك يافندم والحمدلله انها عجبتك ويارب تتابعيها وماتزهقيش مني ويارب تعجبك المذكرات كلها

وربنا يكرمك ويسعدك دنيا وآخره يارب





سلامووووووووووووز

Salma Amer يقول...

ههههههههه
امال فين المكسرات علشان تبقى بليلة اية وان

Eldebug يقول...

ملحوظه
هو انا لو عايز اكلمك .. اقول يامين؟؟؟

-------------------------------
سؤال يحير فعلا
هوه انا اصحابى بينادولى يا debug ... Eldebug راح ... Eldebug جه ... بس المشكلة انى مش عارف انطاهالك هنا
بص انت انطقها بكسر ال d وفتح ال b يعنى ال u مش بتتنطق o دى بتتنطق a بس ماتتطولش فيها اوى ... بتتخطف كده

انا تعبت

بص انت لو ليه اى حد صاحبك مبرمج ... اساله وهوه هينطقهالك ... بس خد بالك الكلام ده سر بينى وبينك ... اوعى خالد صالح ياخد خبر ...

ابو على يقول...

سو حبيب قلبى
اول حاجه عاجبنى اوى بوست ياخى اوبجشن دا بجد تحفه
تانى حاجه وحشتنى خفه دمك بجد
ماتسيب التدوين ياخى وتتجه للتمثيل
انا حاسس فيك بالموهبه واللهى
كل سنه وانت طيب
تحياتىىى

Z_Diva يقول...

momkn t2oul "lou" :D
da es lshohra :D

Doba يقول...

انا بس نفسى اعرف ازاى اسمها سونيا ومعاها سامبا والاتنين فقريين كده

قال قطعت الكيس علشان تاخد بؤ ميه سلطة - يععععععع

ايه ده
طيب هاتلنا ناس نصابيين يكونو ذى مقام رفيع

تحيات لتعليقاتك التحفة وتعليق والدة سوو على السفرة الفخمة

الباحث عن الحقيقة يقول...

هو انا حظي كل ما اجي الاقي صفحة المذكرات هي اللى في وشي
معلش يا سووو كل ماجي احس ان فاتني كتير وانى محتاج اقرا من الاول خاااااالص
اقول مش مشكله اجي البوست الجاي
ألاقيها مذكرات برضه
انت مستقصدني يا عم ولا ايه
خلاص
انا كل ما هلاقي المذكرات دي هدخل اسلم بس
عااااااا

Soooo يقول...

Salma Amer

وهو احنا ناقصين تكسير لمتا ناكل البليله بالمكسرات

مش كفايه علينا مكسرات الحياه
وبعدين شوفي كيلو المكسرات بكام دلوقتي؟؟؟
يجيلو ببتاع تقريبا في حدود حوالي كده
مبلغ يعني مش اي كلام





سلاموووووووووووووز

Soooo يقول...

Eldebug

يااااااه
تصدق انا كده فهمت
لا لا لا
دي وصفة سهله
دي وصفه هايله


فكرتني ببيت الشعر اللي بيقول
فسرت الماء بعد لجهد بالميه المعدنيه





سلامووووووووووز

Soooo يقول...

ابو على

حليب قلبي
انت ايه ياعم اختفيت كده ليه
انا قلت انك تنشنت مني لما علقت على موضوع الصعايده

منورني والله يا باشا
وربنا يسعدك ويبسطك دنيا وآخره يارب






سلاموووووووووووووووز

Soooo يقول...

Z_Diva

اوك يا ستي
ولو اني مش فاهم بس
شغااااااال يونيفرسال





سلاموووووووووووز

Soooo يقول...

Doba

نعم يا ام يوسف؟؟
خيال المؤلف المريض هو اللي اخترع الشخصيه دي
فيها حاجه دي؟؟؟
وبعدين انتي يعني عمرك ماضربتي مية سلطه؟؟
عمرك ماضربتي مية طرشي؟؟
عمرك ما ضربتي ميه معدنيه؟؟
وياستي .. اهي كلها ميه


سلامي ليوسف افندي ابن اختي




سلامووووووووووووووز

Soooo يقول...

الباحث عن الحقيقة

يالهوي
طب تصدق والله انا باعزك قوي وباتخض منك قوي
بجد يعني انت بسم الله ماشاء الله ربنا يكرمك على مواضيعك انت وعسقول في الصحيفه الكاشفه وربنا يجعلها في ميزان حسناتكم يارب

وبعدين ياعمنا ده قبل الحلقه دي تلات مواضيع في الحياه

اقولك .. فضي نفسك في يوم واقرى المذكرات من اولها
ويارب تعجبك


سعيد جدا بزيارتك وبتعليقك واتمنى انها ماتكونش الاخيره وياريت تعتبر مدونتي زي مدونتك انت وعسقول وتشرفوني بزياراتكم وتعليقاتك على طول

وقول لعسقول اني زعلان منه قوي قوي قوي قوي



سلاموووووووووووووز

اهو ده عيبه يقول...

بص بقى يا سووو

بعد تفكير عميق استمر 3 ايام قررت انى اعزمك يالا ياعم انشالله ما حد حوش

ابوخالد عزومته فى معمل البرج وانا عزومتى فى معمل مؤمنه
واهو نضمن اكل معقم بدل البلاوى اللى بنسمع عنها

عموما يا سيدى انت تشرف فى اى وقت وليك عزومة بجد مش مراكبيه

Unknown يقول...

انا فاكرة انا علقت فى الموضوعين دول بايه و انت عارف كانت الايام دى فيها ايه .. و ساعات معلش بيحصل استثناءات لضيقة بيمر بيها حد عزيز علينا كنت فاكراك فاهمة ده و انه شئ ما يزعلكش .. و ليه ما خترش فبالك مثلا انى مستلمة شغل جديد و بدخل يدوب علىالكوبيوتر فى السريع و كنت مركزة فى الفترة دى على الموضوع اياه .. كلمتك الاخيرة وجعتنى اوى انا نسيت يعنى ايه ضحك من كتر ما انا بشيل هموم غيرى اكتر من نفسى لكن مالكش دعوة بامثالى يا سيدى اكتب فى الى انت عايز تكتب فيه مش حركة من واحدة اسمها عاليا حليم لا راحت و لا جت حتخليك تحدد تكتب فى ايه و ما تكتبش فى ايه

و انا عمرى ما حنسالك اول تعليق علقته عندى خالص اول ما عرفتك خالص عمرى ابدا ما حنساه و يخلينى متمسكة بصداقتك و يخلينى مهما صعب عليا فى اتهامك ليا ده انى برده اغلط انا نفسى و اقول انا الى قليلة الذوق وما احستنش التصرف


الرسول قال ألتمس لاخاك سبعين عذرا .. كنت اتمنى تلتمسلى عذر واحد بس

و لما حد بيكون بزورك و بيسال عليك دايما افتركله ده مش تنسى عشرتكوت سوى و تفتركوا مرة فلتت منه و كمان كانت بعذر مش عن تعمد لانه دايما بيوضخ معزتك عنده

اسفة عشان طولت

Unknown يقول...

اه نسيت اوضح حاجة
انا اقصد التكرار عل المذكرات الطفل الطخين فقط و ليس على موضوعاتك الاخرى لان عادة بتقول رايك فى الروايات و القصص مرة واحدة بعد ما تخلصها مش بتقول رايك فى كل فصل بتقراه ...فهمتنى ؟..يعنى بقول هى على بعضها كلها تعنى كذا و ووجدت فيها كذا و اسلوبها كذا انما مع ذلك انا دخلت فيها كذا مرة و كل مرة بحاول ما اكررش كلامى عشان ارفع من روحك المعنوية و انت نفسك ما تزهأش او تحس انى بدخل عندك مجاملة و خلاص... معلش يمكن يكون تفيكرى متخلف فى الحتة دى خدنى على قد عقلى

ثانيا انا أسفة جدا انى بدخل عندك من غير ما استأذن و اعمل مقدمات للى حقوله معلش واحدة هبلة بتتعامل مع الناس على انهم اخواتها و مافيش بينهم حيثيات يعنى .. انا أسفة جدا انى تجاوزت حدودى أرجوا أنك تقبل أسفى و المقامات و مش حتخطاها تانى

Asmaa mahaba يقول...

هههههههه ذبيب ببليله
لالا عندى خلطه افضل
يعنى مباركتليش يا سووو على رئاسه الجمهوريه ولا اى حاجه ؟؟؟
طيب الحق شوف قايمه الجواز الجديده اهى فى صالحك
سومه_87

رئيس جمهوريه نفسى يقول...

سووو العجوز
اولا ليه تعليق فى سياق الحلق انى المشاهد ذات منك فى الحلقه فلو اتحسبو حتلاقيهم خمس مشاهد فى وقت قصير جدا
موضوع البصل اه والله كنت نازل القاهره مره الساعه خمس ونص الفجر وكان فى عربيه فول قدام رمسيس وفى الانتظار لقيت جنينه بصل على العربيه سم الله ومد ايدك بتتنسف وطبعا كان المشهد حتى السابعه وللاسف من الهئيه الى كان بيتقدم على الاعربيه موظفين الى بيتعاملوا مع الجمهور وتخيل سيادتكم الرواح الى بتخرج لما تتعامل معاهم
-----------------------------
بس ايه كرشه دى وسيله اتصال حديثه وطبعا زى ما انت عارفنى وسيله الاتصال دى عندى مرفوعه من الخدمه

Z_Diva يقول...

looool
howanta msh knt bts2al 3n esm atnada beh -walwin z_diva 5er esm wa 5ayor sefa :D-
tyb law "Lou" de msh mashya, monkin nmshiha el7agga om za3bolla, mnta 3arif za3bolla b2a zay ibny wana zay mamto brdon :D

كاميليا بهاء الدين يقول...

في كل اربعاء .. يتجدد اللقاء
ونحس بالجوع .. من سوووو المفجوع

تصدقي تنفع اغنيه يغنيها عماد بعرور
.....

الله اكبر

وكمان مصر بقى فيها مطرب اسمه بعرور؟؟؟؟!!!!!!

وده بيغنى فين؟ فى اشارات المرور؟

متقمص شخصية فلان ابن سرور؟

ده كده بقى جميل اوى

ابقى قولى بيغنى ايه

تحياتى

رندا يقول...

Soooo

يبقى انا كده نجحت في المخطط الارهابي اللي باعملو
اصلي عايز كل الناس تتخن وانا اتريق عليهم
نياهاهاهعهعهعهععععععع
انا شريييييييييييييير
انا شريييييييييييييير
انا شرييييييييييييييييييييير

هقوم اكل واجي اكل شر شويه
...........

اجمل ارهابى واجمل تخطيط هههه

فين باقى التخطيط طيب

كمل يلا

ولا لسة بتاكل ياخبر عليك
كفايا بقى اكل ههههه

دمت اجمل ضحكة واجمل قلب ياشرير ههه

رندا

Unknown يقول...

بعد ما وضحت ممكن اعلق على البوست ؟أذا كان لسة مسموحلى أعلق هنا يعنى على اساس ان كل تعليقاتى اتمسحت باستيكة و ما بقتش فاكرلى غير التعليقين الاخرنين لو مش مسموح قولى عشان ما احسش ان انا متطفلة عليك

اكتر مشهد عجبنى بتاع وصف اكل سندوشتات الفول و فتح الكيس و شرب مية السلطة ، طلعلى منك كاتب واقعى جنب الكاتب الساخر و متهيألى لو فتشت عنه و مزجته مزجو كويسة مع الواقعى حيطلع حاجة كده زى بلال فضل

على فكرة انا بعتلك سلام يوم الاحد الى فات .. وصل و لا لا ؟

shahy يقول...

انا مابحبش الزبيب
بس اية كمية الاكل اللي بتتكلم عليها دي حرام عليك ياراجل ارحم جوعنا
راعي ان في ناس بتقرالك وهي في شغلها وناس تانية بتحاول تعمل رجيم
اة يابطني ياني

انا عندي بليلة جوة هاقوم اعمل طبق من غير زبيب تحب اعمل حسابك

دمت لنا بأسلوبك الجميل الخفيف اللي من جوة اوي

وياخي ابجكشن

تحياتي ياولدي الغالي

إنجى يقول...

يااااه

انا اتعملى غسيل مخ
ومسيطر عليا حاجه واحده

انى اعمل مشروع بليلة بالذبيب
وانشر اعلانه مدفوع الاجر عندك
والاجر حيكون توريد طبق بليلة يوميا

وفى الافتتاح اعزم كوووووووول الناس فى التعليقات دول

والتذكرة بخمسة جنيه
جنيه تمن البليلة
واربعة جنيه عشان حكون سبب انهم يقابلوا بعض

دا انا هاكسب دهب

شكرا علي الاختراع او الفكرة

انا متابعة الحلقات بس بصراحه مبعلقش
مبلاقيش حاجه اقولها اكتر منهم
فمبحبش اكرر الكلام

تسلم ايدك

Soooo يقول...

اهو ده عيبه

ربنا يكرمك يارب
الف شكر والله على كلامك وعلى عزومتك وانا عارف انك قدها وقدود والله

ربنا يسعدك ويكرمك ويبسطك دنيا وآخره يارب




سلامووووووووووووز

Soooo يقول...

عاليا حليم

يعني اعمل فيكي ايه؟؟؟
لا بجد قوليلي اعمل ايه؟؟؟؟

يابنتي انا باتكلم معاكي باعاتبك عتاب الاصدقاء
تقومي تزعلي مني وتقولي مقامات وحدود وتستأذني قبل ماتعلقي وتدخليني فيلم هندي
خبر ايه يابنتي

على فكره
انا لو مش باقي عليكي كصديقه باحترمها بجد .. ماكنتش اتكلمت ولا عاتبتك .. وكنت نفضت وشيلت الحوار من نافوخي وقلت اللي عايز يعلق اهلا وسهلا واللي مش عايز براحته
لكن انا عشان عارف مين عاليا وباحترمها قلت اعاتبها

لكن تقريبا فيكي عرق صعيدي زي حالاتي فرحتي شايطه بطريقه انا مش مستوعبها خااااااااااااالص

وعموما ياستي حصل خير
ولا تتأسفي ولا انا اتأسف
مافيش بين الاخوات اسف اصلا

وسعيد جدا بتشبيهك لي بالكاتب بلال فضل ولو انه شرف كبير وانا بجد مش قده
الف شكر بجد


ملحوظه
يعني شوفي الموضوع ده انتي علقتي فيه كام مره .. تخيلي بقى لو وزعتيهم في المواضيع التانيه كانت الحياه هتفرق قد ايه
وش واحد بيطلع لسانه وهو بياكل شندوشت بلوبيف




سلامووووووووووز

Soooo يقول...

somaa mahaba

اهلا
هو انتي بقيتي رئيسة الجمهوريه خلاص؟؟؟؟
ياخوفي على البتنجان اللي البلد هتعيش فيه
ده انتي اكيد هتنقلي مقر رئاسة الجمهورية وتوديه الصرايه الصفرا بدل قصر عابدين

مش بعيد بدل ماحنا بنقول كوسه دلوقتي كمان شوية هنقول بتنجان

وعموما انا هاروح اهو ان شاء الله اشوف ايه الحوار





سلامووووووووووز

Soooo يقول...

رئيس جمهوريه نفسى

حوده حبيب قلبي
والله يابرنس انت اتكلمت في نقطه صح
اللي هي اني باتكلم في الحلقه دي في مجموعة مشاهد في فتره زمنيه واحده .. وده انا قاصده لان دي منطقة وسط الاحداث والحياه تشعبت ولازم احافظ على الربط مابينهم
----
بالنوسبه لوسيلة الاتصال .. فأحب ابلغك انك ماعندكش شبكة يا محمود ياخويا من اساسه

وحشتني والله ووحشتني قعدتك
ايه اخبار مصطفى كامل صحيح؟؟؟؟؟




سلاموووووووووووز

Soooo يقول...

Z_Diva

اهو كده
كده انا اقدر اناديكي واقدر اقول .. ام زعبولا راحت .. ام زعبولا جات

ألا هو اسم النبي حارسه وصاينه سي زعبولا .. عنده كام سنه دلوقتي ياشابه؟؟؟؟؟



سلاموووووووووز

Soooo يقول...

كاميليا

يانهار اثود
يانهار اثود
مش عارفه مين عماد بعرور؟؟
عماد بعرور؟؟؟
ده الادب بعرور
ده الفن بعرور
انا جبت الا بعرور
----
بعرور ده ياكاميللو مطرب عشوائي ظهر إبان ثورة اليمن وثورة الاتصالات
ومن أشهر اعماله الفنيه اغنية العنب العنب العنب .. والتي تمت سرقتها وتحويلها الى اغاني كثيره مثل
البلح البلح البلح
وكذلك اغنية
السمك السمك السمك
وكذلك اغنية
الجزر الجزر الجزر
وبالتالي واضح مدى ارتباطه بالشعب وتوفير هذه الانواع من الاكل للشعب في هيئة الغناء عنها حتى لا ينسى الشعب اسمها بعد أن نسي شكلها

وجدير بالذكر ان عماد بعرور قد قام بغناء اغنية أيظن في فيلم أيظن للمثله المتقده والنجمه المتفجره .. مي عز الدين

هذا ويقوم حاليا عماد بعرور بتسجيل البونه الجديد في استوديو سنجه في المدبح

والله ولي التوفيق




سلاموووووووووووز

Soooo يقول...

رندا

بافرح جدا جدا من حالة التواصل اللي بتحصل مابيني وبين اخواتي واصحابي المدونين عن طريق التعليقات المتتاليه
بجد باحس ان ربنا اداني اخوات محترمين وباعزهم وباحترمهم وباحب اتكلم معاهم قوي

ربنا يسعدك ويكرمك ويبسطك دنيا وآخره يارب
وربنا يديم المعروف




سلامووووووووووز

Soooo يقول...

shahy

ماما شاهي
هيييييييييييييييييييييييييه

انتي فينك يا ماما شاهي
تلاقي اخواتي عندهم امتحانات ومزاكره دلوقتي
ربنا يوفقهم ويباركلك فيهم يارب

ولو في عسل نحل هاتيلي بليله بالعسل والزبيب والبندق والفزدق والسندق واللندق
وماتسألينيش يعني ايه سندق ولندق بس اكيد في حاجه بالاسم ده




سلامووووووووووووووز

Soooo يقول...

إنجى

ياقهلا ياقهلا ياقهلا

بس خدي هنا .. انا نسبتي كام في المشروع ده؟؟؟؟
انا عمليه زي دي ماخدش فيها اقل من عششين جنيه

ملحوظه
يافندم انتي تشرفيني في اي وقت وتعلقي وقت ماتحبي وتقولي اللي عايزاه
وربنا يكرمك ويسعدك ويبسطك دنيا وآخره يارب



سلاموووووووووووووووز