!!! عارفين الفار لما يتحط جوا مكعب صغير قوي .. مكعب يا دوب اكبر من حجمه بحاجه صغنغنه
!!! عارفين لما أرضية المكعب ده .. تكون سخنه نار .. والفار مش عارف يقف على بعضه
!!! عارفين لما جدران المكعب تبقى متكهربة .. ولو الفار لمسها يتكهرب ويتلسع
.. أهو انا بقى .. في وسط الفلقطه والشقلطه والمرمطه اللي انا فيها حاليا
حاسس اني برغوت على ضهر الفار اللي اتكلمت عنه آنفاً
إيه آنفاً دي!!!؟؟
ملحوظة .. بس شقية
!! البت المشمشية حلوة بس شقية .. ضيّعت مدونتها اللي كانت لسه عاملاها مافيش كام يوم
وعملت مدونة تانية بنفس الاسم برضه .. ونقلت كل مواضيعها في المدونة الجديدة
.. ولأنها طول عمرها ناصحه نصاحة ما وردتش على حد .. قامت عملت مدونتين بنفس الاسم
.. والاتنين في نفس ذات البروفيل .. عشان لما الباسوورد تضيع منها تاني مره
!!! المدونتين يضيعو مره واحده .. ونخلص
عمولتي تتشال على باب المدونة يا مشمشية .. ماشي يا حاجه ؟؟؟
سوووو
هناك ٢٥ تعليقًا:
يا ضنايا يا اخويا
ليه كده يا ابنى مين مشقلطك كده ؟؟؟
يلا مش مهم كل شقلطه وانت طيب
ماهو انت لو ما كانش زوقك وحش كنت شوفت حاجه تانيه غير الفار تقف على ظهره ياعم انت
تحيااااتي لك
ايه ده ايام ذا فييرست واااااان
طيب ناخد التاني بقى مدام انتم لسه نايمين
فيناس كتير بتتشقلط من غير ما تاخد اي حاجة
وناس كتير بتتنطط من غير ماتبقي محتاجة
على فكرة انا كل ما اسمع كلمة شقلطة دى بفطس على نفسى من الضحك كان حد بيظغظغنى
هع هع هع
بس ليه كدة يا سو.. مين اللى شقلطك يا خويا.. قوللى بس وانا..........اجى اشقلطك معاه
ههههههههههههه
بهزر طبعا.. قوللى انت بس وانا اخنقهولك
ابقى زورنى يا سووو فى مدونتى الخنانيقى
سلام يا سى سوووووووو يا متشكلط
هههههههههههه
. في وسط الفلقطه والشقلطه والمرمطه اللي انا فيها
كل ده
يا حرام
معلش ربنا يوسعلك المربع شويتين تلاته
كون انك تحس انك البرغوت اللى واقف فوق ضهر الفار
ده حاجة كويسة
ده معناه ان تحتيك ارضية مش سخنة ولا حواليك جدران مكهربة
طب تعمل ايه بقى فى واحدة
كانها هى الفار ؟
مجرد تشبيه برضه
وبعدين انا مش فاهمة مانتش عايزنى انشر التعليق ليه
ده انا ضحكت ضحك؟
ده تعليقك ده تقريبا هو الى اوحالى بفكرة كتابة اخر بوست
روح يا سوووو انت من الاحرار يابنى
سلام
اختك خيخة
لية دة كلة على العموم انا اعرف ان انفا معناها مناير
هههههههه
يا ابنى ايه اللى اجبرك على الفار ده
ما الفيران متلقحة فى الشارع كتير
خلاص كيفك جه تبقى برغوته عل ظهر فار متنيل بستين نيله
هههههههه
يا سلام عليك يا واد يا سوووو وانت مشقلط على ظهر الفار فشر الطبق الطاير فى دريم لاند
تحياتى
ربنا يعينك و يفك كربك و يفرج همك
وانا حاسه بنمل في دماغي
الشعب كله قرب يشد شعره
هههههههههههههههههههههههه
ايه ياسوووووووو
على فكرة ده نتيجة انك مابتجيش عند موجة تشوف بوستاتها وتعلق عندها
رغم انى مفهمتش من البوست ده غير انك فى موود مش لطيف لكن بقولك انى برضو كالمعتاد فطست على نفسى من الضحك
ولسة عند وعدى كل ما احس انى مخنوقة هاجى ازور مدونتك
ياسوووو
فكرتني بمقولة كنا بنقولها لبعض في ثانوي :)
ماهي قمة الألم ؟؟ وما هي قمة الحيرة ؟؟؟
وما هي قمة الدهشة ؟؟؟
فاكر الأسئلة دي؟
-أنا هاقولك حل أول واحدة وأنت كمل
قمة الألم إن حد يتزحلق على درابزين (أمواس) وينزل في برميل كولونيا
مجرد تشبيه برضو:)
سووووووووووووو
ايه التشبيه العجيب ده
طاب وانت ليه شبه البرغوت اللي فوق الفار
دا حتي سيادته قاعد فوق في التكييف ونايم علي الفرو مش داري باللي بيحصل للفار
وعموما جلد الفار غير جيد التوصيل للحراره والكهرباء
اصله مش من الفلزات ولامؤاخذه
اولا بما انه اول تعليق هنا فى البلوج اللى عجبنى بجد جدا جدا جدا لانه بيضم فى كل بوست فكره ومضمون مش مجرد كتابه للكتابه وبس
فانا مضطره استاذن يعنى
وعموما حتى وان لم تقبل فانا ليا الشرف
:)
اسمحلى بالتعليق:
تفتكر الفأر لسه عنده احساس ؟
اصلك نسيت تقولنا المده اللى قضاها الفأر فى المكان دا!!
ودا مهم لانه لو بقاله فتره كبيره ممكن يكون احساسه انعدم
!
عقبال عندنا
انما البرغوت فربنا يكون فى عونه لانه لو وقع الموقف هيبقى صعب اوى عليه
:)
ربنا معاك ومعانا جميعا
شكرا بجد للبوست الرائع لانه خلانى اشغل دماغى ؛)
ههههههههههههههههههه
انت اكيد اكيد بتتفرج علي توم وجيري اليومين دول كتير
برافو عليك علي فكرة نور بنتي بتحبه قوي ههههههههههههههههه
فشررررررررر سوووو برغوت وعلي ظهر فار كمان
انت فارس علي حصان هههههههههه
كل التحية لك
مشوف حكاية البرغوت والفار دي علي المسنجر معاك
ههههههههههه
اولا لازم اشكرك على ردك المحترم جدا على تعليقى عندك المره اللى فاتت
ومتشكره لتوضيح وجهة النظر
وطبعا عندك حق بس انا برضو شايفه انه لا تذر واذره وذر اخرى
تشبيهك فى البوست ده غريب
وحاسه بيه وبيك اوى
بس ياترى ليه وايه حاصلك حاطك فى الموقف الوحش ده ؟!
فى كل الاحوال يارب تكون دلوقت احسن
واسفه لو ماقدرتش اتابعك كويس لانى عادة مش بقرا فى المدونات كتير بسبب ظروف دراستى
وعلى فكره
صدقنى انا عارفه ان مش مفروض نحكم على حد من حاجه واحده او موقف واحد انما لازم من المره اللى فاتت احكم على خفه دمك :)
نسيت اقولك
الفار صعب عليا اكتر من البرغوت :)
سلامتك ياسووووووووو
من النار وعذاب النار
سواء فى الدنيا ولا الاخرة
وطبعا سلامتنا معاك احنا والكل
ماهو مكدبش عليك مش حأتمنى لك السلامة
وانسى نفسى ولا أنسى الناس التانين!
الف سلامة على الجميع يارب .
ويارب يارب يارب يارب
ربنا يخليك ويفرج همك ما
تجيب سيرة البراغيت ادامى
عارف لو مليون لأ بلاش مليون
دى كبيرة لو 107نفر موجوديين
فى اوضة ومعاهم برغوت واحد حيسبهم
ويجى لى !!بخت بقى تعمل ايه؟بتموت فيا!
لله فى لله ربنا يكفيك شر الحب البراغيتى:)
هههههههههه
بص
انا مقرتش بصراحةا لبوست بتاع الفار ده
لانى بصراحة بخاف من الفيران وبكره سيرتهم
وومقرتش لمجرد انى ممكن اتخيلهم
تانى حاجة
والله العظيم انك جدع جداااا
ومش عارفه اقولك ايه
اتعبلك كدة يا معلم يوم فرحك واوزع شرباتك بيأدى بجد بجد والله مش عارفه اقولك ايه
تسلم ايدك بجد
هههههههههههه
قريت البوست بردو
هههههههههههه
انتا برغوتة ازاى يعنى
وعلى ضهر فار
يع
وعمال تتشقلط
وده كلو ليه
أزيك يا سووووووووو؟
أيه الاخبار
أنا جيت أسأل عليك
ياااااااااااااا برعوت وانا اللي كنت فكر بيني ادام
هههههههههههههه .. فترة وتعدي يا سووووووووو
وتقريبا هو فقراير كده على الكل
يارب يخلص بقى
طب سؤال
هو باب المكعب مفتوح ولا لأ ؟
كلامك عجبني بس انا قرأتة من تحت لفوق علشان انا بحب اجيب من الاخر
وفتك بعافية
إرسال تعليق