زمان قوي .. عباس العقاد - الله يرحمه - قلع جزمته في البرلمان لما كان عضو .. وقال اللي هيقرب للدستور ولا يفكر يعدله .. مالوش عندي غير الجزمه
!!!!!
وآدي الدستور بتاعنا اتعدل .. واحنا لابسين جزمننا
ولا حد قلعها وانا مش واخد بالي ؟؟؟؟؟
آه صحيح .. في موضوع في سينماتك عن أمريكا برضك .. ده لو حد مهتم يعني
سوووو
هناك ٣٠ تعليقًا:
انا اول واحده مش معقوووول
وده تانى تعليق ليا بس
بتهيالى فى ناس قلعت جزمتها
ولبست شبشب ...بس يعنى ايه باتا وايه الاحذية الذكية دى ده كده الواحد لما يقول لحد يا جزمة يبقى بيحترمه!!!
أنا ضحكت قوي و هو بيتفادى الجزمة
ليه كل واحد بيهنّي حالوا انه اول واحد علق على البلوغ تبعك؟ هو في جائزة وللا شي؟ ما تنسى خروتشوف في مجلس الامن كمان استعمل الجزمة. من هلق ورايح لازم نلبس جزمة signee الواحد ما بيعرف شو ظروفه.
مرحبا
بس الحلو في الموضوع الاعلام الغربي ما جاب سيرة مقارنة مع التغطية الاعلامية لمنظر تدمير تمثال صدام
وعملو مقابلة مغ مرته لبوش تاني نهار
ولا زي كانه جوزها انهان بالعكس اخدت فريق المحطة في جولة جوا البيت الابيض!ء
كان نفسي اعرف بس طلع من العراق باتجاه افغانستان وقابل الناس اللي هناك
السي اي ايه خلت الحضور يشلحو كنادرهم؟ء
يعني ليكون واحد تاني مجهز كندرة بس نمرة اكبر
:)
حلو اوى العنوان متانة وخياطة
بس الموضوع ده فكرنى بحاجة ضحكتنى اوى بس مش هقولك عليها وسلام بقه قبل ما النت مايفصل تانى
كويس انى دخلت كتبت الكلمتين دول
اول مره اعرف الحكايه دي ههههههههههههههه
طيب ادينا مستنين جدع بجزمه
ههههههههه
بوست جامد .... و مش عياس العقاد بس...جوريتشوف قلع جزمته في الامم المتحدة برضه ....ههههه
عادل
http://elbald-dy.blogspot.com/
والله يا سووو
الظاهر بقى حرام علينا نقلعز جزمنا حتى واحنا نايمين
يا عم الحج انا بقينا شعب جبان
عايز يعيش وخلاص
مش مهم بقى يعيش مذلول ولا خاضع للظلم
عاااااااااادى خالص
ما كله عايش كده
المهم انت تمام يا سوووو
يا رب تكون بخير دايما
سلام
أهلا ..
أظن مصدرك على خطأ، فالأستاذ العقاد لم يقلع حذائه قط داخل البرلمان حينما كان نائبًا، والحادثة الشهيرة للأستاذ العقاد التي تقصدها، فقد تكلم فقط فيهها بحدة ولم يشتم أو يقلع أو يقذف شيء ..
فأرجوا التعديل حفاظا على التاريخ على الأقل فيمكن واحد يحسب أن الأستاذ العقاد كان سوقيا لهذه الدرجة !!
ويمكنك التأكد من الحادثة من أي كتاب أو موقع يتحدث عن الامر :)
اه يا ابو حميد لو كنا نقدر نقلع جزمنا كلنا ونحدفها على الناس اللي بتضايقنا كنا استريحنا كتير قوي
بس اعتقد ان الناس معترضه على الحكايه دي وبيقولك سوقيه واسلوب مش سليم لأن كل واحد فينا اكيد اذى حد تاني وممكن هو نفسه ياخدله جزمتين على اللي عمله
امبارح اتفرجت على برنامج بيناقشوا موضوع الجزمه ده وجابوا ناس معرفش منين مش عاجبهم التصرف وبيدينوه وكلام فاضي كده معجبنيش حسيت ان بلادنا العربيه هتفضل دايما متأخره ولا نتفق على شيء حتى الجزمه
سلااااااااااااااااااااااااااام
اخوك ايهاب
ازيك يا راجل يا عجوز
انا قريت كل التدوينات اللي اتكتبت في الصفحه دي لما دماغي صدعت
جميل اوي اعلان باتا ده
بس تفتكر ان كده في خطر علي مصرو لو حد من القلل المتحده شم خبر بالموضوع
أمال
سعيد جدا بتشريفك لي بجد
وعلى فكره .. اول تعليق ليكي عندي على موضوع اهداء .. من احسن التعليقات اللي جاتلي في حياتي التدوينيه
وماتتصوريش مدى سعادتي بكلامك في حق شخصي المتواضع
ربنا يارب يسعدك ويبسطك ويكرمك دنيا وآخره يارب
سلاموووووووووووز
مهندس مصري
عارف ياهندسه لما بوش كان بيتفادى الجزمه .. لقيتني باتخيل اني كنت في المؤتمر وقمت قالع جزمتي انا كمان وعمال انشن عليه
وتخيلت اني لو نشنت ورشقت في نافوخه .. هاخد جايزة عروسة .. زي لعبة النشان اللي في المولد
بس بيني وبينك هو يستاهل اكتر من كده
ده خرب العالم واقتصاد الكرة الارضيه
متخيل يعني ايه واحد فرد يبوظ اقتصاد عالم بأسره
دي مصيبه
يلا بقى هنعمل ايه
ليك وحشه والله ياهندزا
سلاموووووووووووز
Barracuda
والله يابركودا ياخويا ولا ياختي .. انا عن نفسي مش عارف ايه الميزة في ال تعليق سواءا عندي او عند غيري
وشايف كل التعليقات بتعتبر احترام من اللي بيقرالي حتى لو كان التعليق رقم ميه
اه طبعا في خروشوف .. وفي الشعب الجورجي لما رفعو جزمهم بيودعو الرئيس بتاعهم شيفرنادزه
وفي جزمة مرتضى منصور -لما كان رئيس نادي الزمالك - في ماتش الاهلي والزمالك .. واللي قال انها مش جزمتي بدليل انها مالهاش ريحه
!!!!
وبيني وبينك .. نوع الجزمه أو ماركتها مش بيفرقو لما الواحد بيكون دمه محروق
بس المهم اننا نلاقيها بعد ما نتنرفز
سلامووووووووووووز
Nani
ياااااااااااااااه
والله العظيم واحشاني وحشه متوحشه بجد
ازيك وازي اخبارك .. يارب تكوني كويسه يارب
وفعلا ماعملوش مقارنه خالص بين الحالتين
مع انهم في نفس الدوله ومن نفس الشعب
دول كانو مسلمين شيعه وضربو تمثال صدام بالجزمه نتيجة قهرهم
ومنتظر برضه مسلم شيعي وحدف جزمته على بوش من قهرته
تصدقي لو فعلا بتوع افغانستان واحد منهم حدف الجزمه بتاعته على بوش كانت هتبقى خبر الموسم
جزمتين في يوم واحد
ههههههههههه
بس بتوع افغانستان مقاس رجلهم كبير .. يعني الجزمه هترشق هترشق
ليكي وحشه والله
سلامووووووووووز
البت المشمشية حلوة بس شقية
لا ياشيخه
يعني انتي جايه بتشوقيني للموقف اللي حصلك وبعدين تروحي خالعه
لأ ماليش دعوة
انتي لازم تعملي موضوع بالموقف اللي جه في بالك ده والناس كلها تقراه
انا برضه باكتب التعليقات بصوابع ايدي ورجلي عشان الحق قبل النت مايقطع تاني
سلاموووووووووووز
صبرني يارب
عارفه .. انتي جدعه بجد
ربنا يهيئلك خير الدنيا والاخره من عنده يارب
سلاموووووووووووز
adel
قصدك خروشوف
وفي ناس تانيه برضه قلعو جزمهم
لدرجة اني لما قريت شوية في الحوار ده .. لقيت ان في رباط وثيق بين السياسه والجزمه
ولقيت ان مختلف الشعوب عارفه ان الجزمه للتحقير والتقليل من شأن الشخص المحدوف بالجزمه
ربنا يستر والواحد مايلاقيش جزمه محدوفه عليه من اي اتجاه
سلاموووووووووووز
حنين القلب
مسيرنا بكره ولا بعده نتشجع ونقلع الجزم
بس ياخوفي مانقلعاش بمزاجنا ونمشي حافيين ونشحت في الشوارع واشارات المرور
والله ليكي وحشه ياحنين
ربنا يسعدك ويريح بالك دنيا وآخره يارب
سلامووووووووووووز
أحمد
اولا اهلا بيك وبزيارتك لمدونتي المتواضعه
ثانيا .. انا مش باقصد اي تقليل من شأن الراحل عباس العقاد
ده اكتر شخصية أدبيه باعشقها اصلا
والكلام اللي قلته على لسانه بالعاميه المصريه قلته لتقريب وجهة نظره ساعتها
بس هو فعلا قلع جزمته في البرلمان
وعلى فكره .. الموقف ده مش جايبه من خيالي .. الموقف ده مذكور في كذا مصدر عن حياة عباس العقاد
وكمان انا افتكرت الموقف ده لما اتنشر في جرنان الاهرام في يوم الخميس الموافق تمنتاشر ديسمبر في الصفحه الخامسه تحت باب اسمعوني اللي بيكتبه الاستاذ نصر القفاص في اعلى الصفحه من على اليمين
واتكلم استاذ نصر في الموضوع ده وقال كذا موقف تانيين لشخصيات مختلفه لجأت للجزم كنوع من أنواع الاعتراض
وده ايميل الاستاذ نصر القفاص لو حضرتك تحب تتأكد من مصدره للخبر بنفسك
nasr_elkafas@hotmail.com
وسعيد بزيارتك لمدونتي
سلامووووووووووز
الشنكوتي الكبير
ماهي هي دي الازدواجيه في التفكير عندنا
يعني نحب ناخد حقنا تالت ومتلت .. ولما نبقى جايين على حق حد .. نقول ده ظلم وافترا
سيبك انت .. ليك وحشه والله ياصاحبي
سلامووووووووووووز
Zika
ازيك يابو الزيك
ليك وحشه والله ياعم
وماتقلقش .. حق الصداع ده عندي .. مج نيسكافيه بلاك وحباية بنادول هيظبطو دماغك ويخلوك آخر روقان
وماتقلقش على باتا .. باتا اصلا شركة طولياني .. مش مصريه ميه في الميه
هو بس احنا افتكرنا انها مصريه ميه في الميه عشان الجزم بتاعتهم كنا بنجيبها في حصة الالعاب .. اي نعم كانت بتبوظ بعد ربع ساعه من الحصه .. بس برضه ليها هيبه
سلامووووووووووووز
انا قريت الموضوع فهمت انه عن الدستور قريتا التعليقات فهمتها انها عن بوش واللى حصل
هو منين بيودى على فين لخبطونى
كلها جزم بس مين اللي يقلع بقي
وكان لازم نقلع الجزم علشان نكرم بيها الناس اللي بتغتصب حقوقنا
،،،،
يبدوا ان الدستور لما اتعدل جرم قلع الجزم لأي سبب كان0000 وده السبب اللي خلي سرحان عبد النصير يقعد يعيط كتير قوي(هو يعيط وهي تعيط) ومش قدر يقلع الجزمة - مع انها ضيقة عليه
،،،،،
وأكيد هيكون هناك تعديلات أخري وتجريم للجزم (التي تعتبر أرض أرض وتطلق من منصات ثابتة أو متحركة))ربنا يعديها علي خير
العنوان عظييييييييييييييممم
بسم الله الرحمن الرحيم
السلام عليكم
اخى الكريم تقبل مرورى وتحياتى
مش هعلق على موضوع الجزمة لانى علقت عليه كتير فى مدونات تانية
بس بجد الموضوع حلو والمدونة كلها جميلة وان شاء الله هكون من زوار المدونه باستمرار وياريت تتقبل مرورى
ســــــــــــــلام
من واحد عجوز زيك
هههههههههههههههههههههههههههههههههههههه حلو موضوع الجزمه ده
واحلي جمله :احذيه عابره للمؤتمرات الصفحيه
الشعب بقي حافي اساسا من الفقر اللي شايفينه
جزم ايه بقي
دي رفاهيه
دوالفتره الجايه للشباشب والقباقيب
سو يا حبيبي
الافغان ما بقدرو يرمو على بوش كنادر لانه وبكل بساطة رجليهم انقطعت من اللغام اللي زرعها حلف الشيطان والروس بالارض
فما في داعي للكنادر من اصله
والعكاكيز اللي بشمو عليها مش مكفيتهم وصعب يجيبو بدالها
إرسال تعليق