الثلاثاء، 25 ذو الحجة، 1429 هـ

!! تصريح .. بـ مقارنة

صرّح مصدر مسئول في الحكومة المباركة .. بأنه عقب أحداث قطع خدمة الانترنت للمرة الثانية في خلال عام واحد - وذلك عن طريق تشكيل عصابي مكوّن من مجموعة ضالة من أسماك القرش الخارجين عن القانون .. والذين تفننو في قطع كابل الانترنت عن دولتنا المباركة فقط دونً عن باقي كابلات الدول الغير مباركة - وعقب ما أصاب المواطن النِتاوي من هذا العمل الإجرامي الذي يهدف الى تكدير الأمن العام والأمن الخاص وأي أمن في الحياة
صرّح المصدر المسئول .. بأنه سوف يتم إقالة وزير الاتصالات .. السيد الأستاذ الدكتور الشهيد الفقيد / علي لاسلكي
ونظرا لأن قطاع مستخدمي الانترنت من أكثر الناس معرفة بمتطلبات وسمات هذه الخدمة وهذا الوزير .. تم الاتفاق على أن يختار الشعب هذا الوزير من الشخصيتين المرشحتين الآتي ذكرهم
اسماعين راوتر
عبخالق سويتش
كان يعمل في خمس سايبرات أو مقاهي انترنت وعنده أكاونت فيس بوك !!
كان يعمل في مركز فيديو جيم وبلاي ستيشن .. وقهوة بعره في وسط البلد !!!
له القدرة على عمل ريستارت للرواتر بمفرده ودون تدخل مباشر أو غير مباشر
بيفضل شغال لغاية ما السويتش يتحرق ويقطع النت ويخنق الناس
ضمان ثلاث سنوات .. شاملة سوء الاستخدام
مافيش ضمان ولا بتاع .. وقول ياباسط !!
يتم تحصيل أجر الخدمة عن طريق مندوبين مجانيين ودون زيادة في مصاريف التحصيل
بتروح تدفع بنفسك .. وبيتزوّد على اللي هتدفعه حق التمغه والشاي .. وكل سنه وانت طيب يا بيه !!
له سابقة خبرات في أكتر من منطقه ومشهور بالسمعة الحسنه
له سوابق في مديرية الأمن بلطجه وفرض إتاوات .. و أهلو متبريين منه !!
ابن حلال مصفي ومالوش في اللوع وشغل التلات ورقات
واحد أهلو متبريين منه .. يعني عدّى كل مستويات الانحراف بالصلاتو عالنبي !!!
إمكانية زيادة عدد المشتركين في الخدمة عن طريق شراء سويتش جديد .. وإضافة راغبي الخدمة في أقل من يوم
هنرمي السويتش القديم .. ونعطّل النت قد اسبوع عشر تيام شهرين تسعه .. على مانجيب سويتش جديد
شغلانه مش سهله يعني !!!
ممكن يدفع رشوة تطبيقا لمنطق المفتي في جواز دفع رشوة في حالة ان ده مش هيضر بحد .. وإن الراشي بيعمل كده عشان ياخد حاجه من حقه
ممكن يدفع رشوة تطبيقا لمنطق المفتي في جواز دفع رشوة في حالة ان ده مش هيضر بحد .. وإن الراشي بيعمل كده عشان ياخد حاجه من حقه
-
هذا ولأننا شعب غير ناضج فكريا وعقليا .. وبنسيب نفسنا للعاطفة تشقلطنا كيفما تشاء .. فقد صرّح نفس المصدر المسئول اللي في أول الحوار .. بأن الحكومة قد اختارتلنا الوزير الجديد خلاص .. والبيان ده تحصيل حاصل .. أي كلام يعني
واختارت لنا حكومتنا المباركة .. السيد الأستاذ الدكتور الشهيد الفقيد / عبخالق سويتش
مش عشان حاجه غير انها تحرق دمنا .. مش أكتر !!
---
ملحوظة بلماضة
---------
الف شكر لـ لماضه عشان ساعدتني في تنسيق البوست ده .. خصوصا حوار جدول المقارنه
ألف شكر ليكي بجد .. انتي بس لو بطلتي تاكلي قلقاس عالمسا .. هتبقي زي الفرن !!
سوووو

هناك 62 تعليقًا:

جعلوني مريض نفسيا يقول...

ياراجل


خلاص ماااااااااااااااااشي

Unique يقول...

المقارنة دي داخلة في الامتحان !!

اذا كانت الاجابة بنعم .. يا ريت يعني ..
يرجى ارسال نسخة مصغرة منها ( برشامة )
عملا على سهولة التداول والدال على الخير زي اللي عمله بالظبط

3ala asm masr يقول...

ايه ده انا من اول تلاته
مبروك ليا
هى الحكومه كده غاويه تخنقنا حتى فى الامتحانات
ربنا ع القوى

بنت مصريه يقول...

هههههههههههههههههههههه
دول مسجلين خطر دول ولا ايه يا سووو
تلاقيهم هم اللى سلطوا سمك القرش ههههههههههههههههههههههه
بوست جميل يا سو والجدول حلو قوى

ممكن اعرف رايك ف بوستى

أحمد (زوج مخنوق سابقا ) يقول...

عبخالق سويتش و اسماعين راوتر
المفروض نجيب المفتش كرومبو هو اللى يعرف يختار

بوست جميل
تحياتي

Oussama achraf يقول...

looooooool

ست البيت يقول...

ايد دا انتو حتسوحوا على لا سلكي ؟

طب دا كان راجل زي الفل ...
ايه يعني النت فصله مرتين في سنة واحدة ؟
اولا أحمدوا ربنا أنكوا لطشتوا في السنة دي أساسا وما كانش مصيركم زي الكبلات في بطن القرش

ثانيا احمدوا ربكم انكم لطشتم في الخدمة دي ولولا موقع مصر الرخم اللي واقف بين أوروبا وافريقيا واسيا زي عسكري مرور ميدان التحرير كده
كان زمانا بنتهته في كلمة نت
وبنفتكرها كلمة عيب

يا عم قول الحمد لله
عيال ما ينفعش معاها إلا الواد سويتش صحيح

nour shahen يقول...

ههههههههههههههههه
البوست دمه زي السكر الله يكرمك
ومحتاجين تنزل شرح عملتو الجدول ازاى علشان تكون فايده عامة ومتفكرش تقول لا ملناش دعوه بالحكومه ولا بمرشحيها
تحياتى ليك

خمسة فضفضة يقول...

السلام عليكم ورحمة الله وبركاته

ههههههههههه

دا قطع النت ده بيعمل عمايل في دماغ البشر

ياخراااااااااااااااااابي


الف مبروك للسيد عبخالق سويتش اما الحق اروح انزله تهنئه في الاهرام بمناسبة اختيار سيادته كوزير اتصالات جديد


----

كنت لسه هاقولك عملت الجدول ازاي لقيتك بتقول لماضه مش عارف ايه

اما اروح اسأل لماضه بقي


سلام

Ahmed Al-Sabbagh يقول...

:))))))))))))))))))))
بوست جامد جدا جدا
انت عملت الجدول ده ازاى يا بن منطقتى
عفريت طول عمرك ولاسلكى

انا حره يقول...

انا جيت تاااااانى

البوست عسل زيك ياسوووو

المعتصم يقول...

بسم الله الرحمن الرحيم
السلام عليكم
أنا شخصيا كنت هختار عبخالق سويتش عشان انا عارف انه هو المرشح الاقوى يبقى لما تجيبه الحكومة بعد كده اقنع نفسى باننا احنا الشعب اللى اخترناه اخترناه وربنا يخليلنا الحكومة
موضوع جمييييييييييل
تقبل مرورى
والسلام عليكم ورحمة الله وبركاته

واحدة مفروسة يقول...

ههههههههههههههههههههههههههه
نما الى علمنا
ان هذة الكابلات
كانو بيدهنوها بمادة علشان تعيش اكتر
قوم سمك القرش قرمها اول مرة و اتسلطن و عمل دماغ
قوم راح جاب بقية العيلة تعمل دماغ تحت
هههههههههههههه

كيكى يقول...

يافضحتى...عبخالق.!!!!
طب ودة حضرتك على اتنين ماوس هدية ولا لا؟؟؟؟؟؟؟؟
ولا هيجبلنا فار دكر صاحى
الا هو بيفهم فى الجريجى ياسوووو
سوال يطرح نفسه؟؟؟؟
ام لاواحظ كدة فى السريع
*********
جميل موضوع المقارنة دة لانة جديد الاستيل دة..تسلم بجد
عوووووووووووووووووووووووو

مهندس مصري يقول...

تصدق انا برضه توقعت انها حترسى على عبخالق سويتش
لإن حكومتنا دايماً ماشية بالمختلاف

لماضة يقول...

هههههه ماشي يا معلم
طيب يمشي المحشي ولا برضه طبيخ غامق زي القلقاس
:)
لا شكر على واجب
عشان تعد بس الجمايل دي
:)

عاشقه وغلبانه يقول...

علي لاسلكي بتاع الشيشه والقهوه
اه افتكرته اللي مادفعش الاشتراك
المهم احنا كلنا ورا عبده الكفتجي هو انسب واحد للمنصب اللي ماترشحش له اصلا
حسبي الله ونعم الوكيل في دي حكومه جيبانا وراااااا

تحياتي

Sharm يقول...

فطسطنى من الضحك

بنت الغربة يقول...

ايه العسل ده
لو كل الوزارات كده كان البلد حالها اتعدل من زمان دى الوزرا الى تعمر وتعيش - وبرضه ماتعملش حاجه
تحياتى ليك

البت المشمشية حلوة بس شقية يقول...

عجبتنى المقارنة اوى هبقى اعمل واحدة منها فى الامتحان يمكن يحصل معجزة وانجح المرادى


وشكرا للماضة
انا قولت بردو ان حد ساعدك فيها
هههههههههههههههه
بهزر طبعا
بس انا موت على نفسى من الضحك من الى جو ة المقارنة

عقل مهوي يقول...

طب هو التنسيق ده بيتعمل ازاي؟؟
صباح ومسا قبله

Ah يقول...

كالعادة يا سووو موتنى من الضحك
مقالة جامدة

لما تيجى تنزل عالقهوة ابقى رنلى :))))

Emmo

shayma يقول...

هههههههههههههه

وهو ده المطلوب اثباته

جامده اوى المقارنه دى يا سو
:)

الحرامي يقول...

بيا ن رقم 1
بيان تأسيس العصابة
يشرفني انا الاستاذ / حرامي لص نشال

ان اعلن لكم عن تأسيس اول عصابة لسرقة المدونين

واحب اعرفكم اني خلاص بقي عندي عصابتي
واسلحتي ومفاتيحي وطفاشتي واعلن لكم جميعا عن ميثاق الشرف لتأسيس هذه العصابه

ويتضمن المواد الدستوريه التالية
1- ان لا يتم سرقة الا ما هو نفيس وغالي وعلي المدونين اللي أي كلام انهم يتطمنوا لاني مش هقرب ناحيتهم
اما المدونين المتميزين فيعرفو اني هسرقهم هسرقهم
2- اي عملية سرقة او سطو مسلح لن تتم الا بعد التهديد والوعيد يعني هبعت رساله للزبون اقوله اني نويت اسرقه
3- يتم ترك بصمات(تعليق ) علي كل مدونه تمت سرقتها عشان تعرف انها اتسرقت


4- يتم عمل نقطة بوليس (عندي في المدونه ) لتلقي البلاغات والشكاوي والتعليقات

5- لن يتم نشر اي موضوع الا اذا كان مسرووووق يعني انا مش هكتب حاجه من عندي

6- ان جيت في يوم واتقفشت فسوف اعلن توبتي وابطل سرقه واحل العصابه
وعشان تقفشني لازم تعرف اسم المدونة الاصليه بتاعتي اللي هيه مش سرقه يعني
- يتم نشر هذا البيان علي اكبر عدد ممكن من المدونات للعلم فقط
اعلانات مبوبه
اعلان لكل الجرايد الرسميه والغير رسميه
مطلوب مساعدين لحرامي.... علي ان يكونوا خبره لا تقل عن عام في السرقه والنصب والتدوين وعلي من يرغب في التقدم للوظيفه ارسال cv وصورتين او تعليقين
امضاء
الحرامي الكبير

أحسن تـستاهـل يقول...

يختيييييييييييي
فكرتني بموظفين الآي تي اللي عندنا في الشركة

اول مشكله نواجهها: اعملوا ريستارت
ده انا لو الكرسي بتاعي باظ هيقولولي برضه اعمل ريستارت

سيبك انت
أخبارك ايه يا سوووو

بقولك يا أبيه،، كلمة كده على جنب يا اخويا

انت رحت قهوة سادة؟؟ المسرحية اللي ف مركز الابداع بدار الاوبرا؟؟
بص انا لما اتفرجت عليها ما تسألنيش انت جيت في بالي ليه

قولي يا سوووو بجد رحت ولا لأ
لألألأ ماليش دعوة لازم تروح

رد عليا عشان اقولك التفاصيل لو ماكنتش رحت

مها ميهوووو

حنين القلب يقول...

يعنى الموضوع كله حرق دم وخلاص
طيب فين الجديد
يعنى جت على النت
ما كله يحرق الدم
سوووو تعالى اقولك حاجه
اول امبارح وانا بتفرج على العاشرة مساء وعلى غير العاده طبعا
لقيت واحد مسئول اقتصادر بيقول ان الاقتصاد بتاعنا هيهتز الايام المقبله وده على حد قوله
وقال ان المفروض الناس تعمل حسابها يعنى يدل ما تشترى طقمين شتوى تشترى طقم واحد وتخلى قرشين لان الايام الجايه هتكون اسوء من اللى فاتت
يعنى ياخويا انسسسسسسسسى
ولا اكل وشرب ولا لبس ولا نت
يبقى النت بس اللى هيحرق دمنا
يا عم قول يا باسط تلاقى عبالباسط باسطها
سوووو وشحتنا

EmY يقول...

هو النت بيقطع ليه يا سيوو اشمعني احنا الي في العذاب ده

بس الوزرا الاتنين اساميهم تدل علي كفائتهم و طبعا احنا في بلد ديموقراطي من حق الشعب يختار الي هو عايزه و من حق الحكومه تديله بالجزمه

جنّي يقول...

كان الله مع اهل غزة وليغفرالله لنا تقصيرنا معهم ..

كل من له عينان يرى التواطؤ الكريه من حكومة فاسدة وحزب فاسد .. اما وانه قد خدع رئيس اكبر دولة اسلامية .. فهو غير كفيل بحكمنا .. نتحدث عن تواطؤ رئيس جاهل وحزب فاسد وحكومة اقرب الى الصهيونية ..ان لم تكن كذلك ..
اما حماس فيكفيها فخرا انها لم تستسلم كما استسلم غيرها .. لم تسرق اموال الشعب الفلسطيني كما فعل غيرها ..
حماس التي قدمت فخر شبابها شهداء في ساحة الجهاد والزود عن شرف الامة العربية والاسلامية ..
حماس العزة والكرامة والشرف ..
ولكن ماذا نحن فاعلون ؟
اقول لا للوقفات والاستنكارات ولكن اجمعوا المال والمؤن والسلاح وليفعل كل منا ما يستطيع لايصال المال والمؤن والسلاح لاهل غزة ..
ويارجال سيناء الشرفاء قوموا بايصال المال والمؤن والسلاح لاخوانكم في غزة الصامدة..
ولعنة الله على الكلب الذي استقبل العاهرة اليهودية للتواطؤ لضرب غزة ..
وحسبنا الله ونعم الوكيل

Soooo يقول...

جعلوني مريض نفسيا

شفت بقى يا اتش




سلاموووووووووووز

Soooo يقول...

Unique

والله هي المقارنه دي من خارج المنهج
يعني داخله الامتحان بعون الله

وبعدين ماتعملي البرشام بنفسك
ولا هو الواحد لازم يغششكم كمان

على ايامنا كنا بنزاكر المنهج كللو .. عشان نعرف نعمل البرشام بنفسنا





سلاموووووووووووز

Soooo يقول...

3ala asm masr

ياهنوده تبقي من اول تلاته ولا من اخر تسعه .. مش مهم قد ماهو مهم انك نورتيني وجيتي وعلقتي

وبعدين بطلو بقى ترمو كل حاجه عالكومه
يا ساااااااتر





سلامووووووووووووز

Soooo يقول...

بنت مصرية

والله هو عبخالق مسجل خطر .. انما اسماعين مش مسجل حاجه
يادوب سجل شريط كاسيت لامه لما كان في العراق وبيبعتلها جوابات وشرايط وكده

ووبعدين انا بيتهيألي اني رحت وعلقت عندك عالموضوع بس انتي مانشرتيهوش
لكن ماشي ياستي هاروح اعلق





سلامووووووووووووز

Soooo يقول...

أحمد (زوج مخنوق سابقا )

لا كرومبو مين .. الموضوع اكبر من كرومبو يابو حميد
دي قضية رأي عام
حوار عايز شلوت هولمز ذات نفسه




سلاموووووووووووووز

Soooo يقول...

Oussama achraf

ثانكس ألوت .. حقيقي يعني





سلاموووووووووووووز

Soooo يقول...

ست البيت

همممم
منوسي .. هو انتي دخلتي الحزب الوطني ولا ايه؟؟؟

ياشيخه ده من كتر كلامك حسيت قد ايه انا ظالم ومفتري

انا شكلي هاروح انتحر عشان اكفر عن خطيئتي


ملحوظه
موقع مصر الرخم ده فعلا انا معاكي فيه .. يعني لو كنا مكان امريكيه كده ولا حتى كنكا .. ياااااه .. كان زمان قناة السويس دي ولا ليها اي لازمه .. يعني زي ماهي دلوقتي مالهاش لازمة معانا برضك





سلامووووووووووووز

Soooo يقول...

nour shahen

الف شكر ليكي يافندم والحمدلله ان الموضوع عجبك

حوار تنسيق الجدول ده بقى اللي يقدر يفيدك فيه لماضه
انتي قدميلها طلب على عرضحال دمغه بخمسين جنيه فقط
وانا متأكد انها هتعمل مدونتك كلها جداول





سلامووووووووووووز

Soooo يقول...

خمسه فضفضة

وعليكم السلام ورحمة الله وبركاته

ده قطع النت ده لحس دماغ الناس كلها
اصل انتي متخيله يعني ايه واحد متعود انه يشرب شاي كل يوم .. وفي يوم يقولوله لا مافيش ميه عشان تعمل شاي ؟؟؟

وتهنئتك للسيد عبخالق وصلت وهو بيقولك مبسوط جدا جدا .. بس برضه هيقطع النت عن قريب


ملحوظه
خلي بالك عشان لماضه الغرور ركبها ومش هتشرح الموضوع ببلاش
يعني شوفيها بجوز جنيهات ولا أي حاجه في رغيف






سلامووووووووووووز

Soooo يقول...

Ahmed Al-Sabbagh

على فكره يابن منتقتي
انت اللي شجعتني اكتب الموضوع ده عشان فعلا انت ظلمت علي لاسلكي وكنت لازم تديه حقه وتعمللو سلسلة مواضيع توضح انجازاته ومؤهلاته للمنصب اللي كان فيه

وبخصوص الجدول .. دي اقل حاجه عندي
انت عارفني لاسلكي طول عمري





سلاموووووووووووووز

Soooo يقول...

انا حره

ده انتي اللي عسل ياستي بجد

وربنا يقومك بالسلامه وترجعي تنوري المدونات بتعليقاتك الشربات دي






سلاموووووووووووز

Soooo يقول...

المعتصم

وعليكم السلام ورحمة الله وبركاته

كنت هتختار عبخالق بجد؟؟؟
شفت بقى ان حكومتنا بتفهم ايه متطلبات الشعب

والله حكومتنا دي حاجه ايييييييييه
بس اللي يفهم






سلاموووووووووووووز

Soooo يقول...

واحدة مفروسة

والله اللي نما الى علمي يامفروسة ياختي .. انهم كانو بيدهنو الكابلات جبنه شيدر
قام سمك القرش جاب رغيفين من ابو نص جنيه .. اللي هو حلو ده .. وقعد يغمس يغمس يغمس .. وفي غمرة حماسهم وتغميسهم .. راحو ملحوسين السلك





سلاموووووووووووووز

Soooo يقول...

كيكى

خبر ايه ياكيكي
ايه الاسقاط ده في ان عبخالق بيفهم جريجي ولا مابيفهمش
اكيد طبعا بيفهم جريجي
ده شخصية محترمه جدا وكان شغال في قهوة بعره .. مش اي حاجه يعني
انتي فاكراه سوووو ولا ايه؟؟؟؟





سلامووووووووووووووز

Soooo يقول...

مهندس مصري

ياهندزا حكومتنا بتبص لقدام
اي نعم اختيار عبخالق مافيهوش قدام .. بس برضه يعني حكومتنا فاهمة هي بتعمل ايه




سلاموووووووووووووووز

Soooo يقول...

لماضة

هو انتي يابنتي لازم اكله سوده عالمسا
يعني ياقلقاس يا محشي؟؟؟؟
وياريت باين عليكي اي حاجه اصلا

وبعدين ايه عشان تعد الجمايل دي؟؟؟
انتي هتذليني ولا ايه
ماتخليهاش تكبر في نافوخي افجر الموضوع وبلوج سبوت كللو
انا بحنذرك اهو

----
الف شكر بجد يالماضه





سلامووووووووووووز

Soooo يقول...

عاشقه وغلبانه

لا استني
عبد الكوفتجي مش مرشح للمنصب ده
عبده الكوفتجي مرشح لمنصب وزير الصحه
لما له من سابق خبرات كجزار او جراح قديم




سلاموووووووووووز

Soooo يقول...

Sharm

ياسيدي الف شكر وربنا يكرمك يارب





سلاموووووووووووووز

Soooo يقول...

بنت الغربة

ماهو ده الفكر الجديد
شفتي بقى ان الحكومه عايزانا نتطور .. ونسيب البلد





سلاموووووووووووووز

Soooo يقول...

البت المشمشية حلوة بس شقية

يلا يا ستي اي خدعه
بس على الله تعرفي تذاكريها كويس بدل مانتي بتزاكري عالنت ومقضياها لف عالمدونات
وبعدين تيجي وتقولي امي بتشد شعرها مني
!! لأ مالهاش حق بصحيح

قومي يابنتي زاكري





سلاموووووووووووز

Soooo يقول...

عقل مهوي

والله ياعقل ياخويا انا ماعرفش الجدول ده بيتعمل ازاي
بس اللي اعتقده انك لازم تبقى محدث مدونتك ويكون عندك اوفيس الفين وسبعه

ولو احتجت اي تفاصيل او شرح .. عليك وعلى لماضه هي اللي هتقولك ازاي بالظبط

والف شكر على مرورك





سلاموووووووووووز

Soooo يقول...

Ah

الف شكر يا إممو على الحركة الشيك بتاعة نشر الموضوع

وحاضر ياسيدي وانا رايح القهوة هاديك ميس .. بس افتح الموبيل انت





سلامووووووووووووز

Soooo يقول...

shayma

ياستي الف شكر
وضحكتك وضحكة كل المدونين اللي نوروني وعلقو .. هي المطلوب تنفيذها




سلامووووووووووز

Soooo يقول...

الحرامي

اهلا اهلا اهلا
ربنا يجعل كلامنا خفيف على التشكيل العصابي ده واللي ممكن يودينا في داهية جميعا مدونين ومدونات

ملحوظه
حلوة الفكرة بتاعة مدونتك
وحاسس ان مدونتك هتعمل حاجه .. بس المهم انك تتواصل مع الناس وتوضحلهم ايه السبب في سرقة الموضوع ده والموضوع ده .. عشان يبقى ليك طابع وهدف من المدونة





سلاموووووووووووووز

Soooo يقول...

أحسن تـستاهـل

يامهاميهو مشكلتنا في التكونولجيا اننا بنقلد مش بنبدع
يعني لما مشكله تحصل ونقف قدامها .. نشوف اللي وقع في المشكله دي عمل ايه ونروح مقلدينه من غير مانفهم ايه السبب

وايوه ياستي عارف مسرحية قهوة سادة .. بس ماشفتهاش نتجية لظروف خارجه عن سيطرتي
بس هحاول اشوفها قريب ان شاء الله




سلاموووووووووووز

Soooo يقول...

حنين القلب

طب وهتروحي بعيد ليه؟؟؟
لما اللي يمسك صندوق النقد الدولي هو نفسه اللي خرب اقتصاد مصر .. يبقى طبيعي ان العالم كللو يروح في داهية

راجعي موضوع عالريق كده
http://soooo-30.blogspot.com/2008/10/blog-post.html




سلامووووووووووووز

Soooo يقول...

EmY

والله يا ايمي الحكاية مش الشعب يختار ولا الحكومه تختار
الحكايه نظام كامل مش بيبص على مصلحة الشعب قد ماهو بيبص على اللي يقف وقفة رجالة جنب رؤساء النظام
ومافيش ارجل من عبخالق بقى
ولا في اعتراض؟؟؟
الجزمة موجوده .. وجزمة ريد وينج





سلامووووووووووووز

Soooo يقول...

جنّي

حسبنا الله ونعم الوكيل فعلا ياجني
اللي بيحصل ده حرام بكل المقاييس
ربنا يصبرهم ويقويهم ويقدرنا نعمل اللي فيه الخير





سلاموووووووووووووز

صوت فيروز يقول...

التعليقمش للنشر ،،بس انا كنت بقلب زي العاده و لقتني عندك من الناس اللي بتقرالهوم فرحت و الله و قلت و الله يا بت و في ناس بتعبرك ،،،انا بس عايزة اشكرك انك حططني من الناس اللي بتقرالهم
و اسفه لاني بقالي فترة مش بدون و نسيت شكل مدونات الناس

احمد بدر الدين يقول...

اعلنها امام كل العالم
لست عاجزا
ساقاوم حت انتزع عزتى
كيف تنصر غزة الان على عمود نور
_________

لا تذكرو لى هذا العجز الاسود..... الان على عمود نور ... كيف تقاوم ماذا تفعل .. شارك الان ... تفاعل معنا
قدم اقتراحاتك

http://3amood.blogspot.com/

مرجانة يقول...

انا اول مرة ازور المدونة دي بس بجد
مت م الضحك بجد
وخصوصا ساعة ما الحكومة اختارت لنا عبخالق سويتش
لاننا طبعا منعرفش مصلحتنا وهي أدرى بها
تحياتي لاسلوبك الساخر الظريف

3ala asm masr يقول...

لاء ياعم سو لاء
أحنا مبنرميش ع الحكومه هى ياعم اللى عماله ترمى علينا وترمينا كمان

Nani يقول...

السلام عليكم
ولو انه تعليقي متأخر شوي
بس يخرب شيطانك يا سووووو

ملحوظة المض من ملحوظة لماضة
.....
مين ايمتى القرش اللي بالبحر اسماك؟؟؟؟
طول عمري اعرف عنه حيوان بحري
وعلى فكرة قشر الموز كتران عندك.... ارحمني

kiki يقول...

情趣商品,情趣用品,情趣用品,情趣,情趣,情趣用品,情趣商品,情趣用品,情趣,情趣,情趣用品,情趣商品,情趣用品,情趣,情趣,情趣用品,情趣用品,情趣用品,情趣用品,情趣用品.情趣,情趣,情趣,情趣,視訊聊天室

麻將,台灣彩卷,六合彩開獎號碼,運動彩卷,六合彩,遊戲,線上遊戲,cs online,搓麻將,矽谷麻將,明星三缺一, 橘子町,麻將大悶鍋,台客麻將,公博,game,,中華職棒,麗的線上小遊戲,國士無雙麻將,麻將館,賭博遊戲,威力彩,威力彩開獎號碼,龍龍運動網,史萊姆,史萊姆好玩遊戲,史萊姆第一個家,史萊姆好玩遊戲區,樂透彩開獎號碼,遊戲天堂,天堂,好玩遊戲,遊戲基地,無料遊戲王,好玩遊戲區,麻將遊戲,好玩遊戲區,小遊戲,電玩快打

情趣用品,情趣,A片,AIO,AV,AV女優,A漫,免費A片,情色,情色貼圖,色情小說,情色文學,色情,寄情竹園小遊戲,色情遊戲,AIO交友愛情館,色情影片,情趣內衣,情趣睡衣,性感睡衣,情趣商品,微風成人,嘟嘟成人網,成人,18成人,成人影城,成人圖片,成人貼圖,成人圖片區,UT聊天室,聊天室,豆豆聊天室 ,哈啦聊天室,尋夢園聊天室,聊天室尋夢園,080苗栗人聊天室,080聊天室,視訊交友網,視訊

借錢,黃金,黃金回收,黃金價格,黃金買賣,當舖

A片,A片,成人網站,成人影片,色情,情色網,情色,AV,AV女優,成人影城,成人,色情A片,日本AV,免費成人影片,成人影片,SEX,免費A片,A片下載,免費A片下載,做愛,情色A片,色情影片,H漫,A漫,18成人

a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍