الأحد، ١٦ ذو الحجة ١٤٢٩ هـ

!! إهداء

أول ما اتعمل مترو (شبرا - الجيزة) .. والناس عرفت ان عربيات المترو بتاخد الكهربا من قضبان القطر .. وإن الفولت بتاعها عالي جدا جدا .. ولو واحد وقع عليه ممكن يموت في ثواني .. قام الناس المرضى النفسيين واللي مش طايقيين العيشه وعايزين ينتحرو .. قررو انهم يرمو نفسهم على قضبان القطر .. وشافو ان دي اسهل وسيلة للإنتحار

وفعلا .. حصل بتاع خمس ست حوادث انتحار من ناس بيرمو نفسهم على قضبان القطر .. ولما الناس زعلت والرأي العام اتقلب .. قام مجلس الوزرا اجتمع عشان يشوف حل للحوار ده .. قام السيد وزير المواصلات طلع بقرار عبقري .. قرار جهنمي .. قرار هيقضي على حوادث الانتحار .. وأي حوادث تانيه في المترو
والحل كان .. ان الحكومه تلغي المترو
!!!!!

.. الحكاية دي باهديها لكل واحد اتشتم في مدونته .. أو مدونة الغير
!!! وقرر في لحظة ضعف .. انه يقفل مدونته .. أو
يلغي المترو

سوووو

هناك ٣٦ تعليقًا:

همس الاحباب يقول...

تسلم ايديك يا سووووو
وانا كماااان متفق معاك قلبا وقالبا
وبوجه الرسالة لكل مدون اصابه الضعف
وقرر الانسحاب وترك الساحة لشرذمة من ضعاف النفوس والمرضى
تحياتى

همس الاحباب يقول...

موضوع الشتيمة بقى اوفر قوى
وانتشر بس لازم نبقى اقوى من كل ده
وندافع عن مدوناتنا وعن القيم والمبادى اللى تربينا عليها
ام الانسحاب والهروب ده مش حل
ده زى النعامة اللى بتدفن راسها فى الرمال

البت المشمشية حلوة بس شقية يقول...

بص ياعم الحاج يا ابو دماغ لولى انتا
بلنسبة لموضوع الشتيمة
انا بتبع مبدا فى حياتى الا وهيا
مش عارفه حاجة كدة بتقول سيب الكلاب تعوى
وبرو اللليلة هتمشى او القافلة اما تعرفو قولى
يعنى مش عشان انسان غبى اقرر الغى حاجة فى حياتى

عشان انسان جاهل متخلف
مش عارف هو بيعمل ايه
يعطلنى عن حاجة ممكن يعملها
عشان واحد غبى قرر يقفل مدونتو عشان واحد اغبى منو
شتمو

عشان الاستاذ اللى هيقرر يلغى المترو ده عشان ناس اساسا مش عايزة حياتها تقوم تعطل حياة ناس تانيه
عادى يلغوه الحياة مش هتوقف عندو يعنى






يالهوى عليا ايه الرغى اللىفوق ده كلو
انا كتبت ده كلو
سلام بقه ياعم سووووووو ايه
لوك لوك لوك دودودودودو
ايه بالع راديو

Unknown يقول...

يا سلام على الفلفسه والدماغ العاليه
انت جبت مربط الفرس
الحل مش الانتحار او اننا نقفل المدونات فعلا
بس تفتكر الحل ايه برضه
نلغي البلوجر
:))

حروف يقول...

ياخبر ابيض وجون وجون وجون بطل ومعلم اية الموضوع دة الجامد بجد بجد جامد بلنسبة لشتايم عادي مالناس كلها بتشتم يعيني الناس زهقت فبطلت تضحك وقالت تنفس شويا وتشتم حتي لو حد بيهزر مع حد بيشتمة يعني مش عارفين يشتموا في ناس فبيشتموا في ناس تانية وهو نقص وشغال في البلد وبيعوضوة فبنصح كل واحد بيقرا شتيمة انه يضحك ويقول كلة بيطلع في الغسيل

يالا طولت عليكم سلام

adel يقول...

ههههههه انت عرفت منين اني كنت هاقفل المترو

هي اخباري ملاية البلد كده....ههههه
تصدق بجد كنت مكتئب لدرجة اني كنت هبطل كتابة اصلا بس في حد لحيقني و ربنا كمان

و شوية اخوات هنا و بالذات البنات ... رفعوا شوية من روحي المعدنية :):)

و من ساعاتها حاطط صورة المترو علي حيطان بيتنا :):)

عادل
http://elbald-dy.blogspot.com/

حلوة الدنيا يقول...

هو المعني الي في القصة حلو بس انت جبت منين القصة دي انا شاكك فيك انت بتألف صح

Ahmed Mubarak يقول...

خير الكلام قعلا ما قل ودل؟؟

عاشقه وغلبانه يقول...

موضوعك ينطبق علي اي حد بيشوف ان الهروب هي افضل وسيله تبعده عن المشاكل
مع ان الهجوم احسن وسيلبه للدفاع
يووووووووه
قلبت معايا الشباب والرياضه
الماتش مأثر
ههههههههههههه
تسلم ايديك يا سوووووووو

كيكى عوووووو يقول...

ازيييييييييييييييييك؟
ياعم الشباب والرياضة
ازيك ياسووووووووووووووووووو
اخبارك اية يارب تمام وكل احبابك يارب
**************************
اهداءك دة والله فى الجون ياعم سو والله
بس انا فى الاساس مش عارفة لية اصلا الناس بتخش تعلق تعليقات سخيفة ياعم مش عاجبك المدونة وصاحبها متعلقش ومتدخلش خالص مش عارفة انا ايييييييييية الناس دى ملتها اية
يا جرررررررررررررررع؟
عموماااااااا
عيد سعيد عليك وكل عيد وخروف فى بطننا
عوووووووووووووووووووووووووو

كراكيب يقول...

يسلم فمك يا سوووو

miroooo

انا حره يقول...

كويس انك فكرت بعقلك ووصلت للقرار الصح

مسعدة يقول...

بجد فعلا الشتايم وشتم الناس على المدونات حاجة مؤسفة جدا بس دة يتطلب ااننا نكون اقوى منهم ونستمر لان اللى بيشتم دة بيبقى هدفه ان صاحب المدونة يقفلها
ولما بنقفلها بنفذ له مراده
مسعدة مسعود

سمكه واحده يقول...

فعلا كلامك ووصفك بالظبط منتهي الصح بس سعات ناس كتير بتيجي لحظه ضيق او ضعف واكتئاب وغصب عنها بس بجد ياريت تبعد شويه وترجع بس متخدش قرار قفل المدونه
تقبل مروري
سمكه

فاروق عادل يقول...

بوست رائع بجد فى مدونين كتير اوى عاوزين الكلمة دى

kochia يقول...

حلوة
ومختصرة
ومفيدة

غير معرف يقول...

هو ايه حكايه الشتيمه الى فى كل مكان دى
اغيب شويه وارجع الاقى الحكايه بقت بزرميط كده

هو الموضوع ده مترتب ومدبر ولا ايه

بس كلامك سليم ميه الميه يا سوووو

مينفعش حد يستسلم بسهوله ولو حصل لازم يراجع نفسه

الدرويش المرووش يقول...

أحسن مبدأ هنا هو مبدأ طظ

طالما أنا بأعمل حاجه صح و عاجبانى

يبقى طظ فى اللى مش عاجبه

ماينفعش أنا علشان خاطر شخصيه متخلفه ألغى أو أغير أى حاجه فى حياتى

Raghda Rashad رغده رشاد يقول...

حلو اوى الرابط العجيب ده

مفهمتش فى الاول

يمكن لانى لسه متشتمتش فى مدونتى او مدونة حد تانى

بس السؤال؟هوا فعلا ده بيحصل
عماله بقرا كلام لعى مدونات عن ناس بتجرح فى ناس و بتشتم فى ناس و بترمى كلام
بس فعلا مشوفتوش

Raghda Rashad رغده رشاد يقول...

انا قريت معظم التعليقات
و اقدر اقولكم معنى اتعلمتوا من مواقف فى حياتى

اوقات تبقى تعبان فى حاجة اوى و شغال فيها و طلع عينك عشان تطللعها حلوة و جميلة و تنفع الناس و تفيدهم

و ف وسط كل ده
تلاقى واحد لا يعرفك و لا تعرفه ماشى قرفان من حياته لاى سبب

ممكن يقول كلام عشان هاو مخنوقزة مثلا(ايه العك اللى انت عامله ده)

انت دلوقتى ادامك القرار اما تتجاهل او تستجيب لواحد مش عارف بيقول ايه لمين و لا ازاى و لا انت تفرق معاه اصلا

انا برضو رغيت كتير
سامحنى يارب عالعادة دى
فرصة سعيدة يا سووووووو

مهندس مصري بيحب مصر يقول...

الله ينور عليك يا بني
جبت المفيد

اقصوصه يقول...

اهداء جميل

وتدوينه ممتعه

سعدت بمروري من هنا :)

تمنياتي بالتوفيق

امال يقول...

السلام عليكم

المهم يا سووو

لو كل مدونين العالم قفلوا مدوناتهم مدونتك بالذات متقفلهاش انا بعشقها وبحترم شخصيتك وكتابتك ومش عارفه المفروض اللى معندوش مدونه هو اللى يرمى نفسه على القضبان انا نفسى اكون من المدونين بس مفيش الموهبه

Mony يقول...

بجد بجد تسلم ايدك


و انا معاك و اؤيدك في كل كلمة كتبتها

بنت مصريه يقول...

ههههههههههههههههههههههههههههه
فعلا يا سوووو
الغاء المترو ليس الحل
تشبيه بليغ يا سووو
احييك

Ahmed Mohamed يقول...

هههههههههههههه

فعلا احنا عندنا عباقره كتير

Ehab يقول...

ههههههههههههه

يسلم فمك يا معلم

اهو هو ده الكلام
انا مقتنع والحمد لله اني لحقت نفسي ومقفلتش المترو لما كنت زعلان

سلاااااااااااااااااااااااااام
اخوك ايهاب

Unknown يقول...

سووو ياجميل
كل سنة وحضرتك طيب .. وباعتذر انها متأخرة
كتير فعلاً بيزهق ويسيب الساحة للتانيين وهو مش واخد باله انه مش بس بيسيب حقه ده كمان بيخدم التانيين وبيقوى موقفهم
جزء من ثقافتنا اللى لو اتغير هيغير شكل حياتنا ... حقك متسيبوش لحد غصب عنك ... برضه كمان حقك عمره ما هيجيلك على طبق دهب
تحياتى ويارب حمزة أحسن دلوقتى
تانى كل سنة وانت طيب

Unknown يقول...

مية مية
عليك نور

Maha Shahen يقول...

وهى الناس اليائسه دى هتغلب يعنى
يبطلهم يخرجوا من بيوتهم بقى
ولا يسبوهم ينتحروا اهم يخفوا الزحمه
هى هتفرق معاهم يعنى تزيد نسبة الانتحار ولا تقل علشان يلغوا المترو
بتهرج الناس دي فعلا
مشكور لطرح الموضوع

Hannoda يقول...

ههههههههه
أنا كنت بدات اتوه
الاول قلت ايد ده معقول يكون المترو شغال بالطريقة الخطر جدا ده
بس قلت اكيييد سوووو فاهم

يقوم يطلع الموضوع كله اختراع

بس تصدق ان تشبيهك ده صح جدا
وده فعلا ظاهرة فضيعة تغيظ.. أصل الللي بنعيشه مع بعض و اللي بنتسبب فيه لبعض بتبقى حاسس انه كبير قوي
واما تقرا عند حد انه قفل خلاص تحس ان كل ده تاف قوي
فبحس اني عبيطة

نفسي الحكاية ده تقف بقى

بنت الغربة يقول...

ايه الدماغ الرايقه دى والله انا ماعرفش حاجه عن موضوع المترو ده لانى مااستعملتهوش خالص-اما بالنسبه للشتيمه انا مش عارفه انت واجع دماغك بيها ليه ؟؟؟ يعنى فيه حد شتمك ومش عارف مين ؟ايه المشكله ربنا عارف وان شاء الله هايخد لك حقك -روق وكبر دماغك - تحياتى

حمادة زيدان يقول...

عمنا سوو

أنا لو عالشتيمة فأنا أتهزقت تهزيق يكفي لأربعين مدونة !!! بس مش علشان شوية مدونين تعبانين في أنفخهم نروح احنا نبطل تدوين ونسبلهم الدنيا يبرطعوا فيها ... والله ميصحش ابدا ابدا ابدا

تقبل تحياتي يا سووو
ووحشتنا يا جدع

ojg يقول...

شتموني وباين في عينيهم
:))
صح يا سوووو
ماله الموديريشن؟؟
بيشيل بلاوي

والقافله تسير والقرود بتتنطط

:)

ojg يقول...
أزال المؤلف هذا التعليق.
mostafa rayan يقول...

صح
يا نجم
احنا لازم نكون اقوي من كل شيئ
سوو اللي بيشتم بيكره والحب اقوي من اي كراهية
احنا لوقفلنا يبقي بنثبت لهم ان الشتيمة هي الحل احنا لازم نواجه ونقول لاء
احنا هنكمل
والقافلة ستسير مهماعوت الكلاب
شكرا للكلامك العالي
وكل سنةوانت طيب وبخير