الاثنين، ٥ جمادى الآخرة ١٤٢٩ هـ

الحمدلله

تحديث
-------
بما انها ليلة تعليقات .. جاني تعليق على موضوع سينيماتك .. واقعية مصرية .. والتعليق بصراحه جميل جدا
من المخرج الاجمل .. استاذ أحمد عاطف .. مخرج فيلم الغابه
مش كده وبس .. لأ ده نشر الموضوع اللي كتبته عن الفيلم .. في مدونته الخاصه
.. وده كان تعليقه
-----
شكرا يا سو على النقد الجميل و الواعى اللى اعمق من كل اللى كتبوه كل نقاد مصر عن الفيلم - انت بجد موهوب و لازم تحترف النقد فى الجرائد
-----
الشكر لله ان اللي باكتبه عجبك وعجب الناس اللي قروه
وصدقني انا مش ناقد ولا حاجه .. الحكايه ومافيها اني استمتعت بالفيلم وقلت اللي حسيته ..ونفسي الناس تستمتع بيه زي مانا استمتعت بيه بجد
اما حوار الجرايد والمجلات .. فأنا بحاول فيه وربنا يعمل اللي فيه الخير ان شاء الله
-----
ارجو ان اكون دائما عند حسن الظن واقدم افلام تعبر عن قضايا بلدنا و همومك و همومى و كمان افراحنا بدون ابتزال او اسفاف او فجاجة
احمد عاطف
-----
ان شاء الله هتكون عند حسن ظن الناس بيك طول مانت مؤمن بفنك وبقضيتك .. واللي هي في نفس الوقت قضية اي شخص بيهتم بالانسان .. ومش مجامله ليك ولا حاجه .. انت انسان محترم جدا وبتقدم فن محترم بجد
وربنا يوفقك ويسعدك ويكرمك يارب
------------
معلش ياخواننا اعذروني اني مش بـاتكلم على تعليقاتكم ولا بتفاعل معاكم .. بس يعني بمر بمرحلة دوشة ودربكه ومش عارف هتنتهي على خير امتى ان شاء الله
-------------
وبينما باشوف التعليقات اللي جاتلي - أعز انا قوي الدخلات اللي تحسس اللي بيقرالي انه كان في حوار ناشيء مابينا .. واني باعطف الكلام بحرف عطف دليل على العواطف والحنان اللي مابيني وبينه - لفت انتباهي تعليق جالي من شخص غير معرف .. وانتو عارفين طبعا موقفي من آخر تعليق جالي من غير معرف .. واللي بناءا عليه رحت قافل التعلقات لغير المعرفين .. لكن فتحت الحوار والتعليق للكل عشان اشوف واقيس اللي بيحصل
التعليق اللي جالي بقى كان عباره عن كلام كتير قوي .. وكان الكلام ده بيقـ .. بقول ايه .. ماتيجو نشوف احسن
-----
.. غير معرف يقول
-----
اهو انا قريت حتة غير معرف دي .. ولقيتني باخبط في بعضي خايف احسن يكون حد دخل يشتمني تاني
وانا ماعملتش حاجه اصلا وبريء يابيه
-----
السلام عليكم ورحمة الله وبركاته
-----
؟؟؟؟
هنا بقى اطمنت وقلت ماحدش هيشتمني ويدخل يرمي السلام يعني
وعليكم السلام ورحمة الله وبركاته يافندم
-----
الاستاذ الفاضل احمد سوووو
الحقيقه انا اول مره اعلق عندك وماعرفش حبيت اعلق اقول ايه
بس انا بجد بابقى مستمتعه جدا وانا باقرى كتاباتك وشايفه انك بتقول حاجات حلوة جدا وباضحك وانا بقراها من كل قلبي
-----
لا ده كده مش شتومه خالص الحمدلله
والحمدلله بجد ان ربنا قدرني وقدرت بفضل منه اني اساعد في رسم ابتسامه على وشك
-----
لدرجة ان جوزي في الاول شك انا باضحك ليه ولما وريته كلامك ومدونتك بقى مدمن على قرايتها وقال لاخته وهي قالت لخطيبها وكل العيله بقت بتقراها وبتستنى لما حضرتك بتكتب حاجه جديده عشان نبلغ بعض ونقراها
-----
الحمدلله ان زوجك تفهم الموضوع .. والا كنت هبقى عم المرحوم
والحمدلله انه قال لكل اللي يعرفهم .. وربنا يقدرني اني ابسطهم عشان ماحدش يقولو حاجه كده ولا كده
!!! ويجي جوزك بعد كده يقولك حاجه كده ولا كده .. مش كده
-----
بس انا لاحظت حاجه ومش عارفه اقولها ازاي بس هقولها وانا عارفه انك مش هتزعل منني لانك فنان والفنان مش بيزعل لما بيتقال ليه نقد من معجبينه
-----
يابركة دعاكي يا امه .. والله وابنك بقى ليه معجبين وحوارات وكلام كبير قوي
ومش كده وبس .. لأ .. ده بيتوجهله نقد منهم كمان .. ياما انت كريم يارب .. الحمدلله
-----
انا ملاحظه ان المدونه بقت واخده طابع مذكرات بس او كلام عن السينما وبس
فين المواضيع التانيه اللي في قوة اول مواضيع ليك واللي بجد كل ما اقراها حتى لو قريتها خمسين مره باضحك فيها برضه
ياريت تنوع في مواضيعك عشان الناس كلها تقرالك لان في ناس انا بقولهم على مدونتك ولما بيقرو ويلاقو انك بتكتب مذكرات وفي الحلقه العشرين بيستكترو انهم يقرو عشرين حلقه بحالهم
انا شايفه انك لو كتبت مواضيع مستقله بنفسها مع المذكرات وكلام السينما هتخلي القراء يتابعوك اكتر والناس بعد كده هتقرى المذكرات من نفسهم لما يلاقو اسلوبك ساخر ومضحك وفي الصميم
-----
همممم
طب .. بصي بقى ياستي .. الحقيقه انا باكتب المذكرات دي وباجرب فيها حاجه معينه .. المعالجه نفسها ماحدش عملها قبل كده .. يعني ماينفعش ان ابطال اي قصه يكونو ابطال في قصة تانيه او في فيلم من افلام السينما .. وبالتالي انا باجرب وباشوف رد الفعل للتجربه دي
وبالنسبه لكلامي عن السينما .. فده لاني باحب السينما .. زي لما تلاقي مدون او مدونه بيكتبو في السياسه بمنتهى الصراحه .. وبيجيبو مواضيع من الجرايد او من عالنت ويقولوها ويعلقو عليها
وكل واحد بيتكلم باللي بيفهم فيه او بيحب يتكلم عنه
وبخصوص اول مواضيع كتبتها .. فأنا كنت زي ماحضرتك قلتي كاتب مواضيع متفرقه باسلوب ساخر الى حد ما .. لكن لقيت ان في مواضيع منهم اتسرقت زي موضوع تفسير اغنية سوووو يا سوووو اللي لقيته محطوط في احد المنتديات .. وزي موضوع قد قامت الصلاه واللي جالي في ايميل .. وماتقالش حتى انهم منقولين ولا اتجابت سيرتي خالص
وانا متعود على ان حاجات من اللي باكتبها تتسرق من ساعة ماكنت باكتب في منتديات ومواقع مختلفه .. والموضوع ده بصراحه بيضايق
لكن انا مابطلتش كتابة مقالات ساخره وماقدرش ابطل .. وكاتب حوالي عشر مواقف ساخره او يمكن اكتر كمان .. بس الحكاية ومافيها .. ان في محاولات لنشرها في كتاب عباره عن مواقف وحاجات ساخره .. ولسه باجمع في المواقف دي وبعد كده هسجلها في الشهر العقاري
وان شاء الله في اقرب فرصه هتلاقي حضرتك كتاب نازل باسمي
وربنا يعمل اللي فيه الخير ان شاء الله
لكن انا برضه مايرضينيش ان الناس اللي من طرف حضرتك ييجو مدونتي ومايقروليش حاجه .. وان شاء الله هبدأ في اني انزل المواضيع اللي كانت اتسرقت منني واعمل لها إعادة نشر .. ومش هازعل عليها قوي لو اتسرقت لانها اتسرقت قبل كده
.. واهو بالمره الناس تعرفها لو ماكانتش تعرفها .. ولو عارفاها وقرتها قبل كده
يبقى تعرف انها من تأليفي انا وكتاب الله
-----
طولت عليك عارفه لكن انا حبيت انتهز فرصة انك فاتح التعليق لغير المعرفين وقلت اقولك وجهة نظري وربنا يستر
وتقبل تحياتي
ام أيمن وساره
-----
يافندم ولا طولتي ولا حاجه .. وانا سعيد جدا ان في ناس زي حضرتك كده بيقولو وجهة نظرهم باحترام وتفهم ورقي في الحوار والله .. وان شاء الله مدونتي هتفضل لكل اللي يعلق ويقول رأيه باتفهم واحترام
.. وسلامي لزوجك العزيز وبلغيه اني سعيد بحركة التشريد والسياح اللي عملهالي في العائله
.. وان شاء الله اكون عند حسن ظنكم بي ان شاء الله
وسلامي لأيمن ولساره .. وربنا يخليهملكم ويباركلكم فيهم ويباركلهم فيكم
-
!! لكن لحظه .. الموضوع ماخلصش على كده
انا سبق وقلت قبل كده ان المدونه دي زي ماتكون بيتي .. وانا صعيدي واعرف الاصول
.. وما ارضاش ان حد يجيلي بيتي من غير ما اعمل معاه الواجب
وعشان كده مايرضينيش انكم تمشو من غير ما احاول ارسم ابتسامه على وشوشكم
.. وخدو عندكم الكام نكته دول
------
عيل صغير روح بيتهم بعد المدرسه وهو متأخر قامت امه ماسكاه ولسه هتضربه عشان اتأخر قام قاللها : اصل انا بعد ماخلصت المدرسه وانا مروح شفت عربية بابا وفيها بابا وأبلة فوزيه .. والعربيه مستخبيه ورا شجره كبيره .. ولقيت بابا راح بايس أبله فوزيه في بؤها .. وبعدين راح مقلعها هدومها
راحت امه موقفاه وقالتله : لا بقى .. انت تغير هدومك وتبقى تحكي الحكايه دي بعدين
الغدا اتحط والاب والام والابن قاعدين بيتغدو .. قامت الام حبت تزنق جوزها وقالت لابنها : ها ياحبيبي .. مش هتحكيلي الحكايه اللي حكتهالي بعد ماجيت من المدرسه ؟؟؟
قام الواد قايل : انا النهارده وانا مروح شفت عربية بابا وفيها بابا وأبلة فوزيه .. والعربيه مستخبيه ورا شجره كبيره .. ولقيت بابا راح بايس أبله فوزيه في بؤها .. وبعدين راح مقلعها هدومها .. وعمل معاها نفس اللي أونكل حسين كان بيعملو معاكي لما بابا كان مسافر
------
عيل صغير برضه .. امه وقفت تاكسي ماشي في الشارع وقالت للسواق بقولك ايه ياسطى .. وصل الواد ابني النادي .. بس خلي بالك الواد ده رخم ولسانه طويل .. سواق التاكس قال ماشي .. واتحرك التاكس .. سواق التاكس ماطاقش يقعد طول الفتره دي ساكت .. قام باصص للواد وقاللو : وانت ياحبيبي لما تكبر ناوي تبقى ايه ؟؟
الواد بصللو وابتسم ابتسامه رخمه قوي وسكت
قام سواق التاكس قاللو : يعني لو بابا دكتور وماما دكتوره .. لما تكبر تشتغل ايه ؟؟
الواد بصلو وقالو وهو مبتسم نفس الابتسامه الرخمه : دكتور
سواق التاكس قاللو : طب لو بابا مهندس وماما مهندسه .. هتشتغل ايه ؟؟
قاللو : مهندس
سواق التاكس قال لنفسه .. طب ماهو حلو اهو .. انا هشتغلو كده شويه واشوف هيعمل ايه .. وراح قايللو : طب لو بابا طبال وماما رقاصه .. تشتغل ايه ؟؟؟
الواد قاللو : سواق تاكس
------
واحد ست اكتشفت ان بنتها اللي عندها واحد وعشرين سنه حامل .. قامت ماسكها من شعرها وقالتلها انتي تجيبي اللي عمل كده يصلح غلطته والا هنقتلك انا وابوكي .. بعدها بيومين البت جات البيت ومعاها واحد ملو هدومه .. وشكله غني قوي قوي قوي .. قاللهم : الحقيقه انا مش هقدر اتجوز بنتكم .. بس اوعدكم لو خلفت بنت اديها نص مليون جنيه .. ولو خلفت ولد اديلو مليون جنيه .. ولو خلفت توأم اديهم اتنين مليون جنيه .. بس لو بنتكم حملها حمل كاذب ومافيش حمل اصلا .. هتدوني ايه ؟؟؟
!!! قام ابوها قاللو : هنديك فرصه تانيه يابني

سوووو

هناك ٧٣ تعليقًا:

nigro يقول...

يا أحمد يا حبيبي انت انسان جميل
و ما شاء الله عندك قبول رائع
و الواحد بيحس من قرايته لكلامك بحالة كده من الونس و العِشرة ( بكسر العين ) ..
ربنا يزيدك يا أحمد كمان و كمان علشان بجد انت شخص تستاهل كل حاجة حلوة

-----------
آه بالنسبة لموضوع يخرب عقلك .. انا والله مش قصدت حاجة وحشة .. دي هي الكلمة طلعت مني كده
و يا ريت ماتزعلش علشان أنا ماقدرش على زعلك

يلا سلام

سمية يقول...

هيييييييييييييييييييييييهجيت بدرى اخيرا

Doba يقول...

هههههههههههههههههه
ههههههههههههه
هههههههههه

زى اونكل حسين
يا نهار فضايح

والله انت دمك شربات
بس انا عاوزة زى الاخت الفاضلة ام ايمن وسارة انك تكتب فى مواضيع متنوعة

فى إنتظار الجديد
عجبنى رد كاميليا عليك انها متخيلاك فى الفرح وانك لابس وملو هدومك ومتابع الناس والبوفيه وبتظبط كل حاجة

ونعم الأخ
ربنا يبارك فيك

سلامى وتحياتى
هبة

المـــفـــــــقــــــــوعـــــة مــرارتـهــا يقول...

ياقلبك ياسوووو وجاتلك شجاعة تفتح الغير معرف
انا كنت باحب غير المعرف اوي بس منه لله البعيد اللي عقدني منه
اعمل انت الكتاب وهاتلاقيني اول واحدة تشتريه
بس ايه ياعم النكت العسل دي

بنوته مصرية يقول...

احجز اول صف وبعدين ارجع تاني

صوت من مصر يقول...

سوووووووووووووووو
وحشنى موت ووحشنى البلوج بتاعك لكن والله الظروف يا ريس

wanna b a physician يقول...

ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه بس كدا

wanna b a physician يقول...

ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه بس كدا

Ahmed Mubarak يقول...

سوووو ... سوووو .سوووو
حبيبي ..
بقالي كتييييييير اوي مش بعلق عندك ..
بصراحة ومن غير زعل .. خالص مالص .. عايزين فعلا حجات متنوعه خارج المذكرات .. يعني حبه مذكرات وحبه بره زي زمان .. اصل واحد كسول زيي بيكسل يقرا سلاسل لانه كل مره بينسى الحلقه الي قبلها ..

راعينا برضو .. البرمجه بتدمر خلايا الذاكره .. راعي المبرمجين شويه .. و ..

تحياتي يا عسل ..
بالمناسبه .. يوم الحفل يوم ما شفتك انت وابو خالد على السلم .. وقلتلك انت سوووو .. وقلتيلي ايوه هوا انا متشرد ولا ايه .. كان في كلمه هموت واقلها ليك ..
عرفتك لان مستحيل يكون في حد لابس الطاقيه بتاعه بيكاسو ديه ولابس تشرت اورانج .. وبكرش غيرك يا سوووو .. بس نور ابو خالد غطى على تفكيري

تحياتي العنيفه جدا

Mafrousa يقول...

هههههههههههههههههههههههههههه
هههههههههههههههههههههه
ههههههههههههههههههههه
انا عجبونى التلات نكت و الله يا سو انت محتاج فرصه واحده بس
ربنا يوفقك

موجة يقول...

النكت دي جامدة طحن
شكرا يا ابو حميد

خالص تحياتي
أحمد توفيق

رئـــــيسـة حزب الأحلام يقول...

السلام عليكم
تعليق الغير معرف جميل وفعلا فيه نقد بناء وجميل
وايه النكت دى جامدة اوى بس ايه العيال اللى مش عيال دول دة عيال النت والدش
تحياتى لك

Z_Diva يقول...

looooooooooooooooooooooooooool

nice jokes, and wish u luck wiz the book idea, hope to buy a book written by you soon :)

babyay :D

الـجـدة فـصـيـحـة يقول...

السلام عليكم ورحمة الله وبركاته

تعليق الـ غير معروف جميل
والنقد محترم جدًا وبناء

لا ننكر أن المذكرات جميلة وبها أفكار جيدة ولمحات نقدية وتداخل جميل جدًا
لكن أكيد التنوع حلو


....

بالنسبة للنكتت
أنا بصراحة مليش في النكت


:)

تحياتي

ابن حـجـر الـعـسـقـلانـى يقول...

مش معقووووول

أنا مت من الضحك على النكت

طب خد النكتة دى

بطة دخلت سوبر ماركت و سألت البياع قالت له: عندك عنب ؟؟ قال لها: أيوة .. فسابته و مشيت

جت تانى يوم و سألته: عندك عنب ؟؟ قال لها: أيوة .. فسابته و مشيت

جت تالت يوم و سألته: عندك عنب ؟؟ قال لها: أيوة .. فسابته و مشيت

رابع يوم لقاها داخلة له السوبر ماركت فراح قايل لها: لو شوفتك هنا تانى أنا هاجيب مسامير و أمسمر رجلك المفلطحة دى فى الأرض .. راحت البطة جريت

خامس يوم دخلت السوبر ماركت و سألت البياع: عندك مسامير ؟؟ قال لها : لأ
فراحت سألته : عندك عنب ؟؟؟
-------

لو اللى فاتت بايخة ... خد دى

ولد دخل محل بقالة و قال للبياع: عندك جبنة بيضا ؟؟ .. البياع قال له أيوة .. الولد قال له: طب هات ربع كيلو جبنة رومى

تانى يوم دخل للبياع و قال له: عندك شيبسى ؟؟ .. البياع قال أيوة .. الولد قال له: طب هات كيس شيتوس

تالت يوم الواد راح للبياع و قال له: عندك رز ؟؟ .. البياع قال له أيوة .. الولد قال له: طب هات كيس مكرونة

البياع اتفقع .. فراح يشتكى لأبو الواد .. فأبو الواد اتغاظ من قلة أدب ابنه و قال للبياع: لو جالك المحل تانى و عمل كدة ابقى اضربه .. هو انت عندك عصاية فى المحل؟؟ البياع قال أيوة .. الراجل قال: طب ابقى اديله قلمين
------------

كفاية كدة عشان شكلكم اتفقعتم من النكت


بس بجد .. تعليق الأخت "غير معروفة" كان معبر جدا .. و تشعر فيه بقدر كبير من الأمان الأسرى .. فشىء جميل جدا يا سوووو إنك تشارك أسرة زى دى فى ابتسامتها و ربنا يكرمك يا سوووو و ترسم دايما الابتسامة على وجوه الناس

tarek alghnam يقول...

ماشاء الله يااخى
مدونتك رائعة
وكل من شكر فيك عندة حق
سعيد بدخولى مدونتك
واتمنى التواصل
ودمت بحفظ الله

dina seliman يقول...

ههههههههه
والله نكت زى العسل

ومبروك على الكتاب مقدما
وربنا يبعد عنا وعنك سارقى المواضيع
دمت بكل الخير

MeDoOoOoOo يقول...

سووووووووووو البوست ده جامد جدا اولا تعليقاتك علي الردود حلوه بجد ، المواقف الي انت كاتبها جامدة جدا بقولك الي الامام يا سووووووووووووو

غير معرف يقول...

اولا ربنا يحبب فيك خلقه كمان وكمان يا سووووووووووووووووو
:)))))

ثانيا نكته سواق التاكسى
جااااااااامده
هههههههههههههههههههه

ربنا يسعدك ويكرمك وتحقق الى نفسك فيه ياااارب

سلامى يا سوووو
:)))

Soooo يقول...

معلش يا اخواننا اني هعلق على تعليق واحد بس .. وبمجرد ما اروق هعلق على باقي التعليقات
------

د/أبويحيى وادم

---------

يادكتور .. مش من اللغة العربيه انك تدخل من غير ماترمي السلام ولا تقول رأيك في اللي مكتوب

وكل مدون حر في اللي يكتبه وفي اسلوبه
ولو انت فعلا عايز تنصح اي انسان
يبقى تنصح حضرتك انك لما تخاطب حد .. تخاطبه بخطاب الاسلام الحق
اللي بيتكلم عن الناس من جوه مش من المظهر واللبس
ولو تحب اجبلك مدرسين لغة عربيه وعايشين حياتهم مابيقولوش كلمة واحده عاميه انا مستعد
بس مين قال اننا لما هنقف قدام ربنا هنتحاسب على اللغة ومش هنتحاسب على اللي في القلب

واياك
اياك
مهما كنت انت مين
انك تقلل من اسلوب اي حد
كل واحد وحر في اسلوب خطابه واسلوب كلامه

ولو عايز تعلق عندي بعد كده .. اهلا وسهلا
لكن في صميم اللي باتكلم عنه
مش تعمل اعلان من غير حتى ما تستأذن صاحب المدونه
هي سايبه ولا ايه


----
التصميمات الخاصة بالحملة موجوده بالمدونة فلنرى الله من انفسنا خيرا ونتوكل على الله ونبدأ الان بسم الله
-----

ومادمت حضرتك مؤمن والحمدلله وغرضك هو اعلاء راية الدين

هل من الدين انك تدخل على حد في مدونته او بيته من غير ماتقول السلام عليكم؟؟؟

انا حذفت تعليقك لانه اعلان وانت ما استأذنتيش فيه
ولانك ماتكلمتش خالص في اللي انا باتكلم عنه
ولانك للاسف .. اسأت بتعليقك للغتنا العربيه

hamssah يقول...

سووووو
انا بحب المذكرات جدا جداجدا ولو عايز تنوع ممكن تعمل مدونه جديده بس بشرط المذكرات تستمر
همسه

Known as PHYSCO يقول...

بصراحة الصراحة يا سووو أنت من أكتر الناس اللى بيهمنى ذوقها فى السينما .. لإن ذوق بجد محترم و طريققتك فى تحليل أى فيلم بتبقى بسيطة للناس البسيطة اللى زى حالاتى .. أديك عشرة من عشرة :) ... و فيلم الغابة ناوية إن شاء الله أدخله .. و زى الغلطة اللى انت غلطتها لما دخلت فيلم كامب أنا غلطت غلطة شبيهة لما دخلت شارع 18 و كانت تجربة أليمة حتى ما أحبش إنى أتكلم عنها .. فيلم هابط على كل المستويات .. لو حصل إنك هتشوفه فى أى مكان ابقى ركز فى الممثل (العبقرى) اللى اسمه محمد ظاظا ..

المهم .. أنا مع أم أيمن و شارة فى كلامها .. بس لو السبب إنك هتنزل الكتاب يبقى احرمنا زى ما انت مادام هيبقى التمن إنه ينزل فى كتاب

هاستنى إنك تشوف كباريه و الريس عمر حرب و ليلة البيبى دول .. أنا أصلى مش متفائلة من كباريه و مش باحب خالد يوسف .. فهابقى أشوفهم من خلال تحليلك .. و نفس الكلام بالنسبة لحسن و مرقص لإنى فى العموم مش باحب عادل إمام بس لما ينزل بقى .. إن شاء الله لما ربنا يكرمك و تدخل كل الأفلام دى ما تنساش تكتب التحليل :)

مذكراتك أنا كنت قريت أول 3 أجزاء فى وسط الامتحانات و طبعا نسيت كل حاجة .. فهقراهم من الأول إن شاء الله . .انتظرنى قريبا علشان أبقى متابعة أول بأول

و آسفة على التطويل الفظيع :)

هوة فى أيه؟؟soso يقول...

ههههههههه
أولا شكرا بجد على النكت الحلوة ديه
بجد كنت قاعده مكتئبه ومنظرى كئيب على الاخر
وحاسه بخانقه
وحاله الشيخوخه المذمنه اللى بعانى منها
فقولت أه ... بس..
أما أشوف أحمد سووو كاتب أيه كده
ولما فتحت مدونتك وقريت بجد ضحكت أوى أوى
مرسى يا أحمد بجد
وربنا يسعدك ويفرح قلبك ياارب
أنا عارفه أنك أكيد بتحب الدوة ديه

ربنا يوقفك ياااااارب.

Ehab يقول...

ههههههههههههههههههههههههههههه

ههههههه هههههه

هه
هههه

ههه ههه
هه هه
ههههههه


فطستني يا جدع حرام عليك
جميل يا سووو بجد
بترضي كل الناس
اما عن موضوع السينما اوعى تركنه ده انا بستنى اقرأه واشوف نظام الفيلم ايه من عندك هنا اخوك داخل على جواز مينفعش ادفع في السينمات كتير بالتالي بعتمد على اخويا حبيبي يديني الخلاصه وايه اللي يستاهل فعلا العشرين لحلوح

اما عن النكت الله يحظك اقولكك ايه بس
النكته بتاعة باب وطنط فوزيه دي كسرت المكتب

الله يسعد ايامك
سلاااااااااااااااااااااااااام
انت ياجدع انت مش بترد على التليفون ليه لما بنتصل بيك
الناس بتسالني عليك عملت فيها ابو السباع وانا بقى اللي مستحيل يطنشني وقعدت اتصل ولا عبرتني اقولهم ايه يعني عيل انا
ابقى طمنا عليك
وياريت لو معاك رقم تليفون ابو خالد تديهولنا علشان نطمن عليه

سلاااااااااااااااااااااام
اخوك ايهاب

محمود الدوح يقول...

سووووووووو ياسو
ازيك وعامل اية
مبسمعش صوتك لية

ههههههههههه

سو بصراحة كدا انا مقريتش غير ال3 نكت اللى تحت
عجبونى جدا جدا
انا عارف انت هتقول عليا اية
هى اولها حرف التاء واخرها تاء برضة بس مربوطة
بالظبط كدا
توكة

ههههههههههههه

Soooo يقول...

nigro

والله انا ماعارف اقول ايه قدام كلامك الحلو ده ياهندزه

ربنا يكرمك ويسعدك ويبسطك يارب

وبعدين ياعمونا انا كنت بانكشك لما باقولك انت عايز عقلي يخرب زياده ماهو خربان
واساسان اساسان اساسان .. انا فعلا عقلي خربان يعني

وماقدرش ازعل من اخويا ياعم الحاج
تشرب معايا فيسكافيه؟؟؟



سلاموووووووووز

Soooo يقول...

سمية

يا حماتي انتي تشرفي في اي وقت
لولاش حبي لفتكات بس

وسلامي لفتكوته حبيبة قلبي وقوليلها خطيبك بيقولك
حخهتاهعللاة حهعىتحعاعا شلولح
!!؟؟؟
ايه شلولح دي؟؟؟؟

وربنا يسعدك ويكرمك ويبسطك دنيا وآخره


سلامووووووووز

Soooo يقول...

Doba

اختي العزيزه ام يوسف افندي

ربنا يسعدك يارب
وان شاء الله هاكتب في كل حاجه واي حاجه
وربنا يقدرني اسعدكم كلكم ان شاء الله

وبخصوص تعليق كاميللو .. دي اقل حاجه اقدر اعملها لانسانه محترمه وعسوله زيها

وربنا يسعدك ويبسطك ويوفقك دنيا وآخره



سلاموووووووووز

Soooo يقول...

المـــفـــــــقــــــــوعـــــة مــرارتـهــا

يا سوسو ياختي انا فتحت التعليق لغير المعرف عشان بجد عايز اشوف رد فعل الكل على اللي بقوله وباكتبه
ولو حد شتم ولا قال حاجه عادي .. شتيمته هعرف ارد عليها كويس

وان شاء الله لما ربنا يكرمني في حوار الكتاب هتكونو انتو أول ناس لازم ابلغهم

وربنا يسعدك ويبسطك ويوفقك دنيا وآخره يارب



سلامووووووووووز

Soooo يقول...

بنوته مصرية

يعني اعمل فيكي ايه يعني يارودي
برضه حجزتي وماقلتيش رأيك
تكونيش بتستغلي حبي لنور خطيبتي وبتلعبي عالوتر الحساس ده

لكن ومالو ياستي
العبي براحتك
ماهو الحب بيعمل المستحيل

وربنا يسعدك ويبسطك ويوفقك دنيا وآخره



سلاموووووووووز

Soooo يقول...

صوت من مصر

يا راااااااجل
انت فين ياعمونا
اختفيت كده مره واحده ليه

يلا ربنا معاك في ظروفك وشغلك وربنا يسعدك ويكرمك ويوفقك ويبسطك دنيا وآخره يارب



سلامووووووووز

Soooo يقول...

wanna b a physician

الحمدلله انك ضحكت
ودي عندي كفايه بجد

وربنا يسعدك ويكرمك ويبسطك ويوفقك دنيا وآخره


سلامووووووووووز

Soooo يقول...

Ahmed Mubarak

حليب هارتي

بس كده ياعمونا
غالي والطلب رخيص
وان شاء الله هنزل مواضيع مستقله عشان كل الناس تقراها وهعمل حساب الاخوه المبرمجيه اللي دماغهم بتتلحس

وبالنوسبه لجزئية يوم ماشفتني .. انا برضه كنت هسألك عرفت ازاي .. لكن طبعا وجود ابويا ابو خالد معايا غطا على اي حاجه في دماغي
وربنا يفك غمته يارب

وربنا يسعدك ويكرمك ويبسطك ويوفقك دنيا وآخره يارب



سلاموووووووووز

Soooo يقول...

واحدة مفروسة

الحمدلله انك ضحكتي
والحمدلله ان النكت عجبتك

وياستي الفرصه ان شاء الله هاتيجي طول مانا معايا ناس حلوين زيكم بيشجعوني وبيقفو جنبي

ربنا يسعدك ويبسطك ويكرمك ويوفقك دنيا وآخره يارب


سلامووووووووز

Soooo يقول...

موجة

حبيبي من ايام الجيزه والله

انت فين يابو حميد
مابقتش بتنورني زي زمان ليه ياعمنا

لعل المانع خير ان شاء الله

وربنا يسعدك ويكرمك ويوفقك دنيا وآخره يارب



سلاموووووووووووز

Soooo يقول...

رئـــــيسـة حزب الأحلام

اهلا بيكي ياسيادة الريسه

وتعليق ام ايمن وساره فعلا مثال للنقد البناء

والحمدلله ان النكت عجبتك
وتصدقي هي دي فعلا اول كلمة قلتها لما سمعت النكت
احنا فعلا ماكناش عيال والله

وربنا يسعدك ويكرمك ويبسطك ويوفقك دنيا وآخره يارب



سلامووووووووز

Soooo يقول...

Z_Diva

الله يكرمك يام زعبولا
والحمدلله انك ضحكتي وقلتي لول عالنكت

ويسمع من بؤك ربنا في حوار الكتاب
وربنا يقدرني اني اعمل الموضوع ده عشان احاول من خلاله ارسم ابتسامه على وشوش الناس في الوقت والعصر الغريب اللي احنا فيه ده

وربنا يسعدك ويكرمك ويبسط ويرضيكي دنيا وآخره يارب



سلاموووووووووز

Soooo يقول...

الجدة فصيحة

وعليكم السلام ورحمة الله وبركاته

انا معاكي في ان التنويع حلو
لكن مشكلة الكتاب الساخرين ان حاجاتهم بتتسرق وبتتنشر وكل واحد بينسبها لنفسه ومافيش اي حاجه بتمنع ده غير ان الواحد مايكتبش من الاصل

وعموما لو فشل حوار الكتاب يبقى ساعتها لا ضير في اني انشر الحاجات اللي كتبتها واكتفي بمجموعة القراء اللي بيقرولي هنا

وربنا يسعدك ويكرمك ويبسطك دنيا وآخره

ملحوظه
مافيش انسان مصري مالهوش في النكت
النكته بالنسبه لينا هي الدوا والبلسم اللي بنعالج بيه حزننا وهمنا وكبتنا



سلاموووووووووز

Soooo يقول...

ابن حـجـر الـعـسـقـلانـى

عسعوووس حبيبي
طب تصدق انا كنت خايف احسن تنفضلي وماتكلمنيش من ساعة تدبيسة فيلم على جنب ياسطى
لكن الحمدلله انك جيت اهو ونورتني
وحلوين والله الكام نكته بتوعك
اي نعم حسستني اني بقال والزباين رايحه جايه علي
لكن حلوين والله

وسلامي للتمنياوي طه

وربنا يسعدك ويكرمك ويبسطك دنيا وآخره يارب



سلاموووووووووووز

Soooo يقول...

طارق الغنام

الله يخليك يارب
وياسيدي اعتبر مدونتي المتواضعه زي مدونتك تمام ونورني في اي وقت

وان شاء الله بمجرد ما اهدى من الدربكه اللي انا فيها هاجي لمدونة حضرتك واتواصل معاك

وربنا يسعدك ويكرمك ويبسطك ويوفقك دنيا وآخره يارب



سلاموووووووووز

Soooo يقول...

dina seliman

يافندم شرفتيني ونورتيني بجد
وياريت تعتبري مدونتي المتواضعه زي مدونتك تمام وتشرفيني بتعليقك دايما

ويسمع من بؤك ربنا في حوار الكتاب وفي حوار السرقه

وربنا يسعدك ويكرمك ويبسطك ويوفقك دنيا وآخره يارب



سلاموووووووووز

Soooo يقول...

MeDoOoOoOo

ابو جولدا ابن اختشي

ازيك يا واد وايه اخبارك واخبار امتحاناتك
يارب تنجح بقى وتعدي تانيه ابتدائي اللي بقالك فيها خمسين سنه

وياسيدي ربنا يكرمك ويسعدك ويبسطك ويوفقك دنيا وآخره يارب



سلاموووووووووز

Soooo يقول...

shayma

الله عليكي ياشيمو
بجد دعوة في الجون وماتتصوريش انا كنت محتاجها قد ايه

والحمدلله انك ضحكتي عالنكت ويارب تفضلي مبسوطه على طول

وربنا يسعدك ويكرمك ويبسطك ويرضيكي دنيا وآخره يارب



سلامووووووووووز

Soooo يقول...

hamssah

ياستي ان شاء الله كل حاجه هتستمر من غير ما اعمل مدونه تانيه ولا حاجه

وربنا يقدرني اعمل اللي يبسط الناس ويفرحهم ويسعدهم

وبعدين انتي بتغيبي كده ليه يابنتي؟؟؟
عايزك كده تنوري المدونه بتعليقاتك وبوجودك

وربنا يسعدك ويبسطك ويكرمك ويرضيكي دنيا وآخره يارب



سلاموووووووووز

Soooo يقول...

بيقولوا سايكو

الله يكرمك يارب
عشره من عشره بحالهم
كريمه وبنت كرما والله

وياستي ان شاء الله هنزل حاجات متنوعه مع المذكرات ومع مواضيع السينما

وربنا يقدرني اعمل كل اللي يعجبكم يارب

وبالنسبه لحوار هوجدة افلام الصيف اللي عايزاني اروحها دي
انا متشحور فلوس يا بنتي وظروفي مقندله الحقيقه
لكن اوعدك لو حاجه من الافلام دي رحتها وعجبتني هتكلم عنها
اما لو ماعجبتنيش .. فهقولك عاللي فيها في السكرته

وربنا يسعدك ويكرمك ويبسطك ويوفقك دنيا وآخره يارب



سلاموووووووووز

Soooo يقول...

هوة فى أيه؟؟soso

والله العظيم والله العظيم والله العظيم
تعليقك ده ماتتصوريش انا كنت محتاجه قد ايه

وبجد دعوتك جميله جدا وربنا يجازيكي بالمثل يارب

واضحكي ياستي على قد ماتقدري
ابتسمي للحياه وقولي يارب

وربنا يسعدك ويكرمك ويبسطك ويوفقك دنيا وآخره يارب



سلامووووووووز

Soooo يقول...

الشنكوتي الكبير

هوبا حبيب قلبي

ربنا يبسطك ويسعدك يارب على كلامك الحلو ده

وياسيدي اوعدك بمجرد ما ظروفي تتحسن ان شاء الله .. اعزمك على الفيلم اللي تحبه

وبخصوص اني ماردتش على تليفوناتك
فانا بقي عامل زي الخفافيش
نوم بالنهار وصحيان وفيسكافيه بالليل

ولما حد بيتصل بي وانا نايم بابقى عامل الموبيل سايلم ومش باسمعه .. ومش معايا رصيد اتصل بيك لما اقوم من النوم
ظروف متشحوره متشحوره يعني

وقريت موضوع ابو خالد فعلا ونفسي اروح اقف معاه او حتى اتصل بيه اشد من ازرو في محنته .. لكن مش عارف اعمل ايه والله
شوف لو هتعمل حاجه قوللي وانا ان شاء الله هكون معاك
ونمرته معايا لو تحب اديهالك



سلاموووووووووز

Soooo يقول...

محمود الدوح

انا اللي مابسمعش صوتك ليه
وبعدين انت تغيبت عن لقاء البورصه الخميس والجمعه ليه ياد؟؟
اوعي يكون الحوار فيه نيسكافيه
ازعل قوي انك ماعملتش حسابي والله

وبعدين انت ياخي مستفز قوي والله
طب قريت النكت وعجبتك وماقريتش باقي الموضوع .. داري على نفسك وماتقولش قريت النكت بس
شكلك عايزلك مج نيسكافيه تاني وعدالة السماء تنزل على قهوة البورصه

ربنا يسعدك ويبسطك ويكرمك ويوفقك دنيا وآخره يارب

ملحوظه
الكلمه اللي عايز اقولهالك .. هقولهالك مابيني وبينك لما اشوفك ان شاء الله



سلاموووووووووووز

Soooo يقول...

د/أبويحيى وادم

وعليكم السلام ورحمة الله وبركاته

برضه مش شايف تعليقك ده ليه اي دعوة باللي انا باكتبه

ياسيدي الفاضل انت دكتور
يعني هل ينفع انا اجيلك العياده ومن قبل ما تسمعني ولا تشوف انا هقولك انا حاسس بايه تروح مديني دوا وتقولي امشي عالعلاج ده؟؟
لا طبعا

زي مانت عايز الناس تسمعك وتحترم فكرك وقضيتك .. انت كمان اسمع فكرهم واتكلم معاهم في اللي بيقولوه

تعليقك ده والاولاني مالهمش اي لازمه ولا اي دعوة باللي انا بقوله خالص

وبعدين انا قريت في البروفيل بتاعك انك بتدرس دعوة اسلاميه
يبقى ابسط حاجه في الدعوة انك تحسس اللي بيكلمك او اللي انت بتتكلم معاه انك فاهم ايه وجهة نظره
وانت للاسف مافهمتش ولا حاجه ولا اي حاجه

جيت رحت قايل شوية كلام مالهمش اي دعوة بالموضوع اللي انا قلته ومشيت

طب ده ينفع
وبعدين الحكمة ضالة المؤمن .. اينما وجدت فعليه بها

يعني لو الحكمه في اني اخاطب الناس باسلوب عامي بسيط يبقى ايه المانع

لو الحكمه في اني احسس اللي بيقرالي انه زيي وبالتالي لما يسمعني ساعتها اقوللو اي حاجه ويقتنع بيها يبقى ايه المانع

للاسف هحذف تعليقك برضه لانه خارج نطاق الموضوع اللي انا باتكلم فيه

وطول مانت بتيجي تقول كلام خارج اللي انا باتكلم فيه هحذفو برضه

ولو عايز تتواصل معايا فكريا في اي حاجه .. يبقى تسمعني وتعرف فكري وتناقشني فيه
مش تيجي تقولي فكرك وكلامك وتمشي



سلامووووووووز

اهو ده عيبه يقول...

والله يا عم احمد انت تستاهل كل خير وتستاهل حب الناس بجد
واديك عرفت ان فيه غير معرف كويسين برضه ومش كل الناس زى بعضها

وانا فى انتظار الكتاب وفى انتظار المواقف اللى اتلطشت علشان اقراها

والنكت بجد زى العسل ربنا يكرمك يارب واشوفك كده احسن الناس

التمنياوي طه يقول...

الحاج سوووو بنفسه باعتلي السلام . حبيبي يابو اشرف
و ان شاء الله يا باشا هتبقى مشهور جدا و يبقى ليك معجبيين و معجبات
عجبتني النكت جدا بس انا سمعت نكتة نديك فرصة تانية يوم فيلم على جنب يا اسطى فانا عاوز نكتة بدلها
و الى افلام اخرى قادمة
بس تكون حلوة :D

كيكى عوووووو يقول...

يا سووووووووووووووووووووو يا جامد.....انت عدت الكابرى خلاص...هههههههههههه بجد انت زى العسل...وبرضوا مجتش..ماشى يا سووووووووو براحتك اووووووووووى..يعنى اجبيلك اتوبيس ولا اعمل اييييييية..على العموم البوست الى عايزة اخد رايك فى اسمة ...انا وبابا ونتيجة الثانوية العامة..تعالى بقى متزعلنيش منك

بنوتة من وسط البلد يقول...

الف مبروووك يا سوووو على الانجاز الى حققته فى نقدك للفيلم والى خلى احمد عاطف ولمؤاخذة يعبرك :) :d


بس الحقيقة انا مش هتكلم علىى البوست ده انا هتكلم على سينماتك وفيلم الغابة ... انا كاتبة بوست فى مدونتى بصراحة مشرشحة فيه لكل افلام الموسم الزبالة الى معروضة اليومين دول .. وبصراحة جيت لحد الفيلم الغابة وما قدرتش اقول عليه كلمة .. الفيلم ده انا ما شفتوش وما افتكرش هشوفه علشان انا مش بستحمل الافلام الى من بتجيب الذبحة ... بس فيلم الغابة حقيقة حقيقة حقيقة ... والى بيحصل فى الشوارع ده بركان انسااااانى لازم الناس تعرفه وتشوفه ... انا شفت العيال دى وشفتهم عايشين ازاى .. روحوا السيدة زينب قصاد مبنى الشئون او العوايد فى شارع الناصرية وشوفوا البنات الحوامل والى شايلين فى اديهم عيال وماشيين زى قطيع الغنم ورا بعضهم بنات وصبيان ... يا الاهى

فين بقى الهانم راعية المراة والطفل .. صاحبة مجالس المراة والجمعيات الخيرية والمؤتمرات والندوات الدولية ... الى رايحة عاملة مبادرة الانترنت للسلام .. والاحتفال بيوم المراة العالمي ... ولا هى البنت الى فى الشارع دى مش مراة .. ولا احنا بنيجي لحد الصور المقرفة ونعمل روحنا مش شايفينهم


حسبي الله ونعم الوكيل واعتذر للاطالة

تحياتى

Empress appy يقول...

مبروك على الشهاده بتاعت احمد عاطف والله وفتحت لك الابواب يا عم ربنا يوفقك يا رب

وانا من راى اللى بعتت لك نوع يا سووووووو ومستنين الكتاب والسى دى والجرايد وكله ربنا يوفقك


ملحوسه بخصوص الموبيل ابعت المواصفات ولو عندك الصورة والسعر على الميل بتاعى اللى عندك واوك نبدأ خلينا نبتدى شغل بقى ويبقى افتتاح حلو بس اوعى يكون مقلب يا سوو اصلى عارفه حركاتك ويطلع الموبيل اللى انت شايله ههههههههه

قوس قزح يقول...

ههههههههههههههههههههههههههههههه جامدين النكت اوى خصوصا اول واحدة

و انت فعلا ناقد هايل يا سووو و كلام احمد عاطف عنك حقيقى

اما عن طلب ام سارةو ايمن فعندها حق جدا لانى من الناس اللى بتاعنى من المذاكرت لانى مش متابعها من الاول و مش بفهمها و بحاول انى كل يومين ثلاتة اقرا حلقة من القدام الاقيك نزلت حلقة جديدة يعنى انا عمرى ما هخلص كده ( وش مكشر و متغاظ )

غادة يقول...

ازيك يا احمد بجد انت دمك خفيف موت
بس انا عايزه اقولك حاجه انا متفقع مع ام ايمن فى انك تكتب موضوعات مستقله و متنوعه
لأنى كل مره ادخل عندك الاقيها المذكرات وبصراحه بكسل ابتديها من الأول عشن الوقت
بس عجبنى جدا تحليلك لفيلم الغايه ونفسى بجد اشوفه
ربنا يوفقك و سلام مؤقت

""""" يقول...

تصدق انا كمان لفتت نظرى حكاية المواضيع اللى بتتسرق
فى اعضاء فى المنتديات بيدخلوا ياخدوا المواضيع من المدونات وينشروها من غير ما يكتبوا انها مواضيع منقوله عن مدونه او غيره

اذا كنت انا بضايق لو حد سرق رد ليا امال لو موضوع كامل

طب ياريت تنشر مواضيعك اللى اتسرقت تانى

انا اصلا مش قديمه ومقرتهاش
وانت فعلا اسلوبك رائع وانا كمان بحب اتابع مدونتك

Asmaa mahaba يقول...

ههههههههههههههه
ايه النكت دى يا سووو
كنت فين كل دا اخر مره قلت رايح مشوار تقيل ومرجعتش
حتى افتكرتك بيفسحوك فى مارينا وحسيت بالخيانه منك ...كنت المفروض تقول عشان نوجب معاك ببقصماط وحلاوه
:)))
انت فعلا نقدك جميل جداا وانا قلتلك انا بحب اقرالك عشان مبروحش سيما ومع ذلك سياتك مرضيتش تلم فلوس زى ما قولتلك ....عالم مش عارفه مصلحتها صحيح....
اما انا بالنسبه للافلام فلو حتى قصتها حلوه ... انا بعترض فيها زى ما قولتلك قبل كدا على بعض المشاهد حتى لو كان البعض يراها عاديه...ولن تصدق انى بعمل زى الاطفال الصغيرين واحط ايدى على عينى
نفسى بجد اشوف فيلم مصرى منغير ما مره اخبى عينى.....اظن فهمتنى
تحياتى ليك سومه_87

GiGi world يقول...

انت حقيقى انسان رائع

Unknown يقول...

ايه يا عم ده كله انت كاتب جرنال
عموما انت تستاهل لانك بجد انسان جميل وبتتكلم بوعى

Wael - وائل يقول...

نكت جميله خالص

Soooo يقول...

اهو ده عيبه

دوللي حبيبتشي حبيبتشي حبيبتشي

الله يكرمك ياستي على البؤين الحلوين دول
والحمدلله ان في ناس غير معرفين او مالهمش بروفيل على بلوج سبوت .. وبيحبو يتعاملو ويتناقشو مع الناس باحترام وبنقد بناء

وبالنسبه للكتاب اديني باعافر اهو وباعمل لفات مكوكيه وربنا يجعلها بفايده ان شاء الله

وهنزل موضوع من المواضيع اللي اتلطشت حالا يافندم اهو

وربنا يسعدك ويكرمك ويبسطك ويرضيكي دنيا وآخره يارب



سلامووووووووووز

Soooo يقول...

التمنياوي طه

يا تمنياوي ياخويا انت لو فتحت قلبي هتلاقي انك قاعد في اذين وابو العساعيس قاعد في اذين
والبطينين الفاضلين واحد منهم فيه علبة بوكس .. والتاني سايبه فاضي احتياطي لو حد جه في السكه ناخده معانا

سيبك انت .. انا مبسوط انك مازعلتش مني عشان الفيلم الهابط اللي دبستكم فيه

وعايزك تنورني دايما ومنتظرين المدونه بتاعتك واللي من اسمها هتعمل احلى شغل ان شاء الله

وربنا يسعدك ويكرمك ويبسطك ويرضيك دنيا وآخره يارب



سلاموووووووووز

Soooo يقول...

كيكى

كيكي كيكي انت صديكي

انا اهو يافندم .. ورجتلك كمان مدونتك قريت اخر بوستين وقلتلك رأي فيهم كمان
وانتي ياستي مش محتاجه رأيي .. انتي بتعرفي تعملي موقف ساخر من الهوا .. وهو ده اللي بيميز الكاتب الساخر

وربنا يسعدك ويكرمك ويبسطك ويرضيكي دنيا وآخره يارب



سلامووووووووز

Soooo يقول...

بنوتة من وسط البلد

انتي يابنتي بتختفي تختفي وبعدين تروحي ظاهره كده مره واحده

وبعدين ياستي انا قلت اللي حسيته لما شفت الفيلم لانه عجبني قوي .. وماحطتش في دماغي ان حد ممكن يفسر كلامي على اني بحاول اتملق حد والله
ولو رحتي مدونة احمد عاطف المخرج هتلاقيني بقوللو كتعليق على اخر موضوع واللي بيقول فيه على كلامي عن الفيلم .. هتلاقيني بقوللو عايزين افلام حلوة زي اول فيلم اللي هو فيلم عمر الفين .. وزي آخر فيلم اللي هو فيلم الغابه .. وماتكترش من نوعية الفيلم اللي في النص .. واللي هو اشهرهم وكان قصدي على فيلم ازاي تخلي البنات تحبك .. يعني باتكلم بنقد موضوعي فعليا

وانتي بنفسك متفقه مع وجهة نظر الفيلم في ان فعلا في عشوائيات بالطريقه اللي ناقشها .. يعني ده فعلا فيلم بيعبر عن الواقع

وياستي ولا اطاله ولا حاجه .. لو انتي هتعتذري عن الاطاله .. يبقى انا عديت مرحلة الاعتذار بالرغي اللي انا رغيته دلوقتي

وابقي اظهري كده ماتختفيش
وربنا يسعدك ويكرمك ويبسطك ويوفقك دنيا وآخره يارب



سلاموووووووز

Soooo يقول...

appy

الله يبارك فيكي يا اابي يا بتنجاني

وبالنوسبه لحوار الكتاب .. اديني باسعى فيه اهو .. انما ايه السي دي ده ولا مؤاخذه؟؟؟
اوعي تكوني مصورالي سيدي في اوضاع مخلخله .. ولا تكونيش ناويه تحطي الصور بتاعتي عالبورصه في سيديهايه وتعمليها فوتوشوب وتعمليلي دويتون مع اليسيا

بلاش اليسيا .. نانسي هتزعل وانا ماصدقت صالحتها بعد ما اتخانقت مع هيفا

وبعدين مالو الموبيل بتاعي
ده حتى ولا بيطلع منه صوت خالص ومؤدب ومحترم بطريقه رهيبه

وعموما انا كنت ناوي ابيع موبيلي .. لكن لما لقيتك بتتريقي عليه وحسيت انه زعل .. قلت لاممكن استغنى عن النوبيل اللي استحملني في فترات شقايا .. قال يعني انا دلوقتي بقيت مليونير مثلا

وانتي مابتظهريش ليه يابنتي .. مش تبقي تخلينا نشوفك ونطمن عليكي ياعم

ربنا يوفقك ويسعدك دنيا وآخره يارب




سلامووووووووووووز

Soooo يقول...

قوس قزح

اهلا بوالدة منافسي الصغير
وايه رأيك انتي بالذات بقى مش هنفذلك رغبتك .. عشان دايما بتحرجيني قدام خطيبتي وتقعدي تقولي علي مش عارف ايه
لا مش هسامحك
ماتحاوليش تعتذري
لا ممكن
لا ماتبوسيش ايدي
يوووووه
عارفاني قلبي ابيض وماقدرش ازعل من حد

يلا ياستي .. عفونا عنكي

وان شاء الله هحاول احقق رغباتك ورغبات كل الناس وربنا يعمل اللي فيه الخير ان شاء الله


وربنا يسعدك ويكرمك ويبسطك ويرضيكي دنيا وآخره يارب
وسلامي لمنافسي الصغير



سلاموووووووووز

Soooo يقول...

نور

اهلا بيكي يافندم في اول زياره تقريبا ليكي عندي في مدونتي المتواضعه
واعتبريها زي مدونتك تمام وعبري عن رأيك وعن كل اللي انتي عايزاه بكل حريه

وان شاء الله هبدأ في تنزيل مواضيع متنوعه اهو عشان اللي بيحب يقرالي يقرالي وينورني بتعليقه وبكلامه

وربنا يسعدك ويكرمك ويبسطك دنيا وآخره يارب



سلامووووووووووز

Soooo يقول...

amal

الحكايه ياريتها وقفت على المنتديات وبس
ده في واحد عامل مدونه وانا للاسف اعرفه .. كل مواضيعه مسروقه من مدونات الناس
وكل ما اشوف موضوع مسروق هو منزلو اروح قايللو ان ده بتاع فلان وانه كده غلط .. واروح لفلان اقوللو الحق انت بتتسرق .. لكن ده ولا الهوا ومكمل سرقه عادي

ويا فندم جاري تجهيز اول موضوع اتسرق منني وهنزلو ان شاء الله بعد ماخلص ردودي على تعليقات الناس ان شاء الله

وربنا يسعدك ويكرمك ويبسطك ويوفقك ويرضيكي دنيا وآخره ان شاء الله



سلاموووووووووووز

Soooo يقول...

سومه...مجنونه فى بلد عاقل

ياسلااااااام
يعني لو رحت مارينا كنتي هتزعلي عشان مش هتعرفي تجيبيلي بقسماط وحلاوة بس
ده ايه الجدعنه دي
جدعه بجد يعني

وياستي الحكايه ومافيها اني كنت مشغول في شوية امور ومصالح حكوميه مستعجله ودمي اتحرق في المشاوير دي بجد .. ولما رقت شويه اديني جيت اهو

واوعدك انك ان شاء الله في اول فيلم انا كاتبه هتتفرجي عالفيلم كللو من غير ماتحطي ايدك على وشك لانه هيكون فيلم اسري من الدرجة الاولى
قولي انتي يارب

وربنا يسعدك ويكرمك ويبسطك ويوفقك ويرضيكي دنيا وآخره يارب



سلامووووووووووووز

Soooo يقول...

GiGi

بجد مش عارف اقولك ايه والله

بس انا ولا رائع ولا حاجه .. ماتخلينيش اخد مقلب في نفسي واتغر .. وانا لو الغرور ركبني هتلاقيني باكل وانا عايز اعمل دايت

وربنا يسعدك ويكرمك ويبسطك ويوفقك ويرضيكي دنيا وآخره يارب



سلامووووووووووز

Soooo يقول...

هيثم الدهشان

مالو بقى الرغي
طب ده انا حتى مواضيعي بقت ملخصه دلوقتي
وانت عارفني ماحبش الرغي ولا الكلام الكتير ولا البلوبيف بالبيض

وربنا يكرمك يابو دهشان ياعسل ويسعدك ويبسطك ويوفقك ويرضيك دنيا وآخره ان شاء الله



سلاموووووووووز

Soooo يقول...

Invisible

اهلا بيك يافندم واتمنى ان النكت والمواضيع عجبتك وياريت تعتبر نفسك في مدونتك وتشرفني دايما بآراءك



سلاموووووووووووز