الثلاثاء، 20 ربيع الأول، 1430 هـ

!! بحبك يا حمار

قاعد ولا بي ولا علي .. والاقي باراكودا - بنت لبنانيه بتتابعني من المدونة – باعتالي ايميل فيه خبر عجيب .. ولما قلتلها انا عايز اعرف المصدر عشان بجد يعني لو الخبر ده صح .. دي تبقى قمة الكوميديا .. راحت باعتالي اللينك ده

قريت الخبر مره في التانيه .. وللأسف .. لقيت الخبر صح .. ومنشور في كذا مكان تاني

وهنا بقى لقيتني باوَنوِن .. يعني ايه اليابان عايزه حمير مصريه .. وهي حميرنا دي حاجه بالساهل كده أي دوله تطلبها نروح مدينها .. لأ بقى .. الحمار المصري مش للبيع يا ساده !!؟؟؟
اين انتم يا مصريين .. حميركم بتتباع عادي كده ولا الهوا .. دي مهزلة !!؟؟
!!!! يالَ وصمة العار .. يالَ خيبة الرجاء
هي ايه (يالَ) دي اصلا !!؟؟؟

اكتر حاجه بقى خلتني مش عارف اضحك ولا ابكي .. انهم مش لاقيين حمير كفاية .. ماهو احنا والحمدلله كلنا الحمير كلها خلاص .. وشوية الحمير اللي فاضلين واللي طالباهم اليابان .. دول هم إناث الحمير واللي بيستخدموهم الجزارين كـ وِلده .. يعني عشان يخلفو حمير تانيين ويدبوحهم وكده

الاكتر سخريه بقى .. وانا باقلب اشوف مين تاني بيستفيد من الحمار .. لقيت ان الصينين بياخدو دهن جلد الحمار ويعملوله معالجات طبيه ويصنعو منه حبوب زي الفياجرا .. ايوان .. الفياجرا الصيني مستمده من الحمير المصريه
!! يعني لو حد مننا جاب فياجرا صيني .. يبقى عارف انه هيبقى زي الحمار
ولأن الحمار المصري احسن حمار في العالم وده بكلام اليابانيين .. يبقى الفياجرا الصيني احسن من الفياجرا الامريكاني .. ودي نقطه في صالحنا احنا المصريين ولازم ونتفشخر بيها .. وبحميرنا

.. وبكده هنلاقي شوية مستجدات في الخريطه الحياتيه هتحصل .. زي ان الاعلانات هتبقى في سكة

شخص واحد : حمارك حصاوي ولا مستورد ؟؟؟
شخص اتنين : - وهو يبتسم بفخر واعتزاز - لا طبعا .. حماري مصري حصاوي
شخص واحد : ياريتني كنت سمعت كلامك .. وشجعت حمير بلدي – ينهار في البكاء
أغنية : يضحك علي مره .. قال ايه قال من بره .. اتدبس انا واجيب الحمار
ولا ليه ورقة صيانه .. ولا ورقة الضمانه .. ياريتني كنت جبت
جولد حمار
صوت : اشتري حمارك من جولد حمار .. وهتبقى في السليم
---
اصوات في مظاهرة : الحماره اللي حيلتي باظت .. باظت .. باظت
شخص يجلس عالمقهى : مش كان احسنلو يجيب الحمار الجامبو
صوت حمار ضخم يمشي في الشارع : جامبو الجبار .. احسن حمار
---
تعلن مجموعة شركات الشهيق والنهيق عن توافر مجموعة حمير بلدي .. بسعر الجمله
الكميه محدوده .. سارعو بالحجز .. والأولوية لسابقي التنهيق
---
.. في رمضان بقى هنلاقي اعلانات الزكاة جايه في سكة
ساعد اسره فقدت عائلها .. وهاتلهم حماره عُشر .. تساعدهم على معايشهم
!! صورة الحماره وهي بتاكل برسيم
--------------------
واخواننا بتوع الفيس بوك .. هيسكتو .. لأ طبعا
.. هنلاقي جروب طالع اسمه
لا لبيع الحمار المصري لأعداء الوطن
.. وجروب تاني
!! حمار حصاوي .. وافتخر
.. وهيطلع جروب بالانجليزي
Save Our Donkeys
--------------------
.. وعناوين الجرايد الحكوميه هتبقى
الحكومة تدعم الحمير بسبعة مليار حزمة برسيم
!! استيراد العربجية لتربية الحمير المصرية .. تربيه زرايبي قويمه

.. وجرايد المعارضه هتقول
!! ظابط يعتدي على حمار ويتحبرش به جنسيا
ملف كامل : نواب الحمير .. هل هم امتداد لنواب القروض !!؟؟

--------------------
وشويه شويه .. هنلاقي زاهي حواس طالع يعلن عن كشف أثري ومقبرة حمار عنخ آمون .. والبرديات اللي لقوها بتؤكد انه الفراعين كانو بيتفائلو بالحمير .. بدليل حكاية الفلاح الفصيح لما الحمار بتاعه اتسرق .. ومش بعيد يكون اللي سرق حماره واحد صيني .. ماهو الصينين في مصر من ايام الفراعنه وبيبعو هاجات هلوة
!!! وتلاقيه سرق الحمار عشان متجوز بقالو تلات سنين .. ومش عارف يخلّف
--------------------
طبعا على قناة النيل الادبيه هيعملو ندوات على مسرحية الحمير لـ توفيق الحكيم .. وخمسين الف واحد هيعيدو دراستها وتفحيصها وتمحيصها واعادة نشرها
.. وهتتعمل مسلسل في رمضان وهتعمل بطولته واحده من الاتنين
ناديه الجندي .. او نبيله عبيد
.. وهيكون اسمه
أرجوك .. أعطني هذا الحمار
!!!!!
--------------------
.. وأساسي موضوع التعبير بتاع السنه دي في كل المراحل هيكون

تكلم عن الحمار المصري ودوره المؤثر على دول العالم في المستقبل .. موضحا دور الحكومة المصرية
!!!!
.. ولكنه بعد أن أكل آخر حزمة برسيم واشتد به الجوع .. تذكر طفولته عندما كان جحشا صغيرا
!!!! تكلم عن موضوع ينتهي بهذه الجمله


.. ملحوظة

.. بناءا على ماسبق .. هسرّب كل الخرفان اللي عالسطح ومالهاش لازمة
!!! ماهو الواحد لازم يواكب التكنولوجيا والتطور الطبيعي .. ويحب الحمير

سوووو

هناك 36 تعليقًا:

مهندس مصري يقول...

هههههههههههه
حلو قوي
طيب والله شكل المشروع كويس و مربح
بس يا ترى أرباحه حتروح في جيب مين ؟

77Math. يقول...

وهذا أمر يجعلنا أكثر احترامًا للمطربين، فبدلا أن نرى ما يقولونه إسفافًا وانحطاطًا وعدم احترام للمشاهدين والمستمعين..

علينا أن ندعمهم ونعترف ببعد النظر لديهم !

أم أن الأمر كان واسطة حميرية ؟

ابن حـجـر الـعـسـقـلانـى يقول...

عالية قوى دى بصراحة ... بجد بجد .. الواقع بقى فيه كمية كوميديا أكبر من خيال أى مؤلف محترف

shayma يقول...

هههههههههههههه
لااااااااااااعااااااااااا

جامده اخر حاجه ولا اعلاناتك يا سوووووووووو مسخرة وقعتنى من الضحك

وال احنا متضايقين ان بدل القمح بيزرعوا برسيم وفقرونا وعرونا دول طلع عندهم بعد نظر عالى اوى يا سووو

بس انا عندى سؤال هيا ايه حكايه التماسيح دى
يعنى ليه مزرعه التماسيح اوعى يكونو هيسيبوا علينا التماسيح تاكلنا يا سوووووووووو

adel يقول...

وكمان المهمة اللي جاية لادهم صبري
انه يحاول يمنع مخطط صيهوني لعين غرضه القضاء علي حمير مصر

و نستفيد من كده ان الفنان سعد الصغير عنده بعد نظر لما قال بحبك ياحمار

ولا عزاء للحشرات

الفراغ يقول...

ههههههههههههههههههههه
ياخبر حميرى
دانا لسه متفقه على بيع حمارى اللى كنت بروح بيه الشغل..اصله تاعبنى وفرامله سايبه
ااقوم اجى دلوقتى اقرا هذا الخبر المفزع
امرى لله... .ارجع فى البيعه..وادفع ال100حزمة برسيم كشرط جزائى...انا اللى استاهل
كان مفروض اعمل اعلان لاعلى سعريجيبه الحمار....
امال ايه...دا موديل يبانى بقطع غيار مصريه اصليه

*البت المشمشية *حلوة بس شقية * يقول...

ههههههههههه
اهدا بس ياعم سوووووووو
ومتعملش فى نفسك كدة
اهو احنا ناقصين يا جدع
الحمير دى عشرة بردو منقدرش نفرط فيهم بلساهل
وبكرة يعملو فيلم عن قصة حياة الحمار
احنا مش عارفين فوايد االحمار
من اهمها
انو بينهق ويزعج اللى خلفونا
اشطة جداااا الديك بيدن

بت خيخة وأي كلام يقول...

نيهأ نيهأ نيهاااااااااااااع


جامدة جامدة جامدة


سلام
اختك خيخة

DantY ElMasrY يقول...

لو باعوا الحمير لإسرائيل .....ينفع؟؟؟

لماضة يقول...

يارتني كنت حمار
الله يمسيك بالخير يا ممدوح وانت بتقول في المصرحيه بكل فخر واعتزاز
i aaaaaaaaaaaaaaaaam donkey
على فكره يا سوو
انت هتروح في داهيه قريب
ادي ودني اهي ان مرحتش
قصدي دقني

صيدلانيه طالعه نازله يقول...

ههههههههههههههههههه
اولا موضوع الخرفان اصلا ابتكار و احتكار آبى بتنجانى فبلاش نقطع على بعض
ثانيا اصلا مبقاش فيه حمير عندنا اصلا عشان نصدرها الشعب المصرى خلاص اكلها كلها من زماااااااان و بقت عمله نادره و غالبا الصين عايزه شويه عشان تعيد توالدهم و تصدر لنا حمير مصرى بتقول وحوى يا وحوى و بترقص و بتنور كمااااااااااان

ساعه الغروب يقول...

جامد جدا جدا جدا


حتى الحمير هياخدوها مننا :(

طيب يسيبولنا اى حاجه :(

هى كل حاجه كدا بيشبطوا فيها :(

عموما فيه لسه حمير عندنا طليقه فى الشوارع فى بورسعيد فاعتقد اننا من اغنى المحافظات المصريه ههههههههههههه

عموما انا هنزل اصورلى كام حمار عشان هيبقى حيوان منقرض اهو ابقى اعرف الاجيال القادمه بيه ههههههههه


يعنى ما عادلناش غير الفول والطعميه يا رب نقدر نحافظ عليم قبل ما يكتشفوا فيهم اى حاجه هما كمان

ربنا يستر علينا

تحياتى بجد


بوست رائع كعادتك

:)

موجة يقول...

هههههههههههههههههه
ضحكة صفرا عشان انا مضايقة ومضغوطة وطالع عينى
بس موضوع كوميدى كوميدى لكن انا اللى نكدية ومودى مش حلو النهاردة
بالتوفيق

Sherif يقول...

وبكره هنسمع

حمير مصريه مهربه للخارج

(على غرار تهريب الاثار )

تقبل مروري

mohamed ghalia يقول...

ههههههههههههه
الله عليك ياسو
وكمان تنبأت بمستقبل الصحافة والإعلانات
لا دا إنتا بارع بجد

مجداوية يقول...

السلام عليكم

كيف حالك يا باشمهندس أديب روائي سووووو



انت كده فسرتلي تعليق طويل لقيته عندي في التدوينة الأخيرة مكتوب بالصيني أو الياباني ,,
تقريبا ده بقى اعلان مناقصة توريد حمير
وان كنت كده حازعل اشمعنى أنا يعني اللى حاطين الاعلان ده عندها قصدهم ايه يعني !!!

لو سألنا الحمير حيقولوا نار اليابان ولا جنة مصر ولو الخبر انتشر بينهم حتلاقيهم طوابير طوابير وحيعملوا برضه اضراب عشان الجزارين حيخلصوا عليهم وأحمد نظيف حيعملهم يوم تحرير الحمير من الجزارين عشان يراضيهم

بس تخيل كده مصر من غير حمير ؟؟

لالالالالالالالا

متنفعش

بس هم حيدونا بدالهم حمير توشيبا ياباني أصلي ولا تايواني مضروب !!؟

الشنكوتي الكبير يقول...

كان فيه فيلم اسمه صراع في النيل بتاع رشدي اباظه وعمر الشريف وهند رستم
وكان فيه واحد اخرس عنده حماره صغيره بتحبه وبيحبها

اهو تلاقي الحماره دي هي ام الحمير اللي في السينما كلهم
وهي هتبقى الممثل عنهم في حقوقهم ما هم هيبقى ليهم نقابه برده

وعلى كده بقى مش هناكل كفته من عند عبده تلوث تاني

سلااااااااااااااااااااااااام
اخوك ايهاب

mahmoud يقول...

الموضوع جاااااااااااااااااامد.في انتضار المزيد.

mahmoud يقول...

الموضوع جااااااااااااااااامد.في انتظار المزيد.

صباح الصباح يقول...

جامد مووز مووز

الا صحيح يا سو هوة افتكلا اية لما ايام كان جحش صغير

هههههههههههههههههه
اكيد بلاوى

فاتيما يقول...

ربنا يسعدك يا سووو

mk يقول...

حقيقى ياسوووو اسلوبك جميل جدا وساخر جدا وفيه اسقاطات عاليه والى الامام دائما

maha zein يقول...

انت لسة عندك شك ان الحمير بتاعتنا صيتها مسمع لبرة
اوعاك تكون فاكرهم عوزين الحمير عشان يشيلوها ويشغلوها
لا والف لا
بيقولك واحد ياباني جه هنا ووقف علي عربية كبدة وفشة راح ضربله طبق كلاوي حمار وسجق حميري كندوز

راح اعجب بالطعم ولقاه اطعم من الكلاب
فحب يسلك لنفسه سبوبة في اليابان ياكل منها شهد

خليك فصيح كده

تامر علي يقول...

اؤكد لك إن هذا الإنجاز يحتسب للحكومة المصرية في الوقت الراهن .... فلولا انها زودت الشعب بالفول والبرسيم والتبن بكميات مناسبة ... ولولا انها شجعت تنمية العقول الحميرية المستدامة لما وصلنا لهذه الانجاز الحميري التنموي التنويري العريق ..... يعتبر هذا الإنجاز هو أعظم انجازات حكومة "الكلافين" بحق :)

Ahmed Al-Sabbagh يقول...

:))))
احلى حاجة الحمارة العشر
أنا شخصيا هكون رابطة محبى الحمير
وهعمل مدونة جديدة اسمها يوميات حمل قبل البيع
وهدفع أول قسط حمار
وهكتب تدوينة بعنوان لقطات مع الحمار
واحط صورة بجوار الحمار وصورتى جنب الحمار وصورتى مع الحمار وصورتى بالقرب من الحمار

والله الحمير طلعت أفيد من الخرفان
:)))

همس الاحباب يقول...

ههههههه
هههه
ههههههههه
اخيرا وصلنا للعالمية
اووووووه مش احنالاالحمير بتاعتنا
انا ناوى اخلى والدى فى البلد يعمل مزرعة حمير ويسيبه من المواشى التانية
وناوى احتكر السوق
واخلى سعر الحمار اعلى من سعر الحديد
ومافيش عز احسن من عز
بس بجد جامدة قوى يا سوووووووو
تسلم الايادى
وانا معاك سيبك من الخرفان وخليك فى الحمير
على الاقل هتنفع فى مشوار ولا كده لوسط البلد ونعزمه على فسكافيه بلاك بطعم البرسيم

صوت فيروز يقول...

مره يقولوا دوله عربيه عايزه جثث من عندنا عشان كليات الطب بتاعتهم و مره تانيه حميرنا
خاليها حمير حمير يمكن نواكب اي بلد في التصدير بس تصديرنا حميري
و تبقي مصر هي الدوله الاولي في تدير الحمير
و و النبي في حمار خدوه من عندنا ببلاش

أبو العريف يقول...

دلوقت بس عرفت ان سعد باشا الصغير
كان عنده نظره مبعديه لما قال بحبك يا حمار
وانا اللي ما فهمش وجهة نظره
طلع اكبر حمار

بنت مصريه يقول...

ههههههههههههههههههههههههه
حلوه قوى الاعلانات دى
بجد دا اللى كان ناقصنا بقينا نورد حمير كمان سنتين وهنورد بنى ادمين
انا بضم صوتى لصوتك يا سووو ونعمل جمعيه انا وانت ونسميها جمعيه حمايه حقوق الحمير ف مصر

وسمعنى سلام بحبك يا حمار

maii يقول...

التغطية الإعلامية الشاملة دي ناقصها الراديو يا سووووو
الراديون....
حمير إف إم.. نهأة فاصلة ستة

يابوستاتك ياسوو
:))))))))))))))

صفـــــاء يقول...

يعنى انا انزل اجيب الحمير اللى جنب الباب بتاعه الجيران دى ؟
دة الحمير بتاعه الغيطان مفيش اكتر منها هنا يووووة بالزوفه والله
طيب هو الحمار يقطع له كام يعنى؟
تشوف لى الموضوع دة وتبقى شركه!!!
انا بالمنتج وانت بالتعاقد وفتح اسواق جديدة

كمان على فكرة وعشان تعرف ان المصرى المنحوس منحوس يعنى
الدولار الاسترلينى ما يجبش جوز جنيهات زى الدولار الكندى كدة
حسبه 220 قرش
أبقى اطمع فحاجه عليها العين والنبى

تقبل مرورى

شفقة هانم واحسان بك يقول...

الموضوع تحفة
بجد عرفت ازاى تسرد الموضوع بشكل ساخر ودمه خفيف
تحياتى

Barracuda يقول...

انا بأقول لك انت رايح في داهية، رايح في داهية : اذا مش من الرقابة من نادية الجندي او نبيلة عبيد نجمات ومحبوبات الجماهير. انا يا باشـمهندس ما ليش دعوة، بس نفسي اعرف فرنسا بتعمل ايه بلحم الحمير اللي هي في اشد الحاجة اليها، يعني اليابان كدة كدة ربحانة على الجهتين بالشراء والمبيع بس راحت على الحمار يا عيني.

القمر الساهر يقول...

بزمتك دة مش ارهاب

يقووا كداعيني عينك انهم هيغتالوا الحمير بتوعنا

واحنا نبيع عيالنا سوري اقصد حميرنا علشان تدبح

الا قلتلي الحمار هايقف علينا بكام ؟

مرجانة يقول...

هههههههههههههههههههههههههههههه
معقول الخبر دة صحيح ؟ بأة مفيش حمير كفاية ؟؟؟؟ غريب يا سو !!!
هي الحكاية ان الحمير المصرية اكيد اكيد مش مطابقة للمواصفات الحميرية العالمية
بس زي اي حاجة مصرية يعني
عاااااااادي
لكن اوعي تصدق ان مفيش حمير في مصر
مصر ولادة يا سوووو
تحياتي

kiki يقول...

情趣用品,情趣,A片,AIO,AV,AV女優,A漫,免費A片,AIO交友愛情館,愛情公寓,情色,情色貼圖,色情小說,情色小說,情色文學,色情,寄情築園小遊戲,色情遊戲,嘟嘟情人色網,一葉情貼圖片區,情色論壇,色情影片,微風成人,嘟嘟成人網,成人,18成人,成人影城,成人圖片區,成人圖片,成人貼圖,UT聊天室,聊天室,豆豆聊天室,哈啦聊天室,尋夢園聊天室,聊天室尋夢園,視訊聊天室,視訊聊天

麻將,台灣彩卷,六合彩開獎號碼,運動彩卷,六合彩,線上遊戲,矽谷麻將,明星3缺一,橘子町,麻將大悶鍋,台客麻將,公博,game,,中華職棒,麗的線上小遊戲,國士無雙麻將,麻將館,賭博遊戲,威力彩,威力彩開獎號碼,龍龍運動網,史萊姆,史萊姆好玩遊戲,史萊姆第一個家,史萊姆好玩遊戲區,樂透彩開獎號碼,遊戲天堂,好玩遊戲,遊戲基地,無料遊戲王,好玩遊戲區,麻將遊戲,好玩遊戲區,小遊戲,遊戲區,電玩快打,cs online

情趣用品,情趣,情趣商品,A片,AIO交友愛情館,AIOAV女優,AV,A漫,免費A片,本土自拍,自拍,愛情公寓,情色,情色貼圖,色情小說,情色小說,情色文學,色情,寄情築園小遊戲,色情遊戲,色情影片,情色網,色情網站,微風成人區,微風成人,嘟嘟成人網,成人,18成人,成人影城,成人圖片區,成人圖片,成人貼圖,成人文章,成人小說,UT聊天室,聊天室,豆豆聊天室,哈啦聊天室,尋夢園聊天室,聊天室尋夢園,080中部人聊天室,080聊天室,中部人聊天室,080苗栗人聊天室,苗栗人聊天室,免費視訊聊天,免費視訊,視訊聊天室,視訊聊天

情趣用品,情趣,情趣商品,愛情公寓,情色,情色貼圖,色情小說,情色小說,情色文學,色情,寄情築園小遊戲,色情遊戲,AIO交友愛情館,一葉情貼圖片區,情色論壇,色情影片,色情網站,微風成人區,微風成人,嘟嘟成人網,成人,18成人,成人影城,成人圖片,成人貼圖,成人圖片區,成人文章,成人小說,A片,AV女優,AV,A漫,免費A片,自拍,UT聊天室,聊天室,豆豆聊天室,哈啦聊天室,尋夢園聊天室,聊天室尋夢園,080中部人聊天室,080聊天室,080苗栗人聊天室

情趣用品,情趣,情趣商品,愛情公寓,情色,情色貼圖,色情小說,情色小說,情色文學,色情,做愛,寄情築園小遊戲,色情遊戲,AIO交友愛情館,AIO,色情影片,情色網,微風成人,嘟嘟成人網,成人,18成人,成人影城,成人圖片,成人貼圖,成人圖片區,成人文章,成人小說,成人電影,麗的色遊戲,自拍,A片,AV女優,AV,A漫,視訊交友網,視訊,視訊交友,免費視訊聊天室,免費視訊,視訊聊天,視訊聊天室,UT聊天室,聊天室,豆豆聊天室,哈啦聊天室,尋夢園聊天室,聊天室尋夢園