الاثنين، ٢٢ محرم ١٤٣٠ هـ

!! تاج .. بالجريجي

من فتره كده وانا مقاطع حوارات التاجات دي .. مش تنطيط على حد وعهد الله .. بس لأني بعد ما جاوبت التاجين دول .. لقيتني مش هقول حاجه تاني عن نفسي

لغاية مالقيت ست ام زعبولا .. باعتالي تاج جالها من كريستال لبنى .. تاج بـالجريجي .. خصوصا انهم هم الاتنين دول ثقافتهم ومدوناتهم بيكتبوها جريجي .. سبحان الله يعني
!!! لدرجة اني كل ما ادخل مدوناتهم الاقيهم بيفكروني ببنات اخويا بتوع البوب كورن و البروفر البربر

!!! اللي شدني أجاوب التاج ده .. انه في هيئة اسئلة .. ويتجاوب عليها بأغاني

ومن هنا .. قررت اني اجاوب التاج .. بس بدل ما الاغاني كانت المفروض تشتغل عشوائي زي ماهو مطلوب .. هنمشيها الاغنية اللي تجاوب على السؤال
خاصةً ان الحكومه ناويه تحارب العشوائيات في الخطة التُساعيه اللي بعد الخطتين العُشاريتين اللي جايين .. ولا انتي ضد الحكومه يا ام زعبولا ؟؟؟؟

!! وفعلا .. جبت الديكشنري .. وقلت يا مُليّن
------
1.IF SOMEONE SAYS “IS THIS OKAY” YOU SAY?
لو حد قاللك (كده أوكيه) .. هتقوللو ايه ؟؟
أشكرك .. آي سانك يو * استاذ / محمد العجوز
-----
2.WHAT WOULD BEST DESCRIBE YOUR PERSONALITY?
ايه أحسن وصف .. لشخصيتك ؟؟
انا لا مسطول ولا باتطوح * حماده هلال

-----
3.WHAT DO YOU LIKE IN A GUY/GIRL?
ايه اللي بيعجبك في البنت ؟؟
أنا مش بتاعة الكلام ده * شيرين
-----
4. HOW DO YOU FEEL TODAY?
عامل ايه النهارده ؟؟؟
ايديا في جيوبي وقلبي طِرب * منير
-----
5.WHAT IS YOUR LIFE’S PURPOSE?
عايش ليه .. لا مؤاخذه يعني !!!؟؟
يمكن أفرح .. يمكن أضحك .. يمكن أطلع مـ اللي انا فيه * وجيه عزيز
-----
6.WHAT DO YOUR FRIENDS THINK OF YOU?
صحابك .. شايفينك ازاي؟؟
سوووو يا سوووو * منير
-----
7. WHAT DO YOU THINK OF YOUR PARENTS?
ايه رأيك في أهلك ؟؟
أحسن ناس .. سوهاج .. بلد المواويل .. سوهاج .. دي عروسة النيل * داليدا

-----
8.WHAT DO YOU THINK ABOUT VERY OFTEN?
ايه اللي شاغل تفكيرك وواكل نافوخك ؟؟
إن ما قدرتش تضحك .. ما تدمعش .. ولا تبكيش * وجيه عزيز
والكليب بتاع أحمد زكي .. من فيلم هيستيريا
-----
9.WHAT DO YOU THINK OF YOUR BEST FRIEND?
ايه رأيك في أعز صاحب ليك ؟؟
يو .. آر .. سوووو .. ديير * بنوته عسوله .. بتغني بالجريجي برضك
-----
10.WHAT DO YOU THINK OF THE PERSON YOU LIKE?
ايه رأيك في الشخص اللي بتحبه ؟؟
حبيبي شغل كايرو .. مافيش في القلب غيرو * شكوكو
-----
11.WHAT IS YOUR LIFE STORY?
ايه قصة حياتك ؟؟
حكايتي مع الزمان * وردة
-----
12.WHAT DO YOU THINK WHEN YOU SEE THE PERSON YOU LIKE?
بتحس بإيه .. لما تشوف اللي بتحبه ؟؟
بيأكلوك مربى ويلبّسوك حرير .. ويبخروك بشطه ودَه كلّو مش كتير * استاذ / عباسط حموده
-----
13.WHAT DO YOUR PARENTS THINK OF YOU?
إيه رأي أهلك فيك ؟؟
غلطة * هاني شاكر
-----
14. WHAT WILL YOU DANCE TO AT YOUR WEDDING?
هترقص على ايه يوم فرحك ؟؟
كركشنجي دبح كبشه * احمد عدوية
-----
15. WHAT WILL THEY PLAY AT YOUR FUNERAL?
هيشغلو ايه في جنازتك ؟؟
اللي عاوزني يجيني يجيني .. انا مابروحش لحد * استاذ / مجدي طلعت
-----
16.WHAT IS YOUR HOBBY/INTEREST?
ايه هوايتك واهتمامك ؟؟
الهبؤبؤ .. الهبؤ * مش عارف مين وكتاب الله
-----
17. WHAT IS YOUR BIGGEST SECRET?
ايه اكبر سر في حياتك ؟؟
انا قلبي برج حمام .. هج الحمام منه * منير
-----
18.WHAT DO YOU THINK OF YOUR FRIENDS?
ايه رأيك في صحابك ؟؟
عاشو والله عاشو * ميامي الكويتية
-----
19. WHAT SHOULD YOU POST THIS AS?
المفروض الموضوع ده يبقى ايه ؟؟
ضحك ولعب وجد وحب * عبد الحليم حافظ
-----
20. WHAT DO YOU THINK OF YOURSELF?
إيه رأيك في نفسك ؟؟
القاتل .. خلي بالك منه * هنيدي وبُشرى
-----
لغاية هنا وخلص التاج .. والجميل فيه واللي ميزه - من وجهة نظري - عن تاجات كتير .. هي فكرة التاج نفسه .. مش مجموعة أسئلة وكأن الواحد قاعد في لجنة امتحان .. ولازم ينجح ويطلع الأول

والتاج اهو قدامكم .. اللي عايزه ياخده ويجاوب براحته .. ومُترجم اهو يا خيخه عشان ماتقوليش مش عارف ايه .. أي نعم اللي مترجمة زي مايكون صبي قهوة .. بس شغال يعني وبيقول يابنفسج

آه .. قبل ما اخلع .. لو بصيتو تحت كل سؤال .. هتلاقو الاغنية نفسها معمولة لينك
.. وسبحان الله لو دستو عليه .. ياخدكو عالغنوة طوالي
.. إيشي خيال يا نااااااس
!!! اليابانيين دول ولاد ايه .. تقولش صينيين ياجرع

سوووو

هناك ٢٤ تعليقًا:

حلوة الدنيا يقول...

ازيك يا سووووو

انا قلت اعلق اول تعليق رخامة بس مش اكتر


سلاموووووز

امال يقول...

بجد ببقى سعيده وانا بقرا البوست ياريت لو تكتب كل يوم

ا نا اخترت اسمع عدوية دى اول مرة اسمعها منه كنت بسمعها من منى زكى بتغنيها فى البرامج

بجد بتخيل انها شغاله فى الفرح فعلا

ظريفه

3ala asm masr يقول...

سبحان الله ولا حول ولا قوة الا بالله
أنا التالته
بمجهودى الشخصى والله
المهم سوووو ان واحد تتحب كده لله ف لله من غير اى حاجه والله

adel يقول...

هههه

والله عشرة علي عشرة حكاية اللينكات دي

انا تعبتلك ياراجل

ههه حلو التاج الجريجي ده

و الاجابات ذكية قوي

nigro يقول...

و عهد الله انت مشكلة
مشكلة كبيرة يعني

روح يا شيخ
ربنا يسعد قلبك


يلا سلام

غير معرف يقول...

هههههههههه
بجد بجد تسلم ايدك

حلو اوى اوى التاج ده

سلاخووووووووخ
:))

عاشقه وغلبانه يقول...

بقي هايشغلوا ايه في جنازتك .. اللي عايزني يجيني يجيني انا مابروحش لحد
وهو انت لو تقدر تيجي ماكنتش جيت
عموما كله جاي ماتقلقش
ههههههههههههههههههههههههه

مهندس مصري بيحب مصر يقول...

ههههههههههه
دا انت دماغ عالية
:))
و أهو الواحد عرف منك اغنيات ما كانش يعرفها
خصوصاً الهبؤبؤ
:)

أبو سنوفة...الدراع اليمين يقول...

يا ربي عليك
بجد يا ربي
اروح منك فين

maha zein يقول...

روح يا شيخ
وتعالا بسرعة
الا العالم بتوع المدونات دول عالم غريبة
تقولش عالم بتوع بلوجات يا جدع

ده انت عجيب

mostafa rayan يقول...

حلوةالأجابات دي يا سو
كمان التاج فكرته جديدة
وانت كمان اجابتك عليه زي العسل

_---------------------

سو ان شاء الله المعرض السنةدي هيكون في مفاجأة كبيرة جدا
اخوك مصطفي نازل له مجموعة قصصية
وطبعا يا جميل انت مدعوعلي حفلة التوقيع

ربنا يكرمك يا اخي وييسر لك كل الخير

الـسـيـدة نـون يقول...

هههههههههههههههههههههههههههههههههههه
والله اول ماعرفت انه بالعنجليزى كنت هاقولك ترجمه
لاقيتك مترجمه ومش بس كدة
لاااااااااااااااااا
ده انت فضحتنى فضيحة المطاهر وعرفت كل القراء ان ثقافتى مش عنجليزي

هههههههههههههههههههه

بس فعلا والله التاج فكرته حلوة جدا

واجاباتك احلى يا سوووو
بس هو ايه الهبؤ بؤ دي؟

اصل شريف نايم ومش هاينفع ادوس دلوقتى على اللينك اللى هيسمعنى الأغنية

اوعى تكون حاجة منكر
ولا شتومة وحشة

لما شريف يصحى هادوس على اللينك واستفهم بنفسي



سلام يا جميل

اختك خيخة

moustapha achraf يقول...

حلو اوى اوى التاج ده فين حواديتك يا سوووووووووو حلوين على فكرة ..يهمنى رأيك بص بصة عندى

Z_Diva يقول...

loooooooooooooooooooooool

aywa keda ya ger3an, b2alna zoman mad5lnash modwana we d7kna, rbna y5aliky ya soooo ya5oya, ad7ktany wallahy, bgad egbatk antika gedan, we e5tyar mowafk lelo3'nyat elsra7a :D

enta 3aml eh ya handza ?

Crystal Lobna يقول...

و الله فكرة حلوة جداً أنك أنت تختار الأغانى بنفسك . بس أموت وأعرف الهبؤ دى جبتهاها منين !

حروف يقول...

سوووووووووو يا سوووووووووو
والله كنت مكتئبة بس بجد ضحكتني الف شكر ليك
بجد بوست جميل ومتشكرة علي زيارتك عندي وياريت تكون صديق البرنامج
هههههههههه
دمت بالف خير

Unknown يقول...

ههههههههههههههههههههههه
حلوة حلوة حلوة حلوووووووووة اجاباتك حلوة جدا والتاج اساسا فكرته جميلة جدا للغاية يعنى والجامد بقى اللينك بتاع الاغانى فعلا ايشى خيال يا ناس......ربنا يكرمك يا ابنى ضحكتنى

ادم المصرى يقول...

واااااو كان الله فى عونك اكيد البوست دا تعبك نفسيا عقبال معملتو بجد انا بعرقلك

بس تعبك مرحش ببلاش انا شوفت اتينين منهم عدويه ده بسمعو سعات ربنا يسعد قلبك يا استذنا ومستنيك عندى فى مدونتى

البت المشمشية حلوة بس شقية يقول...

يانهار يانهار
انا مفهمتش حاجة
انا قريت البوست 3 مرات
وحاسة انى مش فهمة انتا بتكلم عن ايه
ولا انا شاكلى شاربة حاجة
طيب انا همشى دلوقتى واجى وقت تانى اقرا لبوست

Ahmed Al-Sabbagh يقول...

يا بن الايه
انا كنت بطلت تاجات بردو لنفس السبب
بس بصراحة خليتنى اهرش ومستنى حد يبعت لى التاج ده

البت المشمشية حلوة بس شقية يقول...

ايش خيال ياناس
انا عايزة منها
مش تعزم طيب
ايه عزومة المراكبية دى عجبنى التاج
والاحلى الاجابات الجامدة دى
اخبار النونو ايه صحيح
كبر
بقه عندو كام سنة ؟

YHYيــوســف الـمصـرى يقول...

سيبك انت ... وحشنى والله يا باشا :)

انا داخل ادعيلك وماشى ..
انا كنت فى مود زبالة والبوست الى فات ده موتنى من الضحك (ماما سووو)
الى جبلك يخليلك يا عمونا :) هههههه

عايز اشوفك قريب يا حجيج وحشتنى قعدتك أنت والحبايب :)

Unknown يقول...

حلوووووووو
اوى الاسئلة والاجابات
وحتبقى احلى واحلى لو فعلا
اللنكات شغالة اروح اشوفهم
واجربهم (اهلى اللى هم اصلا من سوهاج
علمونى أكده:واعيين ومفتحين انا عارفة:)
لازمن حكمناً بتاتاً اجرب وبعدين اجول حلو ولا (اسم الله على مجامك ماسخ)سلام موجت اكده :)

77Math. يقول...

ايه أحسن وصف .. لشخصيتك ؟؟
انا لا مسطول ولا باتطوح * حماده هلال



إجـابة صـحـيـحة ..