الخميس، ٢٩ جمادى الآخرة ١٤٢٩ هـ

(22)مذكرات طفل .. طخين

المحطه الاتنين وعششين .. حلو كيك
-----------------

توفيق عبد الحميد : احكيلنا بقى اللي شفتو بالظبط يا ممنون
ميمون : ياعم الحاج ميمون .. اسمي ميمووووون
سوووو : ياميمون مش وقته .. انطق نشّفت ريقنا .. اول ماطلعت عالماسورة وبصيت عالشباك لقيت ايه؟؟
ميمون : لقيت اوضة زي ماتكون مكتب فاضيه مافيهاش حد .. الاوضه اللي عالشمال بقى لقيت فيها عيل طخين قوي .. اطخن منك ياد ياسوووو .. قدك بتاع تلات اربع مرات ولا حاجه
سوووو : كانو حابسينو هو كمان؟؟
ميمون : مش عارف .. انا لقيته نايم وباب الاوضه بتاعته كان مقفول
منى زكي : طب ماشفتش حاجه شكلها مريب ؟؟؟؟
ميمون : لما دخلت من الشباك بتاع اوضة المكتب ونزلت على الدور اللي تحت وانا باتسحب .. لقيت في اوضة تحت .. وفي واحد واقف على باب الاوضه .. شوية وسمعت حد بيقرب زي مايكون طالع عالسلم .. استخبيت ورا برميل موجود على مصطبة السلم .. ولقيت واحد طالع شايل معاه صينيه فيها فراخ ولحمه ورز ومكرونه وحاجات كتير قوي .. وبيخبط على باب الاوضه اللي فيها العيل الطخين .. وبعدين راح داخل .. غاب بتاع خمس دقايق وبعدين راح طالع من الاوضه من غير الصينية بتاعة الاكل .. ونزل على تحت
سوووو : طب والراجل التاني اللي كان على باب الاوضة اللي تحت .. ماعملش حاجه .. مافتحش الاوضة مثلا ؟؟
ميمون : لا فتح الاوضه .. وكان معاه براد شاي كمان .. شويه كده وخرج من غير براد الشاي وقفل باب الاوضه بالمفتاح
سوووو : طب شفت حد من اللي في الاوضه ؟؟
ميمون : نزلت واتسحبت من غير ماحد ياخد بالو .. وجيت في ضهر الاوضه اللي تحت ولقيت فيه فتحه صغيره .. تقريبا فتحة مسمار بورما ولا حاجه .. بصيت لقيت راجل وست .. تقريبا ابوك وامك .. ولقيتهم بيتكلمو وهم بيشربو الشاي
!!! سوووو : - مندفعا ومحموقا - طب يلا بينا ياخواننا مستنيين ايه
توفيق عبد الحميد : اصطبر ياعم سوووو .. اصطبر .. خلينا نفهم ايه الحياه .. كمل يا مأمون
ميمون : ياعمنا ميمون .. اسمي ميمون وكتاب الله
مصطفى شعبان : ياسيدي حقك علي .. كمل بقى
ميمون : دي تاني مره يغلط في وانا ماحبش الغلط
منى زكي : - وهي ماسكاه من رقبة التيشيرت بتخنقه وبتهزه بعنف - هتكمل ولا تشوف الغلط والعوق على اصلو
ميمون : ايه الافترا ده ياجدعان .. حاضر هكمل اهو .. بس سيبي الفالِله - راحت منى سايبه التي شيرت - لما الاولاني ده نزل قعد يتكلم مع اللي قاعد على باب الاوضه .. اللي قاعد على باب الاوضه بيقولو وهو بيبص عالاوضه اللي فوق .. هو عامل ايه دلوقتي .. قام التاني قاللو بقى طخين زي العـِجل .. قام الاولاني قالو طب والحل .. التاني قالو ادينا هنخلص من الليله كلها بعد بكره .. ولما هيعرف باللي حصل لسوووو ويشوف جثته .. ساعتها الصدمه العصبيه اللي عندو دي هتروح .. ويبقى سهل اننا نخليه يخس ولا أي حاجه تانيه
سوووو : - وانا مرعوب - جثتي .. ليه .. انا عملت ايه ؟؟؟؟
!! ندى : شوف بقى انت عملت ايه
!!! شمهورش : قلب في دفاترك القديمه يا صاحبي
مصطفى شعبان : طب ماسمعتش حاجه تانيه يا ميمون ؟؟
ميمون : سمعتهم وهم بيقولو انهم هيخلصو على اهل سوووو اول ما المهمة تخلص ويرجعو عالمخزن
سوووو : - وانا منفعل وعلى آخري - هي الناس دي بتعمل فينا كده ليه .. انا عملت ايه عشان يبقو عايزين يقتلوني انا وأهلي ؟؟؟
منى زكي : اهدا بس يا سوووو .. اهدا
سوووو : انا لازم اقتل سونيا هي والراجل اللي كان معاها
مصطفى شعبان : طب اللي معاها ده كان شكلو ايه ؟؟
سوووو : ماخدتش بالي قوي .. اصلنا شوفناه من بعيد .. هو شكلو محترم شويه .. راجل كبير في السن .. عنده بتاع حاجه وستين سنه مثلا .. لابس بدله كحلي ونضاره نظر واقرع .. وبيشرب سجاير وبيدخن كأنه قاطرة فحم
توفيق عبد الحميد : - وهو بيفرجني على كام صورة - شبه ده ؟؟
سوووو : - بعد مالقيت ان الصور كلها لنفس الراجل - ايوه هو ده .. ايوه هو .. مين ده ؟؟
.. توفيق عبد الحميد : - بعد ان وقف من على مكتبه واخذ يتمشى بيننا - ده الدكتور رفعت اسماعيل
.. منى زكي : شخصية خياليه من تأليف الدكتور احمد خالد توفيق
.. مصطفى شعبان : بطل سلسلة ما وراء الطبيعه
.. توفيق عبد الحميد : وكان دايما بيعترض على المواقف اللي بيحطو فيها المؤلف
.. منى زكي : وقرر انه لازم يهرب من خيال المؤلف ويعمل حاجه جديده
.. مصطفى شعبان : معلوماتنا بتقول انه متغاظ من انه مش واخد شهرة ادهم صبري
منى زكي : وكمان لما عرف ان شخصية رجل المستحيل احتمال تتعمل فيلم .. اتضايق اكتر لانه حس انه مالوش لازمه .. ده مافيش حد قال ولا فكر يعمللو كرتون زي بكار ورشيده حتى
توفيق عبد الحميد : مع ان سلسلة ما وراء الطبيعه بتبيع اكتر من رجل المستحيل وملف المستقبل
سوووو : - وانا متنح - ماوراء طبيعة ورجل المستحيل وملف مستقبل .. هو انا وقعت في مكتبه ولا ايه !!؟؟
توفيق عبد الحميد : ماتقلقش ياسوووو .. احنا دلوقتي عرفنا كل حاجه
مصطفى شعبان : معلوماتنا بتقول ان في مؤتمر هيتعمل في معهد بحوث الهيدروليكا والطمي اللي موجود في القناطر
منى زكي : المؤتمر ده هيحضرو الدكتور احمد زويل ومجموعة دكاتره عالميين تانين
مصطفى شعبان : ومن ضمنهم الدكتور رفعت اسماعيل
توفيق عبد الحميد : احنا كنا متشككين في وجود الدكتور رفعت اسماعيل في المؤتمر ده .. خصوصا وان مجال تخصصه في علم الاورده الدمويه وبعيد كل البعد عن اللي هيتناقش في المؤتمر .. وكمان لو أي حاجه وحشه لا سمح الله حصلت في المؤتمر ده .. هيبقى شكل مصر وحش كيك
!!! سوووو : - مستغربا - وحش كيك ازاي .. ده انا بحب الكيك .. كل الناس بتحب الكيك
مصطفى شعبان : اللي نقصده ان الموضوع خطير .. لكن اتطمن ياسوووو .. احنا دلوقتي عرفنا كل اللي كانو بيفكرو فيه
منى زكي : وهنكثف التواجد الامني في المؤتمر وهنراقب كل تصرفات الدكتور رفعت
وفي اثناء ما كانو بيتكلمو وبيوضحولي الحاجات دي .. دخل علينا بتاع البليله وهو بيقول
بتاع البليله : مكالمة من سونيا
مصطفى شعبان : - وهو بيحط ايدو على كتفي بيطمني - خليك هادي وانت بتتكلم معاها .. اوعى تلمحلها اننا عرفنا أي حاجه
منى زكي : ولازم تبقى عامل نفسك متشحتف من العياط عشان تصدق انك هتعمل أي حاجه
توفيق عبد الحميد : ربنا معاك .. ربنا معانا كلنا
----
.. سونيا : الو
.. سوووو : الو
سونيا : سوووو معايا .. مش كده !؟
سوووو : ايوه .. انتي العصابه ؟؟
سونيا : ايوه انا العصابه
سوووو : وعايزين مني ايه يا عصابه !!؟؟
سونيا : والله احنا في نص هدومنا يا سوووو
سوووو : في نص هدومكو ازاي .. غسلتوها بميه سخنه قامت كشت يعني ولا ايه ؟؟
سونيا : مش قصدي .. قصدي اننا مكسوفين منك قوي
سوووو : مكسوفين ليه؟
سونيا : اصل احنا اكتشفنا اننا خطفنا اهلك بالغلط .. وانك مالكش دعوة بأي حاجه
سوووو : يعني ايه خطفتو اهلي بالغلط ؟؟
سونيا : اهو اللي حصل بقى
سوووو : طب مش كنتو تاخدو بالكم .. ولا هم ابهات وامهات الناس معمولين عشان يتخطفو بالغلط .. انا لايمكن اسكت عاللي بيحصل .. ده اهمال .. ده تسيب .. انا هاكلم سفير مصر في القاهرة يشوف حل للي بيحصل
سونيا : انت هتمثل .. بقولك ايه .. لو عايز تيجي تاخد اهلك قابلنا يوم الجمعه الساعه سبعه مساءا في العنوان ده
واديتني عنوان .. بعد ماكتبته على ورقه خدها مني مصطفى شعبان وراح قاري العنوان لتوفيق عبد الحميد بصوت واطي عشان سونيا ماتسمعش
سونيا : تعالى لوحدك ياسوووو .. احنا زي ما طلعنا محترمين معاك .. عايزينك انت كمان تطلع محترم معانا .. ويا دار .. مادخلك شر
.. وقفلت السكه
-----
توفيق عبد الحميد : العنوان اللي اديتهولك في الشارع اللي ورا مقر المعهد
مصطفى شعبان : يبقى استنتاجتنا صح
منى زكي : كده انت ممكن تروّح بيتكم يا سوووو .. وسبلنا احنا الموضوع هنتصرف فيه بنفسنا
سوووو : بس هم قالو اني لازم اكون موجود بنفسي
توفيق عد الحميد : احنا عارفين شغلنا ياسوووو .. وصدقني هنحط اهلك في الاوليه القصوى للموضوع ده
مصطفى شعبان : انت ممكن تروّح بيتكم خلاص .. ويوم الجمعه اهلك هيكونو موجودين في البيت
كنت همشي لما سمعت كلامهم ولقيتهم بيطمنوني .. لكن لما بصيت لشمهورش وندى وباقي العيال .. افتكرت حوار شولة الدقيق اللي موجوده في المخزن .. رحت متدور وقايل لـ مصطفى شعبان
سوووو : طب والدقيق اللي اتسرق وموجود في المخزن .. مش هتبعتو حد يروح يجيبو ويمسك صحاب المخزن !؟؟
لقيتهم كلهم بصو لبعض وهم ساكتين .. نزلو وشوشهم للارض .. عينيهم كان فيها خوف على كسوف .. حالة غريبه اول مره اشوفهم فيها .. بصيت للعيال اللي معايا لقيتهم هم كمان مستغربين زي مانا مستغرب .. ولقيت ندى بتقولهم
ندى : ايه مالكم .. سكتتو ليه مره واحده ؟؟
مصطفى شعبان : - وهو بيوطي عشان يبقى في مستوى قريب مني .. وبيحط ايده على كتفي وبيكلمني بصوت واطي وبيهديني - سوووو .. لازم تعرف اننا مانقدرش نعمل كل حاجه
!! سوووو : مش فاهم
توفيق عبد الحميد : يعني صحاب المخزن دول ناس واصلين قوي .. لا الجهاز بتاعنا ولا أي جهاز تابع للدوله يقدر يقف قصادهم
شمهورش : اشمعنا بقى؟
منى زكي : احنا مطالبين بانقاذ ابو سوووو وامه ومنع أي عمليه ارهابيه بتضر بالبلد .. انما أي حوار تاني احنا مش مكلفين بيه
سوووو : - وانا بابص لمصطفى ومش فاهم - بس كلامك كان غير كده يا مصطفى .. انت قلتلي ان اللي باعملو ده حاجه كويسه - وبصيت لمنى وتوفيق - انتو كلكو شجعتوني اني اجاري خالد صالح في اللي بيعملو .. ازاي بعد ماعرفتو هو كان عايز يعمل ايه وبعد ماسمعتو بنفسكم المكان اللي كنا فيه فين بالظبط .. تتهربو وتقولو مالناش دعوة !!؟؟
توفيق عبد الحميد : لا يكلف الله نفسا الا وسعها
مصطفى شعبان : روّح بيتكم ياسوووو .. روّح وماتشيلش هم الحوار ده
مشيت من الجهاز انا وباقي العيال وانا مش فاهم ازاي ده بيحصل .. ازاي اهم جهاز امني في البلد مش هيقدر يقف في وش الحراميه اللي بيسرقو الشعب .. صدمتي كانت اكبر من أي صدمه تانيه .. كانت اكبر من صدمتي في خطف ابويا وامي .. حاجات كتير كانت بتخبط في دماغي مافوقنيش منها غير صوت شمهورش
شمهورش : هي دي بلدنا ياصاحبي .. بيخافو على منظرنا بره قدام العالم .. ومن جوه البلد بقينا غابة .. كل واحد كبير بينهش في لحم اللي اضعف منو
بشله : احنا مروحين على فين دلوقتي ؟؟
سكت شويه .. وبعدين بصيت لشمهورش وقلتله
سوووو : انت تعرف فين التوربيني؟؟؟
شمهورش : - وهو خايف - انت عايز التوربيني ليه بس؟؟
سوووو : هتفهمو بعدين .. تعرف توديني ليه ؟؟
بص شمهورش لندى وبشله وميمون وكلهم كانو خايفين .. وقاللي
!!! شمهورش : ايوه اعرف
سوووو : يلا بينا يا على هناك .. لازم اقابلو
-----
يتبع

سوووو

هناك ١٠٦ تعليقات:

ojg يقول...

مش ممكن
أخيرا أنا أول تعليق
:))
ثواني أقرا وأجي

غير معرف يقول...

جامدة الحلقة دي و كل ال قصة عاجباني موت

ojg يقول...

الموضوع سخن قووووووووووووووي
وبدات تقول تفاصيل أهو
أنا أي نعم هموت وأعرف الموضوع هينتهي على ايه
بس مش عايزة المذكرات تخلص
أقولك؟؟
إعملها أجزاء
وأهو رمضان داخل إشمعنى يعني ليالي الحلمية ورأفت الهجان؟؟
:)
بجد يا أحمد تسلم ايديك
ربنا يوفقك يارب في كل اللي بتعمله

2ensan wnsan يقول...

ميه مسا يا سوو باشا

جامده الحلقه دي ورفعت اسماعيل اللي تمرد على الرعب دا كمان ربنا يستر وجابر كمان ما يعملهاش

على فكره لو قريت يوتوبيا بتاعت دكتور احمد خالد توفيق يشرفني اقرا تعليقك على موضوع عملته عن الروايه في البلوج


على فكره انا بحب شخصية رفعت اسماعيل جدا واكره ما عندي شخصية ادهم صبري دي

بيس

nigro يقول...

بمجرد ما لمحت كلمة مذكرات طفل طخين على الريدر
دوست على اللينك مباشرة في حركة أقرب ما تكون لرد فعل طبيعي فطري زي انك ترمش لو حد قرّب إيده جنب عينيك مثلاً

و في أثناء ما الصفحة بتحمل لقيت نفسي مبتسم قوي رغم إن الصفحة لسه بيضا قدامي و مفيش حاجة ظهرت

و كنت ملهوف جداً إن الصفحة تفتح

لما الصفحة فتحت و قعدت أقرا
لقيت نفسي بأقرأ السطر الواحد مرتين و تلاتة من خوفي ليكون ده آخر سطر في الحلقة

كنت بأضحك على مشاهد مفيش فيها ضحك

و أنا بأقرأ في الحلقة سيبت الفلسفة و الأفكار المكلكعة على جنب خالص
سيبت نفسي للمتعة و بس

لما خلصت الحلقة زي كل مرة اتضايقت
بس المرة دي أنا اتضايقت أكتر


مش عارف يا أحمد إيه الكلام اللي كتبته ده
بس حسيت بحاجة مختلفة و سيبت نفسي ليها

أحمد يا سوووو
أنا بجد مستني اليوم اللي هأشوفك فيه بإذن الله

إني أحبك في الله


يلا سلام

اهو ده عيبه يقول...

يا ترى يا سووو ناوى على ايه
ياخوفى يابدران من مقابلة التوربينى
اوعى يطلع احمد رزق
وايه حكاية الواد اللى اتخن منك ده يكونش فار تجارب

على العموم مستنيين الحلقة الجاية نعرف
مع السلامو عليكم

Eldebug يقول...

شمهورش : هي دي بلدنا ياصاحبي .. بيخافو على منظرنا بره قدام العالم .. ومن جوه البلد بقينا غابة .. كل واحد كبير بينهش في لحم اللي اضعف منو

لا تعليق ....

ولا اقولك ايدى بتاكلنى لازم اعلق ... تمام اوى الجملة دى ... الواد شمهورش ده طلع جامد واحنا مش واخدين بالنا ... الواد فقس الحوار كله فى جملة واحدة ... والنبى يا سووو اديله جوز جنيهات زيادة فى اخر الليلة

سلاموز

المنسى يقول...

ان اجه

هقرا وراجع

Dr. Ibrahim يقول...

اللى بعده :)

شكله هيبقى الأآخير؟

تحياتى

د/هيما

المنسى يقول...

أنا جه تانى

جامدة حلقة النهاردة ياسووووووو

بس الموضوع كده بقى دراما
فين الكوميديا

انا عايز أضحك ياعم


وسلامووووووووز

Unknown يقول...

انت نسيت حاجة على فكرة فى وصف دكتور رفعت نسيت تقول انه البدلة تجعله فاتنا......... وبعدين انا تقريبا فهمت اللبة والموضوع طلع كبير واييييييييييييييييييييه؟؟؟؟
ربنا يييييييييستر ربنا يستر

فاتيما يقول...

سووووووو
الواد ميمون دا باين عليه أبن ناس و تعليمه عالى بس الزمن مال بيه و خلى اللى يسوى و اللى ميسواش يمسكه من الفاللة ....
حلوة قوى فاللة دى كنت بقولها ليوسف زى يا جرع
توفيق عبدالحميد مبيعرفش يقرى كمان
دا جهاز المخابرات و لا جهاز نحو الأمية
إيه اللى دخل التوربينى فى الموضوع ؟؟
إنت كدا داخل على سكة خيطرة يا سووو
و انا بحنذرك
مبدع دايما يا سوووو

NIDAAL .R يقول...

جااااااامد يا سوووو
وخاصة ميمون الى توهنى و هو بيحكى هو شاف ايه لدرجة انى بنسى السطر الى فوقيه كان بيقول ايه
تحياتى
نضال

امل يقول...

السلام عليكم
حراااام اشمعنى الدكتور رفعت اسماعيل ده راجل طيب وملوش في السياسة ولا في الشهرة تلاقي الموضوع متلفق له والا ممكن يكون رفعت من بعد تاني هوه اللي طفش من القصة مش رفعت بتاعنا هههههه مذكرات لذيذة قوي بس بلاش سو يتهور ويورط نفسه في مشاكل .. تحياتي

غير معرف يقول...

نياهاهاهاهاهاها

وربنا فكرني الحوار ده بشوية حاجات ضحكتني موت
سوووو وهو بيقول: انتي العصابة،، افتكرت مسرحية العيال كبرت لما يونس شلبي قال لسعيد صابلح قولها انتي الوليه؟؟ ههههههههههه

ولما سونيا قالت احنا بقينا ف نص هدومنا دايما الجملة دي بتفكرني باسماعيل ياسين (ممثاي المفضل) وهو بقول: انا ف ربع بؤي هههههههههههه برضه

كله كوم وسفير مصر في القاهرة دي كوم

سوووو،، بجد من رهيب إلى أرهب والأكشن مجنني والكوميديا مموتاني والدراما اللي في الآخر مأثرة فيا
اديني كمان اديني

وياللا بأه هموت ع الاحداث والاسرار

سوووو،، جامد جمودية،، حقيقي حقيقي يعني

مها ميهوووو

Unknown يقول...

هو توفيق عبد الحميد مش عايز يحفظ اسم الود كويس ليه ؟

انا بعتذرلك و ارجوك ان تسامحنى على غيابى عليك فترة لانى و الله مشغولة فى كام حاجة فى وقت واحد
و سبحان الله عينى نطت على البوست على البوست الى فات لقيتك مشغول فى نفس الحاجات الى انا مشغولة شغل و كتاب و سيناريو
بس انا لسة مالقيتش لا مخرج و لا منتج ؟
ههههههههههههه
عقبالنا يا سيدى انتم السابقون و نحن اللحقون و كويس انك لقيت حد يساعدك و يديك فرصة لان الوسط باين عليه صعب اوى يا سوووو يا اخويا و المكان اللى فيه للى زى حلاتنا كده ضيق اوى اوى لدلرجة تقطم الوسط المهم اننا ما نياسش و ما نتغيرش

سلاموووووووووووز

الـجـدة فـصـيـحـة يقول...

السلام عليكم ورحمة الله وبركاته

عجبني الجزء
جميل ودمه خفيف وساخر كاعادة
وفقرة الدقيق ورد مصطفى على سووو كان جميل

ويبقى النتظار لمعرفة
ترى ماذا سيحدث مع عائلة سوووو؟
وهل سيتم إنقاذهم فعلا ويكون لهم الأولوية حقًا ؟؟
أم كالعادة البشر في اسفل القائمة الأمنية ؟
ماذا سيحدث في لقاء السحاب بين التوربيني وسوووو ؟
وهل الجزء القادم فصل الختام أم للمذكرات باقية ؟

ومازلنا في وضع الانتظار


دمت في رعاية الله

(احمد سكر ) يقول...

احمد
مش ممكن التشويق دا

وال ابى بتقول عليا

الناس هتقتلنى من التشويق اللى بعمله فى بوستاتى

يلا بسرعه ياباشا

تحياتى

اخيك

سنكرررروز

غير معرف يقول...

الحقيقة دي أول مرة أعلق عندك
عاجبني أوي البلوج ده،من مده بقرأه باستمرار،النهاردة جتلي الشجاعة أعلق،وأقولك إنت هايل جدا جدا جدا في الكتابة،
وأنا أول واحدة مستنية كتابك بفاااااارغ الصبر،والفيلم كمان،
تسلم الأيادي يا سوووو
أرجوك ما تتأخرش علينا
Bannora

•√أريـ السمر ـج√• يقول...

أنا لو كنت أعرف أن الحكاية بيها توفيق عبد الحميد انا كنت ما بطلتش متابعة

كده ليه علبة نسكافيه و كام فنجان قهوة علشان اقرا برواقة


دمت بكل خير

ميرا ( وومن ) يقول...

سووووووووو

الحلقة جامدة قوي والموضوع ابتدي يدخل في الجد حاسة ان الحلقة الجاية هايبقي فيها ماستر سين

هههههههههههههههه

تحياتي علي الآخر

غير معرف يقول...

دى الحكايه كبرت اوى والموضوع دخل فى الخطر
مين بقى الواد الى اطخن من سووو ده
وبعدين مالك انت وماال التوربينى يا سوو ده شرانى

منى زكي : - وهي ماسكاه من رقبة التيشيرت بتخنقه وبتهزه بعنف - هتكمل ولا تشوف الغلط والعوق على اصلو
ههههههههههههههههه
ماشى ياعم المفترى
:)))))))))))

انا مستنيه بفارغ الصبر
اسرع اسرع يا فتى

سلاخووووووووخ
:))

Z_Diva يقول...

b2a rf3t tl3 harban kaw2fa e7tegagya y3ny ??!!!

we yatra yahal tara, eh dor eltorbinyz
we yatra soo 3aml eh fe adham gonyor
, rbna yostor rabna yostor

bas 7ewa 7ewa, kamaaaaaaaaaaaaaan :D

Doba يقول...

انا خلاص قربت افضى الرشاش فى وشك لو منطقتش وقلت فيه ايه

عالم التشويق بقى خلالالالالالالالالاص بقى
انا عاوزة اعرف ايه الفولة بالصلاتو عالنبى كده بدل مهجيب حبة العيال ونيجى نلعب فى وشك ونعلمك

فى انتظار البقية
وش محمر وهيضربك بالنار

بسرعة
ها
ها

يلا باى
هبة

Empress appy يقول...

بعد ان وقف من على مكتبه واخذ يتمشى بيننا
سوووو هو انت هتكتب بالعربيه الفسحه ولا ايه هههههههههههههه

خف على البلد شويه بلاش تخبيطات يا خويا لازم واحد مننا يبقى بره وواحد جوة ولا ايه قصتك
وتعالى هنا فين دراكولا هااااااا مش انا حنزرتك قبل كده
اعملها بقى اعمل اللى هددتك بيه
سووووووو رجع دراكولا اقولك حتى اديله دور بياع بطاطا مش مهم انا موافقه

PrInCeSS BeRy يقول...

هاى يا سو ازيك اية الحلقة الجامدة دى حلوة اوى بجد ومستنية الباقىىىىىىىىىىى

كيكى عوووووو يقول...

عووووووووووووووووووووووووووو
انا جيت..اتخديت
..........................
لازم تقف فى الحتة دى
انا عايزة اعرف اييييييييية الى حصل...يووووووووووووووووو
لسة هستنى
.......................
اييييييييييييييييييية
حرب العصابات دى
..............................
عسل يا سوووووووو عسل
هو ايى الى حصل..سو لى بتقولى فينتو؟
هو الموضوع اتفركش لية بس....
ولا يهمك...متعرفش بكرة فى اييييييية
خيرررررررررررررررررررررررررر
ربنا يخليك ويهنيك ويسعدك على طوللللللللللللل الخط
واحدة عوووووووووووووووو
مخصوصة لسوووووووووووو بس
عووووووووووووووووووووووووووووو

مواطن مصرى نايم يقول...

ايه اللى حيحصل يا سوووو
انت مخبى ايه
انا مستنى
انات كان فاتنى بوستات كتيييييير
بس عمال الملم فيها اهوه
و قريت على اد ما اقدر
و لى عودة
مستنى الكماله
و واحده بيبسى كانز دايت معاك
تحياتى يا كبير
eslam

رحــــيـل يقول...

كمان الموضوع وصل لاطفال الشوارع
انت مخلتش ياسوووو
هههههههههههههه
انا قريبت الحلقات اللى فاتتنى
كويس والله انهم عارفين ان السيجاره مش شطاره
فى امل العيال دى تبقى كويسه

تحياتى وتقديرى

Soooo يقول...

ojg

يلا ياستي اي خدعه
وخدي اول تعليق براحتك ولا يهمك

وبعدين ايه حكاية الاجزاء دي؟؟
الناس في بلاد بره بيعملو الحاجه ويسيبو نهايتها مفتوحه عشان يشوفو حاجتين
اول حاجه .. يشوفو طريقة تفكير الناس وازاي ههيتصرفو لو كانو مكان بطل الحدث
وتاني حاجه يقيسو لو الموضوع نجح يروحو عاملينله اجزاء تانيه

تعتقدي من وجهة نظرك وانتي عارفاني وعارفه دماغي .. انا هقفلها نهاية مفتوحه .. ولا نهايه عاديه؟؟؟



سلاموووووووووز

Soooo يقول...

kimo

باشا
طب تصدق وتؤمن بالله ياكيمو
انت السبب اني نزلت الحلقه بتاعة الاسبوع ده
اه والله العظيم
ده احنا عشرة عمر يا بلبل

ربنا يسعدك ويكرمك ويبسطك ويرضيك دنيا وآخره يارب



سلامووووووووووز

Soooo يقول...

wa7ed 2ensan wnsan

ده انت اللي باشا يا عمنا

والف شكر على كلامك الجميل ده وعلى طلبك لرأي المتواضع في رواية دكتور خالد توفيق
بس للاسف انا ماقريتهاش .. عموما هقراها ان شاء الله في اقرب فرصه واقولك على وجهة نظري فيها

وربنا يسعدك ويكرمك ويبسطك ويرضيك دنيا وآخره

ملحوظه
هل تعتقد ان سبب تزعم دكتور رفعت للعصابه .. هو مجرد تمرده على حوار الرعب وادهم صبري وبس؟؟؟



سلامووووووووووز

Soooo يقول...

ňįĝŗő

نيجرو
انا فهمت قصدك
وانا عايز اقولك اني باحبك قوي قوي قوي ونفسي بجد اتعرف عليك في الحياه الواقعيه

وربنا يسعدك ويكرمك ويبسطك ويوفقك ويرضيك دنيا وآخره

ملحوظه
ماينفعش ابطل كتابه طول مافي ناس بيشجعوني وبيحبوني لله كده زيك يابو النجاجير يا حبيبي .. لا تقلق



سلاموووووووووووز

Soooo يقول...

اهو ده عيبه

احمد رزق ايه ايه بس يادوللي
هو عشان تخين يبقى يطلع في المذنكرات يعني

تصدقي فكره والله
ليه ما يطلعش هو نفسه التوربيني بتاع اطفال الشوارع

هاروح اضرب مج فيسكافيه وافكر في الحوار ده بروقان




سلاموووووووووووز

Soooo يقول...

Eldebug

يا ديباج ياخويا .. شمهورش ده اصلا فلفسوف صغنن
اتعلم فلسفته من الشارع المصري

وياما في الجراب ياحاوي

ربنا يسعدك ويكرمك ويبسطك ويرضيك دنيا وأخره



سلاموووووووووووز

Soooo يقول...

المنسى

وهي الدراما وحشه ولا ايه
ولا هو احنا عايزين نضحك على طول من غير مايكون للكلام قيمه
لا
لازم يكون كلامنا ليه معنى
ضحك وبكى ومغنى


ملحوظه
كلمة دراما معناها حياه .. والحياه فيها كل حاجه




سلامووووووووز

Soooo يقول...

Dr- Hema

اللى بعده :)
------
!!!!!
ده على اعتبار اني شغال قهوجي وانت بتشرب شيشه يعني؟؟؟
طب فين البقشيش طيب

Soooo يقول...

enjy

ههههههههههههههههههههههههه

انا جاتلي هيستيريا ضحك على كلمة (فاتنا) دي

يابنتي انتو بنانيت تقولو عليه فاتنا
انما احنا الرجاله والولاد بنحقد عليه عشان بتحبوه

ونتيجة للحقد الدفين جوايا .. انا هبهدلو
وديني وما اعبد مانا عاتقه

ربنا يسعدك ويبسطك ويكرمك ويوفقك ويرضيكي دنيا وآخره



سلاموووووووووز

Soooo يقول...

فاتيما

تصدقي وتؤمني بالله
انتي بتعليقك ده يافاتيما اثبتي انك فعلا بتقري اللي مابين السطور
حوار ان ميمون كان ابن ناس والدنيا بهدلته
وان توفيق عبد الحميد مش بيعرف يقرا

انتي الوحيده اللي فهمتي النقطه دي صح

بقولك ايه .. بتقولي لماما تدعيلي ولا لأ ؟؟؟

ربنا يسعدك ويسعدها ويبسطكم ويرضيكم دنيا وآخره يارب



سلامووووووووووووز

Soooo يقول...

NIDAAL PAL

ابو النضاضيل حليب هارتي

ياعمنا انت لو عايز تفهم كلام ميمون وكلام اي طفل من اطفال الشوارع يبقى لازم تكون على نفس مستواهم الفكري

هاتلك كيس بلاستيك وعلبة كوللا وقضيها .. هتفهم كل الحياه من غير مايقولو ولا كلمه واحده





سلامووووووووز

SKOBL- Little Lazy Me يقول...

سووووو يا واحشني ..
أخيرا الواحد خلص امتحانات و أخيرا لقيت حبة وقت رحت جيت و خدت كل الموضوعات اللي فاتتني .. بس أنا خايف لأحسن أتعود أقرالك بالكم ده .. المهم انت ايه أخبارك .. و ايه الحلاوة دي .. دي العملية لسعت خالص دراكولا و ما وراء الطبيعة ، و أم سوو بتدور لسونيا على عريس و مؤتمر و عيل تخين تاني .. ايه يا عم انت مش ناوي تدخل مارلين مونرو و أبو الأسود الدؤولي و جاك شيراك في العملية ولاايه .. لأ بس بجد تسلم ايدك .. تصدق أنا كنت باكلم اختي ساعة ما قريت و بعدين وصلت في بتاعة دراكولا للظابط " لبوه على قفاه " و سخسخت .. مستني الحلقة الجاية .. يلا سلام
ولك كل التحيات

انين الحزن يقول...

سووووووووووو

ازيك ياجميل اخبارك ايه

كويس طبعا صح ولا ايه

انا فاتني كتير من المذكرات عايزة يوم كامل بس اكيد جامده طبعا كالعاده

سلامووووووز

وزة

shahy يقول...

شمهورش دة بيقول كلام حكم
ياسلام علية ولد

تسلم ايدك ياسوووو

في انتظار الباقي وربنا يستر من المقابلة ياترى هاتقولة اية؟

يالا ربنا معاك بقى
مصر امانة بين اديك يارأفت

تحياتي ياولدي الغالي

Soooo يقول...

امل


لألألألأ
بقولك ايه .. دي حكاية خياليه بيرويها خيال طفل طخين
عايزه توقعيني في مشكله مع دكتور رفعت؟؟
طب ده الادب رفعت
ده الاخلاق رفعت
انا جبت الا رفعت

ولا تقلقي .. سوووو مش هيتهور ان شاء الله .. وربنا يستر


سلامووووووووووز

Soooo يقول...

أحسن تـستاهـل

ايه ضحكة العفاريت دي يا مهاميهو
لا
كده هقلق منك واقول انك بتعملي اعمال عفاريتي وممكن تحوليني لدراكولا
------
الف شكر على كلامك الجميل ده وربنا يارب يارب يسعدك ويكرمك ويبسطك ويوفقك ويرضيكي دنيا وآخره يارب



سلاموووووووووز

Soooo يقول...

عاليا حليم

ياستي ولا تعتذري ولا حاجه
وربنا يارب يوفقك في كل مشغولياتك ويكرمك فيهم وتعملي حاجه نفرح بيها ان شاء الله

وعلى فكره .. حوار الفيلم تقريبا فشل او على وشك انه يفشل .. لنفس الاسباب اللي قلتي عليها
وحوار الكتاب برضه فشل او على وشك .. لنفس الاسباب برضه
اما بقى حوار الفيلم الروائي القصير
فهو فشل تماما .. لاني ماليش نفس اكتب اي حاجه

تعتقدي اني كده اتهزمت ولا لازم احاول ولا ازاي وليه ولمين

عموما .. ربنا يوفقك ويكرمك ويهيئلك الخير وتقدري تحققي اللي بتحلمي بيه يارب


ملحوظه
توفيق عبد الحميد مش عارف يفتكر اسم ميمون لانه تقريبا لسه الكولدير والتكييف بايظين وهو دماغو ساحت .. ربنا يكون في عونه



سلاموووووووووووز

3ala asm masr يقول...

والله عندك حق احنا فعلا بقينا غابه كل واحد كبير بينهش فى اللى اضعف منه
ديما ورا الضحك حاجه بتوجع
جامد اوى يا سوووو

""""" يقول...

جامده جدا

انا ركزت اوى وقريتها اكتر من مره
والبوستات اللى فاتت كمان

ومتشوقه اقرا اللى جاى
مرسى جدا

رئيس جمهوريه نفسى يقول...

ارجع يا سو يا حبيبى
رايح للتوربينى ليه يا غالى يا باشا بلاش التوربينى لا
روعه يا غالى

Ehab يقول...

انت يا واد وجعت عيني من كتر القرأه
تسلم ايدك بجد
القصه عماله تحلو وتتلعبك على دماغ سووو ودماغنا
المهم انك برغم اني لما لقيتك طولت قلت شكلها هتبوخ منه وهيدخل في مليون اتجاه والقصه هتتحول منه ومش هيعرف يركز ولا يخلينا نركز على التسلسل بتاع الحوارات
بس المره دي الدنيا اتلمت شويه واثبت يا برنس انك لسه مالك اللجام في ايدك والحصان اللي بيجري بينا مش هيوقعنا
بجد تسلم ايدك
سلااااااااااااااااااااااااام
اخوك ايهاب

رندا يقول...

رندا يقول...
سووووو

انا جيت المرادى ادحرج التماسى

هشوف البوست تانى اكيد
اعذرنى على التاخير فى الزيارة

يارب تكون بالف خير يارب

رندا

Rehab Mostafa يقول...

معلش يا سوووو أنا ماقريتش لسه بس حبيت أقولك شكراً بجد على سؤالك عليا ربنا يخليك يارب ويكرمك
أنا بس مستخبيه شويه اليومين دول نظراً لشوية حاجات وظروف كده ... ادعيلي يا سوووو .... وبجد شكراً جداً على سؤالك عليا
سوري ان تعليقي بعيد عن الموضوع :$ ... سلام يا سوووو

Soooo يقول...

الـجـدة فـصـيـحـة

وعليكم السلام ورحمة الله وبركاته ياجدتي

الحمدلله ان الحلقه عجبتك وياريت تتابعي الباقي لانها خلاص في التشطيب وفاضل حلقتين تلاته بس ونقفل الحدوته ونشوف حدوته تانيه بعون الله

والف شكر على الكام كلمه واللي بافكر اني اخدهم واحطهم في اخر كل حلقه كنوع من التشويق والاثاره والمتعه

وربنا يكرمك ويسعدك ويبسطك ويرضيكي دنيا وآخره يارب



سلامووووووووووز

Soooo يقول...

(احمد سكر )

باشا والله

ياسيدي ولا تشويق ولا دياولو .. بعض مما عندكم ياعمنا

والحمدلله انك رجعت تنور مدونتي وتشرفني بتعليقاتك ويارب تكون الحلقه عجبتك ويارب تتابعها

وربنا يسعدك ويبسطك ويكرمك ويوفقك ويرضيك دنيا وآخره ان شاء الله



سلاموووووووووز

Soooo يقول...

Bannora

يا اهلا بيكي يافندم وصدقيني ده شرف كبير لي والكلام اللي قلتيه في حقي ده كتير قوي وانا ما استحقش ربعه

وياريت تعتبري مدونتي زي مدونتك تمام وتشرفيني بتعليقاتك وبآرارءك دايما

وربنا يسعدك ويبسطك ويكرمك ويوفقك ويرضيكي دنيا وآخره يارب



سلاموووووووووز

Soooo يقول...

•√أريـ السمر ـج√•

يا اهلا وسهلا بيكي ياستي ويارب تتابعي باقي المذنكرات ويارب تعجبك

بس على فكره .. انا مشحور توفيق عبد الحميد شحوره مايعلم بيها الا ربنا .. مش توفيق لوحده .. ده كل المذنكرات متشحوره آخر حاجه

ويافندم ماتقلقيش .. برطمان الفيسكافيه اللي انتي اديتيهولي لسه فاضل فيه نصه .. اتفضلي بالهنا والشفا ويارب تعجبك قهوتي المستكوفي


وربنا يبسطك ويكرمك ويسعدك ويوفقك ويرضيكي دنيا وآخره يارب




سلامووووووووووز

Soooo يقول...

وومن

ياسيدي ياسيدي على ماستر سين دي
ده الواحد يقلق منك بعد كده يا ميرا والله

وياستي المذنكرات اصلها كلها ماستر سين .. بس لو شديتي حيلك وقريتي مابين السطور كويس

والحمدلله ان الحلقه عجبتك ويارب تتابعيها ويارب تعجبك المذنكرات كلها

وربنا يبسطك ويكرمك ويسعدك ويوفقك ويرضيكي دنيا وآخره يارب




سلاموووووووووووز

Soooo يقول...

shayma

ياقهلا ياقهلا بقارئتي ومتابعتي ومشجعتي اللي بافرح لما باشوف اسمها في اي موضوع عندي وهي منوراني بتعليقها وبضحكتها

وياستي الواد الطخين ده هتعرفي هو مين قريبا .. اما حوار ولقاء السحاب ومباراة القمة مابي سوووو والتوربيني .. فهيكون بمثابة المفأجأه للكل .. انا نفسي مش عارف ايه اللي هيحصل
!!!!

وربنا يسعدك ويبسطك ويكرمك ويوفقك ويرضيكي دنيا وآخره يارب



سلامووووووووووز

Soooo يقول...

Z_Diva

تصدقي انك سيناريوهاتيه ابا عن جد يابنت انتي
اه والله باتكلم بجد

عايزه تعرفي ليه واشمعنا انا بقول كده
تابعي المذكرات وانتي هتفهمي قصدي في الاخر

وربنا يكرمك ويوفقك ويرضيكي دنيا وآخره يارب



سلامووووووووووز

Soooo يقول...

Doba

يالهوي يا ام يوسف افندي
عايزه تلعبي في وشي البخت يا اختي وانا وشي اصلا ملعوب فيه حرب امبابه خلقه

لا حيث كده بقى الواحد ينزل الباقي كللو مره واحده ويجري يستخبي في ايتها منطقه
اه
انا مش قدك ولا قد العيال اللي هتجيبيهملي


وربنا يسعدك ويبسطك ويكرمك ويوفقك ويرضيكي دنيا وآخره

سلامي ليوسف افندي ابن اختي



سلاموووووووووووز

Soooo يقول...

appy

ايوه طبعا لازم اكتب حبه بالفسحه وحبه بالعاميه
وبعدين انتي ايش فهمك يابتاعة الخرفان والقلل
ده ادب سووووي جديد

ولا تقلقي .. دراكولا هيظهر قريبا وهيعمل شغل عالي عالي عالي بعون الله

ربنا يسعدك ويبسطك ويكرمك ويوفقك ويرضيكي دنيا وآخره يارب



سلاموووووووووووز

Soooo يقول...

PrInCeSS BeRy

بيري المختفيه
انتي فين يابنتي وفين تعليقاتك .. ياريت يكون المانع خير يارب

والحمدلله ان الحلقه عجبتك ويارب تتابعي باقي المذنكرات ويارب تعجبك

ربنا يسعدك ويبسطك ويكرمك ويوفقك ويرضيكي دنيا وآخره يارب




سلامووووووووووووز

Soooo يقول...

كيكى

يا اهلا بالعووو الكبير قوي

وياستي الف شكر على دعوتك والف شكر على كلامك وتشجيعك واللي والله العظيم عندي احلى من مليون كتاب

ربنا يكرمك ويبسطك ويوفقك ويسعدك ويرضيكي دنيا وآخره يارب




سلامووووووووووز

Soooo يقول...

مواطن مصرى نايم

يا فندم انت تنورني وقت ماتقدر وربنا يكون في عونك يارب

والحمدلله انك رجعت تتابع المذنكرات ويارب تكون عجبتك

وربنا يسعدك ويبسطك ويكرمك ويوفقك ويرضيك دنيا وآخره يارب


ملحوظه
مافيش بيبسي دايت .. اجبلك عصير كنتلوب بالبلح؟؟؟



سلاموووووووووووز

Soooo يقول...

رحــــيـل

طب والله العظيم ليكي وحشه والمدونه كانت مضلمه الفتره اللي انتي ماعلقتيش فيها

انتي فينك يابنتي وفين اراضيكي .. يارب الحياه تكون راقت شويه

وياستي الف شكر على كلامك وعلى ضحكتك وربنا يسعدك ويبسطك ويكرمك ويوفقك ويرضيكي دنيا وآخره يارب



سلامووووووووز

Soooo يقول...

SKOBL- Little Lazy Me

حليب هارتي
طب والله ليك وحشه متوحشه بجد

طمنني عملت ايه في الامتحانات ياعمنا

والحمدلله انك ضحكت وانبسطت وربنا يارب يسعدك ويبسطك ويكرمك ويوفقك ويرضيك دنيا وآخره يارب



سلامووووووووز

Soooo يقول...

انين الحزن


وزه توأمتي العزيزه

اخيرا ظهرتي للحياه تاني
انا خفت احسن تكون الخطوبه هي اللي منعتك .. لكن لما قريت اللي حصل والظروف اللي منعتك قلت الحمدلله انك كويسه وبخير

وياستي اقري المذنكرات براحتك خالص ويارب تعجبك يارب

وربنا يسعدك ويبسطك ويكرمك ويوفقك ويرضيكي دنيا وآخره يارب



سلامووووووووووز

Soooo يقول...

shahy

ماما شاهي منوراني
طب ده احنا النهارده عيد وكتاب الله

وياستي شمهورش ده اتعلم حكمته من الشارع اللي اتربى فيه

ولسه هيقول كلام ياهلوي عليه

تابعونا تجدو مايسركم باذن الله

سلامي لاخواتي الصغنغنين .. وربنا يسعدك ويسعدهم ويوفقكم ويبسطكم ويكرمكم ويرضيكم دنيا وآخره يااااارب




سلامووووووووووز

Soooo يقول...

3ala asm masr

هنووووووووووووده
طب والله فرحان انك علقتي عندي

وياستي هي الدنيا كده .. ساعات بنضحك من وجعنا وخنقتنا بدل مانطق

وعلى رأي عمنا جاهين .. فبدال مانطق يا ولا .. لأ نضحك

وربنا يسعدك ويبسطك ويكرمك ويوفقك ويرضيكي دنيا وآخره يارب




سلامووووووووووز

Soooo يقول...

amal

يافندم ده انا اللي اتشرفت ان كلامي المتواضع عجبك

والف شكر على كلامك الجميل ده وربنا يسعدك ويكرمك ويبسطك ويوفقك ويرضيكي دنيا وآخره يارب



سلامووووووووووز

Soooo يقول...

رئيس جمهوريه نفسى

ابو حففي حليب هارتي منورني هنا
جيمو الافراح يا جدعان

لا تقلق يا ريس .. سوووو مش بيخاف من التوربيني .. لو اسباني او صحافه ماشي
انما توربيني ولا يهمنا


وربنا يسعدك ويبسطك ويكرمك ويوفقك ويرضيك دنيا وآخره يارب



سلاموووووووووز

Soooo يقول...

الشنكوتي الكبير

طب والله العظيم ما لاقي كلام ارد بيه على تعليقك الجميل ده

لا في كلام

ربنا يارب يارب يارب يوفقك ويسعدك ويكرمك ويبسطك ويهيئلك الخير من عنده ويرضيك دنيا وآخره يارب



سلاموووووووووز

Soooo يقول...

رندا

ياخبر يا رندا
انتي اللي بتعتذري
ده انا اللي لازم اعتذرلك واعتذر لكل المدونين اللي بيشجعوني بتعليقاتهم واقولهم اسف اني مش باتابع مواضيعهم وبعلق عليها بشكل متصل في الفتره الاخرانيه دي

ربنا يكرمك ويعمر بيتك ويخليكي ويسعدك ويبسطك ويوفقك ويهيئلك الخير من عنده ويرضيكي دنيا وآخره يارب



سلاموووووووووووز

Soooo يقول...

Rehab Mostafa

ياستي انتي تنوريني في اي وقت وتعلقي تقولي اللي تحبيه

وربنا يارب يريح بالك ويهيئلك الخير من عنده ويسعدك ويوفقك ويكرمك ويرضيكي دنيا وآخره يارب




سلاموووووووووووز

ست البيت يقول...

ايه دا انا نسيت اعلق هنا؟؟
يا دي الكسوف...
أنا مستنية باقي الحلقات ... مش كده ياسووو أفندي ..يعني أحنا حنفضل مستنيين جنابك لحد امتى كده...

غير معرف يقول...

hi there
i have stumbled across a nice blog

ألاميره أوســـــــــــــه



I don't know the writer, but i was concerned when i read her last entry.
i sent a comment
i noticed that she stopped replying completely.
i think things might have went wrong with her operation.
or may be she changed her mind and will write no more...
anyway, i don't know her and i dont' think i will ever meet her but for some reason i just want to know that she is "alright" , i sent her an email but it bounced back to me. account closed.
do you know her..i can see from your comments that you are also concerned.
do you know anybody that knows her..
have a nice day

رصيف نمره خمســــــه يقول...

ازيك ياسووووو

هي دي بلدنا ياصاحبي .. بيخافو على منظرنا بره قدام العالم .. ومن جوه البلد بقينا غابة .. كل واحد كبير بينهش في لحم اللي اضعف منو

على فكرة شمهورش ده كلامه صح وبعدين ايه الواد التخين ده جيبتو منين ههههه

انا هستنى البقيه اوك

سلااااااام

رندا يقول...

سوووووووو انتى فين

وحشنى اوى كلماتك ومدونتك

يارب تكون بخير يارب

مش جيت تعلق عندى لية

يارب تكون بخير

رندا

WhItE HeArT يقول...

حلوة اوي الحلقه دي

هوه انا مش متابع اوي من بداية المسلسل احم قصديم ن بداية الموضوع يعني بس شكلي هروح اجيب الخط من الاول ولا ون الموضوع شكله في اخر

انهيه كويس ياسو

عايزين نهايه فيها خسارة بلاش اللي دايما الحق فيها بينتصر دي

تحياتي

غير معرف يقول...

بجد سعيد ة جدا انى قريت المذكرات دى
وان في شخصية ظريفة زى سوووو بكتابته الجميله وانه رجع تانى وبقى بيكتب
والمذكرات دى بجد رائعه بكل ما فيها من كوميديا ودراما واحداث
وانا قريتهم كلهم مرة واحده واول مرة ها اقوله رأيي المتواضع جدا فيها
واللى يستاهل اكتر من كدا المذاكرات مكتوبه بكل احساس منك يا سوووو بالشارع والناس والحياة اللي حوالينا يعنى
حتى العصابه مش لاقياه تاكل والناس في حاله غريبه والست المخطوفه بتشوف عريس لسونيا ده دليل على احساسك
بس انا خايفة عليك من اللى جاى انت داخل ع التوربينى واطفال الشوارع ولسه ابن سونيا ولا قريبها اللى سوووو اتسببله في صدمه ياترى ايه اخرتها
منتظرة منك في اقرب فرصة باقى المذكرات لانه سعيدة جدا بقرائتها وربنا يوفقك ويكرمك

Soooo يقول...

ست البيت

لا ياشيخه
يعني ماعلقتيش وبتستعجلي عالحلقه الجديده
يالهوي منك انتي يالهوي

وانا اسف ياستي اني اتأخرت .. بس لقيت نفسي مخنوق شويه قمت واخد يعضي وطلعت عالساحل ابلبط شويه في الميه واغير جو

وان شاء الله بمجرد ما اروق هنزل الحلقه الجديده


ما تتاخريش انتي في التعليق بقى
وربنا يسعدك ويكرمك ويبسطك ويوفقك ويرضيكي دنيا وآخره يارب




سلاموووووووووووز

Soooo يقول...

غير معرف

اهلا بيك يافندم واحب اطمنك اني سمعت اخبار ان اوسه كويسه
دعاك انت ليها وهي ان شاء الله هتقوم بالسلامه وهترجع تنور مدونتها وتنور النت كللو

والف شكر على نبل مشاعرك وعلى اهتمامك بيها

وربنا يسعدك ويبسطك ويكرمك ويوفقك ويهيئلك الخير ويرضيك دنيا وآخره




سلامووووووووووز

Soooo يقول...

رصيف نمره خمســــــه

يا ايمي .. شمهورش وغيرو من اطفال الشوارع اتعلمو الفلسفه والحكمه من اللي بيشوفوه كل يوم

وان شاء الله هنزل الحلقه الجديده حالا اهو
والف شكر على اهتمامك ومتابعتك وربنا يسعدك ويبسطك ويكرمك ويوفقك ويرضيكي دنيا وآخره



سلاموووووووووووووز

Soooo يقول...

رندا

طب والله العظيم انتي اللي ليكي وحشه
معلش ياستي كنت مسافر اغير جو يومين تلاته ولسه واصل حالا اهو

وحاضر ياستي انا رايح مدونتك اهو حالا

والف شكر على اهتمامك وسؤالك وتعليقك وربنا يارب يسعدك ويكرمك ويبسطك ويوفقك ويرضيكي دنيا وآخره يارب




سلامووووووووووز

Soooo يقول...

WhItE HeArT

ياسيدي اهلا بيك وابقى اقرا المذنكرات من اولها على اقل من مهلك وخد راحتك خالص
يعني هو انا هاروح فين

وبخصوص نهايتها .. لما هتقراها من الاول هتعرف ايه نهايتها بنفسك
بس اقراها كويس

والف شكر على متابعتك وعلى تعليقك وربنا يسعدك ويكرمك ويبسطك ويوفقك ويرضيك دنيا وآخره



سلامووووووووووز

Soooo يقول...

sooosaia

بجد مش عارف اقولك ايه ولا اشكرك ازاي على كلامك الجميل ده والله

بس كل اللي اقدر اقوله اني ادعي ربنا يسعدك ويكرمك ويبسطك ويوفقك ويرضيكي دنيا وآخره يارب




سلاموووووووووووز

shaimaa samir يقول...

ااقولكحاجة
من غير ضرب
احم
انا باجى المدونة كتيييييييير
وكلما اشوفالحلقات دى
ابدا ااقرا
وبعدين مش بكون فاهمة
هو ايه الموضوع
وبحس انىلازم ااقرا الحلقات كلها
وواقولامتى بقا ادخل ارد على موضوع يكون منفصل
متزعلشى لانى انااللى خسرانة انى مش متابعة من الاول
بس مسيرى باذن الله
هخدهم حلقة حلقة
بعد التخرج ان شاء الله
ههههههههههههه
ولا اعملهم فيلم بقا

دعواتك
وانا ردتلك على طلبك من زمااااااان
بس انت مجتشى يجى من سنين المدونة عندى

غني يابهيه يقول...

ده انت طلعت جامد يا سووووو

طاب مش تقولى ونشتغل مع بعض
انا عموما بكتب دلوقتى الروايه الاولى واسمها بقى السلطه والمال ودى للطبع

والسيناريو مين اللى حدف الطوبه

انا قريت ان انت بتكتب سيناريو كمان

اتمنى اشوفك قريب لانك واحشنى
ويمكن نشتغل مع بعض فى المستقبل


سلام يامان
وتحيات بهيه

3ala asm masr يقول...

أين أنت يا سووووو
روحت فين؟
بقالك فتره مكتبتش حاجه جديده ولا بتيجى تزورنى فى مدونتى ولا بتفتح الايميل
أين أنت ؟

كيكى عوووووو يقول...

عووووووووووووووووووووووووووو
............................
انت مختفى ولا ايييييييييييييية
؟
ربنا يحميك ويخليك ويسعدك على طوللللللللللللللل الخط
عووووووووووووووووووووووووو

Unknown يقول...

بص
بس هو تسجيل دخول
هههههههه
بس والله راجعة ارد عليك قلت اغلس من اولها عليك سورى بقى

nigro يقول...

أنا بقى شمّرت و قلعت النضارة لزوم الخناقة و كنت لسه هأنط في كرشك و اقولك اطلع بالبوستات يا أحمد
اعترف
انهار
انت فيييييييييييييييييين؟
بقى أغيب أغيب و أرجع ألاقي نفس البوست
طيب أنا كان ورايا معجنة اسمها مشروع التخرج
انت بقى كان وراك إيه؟
بس لما عرفت إنك كنت مسافر
لبست النضارة تاني
و نزلت الأكمام
و هديت شوية
واحشني جامد جامد جامد جامد يا سوووو
و ماأخرنيش عن السؤال غير الشديد القوي .. الله لا يرجعه تاني
استطمني عليك يا أحمد


يلا سلام

Unknown يقول...

سوووو
سيناريو جميل ويشد
حلقة حلوة سووو بالتوفيق وان شاء الله
انا متابعة

Asmaa mahaba يقول...

اشتاتا اشتوت....تعرف اما بدخل مدونتك واقرا مبقاش عارفه اضحك ولا اعيط...؟؟؟
بس فى النهايه هو احساس جميل بالبرجله وبيعجبنى عشان انا مجنونه انت شكلك مشغول مبتتخلش كتير زيى؟؟؟ اوعى تكون انت كمان حتدخل الجيش
ياله منتظره الباقى
تحياتى ليك سومه_87

bastokka طهقانة يقول...

ممنون يا تري عرفت تسترد العيلة اللي اتخطفت بالغلط؟
يا ريت تدي سونيا رقم تليفوني علشان تيجي تخطف طهقان بالصح بقى مش بالغلط


اوروفوار

Soooo يقول...

shaimaa samir

ياشيمو يابنت كليتي انا ماقدرش ازعل منك اصلا

وياستي وقت ماتفضي ابقي اقري المذكرات براحتك .. واتمنى من ربنا انها تعجبك وتعمليها فيلم كارتون حلو .. بس انا اللي هعمل الاصوات بتاعة الشخصيات كلها .. اصل انا اشتغلت فتره في الدوبلاج وكنت باعمل اصوات في افلام الكارتون .. بس منها لله السجاير .. هي اللي بهدلت الاحبال الصوتيه وخلتها في الطراوه خالص

واسف جدا على اني ماقريتش ردك على استفساري واني ماجيتش مدونتك من فتره بس ظروف حصلتلي لخبطتني الحقيقه

وعلى فكره .. انا اللي خسران انك مش متابعه مذكراتي .. مش انتي

وربنا يوفقك ويسعدك ويبسطك ويكرمك ويرضيكي دنيا وآخره


سلاموووووووووز

Soooo يقول...

غني يابهيه

درش باشا .. طب والله العظيم ليك وحشه متوحشه
انا كنت في الساحل وكنت عايز اتصل بيك لكن لقيت نمرتك مش معايا واكتشفت اني كنت مسجلها عالموبيل القديم قبل مايروح في الوبا

وياسيدي ربنا يارب يوفقك في الكتاب اللي بتجهزلو والفيلم اللي بتشتغلو
بس خلي بالك .. اضمن حقك الادبي قبل حقك المادي .. على الاقل دلوقتي

وان شاء الله هنشوف بعض قريب جدا جدا .. ولا انت مش ناوي تنزل القاهره قريب ياعمنا؟؟؟

وربنا يوفقك ويكرمك ويسعدك ويرضيك دنيا وآخره




سلاموووووووووز

Soooo يقول...

3ala asm masr

هنوده منوراني بذات نفسها
لا انا مش قد كده

معلش ياستي كنت مختفي يومين تلاته تسعه لظروف خارجه عن ارادتي
واسف اني مقصر في حق مدونتك ومش متابعك .. لكن اوعدك اني هاروح حالا اهو

والف شكر على سؤالك عني .. وربنا يارب يسعدك ويبسطك ويكرمك ويرضيكي دنيا وآخره



سلامووووووووووز

Soooo يقول...

كيكى

والله ماعارف اشكرك ازاي على اهتمامك وسؤالك عني

بجد بجد الف شكر وربنا يارب يسعدك ويبسطك ويكرمك ويوفقك ويرضيكي دنيا وآخره يارب



سلامووووووووووز

Soooo يقول...

نهر الحب

ههههههههههههه

ياستي العبي براحتك واعتبري مدونتي المتواضعه زي مدونتك تمام وتنوريني بتعليقاتك وبآاراءك وقت ماتحبي

وسعيد جدا اني اتعرفت على انسانه محترمه ومثقفه زيك .. واتمنى انكم تنورونا في قاهرة المعز وان شاء الله هنرحب بيكم ولو بمقدار عُشر اللي رحبتو بينا بيه

وربنا يسعدك ويبسطك ويكرمك ويوفقك ويرضيكي دنيا وآخره يارب



سلاموووووووووز

Soooo يقول...

ňįĝŗő

حليب هارتي واللي متربع في البطين الايسر وواخد راحته قوي
والله ليك وحشه يابرنس

واسف ياسيدي على التأخير بس كنت باغير جو يومين تلاته وان شاء الله هعوضهالك ولكل المتابعين المذنكرات وهنزل حلقتين طوال في حلقه واحده

وربنا يوفقك ويبسطك ويسعدك ويكرمك ويرضيك دنيا وآخره يارب



سلاموووووووووز

Soooo يقول...

سومه...مجنونه فى بلد عاقل

ياقهلا ياقهلا بعنبر تسعه واللي جايين منه كلهم
ولا انتي نقلتي من العنبر وبقيتي بتتعالجي في مستشفى مجانيني خاص ولا ايه

وياستي الحكايه ومافيها اني كنت مسافر ولما رجعت لقيت الباور سبلاي بتاع الجهاز بيطلع شرار وهيولع في الدنيا .. عشان كده كنت مختفي شويه

لكن جيش ايه اللي انتي داخلاه؟؟
انتي مش شوفتيه دي في دي زي حالاتي برضك؟؟؟


عموما كفاره وكلها اربع عشر سنين ونشوفك شهيده قد الدنيا

والف شكر على زيارتك وسؤالك عني وربنا يسعدك ويبسطك ويكرمك ويرضيكي دنيا وآخره



سلامووووووووووز

Soooo يقول...

bastokka طهقانة

مييييين؟؟
طهقانه بنفسها منوراني هنا
طب والله المدونه نورت

لأ ومش جايه تعلق وخلاص .. دي جايالي في مصلحه كمان وعايزاني اخطف طهقان بنفسه

بس العمليه دي هتكلفك كتير .. يعني انتي عارفه اننا عصابه قرديحي وطهقان متعود عالزفر والاكل المسبك .. وكمان انا خايف يطهق العصابه ويخلينا نعتزل الاجرام ونتجه للتدريب

لكن برضه مجيتك لحاد هنا دي عندي كبيره وانا مايرضينيش تمشي من غير ما نجبر بخاطرك
واعتبري طهقان في عداد المخطوفين

بس مين اللي هيدينا الفديه ولا انتي عايزانا نخطفه وشكرا على كده؟؟؟؟
---------
الف شكر ياستي على زيارتك وتعليقك وربنا يسعدك ويكرمك ويبسطك ويرضيكي دنيا وآخره

ملحوظه
اسمه ميمووووووون .. مش ممنون .. انتي تقربي لتوفيق بيه؟؟؟؟



سلامووووووووووز

غير معرف يقول...

انا شايفه يا استاذ سوووو

انك من يومين قلت هنزل الحلقه الجايه حالا

هو حالا ده بيقعد كام يوم عشان اكون عارفه

ماتنزل الحلقه بقى لانه اتعودت انى اقرالك

انا شكلى هتخانق زى ماكان نيجرو هيعمل

:)
منتظرة يا سوووو

غير معرف يقول...

يا سوووو يا اخويا يعنى هو انا لازم اتخانق معاك بجد عشان تنزل الحلقه

انا اخدت انى بقرالك بكميه كبيرة يعنى خلصت المدونه كلها اعمل ايه انا يا ربى دلوقتى

ربنا يكرمك يا سوووو منتظرة الحلقة على نار وعلى ما اشرب السحلب بتاعى عارفه تكون الحلقه نزلت

ويجعله عامر بقى

Asmaa mahaba يقول...

كويس يارب يرد حق المظلومين قولى يا سوو انا برضوا ليا علااتى المحترمه ممكن اساعدك لو تحب يعنى اعرف عم عبدو الزبال اللى بيكنس الشارع على فره دا راجل واصل
متستهترش بيه
واعرف كمان الست ام محمد بتاعه الضرا على اول الشرع على ايدك ايمين وانت خارج بقى من المدينه كدا رايح على المتروووو
كمان لو عاوزنى اشهد معاك اقول انك ماكلتش التين من الراجل غير مقبوض الثمن انا اجى انت اخويا يعنى انا متاخرش
اهم شىء اوعى يلبسوك القضيه
لا اا حدخل اجيش مش دى فى دى
اسكت مش الرجاله بقوا يهربوا والليدز العساسيل المرقرقين السكاكير اللى زيى اكيد هم الى حيجندوهم
اه امال ايه دا طاع فى قاون شهر تمنتاشر القادم ان شاء الله فوت قدامى اول ما تقرا تعليقى على مدونتى قولى الف سلامه وكفاره من اللى حصلى
لو مجيتش انا حفجر مدونتك واعتبر واسطه الزبال ملغيه وقد ارنر من افنر وانت حر
والسلام عليكم ورحمه الله وبركاته
كانت معكم الاسطى سومه النقاش